Balomɛ́ŋ 7
7
Bémédúgún ebinene gá buɔ́lɛ buá gigodi
1Beliméen! Nudiáguanyanyɛ, búnyɛ gɔg áneé gigodi gídigódi ihiligine uguá mɔndɔ, uguá ginɛŋ igiɛ́ úmanyaá uguá nusɔ́da a? Yaágálgal gá bandɔ abálinsanaá gigodi. 2Anagányɛ gɔg, ugándɔ unyaá gá nuɔ́ndɔ́n unyɛ abígúdán na ɔnɛ́m uguá gigodi gueneg haná wɔ́nɔ́sɔ́dɔnaá, mmába gɔg ɔnɛ́m umegué udibánd uguá gigodi giá giansɛ giá nuɔ́ndɔ́n. 3Mmába ɔnɛ́m gɔg umanyɛ uguá nusɔ́da wɛɛ́d agá mɔndɔ omodi, waáguala gidáŋa, gɔgaá ɔnɛ́m úmegué udibánd uguá ihiligine hiá gigodi ta wanduguɛ́d gá nuɔ́ndɔ́n udiáguala gidáŋa. 4Beliméen, bánuá muɛ́d numabá ebéguén gá busió buá gigodi uguá nuɔ́l nuá Bémeyíde, gá guɔ́bɛ́n na sɔ́gá omodi umaáhám uguá gibɛ́l gá gueleé dibia binɔ́g biá melélíe agá eŋís ya Uhaluá. 5Ta anagányɛ gɔg, uguá ginɛŋ igiɛ́ dímabá uguá bilɔŋ biá mmegu, dimabianán giandá giá ginɔ́nɛ́n uguá bilɔŋ, giandá giá ginɔ́nɛ́n giáguɔ́ igíádúmbɛ́n uguá gigodi gá guala buóli uguásɔ guá binam, gá gueleé dibia melélíe amádúmanínaá gá nigué. 6Dabdab gɔg uyɔɔ́ dímegué gá ubúmedíyeé giɔ́lɛ, bémedídúgún gá buɔ́lɛ buá gigodi. Dabdab digányɛ gá guala buóli uguá ihiligine ihigɔ́sɛ hiá Gileénde, búdibánd uguá ihiligine hiá gilun giá gigodi igiɛ́ bɔ́mɔ́ŋá.
Udényi huá gigodi
7Giagɛ igiɛ́ nnya wa guɔyɛd? Gigodi giá Mɔ́sɛsa gínyɛ gilɔga a? Ɛ́ɛɛ́. Búdibá nɔ́, nnyɛ alinsán gɔg gilɔga uguá gigodi giá Mɔ́sɛsa, nɔ́ súsɔ́n mmásábá wa lɛns guhúgɔ́m, búámábúdibá gigodi igíɔ́yɔnɔ́ áneé: Adihúgímɛ́n. 8Gilɔga igíábia giásɛ, igíádúmbɛ́n uguá gigodi, igíébíŋín na guhúgɔ́m gidigid uguá ihiligine hiá gigodi. Gá giagiá, gigodi giá Mɔ́sɛsa gíámágídibá hɔ́ gilɔga gíábá igiguén. 9Agaá gigodi gímáságídibá hɔ́ nsuá mmɔsɔ́dɔ́n, gɔgaá ihiligine ihíól, gilɔga igíédugumin, 10gúu yaŋuá yeégué, ihiligine ihímabá híóŋólín na nusɔ́da, ihíóŋólín na nigué. 11Gá giagiá, gilɔga gímaán giásɛ igíɔ́ndɔ́nda uguá ŋŋil ya ihiligine, uguá hiɛ́ igíámpuá nigué. 12Nɔ́ súsɔ́n gɔg, gigodi gínyɛ budányɛ, ihiligine hínyɛ súsɔ́n budányɛ, gindényé na beseé.
Mɔndɔ uguísi guá ihiligine hiá gilɔga
13Ɛ́ɛɛ́, búdibá nɔ́. Búnyɛ gilɔga gígímandɛ́n uguá ubúnya beseé, igíóŋólín na nigué gá gueleé gíbídíye haná gínya, igíébídíyé na bugaga buég gidigid buá gilɔga uguá ŋŋil ya ihiligine. 14Ta nɔ́ gɔg, diálinsan áneé gigodi gíóguólon uguá gileénde, gɔgaá yaŋuá nnyɛ uguá mmegu, eduén haná giɔ́lɛ giá gilɔga. 15Ɛ́ɛɛ́, ndiɔ́guɔ́bɔn ubuɔ́ yálanɔ́, ubuɔ́ yɔ́yɔnɔ́ ndiáguala buɔ́, gɔgaá ubuɔ́ mbínanɔ́ buɔ́ yálanɔ́. 16Henyé mmába ubuɔ́ ndiɔya yaáguala, nnyɛ ugelu húmomi na gigodi guond nlinsan áneé gínyɛ beseé, 17búdibá yaŋuá gɔg yálanɔ́ buɔ́, gɔgaá búnyɛ gilɔga igínya uguámɛ. 18Gá giagiá, yaálinsan áneé uguámɛ beseé udiédúgumen, yaáguamba guɔyɛd áneé uguámɛ guá mmegu, guamba guala beseé gúnyɛ agámɛ gá ɔdɛ́m, gɔgaá ndigódi bugaga buá gual. 19Gá gueleé beseé uyɔɔ́ yɔ́yɔnɔ́ ndiáguala yɔ́, gɔgaá gilɔga igiɛ́ ndiɔya giɛ́ yálanɔ́. 20Henyé gɔg áneé mmába ubuɔ́ ndiɔ́yá gual yaáguala buɔ́ ndiábíalan buɔ́ yaŋuá muɛ́d, gɔgaá búnyɛ gilɔga igídúgumeneé uguámɛ. 21Gá gueleé yal beseé yasibián pɛ́ŋ uguá gilɔga, búnyɛ gilɔga igínya agámɛ gá ɔdɛ́m. 22Yaábiánan gɔg niída na gigodi giá Uhaluá, uguámɛ guá bunyɛ mɔndɔ. 23Uguámɛ guá binam gɔg yaáguánan gigodi gímodi igínuananáa na gigodi igiɛ́ nugedie nuámɛ nuélimenyeé, gigodi igigányɛ gíáguala áneé mbá giɔ́lɛ giá gigodi giá gilɔga igínya uguámɛ guá binam. 24Ahá, bulɔ́b naánamɛ! Ányá uwenéndúgúné uguá nuɔ́l unúŋólonineé na nigué unuɔ? 25Ánaá díéŋin Uhaluá mbíyigie uguá Yésuse Klístus Ɔgúná wasɔ. Uguámɛ guá nugedie yaŋuá uyɔ gɔg giɔ́lɛ gá gigodi giá Uhaluá uguá nuɔ́l nuá bugué, nnyɛ giɔ́lɛ giá gigodi giá gilɔga.
ទើបបានជ្រើសរើសហើយ៖
Balomɛ́ŋ 7: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Balomɛ́ŋ 7
7
Bémédúgún ebinene gá buɔ́lɛ buá gigodi
1Beliméen! Nudiáguanyanyɛ, búnyɛ gɔg áneé gigodi gídigódi ihiligine uguá mɔndɔ, uguá ginɛŋ igiɛ́ úmanyaá uguá nusɔ́da a? Yaágálgal gá bandɔ abálinsanaá gigodi. 2Anagányɛ gɔg, ugándɔ unyaá gá nuɔ́ndɔ́n unyɛ abígúdán na ɔnɛ́m uguá gigodi gueneg haná wɔ́nɔ́sɔ́dɔnaá, mmába gɔg ɔnɛ́m umegué udibánd uguá gigodi giá giansɛ giá nuɔ́ndɔ́n. 3Mmába ɔnɛ́m gɔg umanyɛ uguá nusɔ́da wɛɛ́d agá mɔndɔ omodi, waáguala gidáŋa, gɔgaá ɔnɛ́m úmegué udibánd uguá ihiligine hiá gigodi ta wanduguɛ́d gá nuɔ́ndɔ́n udiáguala gidáŋa. 4Beliméen, bánuá muɛ́d numabá ebéguén gá busió buá gigodi uguá nuɔ́l nuá Bémeyíde, gá guɔ́bɛ́n na sɔ́gá omodi umaáhám uguá gibɛ́l gá gueleé dibia binɔ́g biá melélíe agá eŋís ya Uhaluá. 5Ta anagányɛ gɔg, uguá ginɛŋ igiɛ́ dímabá uguá bilɔŋ biá mmegu, dimabianán giandá giá ginɔ́nɛ́n uguá bilɔŋ, giandá giá ginɔ́nɛ́n giáguɔ́ igíádúmbɛ́n uguá gigodi gá guala buóli uguásɔ guá binam, gá gueleé dibia melélíe amádúmanínaá gá nigué. 6Dabdab gɔg uyɔɔ́ dímegué gá ubúmedíyeé giɔ́lɛ, bémedídúgún gá buɔ́lɛ buá gigodi. Dabdab digányɛ gá guala buóli uguá ihiligine ihigɔ́sɛ hiá Gileénde, búdibánd uguá ihiligine hiá gilun giá gigodi igiɛ́ bɔ́mɔ́ŋá.
Udényi huá gigodi
7Giagɛ igiɛ́ nnya wa guɔyɛd? Gigodi giá Mɔ́sɛsa gínyɛ gilɔga a? Ɛ́ɛɛ́. Búdibá nɔ́, nnyɛ alinsán gɔg gilɔga uguá gigodi giá Mɔ́sɛsa, nɔ́ súsɔ́n mmásábá wa lɛns guhúgɔ́m, búámábúdibá gigodi igíɔ́yɔnɔ́ áneé: Adihúgímɛ́n. 8Gilɔga igíábia giásɛ, igíádúmbɛ́n uguá gigodi, igíébíŋín na guhúgɔ́m gidigid uguá ihiligine hiá gigodi. Gá giagiá, gigodi giá Mɔ́sɛsa gíámágídibá hɔ́ gilɔga gíábá igiguén. 9Agaá gigodi gímáságídibá hɔ́ nsuá mmɔsɔ́dɔ́n, gɔgaá ihiligine ihíól, gilɔga igíédugumin, 10gúu yaŋuá yeégué, ihiligine ihímabá híóŋólín na nusɔ́da, ihíóŋólín na nigué. 11Gá giagiá, gilɔga gímaán giásɛ igíɔ́ndɔ́nda uguá ŋŋil ya ihiligine, uguá hiɛ́ igíámpuá nigué. 12Nɔ́ súsɔ́n gɔg, gigodi gínyɛ budányɛ, ihiligine hínyɛ súsɔ́n budányɛ, gindényé na beseé.
Mɔndɔ uguísi guá ihiligine hiá gilɔga
13Ɛ́ɛɛ́, búdibá nɔ́. Búnyɛ gilɔga gígímandɛ́n uguá ubúnya beseé, igíóŋólín na nigué gá gueleé gíbídíye haná gínya, igíébídíyé na bugaga buég gidigid buá gilɔga uguá ŋŋil ya ihiligine. 14Ta nɔ́ gɔg, diálinsan áneé gigodi gíóguólon uguá gileénde, gɔgaá yaŋuá nnyɛ uguá mmegu, eduén haná giɔ́lɛ giá gilɔga. 15Ɛ́ɛɛ́, ndiɔ́guɔ́bɔn ubuɔ́ yálanɔ́, ubuɔ́ yɔ́yɔnɔ́ ndiáguala buɔ́, gɔgaá ubuɔ́ mbínanɔ́ buɔ́ yálanɔ́. 16Henyé mmába ubuɔ́ ndiɔya yaáguala, nnyɛ ugelu húmomi na gigodi guond nlinsan áneé gínyɛ beseé, 17búdibá yaŋuá gɔg yálanɔ́ buɔ́, gɔgaá búnyɛ gilɔga igínya uguámɛ. 18Gá giagiá, yaálinsan áneé uguámɛ beseé udiédúgumen, yaáguamba guɔyɛd áneé uguámɛ guá mmegu, guamba guala beseé gúnyɛ agámɛ gá ɔdɛ́m, gɔgaá ndigódi bugaga buá gual. 19Gá gueleé beseé uyɔɔ́ yɔ́yɔnɔ́ ndiáguala yɔ́, gɔgaá gilɔga igiɛ́ ndiɔya giɛ́ yálanɔ́. 20Henyé gɔg áneé mmába ubuɔ́ ndiɔ́yá gual yaáguala buɔ́ ndiábíalan buɔ́ yaŋuá muɛ́d, gɔgaá búnyɛ gilɔga igídúgumeneé uguámɛ. 21Gá gueleé yal beseé yasibián pɛ́ŋ uguá gilɔga, búnyɛ gilɔga igínya agámɛ gá ɔdɛ́m. 22Yaábiánan gɔg niída na gigodi giá Uhaluá, uguámɛ guá bunyɛ mɔndɔ. 23Uguámɛ guá binam gɔg yaáguánan gigodi gímodi igínuananáa na gigodi igiɛ́ nugedie nuámɛ nuélimenyeé, gigodi igigányɛ gíáguala áneé mbá giɔ́lɛ giá gigodi giá gilɔga igínya uguámɛ guá binam. 24Ahá, bulɔ́b naánamɛ! Ányá uwenéndúgúné uguá nuɔ́l unúŋólonineé na nigué unuɔ? 25Ánaá díéŋin Uhaluá mbíyigie uguá Yésuse Klístus Ɔgúná wasɔ. Uguámɛ guá nugedie yaŋuá uyɔ gɔg giɔ́lɛ gá gigodi giá Uhaluá uguá nuɔ́l nuá bugué, nnyɛ giɔ́lɛ giá gigodi giá gilɔga.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល