Yohana 11
11
Liyazuru əfyi
1Əzaho ɓə nyi ai yi wo ge Liyazuru, nyasna kwa sna wo. Wo ɓə gbmi n Byetani nu, Mariyamwu əzhi n əwo zadoi Mata. 2(Mariyamwu ye, n əwo mapwi Liyazuru ɓə shi n nyasnai nyi, əwo nu ɓə zè əmisnidaí kpe Dagayi jesnu wa wnu əwo apita ya n əwo tukwoyii.) 3Ntulonu əwo amapwi ɓa tnu tnutnu ga Yeisu, “Dagayi əza n ho ye wo nyi, nyasna sna wo lo.”
4Shi wo ɓə wo nlonu, Yeisu wa gna, “Nyasna ye to zhni əfyi nya nu m. Aawo, kwo shi ntu n Shekwoyi latu ɓo nu, nabai n Shekwoyi Nugwnu ɓa ɓwa latu tu n əkwo ɓo.” 5Yeisu ɓə ye n Matai n əwo zadoi Liyazuru. 6Ntulonu shi wo ɓə wo nge nyasna sna Liyazuru lo, wa kwu anyipyei ɓwaɓe ngwnu-aba dna n aba n wo ɓəə dna nyi, 7nlonu wa gna əwo amwutuyi, “Fye ɓe ya jezelo Yahudiya.”
8Ɓa gna, “Ama Rabyi əsa too mwa n Ayahudiyi ɓə ye ɓa knyi ho akwuta n abaayi m, ho nyi ye ha dudu ha jezelo ń ɓo?”
9Yeisu wa dnaɓəgbe, “Asnukna too lo awoceaba nu n nyipyei bwuznagna nya m? Zahozahoyi n wo znazna dna n nyipyei bwuznagna wo taa cebwonyi m, ntuge wo ɓa gyewyeba n anyì ye bwuznagnai. 10Əsa nu n əzaa znazna dna n sukwo ń wo cebwonyi, ntuge wo to n bwuznagnai lo m.”
11Shi wo ɓə kwu əɓo ye da, wa gwodu wa gna ɓa, “Əyi nugwnudo Liyazuru wo la wnagye; ama mi ɓa lo abaayi mii zhni wa kwnúagyewyi.”
12Əwo amwutuyi ɓa dnaɓəgbe, “Dagayi, ngye wo wnagye nu, a gye wo ɓə laka n kágna nu.” 13Yeisu ɓə da Liyazuru əfyi nu ɓo, ama əwo amwutuyi ɓə gye ngye gyewna gəm nya nu.
14Ntucenu wa gna ɓa n səsəiya, “Liyazuru wo la fyí, 15jesnu ntu n fye əɓo mi n agbmadai lo, ntuge mi to ɓə gnyi n abaayi m, nabai n fye ɓa kwu gaiciyaga. Ama fye ɓe ya lo əwo aba.”
16Nlonu Toma (ń a je wo yi nge Didimwus nyi) wa gnà amwutuyi aje, “Fye ɓe ya lo ce, nabai yi kwnu fyí n woi.”
Yeisu zhni Liyazuru amapwi atna
17Shi wo ɓə si abaayi, Yeisu wa gye a ɓəə la Liyazuru lu byidna n vnyigwo anyipyei ngwnu-anyi. 18Nsayii Byetani ɓə ɓwasnu ngye amyalu ngwnu-aba nu n taya gnyi n Urishelimai, 19jesnu Ayahudiyi bəgyé ɓəə kwu ɓe da Mata n Mariyamwui nabai ɓa zhni ɓa atna, əɓa mapwi əfyi nya. 20Əsa n Mata ɓə wo nge Yeisu ɓe lo, wa gbmiya lo wo shegwnu wo, ama Mariyamwu waa dna n apyi.
21Mata wa gna Yeisu, “Dagayi, ho ɓə gna ho gnyi n ya, əmi mapwi to ɓə ɓa fyí m. 22Ama mi kpəlo nge, kwo nsaiye Shekwoyi ɓa ga ho nyahonyahoi n ha nyaɓo.”
23Yeisu wa gna wo, “Əho mapwi ɓa je kala la.”
24Mata wa gna wo, “Mi kpəlo nge wo ɓə laka dna ń əfyikalakwu, n nyipyei kpmaknaii.”
25Yeisu wa gna wo, “Əmi nu zhni əfyikalakwu n wyewyeyii. Əza ń wa ga mi gaiciya, wo ɓa ɓwa wyewyeyi, kwo n wa fyí nu; 26jesnu əzadəhodəhoyi n wa gyianyì woi ga gaiciya dna n mi, wo to ɓə fyí m, nanyinanyi. Ho la gaiciyaga dəye?”
27Wa dnaɓəgbe, “Əə, Dagayi, mi la gaiciyaga nge əho nu zhni Kirisiti, Shekwoyi Nugwnu, n wo ɓa ɓe anyì nyi.”
28Shi wo ɓəə kwu ɓəda ye da, wa jezelo wa yì əwo mado Mariyamwu gnyi n gnagna. Wa gna, “Nyawuyi la ɓe, jesnu wo nya ho əɓo lo.” 29She Mariyamwu ɓə wo lonu, wa laka n pye wa lo da wo. 30Nsayii Yeisu to ɓəə lo ɓe əzhi m, ama wo ɓə ye gnyi ń aba nu n Mata ɓə shegwnu wo nyi. 31She Ayahudiyi n ɓa ɓə fyi n Mariyamwu pwuwa ɓai zhni wo atna nyi, ɓə gye shi wo ɓə laka n pyepyei wa gbmiya, ɓa vyi wo; ɓa ɓə gye ngye wo lo vnyigwo nu wo zhni bwugbazhii n ɓo.
32She Mariyamwu ɓə si aba n Yeisu ɓə gnyi nyi, wa gye wo, wa yashi n əwo apitaba wa gna, “Dagayi, ho ɓə gna ho gnyi n ya, əmi mapwi to ɓəə ɓa fyí m.”
33Shi Yeisu ɓə gye woi ciɓwi, ɓədo n Ayahudiyii n ɓa ɓə kwnu ɓe n woi ɓai ciɓwi ce, əwo zafnu kwaa woshna dəidəi jesnu bwugba kwaa wo wnu. 34Wa nyaɓo, “Fye woi byi shi n nanu a?” Ɓa dnaɓəgbe, “Ɓe ha gye, Dagayi.”
35Yeisu wa ciɓwi.
36Nlonu Ayahudiyi ɓa gna, “Gyewye, shi wo ɓə ye wo nsnu!”
37Ama azaho ɓa gna, “Əwo n wo ɓə la wyebwayi kpeawyeya nyi, wo to ɓə ɓa myi wa kpma əza ye əfyi m?”
Yeisu lá Liyazuru kala n əfyi
38Yeisu n bwugba shnawo yaakwoi, wa ɓe vnyigwo. Kwo ɓə zhni əbmi nu n kwutai fa n əkwo əgbe.
39Wa gna, “Fye kpe kwuta ya,” Mata, zafyi mapwi, wa gna, “Ama, Dagayi, nsaiye a ɓa gye kwo la ceasni, ntuge wo kwu anyipyei ɓwa ngwnu-anyi nu dna n ɓo.”
40Nlonu Yeisu wa gna, “Mi to kwu gna ho nge n ha ga gaiciya, ho ɓa gye latu Shekwoyi nya m?”
41Ntulonu ɓa kpe kwuta ya. Yeisu wa kpé awye wu əshe wa gna, “Dada, mi sa ho ami lo nge ho la tnubwakna mi. 42Mi kpəlo nge ho wo mi lo ciici, ama mi da dəye ntu n aza apma ɓo nu, n ɓa gnyiagnyi zhi n ya nyi, nabai ɓa ga gaiciya nge əho nu ɓə tnu n mii.”
43Shi wo ɓə kwu dəye da, Yeisu wa yì n bəgyei latu, “Liyazuru, gbmiɓe!” 44Zafyi wa gbmiɓe, əwo aɓwa n apitai n papai n əfyi ajei, ɓədo n jebwoi wna n əwo awyeba.
Yeisu wa gna ɓa, “Fye kpma wo vnyigwo aje ya, fya fa wo wa lo.”
Kwúlupa a wu Yeisu
45Ntucenu Ayahudiyi bəgyé n ɓa ɓə lo Mariyamwu gnaɓyi nyi, ɓa kwu gye əɓo n Yeisu ɓə zhni, ɓa kwu gaiciyaga n wo. 46Ama azaho n ɓa, ɓa lo da Afarisiyi ɓa gna ɓa əɓo n Yeisu ɓə kwu zhni. 47Nlonu apirisiti atukwoda n Afarisiyii ɓaa Sahindiri yezhi.
Ɓa nyaɓo, “Yi la knyi abyegyii nu ɓwa a? Gye shi əza ye gnyi woi zhni aznù n mwa bəgyé. 48N ya fa waa gwodu nlai, zahozahoyi ɓaa gaiciyaga wo, nlonu Aromayi ɓə ɓe ɓai gwo əyi Dagayipwuwa ɓədo n əyi əknyii.”
49Nlonu znaknayi n ɓa ai yi wo nge Kayafas, n əwo nu ɓə zhni pirisiti dnagbmai dna n əyeí nyi, wa daɓo, “Fye ta kpe ɓəho ye lo, kwo fyewyi m! 50Fye ta kpəlo nge kwo fyei gnabmya lo zaknayi wa fyi ntu n aza ɓo, a fa ədo n əbyé vnyanya kwo ɓa ɓwu nyi m?”
51Wo to ɓə da ɓəyé n əwohni ayei nu m, ama ngye Pirisiti dnagbmai əyeí nya, wo ɓə da sheɓəgwogna nu nge Yeisu ɓə fyí ntu n Ayahudiyi əbyé ɓo, 52jesnu toge n ɓwasnu ntu ń əknyi yi ɓo nu m, ama ntu n Shekwoyi aɓyi ɓo ń ɓa gnamyi fyi laɓa nyi, nge a ɓa ye ɓa zhi jesnu ɓa kwu zè gbmanyi. 53Ntulonu ənya n kwo laka n əwyi yi kwoi lo n abyei, ɓa pakwúlu nabai ɓa wu wo.
54Ntucenu to Yeisu wa shna zna laɓa pəipəi dna ń Yahudiya aza atasni m. Nkwoɓwi waa gbmi wa lo əknyi n kwo wo vyivyiwyi n zhabwii, wa lo əzhi n a yi kwo ge Ifraimwu nyi, aba n wo ɓə dna ɓədo n əwo amwutuyii.
55She Ayahudiyi Gnanaznu awyefna sa ɓə la wo vyivyiwyi, bəgyé kwa gwnulo Urishelima ɓai kwnu ń azhigba ntu n pmyapmya ɓo, to Gnanaznu awyefna əsa kwoi si m. 56Ɓa kwu zhi ɓai zna Yeisu shni, shi ɓa ɓə gnyiagnyi fyi n Dagayipwuwa ɓa nya aje, “Fye zhninubwo lo n wunanu a? Wo ta ɓe awyefnaba ye lo nu m, kpeekpe?” 57Ama apirisiti atukwoda n Afarisiyii ɓa ga ɓəgbetu nge zahozahoyi n wo kpe aba əye lo n Yeisu dna, wa da nabai ɓəə wna wo.
ទើបបានជ្រើសរើសហើយ៖
Yohana 11: OGNB
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.
Yohana 11
11
Liyazuru əfyi
1Əzaho ɓə nyi ai yi wo ge Liyazuru, nyasna kwa sna wo. Wo ɓə gbmi n Byetani nu, Mariyamwu əzhi n əwo zadoi Mata. 2(Mariyamwu ye, n əwo mapwi Liyazuru ɓə shi n nyasnai nyi, əwo nu ɓə zè əmisnidaí kpe Dagayi jesnu wa wnu əwo apita ya n əwo tukwoyii.) 3Ntulonu əwo amapwi ɓa tnu tnutnu ga Yeisu, “Dagayi əza n ho ye wo nyi, nyasna sna wo lo.”
4Shi wo ɓə wo nlonu, Yeisu wa gna, “Nyasna ye to zhni əfyi nya nu m. Aawo, kwo shi ntu n Shekwoyi latu ɓo nu, nabai n Shekwoyi Nugwnu ɓa ɓwa latu tu n əkwo ɓo.” 5Yeisu ɓə ye n Matai n əwo zadoi Liyazuru. 6Ntulonu shi wo ɓə wo nge nyasna sna Liyazuru lo, wa kwu anyipyei ɓwaɓe ngwnu-aba dna n aba n wo ɓəə dna nyi, 7nlonu wa gna əwo amwutuyi, “Fye ɓe ya jezelo Yahudiya.”
8Ɓa gna, “Ama Rabyi əsa too mwa n Ayahudiyi ɓə ye ɓa knyi ho akwuta n abaayi m, ho nyi ye ha dudu ha jezelo ń ɓo?”
9Yeisu wa dnaɓəgbe, “Asnukna too lo awoceaba nu n nyipyei bwuznagna nya m? Zahozahoyi n wo znazna dna n nyipyei bwuznagna wo taa cebwonyi m, ntuge wo ɓa gyewyeba n anyì ye bwuznagnai. 10Əsa nu n əzaa znazna dna n sukwo ń wo cebwonyi, ntuge wo to n bwuznagnai lo m.”
11Shi wo ɓə kwu əɓo ye da, wa gwodu wa gna ɓa, “Əyi nugwnudo Liyazuru wo la wnagye; ama mi ɓa lo abaayi mii zhni wa kwnúagyewyi.”
12Əwo amwutuyi ɓa dnaɓəgbe, “Dagayi, ngye wo wnagye nu, a gye wo ɓə laka n kágna nu.” 13Yeisu ɓə da Liyazuru əfyi nu ɓo, ama əwo amwutuyi ɓə gye ngye gyewna gəm nya nu.
14Ntucenu wa gna ɓa n səsəiya, “Liyazuru wo la fyí, 15jesnu ntu n fye əɓo mi n agbmadai lo, ntuge mi to ɓə gnyi n abaayi m, nabai n fye ɓa kwu gaiciyaga. Ama fye ɓe ya lo əwo aba.”
16Nlonu Toma (ń a je wo yi nge Didimwus nyi) wa gnà amwutuyi aje, “Fye ɓe ya lo ce, nabai yi kwnu fyí n woi.”
Yeisu zhni Liyazuru amapwi atna
17Shi wo ɓə si abaayi, Yeisu wa gye a ɓəə la Liyazuru lu byidna n vnyigwo anyipyei ngwnu-anyi. 18Nsayii Byetani ɓə ɓwasnu ngye amyalu ngwnu-aba nu n taya gnyi n Urishelimai, 19jesnu Ayahudiyi bəgyé ɓəə kwu ɓe da Mata n Mariyamwui nabai ɓa zhni ɓa atna, əɓa mapwi əfyi nya. 20Əsa n Mata ɓə wo nge Yeisu ɓe lo, wa gbmiya lo wo shegwnu wo, ama Mariyamwu waa dna n apyi.
21Mata wa gna Yeisu, “Dagayi, ho ɓə gna ho gnyi n ya, əmi mapwi to ɓə ɓa fyí m. 22Ama mi kpəlo nge, kwo nsaiye Shekwoyi ɓa ga ho nyahonyahoi n ha nyaɓo.”
23Yeisu wa gna wo, “Əho mapwi ɓa je kala la.”
24Mata wa gna wo, “Mi kpəlo nge wo ɓə laka dna ń əfyikalakwu, n nyipyei kpmaknaii.”
25Yeisu wa gna wo, “Əmi nu zhni əfyikalakwu n wyewyeyii. Əza ń wa ga mi gaiciya, wo ɓa ɓwa wyewyeyi, kwo n wa fyí nu; 26jesnu əzadəhodəhoyi n wa gyianyì woi ga gaiciya dna n mi, wo to ɓə fyí m, nanyinanyi. Ho la gaiciyaga dəye?”
27Wa dnaɓəgbe, “Əə, Dagayi, mi la gaiciyaga nge əho nu zhni Kirisiti, Shekwoyi Nugwnu, n wo ɓa ɓe anyì nyi.”
28Shi wo ɓəə kwu ɓəda ye da, wa jezelo wa yì əwo mado Mariyamwu gnyi n gnagna. Wa gna, “Nyawuyi la ɓe, jesnu wo nya ho əɓo lo.” 29She Mariyamwu ɓə wo lonu, wa laka n pye wa lo da wo. 30Nsayii Yeisu to ɓəə lo ɓe əzhi m, ama wo ɓə ye gnyi ń aba nu n Mata ɓə shegwnu wo nyi. 31She Ayahudiyi n ɓa ɓə fyi n Mariyamwu pwuwa ɓai zhni wo atna nyi, ɓə gye shi wo ɓə laka n pyepyei wa gbmiya, ɓa vyi wo; ɓa ɓə gye ngye wo lo vnyigwo nu wo zhni bwugbazhii n ɓo.
32She Mariyamwu ɓə si aba n Yeisu ɓə gnyi nyi, wa gye wo, wa yashi n əwo apitaba wa gna, “Dagayi, ho ɓə gna ho gnyi n ya, əmi mapwi to ɓəə ɓa fyí m.”
33Shi Yeisu ɓə gye woi ciɓwi, ɓədo n Ayahudiyii n ɓa ɓə kwnu ɓe n woi ɓai ciɓwi ce, əwo zafnu kwaa woshna dəidəi jesnu bwugba kwaa wo wnu. 34Wa nyaɓo, “Fye woi byi shi n nanu a?” Ɓa dnaɓəgbe, “Ɓe ha gye, Dagayi.”
35Yeisu wa ciɓwi.
36Nlonu Ayahudiyi ɓa gna, “Gyewye, shi wo ɓə ye wo nsnu!”
37Ama azaho ɓa gna, “Əwo n wo ɓə la wyebwayi kpeawyeya nyi, wo to ɓə ɓa myi wa kpma əza ye əfyi m?”
Yeisu lá Liyazuru kala n əfyi
38Yeisu n bwugba shnawo yaakwoi, wa ɓe vnyigwo. Kwo ɓə zhni əbmi nu n kwutai fa n əkwo əgbe.
39Wa gna, “Fye kpe kwuta ya,” Mata, zafyi mapwi, wa gna, “Ama, Dagayi, nsaiye a ɓa gye kwo la ceasni, ntuge wo kwu anyipyei ɓwa ngwnu-anyi nu dna n ɓo.”
40Nlonu Yeisu wa gna, “Mi to kwu gna ho nge n ha ga gaiciya, ho ɓa gye latu Shekwoyi nya m?”
41Ntulonu ɓa kpe kwuta ya. Yeisu wa kpé awye wu əshe wa gna, “Dada, mi sa ho ami lo nge ho la tnubwakna mi. 42Mi kpəlo nge ho wo mi lo ciici, ama mi da dəye ntu n aza apma ɓo nu, n ɓa gnyiagnyi zhi n ya nyi, nabai ɓa ga gaiciya nge əho nu ɓə tnu n mii.”
43Shi wo ɓə kwu dəye da, Yeisu wa yì n bəgyei latu, “Liyazuru, gbmiɓe!” 44Zafyi wa gbmiɓe, əwo aɓwa n apitai n papai n əfyi ajei, ɓədo n jebwoi wna n əwo awyeba.
Yeisu wa gna ɓa, “Fye kpma wo vnyigwo aje ya, fya fa wo wa lo.”
Kwúlupa a wu Yeisu
45Ntucenu Ayahudiyi bəgyé n ɓa ɓə lo Mariyamwu gnaɓyi nyi, ɓa kwu gye əɓo n Yeisu ɓə zhni, ɓa kwu gaiciyaga n wo. 46Ama azaho n ɓa, ɓa lo da Afarisiyi ɓa gna ɓa əɓo n Yeisu ɓə kwu zhni. 47Nlonu apirisiti atukwoda n Afarisiyii ɓaa Sahindiri yezhi.
Ɓa nyaɓo, “Yi la knyi abyegyii nu ɓwa a? Gye shi əza ye gnyi woi zhni aznù n mwa bəgyé. 48N ya fa waa gwodu nlai, zahozahoyi ɓaa gaiciyaga wo, nlonu Aromayi ɓə ɓe ɓai gwo əyi Dagayipwuwa ɓədo n əyi əknyii.”
49Nlonu znaknayi n ɓa ai yi wo nge Kayafas, n əwo nu ɓə zhni pirisiti dnagbmai dna n əyeí nyi, wa daɓo, “Fye ta kpe ɓəho ye lo, kwo fyewyi m! 50Fye ta kpəlo nge kwo fyei gnabmya lo zaknayi wa fyi ntu n aza ɓo, a fa ədo n əbyé vnyanya kwo ɓa ɓwu nyi m?”
51Wo to ɓə da ɓəyé n əwohni ayei nu m, ama ngye Pirisiti dnagbmai əyeí nya, wo ɓə da sheɓəgwogna nu nge Yeisu ɓə fyí ntu n Ayahudiyi əbyé ɓo, 52jesnu toge n ɓwasnu ntu ń əknyi yi ɓo nu m, ama ntu n Shekwoyi aɓyi ɓo ń ɓa gnamyi fyi laɓa nyi, nge a ɓa ye ɓa zhi jesnu ɓa kwu zè gbmanyi. 53Ntulonu ənya n kwo laka n əwyi yi kwoi lo n abyei, ɓa pakwúlu nabai ɓa wu wo.
54Ntucenu to Yeisu wa shna zna laɓa pəipəi dna ń Yahudiya aza atasni m. Nkwoɓwi waa gbmi wa lo əknyi n kwo wo vyivyiwyi n zhabwii, wa lo əzhi n a yi kwo ge Ifraimwu nyi, aba n wo ɓə dna ɓədo n əwo amwutuyii.
55She Ayahudiyi Gnanaznu awyefna sa ɓə la wo vyivyiwyi, bəgyé kwa gwnulo Urishelima ɓai kwnu ń azhigba ntu n pmyapmya ɓo, to Gnanaznu awyefna əsa kwoi si m. 56Ɓa kwu zhi ɓai zna Yeisu shni, shi ɓa ɓə gnyiagnyi fyi n Dagayipwuwa ɓa nya aje, “Fye zhninubwo lo n wunanu a? Wo ta ɓe awyefnaba ye lo nu m, kpeekpe?” 57Ama apirisiti atukwoda n Afarisiyii ɓa ga ɓəgbetu nge zahozahoyi n wo kpe aba əye lo n Yeisu dna, wa da nabai ɓəə wna wo.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Biblica® Open Gbagyi Nyizeyenya Baibwulu: Shekwoyi Ɓədagbma™, Ɓəgbeshì Woiwoyi
© 1997, 2025 Biblica, Inc.
Biblica® Open Gbagyi Contemporary Bible™, New Testament
Copyright © 1997, 2025 by Biblica, Inc.
“Biblica” ɓədo n Biblica əznù zhazhai, ɓa zhni aɓwaze aznù nu n a cei kafyilo n United States Patent and Trademark Office (Amerika əznù aɓwaze nya ɓədo n nyazhnizhni ofyisii) n Biblica, Inc. ncei yafyi. Apmazhni n gbegai nu.
“Biblica” is a trademark registered in the United States Patent and Trademark Office by Biblica, Inc. Used with permission.
See promoVersionInfo in metadata.xml for Creative Commons license.