Maluko 16
16
Kûshûka kwa Yesû
(Matayo 28.1-8; Luka 24.1-12; Yoano 20.1-10)
1Nghimba gya sigi lya kwêtûsha lya Bayuda,#16.1 sabato Malia Mandalena, Malia nyage wa Shake,#16.1 Yakobo Salome, bolile makita gabusiko bûsoga kûba begunsinge mubêlê gwa Yesû. 2Lukindwe bwee sigi ya djênga, djûba alibambile kuima, bagêle kukilêbû. 3-4Nobo babele balibûsenia: “Nani wêketwiminia lilya bwee likata kumushango gwa kilebû?” Mone lwabalwele, bamwene bwee lyawa kulundumunwa ankondo; nolyo libele likata biiko. 5Lwabatwelile mukilêbû, bamwene nsongwa lûme mwikane mugela gwa kûboko kûlûme, mushale bishandê bimunke nobo batudjukile biiko. 6Mone nsongwa gûdjo wêbalombwele: “Namukatudjuki, mwakumukeba Yesû Munasaleti ûkolekilwe kumutê gwa mpêngampêtya, gee washûka mulolo antû abele mubêkwe ûano. 7#Mt 26.32; Malk 14.28Nfulo mugyate mukebalombole baana babûganga, no Petelo kwana: ‘Walimitangêlêla kûgya Galilaya kûko mwakamumona monka mwelimilombwelele.’”
8Kûwa baimine kûkilêbû, no kûbamba lûbêlo babele mukukwaka no kwêgalagania biiko. No habalombwele muntû mwanda, kibalo batudjukile biiko.
Yesû wa muimina Malia Mandalena
(Matayo 28.9-10; Yoano 20.11-18)
9Yesû lwawêle kûshûka lukindwe kusigi litangi lya djênga, umuimine bêlê Malia Mandalena, kwana uwimibwe minyaga gibê munda gyage. 10Ûbambwêle ndjêla, wêbaele musahû balya babele amo nage Yesû, kyaba kikyo babele ba tompola no kûlêla. 11Mone lwabamutegelele walisamba kwana Yesû wêpo noge umumwene, habamwitabêshe.
Yesû walibaimina baana babûganga babêlê
(Luka 24.13-35)
12Nghimba gya ao, Yesû wêbaimine babêlê mubalya baana babûganga ûmonekile muswelo gûnge kyaba kya babele bagya kwêbala. 13Lwabebwêlêle kwêbahêla musahû balya baange, nobo habebetabêshe.
Yesû walibaimina baana babûganga bage kumi no gûmo
(Matayo 28.16-20; Luka 24.36-49; Yoano 20.19-23; Bilongwa bya Bikûla 1.6-8)
14Nghimba ûbaimine balya kumi no gûmo ababele balya. Wêbakankêle kwakûbûla lwêtabêsho lwabo, no lûma lwa mitêma gyabo kwakûba abebetabêshe balya bamumwene nghimba gya kushûka kwage. 15#Bilb 1.8Kûwa wêbalombwele: “Mugyate mu kandje konse, mukasahûle musahû gûsoga kû bantû bonse. 16Wakwêtabêsha no kûbatisibwa wakahanda. Mone usiketabêsha wakamona bûkalabale. 17Mulole tûbandêlêlo tûno twakalondana no balya beketabêsha: kusina lyane bakaimya minyaga gibe, bekesamba kwalulimi lûya, 18be kakwata ndjoka nontê bo kwêkûbêla bûlembe bobonse bwa kwêyaga, ha bûkemidjembya mbeela; be katenteka maboko gabo kûbatongi, nobo bekaanda.”
Yesû wasela mwigûlû
(Luka 24.50-53; Bilongwa bya Bikûla 1.9-11)
19 #
Bilb 1.9
Kolo Yesû lwabidjile kwêsamba nabo, ûtekwinwe mwigûlû, no kwêkana kûboko kûlûme kwa Kabesha Mpûngû. 20Nobo baana babûganga bagêle mu kûsahûla mpenga gyonse, Kolo wêngêle nabo amo, no kûkonkomeka musahû gwage kû ndjêla gya tûbandêlêlo tûlondene nabo.
ទើបបានជ្រើសរើសហើយ៖
Maluko 16: HBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល