Lúkas 12
12
Guhínenye guá Muɔ́n wa mɔndɔ agá budányɛ
(Mat 10.19-20, 26-33)
1Uguá ginɛŋ igigányɛ giod giá bandɔ gímabígúsa kanda nihanínaá, bánda bámáníganɛn, Yésuse uwebul guɔyɔn bebinene bég áneé: «Gisiósio, núbídédínye na buanyɛ buá bafalisiɛ́ŋ buá guóbonye oguŋ, mamb mɔ́b. 2Buand búmodi búdibá hɔ́ ubúhunán ubúɔ́nɔ́lɔbɔnɔ́ kandahununa, ta buand búdibá uguá ninamba ubúɔ́nɔ́lɔbɔnɔ́ kanda múnya. 3Gá giagiá, buand gidigid ubuɔ́ númɔyɛ́d uguá mbíne buánáhám agá gise giá buɔ́sɛ, ubuɔ́ núɔnɔ́yidinaá mɔndɔ agá odú na odú uguá nsúmba bɔ́nɔ́ya buɔ́ uguá idɔ́nd. 4Gúu, banuá nunyaá begúl bámɛ nnúɔyɔnaá áneé: Nudidíné bandɔ ɔbɔ́nɔnɔ́ nuɔ́l, egélém agányɛ, bádiandúgual buand búmodi. 5Ŋŋeénúdíye mɔndɔ uyɔɔ́ núnya nuá díne: Dínénénu Uhaluá unyaá wa gueleé, egélém gá guɔ́n nuɔ́l, unɔh gileénde giánɔ agá yoógi. Ɛɛ́ɛ! Yɔɔ́núɔyɔn, ndénu mɔndɔ wa díne ugányɛ. 6Kásɛ bédiéduénen mbelekumbe ítánɔ gá mbámbá siá ŋŋúme íhandɛ a? Ta anagányɛ, ta imoómi idiabídáŋa agá eŋís ya Uhaluá. 7Ta ŋŋíde siánɔ gidigid sínyɛ isíhanán. Gánɔ gɔg, nudibia bugádɔ, nuádúmban giod giá mbelekume. 8Yɔɔ́núɔyɔn súsɔ́n áneé mɔndɔ uwɔyɔnɔ́ agá eŋís ya bandɔ áneé unyɛ ebinene wámɛ, Muɔ́n wa mɔndɔ wɔnɔ́ya súsɔ́n agá eŋís ya bilúna biá Uhaluá áneé unyɛ weg. 9Mɔndɔ uwanámbísásígánɔ́ gɔg agá eŋís ya bandɔ, Muɔ́n wa Mɔndɔ wanábísásɛ́ɛg yɔ́ súsɔ́n agá eŋís ya bilúna biá Uhaluá. 10Gúu, mɔndɔ uwanágálídinaá Muɔ́n wa mɔndɔ gilɔg, bánáyibinɛn yɔ́ gá nuɔ́. Gúu, mɔndɔ uwenéfénínefenineé Gileénde giá Budányɛ, Uhaluá udianáyibinɛn yɔ́ gá buɔ́. 11Uguá ginɛŋ igiɛ́ bónónúgógólonyeé uguá bigúl naá agá ifuŋ gá nugélényi, nudibíádá meéne gá guamba bunugálɔ ubuɔ́ nuónóndinyeé. 12Gá giagiá Gileénde giá Budányɛ gíénénúhuínyihuinye hɔ́nɔhɔ́ buand ubuɔ́ núanábánɔ́ nuá guɔyɛd.»
Bunɛ́m buá guísi
13Uguá ɔlɔŋ huá bandɔ ɔbɔ́mɔ́bídɔ́lígɔ́nɔ́n Yésuse, mɔndɔ omodi uwɔyidɛn yɔ́ áneé: «Ehuínyihuínyi, ɔyídɛ́n ndiméen wamɛ áneé diaba bunɛ́m ubuɔ́ síe wasɔ úmadínihinɛn.» 14Yésuse uwondinye yɔ́ áneé: «Ányá uwéndéníginye egéli uwond uwendéníginye eŋebibunɛ́m buánɔ?» 15Gúu, úmɔ́yidɛn bɔ́ bem wɔb áneé: «Nubídédínye na guɔya bunɛ́m buá guísi, gá giagiá nusɔ́da nuá mɔndɔ núdibá unudálán uguá bunɛ́m, ta búbá áneé ubianan buɔ́ giod naánanyá.»
Nsab ya giegu giá nnuɛ́m
16Gúu, Yésuse úmédúmín bɔ́ nsab iyɛ áneé: «Mɔndɔ omodi umabá nnuɛ́m, mesíge még omól gunyá giod. 17Uwɛɛ́d gá bídambala áneé: “Naánanyá ŋŋalanɔ́ gɔg? Gá giagiá ndigódi hɔɔ́m há gíŋe biogoge biámɛ.” 18Egélém agányɛ uwɔyɛd áneé: “Ɛɛ́ɛ, mmálɛns buand ubuɔ́ ŋŋalanɔ́. Ŋŋagada bilun biámɛ biá dunsas, mpága udugɔ́sɛ biandá, dúdúmban duá nsuá. Guɔ́ ŋŋegíŋenú bunɛ́m buámɛ gidigid.” 19Ŋŋebédebíhínídíe agámɛ gá ɔdɛ́m áneé: “Ŋŋanyɛ na giod giá bunɛ́m igiɛ́ mméménégíŋe, ŋŋanyánan buɔ́ gá giod giá nnyɔ́m. Mfɔdimɛn, yɛɛ́d gá hoge, nnyánan, mbíhuán, yala mɔdɔ́mb.” 20Uhaluá uwɔyidɛn yɔ́ gɔg áneé: “Giegu igiɛ, budúg buá hínen egeégué.” Ányá gɔg ugesíenénú na bumɛ́m ubuɔ́ égíŋé ubugányɛ? 21Anagányɛ gɔg mɔndɔ ugíŋenú bumɛ́n gég gá busió mbánan úmananaá, wen gubá nnuɛ́m agá buáyɛ buá Uhaluá.»
Sɔ́dɔ́nɔ́n uguá magɔg má Uhaluá
22Yésuse uwɔyidɛn bebinene bég áneé: «Buand buáguɔ́ nnúɔyɔnaá áneé, nudibísésényé gá nusɔ́da nuánɔ, nudibíóhón áneé giagɛ igiɛ́ ŋŋanyánanaá? Ta gá nuɔ́l nuánɔ, nudibíohón áneé giagɛ igiɛ́ dígábílaŋanɔ́ na giɛ? 23Gá giagiá nusɔ́da núádúmban gunyá, nuɔ́l núádúmban bisɔn. 24Ánaá núánɛ́n gá biɔ́lɔlía, bídiɔ́yɔga, bídigódi nunsas, bídiégíŋe gunyá, gɔgaá, Uhaluá woóguoye biɛ́. Banuá nuádúmban munonyi iŋand giod! 25Búdibá mbídadɔ yanɔ ínyaá yɔnúɔ́híginɛn ta budúg búmomi uguánɔ guá nusɔ́da. 26Mmába gɔg nudigódi buŋaŋa gá maná buand haná ugányɛ, gá giagɛ núnya nuá bídada gá muand umuólmuóndeé? 27Ánaá nuán bisɛl ibínya uguá mesíge haná bíhámanaá: Bídiáguala buóli, bídiánuga bisɔn. Henyé gɔg áneé yɔɔ́núɔyɔn buɔ́, ta ofuŋ Salomɔ́ŋ, na giod giég giá bunɛ́m umasábíláŋa na binɔ́g biá bisɔn hana bisɛl ibigányɛ. 28Mmába Uhaluá waálaŋa megíde amányá uguá mesíge hínen, na giámɔ bédúm mɔ́ agá yoógi, iŋand ínig gɔg wánálanɔ́ gánɔ ta hana núgódionu maná guágɔdɛ́m. 29Banuá gɔg, nudibídáda gá buand buá nyá ta buá bíhuá, búdinúnímie meéne. 30Búnyɛ bindiádába ibínya uguísi uguɔ bíbíambanɔ́ umugányɛ muand kanda nidɔgíná. Banuá gɔg, nugódi Síe ulinsanaá buand gidigid ubuɔ́ núbaŋanɔ́. 31Gɔgaá, ánaá núágáguamba Niguili niá Uhaluá, umuólmuóndeé umugányɛ múóguólon egélém. 32Maná ɔlɔŋ wa bidúmbúa uyɔ, nudibia bumbíla, gá giagiá Síe wánɔ waán áneé, búnyɛ beseé áneé nubia Niguili. 33Ánaá núduénen muand umuɔ́ núgódionu, nuéŋen basúgasuga ŋŋúme yaguɔ́. Ánaá núgɔ́l gibadá igiɛ́ ŋŋúme ídiamanan guɔ́. Nubia giod giá bunɛ́m ugumɔn. Agá hɔɔ́m ɔhɔɔ́ ta uŋébi, ta nihínya múdiegen. 34Gá giagiá agá hɔɔ́m ɔhɔɔ́ bunɛ́m buáhɔ búnya, hɔ́ ɔdɛ́m huáhɔ súsɔ́n húánábánɔ́.»
Nsab ya bídédínye
35«Gígánánɔ na bisɔn biá buóli bineŋ bim, mulámba muánɔ́ umudímbígénu. 36Nubá hana bandɔ abágíganaá ɔgúnɔ́gɔ́n wɔb uwoólósiondón gá budɔ́mb buá nuɔ́ndɔ́n. Wɔ́nɔguɔ́ndídɛn niíd niá giansɛ, bébunin yɔ́. 37Búnyɛ beseé na belibuóli ɔbɔɔ́ ɔgúnɔ́gɔ́n wɔb ugégenyeé bégúle uguá ginɛŋ igiɛ́ usóguólósiond. Hómohómue yɔɔ́núɔyɔn áneé: ɔgúnɔ́gɔ́n wanábíág gisɔn giá buóli, uduguminye belibuóli bég agá nubáŋ, wafinan bɔ́ gá omoómi gá omoómi. 38Ta wosiond na ɔdɛ́m huá budúg, ta na guɔ́m ugubál, úmégégie bɔ́ bégúle, búnyɛ beseé wɔb! 39Nuálinsan áneé mɔndɔ wa nihiá umámúnyan gisigɛl igiɛ́ uŋébi únya wa guól gá guébin yɔ́, udibá waguádáab áneé uŋébi ugús nimás niég niá giansɛ. 40Banuá súsɔ́n gulénénu. Búnyɛ uguá gisigɛl igiɛ́ núdiándábígígan giɛ́ Muɔ́n wa Mɔndɔ wónólonu.» 41Piéle uwoóhún áneé: «Ɔgúná, Kásɛ nsab igányɛ yaádíbíyigan basuá súsɔ́n lí inyɛ gá busió buá mɔndɔ gidigid?» 42Ɔgúná uwondinye yɔ́ áneé: «Kasɛ́ buá egíg bunɛ́m, unyaá gilád giá mɔndɔ wa nihiá na nugedie, uyɔɔ́ ɔgúnɔ́gɔ́n usásúgidɛn gugimbe guá nihiá na belibuóli áneé usíen wóyé bɔ́ uguá ginɛŋ igiɛ́ bánya na nsan? 43Beseé na eŋelibuóli uyɔɔ́ ɔgúnɔ́gɔ́n weg unya wa guolósiond gá uŋand, ugégie yɔ́ wala buóli! 44Bueŋelibuóli ubugányɛ, ɔgúnɔ́gɔ́n wa buɔ́, weéguéŋén buɔ́ bunɛ́m buég gidigid gá gimbe. 45Eŋelibuóli waáguɔ́ gɔg, úmɔ́yɛd egég gá ɔdɛ́m áneé “Ɔgúnɔ́gɔ́n wamɛ, udígaásugulowósíond” wond wɛɛ́d gá nyánan, ubíhuán magɛ́b ubúmánan, unúbe belibuóli. 46Ɔgúnɔ́gɔ́n weg usuluŋenye yɔ́ uguá buɔ́sɛ ubuɔ́ údiagígan yɔ́, naá uguá gisigɛl igiɛ́ údiabígígan, woóguólonye yɔ́ gá buóli wond ugisɛd yɔ́ uguá ɔlɔŋ huá bilɔg biá bandɔ. 47Eŋelibuóli ulinsanaá guɔyɛd guá ɔgúnɔ́gɔ́n weg wond udiala haná wɔ́yɔnɔ́, waábianan giandá giá nusésényi. 48Eŋelibuóli udialínsán guɔyɛd guá ɔgúnɔ́gɔ́n weg wond wala biguá biá kandalinsa, wanábia maná nusésényi. Mɔndɔ uyɔɔ́ béséguéŋin giod, bóguóhon yɔ́ súsɔ́n giod, uyɔɔ́ bémeéŋin giod giá bunɛ́m bónóhun yɔ́ giod gudɔ́mb.»
Buand ubuɔ́ Yésuse úmoól gá buɔ́
(Mat 10.34-36)
49«Mmoól gá gɔm yoógi uguísi haná yámbanɔ́ áneé híbígɔ́lɛ́ɛg! 50Búnyɛ giyuminye ŋŋódionu áneé mbia, haná gímanyaá gunɔ́h naánamɛ gueneg áneé gíbíhónye! 51Nuábídága áneé mmoól gá dóŋinye bumbénu uguísi a? Ɛ́ɛɛ́, yɔɔ́núɔyɔn, búnyɛ masalasala. 52Gá giagiá, gubul dabdab, bandɔ bámabá bátánɔ uguá giansɛ, bánábídándɔ́ɔn: Bá bádádɔ bɔ́diɔ́bɔnɛn naá bá báandɛ, bá báandɛ bɔ́diɔ́bɔnɛn naá bá bádádɔ. 53Na síe na muɔ́n bɔ́diɔnɔ́bɔnɛn, na muɔ́n na síe bɔ́diɔbɔnɛn. Na noódíe na ŋŋɔndɛ ta guɔ́bɔnɛn, na ŋŋɔndɛ na noódíe ta guɔ́bɔnɛn. Bá muéndé bɔ́diɔbɔnɛn.»
Gulɛns gubídíbenye ginɛŋ
(Mat 16.2-3)
54Yésuse uwɔnduguɔyidɛn giíŋ áneé: «Uguá ginɛŋ igiɛ́ núságuán igili hiá gumɔn ɔmbɔ́g uhuɔ́ ɔhɛ́nyɛ húhámaninaá, nudúmbie guɔyɛd áneé: “ Nubɔ́l nugaánua” búond búbíal nɔ́. 55Númaán gihínyi giá guyɔ́gɛn gífife, nuɔyɛd áneé: “ɔhɛ́nyɛ húgaábá nsesi” búond búbíal nɔ́. 56Bandɔ bá mamb ɔbɔ! Nugódi meéne málɛns gusaluna masɔ́m amábíalanɔ́ uguísi naá ugumɔn, naánanyá núdiabá nua bia meéne má lɛns buginɛŋ ubuɔ́ núsɔ́dɔnaá uguá buɔ́ dabdab?»
Buenénénu guaŋanan moónyi mánɔ
(Mat 5.25-26)
57«Gá giagɛ gɔg núdiabá nua bídíbenye banuá mbánan nulɛns gusalɔn ubúnya gindényé? 58Anagányɛ gɔg, ndiméen wahɔ úménefudíe, ambá áneé nubíaŋan gúmanyɛ nsuá, numanyɛ nudieneg agá besúmbibisan, núméneg agá besúmbibisan, ugógógólonye, ugudɔ́m agá nsénsi, bɔ́nɔh uguá giansɛ giá mbíne. 59Yɔɔ́guɔyɔn áneé adianáhám guɔ́ kandabá áneé amándásuanan buand gidigid ubúóhoneé.»
ទើបបានជ្រើសរើសហើយ៖
Lúkas 12: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 12
12
Guhínenye guá Muɔ́n wa mɔndɔ agá budányɛ
(Mat 10.19-20, 26-33)
1Uguá ginɛŋ igigányɛ giod giá bandɔ gímabígúsa kanda nihanínaá, bánda bámáníganɛn, Yésuse uwebul guɔyɔn bebinene bég áneé: «Gisiósio, núbídédínye na buanyɛ buá bafalisiɛ́ŋ buá guóbonye oguŋ, mamb mɔ́b. 2Buand búmodi búdibá hɔ́ ubúhunán ubúɔ́nɔ́lɔbɔnɔ́ kandahununa, ta buand búdibá uguá ninamba ubúɔ́nɔ́lɔbɔnɔ́ kanda múnya. 3Gá giagiá, buand gidigid ubuɔ́ númɔyɛ́d uguá mbíne buánáhám agá gise giá buɔ́sɛ, ubuɔ́ núɔnɔ́yidinaá mɔndɔ agá odú na odú uguá nsúmba bɔ́nɔ́ya buɔ́ uguá idɔ́nd. 4Gúu, banuá nunyaá begúl bámɛ nnúɔyɔnaá áneé: Nudidíné bandɔ ɔbɔ́nɔnɔ́ nuɔ́l, egélém agányɛ, bádiandúgual buand búmodi. 5Ŋŋeénúdíye mɔndɔ uyɔɔ́ núnya nuá díne: Dínénénu Uhaluá unyaá wa gueleé, egélém gá guɔ́n nuɔ́l, unɔh gileénde giánɔ agá yoógi. Ɛɛ́ɛ! Yɔɔ́núɔyɔn, ndénu mɔndɔ wa díne ugányɛ. 6Kásɛ bédiéduénen mbelekumbe ítánɔ gá mbámbá siá ŋŋúme íhandɛ a? Ta anagányɛ, ta imoómi idiabídáŋa agá eŋís ya Uhaluá. 7Ta ŋŋíde siánɔ gidigid sínyɛ isíhanán. Gánɔ gɔg, nudibia bugádɔ, nuádúmban giod giá mbelekume. 8Yɔɔ́núɔyɔn súsɔ́n áneé mɔndɔ uwɔyɔnɔ́ agá eŋís ya bandɔ áneé unyɛ ebinene wámɛ, Muɔ́n wa mɔndɔ wɔnɔ́ya súsɔ́n agá eŋís ya bilúna biá Uhaluá áneé unyɛ weg. 9Mɔndɔ uwanámbísásígánɔ́ gɔg agá eŋís ya bandɔ, Muɔ́n wa Mɔndɔ wanábísásɛ́ɛg yɔ́ súsɔ́n agá eŋís ya bilúna biá Uhaluá. 10Gúu, mɔndɔ uwanágálídinaá Muɔ́n wa mɔndɔ gilɔg, bánáyibinɛn yɔ́ gá nuɔ́. Gúu, mɔndɔ uwenéfénínefenineé Gileénde giá Budányɛ, Uhaluá udianáyibinɛn yɔ́ gá buɔ́. 11Uguá ginɛŋ igiɛ́ bónónúgógólonyeé uguá bigúl naá agá ifuŋ gá nugélényi, nudibíádá meéne gá guamba bunugálɔ ubuɔ́ nuónóndinyeé. 12Gá giagiá Gileénde giá Budányɛ gíénénúhuínyihuinye hɔ́nɔhɔ́ buand ubuɔ́ núanábánɔ́ nuá guɔyɛd.»
Bunɛ́m buá guísi
13Uguá ɔlɔŋ huá bandɔ ɔbɔ́mɔ́bídɔ́lígɔ́nɔ́n Yésuse, mɔndɔ omodi uwɔyidɛn yɔ́ áneé: «Ehuínyihuínyi, ɔyídɛ́n ndiméen wamɛ áneé diaba bunɛ́m ubuɔ́ síe wasɔ úmadínihinɛn.» 14Yésuse uwondinye yɔ́ áneé: «Ányá uwéndéníginye egéli uwond uwendéníginye eŋebibunɛ́m buánɔ?» 15Gúu, úmɔ́yidɛn bɔ́ bem wɔb áneé: «Nubídédínye na guɔya bunɛ́m buá guísi, gá giagiá nusɔ́da nuá mɔndɔ núdibá unudálán uguá bunɛ́m, ta búbá áneé ubianan buɔ́ giod naánanyá.»
Nsab ya giegu giá nnuɛ́m
16Gúu, Yésuse úmédúmín bɔ́ nsab iyɛ áneé: «Mɔndɔ omodi umabá nnuɛ́m, mesíge még omól gunyá giod. 17Uwɛɛ́d gá bídambala áneé: “Naánanyá ŋŋalanɔ́ gɔg? Gá giagiá ndigódi hɔɔ́m há gíŋe biogoge biámɛ.” 18Egélém agányɛ uwɔyɛd áneé: “Ɛɛ́ɛ, mmálɛns buand ubuɔ́ ŋŋalanɔ́. Ŋŋagada bilun biámɛ biá dunsas, mpága udugɔ́sɛ biandá, dúdúmban duá nsuá. Guɔ́ ŋŋegíŋenú bunɛ́m buámɛ gidigid.” 19Ŋŋebédebíhínídíe agámɛ gá ɔdɛ́m áneé: “Ŋŋanyɛ na giod giá bunɛ́m igiɛ́ mméménégíŋe, ŋŋanyánan buɔ́ gá giod giá nnyɔ́m. Mfɔdimɛn, yɛɛ́d gá hoge, nnyánan, mbíhuán, yala mɔdɔ́mb.” 20Uhaluá uwɔyidɛn yɔ́ gɔg áneé: “Giegu igiɛ, budúg buá hínen egeégué.” Ányá gɔg ugesíenénú na bumɛ́m ubuɔ́ égíŋé ubugányɛ? 21Anagányɛ gɔg mɔndɔ ugíŋenú bumɛ́n gég gá busió mbánan úmananaá, wen gubá nnuɛ́m agá buáyɛ buá Uhaluá.»
Sɔ́dɔ́nɔ́n uguá magɔg má Uhaluá
22Yésuse uwɔyidɛn bebinene bég áneé: «Buand buáguɔ́ nnúɔyɔnaá áneé, nudibísésényé gá nusɔ́da nuánɔ, nudibíóhón áneé giagɛ igiɛ́ ŋŋanyánanaá? Ta gá nuɔ́l nuánɔ, nudibíohón áneé giagɛ igiɛ́ dígábílaŋanɔ́ na giɛ? 23Gá giagiá nusɔ́da núádúmban gunyá, nuɔ́l núádúmban bisɔn. 24Ánaá núánɛ́n gá biɔ́lɔlía, bídiɔ́yɔga, bídigódi nunsas, bídiégíŋe gunyá, gɔgaá, Uhaluá woóguoye biɛ́. Banuá nuádúmban munonyi iŋand giod! 25Búdibá mbídadɔ yanɔ ínyaá yɔnúɔ́híginɛn ta budúg búmomi uguánɔ guá nusɔ́da. 26Mmába gɔg nudigódi buŋaŋa gá maná buand haná ugányɛ, gá giagɛ núnya nuá bídada gá muand umuólmuóndeé? 27Ánaá nuán bisɛl ibínya uguá mesíge haná bíhámanaá: Bídiáguala buóli, bídiánuga bisɔn. Henyé gɔg áneé yɔɔ́núɔyɔn buɔ́, ta ofuŋ Salomɔ́ŋ, na giod giég giá bunɛ́m umasábíláŋa na binɔ́g biá bisɔn hana bisɛl ibigányɛ. 28Mmába Uhaluá waálaŋa megíde amányá uguá mesíge hínen, na giámɔ bédúm mɔ́ agá yoógi, iŋand ínig gɔg wánálanɔ́ gánɔ ta hana núgódionu maná guágɔdɛ́m. 29Banuá gɔg, nudibídáda gá buand buá nyá ta buá bíhuá, búdinúnímie meéne. 30Búnyɛ bindiádába ibínya uguísi uguɔ bíbíambanɔ́ umugányɛ muand kanda nidɔgíná. Banuá gɔg, nugódi Síe ulinsanaá buand gidigid ubuɔ́ núbaŋanɔ́. 31Gɔgaá, ánaá núágáguamba Niguili niá Uhaluá, umuólmuóndeé umugányɛ múóguólon egélém. 32Maná ɔlɔŋ wa bidúmbúa uyɔ, nudibia bumbíla, gá giagiá Síe wánɔ waán áneé, búnyɛ beseé áneé nubia Niguili. 33Ánaá núduénen muand umuɔ́ núgódionu, nuéŋen basúgasuga ŋŋúme yaguɔ́. Ánaá núgɔ́l gibadá igiɛ́ ŋŋúme ídiamanan guɔ́. Nubia giod giá bunɛ́m ugumɔn. Agá hɔɔ́m ɔhɔɔ́ ta uŋébi, ta nihínya múdiegen. 34Gá giagiá agá hɔɔ́m ɔhɔɔ́ bunɛ́m buáhɔ búnya, hɔ́ ɔdɛ́m huáhɔ súsɔ́n húánábánɔ́.»
Nsab ya bídédínye
35«Gígánánɔ na bisɔn biá buóli bineŋ bim, mulámba muánɔ́ umudímbígénu. 36Nubá hana bandɔ abágíganaá ɔgúnɔ́gɔ́n wɔb uwoólósiondón gá budɔ́mb buá nuɔ́ndɔ́n. Wɔ́nɔguɔ́ndídɛn niíd niá giansɛ, bébunin yɔ́. 37Búnyɛ beseé na belibuóli ɔbɔɔ́ ɔgúnɔ́gɔ́n wɔb ugégenyeé bégúle uguá ginɛŋ igiɛ́ usóguólósiond. Hómohómue yɔɔ́núɔyɔn áneé: ɔgúnɔ́gɔ́n wanábíág gisɔn giá buóli, uduguminye belibuóli bég agá nubáŋ, wafinan bɔ́ gá omoómi gá omoómi. 38Ta wosiond na ɔdɛ́m huá budúg, ta na guɔ́m ugubál, úmégégie bɔ́ bégúle, búnyɛ beseé wɔb! 39Nuálinsan áneé mɔndɔ wa nihiá umámúnyan gisigɛl igiɛ́ uŋébi únya wa guól gá guébin yɔ́, udibá waguádáab áneé uŋébi ugús nimás niég niá giansɛ. 40Banuá súsɔ́n gulénénu. Búnyɛ uguá gisigɛl igiɛ́ núdiándábígígan giɛ́ Muɔ́n wa Mɔndɔ wónólonu.» 41Piéle uwoóhún áneé: «Ɔgúná, Kásɛ nsab igányɛ yaádíbíyigan basuá súsɔ́n lí inyɛ gá busió buá mɔndɔ gidigid?» 42Ɔgúná uwondinye yɔ́ áneé: «Kasɛ́ buá egíg bunɛ́m, unyaá gilád giá mɔndɔ wa nihiá na nugedie, uyɔɔ́ ɔgúnɔ́gɔ́n usásúgidɛn gugimbe guá nihiá na belibuóli áneé usíen wóyé bɔ́ uguá ginɛŋ igiɛ́ bánya na nsan? 43Beseé na eŋelibuóli uyɔɔ́ ɔgúnɔ́gɔ́n weg unya wa guolósiond gá uŋand, ugégie yɔ́ wala buóli! 44Bueŋelibuóli ubugányɛ, ɔgúnɔ́gɔ́n wa buɔ́, weéguéŋén buɔ́ bunɛ́m buég gidigid gá gimbe. 45Eŋelibuóli waáguɔ́ gɔg, úmɔ́yɛd egég gá ɔdɛ́m áneé “Ɔgúnɔ́gɔ́n wamɛ, udígaásugulowósíond” wond wɛɛ́d gá nyánan, ubíhuán magɛ́b ubúmánan, unúbe belibuóli. 46Ɔgúnɔ́gɔ́n weg usuluŋenye yɔ́ uguá buɔ́sɛ ubuɔ́ údiagígan yɔ́, naá uguá gisigɛl igiɛ́ údiabígígan, woóguólonye yɔ́ gá buóli wond ugisɛd yɔ́ uguá ɔlɔŋ huá bilɔg biá bandɔ. 47Eŋelibuóli ulinsanaá guɔyɛd guá ɔgúnɔ́gɔ́n weg wond udiala haná wɔ́yɔnɔ́, waábianan giandá giá nusésényi. 48Eŋelibuóli udialínsán guɔyɛd guá ɔgúnɔ́gɔ́n weg wond wala biguá biá kandalinsa, wanábia maná nusésényi. Mɔndɔ uyɔɔ́ béséguéŋin giod, bóguóhon yɔ́ súsɔ́n giod, uyɔɔ́ bémeéŋin giod giá bunɛ́m bónóhun yɔ́ giod gudɔ́mb.»
Buand ubuɔ́ Yésuse úmoól gá buɔ́
(Mat 10.34-36)
49«Mmoól gá gɔm yoógi uguísi haná yámbanɔ́ áneé híbígɔ́lɛ́ɛg! 50Búnyɛ giyuminye ŋŋódionu áneé mbia, haná gímanyaá gunɔ́h naánamɛ gueneg áneé gíbíhónye! 51Nuábídága áneé mmoól gá dóŋinye bumbénu uguísi a? Ɛ́ɛɛ́, yɔɔ́núɔyɔn, búnyɛ masalasala. 52Gá giagiá, gubul dabdab, bandɔ bámabá bátánɔ uguá giansɛ, bánábídándɔ́ɔn: Bá bádádɔ bɔ́diɔ́bɔnɛn naá bá báandɛ, bá báandɛ bɔ́diɔ́bɔnɛn naá bá bádádɔ. 53Na síe na muɔ́n bɔ́diɔnɔ́bɔnɛn, na muɔ́n na síe bɔ́diɔbɔnɛn. Na noódíe na ŋŋɔndɛ ta guɔ́bɔnɛn, na ŋŋɔndɛ na noódíe ta guɔ́bɔnɛn. Bá muéndé bɔ́diɔbɔnɛn.»
Gulɛns gubídíbenye ginɛŋ
(Mat 16.2-3)
54Yésuse uwɔnduguɔyidɛn giíŋ áneé: «Uguá ginɛŋ igiɛ́ núságuán igili hiá gumɔn ɔmbɔ́g uhuɔ́ ɔhɛ́nyɛ húhámaninaá, nudúmbie guɔyɛd áneé: “ Nubɔ́l nugaánua” búond búbíal nɔ́. 55Númaán gihínyi giá guyɔ́gɛn gífife, nuɔyɛd áneé: “ɔhɛ́nyɛ húgaábá nsesi” búond búbíal nɔ́. 56Bandɔ bá mamb ɔbɔ! Nugódi meéne málɛns gusaluna masɔ́m amábíalanɔ́ uguísi naá ugumɔn, naánanyá núdiabá nua bia meéne má lɛns buginɛŋ ubuɔ́ núsɔ́dɔnaá uguá buɔ́ dabdab?»
Buenénénu guaŋanan moónyi mánɔ
(Mat 5.25-26)
57«Gá giagɛ gɔg núdiabá nua bídíbenye banuá mbánan nulɛns gusalɔn ubúnya gindényé? 58Anagányɛ gɔg, ndiméen wahɔ úménefudíe, ambá áneé nubíaŋan gúmanyɛ nsuá, numanyɛ nudieneg agá besúmbibisan, núméneg agá besúmbibisan, ugógógólonye, ugudɔ́m agá nsénsi, bɔ́nɔh uguá giansɛ giá mbíne. 59Yɔɔ́guɔyɔn áneé adianáhám guɔ́ kandabá áneé amándásuanan buand gidigid ubúóhoneé.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល