Yohana 21
21
Yeisu n abmyawna ɓəwowoi nyai
1N dəye avnu Yeisu wa kpeya da əwo amwutuyi, n ma n Gəlili Shikwo. Kwo ɓə zhni nlai nu: 2Sima Byitusu, Toma (n a je wo yi nge Didimwus nyi), Nataninya n wo gbmi n Kana n Gəlili nyi, Zebədi anugwnu jesnu n amwutuyi ajei ngwnu-aba n ɓa ɓə kwnusnu n ajei nyi. 3Sima Byitusu wa gna ɓa, “Mi lo abmyawna nu,” ɓa gna cè, “Yi ɓa kwnulo n hoi.” Ntulonu ɓa kwnuya lo ɓa lofyi n əya nuwnanya, ama dna n sukwo yi, to ɓa wna nyaho m.
4N labmilabmii, Yeisu waa gnyi n dnagbe, ama amwutuyi to ɓə kpəge Yeisu nu m.
5Wa yì ɓa, “Anugwnudo, fye too wna əbmya ho m?”
Ɓa dnaɓəgbe, “Aawo.”
6Wa gna, “Fye she əsa fyi n əya nuwnanya ɓwaizhe ɓwa, fye ɓa wna adəho,” Shi ɓa ɓə she əsa fyi, to ɓa myi n ɓa gnyi əsa m, ntuge abmya ɓə fyi n mwa bəgyé.
7Nlonu mwutuyi n Yeisu ye wo nyi, wa gna Byitusu, “Dagayi nu gnyi!” Shi Sima Byitusu ɓə shni wowo woi gna, “Dagayi nu gnyi” wa pa əwo əje əkpma nya shegwnu əwohni (ntuge wo ɓəə la kwo kpmaya) jesnu wa gyeagna dna n nuwna. 8Amwutuyi aje ɓa vyi lo n əyai, ɓai gnyì əsa n nunui n abmyai, ntuge ɓa to ɓə mwakpa n ədnagbei m, ngye amyita tagyi nu ɓəi. 9Əsa n ɓa ɓə si əkpma, ɓa gye anakna əná əwye n zhi n abaayi, n əbmyai tu n kwo, ɓədo n biledii.
10Yeisu wa gna ɓa, “Fye ɓe n abmya hoi n fye ye ɓwa wna nyi.” 11Nlonu Sima Byitusu wa jezelo dna n əya jesnu wa kwnu əsa ya kpe n əkpma. Kwo ɓə nunui n abmyai n mwa bəgyé, 153, ama, kwo n əɓa bəgyéi, to əsa kwa gbeya m. 12Yeisu wa gna ɓa, “Fye ɓe ya gyi labminyagyi.” To mwutuyi dəhodəhoi wa myi wa nya wo əɓo, “Ho zhni nyika na a?” Ɓa ɓə kwu kpe nge Dagayi nu gnyi. 13Yeisu wa ɓe, wa la biledi wa ga ɓa kwo jesnu wa ga ɓa abmya. 14Əɓwa taayi nu nyi n Yeisu ɓə kpeya da əwo amwutuyi shi a ɓə la wo kala n əfyi.
Yeisu je Byitusu zhnidna n amwutuyi
15She ɓa ɓə kwu pwo nyagyi gyi ɓo, Yeisu wa gna Byitusu, Sima Yohana nugwnu, “Ho ye mi lo n du anya ye?” Wa gna, “Əə, Dagayi ho kpəlo nge mi ye ho lo.” Yeisu wa gna, “Kpa əmi akwugyasnáyi.”
16Njesnu Yeisu wa gna, “Sima Yohana nugwnu, ho ye mi lo?” Wa dnaɓəgbe, “Əə, Dagayi, ho kpəlo nge mi ye ho lo.”
Yeisu wa gna wo, “Kna əmi aknyi.”
17Əɓwa taayi wa gna wo, “Sima Yohana nugwnu, ho ye mi lo?”
Kwaa Byitusu knyibwugba ntuge Yeisu ɓə nya wo əɓo əɓwa taayi nu, “Ho ye mi lo?” Wa gna, “Dagayi, ho kpe aɓo əye lo vnyanya; ho kpəlo nge mi ye ho lo.”
Yeisu wa gna wo, “Ga əmi aknyi nyagyi. 18Ɓəhnihni nu n mi gna ho, əsa n ho ɓə ye zhni ɓyikasa, ho ɓə zhni hoi kpe aje n əhohnii, ha lo aba n ho ncei pma; ama əsa n ho ɓə la kwo, ho ɓə ta əho əɓwa ya, əzaho nu ɓə kpe ho aje, jesnu woi lo n hoi n aba n ho to ɓə ncei pma ha lo m.” 19Yeisu ɓə da ɓəye kwa wu əfyi pya nu n kwo ɓə wna Byitusu, kwoi ɓe Shekwoyi n latui. Nlonu wa gna wo, “Vyi mi!”
20Byitusu wa pmyi wa gye mwutuyi n Yeisu ɓə ye wo nyi, woi vyi ɓa. (Əza ye nu ɓə zhni woi myima n Yeisu agwu n wyeshenyagyi əsai nyi, jesnu wa gna, “Dagayi, nyika nu ye wa kwnu ho a?”) 21She Byitusu ɓə gye wo əwye, wa nyaɓo, “Dagayi, əwo ce ma?”
22Yeisu wa dnaɓəgbe, “Ngye mi ncei pmalo waa gnyi n wyewyeyii nya əmi jezeɓe əsa, kwo zhni knyiyi nu n əho aba a? Ɓəshishi nu ha vyi mi.” 23Ntu ɓəye ɓo, gwnunugwnunu kwaa gna lapwi fyi n avyiyi atasni, nge mwutuyi ye to ɓə fyí m. Ama Yeisu to ɓə da nge wo to ɓə fyí m; wo ɓə ɓwa da nu, “Ngye mi ncei pmalo waa gnyi n wyewyeyii nya əmi jezeɓe əsa, kwo zhni knyiyi nu n əho aba a?”
24Mwutuyi yi nu nyi, n wo gbmi əɓo tu n aɓo ye nyi, jesnu əwo nu n kwu ɓa kakpe. Yi kpəlo nge əwo ɓəgbmi zhni ɓəhnihni nu.
25Yeisu ɓə kwu aɓoaje bəgyé zhni ce. A ɓə gna a kwu ɓəhoɓəhoi nu kazhi, mi zhninubwo lo nge, kwo anyì vnyanya taa ɓwa nyakwnu n a ɓa ya apafyi ye fyi m.
ទើបបានជ្រើសរើសហើយ៖
Yohana 21: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Yohana 21
21
Yeisu n abmyawna ɓəwowoi nyai
1N dəye avnu Yeisu wa kpeya da əwo amwutuyi, n ma n Gəlili Shikwo. Kwo ɓə zhni nlai nu: 2Sima Byitusu, Toma (n a je wo yi nge Didimwus nyi), Nataninya n wo gbmi n Kana n Gəlili nyi, Zebədi anugwnu jesnu n amwutuyi ajei ngwnu-aba n ɓa ɓə kwnusnu n ajei nyi. 3Sima Byitusu wa gna ɓa, “Mi lo abmyawna nu,” ɓa gna cè, “Yi ɓa kwnulo n hoi.” Ntulonu ɓa kwnuya lo ɓa lofyi n əya nuwnanya, ama dna n sukwo yi, to ɓa wna nyaho m.
4N labmilabmii, Yeisu waa gnyi n dnagbe, ama amwutuyi to ɓə kpəge Yeisu nu m.
5Wa yì ɓa, “Anugwnudo, fye too wna əbmya ho m?”
Ɓa dnaɓəgbe, “Aawo.”
6Wa gna, “Fye she əsa fyi n əya nuwnanya ɓwaizhe ɓwa, fye ɓa wna adəho,” Shi ɓa ɓə she əsa fyi, to ɓa myi n ɓa gnyi əsa m, ntuge abmya ɓə fyi n mwa bəgyé.
7Nlonu mwutuyi n Yeisu ye wo nyi, wa gna Byitusu, “Dagayi nu gnyi!” Shi Sima Byitusu ɓə shni wowo woi gna, “Dagayi nu gnyi” wa pa əwo əje əkpma nya shegwnu əwohni (ntuge wo ɓəə la kwo kpmaya) jesnu wa gyeagna dna n nuwna. 8Amwutuyi aje ɓa vyi lo n əyai, ɓai gnyì əsa n nunui n abmyai, ntuge ɓa to ɓə mwakpa n ədnagbei m, ngye amyita tagyi nu ɓəi. 9Əsa n ɓa ɓə si əkpma, ɓa gye anakna əná əwye n zhi n abaayi, n əbmyai tu n kwo, ɓədo n biledii.
10Yeisu wa gna ɓa, “Fye ɓe n abmya hoi n fye ye ɓwa wna nyi.” 11Nlonu Sima Byitusu wa jezelo dna n əya jesnu wa kwnu əsa ya kpe n əkpma. Kwo ɓə nunui n abmyai n mwa bəgyé, 153, ama, kwo n əɓa bəgyéi, to əsa kwa gbeya m. 12Yeisu wa gna ɓa, “Fye ɓe ya gyi labminyagyi.” To mwutuyi dəhodəhoi wa myi wa nya wo əɓo, “Ho zhni nyika na a?” Ɓa ɓə kwu kpe nge Dagayi nu gnyi. 13Yeisu wa ɓe, wa la biledi wa ga ɓa kwo jesnu wa ga ɓa abmya. 14Əɓwa taayi nu nyi n Yeisu ɓə kpeya da əwo amwutuyi shi a ɓə la wo kala n əfyi.
Yeisu je Byitusu zhnidna n amwutuyi
15She ɓa ɓə kwu pwo nyagyi gyi ɓo, Yeisu wa gna Byitusu, Sima Yohana nugwnu, “Ho ye mi lo n du anya ye?” Wa gna, “Əə, Dagayi ho kpəlo nge mi ye ho lo.” Yeisu wa gna, “Kpa əmi akwugyasnáyi.”
16Njesnu Yeisu wa gna, “Sima Yohana nugwnu, ho ye mi lo?” Wa dnaɓəgbe, “Əə, Dagayi, ho kpəlo nge mi ye ho lo.”
Yeisu wa gna wo, “Kna əmi aknyi.”
17Əɓwa taayi wa gna wo, “Sima Yohana nugwnu, ho ye mi lo?”
Kwaa Byitusu knyibwugba ntuge Yeisu ɓə nya wo əɓo əɓwa taayi nu, “Ho ye mi lo?” Wa gna, “Dagayi, ho kpe aɓo əye lo vnyanya; ho kpəlo nge mi ye ho lo.”
Yeisu wa gna wo, “Ga əmi aknyi nyagyi. 18Ɓəhnihni nu n mi gna ho, əsa n ho ɓə ye zhni ɓyikasa, ho ɓə zhni hoi kpe aje n əhohnii, ha lo aba n ho ncei pma; ama əsa n ho ɓə la kwo, ho ɓə ta əho əɓwa ya, əzaho nu ɓə kpe ho aje, jesnu woi lo n hoi n aba n ho to ɓə ncei pma ha lo m.” 19Yeisu ɓə da ɓəye kwa wu əfyi pya nu n kwo ɓə wna Byitusu, kwoi ɓe Shekwoyi n latui. Nlonu wa gna wo, “Vyi mi!”
20Byitusu wa pmyi wa gye mwutuyi n Yeisu ɓə ye wo nyi, woi vyi ɓa. (Əza ye nu ɓə zhni woi myima n Yeisu agwu n wyeshenyagyi əsai nyi, jesnu wa gna, “Dagayi, nyika nu ye wa kwnu ho a?”) 21She Byitusu ɓə gye wo əwye, wa nyaɓo, “Dagayi, əwo ce ma?”
22Yeisu wa dnaɓəgbe, “Ngye mi ncei pmalo waa gnyi n wyewyeyii nya əmi jezeɓe əsa, kwo zhni knyiyi nu n əho aba a? Ɓəshishi nu ha vyi mi.” 23Ntu ɓəye ɓo, gwnunugwnunu kwaa gna lapwi fyi n avyiyi atasni, nge mwutuyi ye to ɓə fyí m. Ama Yeisu to ɓə da nge wo to ɓə fyí m; wo ɓə ɓwa da nu, “Ngye mi ncei pmalo waa gnyi n wyewyeyii nya əmi jezeɓe əsa, kwo zhni knyiyi nu n əho aba a?”
24Mwutuyi yi nu nyi, n wo gbmi əɓo tu n aɓo ye nyi, jesnu əwo nu n kwu ɓa kakpe. Yi kpəlo nge əwo ɓəgbmi zhni ɓəhnihni nu.
25Yeisu ɓə kwu aɓoaje bəgyé zhni ce. A ɓə gna a kwu ɓəhoɓəhoi nu kazhi, mi zhninubwo lo nge, kwo anyì vnyanya taa ɓwa nyakwnu n a ɓa ya apafyi ye fyi m.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.