TAKADA 7
7
Beta Ni Isitipanu A geba Salaki
1Se tolense Pirisi minya Isitipanu nkye, mbode su pala mu e ma gaskye la?>>
2Isitipanu keleba nkye: <<Yayuwa na nja nsu adaa na, ku zi ni! Mirikisi nsu girima pelesa kiya yi te nja nsu adaatolo mu Abireyi kwanki de e ma a kesa Mesopotamiya, kapi de e zunwa Haran. 3<Mirikisi gye Abireyi nkye bila kesa aku nja ntani ake,> <De ki te a kesa de Na nana ke nshi.>
4<<Se e bila kesa ni Kalidiyawa, e te zunwa kesa ni Haran. Beyi muntu ni adaa yi, Mirikisi keyi ta kesa de kuma zunwa kuzukam. 5Mirikisi ba Abireyi gado kesa ni ba, ko tapi seni daa su beyi ba, Sede Mirikisi yii anikowori nkye yaa sa kesa ni ema na yi nja juriya yi. Kode Abireyi mani yaa woba. 6Mirikisi pala gye Abireyi nkye: <Juriya ake sua ma bakwe a kesa de maana su ba, sua ma bunwa nja sua Genbeki soseyi ari shekera deri wuru. 7Mirikisi nkye, Sede Na poro kesa de su bowuta su mu, <Beyi yomu juriya ake sua butu bila kesa ni de su bowuta ni a siki anya mu.> 8Se Mirikisi ba Abireyi anikowori ni yanka de ma alama ni seda. E shiya sa de Abireyi yapu Ishaku e yi yanka nana ni takusi de yapu yi; Ishaku yanka yaa yi Yakubu, Yakubu yapu nsu adaatolo amu gom sha bi.
9<<Yaya Yakubu su yi beki siki ni yayiwa su Yusupu su la yi see kankye bunwa a kesa Masa. Sede Mirikisi ma nja shi 10e butu yi bila Genbeki yi guru. Mirikisi ba Yusupu simi beta, nja peri zini a geba ni seleki Masa Pirowuna, se seleki sa Yusupu ma gwamna a kesa Masa nja guru gizi yi.
11<<Se totolo nyunwa yuru a guru kesa ni Masa nja Kana, nja Genbeki soseyi. Nsu adaatolo mu su mani mbosi ba. 12De Yakubu zi nkye mbosi ma kesa masa, e saka yaya yi, de su ma adaatolo mu, ta masa tepiya asu ni pari. 13A tepiya asu ni bi Yusupu gye yayuwa yi waa ma e shi, se Pirowuna shina gizi de Yusupu butu ashi. 14Se Yusupu beyi manki anya adaa yi Yakubu nja guru ntani gizi asu, guru asu su ma sebeyii ni biyari de su zo a Masa. 15Se Yakubu ta Masa, anya de e shi nja adaatolo mu su muntu. 16Su kuma ni nki asu zo a Shekem anya de su bishina su a kumsha de Abireyi see anya yaya ni Hamo a siki Shekem ni gyolo.
17<<Sede kwanki yi de Mirikisi yaa so de sika anikowori de e yi nja Abireyi, ntani amu su ja yowa a kesa ni Masa. 18Se su sa seleki daa a masa, de shina mbodaa a kiya Yusupu ba. 19Seleki ni ba nsu adaatolo amu Genbeki soseyi, e sa su dole de su la yaya dende asu kutiri de su muntu. 20A Kwanki ni na su yapu Musa, e ma yaa kyakyawu na. Su goyi Wonta wuku a gizi adaa yi. 21De su la yi kutiri, yaa Pirowuna la yi goyi kankye yaa yi. 22Su kokoyi Musa guru simi ntani Masa e ma nsu girima na anya beta nja ANKI yi.
23<<De Musa yi shekera aribeni, e yi tunani de e te geni yayuwa yi Izireyila. 24De e geni daa a siki su nseminji Masa yaa dukwa daa su, Musa te de e sua yayiwa yi nto nja de lama mbode nseminji Masa yaa yi nja de e kisa yi. 25Musa sa dishiya nkye yayuwa yi sua gane nkye Mirikisi yaa yi anpani nshi de sila nsu bila kesa bowuta, sede su shina ba. 26De geri shekeri Musa geni yayuwa yi Izireyila bi su ma yi topula, e bila de e sa selema sakani su. <Ku zi menza,> <Kuma yayuwa la; <Mina sa de kwa yi topula nja nkiya ku?>
27Sede nseminji de ma dukwa yayiwa yi ni kiri Musa ta keteri nkye, <Waa sakye de ki ma kamkiya nja nsu shiriya amu? 28Ko ka bila de ki kisa ni yiride ki kisa nseminji Masa daa jiya na?> 29De Musa zi yomu, e yi gudu ta kesa Midiya, anya de e zunwa bakwe ari e yapu yaya menza bi.
30<<A beyi de shekera aribeni bise, meleku Mirikisi pelesa te nja Musa arishiya wuta a siki denka kusa ni totolo ogbo ni Sina. 31De Musa geni mbo mu e yi mamanki nja mbode geni, De e ja mala de kone. Se e zi murinya Mirikisi nkye: 32<E ni na ni ma Mirikisi ni adaatolo ku, Mirikisi ni Abireyi, Ishaku, nja Yakubu.> Anya ni nki Musa kakada e yi dishiya de e kone kuma gagaba.
33Se Mirikisi gye yi nkye, <Butu takalami ake, anya de ki sakisi e ma kisi nsuseki la. 34Ni geni Genbeki ni ntani na a kesa Masa. Ni zi kuka asu, ni zo de ni sila nsu. Kuzukam zo; Na saka ke ta Masa.>
35<<Musa de ku ki yi ku nkye, <Waa sakye ma kamkiya nja nsu shiriya amu?> E shiya Mirikisi sa yi de ma kamkiya nja nsu sila ku te anya meleku Mirikisi pelesa anya Musa a siki denka de ma ka nwuta. 36E butu su a siki kesa Masa, e yi mbo mamanki nja alama a masa nja a totolo riki zaa ari shekera aribeni a denka.
37<<Musa mu e shina gye Izireyila nkye, <Mirikisi yaa saka anebi a siki ntani aku yaama kankye e ni.> 38Musa e shiya tala ntani Izireyila a siki denka; e ma anya ni nja nsu adaatolo mu nja meleku Mirikisi de mu de yi beta a kiya ogbo ni Sina, na e keleba beta leyi anya Mirikisi ba mu.
39Sede nsu adaatolo amu su ki beyi girima; Su ki zi beta yi nja dishiya su bila de su kuman beyi ta kesa Masa. 40Su gye Aruna nkye, <Yi mu boka de yaa la geba de mu biya yi. Mu shina mbode paru ni Musa mu, de butu mu a kesa Masa ba.> 41Kwanki ni na su yi boka kankye yaa saa, su ba boka mu sedeka su yi peri siki ni mbode su yi nnani asu. 42Sede Mirikisi juyi su beyi e la su ba bowuta ni nana, wonta nja kem de su ma bisi, yiride e ma rubuta a siki takada nsu anebi nkye:
<<<Ntani Izireyila! E ni na ku keyi daba
de ku yanka ku munka sedeka ba
ari shekera aribeni de ku yi a siki denka.
43Ku la rugwa boka ni Molek kuma yi kukyani nshi,
nja kem ni boka aku ni Repan,
boka de ku yi de ku bowuta su.
Nkayomu Na sa ku de ku ta a kesa bowuta de bise Babila.>
44<<Nsu adaatolo amu su yi rugwa sheeda de ema anya zunwa Mirikisi a siki denka. Su yi yiride Mirikisi sa Musa de yi, kyakya yiride e geni. 45Rugwa mu na nsu adaatolo amu keleba anya nsu adaa su, su keyi zo a kesa mu a kwanki Yoshuwa de su keleba kesa mu a nani ntani de Mirikisi kula su a ndani asu. Rugwa ni ma a kesa Izireyila ari kwanki ni Dowuda. 46Dowuda samu peri zini a geba Mirikisi, Dowuda minya de e gina anya zunwa Mirikisi ni Yakubu. 47Sede Sulemanu e shina gina gizi ni Mirikisi.
48<<Sede Mirikisi ma zunwa a gizi de nsebeki gina ba; yiride anebi yi beta nkye,
49Nzi Obagizi, <Bisi ma kingbolo solota naa na,
kisi ma anya sa tapi seni naa na.
Woni yiri gizi na kwa gina ni nshi?
Ko angana ma anya pushe na?
50Nani na e shina gina guru mbo mu bo?>
51<<Isitipanu pala nkye oku ntani nsu lesa zi, nsu tori dishiya nja nsu kuni keshi! Ku ma kankye nsu adaatolo aku na: ku ki mbode Aworo nsuseki ma pala gye ku kowoni kwanki! 52A siki nsu anebi worede ma de nsu adaatolo aku sa su Genbeki bo? Su kisa nsu anebi de su yi beta a kiya ni zo ni nse gangasi mu. Oku kuma puari a beyi, ku kisa yi. 53Oku na ku keleba kokoyi anya nsu Meleku, sede ku ki de ku biya doka ni!>>
Su ripi Isitipanu Dunsi
54De Salaki Yawudawa zi mbo mu, su yi anwashi soseyi nja suku akuri ni anwashi. 55Sede Isitipanu, de sika ni Aworo nsuseki, e nya ndani ma kone bisi se e geni dereja Mirikisi nja Yesu sakisi a nani dama ni Mirikisi. 56Se Isitipanu nkye, <<Kone!>> <<Ni ma geni bisi bure nja Yaa nsebeki sakisi a nani dama ni Mirikisi.>>
57De su zi yomu su yi kuruwa nsori su ripe kuni ni nani asu. Se guru asu su dege seberi te nyunwa yi, 58su butu yi beyi totolo geri, su sigeba ni ribi yi ndunsi. Sobon yomu nsu sheeda la riga asu tube nya geba ni yaaminji de sua sukwa yi Shawulu.
59De su ma sigeba ni ripi yi ndunsi Isitipanu yi lepa nkye, <<Obagizi Yesu, keleba leyi na!>> 60Se Isitipanu dunkye nguyam dege murinya nsori nkye, <<Obagizi! kede ki turunwa lepi mu a kiya su!>> De e pala yomu se e muntu.
ទើបបានជ្រើសរើសហើយ៖
TAKADA 7: Gaa
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
The Word for the World International and The Word for the World Nigeria
