Gene 13
13
efareq n seyyedne ibrahiym dluwT
1yali ebram seg miSr y etwali eSSeHreθ n enneqeb, nette dliweces dluwT delli γers elkul. 2w ykan ebram δemuγni, γers egget esεi delfeTTeθ duwreγ. 3y eqqiym yetHewwel seg wemxan y wemxan eδeyaweδ meni iykan yenSeb exyemes mabiyn biytiyl dεay. 4uyebne elmeδbeH y rebbi. udiyn yeδεu s ellesmes.
5uluwT elli yexDem iyδes ykan γers Hette nette esεi difunasen dixyamen. 6tεebbe elqeεθes essisen jmiyε εlexaTer ykan γersen egget elmelx. 7ikenεaniyyen diferziyyen kanen εemren g elqeεεetdiyn zade emεarxen iniylten n ebram diniylten n luwT. 8yen ebram y luwT: «nečin neqreb ibeεDne mayelzemc eySar elεerx mabinatne ziyγ mabiyn inilteniyw diniltenex. 9elqeεεeθ elkulhe ezzeθex. berre felle emmale. kan δeθexDmeδ y elisar, exemme y elimiyn. ukan δeθexDmeδ y elimiyn, exemme y elisar.» 10max i yqam luwT tiTTewines yezr teHmiylt n esuwf n elurdun δiys egget amen y etwali Suwγer, emtejnint n rebbi, emenniyl n miSr. wahen ykan qebl eyxerreb rebbi seduwm deεmuwreh. 11yexθar luwT teHmiylt n elurdun elkulhe yqebbel y etwali aqqes n tefuwθ. usahen emfarqen f beεDhum. 12yeεmer ebram g elqeεεeθ n kenεan, uluwT g timuwre n teHmiylt iHewwel exyemes y etwali seduwm. 13elweqθes leεbaδ n seduwm kanen uHecen egget γer rebbi y erδayel elli ettegen δiysneθ.
seyyedne ibrahiym g Hebruwn
14rebbi yennayes y ebram beεεeδ i yexDem felles luwT: «qam tiTTewinex, terqbeδ seg emxan elli δiys cex, cemal jenuwb, aqqes dweggaz n tefuwθ. 15elqeεεeθ elli tzerreδ δiys elkul δexettuwce icex didreriyx baqi. 16uδedje idreriyx emelHebbaθ n ecal. wiδekan yelle iyjen iged eyeHseb elHebbaθ n ecal rahu iged eyeHseb idreriyx. 17uwreδ g eTTuwl n elqeεεeθ delεerDes εlexaTer icex δettuwce icex.» 18iHewwel ebram exyemes yenSebθ g teHmiylt n memra g Hebruwn. yebne diyn elmeδbeH y rebbi.
ទើបបានជ្រើសរើសហើយ៖
Gene 13: IGSJ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Chutney Media Agency Ltd for the audio recording and for the text upon which the recording is based. The audio recording and the text are both released under a Creative Commons 4.0 CC BY-NC-ND license (Attribution - No-Commercial - No Derivatives).