Lúkas 21
21
Mpuán ya gisí giá ugándɔ asúgasuga
(Mál 12.41-44)
1Yésuse uwabíyɛg uguég guá buáyɛ, uwaán nnuɛ́m síágan nusámb uguá nsad. 2Uwaán súsɔ́n gisí giá ugándɔ asúgasuga, gíágan mbámbá siá baán bá ŋŋúme íhandɛ guɔ́. 3Uwɔyɛd áneé: «Yɔɔ́núɔyɔn búnyɛ hómohómue, gisí giá ugándɔ asúgasuga igiɛ gímág ŋŋúme gudɔ́mb bandɔ gidigid. 4Gá giagiá abagányɛ gidigid bɔ́mɔ́ndɔ́dɔ́búna umbégíe huɔ́b gá guág, úmuanyɛ gɔg, uguég guá gusɔ́g umodóŋínyé buá gidigid ubuɔ́ úbiananaá gá sɔ́dɔn.»
Gidóginye giá gigada giá idúl
(Mat 24.1-2; Mál 13.1-2)
5Haná gidám giá bandɔ gímodi gímabá gígálgal gá busió buá idúl, gá malaŋ má hiɛ́ na binɔ́g biég biá adányɛ, Yésuse uwɔyɛd áneé: 6«Ubuɔ́ núyímínanɔ́, mɔɔ́sɛ móguólon ɔmɔɔ́ núdianánduguánánɔ́ nidányɛ dɔbigina uguá sɔ́gá nidányɛ, buá gidigid búánágadɛg wɔ́s.»
Na meyú na dugényigényi
(Mat 24.3-8; Mál 13.3-8)
7Bandɔ obóhún yɔ́ áneé: «Ehuínyihuínyi, nig gɔg ubugányɛ búánábíalanɔ́? Gilɛns gílúm igígedíyénú ginɛŋ igiɛ́ muand umugányɛ múánábíalanɔ́?» 8Yésuse Uwondinye bɔ́ áneé: «Nubídédínye, nudibíníhɛ́n áneé bɔ́núnɔŋa, gá giagiá giod gíónólon na ɔhɛ́n huámɛ, gíɔya áneé: “Yaŋuá nnyaá Bémeyíde” gíond gíɔyɛd áneé: “Ginɛŋ gímésíeg.” Nudibinídín bɔ́. 9Nuɔnɔ́gɔ́bɔn guomon bidí na ombuŋímbuŋíe, nudibia bugádɔ. Gá giagiá umugányɛ múgódi áneé múégeguesieg, gɔgaá guman gúdianábá hɔ́nɔhɔ́.» 10Gúu úmɔyídɛ́n bɔ́ áneé: «Buán búánánuanan na sɔ́gá buán, niguili níond nínuanan na sɔ́gá niguili. 11Guísi gúénéyiŋkimid na bugaga, uguá bibéyi biá guísi bímodi bundamba na nsan múánábá. Muand múmodi muá manyanyɛ na bilɛns ibíólonineé ugumɔn múánábá súsɔ́n.
Ginɛŋ giá nugényigényi naá giá guɔya buónyi
(Mat 10.17-22; Mál 13.9-13)
12Gɔgaá, gá gueleé muand umugányɛ múásibíala, bénénúgimben, bénúgényigenye, bénúduénen uguá bigúl gá gueleé bénúgélenye bónd bánúágan uguá biansɛ biá mbíne. Bónónúgógólonye agá eŋís ya ifuŋ naá ya ŋŋɔ́mɔna gámɛ gá ɔhɛ́n. 13Búánábá giásɛ giánɔ gá guɔya buónyi buámɛ. 14Bíágánánɔ́ uguá meéne áneé nudiambá biondínyi gá bíségisegie. 15Gá giagiá, yaŋuá, yanánúhuá bugéli na nugedie unuɔ́ ta mɔndɔ omoómi uguá ɔlɔŋ huá babɛlɛ́bɛl bánɔ údianásáŋúnanɔ́ ta guág mpálɔ. 16Na besíe na bonoódíe bánɔ, na beliméen bánɔ, na bebíényi na begúl bánɔ bónónúgíónon, bɔ́nɔ́na giod uguánɔ guá ɔlɔŋ. 17Bandɔ gidigid bánánúbina gá busió buámɛ buá ɔhɛ́n, 18gɔgaá, ta ŋŋíde yanɔ ya ɔduá imoómi idienéním. 19Uguánɔ guá nsuálál núánáháŋánɔ́ iduá siánɔ.»
Nugélényi nuá Yelusalɛ́m
(Mat 24.15-21; Mál 13.14-19)
20«Nuanágánán nsénsi símégéŋélidie Yelusalɛ́m, nulɛns gɔg áneé gisigɛl giég giá gadɛg gímésieg. 21Gúu, abánábánɔ́ uguá gidɔŋ giá Yudé, ánaá bɔ́bínɔhɔnɛn gibéyi giá iŋuɛnyɛ, abánábánɔ uguadá guá tísɔna wa Yelusalɛ́m, ánaá báháman, abánábánɔ uguá bidɔŋ, bédibíŋín uguá tísɔna! 22Gá giagiá, búánábá mɔɔ́sɛ má gibíondie ɔmɔɔ́ muand gidigid umúnya umúɔ́ŋɔ́n múónóbíhónyenú. 23Meyú na bagándɔ béhum naá ebénéhúŋenyenú uguá mɔɔ́sɛ maáguɔ́, gá giagiá, giandá giá bulɔ́b gíánábá uguá gidɔŋ, ilúnd hiá Uhaluá súsɔ́n híénébídíye gá busió buá bunɔŋ buáguɔ́. 24Bɔ́nɔ́na bɔ́ na nnyémél, bániídan nɔɔ́nɔb uguá maán gidigid hana ŋŋóli, bindiádába bíánádana tísɔna wa Yelusalɛ́m na dugɔ́nd gueneg hana ginɛŋ giɔ́b giá man gíónóbíhónyenú.»
Guól guá Muɔ́n wa mɔndɔ
(Mat 24.29-31; Mál 13.24-27)
25«Bilɛns bíánábá uguadá guá ɔhɛ́nyɛ naá uguá ohóli na muódódi. Uguísi, maán mɔ́nɔ́bɔbɔn na bugádɔ na gindɔmdɔm giá máŋ na ombógónyé huég. 26Bandɔ bénéguéen na bugádɔ na bídúmenye meyú omónólónú uguísi, gá giagiá maŋaŋa má gumɔn ménétúlúgen. 27Gúu, bánánánɔ́ Muɔ́n wa mɔndɔ wonoólónín uguá gilɔnd, na giandá giá buŋaŋa na giandá giá nigúmi.»
Guól guá gilebe guá Uhaluá
(Mat 24.32-35; Mál 13.28-31)
28«Uguá ginɛŋ igiɛ́ muand umugányɛ múénébulenú gubíala, bígánúnánɔ nuediginye iduá, gá giagiá gisódie giánɔ gíganyɛ mɔdɔg.» 29Yésuse uwond gá guɔyidɛn bɔ́ nsab iyɛ: «Bíyígánánɔ buságaság na madɛ́ omólmóndeé: 30Nugaánán máganyɛ gá sila, nuálinsan banuá mbánan áneé biogoge bíganyɛ mɔdɔg. 31Bilɔŋ bímomi, banuá súsɔ́n nuánágánán muand umugányɛ guesiegén, línsánán áneé gugilebe guá Uhaluá gúganyɛ mɔdɔg. 32Hómohómue mbánan yɔ́núɔyɔn áneé nunam nuá hínen núdigadɔ́mb kandabá áneé múmábíal. 33Na guísi na gumɔn múánádɔ́mb gɔgaá, dugálɔ duámɛ dúdianádɔ́mb.»
Isɔ́ma gá busió buá ogúle
34«Nubídédínye gá gueleé idɛ́m siánɔ sídiélílen gá mɔdɔ́mb naá gá mbɔ́m, sídiélílen súsɔ́n uguá mesígíl má nusɔ́da. Nubídédínye áneé bubuɔ́sɛ ubugányɛ búdinúsuluŋenye, 35gá giagiá, hana buoli búénéhúgígen bandɔ bá guísi gidigid. 36Ánaá núgíga gɔg mpunyá uguá mbísógóli binɛŋ gidigid. Agányɛ nuánábánɔ́ bandɔ bá gindényé gá sɔ́d gá busió buá muand umúóloneé, hɔ́ nuánábánɔ́ bandɔ bá gindényé gá délímin agá busió buá Muɔ́n wa mɔndɔ.»
Mɔɔ́sɛ má Yésuse má nsúgie uguá idúl
37Yésuse umabá udúmbenye buɔ́sɛ uguá idúl gá huínyihuinye, na budúg uháman gá guɛ́d gá bídíman agá ɔŋuɛnyɛ huá madɛ́ má megúd má ohind. 38Gúu, buán gidigid búmabá búólon uguá idúl na guɔ́m gubál gá bídɔ́lígɔnɔn yɔ́.
ទើបបានជ្រើសរើសហើយ៖
Lúkas 21: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 21
21
Mpuán ya gisí giá ugándɔ asúgasuga
(Mál 12.41-44)
1Yésuse uwabíyɛg uguég guá buáyɛ, uwaán nnuɛ́m síágan nusámb uguá nsad. 2Uwaán súsɔ́n gisí giá ugándɔ asúgasuga, gíágan mbámbá siá baán bá ŋŋúme íhandɛ guɔ́. 3Uwɔyɛd áneé: «Yɔɔ́núɔyɔn búnyɛ hómohómue, gisí giá ugándɔ asúgasuga igiɛ gímág ŋŋúme gudɔ́mb bandɔ gidigid. 4Gá giagiá abagányɛ gidigid bɔ́mɔ́ndɔ́dɔ́búna umbégíe huɔ́b gá guág, úmuanyɛ gɔg, uguég guá gusɔ́g umodóŋínyé buá gidigid ubuɔ́ úbiananaá gá sɔ́dɔn.»
Gidóginye giá gigada giá idúl
(Mat 24.1-2; Mál 13.1-2)
5Haná gidám giá bandɔ gímodi gímabá gígálgal gá busió buá idúl, gá malaŋ má hiɛ́ na binɔ́g biég biá adányɛ, Yésuse uwɔyɛd áneé: 6«Ubuɔ́ núyímínanɔ́, mɔɔ́sɛ móguólon ɔmɔɔ́ núdianánduguánánɔ́ nidányɛ dɔbigina uguá sɔ́gá nidányɛ, buá gidigid búánágadɛg wɔ́s.»
Na meyú na dugényigényi
(Mat 24.3-8; Mál 13.3-8)
7Bandɔ obóhún yɔ́ áneé: «Ehuínyihuínyi, nig gɔg ubugányɛ búánábíalanɔ́? Gilɛns gílúm igígedíyénú ginɛŋ igiɛ́ muand umugányɛ múánábíalanɔ́?» 8Yésuse Uwondinye bɔ́ áneé: «Nubídédínye, nudibíníhɛ́n áneé bɔ́núnɔŋa, gá giagiá giod gíónólon na ɔhɛ́n huámɛ, gíɔya áneé: “Yaŋuá nnyaá Bémeyíde” gíond gíɔyɛd áneé: “Ginɛŋ gímésíeg.” Nudibinídín bɔ́. 9Nuɔnɔ́gɔ́bɔn guomon bidí na ombuŋímbuŋíe, nudibia bugádɔ. Gá giagiá umugányɛ múgódi áneé múégeguesieg, gɔgaá guman gúdianábá hɔ́nɔhɔ́.» 10Gúu úmɔyídɛ́n bɔ́ áneé: «Buán búánánuanan na sɔ́gá buán, niguili níond nínuanan na sɔ́gá niguili. 11Guísi gúénéyiŋkimid na bugaga, uguá bibéyi biá guísi bímodi bundamba na nsan múánábá. Muand múmodi muá manyanyɛ na bilɛns ibíólonineé ugumɔn múánábá súsɔ́n.
Ginɛŋ giá nugényigényi naá giá guɔya buónyi
(Mat 10.17-22; Mál 13.9-13)
12Gɔgaá, gá gueleé muand umugányɛ múásibíala, bénénúgimben, bénúgényigenye, bénúduénen uguá bigúl gá gueleé bénúgélenye bónd bánúágan uguá biansɛ biá mbíne. Bónónúgógólonye agá eŋís ya ifuŋ naá ya ŋŋɔ́mɔna gámɛ gá ɔhɛ́n. 13Búánábá giásɛ giánɔ gá guɔya buónyi buámɛ. 14Bíágánánɔ́ uguá meéne áneé nudiambá biondínyi gá bíségisegie. 15Gá giagiá, yaŋuá, yanánúhuá bugéli na nugedie unuɔ́ ta mɔndɔ omoómi uguá ɔlɔŋ huá babɛlɛ́bɛl bánɔ údianásáŋúnanɔ́ ta guág mpálɔ. 16Na besíe na bonoódíe bánɔ, na beliméen bánɔ, na bebíényi na begúl bánɔ bónónúgíónon, bɔ́nɔ́na giod uguánɔ guá ɔlɔŋ. 17Bandɔ gidigid bánánúbina gá busió buámɛ buá ɔhɛ́n, 18gɔgaá, ta ŋŋíde yanɔ ya ɔduá imoómi idienéním. 19Uguánɔ guá nsuálál núánáháŋánɔ́ iduá siánɔ.»
Nugélényi nuá Yelusalɛ́m
(Mat 24.15-21; Mál 13.14-19)
20«Nuanágánán nsénsi símégéŋélidie Yelusalɛ́m, nulɛns gɔg áneé gisigɛl giég giá gadɛg gímésieg. 21Gúu, abánábánɔ́ uguá gidɔŋ giá Yudé, ánaá bɔ́bínɔhɔnɛn gibéyi giá iŋuɛnyɛ, abánábánɔ uguadá guá tísɔna wa Yelusalɛ́m, ánaá báháman, abánábánɔ uguá bidɔŋ, bédibíŋín uguá tísɔna! 22Gá giagiá, búánábá mɔɔ́sɛ má gibíondie ɔmɔɔ́ muand gidigid umúnya umúɔ́ŋɔ́n múónóbíhónyenú. 23Meyú na bagándɔ béhum naá ebénéhúŋenyenú uguá mɔɔ́sɛ maáguɔ́, gá giagiá, giandá giá bulɔ́b gíánábá uguá gidɔŋ, ilúnd hiá Uhaluá súsɔ́n híénébídíye gá busió buá bunɔŋ buáguɔ́. 24Bɔ́nɔ́na bɔ́ na nnyémél, bániídan nɔɔ́nɔb uguá maán gidigid hana ŋŋóli, bindiádába bíánádana tísɔna wa Yelusalɛ́m na dugɔ́nd gueneg hana ginɛŋ giɔ́b giá man gíónóbíhónyenú.»
Guól guá Muɔ́n wa mɔndɔ
(Mat 24.29-31; Mál 13.24-27)
25«Bilɛns bíánábá uguadá guá ɔhɛ́nyɛ naá uguá ohóli na muódódi. Uguísi, maán mɔ́nɔ́bɔbɔn na bugádɔ na gindɔmdɔm giá máŋ na ombógónyé huég. 26Bandɔ bénéguéen na bugádɔ na bídúmenye meyú omónólónú uguísi, gá giagiá maŋaŋa má gumɔn ménétúlúgen. 27Gúu, bánánánɔ́ Muɔ́n wa mɔndɔ wonoólónín uguá gilɔnd, na giandá giá buŋaŋa na giandá giá nigúmi.»
Guól guá gilebe guá Uhaluá
(Mat 24.32-35; Mál 13.28-31)
28«Uguá ginɛŋ igiɛ́ muand umugányɛ múénébulenú gubíala, bígánúnánɔ nuediginye iduá, gá giagiá gisódie giánɔ gíganyɛ mɔdɔg.» 29Yésuse uwond gá guɔyidɛn bɔ́ nsab iyɛ: «Bíyígánánɔ buságaság na madɛ́ omólmóndeé: 30Nugaánán máganyɛ gá sila, nuálinsan banuá mbánan áneé biogoge bíganyɛ mɔdɔg. 31Bilɔŋ bímomi, banuá súsɔ́n nuánágánán muand umugányɛ guesiegén, línsánán áneé gugilebe guá Uhaluá gúganyɛ mɔdɔg. 32Hómohómue mbánan yɔ́núɔyɔn áneé nunam nuá hínen núdigadɔ́mb kandabá áneé múmábíal. 33Na guísi na gumɔn múánádɔ́mb gɔgaá, dugálɔ duámɛ dúdianádɔ́mb.»
Isɔ́ma gá busió buá ogúle
34«Nubídédínye gá gueleé idɛ́m siánɔ sídiélílen gá mɔdɔ́mb naá gá mbɔ́m, sídiélílen súsɔ́n uguá mesígíl má nusɔ́da. Nubídédínye áneé bubuɔ́sɛ ubugányɛ búdinúsuluŋenye, 35gá giagiá, hana buoli búénéhúgígen bandɔ bá guísi gidigid. 36Ánaá núgíga gɔg mpunyá uguá mbísógóli binɛŋ gidigid. Agányɛ nuánábánɔ́ bandɔ bá gindényé gá sɔ́d gá busió buá muand umúóloneé, hɔ́ nuánábánɔ́ bandɔ bá gindényé gá délímin agá busió buá Muɔ́n wa mɔndɔ.»
Mɔɔ́sɛ má Yésuse má nsúgie uguá idúl
37Yésuse umabá udúmbenye buɔ́sɛ uguá idúl gá huínyihuinye, na budúg uháman gá guɛ́d gá bídíman agá ɔŋuɛnyɛ huá madɛ́ má megúd má ohind. 38Gúu, buán gidigid búmabá búólon uguá idúl na guɔ́m gubál gá bídɔ́lígɔnɔn yɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល