Gene 21
21
arew n isHaq
1yesfekker rebbi sarreh emmax i yenne, yeges elli yuεeδt essis. 2taru sarreh efruwx y ibrahiym unette δewesser, g elweqθ elli yennayes felles rebbi. 3ysemme ibrahiym memmis elli tirwasθ sarreh <isHaq>. 4iĎehherθ uggas eθθamen emmax i syenne rebbi. 5ibrahiym ykan elεemres miyye max i syemmaru isHaq. 6ten sarreh: «yessessiyδ rebbi. elli eyesl eyeS iyδi.» 7terni xlaf: «δ wiyn ykan esyen y ibrahiym elli sarreh δeθessesf idrari? tay iruwγes efruwx max i yuwser.»
egelleb n hajer dismaεiyl
8yekber efruwx efeDment. as n wefĎemes yege ibrahiym elfĎuwr δemeqqar. 9tezr sarreh elli memmis n hajer temiSriθ elli tiruθ y ibrahiym yδeS#21.9 sγer LXX f memmis isHaq, 10ten y ibrahiym: «gelleb texeddamte dmemmis, memmis n texeddamt liwerreθc dmemmi, memmi isHaq.» 11ibrahiym eθyeεjiybc egget edwiye εlexaTer ismaεiyl zade kan δmemmis. 12yennes rebbi: «eθxememec f wefruwx ziyγ f eθxeddemtex, tesleδ edwi n sarreh g elli exetten elkul εlexaTer s isHaq δeδuwlen γerx idrari. 13useg memmis n texeddamt zade δege θemuwreθ εlexaTer Hette nette seg ezzerriεθex.» 14yekker ibrahiym talji bekri yawi eγrum etteyeddit n wamen yezzelten y hajer, yegin f elkeθfes, igellebt netteθ dmemmis, tehmel g eSSeHreθ n biyr sebεe. 15umax i kemlen amen tedje memmis s eddu tezuwre. 16texDem tgeεmez tqabelt, myat mitr εelleqel, εlexaTer tenne g ules: «elHeTrac ejafi n wefruwx.» teqqiym tebδe etεeyyeĎ. 17yesl rebbi efruwx yetεeyyeĎ n wefruwx, inabe elmlax n rebbi hajer seg esme yennes: «mette imiqelleq ehajer? eθukδc εlexaTer rebbi yesle eεeyyeĎ n wefruwx meni iyemmedj. 18berre tessikreδ memmiym, teTfet eSbiyH εlexaTer δeθerre ettemuwreθ temeqqarθ.» 19usiyn ymiyres tiTTewines tezr esuγ n wamen, texDem tεebbe teyeddit tessesw efruwx. 20-21yelhe rebbi esefruwx yekber, yeεmer g eSSeHreθ n faran, yeδwel iged egget eHδaf n ennebleθ. taγes yemmes temeTTuwθ seg miSr.
seyyedne ibrahiym debiymalek g biyr sebεe
22g elweqtdiyn ebiymalek delqayeδ n eljices fiykuwl yuseδ y ibrahiym yennes: «ture rebbi iyδex g elli ettegeδ δiys elkul, 23eθjul s rebbi elli eltγedrec essi ula s idreriyw ula s idrari n idreriyw, welli δeyθegeδ elxiyr y neč dleεbeδiyw elli θeddereδ mabinathum lewse, emmax i giyγ elxiyr δiyx.» 24yen ibrahiym: «eθjulle.» 25usiyn yeεrex ebiymalek f elxaĎer n wanu elli iwyent ixeddamen n ebiymalek. 26yen ebiymalek: «ellessinac δ wiyn iyege wahen, ucex eyθenniyc, wellesliyγ essis kan asse.» 27usiyn yuwce ibrahiym y ebiymalek esεi difunasen egen elmiθaq. 28yefrez ibrahiym sebεe ettifĎiymin weHδesneθ seg esεiys. 29yennes ebiymalek: «δmette iθexseδ eθenneδ essebεeye n tifĎiymin intefrzeδ weHδesneθ?» 30yer felles: «θiyhen sebεe exse entewyeδ ettifĎiymin exenttuwce δeccehδeθ s γeri elli neč eHfere enuwe.» 31usahen elεebδ eysemme emxandiyn #21.31 anu n eθjullibiyr sebεe εlexaTer ibrahiym debiymalek eθjullen diyn lessen. 32ubeεεeδ egiyn elmiθaq g biyr sebεe, yekker ebiymalek dfiykuwl elqayeδ n eljices erjεen y elqeεεeθ n ifilesTiyniyyen. 33yezzu ibrahiym eccejreθ neθθel g biyr sebεe, yeδεu s ellesmes rebbi elli diyme yedder. 34yedder g elqeεεeθ n ifilesTiyniyyen elfetreθ tiTwilt.
ទើបបានជ្រើសរើសហើយ៖
Gene 21: IGSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).