Sáŋa 17
17
Mbísógóli ya Yésuse
1Egélém gá dugálɔ duá Yésuse udugányɛ, uwabíbúlímɛn úmuanyɛ áneé: «Baba, gisigɛl gíméeg, gúmígie Muɔ́n wahɔ gá gueleé Muɔ́n wahɔ ugugúmígie, 2súsɔ́n emeéŋin yɔ́ ihiligine gá bandɔ gidigid, gá gueleé weéŋin bandɔ ɔbɔɔ́ ámahuá yɔ́ nusɔ́da nuá ságásagá. 3Henyé, nusɔ́da nuá ságásagá núnyɛ áneé bágulɛns, aŋuá anyaá Uhaluá wa hómohómue táŋ omoómi, bónd bálɛns Yésuse Klístus uyɔɔ́ ámadɔ́m. 4Yeégúmenye uguísi uguɔ, yaáman buóli ubuɔ́ ámampuá áneé yala. 5Dabdab gɔg Baba, ŋŋúmígie agáhɔ gá buáyɛ nigúmi iniɛ́ mmabia agáhɔ gá buáyɛ agányɛ guísi uguɔ gúmanyɛ gúdibá.» 6«Yáal áneé bandɔ ɔbɔɔ́ ɔ́mɔdɔ́bɔ́n eguísi aga gá mpuá bágulɛns. Bámabá báhɔ, gúu ámampuá bɔ́, bónd ebégimbe nugálɔ nuáhɔ. 7Dabdab, bálinsan áneé ubuɔ́ ámampuá, búóguólonin agáhɔ, 8bálinsan áneé dugálɔ uduɔ́ mmédúmbényínyé bɔ́, dúnyɛ uduɔ́ ámampuá. Bámagíndígɛ́n duɔ́, abálɛns áneé hómohómue mmoólín agáhɔ, obónd abádáab áneé aŋuá amaándɔ́m. 9Yoóbísógólonye gɔ́b gá busió, ndióbísógólonye gá bandɔ bá guísi, gɔgaá gá busió buá ɔbɔɔ́ ámampuá, bányɛ báhɔ. 10Guond, buá gidigid ubúnya buámɛ búnyɛ buáhɔ, haná buá gidigid ubúnya buáhɔ búnya buámɛ, gúu nigúmi niámɛ níbídíyenyeé uguɔ́b. 11Gugɔns dabdab ndibánd eguísi gɔgaá, bámuanyɛ bémésíen eguísi. Mmába hana gámɛ, yoóguólon agáhɔ. Baba, aŋuá anyaá gisámb, gimbe bɔ́ uguáhɔ guá ɔhɛ́n uhuɔ́ ámampuá, gá gueleé bábá búmomi haná basuá dínya búmomi. 12Uguá ginɛŋ igiɛ́ yaábá nɔɔ́nɔb, yeégímbé bɔ́ uguá buŋaŋa buáhɔ buá ɔhɛ́n uhuɔ́ ámampuá, mmedédínyé bɔ́, ta wa omoómi umeséním, pɛ́ŋ umaábá áneé uním gá gueleé Ŋŋɔ́ŋɛ síbíhónye. 13Dabdab, yoóguólon agáhɔ, yaágálgal nɔ́ uguá ginɛŋ igiɛ́ mmanyaá eguísi aga, gá gueleé bábia ibal hiámɛ uguɔ́b guá idɛ́m, bábá obóhónón na ibal. 14Mmeéŋin bɔ́ nugálɔ nuáhɔ, guond bandɔ bá guísi abábɛn bɔ́ gá giagiá, bámuanyɛ bádibá bandɔ bá guísi haná yaŋuá súsɔ́n ndiábá mɔndɔ wa guísi. 15Ndióguóhon áneé oólie bɔ́ eguísi aga, gɔgaá, dédínye bɔ́ gá mɔndɔ wa Mamb. 16Bádibá bandɔ bá guísi, haná yaŋuá ndiábá mɔndɔ wa guísi. 17Al áneé uguá hómohómue bábá gidigid wɔb agáhɔ, nugálɔ nuáhɔ núnyɛ hómohómue. 18Hana ámandɔ́m eguísi aga, gúu yaŋuá mmádɔ́m bɔ́ eguísi. 19Yoóbídóŋónye gidigid wamɛ uguáhɔ gɔ́b gá busió, gá gueleé bámuanyɛ súsɔ́n uguá hómohómue bóbídóŋinye uguáhɔ.»
20«Ndióbísógólonye pɛ́ŋ gɔ́b gá busió, yoóbísógólonye súsɔ́n gá busió buá abánáŋádáabanaá gá busió buɔ́b buá nugálɔ. 21Yoóbísógólonye gá gueleé bámuanyɛ gidigid bábá búmomi, Baba, ánaá bábá abábígúdánɔ naánasɔ, hana aŋuá ányá abígúdán naánamɛ, yaŋuá abígúdán naánahɔ. Ánaá bábá búmomi gá gueleé bandɔ bá guísi bádáab áneé aŋuá amaándɔ́m. 22Gúu yaŋuá mmeéŋin bɔ́ nigúmi iniɛ́ ámampuá, gá gueleé bábá búmomi haná basuá dínya búmomi. 23Yɔɔ́sɔ́dɔn uguɔ́b hana aŋuá uguámɛ. Anagányɛ gɔg bánábánɔ́ bábá hómohómue búmomi, gá gueleé bandɔ bá guísi uguɔ bálɛns áneé aŋuá amaándɔ́m guond, ɔɔ́guɔya bɔ́ hana ɔ́ŋɔyɔnɔ́. 24Baba, yɔɔ́guɔya áneé hɔɔ́m ɔhɔɔ́ nnya, bandɔ ɔbɔɔ́ ámampuá bábá súsɔ́n naánamɛ, bónd báyímína nigúmi iniɛ́ ámampuá, gá giagiá amabia ginɔ́nɛ́n naánamɛ agányɛ guísi gúmanyɛ gúdibíaŋan. 25Baba wa gindényé, bandɔ bá guísi bámasúgulɛns, gɔgaá, yaŋuá mmalɛns, ɔbɔ abálɛns áneé aŋuá amaándɔ́m. 26Yaál áneé bágulɛns, gúu yénéndelinsie bɔ́ ɔhɛ́n huáhɔ, gá gueleé ginɔ́nɛ́n igiɛ́ amabia naánamɛ gíbá uguɔ́b, naánamɛ nɔɔ́nɔb dibá omoómi.»
ទើបបានជ្រើសរើសហើយ៖
Sáŋa 17: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 17
17
Mbísógóli ya Yésuse
1Egélém gá dugálɔ duá Yésuse udugányɛ, uwabíbúlímɛn úmuanyɛ áneé: «Baba, gisigɛl gíméeg, gúmígie Muɔ́n wahɔ gá gueleé Muɔ́n wahɔ ugugúmígie, 2súsɔ́n emeéŋin yɔ́ ihiligine gá bandɔ gidigid, gá gueleé weéŋin bandɔ ɔbɔɔ́ ámahuá yɔ́ nusɔ́da nuá ságásagá. 3Henyé, nusɔ́da nuá ságásagá núnyɛ áneé bágulɛns, aŋuá anyaá Uhaluá wa hómohómue táŋ omoómi, bónd bálɛns Yésuse Klístus uyɔɔ́ ámadɔ́m. 4Yeégúmenye uguísi uguɔ, yaáman buóli ubuɔ́ ámampuá áneé yala. 5Dabdab gɔg Baba, ŋŋúmígie agáhɔ gá buáyɛ nigúmi iniɛ́ mmabia agáhɔ gá buáyɛ agányɛ guísi uguɔ gúmanyɛ gúdibá.» 6«Yáal áneé bandɔ ɔbɔɔ́ ɔ́mɔdɔ́bɔ́n eguísi aga gá mpuá bágulɛns. Bámabá báhɔ, gúu ámampuá bɔ́, bónd ebégimbe nugálɔ nuáhɔ. 7Dabdab, bálinsan áneé ubuɔ́ ámampuá, búóguólonin agáhɔ, 8bálinsan áneé dugálɔ uduɔ́ mmédúmbényínyé bɔ́, dúnyɛ uduɔ́ ámampuá. Bámagíndígɛ́n duɔ́, abálɛns áneé hómohómue mmoólín agáhɔ, obónd abádáab áneé aŋuá amaándɔ́m. 9Yoóbísógólonye gɔ́b gá busió, ndióbísógólonye gá bandɔ bá guísi, gɔgaá gá busió buá ɔbɔɔ́ ámampuá, bányɛ báhɔ. 10Guond, buá gidigid ubúnya buámɛ búnyɛ buáhɔ, haná buá gidigid ubúnya buáhɔ búnya buámɛ, gúu nigúmi niámɛ níbídíyenyeé uguɔ́b. 11Gugɔns dabdab ndibánd eguísi gɔgaá, bámuanyɛ bémésíen eguísi. Mmába hana gámɛ, yoóguólon agáhɔ. Baba, aŋuá anyaá gisámb, gimbe bɔ́ uguáhɔ guá ɔhɛ́n uhuɔ́ ámampuá, gá gueleé bábá búmomi haná basuá dínya búmomi. 12Uguá ginɛŋ igiɛ́ yaábá nɔɔ́nɔb, yeégímbé bɔ́ uguá buŋaŋa buáhɔ buá ɔhɛ́n uhuɔ́ ámampuá, mmedédínyé bɔ́, ta wa omoómi umeséním, pɛ́ŋ umaábá áneé uním gá gueleé Ŋŋɔ́ŋɛ síbíhónye. 13Dabdab, yoóguólon agáhɔ, yaágálgal nɔ́ uguá ginɛŋ igiɛ́ mmanyaá eguísi aga, gá gueleé bábia ibal hiámɛ uguɔ́b guá idɛ́m, bábá obóhónón na ibal. 14Mmeéŋin bɔ́ nugálɔ nuáhɔ, guond bandɔ bá guísi abábɛn bɔ́ gá giagiá, bámuanyɛ bádibá bandɔ bá guísi haná yaŋuá súsɔ́n ndiábá mɔndɔ wa guísi. 15Ndióguóhon áneé oólie bɔ́ eguísi aga, gɔgaá, dédínye bɔ́ gá mɔndɔ wa Mamb. 16Bádibá bandɔ bá guísi, haná yaŋuá ndiábá mɔndɔ wa guísi. 17Al áneé uguá hómohómue bábá gidigid wɔb agáhɔ, nugálɔ nuáhɔ núnyɛ hómohómue. 18Hana ámandɔ́m eguísi aga, gúu yaŋuá mmádɔ́m bɔ́ eguísi. 19Yoóbídóŋónye gidigid wamɛ uguáhɔ gɔ́b gá busió, gá gueleé bámuanyɛ súsɔ́n uguá hómohómue bóbídóŋinye uguáhɔ.»
20«Ndióbísógólonye pɛ́ŋ gɔ́b gá busió, yoóbísógólonye súsɔ́n gá busió buá abánáŋádáabanaá gá busió buɔ́b buá nugálɔ. 21Yoóbísógólonye gá gueleé bámuanyɛ gidigid bábá búmomi, Baba, ánaá bábá abábígúdánɔ naánasɔ, hana aŋuá ányá abígúdán naánamɛ, yaŋuá abígúdán naánahɔ. Ánaá bábá búmomi gá gueleé bandɔ bá guísi bádáab áneé aŋuá amaándɔ́m. 22Gúu yaŋuá mmeéŋin bɔ́ nigúmi iniɛ́ ámampuá, gá gueleé bábá búmomi haná basuá dínya búmomi. 23Yɔɔ́sɔ́dɔn uguɔ́b hana aŋuá uguámɛ. Anagányɛ gɔg bánábánɔ́ bábá hómohómue búmomi, gá gueleé bandɔ bá guísi uguɔ bálɛns áneé aŋuá amaándɔ́m guond, ɔɔ́guɔya bɔ́ hana ɔ́ŋɔyɔnɔ́. 24Baba, yɔɔ́guɔya áneé hɔɔ́m ɔhɔɔ́ nnya, bandɔ ɔbɔɔ́ ámampuá bábá súsɔ́n naánamɛ, bónd báyímína nigúmi iniɛ́ ámampuá, gá giagiá amabia ginɔ́nɛ́n naánamɛ agányɛ guísi gúmanyɛ gúdibíaŋan. 25Baba wa gindényé, bandɔ bá guísi bámasúgulɛns, gɔgaá, yaŋuá mmalɛns, ɔbɔ abálɛns áneé aŋuá amaándɔ́m. 26Yaál áneé bágulɛns, gúu yénéndelinsie bɔ́ ɔhɛ́n huáhɔ, gá gueleé ginɔ́nɛ́n igiɛ́ amabia naánamɛ gíbá uguɔ́b, naánamɛ nɔɔ́nɔb dibá omoómi.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល