Matiós 7
7
Na ŋŋoŋíe na gilɔ́mbia
(Lúk 6.37-38, 41-42)
1«Nudibán begéli gá bɔsɔ́gá, gá gueleé bédinúgélenye súsɔ́n. 2Gá giagiá, hana núgélenyeé nɔ́ bénénúgélenyeé guond nugedínyi unuɔ́ égedenyinyeé na nuɔ́, nuɔ́ núánábánɔ́ nugedínyi unuɔ́ bénégedenyinyeé aŋuá guɔ́. 3Gá giagɛ ábíyiganaá ŋŋoŋíe inyaá uguá niís niá sɔ́gá? Adián gilɔ́mbia igínya gá niáhɔ? 4Ugúnya ana naánanyá ányá wa guɔyidɛn ndiméen wahɔ áneé: “Ɔ́b ŋŋuólie ŋŋoŋíe inyaá uguáhɔ guá niís, henyé aŋuá ogódi gilɔ́mbia gá niáhɔ.”» 5Mɔndɔ wa mamb aágagubíólie gilɔ́mbia igínya uguáhɔ guá niís gá gueleé ɛɛ́d gá guánan beseé, obóduguólie ndiméen wahɔ ŋŋoŋíe iyɛɛ́ ugódionu. 6«Nudiéŋén mbuá ubúnya ubufunán, nudinɔhɔ́nɛ́n ŋŋunéb bimenyimin biá adányɛ gá díne áneé sídimánígan yɔ́, guond gá gueleé sídinúbíségélidinye gá núlahuna.»
Bísógólónyénénu Síe wanɔ
(Lúk 11.9-13)
7«Ɔŋínɔ́nɔ́n bánábádanúhuá, ambánánɔ nuanábáduguán, ɔ́ndídínɔ́nɔ́n bénébédenúbunin. 8Ɛɛ́ɛ, búnyɛ nɔ́, usɔ́guɔŋɛn báhuán yɔ́, uságuambɛd waáguánan, usɔ́guɔ́ndídɛn bébunen yɔ́. 9Uguánɔ guá ɔlɔŋ ányá unyaá wa gueleé muɔ́n weg úmɔ́ŋɛn yɔ́ gilɛ́d, weéŋín yɔ́ nidányɛ? 10Ugúnya ana, úmɔ́ŋɛn yɔ́ yɔb weéŋín yɔ́ nnyɔ́g? 11Banuá nunyaá gɔg bilɔg biá bandɔ númámúnyan guhuán baán bánɔ binɔ́g biá muand, naánanyá gɔg Síe wánɔ unyaá beseé nsesi ugumɔn, údiábá wa núhuán binɔ́g biá muand ibiɛ́ núɔŋɔnaá yɔ́?»
Sɔ́gá
(Lúk 6.31)
12«Agányɛ gɔg, buand gidigid ubuɔ́ núambanɔ́ áneé bánúala, alánánɔ buɔ́ banuá mbánan gá bɔsɔ́gá, búbúnya ubúɔ́ŋɔ́n uguá yubu hiá bigodi naá hiá bebunebúné.»
Ŋŋil siá íhandɛ
(Lúk 13.23-24)
13«Bíŋínínénu agá niíd inínya sɔ́ndɔ́ndɔ́. Gá giagiá, niíd niá saámbagadagada, guond ŋŋil ya mafadiá íyiídanaá agá nigué, giod giá bandɔ igígɔ́lɔnaá yɛ́. 14Ŋŋil ya nusɔ́da na nibíŋínín niá nusɔ́da múnyɛ sɔ́ndɔ́ndɔ́ súsɔ́n, nsánsáŋúlía sísíánanaá siɛ́.»
Sig budɛ́ naá biég bibɔg
(Mat 12.23; Lúk 6.43-44)
15«Ánaá núbídédínye na babánbán bá bebunebúné obónúólonineé na bisɔn biá bidúmbúa, henyé gadá gɔ́b gúnyɛ mbíne. 16Búnyɛ uguɔ́b guá bibɔg núánálinsaninaá bɔ́. Kásɛ bágása bíbua uguá bukumb a? Ugúnya ana bóguólonye gibíl uguá bumpondé a? 17Agányɛ gɔg, ginɔ́g giá budɛ́ gíéhúme binɔ́g biá bibɔg súsɔ́n, budɛ́ ubúnúmanɔ́ búéhúme bilɔg biá bibɔg. 18Ginɔ́g giá budɛ́ gídibá gíéhúme bilɔg biá bibɔg, ta gilɔg giá budɛ́ gídibá gíéhúme binɔ́g biá bibɔg. 19Budɛ́ gidigid ubúdiéhúme binɔ́g biá bibɔg, básúmba buɔ́ bónd bɔ́nɔh buɔ́ agá yoógi. 20Agányɛ gɔg, uguɔ́b guá bibɔg núánálinsaninaá mɔ́.»
Mbanda siá bebinene
(Lúk 6.46; 13.27)
21«Nudigódi áneé nuŋɔyɔn pɛ́ŋ áneé: “Ɔgúná, Ɔgúná!” Gá gueleé nubíŋín uguá Niguili niá gumɔn, nugódi áneé nuala guɔyɛd guá Síe wamɛ unyaá ugumɔn. 22Uguá mɔɔ́sɛ amagányɛ giod gíɔ́nɔ́ŋɔyɔn áneé: “Ɔgúná, Ɔgúná! Búdibá uguáhɔ guá ɔhɛ́n dímesesényé Ginɔ́g giá Nsɔ́m a? Búdibá uguáhɔ guá ɔhɛ́n dímagúŋá bilɔg biá bileénde a? Búdibá uguáhɔ guá ɔhɛ́n dímalá giod giá biseyi a?” 23Yonóndinye bɔ́ gɔg áneé: “Mmasánúlɛns ta buɔ́sɛ, ólígiónón agámɛ gá eŋís, banuá nufalabanɔ́!”
Guhág ugumɔn guá nidányɛ
(Lúk 6.47-49)
24Agányɛ gɔg, mɔndɔ gidigid usɔ́guɔ́b dugálɔ uduɔ́ mmɔ́nduguɔya wond wala hana dúɔyɔnɔ́, dinyɛ diegedie yɔ́ na mɔndɔ wa meéne, umaáhág giansɛ giég ugumɔn guá nidányɛ. 25Nubɔ́l unúánuanan, mimbi amáhúha, gihínyi igíéfife, muand umugányɛ gidigid umúégide giansɛ ta nɔ́, gímaságadɛg gá giagiá bámahág giɛ́ ugumɔn guá nidányɛ. 26Súsɔ́n, mɔndɔ gidigid uwɔɔ́bɔnaá dugálɔ uduɔ́ mmɔ́nduguɔya wond udiala hana dúɔyɔnɔ́, dinyɛ diegedie yɔ́ na mɔndɔ wa kanda meéne umaáhág giansɛ giég ugumɔn guá ombuúm. 27Nubɔ́l unúánuanan, mimbi amáhúha, gihínyi igíéfife, muand umugányɛ gidigid umúégide giansɛ igigányɛ, igíágadɛg. Giansɛ igigányɛ igíágua pambanyɛ.»
Ihiligine hiá Yésuse
(Mál 1.22; Lúk 4.32)
28Henyé, Yésuse umaámáman guhuínyihuinye, giod giá bandɔ igímabá hɔ́ igíáyíka bunuhuínyihuínyi buég, 29gá giagiá uméhuínyihuínyé bɔ́ hana mɔndɔ unyaá na ihiligine, gudɔ́mb hana guhuínyihuinye guá boóŋi bɔ́b.
ទើបបានជ្រើសរើសហើយ៖
Matiós 7: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Matiós 7
7
Na ŋŋoŋíe na gilɔ́mbia
(Lúk 6.37-38, 41-42)
1«Nudibán begéli gá bɔsɔ́gá, gá gueleé bédinúgélenye súsɔ́n. 2Gá giagiá, hana núgélenyeé nɔ́ bénénúgélenyeé guond nugedínyi unuɔ́ égedenyinyeé na nuɔ́, nuɔ́ núánábánɔ́ nugedínyi unuɔ́ bénégedenyinyeé aŋuá guɔ́. 3Gá giagɛ ábíyiganaá ŋŋoŋíe inyaá uguá niís niá sɔ́gá? Adián gilɔ́mbia igínya gá niáhɔ? 4Ugúnya ana naánanyá ányá wa guɔyidɛn ndiméen wahɔ áneé: “Ɔ́b ŋŋuólie ŋŋoŋíe inyaá uguáhɔ guá niís, henyé aŋuá ogódi gilɔ́mbia gá niáhɔ.”» 5Mɔndɔ wa mamb aágagubíólie gilɔ́mbia igínya uguáhɔ guá niís gá gueleé ɛɛ́d gá guánan beseé, obóduguólie ndiméen wahɔ ŋŋoŋíe iyɛɛ́ ugódionu. 6«Nudiéŋén mbuá ubúnya ubufunán, nudinɔhɔ́nɛ́n ŋŋunéb bimenyimin biá adányɛ gá díne áneé sídimánígan yɔ́, guond gá gueleé sídinúbíségélidinye gá núlahuna.»
Bísógólónyénénu Síe wanɔ
(Lúk 11.9-13)
7«Ɔŋínɔ́nɔ́n bánábádanúhuá, ambánánɔ nuanábáduguán, ɔ́ndídínɔ́nɔ́n bénébédenúbunin. 8Ɛɛ́ɛ, búnyɛ nɔ́, usɔ́guɔŋɛn báhuán yɔ́, uságuambɛd waáguánan, usɔ́guɔ́ndídɛn bébunen yɔ́. 9Uguánɔ guá ɔlɔŋ ányá unyaá wa gueleé muɔ́n weg úmɔ́ŋɛn yɔ́ gilɛ́d, weéŋín yɔ́ nidányɛ? 10Ugúnya ana, úmɔ́ŋɛn yɔ́ yɔb weéŋín yɔ́ nnyɔ́g? 11Banuá nunyaá gɔg bilɔg biá bandɔ númámúnyan guhuán baán bánɔ binɔ́g biá muand, naánanyá gɔg Síe wánɔ unyaá beseé nsesi ugumɔn, údiábá wa núhuán binɔ́g biá muand ibiɛ́ núɔŋɔnaá yɔ́?»
Sɔ́gá
(Lúk 6.31)
12«Agányɛ gɔg, buand gidigid ubuɔ́ núambanɔ́ áneé bánúala, alánánɔ buɔ́ banuá mbánan gá bɔsɔ́gá, búbúnya ubúɔ́ŋɔ́n uguá yubu hiá bigodi naá hiá bebunebúné.»
Ŋŋil siá íhandɛ
(Lúk 13.23-24)
13«Bíŋínínénu agá niíd inínya sɔ́ndɔ́ndɔ́. Gá giagiá, niíd niá saámbagadagada, guond ŋŋil ya mafadiá íyiídanaá agá nigué, giod giá bandɔ igígɔ́lɔnaá yɛ́. 14Ŋŋil ya nusɔ́da na nibíŋínín niá nusɔ́da múnyɛ sɔ́ndɔ́ndɔ́ súsɔ́n, nsánsáŋúlía sísíánanaá siɛ́.»
Sig budɛ́ naá biég bibɔg
(Mat 12.23; Lúk 6.43-44)
15«Ánaá núbídédínye na babánbán bá bebunebúné obónúólonineé na bisɔn biá bidúmbúa, henyé gadá gɔ́b gúnyɛ mbíne. 16Búnyɛ uguɔ́b guá bibɔg núánálinsaninaá bɔ́. Kásɛ bágása bíbua uguá bukumb a? Ugúnya ana bóguólonye gibíl uguá bumpondé a? 17Agányɛ gɔg, ginɔ́g giá budɛ́ gíéhúme binɔ́g biá bibɔg súsɔ́n, budɛ́ ubúnúmanɔ́ búéhúme bilɔg biá bibɔg. 18Ginɔ́g giá budɛ́ gídibá gíéhúme bilɔg biá bibɔg, ta gilɔg giá budɛ́ gídibá gíéhúme binɔ́g biá bibɔg. 19Budɛ́ gidigid ubúdiéhúme binɔ́g biá bibɔg, básúmba buɔ́ bónd bɔ́nɔh buɔ́ agá yoógi. 20Agányɛ gɔg, uguɔ́b guá bibɔg núánálinsaninaá mɔ́.»
Mbanda siá bebinene
(Lúk 6.46; 13.27)
21«Nudigódi áneé nuŋɔyɔn pɛ́ŋ áneé: “Ɔgúná, Ɔgúná!” Gá gueleé nubíŋín uguá Niguili niá gumɔn, nugódi áneé nuala guɔyɛd guá Síe wamɛ unyaá ugumɔn. 22Uguá mɔɔ́sɛ amagányɛ giod gíɔ́nɔ́ŋɔyɔn áneé: “Ɔgúná, Ɔgúná! Búdibá uguáhɔ guá ɔhɛ́n dímesesényé Ginɔ́g giá Nsɔ́m a? Búdibá uguáhɔ guá ɔhɛ́n dímagúŋá bilɔg biá bileénde a? Búdibá uguáhɔ guá ɔhɛ́n dímalá giod giá biseyi a?” 23Yonóndinye bɔ́ gɔg áneé: “Mmasánúlɛns ta buɔ́sɛ, ólígiónón agámɛ gá eŋís, banuá nufalabanɔ́!”
Guhág ugumɔn guá nidányɛ
(Lúk 6.47-49)
24Agányɛ gɔg, mɔndɔ gidigid usɔ́guɔ́b dugálɔ uduɔ́ mmɔ́nduguɔya wond wala hana dúɔyɔnɔ́, dinyɛ diegedie yɔ́ na mɔndɔ wa meéne, umaáhág giansɛ giég ugumɔn guá nidányɛ. 25Nubɔ́l unúánuanan, mimbi amáhúha, gihínyi igíéfife, muand umugányɛ gidigid umúégide giansɛ ta nɔ́, gímaságadɛg gá giagiá bámahág giɛ́ ugumɔn guá nidányɛ. 26Súsɔ́n, mɔndɔ gidigid uwɔɔ́bɔnaá dugálɔ uduɔ́ mmɔ́nduguɔya wond udiala hana dúɔyɔnɔ́, dinyɛ diegedie yɔ́ na mɔndɔ wa kanda meéne umaáhág giansɛ giég ugumɔn guá ombuúm. 27Nubɔ́l unúánuanan, mimbi amáhúha, gihínyi igíéfife, muand umugányɛ gidigid umúégide giansɛ igigányɛ, igíágadɛg. Giansɛ igigányɛ igíágua pambanyɛ.»
Ihiligine hiá Yésuse
(Mál 1.22; Lúk 4.32)
28Henyé, Yésuse umaámáman guhuínyihuinye, giod giá bandɔ igímabá hɔ́ igíáyíka bunuhuínyihuínyi buég, 29gá giagiá uméhuínyihuínyé bɔ́ hana mɔndɔ unyaá na ihiligine, gudɔ́mb hana guhuínyihuinye guá boóŋi bɔ́b.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល