Sáŋa 6
6
Yésuse woóguoye giandá giá giíŋ
(Mat 14.13-21; Mál 6.30-40; Lúk 9.10-17)
1Egélém agányɛ, Yésuse uwayɔg máŋ má Galilé, máŋ ɔmɔɔ́ bɔ́ndɔdɔ́ŋɔnaá áneé máŋ má Tibeliád. 2Giandá giá giíŋ igíébinen yɔ́ gá giagiá, gímabá gíánan biseyi ibiɛ́ úmabá wala agaá úmóndúgonye banúmanuma. 3Buand buáguɔ́ Yésuse úmabúlɛ́ɛg uguá ɔŋuɛnyɛ, uwedugumin na bebinene bég. 4Budɔ́mb buá Páska wa bayúdɛn búmasɛ́d mɔdɔg. 5Yésuse uwabíyɛg, uwaán giandá giá giíŋ gíónoólónín yɔ́, uwoóhún Fílibe áneé: «Hanyɛ agaá dínya dia guɔ́nd bilɛ́d gá gueleé diafɛn bandɔ ɔbɔ gidigid?» 6Umagálgál anagányɛ gá guág Fílibe uguá yɔɔ́bídɛ́n, henyé umamúnyán buand ubuɔ́ ugaágualanɔ́. 7Fílibe uwondinye yɔ́ áneé: «Ta étín átánɔ áhandɛ ya bikɔ́ŋ yádibá ya gueg gá gueleé diɔ́nd bilɛ́d áneé sig mɔndɔ ubia maná ibébéyi.» 8Ebinene weg omodi, ɔhɛ́n áneé Andlé, gisɔ́nd giá Símune Piéle, uwɔyidɛn yɔ́ áneé: 9«Muúŋayɔ unúmɔndɔ omodi unyɛ aga ugódionu bilɛ́d#6.9 Búmabá bilɛ́d biá ɔ́les. bítánɔ na baán bá muɔb báandɛ, giagɛ igiɛ́ búnya buá gual na giod giá bandɔ igiɛ?» 10Giod giá megíde gímabá agá hɔɔ́m háguɔ́, Yésuse uwɔyɛd áneé: «Dúgúményénénu bandɔ.» Bandɔ ebédugumen gɔg, bámabábábá banúmɔndɔ duɔns dútánɔ. 11Yésuse uwɔgɔ́l gɔg gilɛ́d, uweéŋin Uhaluá mbíyigie uwaban bandɔ abámabá hɔ́, uwal buand búmomi na muɔb. Sig mɔndɔ uwanyánan hana úmɔyá. 12Bámaámándanyánan abábíhálan, Yésuse uwɔyidɛn bebinene bég áneé: «Ánaá núbáda bibéyi ibíméndésíenen gá gueleé ta buand búdiním.» 13Bibéyi ibímésien uguá bilɛ́d bítánɔ ibiɛ́ bámányánán, abábáda ibíóhónye mudɛd múad na múandɛ. 14Bandɔ bámaámáan giseyi igiɛ́ úmal, ɔbɔ́yɛd áneé: «Mɔndɔ uyɔ unyɛ hómohómue ebunebúné ugódionu áneé woól uguísi.» 15Gɔgaá, Yésuse umalinsán áneé bégésigimbín yɔ́ gá búlígie yɔ́ hana ofuŋ, uwɔndɔbígɔ́gɛ́ɛd agá ɔŋuɛnyɛ úmuanyɛ omoómi.
Yésuse waáguanda uguá máŋ
(Mat 14.22-27; Mál 6.45-52)
16Ginɛ́ŋ gímaámágua, bebinene bég ebédúnúg ɔŋuɛnyɛ, ebéneg uguá ŋŋɛnd ya máŋ. 17Abáyumɛn uguá ŋŋumba gá guɛ́d gibéyi giá Kafalnawúm, na agɔ́n unó wa máŋ. Mbíne ímasɛɛ́d imágua gɔgaá, Yésuse umabá umanyɛ udienégégie bɔ́. 18Giandá giá gihínyi igíɛ́d gá fife, mimbi amɛ́d gá bíbuŋe. 19Bámasɛɛ́d béméménénuénen ŋŋumba yɔb ala bá kílomɛ́tlɛ bátánɔ ugúnya ana bátíndádɔ, bámaámáan Yésuse wanda uguá mimbi ukilanɛn bɔ́, bugádɔ ubúégimbin bɔ́. 20Gɔgaá, Yésuse uwɔyidɛn bɔ́ áneé: «Búnyɛ yaŋuá núdibia bugádɔ.» 21Báganyɛ áneé bɔ́gɔ́l yɔ́ uguá ŋŋumba gɔgaá, abásián ŋŋumba iméneg uguá ŋŋɛnd agá hɔɔ́m ɔhɔɔ́ bámiídan.
Yésuse gilɛ́d giá nusɔ́da
22Mémbélényi, giíŋ igímɔlɔbɛ́n na agɔ́n unó wa máŋ, igíébílinsiginye áneé ŋŋumba imabá hɔ́ pɛ́ŋ imoómi guond Yésuse umasáyumen guɔ na bebinene bég, bámɛɛ́d bámuanyɛ na bámuanyɛ. 23Ta nɔ́ gɔg, ŋŋumba símodi isíónoólín gibéyi giá Tibeliád, mɔdɔg na hɔɔ́m ɔhɔɔ́ bámanyánán gilɛ́d, egélém gá mbíyigie iyɛɛ́ Ɔgúná úmeéŋín Uhaluá. 24Giíŋ gímeémébílinsiginye áneé ta Yésuse ta bebinene bámasábá, ɔbɔ́gɔ́lɔn ŋŋumba gá guɛ́d guamba yɔ́ Kafalnawúm. 25Bémeéménegégie yɔ́ na agɔ́n unó wa máŋ, obóhún yɔ́ áneé: «Lábi, osólesieg agá nig?» 26Yésuse uwondinye bɔ́ áneé: «Uguá hómohómue, uguá hómohómue, yɔɔ́núɔyɔn buɔ́, nudiáŋamba gá giagiá numán biseyi gɔgaá, nuáŋamba gá giagiá numándányánan bilɛ́d núábíhálan. 27Nudibídóŋónyé gá guala buóli gá gunyá ugúsulanaá gɔgaá, ánaá núala gá gunyá ugúgíganɔ́, ugúhuáninaá nusɔ́da nuá ságásagá, gunyá uguɔ́ Muɔ́n wa mɔndɔ wánánúhuánɔ́ gá giagiá, úmuanyɛ yɔ́ Síe, unyaá Uhaluá úmaág ndiskan ya ihiligine hiég.» 28Obóhún yɔ́ áneé: «Giagɛ igiɛ́ dínya dia guala gá gueleé buóli ubuɔ́ Uhaluá wɔ́yɔnɔ́ búbíhónye?» 29Yésuse uwondinye bɔ́ áneé: «Buóli ubuɔ́ Uhaluá unúóhóneé áneé núala búnyɛ pɛ́ŋ áneé núádáab uyɔɔ́ úmadɔ́m.» 30Obóndinye yɔ́ áneé: «Gɔgaá, aŋuá kasɛ́ bugilɛns ubuɔ́ ágaágualanɔ́, gá gueleé dián diond diguádáab? Kasɛ́ bubuand ubuɔ́ ágalanɔ́? 31Ndíndíl siásɔ símanyánán máne uguá gidɔŋ giá gɔ́dɔgɔ́dɔ. Hana Ŋŋɔ́ŋɛ yɔ́yɔnɔ́ áneé: “Umeéŋín bɔ́ gilɛ́d igímonólin ugumɔn.” » 32Gɔgaá, Yésuse uwɔyidɛn bɔ́ áneé: «Uguá hómohómue, uguá hómohómue, yɔɔ́núɔyɔn buɔ́ áneé, búdibá Mɔ́sɛsa úmaánúhuán gilɛ́d igímonólín ugumɔn gɔgaá, búnyɛ Síe wamɛ únúhuánaá gilɛ́d giá hómohómue guónoólín ugumɔn. 33Gá giagiá, gunyá uguɔ́ Uhaluá úhuáninaá gúnyɛ ugúsusaninaá ugumɔn, guéŋén bandɔ nusɔ́da.» 34Ɔbɔ́yidɛn yɔ́ gɔg áneé: «Ɔgúná, díhuá bugunyá buáguɔ́ gá binɛŋ gidigid.» 35Yésuse uwɔyidɛn bɔ́ áneé: «Búnyɛ yaŋuá nnyaá gunyá guá nusɔ́da, mɔndɔ usáŋkilɛn nsan idiándanúma yɔ́, usáŋádáab, niída nídiánándanúmɛ́d yɔ́. 36Gɔgaá, nsɔnúɔyidɛn buɔ́: Numaán ta anagányɛ nudiáguádáaban. 37Mɔndɔ gidigid uyɔɔ́ Síe wamɛ úmpuánaá wánáŋkilɛn, usáŋkilɛn ndionómb yɔ́. 38Gá giagiá, mmonoólín ugumɔn, búdibá gá guala guɔyɛd guámɛ gɔgaá, gá guala guɔyɛd guá mɔndɔ úmaándɔ́m. 39Guɔyɛd guá mɔndɔ úmaándɔ́m gúnyɛ áneé: ndinímie ta mɔndɔ omoómi uguá bandɔ ɔbɔɔ́ úmampuá gɔgaá, mpémie bɔ́ uguá gibɛ́l uguá buɔ́sɛ buá nsúgie. 40Ɛɛ́ɛ, ndé guɔyɛd guá Baba uguɔ, mɔndɔ gidigid uwaánanaá Muɔ́n wond waág ɔdɛ́m uguég ubia nusɔ́da nuá ságásagá, yaŋuá yenéhémie yɔ́ uguá gibɛ́l uguá buɔ́sɛ buá nsúgie.»
41Gubul uguá ginɛŋ igigányɛ, bayúdɛn abɛ́d gá guoŋuinyoŋuinyi gég gá busió gá giagiá, Yésuse umɔyɛd áneé: «Nnyɛ gunyá ugúmonoólín ugumɔn.» 42Bɔ́ya áneé: «Búdibá Yésuse, uháŋ huá Yɔ́sɛba a? Diényi síe weg na noódíe weg, naánanyá únya wa guɔyɛd dabdab áneé: “Mmasusɛ́n ugumɔn?”» 43Yésuse uwondinye bɔ́ áneé: «Ánaá núdélíminye guoŋuinyiŋuinyi banuá na banuá. 44Ta mɔndɔ udibá wa guól agámɛ kandabá áneé Síe wamɛ umaándɔ́m umóŋólín neéneg, yaŋuá gɔg uguá buɔ́sɛ buá nsúgie yenéhémie yɔ́ uguá gibɛ́l. 45Búnyɛ ubúɔ́ŋɔ́n uguá yubu hiá bebunebúné áneé: “Uhaluá wenéhuínyihuinye bɔ́ gidigid.” Mɔndɔ usɔ́guɔ́b nugálɔ nuá Síe wond waádáab nuhuínyihuínyi nuég unugányɛ, woóguólon agámɛ. 46Ta mɔndɔ umanyɛ udián Síe pɛ́ŋ, uwoólonineé agá Uhaluá, úmuanyɛ úmaán Síe. 47Ɛɛ́ɛ, uguá hómohómue, uguá hómohómue, yɔɔ́núɔyɔn áneé: mɔndɔ uwaádáabanaá uganyɛ na nusɔ́da nuá ságásagá. 48Nnyɛ gunyá guá nusɔ́da. 49Ndíndíl siánɔ símanyánán máne uguá gidɔŋ giá gɔ́dɔgɔ́dɔ ta anagányɛ isíéguén. 50Gɔgaá, gunyá ugúólonineé ugumɔn, gúnyɛ bugunyá ubúnya áneé, mɔndɔ úmanyá buɔ́ udienégué. 51Yaŋuá nnyaá gunyá guá nusɔ́da ugúsusaninaá ugumɔn. Mɔndɔ úmanya guɔ́ wɔnɔ́sɔ́dɔn gá ságásagá, gunyá uguɔ́ ŋŋodóŋinyenú, búnyɛ mmegu yamɛ, yoódóŋonye yɛ́ gá gueleé bandɔ bá guísi bábia nusɔ́da.» 52Uguá dugálɔ udugányɛ, bayúdɛn abɛ́d gá yɔ́ba, bɔ́ya bámuanyɛ na bámuanyɛ ugelu ugumɔn áneé: «Naánanyá mɔndɔ unó únya wa díhuá mmegu yeg áneé dinyá?» 53Yésuse uwɔyidɛn bɔ́ gɔg áneé: «Uguá hómohómue, uguá hómohómue, yɔɔ́núɔyɔn áneé: númánudinyá mmegu ya Muɔ́n wa mɔndɔ nuond nubíhuá manɔ́ŋ még nudianábia nusɔ́da. 54Usányá mmegu yamɛ wond ubihuá manɔ́ŋ mámɛ ugódi nusɔ́da nuá ságásagá. Yaŋuá, yenéhémie yɔ́ uguá gibɛ́l uguá buɔ́sɛ buá nsúgie. 55Gá giagiá, mmegu yamɛ inyɛ gunyá guá hómohómue, manɔ́ŋ mámɛ ginɔ́g giá buand giá bíhuá. 56Usányá mmegu yamɛ wond ubíhuá manɔ́ŋ mámɛ, waágíga uguámɛ yaŋuá uguég. 57Hana Síe wamɛ usɔ́dɔnaá úmandɔ́m, yaŋuá yɔɔ́sɔ́dɔn uguég, gúu mɔndɔ uwanányánɔ́ mmegu yamɛ wɔnɔ́sɔ́dɔn uguámɛ. 58Gunyá ugúmasusɛ́n ugumɔn gúgúényé, gúdibá hana uguɔ́ ndíndíl síanɔ isímeguén símanyánán gɔgaá, mɔndɔ úmanyá gunyá uguɔ wɔnɔ́sɔ́dɔn gá ságásagá.» 59Ndénu nuhuínyihuínyi nuá Yésuse uguá gigúl giá Kafalnawúm núnuganyɛ.
Gugɔ́d guá guágɔdɛ́m
60Egélém gá bídɔ́lígɔnɔn Yésuse, giod giá bebinene giég igíɛ́d gá guɔya áneé: «Nugálɔ unuɔ núnyɛ gulal. Ányá unyaá wa bídɔ́lígɛn yɔ́?» 61Yésuse uwalɛns áneé bebinene bég bóguoŋuinyoŋuinyi gá buɔ́, uwɔyidɛn bɔ́ áneé: «Kásɛ, nugálɔ nuámɛ unugányɛ núánúala gilɔga a? 62Guond nuanámán gɔg Muɔ́n wa mɔndɔ ubúlígan gá guɛ́d agá hɔɔ́m ɔhɔɔ́ úmabá nsuá, giagɛ igíánábídúmbanaá? 63Búnyɛ Gileénde giá Uhaluá gígíhuáninaá nusɔ́da, mɔndɔ buéŋenyi udibá wa gual ta buand. Dugálɔ uduɔ́ yɔ́núɔyɔ́n dúóguólonin agá Gileénde, dúhuánɛn nusɔ́da. 64Gɔgaá, bómodi uguánɔ guá ɔlɔŋ uguɔ́g bádiáguádáaban.» Ta nɔ́ gɔg guɔnɔgɔ́lɛ́n agá magunsa, Yésuse umalinsán abámasábábádáaban yɔ́, ta umaábá áneé ugoógió yɔ́. 65Uwɔ́hígɛn áneé: «Buand buáguɔ́ mmɔ́yɛ́d áneé mɔndɔ udibá wa ŋŋólin mmába Síe wamɛ umasáhuá yɔ́ giásɛ.» 66Gugɔns uguá ginɛŋ igigányɛ, giod giá bebinene giég igíébíduŋulid, gímeséndebinen yɔ́. 67Yésuse uwɔyidɛn gɔg bebinene bá báad na báandɛ áneé: «Banuá súsɔ́n núdiádúmban a?» 68Símune Piéle uwondinye yɔ́ áneé: «Ɔgúná, ányá uyɔɔ́ dínya andá dia guídɛ́n? Aŋuá ogódionu dugálɔ duá nusɔ́da nuá ságásagá.» 69Gásɔ gɔg dimaádáab, idialɛns áneé anyɛ gisámb igiɛ́ Uhaluá wádɔ́m. 70Yésuse uwondinye yɔ́ áneé: «Mbúen yaŋuá mmeénúéyíd banuá bem báad na báandɛ? Henyé, omodi unyɛ abɛlɛ́bɛl.» 71Umabá ugálgal anagányɛ gá busió buá Yúdas, uhaŋ huá Simune Iskaliɔ́t, ta hana búmabá áneé unyɛ uguá ɔlɔŋ huá báad na báandɛ gá giagiá, úwonógíónú yɔ́.
ទើបបានជ្រើសរើសហើយ៖
Sáŋa 6: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 6
6
Yésuse woóguoye giandá giá giíŋ
(Mat 14.13-21; Mál 6.30-40; Lúk 9.10-17)
1Egélém agányɛ, Yésuse uwayɔg máŋ má Galilé, máŋ ɔmɔɔ́ bɔ́ndɔdɔ́ŋɔnaá áneé máŋ má Tibeliád. 2Giandá giá giíŋ igíébinen yɔ́ gá giagiá, gímabá gíánan biseyi ibiɛ́ úmabá wala agaá úmóndúgonye banúmanuma. 3Buand buáguɔ́ Yésuse úmabúlɛ́ɛg uguá ɔŋuɛnyɛ, uwedugumin na bebinene bég. 4Budɔ́mb buá Páska wa bayúdɛn búmasɛ́d mɔdɔg. 5Yésuse uwabíyɛg, uwaán giandá giá giíŋ gíónoólónín yɔ́, uwoóhún Fílibe áneé: «Hanyɛ agaá dínya dia guɔ́nd bilɛ́d gá gueleé diafɛn bandɔ ɔbɔ gidigid?» 6Umagálgál anagányɛ gá guág Fílibe uguá yɔɔ́bídɛ́n, henyé umamúnyán buand ubuɔ́ ugaágualanɔ́. 7Fílibe uwondinye yɔ́ áneé: «Ta étín átánɔ áhandɛ ya bikɔ́ŋ yádibá ya gueg gá gueleé diɔ́nd bilɛ́d áneé sig mɔndɔ ubia maná ibébéyi.» 8Ebinene weg omodi, ɔhɛ́n áneé Andlé, gisɔ́nd giá Símune Piéle, uwɔyidɛn yɔ́ áneé: 9«Muúŋayɔ unúmɔndɔ omodi unyɛ aga ugódionu bilɛ́d#6.9 Búmabá bilɛ́d biá ɔ́les. bítánɔ na baán bá muɔb báandɛ, giagɛ igiɛ́ búnya buá gual na giod giá bandɔ igiɛ?» 10Giod giá megíde gímabá agá hɔɔ́m háguɔ́, Yésuse uwɔyɛd áneé: «Dúgúményénénu bandɔ.» Bandɔ ebédugumen gɔg, bámabábábá banúmɔndɔ duɔns dútánɔ. 11Yésuse uwɔgɔ́l gɔg gilɛ́d, uweéŋin Uhaluá mbíyigie uwaban bandɔ abámabá hɔ́, uwal buand búmomi na muɔb. Sig mɔndɔ uwanyánan hana úmɔyá. 12Bámaámándanyánan abábíhálan, Yésuse uwɔyidɛn bebinene bég áneé: «Ánaá núbáda bibéyi ibíméndésíenen gá gueleé ta buand búdiním.» 13Bibéyi ibímésien uguá bilɛ́d bítánɔ ibiɛ́ bámányánán, abábáda ibíóhónye mudɛd múad na múandɛ. 14Bandɔ bámaámáan giseyi igiɛ́ úmal, ɔbɔ́yɛd áneé: «Mɔndɔ uyɔ unyɛ hómohómue ebunebúné ugódionu áneé woól uguísi.» 15Gɔgaá, Yésuse umalinsán áneé bégésigimbín yɔ́ gá búlígie yɔ́ hana ofuŋ, uwɔndɔbígɔ́gɛ́ɛd agá ɔŋuɛnyɛ úmuanyɛ omoómi.
Yésuse waáguanda uguá máŋ
(Mat 14.22-27; Mál 6.45-52)
16Ginɛ́ŋ gímaámágua, bebinene bég ebédúnúg ɔŋuɛnyɛ, ebéneg uguá ŋŋɛnd ya máŋ. 17Abáyumɛn uguá ŋŋumba gá guɛ́d gibéyi giá Kafalnawúm, na agɔ́n unó wa máŋ. Mbíne ímasɛɛ́d imágua gɔgaá, Yésuse umabá umanyɛ udienégégie bɔ́. 18Giandá giá gihínyi igíɛ́d gá fife, mimbi amɛ́d gá bíbuŋe. 19Bámasɛɛ́d béméménénuénen ŋŋumba yɔb ala bá kílomɛ́tlɛ bátánɔ ugúnya ana bátíndádɔ, bámaámáan Yésuse wanda uguá mimbi ukilanɛn bɔ́, bugádɔ ubúégimbin bɔ́. 20Gɔgaá, Yésuse uwɔyidɛn bɔ́ áneé: «Búnyɛ yaŋuá núdibia bugádɔ.» 21Báganyɛ áneé bɔ́gɔ́l yɔ́ uguá ŋŋumba gɔgaá, abásián ŋŋumba iméneg uguá ŋŋɛnd agá hɔɔ́m ɔhɔɔ́ bámiídan.
Yésuse gilɛ́d giá nusɔ́da
22Mémbélényi, giíŋ igímɔlɔbɛ́n na agɔ́n unó wa máŋ, igíébílinsiginye áneé ŋŋumba imabá hɔ́ pɛ́ŋ imoómi guond Yésuse umasáyumen guɔ na bebinene bég, bámɛɛ́d bámuanyɛ na bámuanyɛ. 23Ta nɔ́ gɔg, ŋŋumba símodi isíónoólín gibéyi giá Tibeliád, mɔdɔg na hɔɔ́m ɔhɔɔ́ bámanyánán gilɛ́d, egélém gá mbíyigie iyɛɛ́ Ɔgúná úmeéŋín Uhaluá. 24Giíŋ gímeémébílinsiginye áneé ta Yésuse ta bebinene bámasábá, ɔbɔ́gɔ́lɔn ŋŋumba gá guɛ́d guamba yɔ́ Kafalnawúm. 25Bémeéménegégie yɔ́ na agɔ́n unó wa máŋ, obóhún yɔ́ áneé: «Lábi, osólesieg agá nig?» 26Yésuse uwondinye bɔ́ áneé: «Uguá hómohómue, uguá hómohómue, yɔɔ́núɔyɔn buɔ́, nudiáŋamba gá giagiá numán biseyi gɔgaá, nuáŋamba gá giagiá numándányánan bilɛ́d núábíhálan. 27Nudibídóŋónyé gá guala buóli gá gunyá ugúsulanaá gɔgaá, ánaá núala gá gunyá ugúgíganɔ́, ugúhuáninaá nusɔ́da nuá ságásagá, gunyá uguɔ́ Muɔ́n wa mɔndɔ wánánúhuánɔ́ gá giagiá, úmuanyɛ yɔ́ Síe, unyaá Uhaluá úmaág ndiskan ya ihiligine hiég.» 28Obóhún yɔ́ áneé: «Giagɛ igiɛ́ dínya dia guala gá gueleé buóli ubuɔ́ Uhaluá wɔ́yɔnɔ́ búbíhónye?» 29Yésuse uwondinye bɔ́ áneé: «Buóli ubuɔ́ Uhaluá unúóhóneé áneé núala búnyɛ pɛ́ŋ áneé núádáab uyɔɔ́ úmadɔ́m.» 30Obóndinye yɔ́ áneé: «Gɔgaá, aŋuá kasɛ́ bugilɛns ubuɔ́ ágaágualanɔ́, gá gueleé dián diond diguádáab? Kasɛ́ bubuand ubuɔ́ ágalanɔ́? 31Ndíndíl siásɔ símanyánán máne uguá gidɔŋ giá gɔ́dɔgɔ́dɔ. Hana Ŋŋɔ́ŋɛ yɔ́yɔnɔ́ áneé: “Umeéŋín bɔ́ gilɛ́d igímonólin ugumɔn.” » 32Gɔgaá, Yésuse uwɔyidɛn bɔ́ áneé: «Uguá hómohómue, uguá hómohómue, yɔɔ́núɔyɔn buɔ́ áneé, búdibá Mɔ́sɛsa úmaánúhuán gilɛ́d igímonólín ugumɔn gɔgaá, búnyɛ Síe wamɛ únúhuánaá gilɛ́d giá hómohómue guónoólín ugumɔn. 33Gá giagiá, gunyá uguɔ́ Uhaluá úhuáninaá gúnyɛ ugúsusaninaá ugumɔn, guéŋén bandɔ nusɔ́da.» 34Ɔbɔ́yidɛn yɔ́ gɔg áneé: «Ɔgúná, díhuá bugunyá buáguɔ́ gá binɛŋ gidigid.» 35Yésuse uwɔyidɛn bɔ́ áneé: «Búnyɛ yaŋuá nnyaá gunyá guá nusɔ́da, mɔndɔ usáŋkilɛn nsan idiándanúma yɔ́, usáŋádáab, niída nídiánándanúmɛ́d yɔ́. 36Gɔgaá, nsɔnúɔyidɛn buɔ́: Numaán ta anagányɛ nudiáguádáaban. 37Mɔndɔ gidigid uyɔɔ́ Síe wamɛ úmpuánaá wánáŋkilɛn, usáŋkilɛn ndionómb yɔ́. 38Gá giagiá, mmonoólín ugumɔn, búdibá gá guala guɔyɛd guámɛ gɔgaá, gá guala guɔyɛd guá mɔndɔ úmaándɔ́m. 39Guɔyɛd guá mɔndɔ úmaándɔ́m gúnyɛ áneé: ndinímie ta mɔndɔ omoómi uguá bandɔ ɔbɔɔ́ úmampuá gɔgaá, mpémie bɔ́ uguá gibɛ́l uguá buɔ́sɛ buá nsúgie. 40Ɛɛ́ɛ, ndé guɔyɛd guá Baba uguɔ, mɔndɔ gidigid uwaánanaá Muɔ́n wond waág ɔdɛ́m uguég ubia nusɔ́da nuá ságásagá, yaŋuá yenéhémie yɔ́ uguá gibɛ́l uguá buɔ́sɛ buá nsúgie.»
41Gubul uguá ginɛŋ igigányɛ, bayúdɛn abɛ́d gá guoŋuinyoŋuinyi gég gá busió gá giagiá, Yésuse umɔyɛd áneé: «Nnyɛ gunyá ugúmonoólín ugumɔn.» 42Bɔ́ya áneé: «Búdibá Yésuse, uháŋ huá Yɔ́sɛba a? Diényi síe weg na noódíe weg, naánanyá únya wa guɔyɛd dabdab áneé: “Mmasusɛ́n ugumɔn?”» 43Yésuse uwondinye bɔ́ áneé: «Ánaá núdélíminye guoŋuinyiŋuinyi banuá na banuá. 44Ta mɔndɔ udibá wa guól agámɛ kandabá áneé Síe wamɛ umaándɔ́m umóŋólín neéneg, yaŋuá gɔg uguá buɔ́sɛ buá nsúgie yenéhémie yɔ́ uguá gibɛ́l. 45Búnyɛ ubúɔ́ŋɔ́n uguá yubu hiá bebunebúné áneé: “Uhaluá wenéhuínyihuinye bɔ́ gidigid.” Mɔndɔ usɔ́guɔ́b nugálɔ nuá Síe wond waádáab nuhuínyihuínyi nuég unugányɛ, woóguólon agámɛ. 46Ta mɔndɔ umanyɛ udián Síe pɛ́ŋ, uwoólonineé agá Uhaluá, úmuanyɛ úmaán Síe. 47Ɛɛ́ɛ, uguá hómohómue, uguá hómohómue, yɔɔ́núɔyɔn áneé: mɔndɔ uwaádáabanaá uganyɛ na nusɔ́da nuá ságásagá. 48Nnyɛ gunyá guá nusɔ́da. 49Ndíndíl siánɔ símanyánán máne uguá gidɔŋ giá gɔ́dɔgɔ́dɔ ta anagányɛ isíéguén. 50Gɔgaá, gunyá ugúólonineé ugumɔn, gúnyɛ bugunyá ubúnya áneé, mɔndɔ úmanyá buɔ́ udienégué. 51Yaŋuá nnyaá gunyá guá nusɔ́da ugúsusaninaá ugumɔn. Mɔndɔ úmanya guɔ́ wɔnɔ́sɔ́dɔn gá ságásagá, gunyá uguɔ́ ŋŋodóŋinyenú, búnyɛ mmegu yamɛ, yoódóŋonye yɛ́ gá gueleé bandɔ bá guísi bábia nusɔ́da.» 52Uguá dugálɔ udugányɛ, bayúdɛn abɛ́d gá yɔ́ba, bɔ́ya bámuanyɛ na bámuanyɛ ugelu ugumɔn áneé: «Naánanyá mɔndɔ unó únya wa díhuá mmegu yeg áneé dinyá?» 53Yésuse uwɔyidɛn bɔ́ gɔg áneé: «Uguá hómohómue, uguá hómohómue, yɔɔ́núɔyɔn áneé: númánudinyá mmegu ya Muɔ́n wa mɔndɔ nuond nubíhuá manɔ́ŋ még nudianábia nusɔ́da. 54Usányá mmegu yamɛ wond ubihuá manɔ́ŋ mámɛ ugódi nusɔ́da nuá ságásagá. Yaŋuá, yenéhémie yɔ́ uguá gibɛ́l uguá buɔ́sɛ buá nsúgie. 55Gá giagiá, mmegu yamɛ inyɛ gunyá guá hómohómue, manɔ́ŋ mámɛ ginɔ́g giá buand giá bíhuá. 56Usányá mmegu yamɛ wond ubíhuá manɔ́ŋ mámɛ, waágíga uguámɛ yaŋuá uguég. 57Hana Síe wamɛ usɔ́dɔnaá úmandɔ́m, yaŋuá yɔɔ́sɔ́dɔn uguég, gúu mɔndɔ uwanányánɔ́ mmegu yamɛ wɔnɔ́sɔ́dɔn uguámɛ. 58Gunyá ugúmasusɛ́n ugumɔn gúgúényé, gúdibá hana uguɔ́ ndíndíl síanɔ isímeguén símanyánán gɔgaá, mɔndɔ úmanyá gunyá uguɔ wɔnɔ́sɔ́dɔn gá ságásagá.» 59Ndénu nuhuínyihuínyi nuá Yésuse uguá gigúl giá Kafalnawúm núnuganyɛ.
Gugɔ́d guá guágɔdɛ́m
60Egélém gá bídɔ́lígɔnɔn Yésuse, giod giá bebinene giég igíɛ́d gá guɔya áneé: «Nugálɔ unuɔ núnyɛ gulal. Ányá unyaá wa bídɔ́lígɛn yɔ́?» 61Yésuse uwalɛns áneé bebinene bég bóguoŋuinyoŋuinyi gá buɔ́, uwɔyidɛn bɔ́ áneé: «Kásɛ, nugálɔ nuámɛ unugányɛ núánúala gilɔga a? 62Guond nuanámán gɔg Muɔ́n wa mɔndɔ ubúlígan gá guɛ́d agá hɔɔ́m ɔhɔɔ́ úmabá nsuá, giagɛ igíánábídúmbanaá? 63Búnyɛ Gileénde giá Uhaluá gígíhuáninaá nusɔ́da, mɔndɔ buéŋenyi udibá wa gual ta buand. Dugálɔ uduɔ́ yɔ́núɔyɔ́n dúóguólonin agá Gileénde, dúhuánɛn nusɔ́da. 64Gɔgaá, bómodi uguánɔ guá ɔlɔŋ uguɔ́g bádiáguádáaban.» Ta nɔ́ gɔg guɔnɔgɔ́lɛ́n agá magunsa, Yésuse umalinsán abámasábábádáaban yɔ́, ta umaábá áneé ugoógió yɔ́. 65Uwɔ́hígɛn áneé: «Buand buáguɔ́ mmɔ́yɛ́d áneé mɔndɔ udibá wa ŋŋólin mmába Síe wamɛ umasáhuá yɔ́ giásɛ.» 66Gugɔns uguá ginɛŋ igigányɛ, giod giá bebinene giég igíébíduŋulid, gímeséndebinen yɔ́. 67Yésuse uwɔyidɛn gɔg bebinene bá báad na báandɛ áneé: «Banuá súsɔ́n núdiádúmban a?» 68Símune Piéle uwondinye yɔ́ áneé: «Ɔgúná, ányá uyɔɔ́ dínya andá dia guídɛ́n? Aŋuá ogódionu dugálɔ duá nusɔ́da nuá ságásagá.» 69Gásɔ gɔg dimaádáab, idialɛns áneé anyɛ gisámb igiɛ́ Uhaluá wádɔ́m. 70Yésuse uwondinye yɔ́ áneé: «Mbúen yaŋuá mmeénúéyíd banuá bem báad na báandɛ? Henyé, omodi unyɛ abɛlɛ́bɛl.» 71Umabá ugálgal anagányɛ gá busió buá Yúdas, uhaŋ huá Simune Iskaliɔ́t, ta hana búmabá áneé unyɛ uguá ɔlɔŋ huá báad na báandɛ gá giagiá, úwonógíónú yɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល