Luka 13
13
Mwalabûke kuima mubûbê bwenyu ao samukye
1Kyaba kyonka kikyo, kûbele bantû bamo bamulombwele Yesû musahû gwa bantû ba Galilaya kwana Pilato wê beyagile, no masi ga bantû wêgasangêlêle no mulambû gwabo gwababele baimia. 2Noge Yesû wêbahendwêle: “Mwaninga kwana ba Galilaya babo bakile luki lwamuswelo gûgo, babele no bûbê kûlêmba ba Galilaya boonse? 3Namilombola sitê, ubisibyo! Mone no benywe ntê amwibesase, musha mutobele nagwe nibo. 4No balya kumi no muganda, bagwêlêlwe no kilêngo kûko Siloamu, mwaninga kwana babele babê kûlêmba bantû bonse bekene mu Yelusalema? 5Nanimilombola, ubisibyo! Mone ntê amwakûkeba kwalabûka kûima mubûbê benywe bonse, shamutobele nagwe nibo bonse.”
Lûkêndê lwa mutê gusi gûwe bihelo
6Kûwa Yesû wêbalombwele lûkêndê lûlû: “Muntû gûmo ûbele no mutê gwakikûdjû gûbele gukunwe mwibala lyamisabibu. Muntû gûdjo ûgêle akebe kûsobola bihelo byage mone hamwene kintû. 7Kûwa umulombwele mwingili wabala wabala gyage lya misabibu: ‘Lola, mukyaba kya miaka gisatû namba nasha kûsobola bihelo bya mutê gûgû gwa kikûdju, nsimumone kyokyonse. Wêgûkale! Mwanda gwakê sagûgêlêlêle kona nsê sile?’ 8Mone gee mwingili wabala umuwêndwêle: ‘Kolo, wêgûleke byonka gûno mwaka, sanigûseleshe musenga no kwêgûbêkêla kikûngya. 9Ntê gokûwa bihelo mwaka gwakûsha, kiyenene! Mone ntê anasho, ûolê kegûkala.’”
Yesû wahandia mwana mukasi wa katumba sigi lya kwêtûsha
10Sisi limo lya kwêtûsha, Yesû ûbele walanga mu nsese gya milombelo gya Bayuda. 11No hao abele mwanamukasi gûmo ûbele mutongi wa miaka kumi no muganda; hûkêlwe no munyaga gûbe gwa katumba, noge habele wanyonghona koloka. 12Yesû lwamumwene, umwitile umulombwele: “Mwana mukasi, ûbe angalê wahandibwa mutongo gobe!” 13Kûwa Yesû umutentekile maboko gage, lûkwe lûmo holokile nsûnga no kûbamba kumutûmbêsha Kabesha Mpûngû.
14 #
Kuim 20.9-10; Ngib 5.13-14 Mone mukûlû wa nsese gya milombelo gya Bayuda usumininwe kibalo Yesû wandishe gûdjo mwana mukasi sigi lya kwêtûsha. Gûlya mukûlû wansese gya milombelo gya Bayuda ûlombwele kilya kibûngo kya bantû: “Kwêmasigi mutanda gayenene bantû kûlonga mingêlo. Mumasigi gago mushe mwahandibwe lilyo, mone ha sigi lya kwêtûsha!”
15Mone Kolo umwêndwêle: “Benywe beno nfika! Nani mubûkata bwenyu usisokoni nghombe gyage ao pûnda gyage kuima mukianfu egiile kwêkûbêla madjê musigi lya kwêtûsha? 16Onka mwana mukasi walûbyalo lwa Bûlaimu, kwana ubikilwe bûlema no lyabola miaka kumi no muganda; hakiswele kûba kisoga kumuhandya sigi lya kwêtûsha?” 17Yesû lwabidjile kwêsamba nansho, baakanani nage bamwene nsoni mone bantû bange bonse bamwene mulogo kibalo kya mianda gyonse gyalongile.
Lûkêndê lwa ndjee gya Kilanga
(Matayo 13.31-32; Maluko 4.30-32)
18Yesû ubulishe: “Bûkolo bwa Kabesha Mpûngû bwêgûlane no kêê? Sanibwêgûshe nokêê? 19Bwênagwe nindjee gya kilanga. Gitwalile muntû gûmo wigikunine mulûbanda lwege gimenine no kûkûla kûba mutê gûkata, no toni twa egûlû tuimpile binswa kûmatabe gage.”
Lûkûnde lwa kidjûsho
(Matayo 13.33)
20Yesû ubulishe byonka: “Ni bwêgûshe Bûkolo bwa Mwigûlû nokêê? 21Ninagwe kidjûsho kitwalile mwana mukasi gûmo no kutubula mubûnga bwêngê bitala bisatu kûwa bûnga bonse bûtantile.”
Mushango gûkeane
(Matayo 7.13-14; 7.21-23)
22Kûwa Yesû ûgêlêlêle kûeta mu bibûndê no tubibûndê mukulanga kyaba kyagêle Yelusalema. 23Muntû gûmo umubulishe: “Mulangi bantû banshompe bekahandibwa?” 24Yesû wêbaêndwêle, “Mwikankamike kûtwela kwa kwêtêla mushango gûke; kibalo nanimilombola bangê bekatompa kûtwela mone habakanyonghoni kûtwela. 25Kyaba kyakûsha, kwana mwine nsese wakemana no kubigala kilêmba; benywe mwakemana andje no kûbamba kûkokola mushango no kwana: ‘Kolo tubigwêle mushango!’ Mone gee wakebaêndûla: ‘Nsimidjê benywe, byonka sindje kwamwaimina!’ 26Kûwa mwikabamba kumulombola: ‘Betwe ûbalya balêle no kwêkûbêla amo nobe; no gwee ûlangile mubibûndê byetu.’ 27#Nghib 6.8Mone gee wakesamba: ‘Nsimidjê benywe byonka nsindje kwamwaimina. Musemuke kûgêbwa gyane, benywe bonse bangêla bibê!’ 28#Mt 22.13; 25.30Hao kwakaba kûlêla no kwêsenkemia meno kyaba kyamulê kamumona Bûlaimu, Isaka, no Yakobo, no bamoni bonse mu Bûkolo bwa Kabesha Mpûngû, mone benywe bene mwatebwa andje! 29Bantû bekasha kuima kumusha djûba no kumugya djûba no kuima kaênda kalûngû kûkasi no kûlûme, nobo bekekana hantû ababêkwêlwe djambûla kukikwe kya Bûkolo bwa Kabesha Mpûngû. 30#Mt 19.30; 20.16; Malk 10.31Lola, balya babele banfulo bekaba batangi, no balya batangi bekaba ba nfulo.”
Bûkampwe bwa Yesû kû Yelusalema
(Matayo 23.37-39)
31Kyaba kyonka kikyo bafalisayo no bantû bange bamuikêle Yesû bamulombwele: “Ima ano ûgye hantû ange, kibalo Helode wakeba kûkwêyaga.”
32Yesû wêbaêndwêle: “Mugye mumulombole gûdjo mubwabwa nansino, ‘Lêno no djo nshankûmbe minyaga no kûandia batongi, no sigi lya bûsatû nika gwanininia mugêlo gwane.’ 33Nonansho, kwa lêno no djo lyage, kiyenene ngêlêlêle no lwendo lwane kibalo hakiyenene mumoni eyagwe andje gya Yelusalema.
34“Yelusalema, Yelusalema! Wakwêbeyaga bamoni no kwêbasa mabwe balya batuminwe kolê. Nkoo giinga nkebile kwêbabûngakania baana bobe amo nogwe ninkoko byele kûbûngakania mausi gege munse gya byûbê byage, mone ûkampilwe! 35#Nghib 118.26; Yelem 22.5Lola nsese gyobe gyasigwa nghee kintû. Nankûlombola haûmoni byonka kuikêla kyaba kyolê kesamba: ‘Esêlwe malyese gûdjo wakûsha musina lya Kolo.’”
ទើបបានជ្រើសរើសហើយ៖
Luka 13: HBT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
