Balomɛ́ŋ 8
8
Na nusɔ́da na Gileénde
1Dabdab gɔg, ta nusésényi nudibánd gá bandɔ abánya na Yésuse Klístus. 2Gá giagiá, bilɔŋ ibíábá bíólonin uguá gileénde igíhuáníná nusɔ́da uguá Yésuse Klístus, gíéndúgún uguá bilɔŋ ibíábá bíólonin uguá gilɔga na nigué. 3Búnyɛ buand ubuɔ́ gigodi gídiábá giá gual gá gueleé bugué buá nuɔ́l nuá mɔndɔ búmólónyé bugaga buég. Uhaluá umáal buɔ́ gá busió buá gilɔga, uwadɔ́m muɔ́n weg mbánan na nuɔ́l unúnya mpónyé na nuɔ́l nuá gilɔga. Umesesídíe gilɔga uguá nuɔ́l nuá mɔndɔ. 4Gá gueleé bugindényé ubuɔ́ gigodi gíámbanɔ́ áneé búbíhónye uguásɔ, didiánduguanda uguá bugué buá mɔndɔ, gɔgaá diáguanda uguá Gileénde. 5Uguá guendenye guá nuɔ́l, guédíendenye gá guɛ́d ɔmbɔ́g huá bugué buá nuɔ́l, gɔgaá uguá guendenye guá Gileénde diáguídan ɔmbɔ́g huá muand muá Gileénde. 6Bugué buá nuɔ́l buá guídan ɔmbɔ́g huá nigué, gɔgaá Gileénde giídan ɔmbɔ́g huá nusɔ́da na bumbénu. 7Gá giagiá, Bandɔ abáganaá ɔdɛ́m huɔ́b uguá melélíe má nuɔ́l bédiébísusenye agá busió buá Uhaluá, bédiégimbe gigodi giá Uhaluá. Bádibá bá gual buɔ́ búmbúm. 8Ámabá uguísi guá bugué buá nuɔ́l, ɔdiɔ́bɔ́dɔn Uhaluá. 9Henyé gɔg áneé nudibá uguísi guá bugué buá mmegu, gɔgaá núnyɛ uguísi guá bugué buá Gileénde, gá giagiá Gileénde giáguɔ́ gíágíga uguánɔ, mmába nudigódi Gileénde giá Klístus nudiɔ́guɔ́bɔnɛn neéneg. 10Mmába Klístus unyɛ uguánɔ, búnyɛ meliŋ áneé nuɔ́l nuánɔ núnyɛ unusílígánɔ gá nigué gá busió buá gilɔga, gɔgaá Gileénde gínyɛ nusɔ́da nuánɔ gá busió buá gindényé. 11Mmába Gileénde igímehémíe Yésuse uguá bunyɛ nnyɔlɛ gínyɛ uguánɔ, úmeéhémíe gɔg Yésuse Klístus uguá bunyɛ nnyɔlɛ wenéeŋin súsɔ́n duɔ́l duánɔ udúénéguénu nusɔ́da uguég guá Gileénde giáguɔ́. 12Beliméen, anagányɛ gɔg digódi ofín, húdibá gɔg gásɔ gá nuɔ́l gá gueleé disɔ́dɔn hana nuɔ́l nuɔ́yɔnɔ́. 13Gá giagiá mmába núɔ́sɔ́dɔn uguá melélíe má bugué buá nuɔ́l nuenégué, gɔgaá, mmába uguá Gileénde, núɔ́guɔ́na melélíe má bugué má nuɔ́l, nuɔnɔ́sɔ́dɔn. 14Ɛɛ́ɛ, bandɔ abábínihínanaá áneé Gileénde giá Uhaluá gíéndenye bɔ́, bányɛ baán bá Uhaluá. 15Numasádáŋáab Gileénde igínúéyenyeé biɔ́lɛ, gíond gínúhuán bugádɔ, gɔgaá Gileénde igínuéyenyeé baán bá uhan bá Uhaluá, uguá giɛ́ díbídáyanaá áneé Ába! Anagányɛ gúnya áneé Baba! 16Gileénde igigányɛ mbánan gíɔ́guɔyɔn giásɔ gileénde áneé: Dinyɛ baán bá Uhaluá. 17Dinyɛ baán, begíndigínd súsɔ́n, begíndigínd bá Uhaluá, begíndigínd ɔlɔŋ na Klístus, hana diɔ́bígɔnaá ɔlɔŋ neéneg, dianábia súsɔ́n ndáŋa uguég guá nigúmi.
Nigúmi iníólóneé
18Yeégedenye gɔg áneé meyú má ginɛŋ igiɛ, módigódi nugedínyi na nigúmi niá Klístus iníénébídíyenu uguásɔ. 19Gá giagiá, muand gidigid umuɔ́ Uhaluá úmabɔnd múágígan gidíyé giá baán bá uhan bá Uhaluá gúlgúl. 20Bámasílɛ́ɛg muand gidigid umuɔ́ Uhaluá úmabɔnd gá buŋaŋa buá gudɔɔ́, búmasábá uguɔ́b guá guɔyɛd, búmabá gɔg uguá ihiligine hiá úmaásílɛ́ɛg muɔ́, gɔgaá, nubídágídɛ́n núnyɛ hɔ́. 21Gá giagiá, númuanyɛ súsɔ́n bénédúgún nuɔ́ gá buɔ́lɛ buá guísi uguyíganɔ́, gá dáŋáab súsɔ́n ibembi na nigúmi niá baán bá Uhaluá. 22Ɛɛ́ɛ, diálinsan áneé muand gidigid umuɔ́ Uhaluá úmabɔnd, múmanyɛ gá bínúmúsenye dabdab na gusugɛn guá nubíén. 23Búdibá pɛ́ŋ muand gidigid umuɔ́ Uhaluá úmabɔnd múmúgíganaá gidúgúne, basuá súsɔ́n digódionu gidóŋínye giá busió giá Gileénde, diébínúmúsenye ugúnó uguá gígan uguɔ́ dígíganaá áneé diáyɛ baán bá uhan uguá gidúgúne giá nuɔ́l nuásɔ. 24Uguá nubídágídɛ́n gɔg dimabiá gisódie, henyé ubuɔ́ diánanaá búdibánd nubídágídɛ́n, ubuɔ́ mɔndɔ wánanaá naánanyá únya andá wabídága buɔ́? 25Gɔgaá, gubídága guá ubuɔ́ dídianan búnyɛ gugígan na nsuálál. 26Muɛ́d, Gileénde gíédígígenin ɔmbɔ́g uguásɔ guá bugué, gá giagiá didiálinsan gubísógólónye hana búnigimanaá, Gileénde gɔg gimuányɛ mbánan gíóbísógólónye gásɔ gá busió na bínúmúsenye biá kanda guɔyida. 27Guond mɔndɔ uwaánanaá idɛ́m, weényi nugedie nuá Gileénde, búnyɛ uguá guɔyɛd guá Uhaluá Gileénde gíbísógólónyeé gá badányɛdányɛ. 28Diálinsan áneé buá gidigid búáguanda gá beseé waá obógódionu ginɔ́nɛ́n na Uhaluá, abánya ɔbɔdɔ́ŋínɔ́n uguég guá guɔyɛd uguɔ́ úmɔyɛ́d nsuá. 29Ɔbɔɔ́ úmebué gueyid, uwal áneé bábá hómohómue mpónyé na muɔ́n weg, gá gueleé ubá wa busió wa bíbíén uguá giod giá beliméen, 30ɔbɔɔ́ úmebué gueyid, uwɔdɔ́ŋɛ́ɛn bɔ́ súsɔ́n, ɔbɔɔ́ úmɔ́dɔ́ŋɛ́ɛn, uweéye bɔ́ bandɔ bá gindényé, ɔbɔɔ́ úmeéyé gindényé uwegúmígie bɔ́ súsɔ́n.
Gilɛ́l giá ginɔ́nɛ́n giá Uhaluá
31Giagɛ igiɛ́ dínya andá dia guɔyɛd gɔg? Mmába Uhaluá unyɛ naánasɔ, ányá unyaá wa díbɛn? 32Úmuanyɛ úmaádigágá mbanda yeg ya muɔ́n, gɔgaá uwasílɛ́ɛg yɔ́ gásɔ gidigid, naánanyá gɔg udianádihuánɔ́ buá gidigid uguá Muɔ́n waáguɔ́? 33Ányá uwenéfudienú bá bémeyíde bá Uhaluá? Mbuen Uhaluá úweéyenyeé bandɔ gindényé. 34Ányá unyaá wa diág uguá nusésényi? Mbuen Yésuse Klístus umegué? Andá uwahám uguá gibɛ́l, unyɛ dugumine ɔmbɔ́g uhunɛ́m huá Uhaluá, woóbísógólónye gásɔ gá busió. 35Ányá unyaá wa dídándɔ́n na ginɔ́nɛ́n giá Klístus? Meyú a? Nusésényi a? Nugényigényi a? Nsan a? Nnúh gudɔ́ɔ a? Guyɔ́gɛn a? Nnyémél a? 36Haná búnya ubúɔ́ŋɔ́n áneé: «Gáhɔ gá busió mɔɔ́sɛ mem dinyɛ abasílígán gá nigué, dinyɛ haná baán bá bidúmbúa ɔbɔɔ́ bídanaá gá súmba.» 37Gɔgaá uguá muand umugányɛ gidigid, diágáyínan muɔ́ hómohómue uguá umɔɔ́díɔ́yá. 38Ɛɛ́ɛ, yaáminá mɔgɔdɛ áneé ta nigué, ta nusɔ́da, ta bilúna, ta ifuŋ, ta biaŋana, ta muand muá hínen, ta omúólóneé, ta maŋaŋa, 39ta bugaga buá ndógódódié, ta buá súlúum, ta giaŋana gímodi, ta buand búmodi búdianádidádɔ́n na ginɔ́nɛ́n giá Uhaluá igiɛ́ úmedíye uguá Yésuse Klístus Ɔgúná wasɔ.
ទើបបានជ្រើសរើសហើយ៖
Balomɛ́ŋ 8: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 8
8
Na nusɔ́da na Gileénde
1Dabdab gɔg, ta nusésényi nudibánd gá bandɔ abánya na Yésuse Klístus. 2Gá giagiá, bilɔŋ ibíábá bíólonin uguá gileénde igíhuáníná nusɔ́da uguá Yésuse Klístus, gíéndúgún uguá bilɔŋ ibíábá bíólonin uguá gilɔga na nigué. 3Búnyɛ buand ubuɔ́ gigodi gídiábá giá gual gá gueleé bugué buá nuɔ́l nuá mɔndɔ búmólónyé bugaga buég. Uhaluá umáal buɔ́ gá busió buá gilɔga, uwadɔ́m muɔ́n weg mbánan na nuɔ́l unúnya mpónyé na nuɔ́l nuá gilɔga. Umesesídíe gilɔga uguá nuɔ́l nuá mɔndɔ. 4Gá gueleé bugindényé ubuɔ́ gigodi gíámbanɔ́ áneé búbíhónye uguásɔ, didiánduguanda uguá bugué buá mɔndɔ, gɔgaá diáguanda uguá Gileénde. 5Uguá guendenye guá nuɔ́l, guédíendenye gá guɛ́d ɔmbɔ́g huá bugué buá nuɔ́l, gɔgaá uguá guendenye guá Gileénde diáguídan ɔmbɔ́g huá muand muá Gileénde. 6Bugué buá nuɔ́l buá guídan ɔmbɔ́g huá nigué, gɔgaá Gileénde giídan ɔmbɔ́g huá nusɔ́da na bumbénu. 7Gá giagiá, Bandɔ abáganaá ɔdɛ́m huɔ́b uguá melélíe má nuɔ́l bédiébísusenye agá busió buá Uhaluá, bédiégimbe gigodi giá Uhaluá. Bádibá bá gual buɔ́ búmbúm. 8Ámabá uguísi guá bugué buá nuɔ́l, ɔdiɔ́bɔ́dɔn Uhaluá. 9Henyé gɔg áneé nudibá uguísi guá bugué buá mmegu, gɔgaá núnyɛ uguísi guá bugué buá Gileénde, gá giagiá Gileénde giáguɔ́ gíágíga uguánɔ, mmába nudigódi Gileénde giá Klístus nudiɔ́guɔ́bɔnɛn neéneg. 10Mmába Klístus unyɛ uguánɔ, búnyɛ meliŋ áneé nuɔ́l nuánɔ núnyɛ unusílígánɔ gá nigué gá busió buá gilɔga, gɔgaá Gileénde gínyɛ nusɔ́da nuánɔ gá busió buá gindényé. 11Mmába Gileénde igímehémíe Yésuse uguá bunyɛ nnyɔlɛ gínyɛ uguánɔ, úmeéhémíe gɔg Yésuse Klístus uguá bunyɛ nnyɔlɛ wenéeŋin súsɔ́n duɔ́l duánɔ udúénéguénu nusɔ́da uguég guá Gileénde giáguɔ́. 12Beliméen, anagányɛ gɔg digódi ofín, húdibá gɔg gásɔ gá nuɔ́l gá gueleé disɔ́dɔn hana nuɔ́l nuɔ́yɔnɔ́. 13Gá giagiá mmába núɔ́sɔ́dɔn uguá melélíe má bugué buá nuɔ́l nuenégué, gɔgaá, mmába uguá Gileénde, núɔ́guɔ́na melélíe má bugué má nuɔ́l, nuɔnɔ́sɔ́dɔn. 14Ɛɛ́ɛ, bandɔ abábínihínanaá áneé Gileénde giá Uhaluá gíéndenye bɔ́, bányɛ baán bá Uhaluá. 15Numasádáŋáab Gileénde igínúéyenyeé biɔ́lɛ, gíond gínúhuán bugádɔ, gɔgaá Gileénde igínuéyenyeé baán bá uhan bá Uhaluá, uguá giɛ́ díbídáyanaá áneé Ába! Anagányɛ gúnya áneé Baba! 16Gileénde igigányɛ mbánan gíɔ́guɔyɔn giásɔ gileénde áneé: Dinyɛ baán bá Uhaluá. 17Dinyɛ baán, begíndigínd súsɔ́n, begíndigínd bá Uhaluá, begíndigínd ɔlɔŋ na Klístus, hana diɔ́bígɔnaá ɔlɔŋ neéneg, dianábia súsɔ́n ndáŋa uguég guá nigúmi.
Nigúmi iníólóneé
18Yeégedenye gɔg áneé meyú má ginɛŋ igiɛ, módigódi nugedínyi na nigúmi niá Klístus iníénébídíyenu uguásɔ. 19Gá giagiá, muand gidigid umuɔ́ Uhaluá úmabɔnd múágígan gidíyé giá baán bá uhan bá Uhaluá gúlgúl. 20Bámasílɛ́ɛg muand gidigid umuɔ́ Uhaluá úmabɔnd gá buŋaŋa buá gudɔɔ́, búmasábá uguɔ́b guá guɔyɛd, búmabá gɔg uguá ihiligine hiá úmaásílɛ́ɛg muɔ́, gɔgaá, nubídágídɛ́n núnyɛ hɔ́. 21Gá giagiá, númuanyɛ súsɔ́n bénédúgún nuɔ́ gá buɔ́lɛ buá guísi uguyíganɔ́, gá dáŋáab súsɔ́n ibembi na nigúmi niá baán bá Uhaluá. 22Ɛɛ́ɛ, diálinsan áneé muand gidigid umuɔ́ Uhaluá úmabɔnd, múmanyɛ gá bínúmúsenye dabdab na gusugɛn guá nubíén. 23Búdibá pɛ́ŋ muand gidigid umuɔ́ Uhaluá úmabɔnd múmúgíganaá gidúgúne, basuá súsɔ́n digódionu gidóŋínye giá busió giá Gileénde, diébínúmúsenye ugúnó uguá gígan uguɔ́ dígíganaá áneé diáyɛ baán bá uhan uguá gidúgúne giá nuɔ́l nuásɔ. 24Uguá nubídágídɛ́n gɔg dimabiá gisódie, henyé ubuɔ́ diánanaá búdibánd nubídágídɛ́n, ubuɔ́ mɔndɔ wánanaá naánanyá únya andá wabídága buɔ́? 25Gɔgaá, gubídága guá ubuɔ́ dídianan búnyɛ gugígan na nsuálál. 26Muɛ́d, Gileénde gíédígígenin ɔmbɔ́g uguásɔ guá bugué, gá giagiá didiálinsan gubísógólónye hana búnigimanaá, Gileénde gɔg gimuányɛ mbánan gíóbísógólónye gásɔ gá busió na bínúmúsenye biá kanda guɔyida. 27Guond mɔndɔ uwaánanaá idɛ́m, weényi nugedie nuá Gileénde, búnyɛ uguá guɔyɛd guá Uhaluá Gileénde gíbísógólónyeé gá badányɛdányɛ. 28Diálinsan áneé buá gidigid búáguanda gá beseé waá obógódionu ginɔ́nɛ́n na Uhaluá, abánya ɔbɔdɔ́ŋínɔ́n uguég guá guɔyɛd uguɔ́ úmɔyɛ́d nsuá. 29Ɔbɔɔ́ úmebué gueyid, uwal áneé bábá hómohómue mpónyé na muɔ́n weg, gá gueleé ubá wa busió wa bíbíén uguá giod giá beliméen, 30ɔbɔɔ́ úmebué gueyid, uwɔdɔ́ŋɛ́ɛn bɔ́ súsɔ́n, ɔbɔɔ́ úmɔ́dɔ́ŋɛ́ɛn, uweéye bɔ́ bandɔ bá gindényé, ɔbɔɔ́ úmeéyé gindényé uwegúmígie bɔ́ súsɔ́n.
Gilɛ́l giá ginɔ́nɛ́n giá Uhaluá
31Giagɛ igiɛ́ dínya andá dia guɔyɛd gɔg? Mmába Uhaluá unyɛ naánasɔ, ányá unyaá wa díbɛn? 32Úmuanyɛ úmaádigágá mbanda yeg ya muɔ́n, gɔgaá uwasílɛ́ɛg yɔ́ gásɔ gidigid, naánanyá gɔg udianádihuánɔ́ buá gidigid uguá Muɔ́n waáguɔ́? 33Ányá uwenéfudienú bá bémeyíde bá Uhaluá? Mbuen Uhaluá úweéyenyeé bandɔ gindényé. 34Ányá unyaá wa diág uguá nusésényi? Mbuen Yésuse Klístus umegué? Andá uwahám uguá gibɛ́l, unyɛ dugumine ɔmbɔ́g uhunɛ́m huá Uhaluá, woóbísógólónye gásɔ gá busió. 35Ányá unyaá wa dídándɔ́n na ginɔ́nɛ́n giá Klístus? Meyú a? Nusésényi a? Nugényigényi a? Nsan a? Nnúh gudɔ́ɔ a? Guyɔ́gɛn a? Nnyémél a? 36Haná búnya ubúɔ́ŋɔ́n áneé: «Gáhɔ gá busió mɔɔ́sɛ mem dinyɛ abasílígán gá nigué, dinyɛ haná baán bá bidúmbúa ɔbɔɔ́ bídanaá gá súmba.» 37Gɔgaá uguá muand umugányɛ gidigid, diágáyínan muɔ́ hómohómue uguá umɔɔ́díɔ́yá. 38Ɛɛ́ɛ, yaáminá mɔgɔdɛ áneé ta nigué, ta nusɔ́da, ta bilúna, ta ifuŋ, ta biaŋana, ta muand muá hínen, ta omúólóneé, ta maŋaŋa, 39ta bugaga buá ndógódódié, ta buá súlúum, ta giaŋana gímodi, ta buand búmodi búdianádidádɔ́n na ginɔ́nɛ́n giá Uhaluá igiɛ́ úmedíye uguá Yésuse Klístus Ɔgúná wasɔ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល