Sáŋa Mbíŋínín ya Ginɔ́g giá Nsɔ́m guɔ́ŋ guá Sáŋa
Mbíŋínín ya Ginɔ́g giá Nsɔ́m guɔ́ŋ guá Sáŋa
Ginɔ́g giá Nsɔ́m giá Sáŋa gíédíyenye Yésuse hana Nugálɔ nuá ságásagá nuá Uhaluá unúmaáyɛ mɔndɔ, unuésidugumin naánasɔ (1.14). Umadambɔ́n buŋaŋa buég na bufuŋ ubúólonineé agá Uhaluá uguá biseyi ibínya ihɛ́n áneé «bilɛns» gúu udóŋónyeé duhɔ́nhɔ́n gédúdugédúdu gá busió buá bilɛns ibigányɛ (2–12). Egélém mayɔ még má nsúgie na bebinene bég (13–17). Gigimbine giég, nugélényi nuég, guɔ́ndɔn yɔ́ uguá nuag na hám uguá gibɛ́l (12–20). Bɔ́guɔya buá gidigid gá gueleé núádáab áneé Yésuse unyɛ Bémeyíde, Muɔ́n wa Uhaluá. Gɔgaá, númádáaban yɔ́, nuanábia nusɔ́da guónoólín egég (20.31).
Ginɔ́g giá Nsɔ́m igiɛ gídibá hana ibíólbiondeé. Uguɔ, Sáŋa waásaluna moóli má Yésuse uguá gibéyi giá guísi giá Yudé naá giá Galilé gudɔ́mb uguá guɔ́m uguólguondeé. Buand ubúéndedíyenyeé áneé Ginɔ́g giá Nsɔ́m igiɛ gídibá hana ibíólbiondeé, búnyɛ áneé Sáŋa weékenenye uguá muand umuɔ́ dílinsanaá gá huínyihuinye hómohómue wa Uhaluá. Muand hana: Mimbi, gilɛ́d, egíg bidúg na bidúmbúa biég, fínyi na bibɔg biég.
Ubúnya uguadá guá mbɔba iyɛ
Magunsa 1.1-18
Sáŋa eyumínyibandɔ na bebinene bá busió bá Yésuse 1.19-51
Buóli buá Yésuse agá eŋís ya bandɔ 2–12
Dugálɔ duá guédébenyinye na bebinene 13–17
Giɔ́bíga na nigué niá Yésuse 18–19
Guhám uguá gibɛ́l na bíéníginye guá Yésuse 20–21
ទើបបានជ្រើសរើសហើយ៖
Sáŋa Mbíŋínín ya Ginɔ́g giá Nsɔ́m guɔ́ŋ guá Sáŋa: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល