Sáŋa 19
19
1Pilát uwodóŋínye gɔg bugaga áneé bɔ́gɔ́l Yésuse bénegide yɔ́ na bifáfína. 2Nsénsi símanɔg nuɔl nuá bufuŋ na mmaáŋa, isíádayidɛn yɔ́ uguá ɔduá isíond isíág yɔ́ gihúya giá manɔ́ŋɔmánɔ́ŋá. 3Síkilanɛn yɔ́ síɔya áneé: «Mbígélíd ofuŋ huá bayúdɛn.» Isíágúban yɔ́ imbɛ́l. 4Pilát uwandahám uwɔyidɛn bandɔ bá ihiligine hiá bayúdɛn áneé: «Ánaá núbídɔ́lígɛn, ŋŋeénúhémínye yɔ́ gá gueleé nulɛns áneé yaŋuá mmásúguán buand buá gilɔg ubuɔ́ wál.» 5Yésuse uwahám gɔg agá nígadá, nuɔl nuá bufuŋ nuá mmaáŋa uguá ɔduá na gihúya giá manɔ́ŋɔmánɔ́ŋá igiɛ́ bámág yɔ́, Pilát uwɔyidɛn bɔ́ áneé: «Mɔndɔ uyeényé!» 6Gɔgaá, bɔgúnɔ́gɔ́n bá bedúmbinusámb na begíg bámaánaguán yɔ́, abɛ́d gá guánsan bɔ́ya áneé: «Ɔ́ndɔ́n yɔ́ uguá nuag! Ɔ́ndɔ́n yɔ́ uguá nuag!» Pilát uwɔyidɛn bɔ́ áneé: «Gɔ́lɔ́nɔ́nɔ yɔ́ banuá mbánan nuɔnɔɔ́ndɔ́n yɔ́ uguá nuag, gá guámɛ mmáságuán buand buá gilɔg ubuɔ́ wál.»
7Bandɔ bá ihiligine hiá bayúdɛn obóndinye yɔ́ áneé: «Digódi gigodi, uguá gigodi igigányɛ waánigimanan na nigué gá giagiá, wɔɔ́yɛ́d áneé unyɛ Muɔ́n wa Uhaluá.» 8Pilát umɔɔ́mɔ́b dugálɔ udugányɛ uwandabia bugádɔ gudɔ́mb. 9Uwebíŋín uguég guá ndáŋia uwoóhún Yésuse áneé: «Anyɛ mɔndɔ wa báhanyɛ?» Gɔgaá, Yésuse umosúguondinye yɔ́. 10Pilát uwɔyidɛn yɔ́ gɔg áneé: «Búnyɛ yaŋuá eéneneé guŋondinye a? Ediényi áneé ŋŋódi buŋaŋa buá gueleé ŋŋunihɛn a? Mbianan buŋaŋa buá gueleé yɔyɛd áneé bɔ́guɔ́ndɔn uguá nuag a?» 11Gɔgaá, Yésuse uwondinye yɔ́ áneé: «Amasábá wa bia buŋaŋa uguámɛ, búmóbúdionóguólín agá Uhaluá, buand buáguɔ́ mɔndɔ uweésindué agáhɔ, úgódionu giandá giá gigua gudɔ́mb aŋuá.» 12Gugɔns uguá ginɛŋ igigányɛ, Pilát uwɛɛ́d gá guamba dudádɛ duá gueleé unihɛn yɔ́, gɔgaá bayúdɛn abɛ́d gá guánsan bɔ́ya áneé: «Ámánihɛn mɔndɔ uyɔ tábɔ́ áneé adibá ogúl wa Sésal, ofuŋ uhugɔ́n, gá giagiá, mɔndɔ na mɔndɔ usɔ́guɔyɛd áneé unyɛ ofuŋ, tábɔ́ áneé unyɛ abɛlɛ́bɛl wa Sésal.» 13Pilát úmɔɔ́mɔ́b dugálɔ udugányɛ, uwehémie Yésuse, uwedugumin aga ondig huá nugélényi, agá hɔɔ́m ɔhɔɔ́ bɔ́dɔ́ŋɔnaá áneé hɔɔ́m há adányɛ, na nubelé áneé Gabáta. 14Búmabá buɔ́sɛ buá bíaŋanan gá budɔ́mb buá pásíka wa bayúdɛn, búmabábúábá na ɔdɛ́m huá buɔ́sɛ, Pilát uwɔyidɛn bayúdɛn áneé: «Ndé ofuŋ huánɔ uhuɔ.» 15Gɔgaá, abɛ́d gá guánsan bɔ́ya áneé: «Ánaá bɔ́n yɔ́! Ánaá bɔ́n yɔ́! Ɔ́ndɔ́n yɔ́ uguá nuag!» Pilát uwoóhún bɔ́ áneé: «Búánigimanan áneé yɔɔ́ndɔn ofuŋ huánɔ uguá nuag a?» Bɔgúnɔ́gɔ́n bá bedúmbinusámb obóndinye áneé: «Didigódi ofuŋ húmodi gudɔ́mb Sésal ofuŋ uhugɔ́n.» 16Uwedídíginin bɔ́ gɔg Yésuse áneé bɔ́nɔɔ́ndɔ́n yɔ́ uguá nuag.
Abádágɔ́n gɔg yɔ́ gá guɛ́d neéneg.
Guɔ́ndɔn guá Yésuse uguá nuag na nigué niég
(Mat 27.32-44; Mál 15.21-32; Lúk 23.26-43)
17Yésuse uwahám uguá tísɔna wɛɛ́d usámban nuag nuég úmuanyɛ mbánan gá guɛ́d hɔɔ́m ɔhɔɔ́ bɔ́dɔ́ŋɔnaá áneé hɔɔ́m há gigólógólé giá ɔduá, na nubelé áneé Golgóta. 18Hɔ́ bɔ́mɔ́ndɔ́n yɔ́ uguá nuag, ɔbɔ́ndɔn súsɔ́n bandɔ báandɛ egég gá buáyɛ, sig mɔndɔ gá nuég nuag, uyɔ ɔmbɔ́g uhunɛ́m unó ɔmbɔ́g uhudádɛ Yésuse agá ɔdɛ́m. 19Pilát umɔɔ́ŋ ŋŋɔ́ŋɛ uguá ɔkɔ́k, obóndídɛn uguá nuag nuá Yésuse. Ŋŋɔ́ŋɛ igányɛ yɔya áneé: «Yésuse wa Nasalɛ́d, ofuŋ huá bá bayúdɛn.» 20Ŋŋɔ́ŋɛ igányɛ imabá yɔ́ŋɔ́n na nubelé na nuglɛ́k na nulatɛ́ŋ, giod giá bayúdɛn gímanuna yɛ́ gá giagiá hɔɔ́m ɔhɔɔ́ bɔ́mɔ́ndɔ́n Yésuse uguá nuag hámasábá hádɛ na tísɔna. 21Bɔgúnɔ́gɔ́n bá bedúmbinusámb bá bayúdɛn ɔbɔ́yidɛn Pilát áneé: «“Ɔdiɔ́ŋ áneé ofuŋ huá bayúdɛn,” gɔgaá, “aábá wa guɔ́ŋ áneé umɔyɛd áneé: Unyɛ ofuŋ huá bayúdɛn.”» 22Pilát uwondinye bɔ́ áneé: «Ubuɔ́ yɔɔ́ŋ, yɔɔ́ŋ.»
23Nsénsi símaámáman guɔ́ndɔ́n Yésuse uguá nuag, isíɔ́gɔ́l bisɔn biég isíába uguá ndáŋa íníhi, sig nsénsi naá yeg ndáŋa. Ubúésisién gihuya giég, gímabá kanda niladíná, nugánúgá guɔnɔgɔ́lɛ́n uguá adág guesieg uguá ɔduá. 24Nsénsi isíɔ́bíɔyidɛn áneé: «Ɛ́ɛɛ́, didilahɔ́n giɛ́ ánaá dísílɛ́ɛg giɛ́ gá ɔtɔ gá lɛns mɔndɔ ugaányánɔ́ giɛ́.» Búmabíal anagányɛ gá hónye Ŋŋɔ́ŋɛ imaábá áneé: «Bámabíaban bisɔn biámɛ, gihuya giámɛ abásílɛ́ɛg gá ɔtɔ.» Númobíhónye. Ndé buand ubuɔ́ nsénsi símal búbugányɛ.
25Mɔdɔg na nuag nuá Yésuse noódíe weg umabá hɔ́ delimine, gisɔ́nd giá noódíe weg, Malía ugányɛ Kolopás na Malía wa gidɔŋ giá Magdala. 26Yésuse umaámán noódíe na ebinene weg uyɔɔ́ úmɔyá giod egég gá buáyɛ, uwɔyidɛn noódíe áneé: «Iyaá, muɔ́n wahɔ uyɔ.» 27Egélém, uwɔyidɛn ebinene áneé «Ndé, noódíe wahɔ uyɔ.» Gubul ginɛŋ igigányɛ ebinene weg uwɛɛ́d na noódíe wa Yésuse egég gá nihía.
(Mat 27.45-56; Mál 15.33-41; Lúk 23.44-49)
28Egélém agányɛ, hana Yésuse úmamúnyan áneé buá gidigid búmámán gá gueleé Ŋŋɔ́ŋɛ síbíhónye gueneg agá nsúgie, uwɔyɛd áneé: «Niída níánúma.» 29Agá buáyɛ agányɛ, gisísiŋ gímabá hɔ́ tásɛ na magɛ́b má gukál, nsénsi iyenedúm giyug iyɔdɔ́n uguá nudídɛ́ nuá budɛ́ ubuɔ́ bɔ́dɔ́ŋɔnaá áneé isɔ́p, iyaág yɔ́ uguég guá niíd. 30Yésuse umaámábíhuá uwɔyɛd áneé: «Buand gidigid búmóbíhónyé.» Uwoloŋiminye ɔduá, uwegué.
Na manɔ́ŋ na mimbi
31Haná búmabá buɔ́sɛ buá bíaŋanan gá giíndía giá bayúdɛn, bandɔ bá ihiligine hiá bayúdɛn bémedíne áneé bilɔŋ bísién uguá duag buɔ́sɛ buá giíndía giá bayúdɛn, haná giíndía giá bayúdɛn igigányɛ gímandabá giandá giá giíndía, bɔdɔŋdɔ́ŋ bá bayúdɛn obónoóhún Pilát áneé báganda bɔ́ dugɔ́nd, gá gueleé bégué, bónd bólíe bilɔŋ. 32Nsénsi isíónoól gɔg isíágand wa busió na wa gáandɛ dugɔ́nd uguá bandɔ ubɔɔ́ bɔ́mɔ́ndɔ́n uguá nuag ɔlɔŋ na Yésuse, 33bémeégésieg agá Yésuse abán áneé usemenegué bámasándagand yɔ́ dugɔ́nd. 34Gɔgaá nsénsi imodi iyegús yɔ́ nundaánd na nyɔŋ niég, hɔ́nɔhɔ́ na manɔ́ŋ na mimbi umúɛ́d gá húha. 35Mɔndɔ úmaán úwɔyɔnɔ́ buónyi ubuɔ́ weényénú, guɔyɛd guég guá buónyi ubuɔ́ weényénú gúnyɛ hómohómue, weényi áneé wɔɔ́guɔya hómohómue gá gueleé banuá súsɔ́n núádáab. 36Ɛɛ́ɛ, buand gidigid búmabíala gá gueleé Ŋŋɔ́ŋɛ síbíhónye isímɔya áneé: «Bádianágand gigoóge giég ta gímomi#19.36 Abíyɛg uguá yubu hiá Usa 12.45. Nih 9.12. Gil 34.21. Sák 12.10. Nué 1.7.,» 37giseli gímodi giá Ŋŋɔ́ŋɛ gíɔ́nduguɔya áneé: «Bánábíyígan uyɔɔ́ bémegús nundaánd#19.37 Sak 12.10.»
Guanág guá gilɔ́ŋ giá Yésuse uguá gibɛ́l
(Mat 27.57-61; Mál 15.42-47; Lúk 23.50-56)
38Masɔ́m amagányɛ mámaámábídúmban, Yɔ́sɛba, mɔndɔ wa gidɔŋ giá Alimaté umabá ebinene wa Yésuse uguá ninamba gá giagiá umedíne bandɔ bá ihiligine hiá bayúdɛn, uwɛɛ́d agá Pilát gá guóhún yɔ́ bugaga buá guólie gilɔ́ŋ giá Yésuse, Pilát uwaádáabɛn yɔ́, Yɔ́sɛba uwonoólíe gilɔ́ŋ. 39Nikodɛ́m, mɔndɔ umeénégégie Yésuse na budúg gá máyɔ uwɛɛ́d súsɔ́n na megúd má ohind ɔmɔɔ́ bɔ́mɔnɔgá na míl na giŋála, muand umugányɛ múmabá muá guég bokílo nitín na báad. 40Obólie gɔg gilɔ́ŋ giá Yésuse, ebéhuénen giɛ́ súsɔ́n megúd má ohind, ebémíŋe giɛ́ na giása hana bayúdɛn bálanɔ́ gɔ́b gá ginyo. 41Mɔdɔg na hɔɔ́m ɔhɔɔ́ bɔ́mɔ́ndɔn Yésuse uguá nuag mesíge mámabá hɔ́, uguá mesíge uguɔ́g gibɛ́l gímabá guɔ bámabá bámanyɛ bádiág mɔndɔ guɔ. 42Uguɔ́g bámág Yésuse gá giagiá, gímabá mɔdɔg, hana búmabá súsɔ́n áneé bámabíaŋanan gá budɔ́mb buá bayúdɛn.
ទើបបានជ្រើសរើសហើយ៖
Sáŋa 19: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 19
19
1Pilát uwodóŋínye gɔg bugaga áneé bɔ́gɔ́l Yésuse bénegide yɔ́ na bifáfína. 2Nsénsi símanɔg nuɔl nuá bufuŋ na mmaáŋa, isíádayidɛn yɔ́ uguá ɔduá isíond isíág yɔ́ gihúya giá manɔ́ŋɔmánɔ́ŋá. 3Síkilanɛn yɔ́ síɔya áneé: «Mbígélíd ofuŋ huá bayúdɛn.» Isíágúban yɔ́ imbɛ́l. 4Pilát uwandahám uwɔyidɛn bandɔ bá ihiligine hiá bayúdɛn áneé: «Ánaá núbídɔ́lígɛn, ŋŋeénúhémínye yɔ́ gá gueleé nulɛns áneé yaŋuá mmásúguán buand buá gilɔg ubuɔ́ wál.» 5Yésuse uwahám gɔg agá nígadá, nuɔl nuá bufuŋ nuá mmaáŋa uguá ɔduá na gihúya giá manɔ́ŋɔmánɔ́ŋá igiɛ́ bámág yɔ́, Pilát uwɔyidɛn bɔ́ áneé: «Mɔndɔ uyeényé!» 6Gɔgaá, bɔgúnɔ́gɔ́n bá bedúmbinusámb na begíg bámaánaguán yɔ́, abɛ́d gá guánsan bɔ́ya áneé: «Ɔ́ndɔ́n yɔ́ uguá nuag! Ɔ́ndɔ́n yɔ́ uguá nuag!» Pilát uwɔyidɛn bɔ́ áneé: «Gɔ́lɔ́nɔ́nɔ yɔ́ banuá mbánan nuɔnɔɔ́ndɔ́n yɔ́ uguá nuag, gá guámɛ mmáságuán buand buá gilɔg ubuɔ́ wál.»
7Bandɔ bá ihiligine hiá bayúdɛn obóndinye yɔ́ áneé: «Digódi gigodi, uguá gigodi igigányɛ waánigimanan na nigué gá giagiá, wɔɔ́yɛ́d áneé unyɛ Muɔ́n wa Uhaluá.» 8Pilát umɔɔ́mɔ́b dugálɔ udugányɛ uwandabia bugádɔ gudɔ́mb. 9Uwebíŋín uguég guá ndáŋia uwoóhún Yésuse áneé: «Anyɛ mɔndɔ wa báhanyɛ?» Gɔgaá, Yésuse umosúguondinye yɔ́. 10Pilát uwɔyidɛn yɔ́ gɔg áneé: «Búnyɛ yaŋuá eéneneé guŋondinye a? Ediényi áneé ŋŋódi buŋaŋa buá gueleé ŋŋunihɛn a? Mbianan buŋaŋa buá gueleé yɔyɛd áneé bɔ́guɔ́ndɔn uguá nuag a?» 11Gɔgaá, Yésuse uwondinye yɔ́ áneé: «Amasábá wa bia buŋaŋa uguámɛ, búmóbúdionóguólín agá Uhaluá, buand buáguɔ́ mɔndɔ uweésindué agáhɔ, úgódionu giandá giá gigua gudɔ́mb aŋuá.» 12Gugɔns uguá ginɛŋ igigányɛ, Pilát uwɛɛ́d gá guamba dudádɛ duá gueleé unihɛn yɔ́, gɔgaá bayúdɛn abɛ́d gá guánsan bɔ́ya áneé: «Ámánihɛn mɔndɔ uyɔ tábɔ́ áneé adibá ogúl wa Sésal, ofuŋ uhugɔ́n, gá giagiá, mɔndɔ na mɔndɔ usɔ́guɔyɛd áneé unyɛ ofuŋ, tábɔ́ áneé unyɛ abɛlɛ́bɛl wa Sésal.» 13Pilát úmɔɔ́mɔ́b dugálɔ udugányɛ, uwehémie Yésuse, uwedugumin aga ondig huá nugélényi, agá hɔɔ́m ɔhɔɔ́ bɔ́dɔ́ŋɔnaá áneé hɔɔ́m há adányɛ, na nubelé áneé Gabáta. 14Búmabá buɔ́sɛ buá bíaŋanan gá budɔ́mb buá pásíka wa bayúdɛn, búmabábúábá na ɔdɛ́m huá buɔ́sɛ, Pilát uwɔyidɛn bayúdɛn áneé: «Ndé ofuŋ huánɔ uhuɔ.» 15Gɔgaá, abɛ́d gá guánsan bɔ́ya áneé: «Ánaá bɔ́n yɔ́! Ánaá bɔ́n yɔ́! Ɔ́ndɔ́n yɔ́ uguá nuag!» Pilát uwoóhún bɔ́ áneé: «Búánigimanan áneé yɔɔ́ndɔn ofuŋ huánɔ uguá nuag a?» Bɔgúnɔ́gɔ́n bá bedúmbinusámb obóndinye áneé: «Didigódi ofuŋ húmodi gudɔ́mb Sésal ofuŋ uhugɔ́n.» 16Uwedídíginin bɔ́ gɔg Yésuse áneé bɔ́nɔɔ́ndɔ́n yɔ́ uguá nuag.
Abádágɔ́n gɔg yɔ́ gá guɛ́d neéneg.
Guɔ́ndɔn guá Yésuse uguá nuag na nigué niég
(Mat 27.32-44; Mál 15.21-32; Lúk 23.26-43)
17Yésuse uwahám uguá tísɔna wɛɛ́d usámban nuag nuég úmuanyɛ mbánan gá guɛ́d hɔɔ́m ɔhɔɔ́ bɔ́dɔ́ŋɔnaá áneé hɔɔ́m há gigólógólé giá ɔduá, na nubelé áneé Golgóta. 18Hɔ́ bɔ́mɔ́ndɔ́n yɔ́ uguá nuag, ɔbɔ́ndɔn súsɔ́n bandɔ báandɛ egég gá buáyɛ, sig mɔndɔ gá nuég nuag, uyɔ ɔmbɔ́g uhunɛ́m unó ɔmbɔ́g uhudádɛ Yésuse agá ɔdɛ́m. 19Pilát umɔɔ́ŋ ŋŋɔ́ŋɛ uguá ɔkɔ́k, obóndídɛn uguá nuag nuá Yésuse. Ŋŋɔ́ŋɛ igányɛ yɔya áneé: «Yésuse wa Nasalɛ́d, ofuŋ huá bá bayúdɛn.» 20Ŋŋɔ́ŋɛ igányɛ imabá yɔ́ŋɔ́n na nubelé na nuglɛ́k na nulatɛ́ŋ, giod giá bayúdɛn gímanuna yɛ́ gá giagiá hɔɔ́m ɔhɔɔ́ bɔ́mɔ́ndɔ́n Yésuse uguá nuag hámasábá hádɛ na tísɔna. 21Bɔgúnɔ́gɔ́n bá bedúmbinusámb bá bayúdɛn ɔbɔ́yidɛn Pilát áneé: «“Ɔdiɔ́ŋ áneé ofuŋ huá bayúdɛn,” gɔgaá, “aábá wa guɔ́ŋ áneé umɔyɛd áneé: Unyɛ ofuŋ huá bayúdɛn.”» 22Pilát uwondinye bɔ́ áneé: «Ubuɔ́ yɔɔ́ŋ, yɔɔ́ŋ.»
23Nsénsi símaámáman guɔ́ndɔ́n Yésuse uguá nuag, isíɔ́gɔ́l bisɔn biég isíába uguá ndáŋa íníhi, sig nsénsi naá yeg ndáŋa. Ubúésisién gihuya giég, gímabá kanda niladíná, nugánúgá guɔnɔgɔ́lɛ́n uguá adág guesieg uguá ɔduá. 24Nsénsi isíɔ́bíɔyidɛn áneé: «Ɛ́ɛɛ́, didilahɔ́n giɛ́ ánaá dísílɛ́ɛg giɛ́ gá ɔtɔ gá lɛns mɔndɔ ugaányánɔ́ giɛ́.» Búmabíal anagányɛ gá hónye Ŋŋɔ́ŋɛ imaábá áneé: «Bámabíaban bisɔn biámɛ, gihuya giámɛ abásílɛ́ɛg gá ɔtɔ.» Númobíhónye. Ndé buand ubuɔ́ nsénsi símal búbugányɛ.
25Mɔdɔg na nuag nuá Yésuse noódíe weg umabá hɔ́ delimine, gisɔ́nd giá noódíe weg, Malía ugányɛ Kolopás na Malía wa gidɔŋ giá Magdala. 26Yésuse umaámán noódíe na ebinene weg uyɔɔ́ úmɔyá giod egég gá buáyɛ, uwɔyidɛn noódíe áneé: «Iyaá, muɔ́n wahɔ uyɔ.» 27Egélém, uwɔyidɛn ebinene áneé «Ndé, noódíe wahɔ uyɔ.» Gubul ginɛŋ igigányɛ ebinene weg uwɛɛ́d na noódíe wa Yésuse egég gá nihía.
(Mat 27.45-56; Mál 15.33-41; Lúk 23.44-49)
28Egélém agányɛ, hana Yésuse úmamúnyan áneé buá gidigid búmámán gá gueleé Ŋŋɔ́ŋɛ síbíhónye gueneg agá nsúgie, uwɔyɛd áneé: «Niída níánúma.» 29Agá buáyɛ agányɛ, gisísiŋ gímabá hɔ́ tásɛ na magɛ́b má gukál, nsénsi iyenedúm giyug iyɔdɔ́n uguá nudídɛ́ nuá budɛ́ ubuɔ́ bɔ́dɔ́ŋɔnaá áneé isɔ́p, iyaág yɔ́ uguég guá niíd. 30Yésuse umaámábíhuá uwɔyɛd áneé: «Buand gidigid búmóbíhónyé.» Uwoloŋiminye ɔduá, uwegué.
Na manɔ́ŋ na mimbi
31Haná búmabá buɔ́sɛ buá bíaŋanan gá giíndía giá bayúdɛn, bandɔ bá ihiligine hiá bayúdɛn bémedíne áneé bilɔŋ bísién uguá duag buɔ́sɛ buá giíndía giá bayúdɛn, haná giíndía giá bayúdɛn igigányɛ gímandabá giandá giá giíndía, bɔdɔŋdɔ́ŋ bá bayúdɛn obónoóhún Pilát áneé báganda bɔ́ dugɔ́nd, gá gueleé bégué, bónd bólíe bilɔŋ. 32Nsénsi isíónoól gɔg isíágand wa busió na wa gáandɛ dugɔ́nd uguá bandɔ ubɔɔ́ bɔ́mɔ́ndɔ́n uguá nuag ɔlɔŋ na Yésuse, 33bémeégésieg agá Yésuse abán áneé usemenegué bámasándagand yɔ́ dugɔ́nd. 34Gɔgaá nsénsi imodi iyegús yɔ́ nundaánd na nyɔŋ niég, hɔ́nɔhɔ́ na manɔ́ŋ na mimbi umúɛ́d gá húha. 35Mɔndɔ úmaán úwɔyɔnɔ́ buónyi ubuɔ́ weényénú, guɔyɛd guég guá buónyi ubuɔ́ weényénú gúnyɛ hómohómue, weényi áneé wɔɔ́guɔya hómohómue gá gueleé banuá súsɔ́n núádáab. 36Ɛɛ́ɛ, buand gidigid búmabíala gá gueleé Ŋŋɔ́ŋɛ síbíhónye isímɔya áneé: «Bádianágand gigoóge giég ta gímomi#19.36 Abíyɛg uguá yubu hiá Usa 12.45. Nih 9.12. Gil 34.21. Sák 12.10. Nué 1.7.,» 37giseli gímodi giá Ŋŋɔ́ŋɛ gíɔ́nduguɔya áneé: «Bánábíyígan uyɔɔ́ bémegús nundaánd#19.37 Sak 12.10.»
Guanág guá gilɔ́ŋ giá Yésuse uguá gibɛ́l
(Mat 27.57-61; Mál 15.42-47; Lúk 23.50-56)
38Masɔ́m amagányɛ mámaámábídúmban, Yɔ́sɛba, mɔndɔ wa gidɔŋ giá Alimaté umabá ebinene wa Yésuse uguá ninamba gá giagiá umedíne bandɔ bá ihiligine hiá bayúdɛn, uwɛɛ́d agá Pilát gá guóhún yɔ́ bugaga buá guólie gilɔ́ŋ giá Yésuse, Pilát uwaádáabɛn yɔ́, Yɔ́sɛba uwonoólíe gilɔ́ŋ. 39Nikodɛ́m, mɔndɔ umeénégégie Yésuse na budúg gá máyɔ uwɛɛ́d súsɔ́n na megúd má ohind ɔmɔɔ́ bɔ́mɔnɔgá na míl na giŋála, muand umugányɛ múmabá muá guég bokílo nitín na báad. 40Obólie gɔg gilɔ́ŋ giá Yésuse, ebéhuénen giɛ́ súsɔ́n megúd má ohind, ebémíŋe giɛ́ na giása hana bayúdɛn bálanɔ́ gɔ́b gá ginyo. 41Mɔdɔg na hɔɔ́m ɔhɔɔ́ bɔ́mɔ́ndɔn Yésuse uguá nuag mesíge mámabá hɔ́, uguá mesíge uguɔ́g gibɛ́l gímabá guɔ bámabá bámanyɛ bádiág mɔndɔ guɔ. 42Uguɔ́g bámág Yésuse gá giagiá, gímabá mɔdɔg, hana búmabá súsɔ́n áneé bámabíaŋanan gá budɔ́mb buá bayúdɛn.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល