Matiós 8
8
Yésuse umóndúgíe eŋúnuŋún
1Yésuse umaágásusan ɔŋuɛnyɛ giíŋ igíɛ́d gá binen yɔ́. 2Eŋúnuŋún uwakilɛn yɔ́ uwɔbɔmbiginɛn yɔ́ nudúg. Uwɔyidɛn yɔ́ áneé: «Ɔgúná ɔ́mɔya anyɛ wansugɔn.» 3Yésuse uwaganɔn ɔmbɔ́g, uwɔbígɔ́dɛn yɔ́ úmuanyɛ gég áneé: «Yɔɔ́guɔya súgɔ́g!» Hɔ́nɔhɔ́, eŋúnuŋún uwasugɔg. 4Yésuse uwegíndídin yɔ́ gɔg áneé: «Ɔdiɔyídɛ́n mɔndɔ buand, gɔgaá idá enebídíye agá bedúmbinusámb bá Uhaluá ond odóŋinye nusámb haná gigodi giá Mɔ́sɛsa gíɔ́yɔnɔ́ gá díye bɔ́ áneé ɔɔ́ndɔ́ɔg.»
Guágɔdɛ́m guá ɔgúnɔ́gɔ́n wa nsénsi
(Lúk 7.1-10; Sáŋ 4.46-54)
5Yésuse uwebíŋín agá tísɔna wa Kafalnawúm, ɔgúnɔ́gɔ́n wa nsénsi edín átánɔ uwɛɛ́d gá gánɛganɛn yɔ́, wɔya áneé: 6«Ɔgúná, edúmébi wámɛ unyɛ bidimina uguá giansɛ na buánána gúu wɔɔ́bígɔnaá giod.» 7Yésuse uwondinye yɔ́ áneé: «Yaŋuá, ŋŋaáguɛ́d yonoóndúgíe yɔ́.» 8Gɔgaá, ɔgúnɔ́gɔ́n wa nsénsi edín átánɔ ugányɛ uwondinye yɔ́ áneé: «Ɔgúná, ndiánigimanan na gueleé ebíŋín uguámɛ guá giansɛ, gálɛ́ɛd pɛ́ŋ nugálɔ númomi, edúmébi wámɛ ugɔɔ́guɔ́ndɔ́ɔg. 9Yaŋuá súsɔ́n nnyɛ gilád giá bandɔ bá ihiligine bá dubám, ɔbɔɔ́ yéndenyeé, mmɔ́yidɛn omoómi áneé: “Idá” wɛɛ́d, omódi “Ógún” woól. Mmɔ́yidɛn súsɔ́n giɔ́lɛ giámɛ áneé “al ubuɔ” wal.» 10Yésuse umɔɔ́mɔɔ́b mɔndɔ ugányɛ ugálgal anagányɛ, uwabíyigan yɔ́ na ginɔ́nɛ́n, uwɔyidɛn bandɔ ebémébinén yɔ́ áneé: «Meliŋ mbánan, yɔɔ́núɔyɔn buɔ́ áneé ta uguá mɔndɔ omoómi uguá gidɔŋ giá Íslayɛ́l, mmanyɛ ndián mɔndɔ na ninam niá guágɔdɛ́m iniɛ. 11Ɛɛ́ɛ, yɔɔ́núɔyɔn áneé giod giá bandɔ, gíónólonin uguá gibéyi giá guísi igiɛ́ ɔhɛ́nyɛ húhámaninaá na gibéyi giá guísi igiɛ́ ɔhɛ́nyɛ húhuénineé, bɔ́sigɔ́lɔ́n indig agá budɔ́mb ɔlɔŋ na Áblahám, na Isák na Yɔ́kɔba uguá Niguili niá gumɔn, 12agányɛ gɔg bénéhémienú abámabábábá begíndigind bá Niguili, bɔ́nɔh bɔ́ uguá mbíne agá nígadá agaá na oŋónyi na bíbanda bigéléd múánábánɔ.» 13Yésuse uwɔyidɛn ɔgúnɔ́gɔ́n wa nsénsi edín átánɔ ugányɛ áneé: «Gúg agáhɔ gá nihiá, ánaá búbíal hana ɔ́yɔnɔ́ haná ámág ɔdɛ́m.» Edúmébi ugányɛ uwɔɔ́ndɔ́ɔg uguá ginɛŋ igigányɛ.
Gióndúgie giá isɔm hiá muɔ́n hiá Piéle
(Mál 1.29-31; Lúk 4.38-39)
14Yésuse umeémébíŋín uguá giansɛ giá Piéle, uwaán isɔm hiég hiá muɔ́n bidimina, hínúma gisínyi. 15Uwɔbígɔ́dɛn hiɛ́ uguá ɔmbɔ́g, gisínyi igíáman ihíádigɛn ihíáfɛn yɔ́.
Na gióndúgie na gififa
(Mál 1.32-34; Lúk 4.40-41)
16Ginɛ́ŋ gímaámágua, obólónin Yésuse na giod giá bandɔ igímabianán bilɔg biá bileénde, uwagúŋa biɛ́ na gimans gímomi, uwond uwoóndúgonye banúmanuma abámabá hɔ́ gidigid. 17Búmabá gá gueleé nugálɔ unuɔ́ ebunebúné Esayí úmɔyɛ́d únúmabá áneé: «Úmuanyɛ úmɔɔ́gɔ́l buóŋi buásɔ gidigid uwond uwedídúgún gásɔ gá manúma» núbíhónye.
Gá binidin Yésuse
(Lúk 9.57-60)
18Yésuse umaámáan giíŋ igímabá egég gá buáyɛ, uwɔyidɛn bebinene bég áneé báyɔg na nagɔ́n unó wa usaá. 19Elinsibigodi uwakilɛn yɔ́ uwɔyidɛn yɔ́ áneé: «Ehuínyihuínyi, ŋŋebinen hɔɔ́m gidigid ɔhɔɔ́ ágídanaá.» 20Yésuse uwɔyidɛn yɔ́ áneé: «Bibínyi bígódi bihɔ́, munonyi umúhulugeneé múgódi bigad gɔgaá, Muɔ́n wa Mɔndɔ úmuanyɛ udigódi hɔɔ́m hɔ́dɔ́bíginɛn ɔduá.» 21Ebinene odoódi uwɔyidɛn yɔ́ áneé: «Ɔgúná, ŋŋádábɛ́n yoguononyoó síe wamɛ.» 22Yésuse uwondinye yɔ́ gɔg áneé: «Mbinídín, nihɛ́n ebeguén bónyonon bilɔ́ŋ biɔ́b.»
Yésuse uméhédenye giandá giá gihínyi
(Mál 4.31-41; Lúk 8.23-25)
23Yésuse uwayumɛn uguá ŋŋumba bebinene bég ebébinidin yɔ́. 24Giandá giá gihínyi igíɛ́d gá fife, sid áneé ombógónyé húhónye mimbi uguá ŋŋumba, uguá ginɛŋ igigányɛ Yésuse umabá ubídíman. 25Bebinene bég abákilɛn yɔ́ abáhuɛnyɛ yɔ́, ɔbɔ́yidɛn yɔ́ áneé: «Ɔgúná, dígígín ɔmbɔ́g! Digaáhɔ́h.» 26Uwɔyidɛn bɔ́ áneé: «Bandɔ bá maná guágɔdɛ́m, gá giagɛ núɔ́bɔnaá bugádɔ?» Yésuse uwedélímin gɔg, uwaánsídɛn giandá giá gihínyi na máŋ, giandá giá gílígísí igíágua. 27Bandɔ abámabá uguá ŋŋumba abáyíka abɛ́d gá guɔya áneé: «Búnyɛ ányá yɔ́, uyɔɔ́ na máŋ na giandá giá gihínyi múɔ́bɔninaá?»
Gióndúgie giá bandɔ báandɛ abámabianán bilɔg biá bileénde
(Mál 5.1-20; Lúk 8.26-39)
28Yésuse umeéméneg buáyɛ ubunó buá gidɔŋ giá Gadalení, bandɔ báandɛ abámabianán bilɔg biá bileénde obónoólín gibéyi giá bibɛ́l, gá guólasiádán neéneg. Bandɔ abagányɛ, bámabá bihánd, ta mɔndɔ umasábá wa guandan uguá ŋŋil yaáguɔ́. 29Bandɔ abagányɛ abɛ́d gá guánsan bɔ́ya áneé: «Giagɛ igiɛ́ ádiámbanɔ́ na giɛ́ Muɔ́n wa mɔndɔ? Omoól agá gá guólesidísésényé, ginɛŋ gímanyɛ gídiesieg a?» 30Henyé gɔg áneé agá buáyɛ, giod giá ŋŋunéb gímabá hɔ́ gínyánan. 31Bandɔ abámabianán bilɔg biá bileénde abagányɛ, báganyɛ gá bísógólonye Yésuse áneé: «Mmába aádígúŋa, dínɔ́h uguá ŋŋunéb isíné.» 32Uwɔyidɛn bilɔg biá bileénde ibigányɛ áneé: «Ánaá nuɛ́d!» Bilɔg biá bileénde ibigányɛ ibíáhám gá guɛ́d uguá ŋŋunéb. Ŋŋunéb isigányɛ gidigid isíenetúlúgén gá guán uguá máŋ, isíáhɔh uguá mimbi. 33Begíg abámabá hɔ́, ɔbɔ́bínɔhɔn gá guɛ́d agá tísɔna ɔbɔ́nɔyá buand gidigid na buónyi buá bandɔ bá bilɔg biá bileénde. 34Bandɔ bá tísɔna gidigid abáháman gɔg gá guídanaádán na Yésuse. Bámaámáan yɔ́, obóbísógólonye yɔ́ áneé woólígie uguɔ́b gá guísi.
ទើបបានជ្រើសរើសហើយ៖
Matiós 8: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matiós 8
8
Yésuse umóndúgíe eŋúnuŋún
1Yésuse umaágásusan ɔŋuɛnyɛ giíŋ igíɛ́d gá binen yɔ́. 2Eŋúnuŋún uwakilɛn yɔ́ uwɔbɔmbiginɛn yɔ́ nudúg. Uwɔyidɛn yɔ́ áneé: «Ɔgúná ɔ́mɔya anyɛ wansugɔn.» 3Yésuse uwaganɔn ɔmbɔ́g, uwɔbígɔ́dɛn yɔ́ úmuanyɛ gég áneé: «Yɔɔ́guɔya súgɔ́g!» Hɔ́nɔhɔ́, eŋúnuŋún uwasugɔg. 4Yésuse uwegíndídin yɔ́ gɔg áneé: «Ɔdiɔyídɛ́n mɔndɔ buand, gɔgaá idá enebídíye agá bedúmbinusámb bá Uhaluá ond odóŋinye nusámb haná gigodi giá Mɔ́sɛsa gíɔ́yɔnɔ́ gá díye bɔ́ áneé ɔɔ́ndɔ́ɔg.»
Guágɔdɛ́m guá ɔgúnɔ́gɔ́n wa nsénsi
(Lúk 7.1-10; Sáŋ 4.46-54)
5Yésuse uwebíŋín agá tísɔna wa Kafalnawúm, ɔgúnɔ́gɔ́n wa nsénsi edín átánɔ uwɛɛ́d gá gánɛganɛn yɔ́, wɔya áneé: 6«Ɔgúná, edúmébi wámɛ unyɛ bidimina uguá giansɛ na buánána gúu wɔɔ́bígɔnaá giod.» 7Yésuse uwondinye yɔ́ áneé: «Yaŋuá, ŋŋaáguɛ́d yonoóndúgíe yɔ́.» 8Gɔgaá, ɔgúnɔ́gɔ́n wa nsénsi edín átánɔ ugányɛ uwondinye yɔ́ áneé: «Ɔgúná, ndiánigimanan na gueleé ebíŋín uguámɛ guá giansɛ, gálɛ́ɛd pɛ́ŋ nugálɔ númomi, edúmébi wámɛ ugɔɔ́guɔ́ndɔ́ɔg. 9Yaŋuá súsɔ́n nnyɛ gilád giá bandɔ bá ihiligine bá dubám, ɔbɔɔ́ yéndenyeé, mmɔ́yidɛn omoómi áneé: “Idá” wɛɛ́d, omódi “Ógún” woól. Mmɔ́yidɛn súsɔ́n giɔ́lɛ giámɛ áneé “al ubuɔ” wal.» 10Yésuse umɔɔ́mɔɔ́b mɔndɔ ugányɛ ugálgal anagányɛ, uwabíyigan yɔ́ na ginɔ́nɛ́n, uwɔyidɛn bandɔ ebémébinén yɔ́ áneé: «Meliŋ mbánan, yɔɔ́núɔyɔn buɔ́ áneé ta uguá mɔndɔ omoómi uguá gidɔŋ giá Íslayɛ́l, mmanyɛ ndián mɔndɔ na ninam niá guágɔdɛ́m iniɛ. 11Ɛɛ́ɛ, yɔɔ́núɔyɔn áneé giod giá bandɔ, gíónólonin uguá gibéyi giá guísi igiɛ́ ɔhɛ́nyɛ húhámaninaá na gibéyi giá guísi igiɛ́ ɔhɛ́nyɛ húhuénineé, bɔ́sigɔ́lɔ́n indig agá budɔ́mb ɔlɔŋ na Áblahám, na Isák na Yɔ́kɔba uguá Niguili niá gumɔn, 12agányɛ gɔg bénéhémienú abámabábábá begíndigind bá Niguili, bɔ́nɔh bɔ́ uguá mbíne agá nígadá agaá na oŋónyi na bíbanda bigéléd múánábánɔ.» 13Yésuse uwɔyidɛn ɔgúnɔ́gɔ́n wa nsénsi edín átánɔ ugányɛ áneé: «Gúg agáhɔ gá nihiá, ánaá búbíal hana ɔ́yɔnɔ́ haná ámág ɔdɛ́m.» Edúmébi ugányɛ uwɔɔ́ndɔ́ɔg uguá ginɛŋ igigányɛ.
Gióndúgie giá isɔm hiá muɔ́n hiá Piéle
(Mál 1.29-31; Lúk 4.38-39)
14Yésuse umeémébíŋín uguá giansɛ giá Piéle, uwaán isɔm hiég hiá muɔ́n bidimina, hínúma gisínyi. 15Uwɔbígɔ́dɛn hiɛ́ uguá ɔmbɔ́g, gisínyi igíáman ihíádigɛn ihíáfɛn yɔ́.
Na gióndúgie na gififa
(Mál 1.32-34; Lúk 4.40-41)
16Ginɛ́ŋ gímaámágua, obólónin Yésuse na giod giá bandɔ igímabianán bilɔg biá bileénde, uwagúŋa biɛ́ na gimans gímomi, uwond uwoóndúgonye banúmanuma abámabá hɔ́ gidigid. 17Búmabá gá gueleé nugálɔ unuɔ́ ebunebúné Esayí úmɔyɛ́d únúmabá áneé: «Úmuanyɛ úmɔɔ́gɔ́l buóŋi buásɔ gidigid uwond uwedídúgún gásɔ gá manúma» núbíhónye.
Gá binidin Yésuse
(Lúk 9.57-60)
18Yésuse umaámáan giíŋ igímabá egég gá buáyɛ, uwɔyidɛn bebinene bég áneé báyɔg na nagɔ́n unó wa usaá. 19Elinsibigodi uwakilɛn yɔ́ uwɔyidɛn yɔ́ áneé: «Ehuínyihuínyi, ŋŋebinen hɔɔ́m gidigid ɔhɔɔ́ ágídanaá.» 20Yésuse uwɔyidɛn yɔ́ áneé: «Bibínyi bígódi bihɔ́, munonyi umúhulugeneé múgódi bigad gɔgaá, Muɔ́n wa Mɔndɔ úmuanyɛ udigódi hɔɔ́m hɔ́dɔ́bíginɛn ɔduá.» 21Ebinene odoódi uwɔyidɛn yɔ́ áneé: «Ɔgúná, ŋŋádábɛ́n yoguononyoó síe wamɛ.» 22Yésuse uwondinye yɔ́ gɔg áneé: «Mbinídín, nihɛ́n ebeguén bónyonon bilɔ́ŋ biɔ́b.»
Yésuse uméhédenye giandá giá gihínyi
(Mál 4.31-41; Lúk 8.23-25)
23Yésuse uwayumɛn uguá ŋŋumba bebinene bég ebébinidin yɔ́. 24Giandá giá gihínyi igíɛ́d gá fife, sid áneé ombógónyé húhónye mimbi uguá ŋŋumba, uguá ginɛŋ igigányɛ Yésuse umabá ubídíman. 25Bebinene bég abákilɛn yɔ́ abáhuɛnyɛ yɔ́, ɔbɔ́yidɛn yɔ́ áneé: «Ɔgúná, dígígín ɔmbɔ́g! Digaáhɔ́h.» 26Uwɔyidɛn bɔ́ áneé: «Bandɔ bá maná guágɔdɛ́m, gá giagɛ núɔ́bɔnaá bugádɔ?» Yésuse uwedélímin gɔg, uwaánsídɛn giandá giá gihínyi na máŋ, giandá giá gílígísí igíágua. 27Bandɔ abámabá uguá ŋŋumba abáyíka abɛ́d gá guɔya áneé: «Búnyɛ ányá yɔ́, uyɔɔ́ na máŋ na giandá giá gihínyi múɔ́bɔninaá?»
Gióndúgie giá bandɔ báandɛ abámabianán bilɔg biá bileénde
(Mál 5.1-20; Lúk 8.26-39)
28Yésuse umeéméneg buáyɛ ubunó buá gidɔŋ giá Gadalení, bandɔ báandɛ abámabianán bilɔg biá bileénde obónoólín gibéyi giá bibɛ́l, gá guólasiádán neéneg. Bandɔ abagányɛ, bámabá bihánd, ta mɔndɔ umasábá wa guandan uguá ŋŋil yaáguɔ́. 29Bandɔ abagányɛ abɛ́d gá guánsan bɔ́ya áneé: «Giagɛ igiɛ́ ádiámbanɔ́ na giɛ́ Muɔ́n wa mɔndɔ? Omoól agá gá guólesidísésényé, ginɛŋ gímanyɛ gídiesieg a?» 30Henyé gɔg áneé agá buáyɛ, giod giá ŋŋunéb gímabá hɔ́ gínyánan. 31Bandɔ abámabianán bilɔg biá bileénde abagányɛ, báganyɛ gá bísógólonye Yésuse áneé: «Mmába aádígúŋa, dínɔ́h uguá ŋŋunéb isíné.» 32Uwɔyidɛn bilɔg biá bileénde ibigányɛ áneé: «Ánaá nuɛ́d!» Bilɔg biá bileénde ibigányɛ ibíáhám gá guɛ́d uguá ŋŋunéb. Ŋŋunéb isigányɛ gidigid isíenetúlúgén gá guán uguá máŋ, isíáhɔh uguá mimbi. 33Begíg abámabá hɔ́, ɔbɔ́bínɔhɔn gá guɛ́d agá tísɔna ɔbɔ́nɔyá buand gidigid na buónyi buá bandɔ bá bilɔg biá bileénde. 34Bandɔ bá tísɔna gidigid abáháman gɔg gá guídanaádán na Yésuse. Bámaámáan yɔ́, obóbísógólonye yɔ́ áneé woólígie uguɔ́b gá guísi.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល