Sáŋa 12
12
1Mɔɔ́sɛ mátíndádɔ áneé Páska wa bayúdɛn ugaábá, Yésuse uweneg Betaní, uguá gidɔŋ giá Lasál, uyɔɔ́ úmehémie uguá gibɛ́l. 2Abál budɔ́mb uguá ɔhɛ́n huá Yésuse, Lasál dugumine ɔlɔŋ na benyi, Máta waba gunyá. 3Malía uwɔgɔ́l gidódé giá megúd má ohind ɔmɔ́ŋunɔnɔ́ giod giá ŋŋúme, ɔmɔɔ́ bálanɔ́ na bumegíde ubuɔ́ bɔ́dɔ́ŋɔnaá áneé nál wa kondonogidie, uwehuénen Yésuse mɔ́ uguá dugɔ́nd. Uwohóne duɔ́ na ŋŋíde siég, ohind huá megúd amagányɛ uhúésegidinye giansɛ gidigid. 4Agányɛ gɔg Yúdas Iskaliɔ́t, ebinene weg omodi, úmaábá áneé ugoógió yɔ́ úmuanyɛ áneé: 5«Gá giagɛ bémésédidué megúd má ohind amagányɛ gá ŋŋúme mbámbá étín átánɔ ádádɔ gá guéŋin basúgasuga?» 6Umɔsúguɔya anagányɛ gá giagiá umɔyá basúgasuga gɔgaá, gá giagiá umabá uŋébi. Hana úmabá ugimbe nukólókóŋ, umabá weében ubuɔ́ bámabá bágan guɔ́. 7Yésuse uwɔyɛd gɔg áneé: «Níhɛ́n ugándɔ ugányɛ pém, umál buɔ́ gá busió buá buɔ́sɛ buá gueleé báŋág uguá gibɛ́l. 8Ɛɛ́ɛ, nuanábá na basúgasuga mɔɔ́sɛ gidigid. Gɔgaá, yaŋuá ndigabá naánanɔ gá ságásagá. 9Uguá ginɛŋ igigányɛ giandá giá giíŋ giá bayúdɛn igíɔ́b áneé Yésuse umabá Betaní, igíídan hɔ́. Búmasábá pɛ́ŋ gá busió buá Yésuse gɔgaá, gá guán súsɔ́n Lasál uyɔɔ́ Yésuse úmehémie uguá gibɛ́l. 10Bɔgúnɔ́gɔ́n bá bedúmbinusámb abán gɔg áneé bɔ́n Lasál súsɔ́n, 11gá giagiá gég gá busió giod giá bayúdɛn gímólígónyinye bɔ́ gá guádáab Yésuse.»
Gubíŋín guá Yésuse Yelusalɛ́m hana Ofuŋ
(Mat 21.1-11; Mál 11.1-11; Lúk 19.28-40)
12Mémbélényi, giandá giá giíŋ igímoól gá budɔ́mb buá Páska wa bayúdɛn, igíɔ́b áneé Yésuse ugésieg Yelusalɛ́m. 13Abásúmba biáŋ biá mudand abáháman gá guídanaádán neéneg, béhéhenye áneé: «Osána#12.13 Anagányɛ gúnya áneé yéléleé, nubógobóg.! Ánaá Uhaluá úsay uwoóloneé uguá ɔhɛ́n huá Ɔgúná, ánaá Uhaluá úsay ofuŋ huá Íslayɛ́l.» 14Yésuse uwaán muɔ́n wa abaŋabinúhá, uwadadimɛn guɔ́, hana bidányɛdányɛ biá Ŋŋɔ́ŋɛ bíɔ́yɔnɔ́ áneé: 15«Bandɔ bá tísɔna wa Siyɔ́ŋ, nudiɔ́b bugádɔ, ofuŋ huánɔ uhúóloneé húnyɛ dadimina uguá muɔ́n wa abaŋabinúhá.#12.15 Sák 9.9.» 16Gisiósio, bebinene bég bɔ́mɔsúguɔ́b buand ubúmábídúmban. Gɔgaá, Uhaluá umeémébúlúgie Yésuse uguég guá nigúmi, ebébídúmudenye áneé Ŋŋɔ́ŋɛ símɔyá buɔ́ gég gá busió, búmobíhónyé uguég hana búmabá ubúɔ́ŋɔ́n. 17Giíŋ igímabá na Yésuse uguá ginɛŋ igiɛ́ úmɔdɔ́ŋɛ́ɛn Lasál gá gueleé uhám uguá gibɛ́l, uwond uwahuɛnyɛ yɔ́ uguá ɔlɔŋ huá ebeguén, igíɛ́d gíɔya buónyi buég. 18Giíŋ gímɔɔ́b áneé Yésuse umaál giseyi igigányɛ, buand buáguɔ́ gímoól gá guádán neéneg. 19Bafalisiɛ́ŋ ɔbɔ́bíɔyɔn áneé: «Núáguánan gɔg, didibánd dia gual buand, mɔndɔ gidigid uganyɛ gá binen yɔ́.»
Na nigúmi na nuag
20Uguá ɔlɔŋ huá bandɔ abámabúlɛ́ɛg Yelusalɛ́m gá búlúgenye Uhaluá, uguá ginɛŋ giá budɔ́mb, baglɛ́k bámabá guɔ́. 21Abákilɛn Fílibe, mɔndɔ wa gidɔŋ giá Bɛtsayída, uguá gibéyi giá guísi giá Galilé, ɔbɔ́yidɛn yɔ́ áneé: «Ɔgúnɔ́gɔ́n, diɔ́guɔya guán Yésuse.» 22Filíbe uwɔnɔyidɛn Andlé, bámuanyɛ bem báandɛ abɛ́d gá guídɔ́nɔyídɛ́n Yésuse. 23Yésuse uwondinye bɔ́ áneé: «Dabdab, gisigɛl igiɛ́ Uhaluá úgebúlúgiénú Muɔ́n wa mɔndɔ uguá nigúmi gíméeg. 24Uguá hómohómue, uguá hómohómue, yɔɔ́núɔyɔn áneé niís niá mbasia íniságua eguísi, níménídigué níɔ́lɔbɔn nímuanyɛ nímomi gɔgaá, nímégué níéhúme bibɔg giod. 25Mɔndɔ uwɔyɔnɔ́ nusɔ́da nuég wenénímie nuɔ́, gɔgaá uwɔyɔnɔ́ Uhaluá gudɔ́mb nusɔ́da nuá guísi waágága nuɔ́ gá nusɔ́da nuá ságásagá. 26Mmába mɔndɔ wɔɔ́guɔya gundúmába ánaá úmbinidin, hɔɔ́m ɔhɔɔ́ nnya hɔ́ edúmébi wamɛ wánábánɔ́ súsɔ́n. Mɔndɔ úmándúmába, Síe wamɛ wenébúlúgenye yɔ́.»
27«Dabdab, meéne mámɛ mámábúlúmɔ́nd. Giagɛ igiɛ́ nnya wa guɔyɛd? Síe wamɛ, ndúgún gá gisigɛl igiɛ́ a? Gɔgaá, búnyɛ gá gisigɛl igiɛ mmoól. 28Baba éŋín ɔhɛ́n huáhɔ nigúmi.» Ugelu uhúónoólín ugumɔn uhúɔ́yɛd áneé: «Mmemenébúlúgie yɔ́, yenéndebúlúgie yɔ́.» 29Giíŋ igímabá hɔ́ gímɔɔ́mɔ́b ugelu uhugányɛ igíɔyɛd áneé: «Búnyɛ nubɔ́l núnúmélumid.» Bódodi bɔ́ya áneé: «Búnyɛ gilúna gígímagálɛ́ɛd neéneg.» 30Gɔgaá, Yésuse uwɔyidɛn bɔ́ áneé: «Búdibá gámɛ gá busió ugelu uhugányɛ húmáhám gɔgaá, gá buánɔ. 31Dabdab búganyɛ gisigɛl giá nugélényi nuá guísi, dabdab Uhaluá ugeéhémie ofuŋ huá guísi uguɔ. 32Yaŋuá, Síe wamɛ wenémémbúlúgie, yɔnɔ́bígɔ́gídɛn bandɔ gidigid.» 33Uguá bimansɛ ibigányɛ, Yésuse úmabá udógónyinye bandɔ bunigué ubuɔ́ wénéguénu. 34Giíŋ igíóndinye yɔ́ áneé: «Dimɔɔ́b uguá yubu hiá bigodi áneé Bémeyíde wenédugumin naánasɔ gá ságásagá. Naánanyá ányá wa guɔyɛd áneé bébúlúgie Muɔ́n wa mɔndɔ? Ányá unyaá Muɔ́n wa mɔndɔ?» 35Yésuse uwondinye bɔ́ áneé: «Gise gímanyɛ naánanɔ gá maná gisigɛl. Ánaá núánda uguá ginɛŋ igiɛ́ gise gímanyaá naánanɔ, gá gueleé mbíne idinúhúgígen. Gá giagiá uwandanɔ́ uguá mbíne, udiálinsan buhɔɔ́m ubuɔ́ wiídaninaá. 36Uguá ginɛŋ igiɛ́ númanyaá na gise, ánaá núádáaban giɛ́, gá guáyɛ baán bá giɛ́.» Yésuse umaámágálídɛn bɔ́ anagányɛ, uwɔ́bígɔ́gɛ́ɛd uwabínambɛn bɔ́.
Bayúdɛn bádiáguádáaban Yésuse
37Ta hana úmal giod giá biseyi ɔgɔ́b gá eŋís, ebén guádáab yɔ́, 38búmandɛ́n uguá nugálɔ nuá ebunebúné Esayí unuɔ́ úmɔyɛ́d áneé: «Ɔgúná, ányá úmaádáab ŋŋɔyida yasɔ? Ɔgúná, ányá uyɔɔ́ úmádambunɛ́n bugaga buáhɔ?» Núbíhónye. 39Esayí umɔyɛ́d súsɔ́n buand ubuɔ́ bandɔ abagányɛ bámasábábáguádáab:
40«Uhaluá umal áneé eŋís yɔ́b yadiandúguánan,
uwelúndie bɔ́ idɛ́m,
gá gueleé bádiánan na eŋís yɔ́b, idɛ́m siɔ́b sídisaluna,
bédinúgie bilɔŋ, gá gueleé yoóndúgie bɔ́.»
41«Esayí umɔyá buɔ́ gá giagiá umaán nigúmi niá Yésuse, uwond uwɔya buónyi buég. 42Ta nɔ́ gɔg, uguá ɔlɔŋ huá bɔdɔŋdɔ́ŋ bá bayúdɛn bámuanyɛ mbánan, giod gímádáaban yɔ́, gɔgaá gímedíne guɔya buɔ́ gá gueleé bafalisiɛ́ŋ bédihémie bɔ́ uguá gigúl. 43Bémeyíd nigúmi iníólonineé uguá bandɔ gudɔ́mb iníólonineé agá Uhaluá.»
44Uguá ginɛŋ giáguɔ́, Yésuse uwɔyɛd ugelu ugumɔn áneé: «Uŋádáabanaá, búdibá yaŋuá wádáabanaá, gɔgaá waáguádáaban umaándɔ́m. 45Mɔndɔ uŋánanaá, waáguánan umaándɔ́m. 46Yaŋuá, gise, mmoól uguísi gá gueleé mɔndɔ uŋádáabanaá, udigíga uguá mbíne. 47Mɔndɔ úmɔ́bɔn dugálɔ duámɛ, udigimbe duɔ́, búdibá yaŋuá ŋŋélenyeé yɔ́, gá giagiá mmosúguól gá gélenye bandɔ, mmoól gá sódie bɔ́. 48Usóŋómb, udigíndígɛn nugálɔ nuámɛ, uganyɛ na egélényi weg, nugálɔ unuɔ́ nsɔ́guɔyɛd núnúénégélenyeé yɔ́ uguá buɔ́sɛ buá nsúgie. 49Gá giagiá, mmaságálɛ́ɛd gámɛ gá guɔyɛd gɔgaá, Baba umaándɔ́m úmaámbídínɛ́n buand ubuɔ́ ŋŋódionu áneé yɔyɛd yond mpuínyihuinye. 50Guond, yaálinsan áneé gibídína giég gínyɛ nusɔ́da nuá ságásagá. Ubuɔ́ yɔ́yɔnɔ́, yɔɔ́guɔya buɔ́ hana Baba úmɔŋɔyidɛ́n.»
ទើបបានជ្រើសរើសហើយ៖
Sáŋa 12: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 12
12
1Mɔɔ́sɛ mátíndádɔ áneé Páska wa bayúdɛn ugaábá, Yésuse uweneg Betaní, uguá gidɔŋ giá Lasál, uyɔɔ́ úmehémie uguá gibɛ́l. 2Abál budɔ́mb uguá ɔhɛ́n huá Yésuse, Lasál dugumine ɔlɔŋ na benyi, Máta waba gunyá. 3Malía uwɔgɔ́l gidódé giá megúd má ohind ɔmɔ́ŋunɔnɔ́ giod giá ŋŋúme, ɔmɔɔ́ bálanɔ́ na bumegíde ubuɔ́ bɔ́dɔ́ŋɔnaá áneé nál wa kondonogidie, uwehuénen Yésuse mɔ́ uguá dugɔ́nd. Uwohóne duɔ́ na ŋŋíde siég, ohind huá megúd amagányɛ uhúésegidinye giansɛ gidigid. 4Agányɛ gɔg Yúdas Iskaliɔ́t, ebinene weg omodi, úmaábá áneé ugoógió yɔ́ úmuanyɛ áneé: 5«Gá giagɛ bémésédidué megúd má ohind amagányɛ gá ŋŋúme mbámbá étín átánɔ ádádɔ gá guéŋin basúgasuga?» 6Umɔsúguɔya anagányɛ gá giagiá umɔyá basúgasuga gɔgaá, gá giagiá umabá uŋébi. Hana úmabá ugimbe nukólókóŋ, umabá weében ubuɔ́ bámabá bágan guɔ́. 7Yésuse uwɔyɛd gɔg áneé: «Níhɛ́n ugándɔ ugányɛ pém, umál buɔ́ gá busió buá buɔ́sɛ buá gueleé báŋág uguá gibɛ́l. 8Ɛɛ́ɛ, nuanábá na basúgasuga mɔɔ́sɛ gidigid. Gɔgaá, yaŋuá ndigabá naánanɔ gá ságásagá. 9Uguá ginɛŋ igigányɛ giandá giá giíŋ giá bayúdɛn igíɔ́b áneé Yésuse umabá Betaní, igíídan hɔ́. Búmasábá pɛ́ŋ gá busió buá Yésuse gɔgaá, gá guán súsɔ́n Lasál uyɔɔ́ Yésuse úmehémie uguá gibɛ́l. 10Bɔgúnɔ́gɔ́n bá bedúmbinusámb abán gɔg áneé bɔ́n Lasál súsɔ́n, 11gá giagiá gég gá busió giod giá bayúdɛn gímólígónyinye bɔ́ gá guádáab Yésuse.»
Gubíŋín guá Yésuse Yelusalɛ́m hana Ofuŋ
(Mat 21.1-11; Mál 11.1-11; Lúk 19.28-40)
12Mémbélényi, giandá giá giíŋ igímoól gá budɔ́mb buá Páska wa bayúdɛn, igíɔ́b áneé Yésuse ugésieg Yelusalɛ́m. 13Abásúmba biáŋ biá mudand abáháman gá guídanaádán neéneg, béhéhenye áneé: «Osána#12.13 Anagányɛ gúnya áneé yéléleé, nubógobóg.! Ánaá Uhaluá úsay uwoóloneé uguá ɔhɛ́n huá Ɔgúná, ánaá Uhaluá úsay ofuŋ huá Íslayɛ́l.» 14Yésuse uwaán muɔ́n wa abaŋabinúhá, uwadadimɛn guɔ́, hana bidányɛdányɛ biá Ŋŋɔ́ŋɛ bíɔ́yɔnɔ́ áneé: 15«Bandɔ bá tísɔna wa Siyɔ́ŋ, nudiɔ́b bugádɔ, ofuŋ huánɔ uhúóloneé húnyɛ dadimina uguá muɔ́n wa abaŋabinúhá.#12.15 Sák 9.9.» 16Gisiósio, bebinene bég bɔ́mɔsúguɔ́b buand ubúmábídúmban. Gɔgaá, Uhaluá umeémébúlúgie Yésuse uguég guá nigúmi, ebébídúmudenye áneé Ŋŋɔ́ŋɛ símɔyá buɔ́ gég gá busió, búmobíhónyé uguég hana búmabá ubúɔ́ŋɔ́n. 17Giíŋ igímabá na Yésuse uguá ginɛŋ igiɛ́ úmɔdɔ́ŋɛ́ɛn Lasál gá gueleé uhám uguá gibɛ́l, uwond uwahuɛnyɛ yɔ́ uguá ɔlɔŋ huá ebeguén, igíɛ́d gíɔya buónyi buég. 18Giíŋ gímɔɔ́b áneé Yésuse umaál giseyi igigányɛ, buand buáguɔ́ gímoól gá guádán neéneg. 19Bafalisiɛ́ŋ ɔbɔ́bíɔyɔn áneé: «Núáguánan gɔg, didibánd dia gual buand, mɔndɔ gidigid uganyɛ gá binen yɔ́.»
Na nigúmi na nuag
20Uguá ɔlɔŋ huá bandɔ abámabúlɛ́ɛg Yelusalɛ́m gá búlúgenye Uhaluá, uguá ginɛŋ giá budɔ́mb, baglɛ́k bámabá guɔ́. 21Abákilɛn Fílibe, mɔndɔ wa gidɔŋ giá Bɛtsayída, uguá gibéyi giá guísi giá Galilé, ɔbɔ́yidɛn yɔ́ áneé: «Ɔgúnɔ́gɔ́n, diɔ́guɔya guán Yésuse.» 22Filíbe uwɔnɔyidɛn Andlé, bámuanyɛ bem báandɛ abɛ́d gá guídɔ́nɔyídɛ́n Yésuse. 23Yésuse uwondinye bɔ́ áneé: «Dabdab, gisigɛl igiɛ́ Uhaluá úgebúlúgiénú Muɔ́n wa mɔndɔ uguá nigúmi gíméeg. 24Uguá hómohómue, uguá hómohómue, yɔɔ́núɔyɔn áneé niís niá mbasia íniságua eguísi, níménídigué níɔ́lɔbɔn nímuanyɛ nímomi gɔgaá, nímégué níéhúme bibɔg giod. 25Mɔndɔ uwɔyɔnɔ́ nusɔ́da nuég wenénímie nuɔ́, gɔgaá uwɔyɔnɔ́ Uhaluá gudɔ́mb nusɔ́da nuá guísi waágága nuɔ́ gá nusɔ́da nuá ságásagá. 26Mmába mɔndɔ wɔɔ́guɔya gundúmába ánaá úmbinidin, hɔɔ́m ɔhɔɔ́ nnya hɔ́ edúmébi wamɛ wánábánɔ́ súsɔ́n. Mɔndɔ úmándúmába, Síe wamɛ wenébúlúgenye yɔ́.»
27«Dabdab, meéne mámɛ mámábúlúmɔ́nd. Giagɛ igiɛ́ nnya wa guɔyɛd? Síe wamɛ, ndúgún gá gisigɛl igiɛ́ a? Gɔgaá, búnyɛ gá gisigɛl igiɛ mmoól. 28Baba éŋín ɔhɛ́n huáhɔ nigúmi.» Ugelu uhúónoólín ugumɔn uhúɔ́yɛd áneé: «Mmemenébúlúgie yɔ́, yenéndebúlúgie yɔ́.» 29Giíŋ igímabá hɔ́ gímɔɔ́mɔ́b ugelu uhugányɛ igíɔyɛd áneé: «Búnyɛ nubɔ́l núnúmélumid.» Bódodi bɔ́ya áneé: «Búnyɛ gilúna gígímagálɛ́ɛd neéneg.» 30Gɔgaá, Yésuse uwɔyidɛn bɔ́ áneé: «Búdibá gámɛ gá busió ugelu uhugányɛ húmáhám gɔgaá, gá buánɔ. 31Dabdab búganyɛ gisigɛl giá nugélényi nuá guísi, dabdab Uhaluá ugeéhémie ofuŋ huá guísi uguɔ. 32Yaŋuá, Síe wamɛ wenémémbúlúgie, yɔnɔ́bígɔ́gídɛn bandɔ gidigid.» 33Uguá bimansɛ ibigányɛ, Yésuse úmabá udógónyinye bandɔ bunigué ubuɔ́ wénéguénu. 34Giíŋ igíóndinye yɔ́ áneé: «Dimɔɔ́b uguá yubu hiá bigodi áneé Bémeyíde wenédugumin naánasɔ gá ságásagá. Naánanyá ányá wa guɔyɛd áneé bébúlúgie Muɔ́n wa mɔndɔ? Ányá unyaá Muɔ́n wa mɔndɔ?» 35Yésuse uwondinye bɔ́ áneé: «Gise gímanyɛ naánanɔ gá maná gisigɛl. Ánaá núánda uguá ginɛŋ igiɛ́ gise gímanyaá naánanɔ, gá gueleé mbíne idinúhúgígen. Gá giagiá uwandanɔ́ uguá mbíne, udiálinsan buhɔɔ́m ubuɔ́ wiídaninaá. 36Uguá ginɛŋ igiɛ́ númanyaá na gise, ánaá núádáaban giɛ́, gá guáyɛ baán bá giɛ́.» Yésuse umaámágálídɛn bɔ́ anagányɛ, uwɔ́bígɔ́gɛ́ɛd uwabínambɛn bɔ́.
Bayúdɛn bádiáguádáaban Yésuse
37Ta hana úmal giod giá biseyi ɔgɔ́b gá eŋís, ebén guádáab yɔ́, 38búmandɛ́n uguá nugálɔ nuá ebunebúné Esayí unuɔ́ úmɔyɛ́d áneé: «Ɔgúná, ányá úmaádáab ŋŋɔyida yasɔ? Ɔgúná, ányá uyɔɔ́ úmádambunɛ́n bugaga buáhɔ?» Núbíhónye. 39Esayí umɔyɛ́d súsɔ́n buand ubuɔ́ bandɔ abagányɛ bámasábábáguádáab:
40«Uhaluá umal áneé eŋís yɔ́b yadiandúguánan,
uwelúndie bɔ́ idɛ́m,
gá gueleé bádiánan na eŋís yɔ́b, idɛ́m siɔ́b sídisaluna,
bédinúgie bilɔŋ, gá gueleé yoóndúgie bɔ́.»
41«Esayí umɔyá buɔ́ gá giagiá umaán nigúmi niá Yésuse, uwond uwɔya buónyi buég. 42Ta nɔ́ gɔg, uguá ɔlɔŋ huá bɔdɔŋdɔ́ŋ bá bayúdɛn bámuanyɛ mbánan, giod gímádáaban yɔ́, gɔgaá gímedíne guɔya buɔ́ gá gueleé bafalisiɛ́ŋ bédihémie bɔ́ uguá gigúl. 43Bémeyíd nigúmi iníólonineé uguá bandɔ gudɔ́mb iníólonineé agá Uhaluá.»
44Uguá ginɛŋ giáguɔ́, Yésuse uwɔyɛd ugelu ugumɔn áneé: «Uŋádáabanaá, búdibá yaŋuá wádáabanaá, gɔgaá waáguádáaban umaándɔ́m. 45Mɔndɔ uŋánanaá, waáguánan umaándɔ́m. 46Yaŋuá, gise, mmoól uguísi gá gueleé mɔndɔ uŋádáabanaá, udigíga uguá mbíne. 47Mɔndɔ úmɔ́bɔn dugálɔ duámɛ, udigimbe duɔ́, búdibá yaŋuá ŋŋélenyeé yɔ́, gá giagiá mmosúguól gá gélenye bandɔ, mmoól gá sódie bɔ́. 48Usóŋómb, udigíndígɛn nugálɔ nuámɛ, uganyɛ na egélényi weg, nugálɔ unuɔ́ nsɔ́guɔyɛd núnúénégélenyeé yɔ́ uguá buɔ́sɛ buá nsúgie. 49Gá giagiá, mmaságálɛ́ɛd gámɛ gá guɔyɛd gɔgaá, Baba umaándɔ́m úmaámbídínɛ́n buand ubuɔ́ ŋŋódionu áneé yɔyɛd yond mpuínyihuinye. 50Guond, yaálinsan áneé gibídína giég gínyɛ nusɔ́da nuá ságásagá. Ubuɔ́ yɔ́yɔnɔ́, yɔɔ́guɔya buɔ́ hana Baba úmɔŋɔyidɛ́n.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល