Lúkas 11
11
Guhuínyihuinye guá mbísógóli
(Mat 6.9-13)
1Buɔ́sɛ búmodi, Yésuse uwɔbígɔ́gɛ́ɛd hɔɔ́m hómodi gá bísógólónye. Umaámáman, Ebinene omodi uwoóhún yɔ́ áneé: «Ɔgúná, díhuínyihuínye mbísógóli hana Sáŋa úmehuínyihuinyé bebinene bég.» 2Uwɔyidɛn bɔ́ áneé: «Núgóbísógólónye, nuɔya áneé: Baba wasɔ unyaá ugumɔn ánaá ɔhɛ́n huáhɔ húbígúmenye, gugilebe guáhɔ gúdiólin guɔyɛd guáhɔ gubial uguísi hana gúbíalanɔ́ ugumɔn. 3Díhuá gunyá guásɔ guá hínen, 4díyíbínɛ́n bilɔga biásɔ hana basuá súsɔ́n díyibinaninaá bɔsɔ́gá, adidíníhɛ́n didiguɛ́n uguá isɔgida gɔgaá dídúgún gá bilɔga.»
Nsab ya ogúl wa yɛbyɛb
5Yésuse uwɔnduguɔyidɛn bɔ́ áneé: «Uguánɔ guá ɔlɔŋ uguɔ́g, mɔndɔ úmabia ogúl weg, wanahámɛ́n yɔ́ na ɔdɛ́m huá budúg gá guɔyidɛn yɔ́ áneé: “Ogúl wamɛ, mbolíe bilɛ́d bídádɔ, 6gá giagiá ogúl wamɛ omodi umónól gá uŋand gúu úmabídɔ́n agámɛ egéné, ndigódi gɔg buand buá nyá gá guéŋin yɔ́.” 7Ogúl wahɔ ugányɛ, úmónoguondínyé uguadá guá giansɛ áneé: “Edinsésényé! Dabdab mméménébíbugen, mmábídimɛ́n na baán bámɛ, ndibá wa guandúguadigɛn gá huá bilɛ́d.” 8Yɔɔ́núɔyɔn buɔ́ hómohómue áneé, úmádiadigɛn gá guéŋin yɔ́ bilɛ́d ibigányɛ gá bugúl, ugaáguadigɛn gá guéŋin yɔ́ buand gidigid ubuɔ́ wámbanɔ́ gá giagiá, usabíand yɔ́.»
Usɔ́guɔŋɛn báhuán yɔ́
(Mat 7.7-11)
9«Ahá! Gúu yaŋuá nnúɔyɔnaá áneé: Ánaá núɔŋɛn bábádanúhuá, ánaá núamba nubádabia, ánaá núɔndídɛn agá niíd niá giansɛ bébédenúbunin. 10Ɛɛ́ɛ! Búnyɛ nɔ́, usɔ́guɔŋɛn báhuán yɔ́, uságuamba waábianan, usɔ́guɔ́ndídɛn agá niíd niá giansɛ bébunenin yɔ́. 11Uguánɔ guá ɔlɔŋ uguɔ́g, síe ulúm unya wa gueleé muɔ́n weg úmɔŋɛn yɔ́ yɔb, weéŋin yɔ́ nnyɔ́g agá ondig huá yɔb? 12Ugúnya ana úmɔŋɛn yɔ́ nigahɔ weéŋin yɔ́ ŋŋɛŋɛ? 13Mmába banuá nunyaá bilɔg biá bandɔ nuálinsan guéŋén baán bánɔ binɔ́g biá muand, iŋand íníg gɔg na Síe wasɔ unyaá ugumɔn údiábá wa guéŋin ɔbɔ́ŋɔnaá yɔ́ Gileénde giá Budányɛ.»
Na Yésuse na Bɛlsebúl
(Mat 9.32-34; 12.22-30; Mál 3.22-27)
14Yésuse umagúŋɛ́ɛd gilɔg giá gileénde igíméye mɔndɔ omodi gimúke, henyé Yésuse umaámágúŋɛ́ɛd gilɔg giá gileénde igigányɛ, mɔndɔ uwɛɛ́d gá gálgal, bandɔ abɛ́d gá yíka buɔ́. 15Gɔgaá, uguá ɔlɔŋ huá bandɔ abagányɛ, bómodi ɔbɔ́yɛd áneé: «Ɛɛ́ɛ, waágúŋa bilɔg biá bileénde na buŋaŋa buá Bɛlsebúl unyaá ɔgɔ́n wa bilɔg biá bileénde.» 16Gá guág yɔ́ uguá yɔɔ́bídɛ́n bandɔ bómodi obóhon yɔ́ giseyi igíólonineé ugumɔn. 17Haná Yésuse úmalinsan nugedie nuɔ́b, uwɔyidɛn bɔ́ gɔg áneé: «Niguili niá bandɔ níganyɛ na masalasala, gugilebe guég gúdibá guá gígɛ́d, biansɛ bíbugigen gímomi gímomi bídɔ́bímɔnɛn. 18Mmába abɛlɛ́bɛl unyɛ súsɔ́n na masalasala, naánanyá gɔg gugilebe guég gúnya guá gíga? Haná núɔyɔnɔ áneé yaágúŋa bilɔg biá bileénde na buŋaŋa buá Bɛlsebúl. 19Ahá, mmába yaŋuá yaágúŋa bilɔg biá bileénde na buŋaŋa buá Bɛlsebúl, bebinene bánɔ gɔg bámuanyɛ báguŋa bilɔg biá bileénde na giagɛ? Bámuanyɛ mbánan bɔ́ bánábánɔ besúmbibisan bánɔ. 20Mmába gɔg áneé yaágúŋa bilɔg biá bileénde na buŋaŋa buá Uhaluá, tábɔ́ áneé Niguili niá Uhaluá nímésinúegín. 21Uguá ginɛŋ igiɛ́ gigaga giá mɔndɔ na malaŋ még ma bidí gígíganɔ́ giansɛ giég, bunɛ́m buég búnyɛ uguá yeéyuyu. 22Gigaga igídúmbanaá úmuanyɛ gɔg gímónoól, gíhigin yɔ́, gíhɔg malaŋ még ma bidí eméŋeneé yɔ́ bugaga, gísaga muand muég wɔ́s gíɛ́d gá guaba. 23Mɔndɔ udiábá naánamɛ wámbina súsɔ́n, mɔndɔ udiédídé ɔlɔŋ naánamɛ waásasa gusasa.»
Guosiond guá gilɔg giá gileénde
(Mat 12.43-45)
24«Uguá ginɛŋ igiɛ́ gilɔg giá gileénde gísáhám uguá mɔndɔ, gíáguadaladal gá giagiá gídigódi hɔɔ́m há bíŋín, gíándand gíól nduínyi giond nduínyi agá uhambɛ, gíámba hɔɔ́m há dugumin, gímaágímanyɛ gídián, gíbígálídɛn áneé: “Ŋŋoóguond uguámɛ guá giansɛ igiɛ́ yoónolígíe guɔ́.” 25Úgéneg guɔ́, ugégie giɛ́ húláhúlá muand giságísá beseé na beseé. 26Agányɛ wond wɔnɔdɔ́ŋɛ́ɛn bɔ́gɔ́b bómodi bátíntádɔ nomue, abánya ilúnd gudɔ́mb úmuanyɛ bósiond ɔlɔŋ uguá giansɛ, bédugumin. Bilɔŋ biá mɔndɔ ugányɛ bióguólosiondón meyú gudɔ́mb biá nsuá.»
Beseé wa hómohómue
27Uyɔɔ́ Yésuse úmaámán gugálgal anagányɛ, ugándɔ uwondinye yɔ́ uguá gimbi áneé: «Beseé ubá na ugándɔ umaásámbánɔ uwond uwehúŋenye!» 28Yésuse uwondinye yɔ́ gɔg áneé: «Búnyɛ andá beseé gudɔ́mb gá bandɔ ɔbɔ́bídɔ́lígɔnɔnaá nugálɔ nuá Uhaluá bónd bála haná núɔyɔnɔ́!»
Bandɔ bóguóhon Yésuse giseyi
(Mat 12.38-42)
29Haná giíŋ ɔ gímaábígúsan Yésuse, uwɛɛ́d gá guɔya áneé: «Nunam nuá hínen núnyɛ gilɔg giá nunam, núóguóhón gilɛns, gilɛns igídónoólónín agá Uhaluá, bédienéndedíye bɔ́ gilɛns gímodi gudɔ́mb giá Yonás. 30Ɛɛ́ɛ! Haná Yonás úmabá gilɛns gá busió buá bandɔ bá Niníf, nɔ́ Muɔ́n wa Mɔndɔ únya gilɛns gá busió buá bandɔ bá hínen. 31Uguá buɔ́sɛ buá súmba bisan, aŋúndága wa ɔdɛ́m huá buɔ́sɛ wenédélímin gá fudenye bandɔ bá hínen, gá giagiá umonoólín uguá bidɔŋ biá hádɛ biá guísi gá guólɔsibídɔ́lígɔ́nɔ́n dugálɔ duá nugedie duá Salomɔ́ŋ. Guond, unyaá aga, waádúmban Salomɔ́ŋ. 32Uguá buɔ́sɛ buá súmba bisan, bandɔ bá gidɔŋ giá Niníf bánádiginɛn bandɔ bá hínen gá gélenye bɔ́. Gá giagiá bandɔ bá Niníf bɔ́mɔɔ́b nugálɔ nuá Yonás ebénúgie bilɔŋ. Gúu unyaá aga udúmbanaá Yonás.
Gise giá guágɔdɛ́m
(Mat 5.15; 6.22-23)
33Ta mɔndɔ udiédímbígen ilámba gá namb uguá mbílígís. Gɔgaá, waádúŋa hiɛ́ ugumɔn gá gueleé bandɔ ebébíŋeneé, híbunya bɔ́. 34Eŋís yahɔ yaáyanya gise giá nuɔ́l nuáhɔ. Niís niáhɔ nímabá budányɛ, tábɔ́ áneé nuɔ́l nuáhɔ gidigid núábunya súsɔ́n. Gɔgaá, niís niáhɔ nímánúma, tábɔ́ áneé nuɔ́l nuáhɔ gidigid núnyɛ súsɔ́n uguá mbíne. 35Bíyɔ́ŋímɛ́n gɔg mmába gise igínya uguáhɔ guá nuɔ́l gídibá mbíne. 36Mmába nuɔ́l nuáhɔ gidigid núnyɛ uguá gise, kanda maná mbíne, núánábá gidigid wa nuɔ́ uguá gise bilɔŋ bímomi súsɔ́n haná ilámba hígubunyanɔ́ na gise giá hiɛ́.» 37Haná Yésuse úmabá ugálgal, maná bafalisiɛ́ŋ omodi uwɔdɔ́ŋɛ́ɛn yɔ́ gá gunyá egég gá nihiá. Uwebíŋín, uwedugumin agá nubáŋ. 38Ubúádɔ́mb maná bafalisiɛ́ŋ bugaga haná úmaán Yésuse dugumine agá nubáŋ kandabísɔg imbɔ́g.
39Ɔgúná uwɔyidɛn yɔ́ gɔg áneé: «Dabdab, banuá bafalisiɛ́ŋ, nuásuga gélém guá bibólé na gélém guá dudúga gɔgaá, idɛ́m siánɔ sínyɛ hana bikána na bilɔg biá melélíe. 40Biegu ibiɛ! Kásɛ mɔndɔ umaáŋán gélém umásúguaŋan gadá a? 41Ánaá núéŋen basúgasuga ubúnya uguadá guá bibólé, naá ubúnya uguadá guá dudúga, agányɛ gɔg muand muánɔ gidigid muánábánɔ́ budányɛ. 42Banuá bafalisiɛ́ŋ nubídédínye gɔg. Banuá nuéŋeneé Uhaluá búmomi uguá múad wanɔ wa manimɛ́d amányá uguánɔ guá mesíge ta naá amábíhámaninaá hana óhindíe na biísia, nuond nubembelidie gindényé na ginɔ́nɛ́n giá Uhaluá agá buáy. Múmanigímánán áneé nuala kendebíélidie muɔ́. 43Banuá bafalisiɛ́ŋ nubídédínye gá giagiá, nuáguamba gudugumen uguá indig siá busió uguá bigúl, nuond nuamba mbígélíd siá gibúlúgie uguá biɔ́mbɛ. 44Nubídédínye banuá bafalisiɛ́ŋ gá giagiá, nunyɛ hana bibɛ́l biá kanda bigɔ́g, ibímasánsán, bánda uguá biɛ́ ta gumuɛ́nyɛ áneé báguanda uguá bibɛ́l.»
45Elinsibigodi omodi umabá hɔ́, úmuanyɛ gá Yésuse áneé: «Ehuínyihuínyi, haná agálgalaá anagányɛ, aádísiga basuá súsɔ́n.» 46Yésuse uwondinye yɔ́ áneé: «Banuá belinsibigodi súsɔ́n nubídédínye, nuádúgan bandɔ biandá biá binɔ́h ibiɛ́ núdiabá nua bídúgɛn banuá mbánan. 47Nubídédínye banuá nuháganɔ́ bibɛ́l biá bebunebúné ɔbɔɔ́ besíe bánɔ bɔ́mɔɔ́ná. 48Agányɛ búédíyenyeé áneé nunyɛ ugelu na buand ubuɔ́ besíe bánɔ bámalá. Gá giagiá bámuanyɛ bɔ́mɔɔ́ná bebunebúné, banuá nuhága bibɛ́l biɔ́b. 49Buand buáguɔ́ Uhaluá, uguég guá nulinsa wɔ́yɔnɔ́ áneé: “Yanádúmɛ́n bɔ́ bebunebúné na medenyi, bɔ́nɔ́ɔ́na bómodi, bégényigenye bódodi.” 50Gá gueleé bóhon nunam nuaguɔ́ buónyi buá manɔ́ŋ má bebunebúné ɔbɔɔ́ bɔ́mɔɔ́na guanagɔns agá magunsa má guísi, 51guenebulín agá manɔ́ŋ má Abɛ́l gueneg gá má Sakalí uyɔɔ́ bɔ́mɔɔ́n agá ɔdɛ́m na ɔdɛ́m huá mugɔ́ na giɔ́mb giá níbígúsa. Ɛɛ́ɛ! Yɔɔ́núɔyɔn buɔ́ áneé nunam nuá hínen unuɔ núgɔɔ́bɛ́ɛg gá busió buá mɔɔ́nɔ́na amagányɛ. 52Nubídédínye banuá belinsibigodi gá giagiá, numagaŋímɛ́n na núbune nuá nulinsa, unuen gubíŋín banuá muɛd, unuond unuenye bandɔ abámamba gubíŋín.» 53Yésuse umaámáhám uguá giansɛ igiɛ́ úmanyánán, belinsibigodi na boóŋi ebébul guamba yɔ́ uguísi na giod giá ŋŋóhúnín, 54bádámba yɔ́ naá símodi áneé umondinye gilɔg uguɛn.
ទើបបានជ្រើសរើសហើយ៖
Lúkas 11: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lúkas 11
11
Guhuínyihuinye guá mbísógóli
(Mat 6.9-13)
1Buɔ́sɛ búmodi, Yésuse uwɔbígɔ́gɛ́ɛd hɔɔ́m hómodi gá bísógólónye. Umaámáman, Ebinene omodi uwoóhún yɔ́ áneé: «Ɔgúná, díhuínyihuínye mbísógóli hana Sáŋa úmehuínyihuinyé bebinene bég.» 2Uwɔyidɛn bɔ́ áneé: «Núgóbísógólónye, nuɔya áneé: Baba wasɔ unyaá ugumɔn ánaá ɔhɛ́n huáhɔ húbígúmenye, gugilebe guáhɔ gúdiólin guɔyɛd guáhɔ gubial uguísi hana gúbíalanɔ́ ugumɔn. 3Díhuá gunyá guásɔ guá hínen, 4díyíbínɛ́n bilɔga biásɔ hana basuá súsɔ́n díyibinaninaá bɔsɔ́gá, adidíníhɛ́n didiguɛ́n uguá isɔgida gɔgaá dídúgún gá bilɔga.»
Nsab ya ogúl wa yɛbyɛb
5Yésuse uwɔnduguɔyidɛn bɔ́ áneé: «Uguánɔ guá ɔlɔŋ uguɔ́g, mɔndɔ úmabia ogúl weg, wanahámɛ́n yɔ́ na ɔdɛ́m huá budúg gá guɔyidɛn yɔ́ áneé: “Ogúl wamɛ, mbolíe bilɛ́d bídádɔ, 6gá giagiá ogúl wamɛ omodi umónól gá uŋand gúu úmabídɔ́n agámɛ egéné, ndigódi gɔg buand buá nyá gá guéŋin yɔ́.” 7Ogúl wahɔ ugányɛ, úmónoguondínyé uguadá guá giansɛ áneé: “Edinsésényé! Dabdab mméménébíbugen, mmábídimɛ́n na baán bámɛ, ndibá wa guandúguadigɛn gá huá bilɛ́d.” 8Yɔɔ́núɔyɔn buɔ́ hómohómue áneé, úmádiadigɛn gá guéŋin yɔ́ bilɛ́d ibigányɛ gá bugúl, ugaáguadigɛn gá guéŋin yɔ́ buand gidigid ubuɔ́ wámbanɔ́ gá giagiá, usabíand yɔ́.»
Usɔ́guɔŋɛn báhuán yɔ́
(Mat 7.7-11)
9«Ahá! Gúu yaŋuá nnúɔyɔnaá áneé: Ánaá núɔŋɛn bábádanúhuá, ánaá núamba nubádabia, ánaá núɔndídɛn agá niíd niá giansɛ bébédenúbunin. 10Ɛɛ́ɛ! Búnyɛ nɔ́, usɔ́guɔŋɛn báhuán yɔ́, uságuamba waábianan, usɔ́guɔ́ndídɛn agá niíd niá giansɛ bébunenin yɔ́. 11Uguánɔ guá ɔlɔŋ uguɔ́g, síe ulúm unya wa gueleé muɔ́n weg úmɔŋɛn yɔ́ yɔb, weéŋin yɔ́ nnyɔ́g agá ondig huá yɔb? 12Ugúnya ana úmɔŋɛn yɔ́ nigahɔ weéŋin yɔ́ ŋŋɛŋɛ? 13Mmába banuá nunyaá bilɔg biá bandɔ nuálinsan guéŋén baán bánɔ binɔ́g biá muand, iŋand íníg gɔg na Síe wasɔ unyaá ugumɔn údiábá wa guéŋin ɔbɔ́ŋɔnaá yɔ́ Gileénde giá Budányɛ.»
Na Yésuse na Bɛlsebúl
(Mat 9.32-34; 12.22-30; Mál 3.22-27)
14Yésuse umagúŋɛ́ɛd gilɔg giá gileénde igíméye mɔndɔ omodi gimúke, henyé Yésuse umaámágúŋɛ́ɛd gilɔg giá gileénde igigányɛ, mɔndɔ uwɛɛ́d gá gálgal, bandɔ abɛ́d gá yíka buɔ́. 15Gɔgaá, uguá ɔlɔŋ huá bandɔ abagányɛ, bómodi ɔbɔ́yɛd áneé: «Ɛɛ́ɛ, waágúŋa bilɔg biá bileénde na buŋaŋa buá Bɛlsebúl unyaá ɔgɔ́n wa bilɔg biá bileénde.» 16Gá guág yɔ́ uguá yɔɔ́bídɛ́n bandɔ bómodi obóhon yɔ́ giseyi igíólonineé ugumɔn. 17Haná Yésuse úmalinsan nugedie nuɔ́b, uwɔyidɛn bɔ́ gɔg áneé: «Niguili niá bandɔ níganyɛ na masalasala, gugilebe guég gúdibá guá gígɛ́d, biansɛ bíbugigen gímomi gímomi bídɔ́bímɔnɛn. 18Mmába abɛlɛ́bɛl unyɛ súsɔ́n na masalasala, naánanyá gɔg gugilebe guég gúnya guá gíga? Haná núɔyɔnɔ áneé yaágúŋa bilɔg biá bileénde na buŋaŋa buá Bɛlsebúl. 19Ahá, mmába yaŋuá yaágúŋa bilɔg biá bileénde na buŋaŋa buá Bɛlsebúl, bebinene bánɔ gɔg bámuanyɛ báguŋa bilɔg biá bileénde na giagɛ? Bámuanyɛ mbánan bɔ́ bánábánɔ besúmbibisan bánɔ. 20Mmába gɔg áneé yaágúŋa bilɔg biá bileénde na buŋaŋa buá Uhaluá, tábɔ́ áneé Niguili niá Uhaluá nímésinúegín. 21Uguá ginɛŋ igiɛ́ gigaga giá mɔndɔ na malaŋ még ma bidí gígíganɔ́ giansɛ giég, bunɛ́m buég búnyɛ uguá yeéyuyu. 22Gigaga igídúmbanaá úmuanyɛ gɔg gímónoól, gíhigin yɔ́, gíhɔg malaŋ még ma bidí eméŋeneé yɔ́ bugaga, gísaga muand muég wɔ́s gíɛ́d gá guaba. 23Mɔndɔ udiábá naánamɛ wámbina súsɔ́n, mɔndɔ udiédídé ɔlɔŋ naánamɛ waásasa gusasa.»
Guosiond guá gilɔg giá gileénde
(Mat 12.43-45)
24«Uguá ginɛŋ igiɛ́ gilɔg giá gileénde gísáhám uguá mɔndɔ, gíáguadaladal gá giagiá gídigódi hɔɔ́m há bíŋín, gíándand gíól nduínyi giond nduínyi agá uhambɛ, gíámba hɔɔ́m há dugumin, gímaágímanyɛ gídián, gíbígálídɛn áneé: “Ŋŋoóguond uguámɛ guá giansɛ igiɛ́ yoónolígíe guɔ́.” 25Úgéneg guɔ́, ugégie giɛ́ húláhúlá muand giságísá beseé na beseé. 26Agányɛ wond wɔnɔdɔ́ŋɛ́ɛn bɔ́gɔ́b bómodi bátíntádɔ nomue, abánya ilúnd gudɔ́mb úmuanyɛ bósiond ɔlɔŋ uguá giansɛ, bédugumin. Bilɔŋ biá mɔndɔ ugányɛ bióguólosiondón meyú gudɔ́mb biá nsuá.»
Beseé wa hómohómue
27Uyɔɔ́ Yésuse úmaámán gugálgal anagányɛ, ugándɔ uwondinye yɔ́ uguá gimbi áneé: «Beseé ubá na ugándɔ umaásámbánɔ uwond uwehúŋenye!» 28Yésuse uwondinye yɔ́ gɔg áneé: «Búnyɛ andá beseé gudɔ́mb gá bandɔ ɔbɔ́bídɔ́lígɔnɔnaá nugálɔ nuá Uhaluá bónd bála haná núɔyɔnɔ́!»
Bandɔ bóguóhon Yésuse giseyi
(Mat 12.38-42)
29Haná giíŋ ɔ gímaábígúsan Yésuse, uwɛɛ́d gá guɔya áneé: «Nunam nuá hínen núnyɛ gilɔg giá nunam, núóguóhón gilɛns, gilɛns igídónoólónín agá Uhaluá, bédienéndedíye bɔ́ gilɛns gímodi gudɔ́mb giá Yonás. 30Ɛɛ́ɛ! Haná Yonás úmabá gilɛns gá busió buá bandɔ bá Niníf, nɔ́ Muɔ́n wa Mɔndɔ únya gilɛns gá busió buá bandɔ bá hínen. 31Uguá buɔ́sɛ buá súmba bisan, aŋúndága wa ɔdɛ́m huá buɔ́sɛ wenédélímin gá fudenye bandɔ bá hínen, gá giagiá umonoólín uguá bidɔŋ biá hádɛ biá guísi gá guólɔsibídɔ́lígɔ́nɔ́n dugálɔ duá nugedie duá Salomɔ́ŋ. Guond, unyaá aga, waádúmban Salomɔ́ŋ. 32Uguá buɔ́sɛ buá súmba bisan, bandɔ bá gidɔŋ giá Niníf bánádiginɛn bandɔ bá hínen gá gélenye bɔ́. Gá giagiá bandɔ bá Niníf bɔ́mɔɔ́b nugálɔ nuá Yonás ebénúgie bilɔŋ. Gúu unyaá aga udúmbanaá Yonás.
Gise giá guágɔdɛ́m
(Mat 5.15; 6.22-23)
33Ta mɔndɔ udiédímbígen ilámba gá namb uguá mbílígís. Gɔgaá, waádúŋa hiɛ́ ugumɔn gá gueleé bandɔ ebébíŋeneé, híbunya bɔ́. 34Eŋís yahɔ yaáyanya gise giá nuɔ́l nuáhɔ. Niís niáhɔ nímabá budányɛ, tábɔ́ áneé nuɔ́l nuáhɔ gidigid núábunya súsɔ́n. Gɔgaá, niís niáhɔ nímánúma, tábɔ́ áneé nuɔ́l nuáhɔ gidigid núnyɛ súsɔ́n uguá mbíne. 35Bíyɔ́ŋímɛ́n gɔg mmába gise igínya uguáhɔ guá nuɔ́l gídibá mbíne. 36Mmába nuɔ́l nuáhɔ gidigid núnyɛ uguá gise, kanda maná mbíne, núánábá gidigid wa nuɔ́ uguá gise bilɔŋ bímomi súsɔ́n haná ilámba hígubunyanɔ́ na gise giá hiɛ́.» 37Haná Yésuse úmabá ugálgal, maná bafalisiɛ́ŋ omodi uwɔdɔ́ŋɛ́ɛn yɔ́ gá gunyá egég gá nihiá. Uwebíŋín, uwedugumin agá nubáŋ. 38Ubúádɔ́mb maná bafalisiɛ́ŋ bugaga haná úmaán Yésuse dugumine agá nubáŋ kandabísɔg imbɔ́g.
39Ɔgúná uwɔyidɛn yɔ́ gɔg áneé: «Dabdab, banuá bafalisiɛ́ŋ, nuásuga gélém guá bibólé na gélém guá dudúga gɔgaá, idɛ́m siánɔ sínyɛ hana bikána na bilɔg biá melélíe. 40Biegu ibiɛ! Kásɛ mɔndɔ umaáŋán gélém umásúguaŋan gadá a? 41Ánaá núéŋen basúgasuga ubúnya uguadá guá bibólé, naá ubúnya uguadá guá dudúga, agányɛ gɔg muand muánɔ gidigid muánábánɔ́ budányɛ. 42Banuá bafalisiɛ́ŋ nubídédínye gɔg. Banuá nuéŋeneé Uhaluá búmomi uguá múad wanɔ wa manimɛ́d amányá uguánɔ guá mesíge ta naá amábíhámaninaá hana óhindíe na biísia, nuond nubembelidie gindényé na ginɔ́nɛ́n giá Uhaluá agá buáy. Múmanigímánán áneé nuala kendebíélidie muɔ́. 43Banuá bafalisiɛ́ŋ nubídédínye gá giagiá, nuáguamba gudugumen uguá indig siá busió uguá bigúl, nuond nuamba mbígélíd siá gibúlúgie uguá biɔ́mbɛ. 44Nubídédínye banuá bafalisiɛ́ŋ gá giagiá, nunyɛ hana bibɛ́l biá kanda bigɔ́g, ibímasánsán, bánda uguá biɛ́ ta gumuɛ́nyɛ áneé báguanda uguá bibɛ́l.»
45Elinsibigodi omodi umabá hɔ́, úmuanyɛ gá Yésuse áneé: «Ehuínyihuínyi, haná agálgalaá anagányɛ, aádísiga basuá súsɔ́n.» 46Yésuse uwondinye yɔ́ áneé: «Banuá belinsibigodi súsɔ́n nubídédínye, nuádúgan bandɔ biandá biá binɔ́h ibiɛ́ núdiabá nua bídúgɛn banuá mbánan. 47Nubídédínye banuá nuháganɔ́ bibɛ́l biá bebunebúné ɔbɔɔ́ besíe bánɔ bɔ́mɔɔ́ná. 48Agányɛ búédíyenyeé áneé nunyɛ ugelu na buand ubuɔ́ besíe bánɔ bámalá. Gá giagiá bámuanyɛ bɔ́mɔɔ́ná bebunebúné, banuá nuhága bibɛ́l biɔ́b. 49Buand buáguɔ́ Uhaluá, uguég guá nulinsa wɔ́yɔnɔ́ áneé: “Yanádúmɛ́n bɔ́ bebunebúné na medenyi, bɔ́nɔ́ɔ́na bómodi, bégényigenye bódodi.” 50Gá gueleé bóhon nunam nuaguɔ́ buónyi buá manɔ́ŋ má bebunebúné ɔbɔɔ́ bɔ́mɔɔ́na guanagɔns agá magunsa má guísi, 51guenebulín agá manɔ́ŋ má Abɛ́l gueneg gá má Sakalí uyɔɔ́ bɔ́mɔɔ́n agá ɔdɛ́m na ɔdɛ́m huá mugɔ́ na giɔ́mb giá níbígúsa. Ɛɛ́ɛ! Yɔɔ́núɔyɔn buɔ́ áneé nunam nuá hínen unuɔ núgɔɔ́bɛ́ɛg gá busió buá mɔɔ́nɔ́na amagányɛ. 52Nubídédínye banuá belinsibigodi gá giagiá, numagaŋímɛ́n na núbune nuá nulinsa, unuen gubíŋín banuá muɛd, unuond unuenye bandɔ abámamba gubíŋín.» 53Yésuse umaámáhám uguá giansɛ igiɛ́ úmanyánán, belinsibigodi na boóŋi ebébul guamba yɔ́ uguísi na giod giá ŋŋóhúnín, 54bádámba yɔ́ naá símodi áneé umondinye gilɔg uguɛn.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល