Sáŋa 11
11
Gihunya giá Lasál
1Mɔndɔ omodi ɔhɛ́n áneé Lasál umanúma. Neéneg na bisɔ́ndɛ biég ibigándɔ, Malía na Máta bámabá bágíga Betaní. 2Búnyɛ Malía waáguɔ́ úmeéhuénen Ɔgúná megúd má ohind uguá dugɔ́nd, uwond uwohóne yɔ́ duɔ́ na ŋŋíde siég. Búnyɛ gisɔ́nd giég Lasál úmaánúmá. 3Bisɔ́nd biá Lasál ibíádúmɛn Yésuse nsɔ́m áneé: «Ɔgúná, ogúl wahɔ uyɔɔ́ ɔ́yɔnɔ́ waánúma.» 4Yésuse umɔɔ́mɔ́b nsɔ́m igányɛ, uwɔyɛd áneé: «Manúma amagányɛ mádibá má nigué, mányɛ gá díye nigúmi niá Uhaluá, búnyɛ súsɔ́n uguá mɔ́ Muɔ́n wa Uhaluá úgabianɔ́ nigúmi. 5Henyé, Yésuse umɔyá Máta gisɔ́nd giég na Lasál. 6Ta hana Yésuse úmamúnyan áneé Lasál waánúma, uwɔndɔlɔbɛn agá hɔɔ́m ɔhɔɔ́ úmabá gá mɔɔ́sɛ máandɛ.» 7Egélém agányɛ, uwɔyidɛn bebinene bég áneé: «Ánaá díond uguá gibéyi giá guísi giá Yudé.» 8Bebinene bég ɔbɔ́yidɛn yɔ́ áneé: «Lábi, búmanyɛ búdial ginɛŋ igiɛ́ bandɔ bá ihiligine hiá bayúdɛn bámamba guguɔ́n na dúdan adányɛ, amba áneé onduguond hɔ́ a?» 9Yésuse uwondinye bɔ́ áneé: «Buɔ́sɛ búdigódi bisigɛl bíad na bíandɛ a? Mɔndɔ úmánda na buɔ́sɛ, udiɔ́bígɔda gá giagiá, waáguánan na gise giá guísi uguɔ. 10Gɔgaá, mɔndɔ úmánda na budúg, wɔɔ́bígɔda gá giagiá, udiáguánan beseé.»
11Yésuse umaámágálɛ́d anagányɛ, uwɔɔ́hígɛn áneé: «Ogúl wasɔ Lasál usabídímɛn gɔgaá, ŋŋaáguɛ́d yanahuɛnyɛ yɔ́.» 12Bebinene bég ɔbɔ́yidɛn yɔ́ áneé: «Ɔgúná, mmába usabídímɛn, ugaábia gisódie.» 13Hómohómue, Yésuse umɔya nigué niá Lasál gɔgaá, bebinene bémegedenye áneé wɔɔ́guɔya dúnɔ́ duá gilé gilé. 14Yésuse uwatasidɛn bɔ́ gɔg agá budányɛ áneé Lasál usegué. 15«Yɔɔ́guɔ́bɔn beseé gánɔ gá giagiá, nsasábá hɔ́, gá gueleé nuádáab gɔgaá, ánaá díkilɛn yɔ́.» 16Túmasia uyɔɔ́ ɔhɛ́n huá ginugɛ́n húnya áneé nibásia uwɔyidɛn bebinene obólbóndeé áneé: «Ánaá diɛ́d súsɔ́n dienegué na ehuínyihuínyi wasɔ.»
17Yésuse umeégéneg, uwegégie áneé Lasál ugányɛ uguá gibɛ́l mɔɔ́sɛ méníhi. 18Hana Betaní údiabá hádɛ na Yelusalɛ́m, ala bá kílomɛ́tlɛ bádádɔ, 19giod giá bayúdɛn gímoól agá Máta na Malía gá gíle nigué niá gisɔ́nd giɔ́b. 20Máta úmɔɔ́mɔ́b áneé Yésuse woóguólon, uwahám gá guɛ́d gá gólie yɔ́, Malía uwesíen dugumine uguá giansɛ. 21Máta umeéméneg agá hɔɔ́m ɔhɔɔ́ Yésuse úmabá, uwɔyidɛn yɔ́ áneé: «Ɔgúná, ámabá hɔ́, gisɔ́nd giámɛ gídiégué. 22Gɔgaá, yaálinsan áneé ta dabdab, buand gidigid ubuɔ́ ónóhoneé Uhaluá wanáhuá buɔ́.» 23Yésuse uwɔyidɛn yɔ́ áneé: «Gisɔ́nd giáhɔ gígaáhám uguá gibɛ́l.» 24Máta uwondinye áneé «Yaálinsan áneé wanáhám uguá gibɛ́l uguá buɔ́sɛ buá nsúgie.» 25Yésuse uwɔyidɛn yɔ́ áneé: «Yaŋuá nnyaá ndínyi ya hám uguá gibɛ́l, yaŋuá súsɔ́n nnyaá ndínyi ya nusɔ́da, mɔndɔ uŋádáabanaá ta ugué wɔnɔ́sɔ́dɔn. 26Mɔndɔ usɔ́dɔnaá wond uŋádáaban ugányɛ mɔndɔ udienégué. Kásɛ aáguádáaban buɔ́ a?» 27Máta uwondinye áneé: «Ɛɛ́ɛ, Ɔgúná yaáguádáaban áneé anyɛ Bémeyíde, Muɔ́n wa Uhaluá uwoóloneé uguísi.» 28Uguá dugálɔ udugányɛ, uwɛɛ́d gá guídɔ́nɔdɔ́ŋɛ́ɛn gisɔ́nd giég Malía, uwɔyidɛn yɔ́ agá odú áneé: «Ehuínyihuínyi umól, wɔ́dɔ́ŋɔn.» 29Malía umɔɔ́mɔɔ́b, ewedúmbie uwadigɛn gá guɛ́d agá hɔɔ́m ɔhɔɔ́ Yésuse úmabá. 30Henyé, Yésuse umabá umanyɛ udibíŋín uguá gidɔŋ, umabá umanyɛ agá hɔɔ́m ɔhɔɔ́ Máta úmanádán neéneg. 31Bayúdɛn abámabá uguá giansɛ gá gíle nigué, bámaámán yɔ́ guadigɛn gá hám, ebébinidin yɔ́. Ebégedenye áneé Malía umɛɛ́d gá baŋa agá gibɛ́l. 32Umeéméneg agá hɔɔ́m ɔhɔɔ́ Yésuse úmabá, umaánaguán yɔ́, uwaguɛn yɔ́ agá dugɔ́nd úmuanyɛ gég áneé: «Ɔgúná, búámabá áneé asabá hɔ́, késíe gisɔ́nd giámɛ gídiégué.» 33Malía na bayúdɛn abámabá hɔ́, bámaágábaŋa, Yésuse uweséhén, meéne még eméním. 34Yésuse uwoóhún bɔ́ áneé: «Hanyɛ agaá núág gilɔ́ŋ giég?» Obóndinye áneé: «Ɔgúná, Ógún asián.» 35Yésuse uwɛɛ́d gá baŋa. 36Bayúdɛn ɔbɔ́yɛd gɔg áneé: «Ndénu hana wábá wɔya yɔ́.» 37Gɔgaá, bómodi uguɔ́b guá ɔlɔŋ bɔ́ya áneé: «Mɔndɔ umeébun eheguhégu eŋís, waásábia bugaga buá gual áneé Lasál udigué a?» 38Yésuse uwendeséhén, uwɛɛ́d agá gibɛ́l. Búmabá gihɔ́ igiɛ́ bámaduánán uguá giandá giá nidányɛ, ebégíg nidányɛ agá nibíŋínín. 39Yésuse uwɔyidɛn bɔ́ gɔg áneé: «Ánaá núólie nidányɛ inigányɛ.» Máta, gisɔ́nd giá gilɔ́ŋ igíɔ́yidɛn yɔ́ áneé: «Ɔgúná, bugányɛ mɔɔ́sɛ méníhi ɔmɔɔ́ bámaág yɔ́ uguá gibɛ́l, uganyɛ gá dúgan.» 40Yésuse uwondinye yɔ́ áneé: «Máta, kásɛ nsɔ́súguguɔyɔn a? Mmába aáguádáaban, anán nigúmi niá Uhaluá.» 41Obólie gɔg nidányɛ. Yésuse uwabíbúlímɛn uwɔyɛd áneé: «Baba, yáhuán mbíyigie gá giagiá, ɔmɔ́mbídɔ́lígɛn. 42Yeényi áneé ɔ́mbídɔ́lígɔnɔn binɛŋ gidigid gɔgaá, yaágálgal gá busió buá giíŋ igíseŋéŋélidie, gá gueleé gíádáab áneé aŋuá amaándɔ́m.» 43Umaánagálɛ́d anagányɛ, uwaánsídɛn ugelu ugumɔn úmuanyɛ áneé: «Lasál, hám uguɔ́g!» 44Umeégué uwanahám dugɔ́nd na imbɔ́g míŋémíŋé, busió ubuhúgénu na giása. Yésuse uwɔyɛd áneé: «Húlúnénénu yɔ́, nunihɛn yɔ́ wɛɛ́d.»
(Mat 26.1-5; Mál 14.1-2; Lúk 22.1-2)
45Uguá bandɔ obómoólón agá Malía, giod giá bayúdɛn gímábá uguá ɔlɔŋ, igíán buand ubuɔ́ Yésuse úmal igíádáab yɔ́. 46Gɔgaá, bómodi abɛ́d agá bafalisiɛ́ŋ gá guɛ́d nɔyɔ́n bɔ́ buand ubuɔ́ Yésuse úmal. 47Bɔgúnɔ́gɔ́n bá bedúmbinusámb na bafalisiɛ́ŋ abágúsɛ́d idɔg ihigɔ́n, obóhún áneé: «Giagɛ igiɛ́ digálanɔ́? Mɔndɔ uyɔ waáguala giod giá biseyi. 48Dímánihen yɔ́ udúmbenye na guala anagányɛ bandɔ gidigid bágádáaban yɔ́, egélém ihiligine hiá balomɛ́ŋ hígág ɔmbɔ́g gá buónyi ubugányɛ, básígád idúl hiásɔ na gidɔŋ giásɔ.» 49Sɔ́gá omodi uguɔ́b guá ɔlɔŋ ɔhɛ́n áneé Kayífe, úmaábá ɔgúnɔ́gɔ́n wa bedúmbinusámb uguá nnyɔ́m igányɛ, uwɔyidɛn bɔ́ áneé: «Núdiɔ́guɔ́bɔn buand, 50nudiáguánan áneé búnyɛ beseé gánɔ gá busió áneé mɔndɔ omoómi ugué gá busió buá bandɔ gidigid, gudɔ́mb áneé buán gidigid búhɔ́h a?» 51Gá guán gɔg, umɔsɔ́bíɔyɔn buɔ́ úmuanyɛ mbánan gɔgaá, haná úmabá ɔgúnɔ́gɔ́n wa bedúmbinusámb uguá nnyɔ́m igányɛ, buand buáguɔ́ úmɔyɛd hana ebunebúné áneé Yésuse ugódi áneé ugué gá busió buá buán buá bá bayúdɛn, 52búdibá pɛ́ŋ gá buán buá bayúdɛn gɔgaá, gá gusígan baán bá Uhaluá abánya sálámándá, gá gueleé báyɛ nuɔ́l numoómi.
53Gugɔns uguá buɔ́sɛ ubugányɛ, bámagɔ́d áneé bɔ́n Yésuse. 54Buand buáguɔ́ Yésuse umasánduguandand agá budányɛ agá eŋís ya ihiligine hiá bayúdɛn, uwɔbígɔ́gɛ́ɛd gá guɛ́d uguá gibéyi giá guísi igínya mɔdɔg na gidɔŋ giá gɔ́dɔgɔ́dɔ, agá tísɔna uyɔɔ́ bɔ́dɔ́ŋɔnaá áneé Eflɛ́m, uwagíga hɔ́ na bebinene bég.
Guhué guá megúd Betaní
(Mat 26.6-13; Mál 14.3-9; Lúk 7.36-38)
55Henyé, Páska wa bayúdɛn umasɛɛ́d mɔdɔg, giod igíádigan uguá bidɔŋ gá guɛ́d Yelusalɛ́m, gá guídenesulenyé bigua biɔ́b hɔ́ bábádanyá budɔ́mb. 56Bámba Yésuse, uguá idúl uguɔ́ bámabá bɔ́ya bámuanyɛ na bámuanyɛ áneé: «Núáguánan naánanyá, ugoóguól gá budɔ́mb lí, udigoóguól?» 57Bɔgúnɔ́gɔ́n bá bedúmbinusámb na bafalisiɛ́ŋ bámabá bómodógíe áneé: Mmába mɔndɔ waálinsan hɔɔ́m ɔhɔɔ́ únya, wɔsiɔyídɛ́n bɔ́ bénegimbin yɔ́.
ទើបបានជ្រើសរើសហើយ៖
Sáŋa 11: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Sáŋa 11
11
Gihunya giá Lasál
1Mɔndɔ omodi ɔhɛ́n áneé Lasál umanúma. Neéneg na bisɔ́ndɛ biég ibigándɔ, Malía na Máta bámabá bágíga Betaní. 2Búnyɛ Malía waáguɔ́ úmeéhuénen Ɔgúná megúd má ohind uguá dugɔ́nd, uwond uwohóne yɔ́ duɔ́ na ŋŋíde siég. Búnyɛ gisɔ́nd giég Lasál úmaánúmá. 3Bisɔ́nd biá Lasál ibíádúmɛn Yésuse nsɔ́m áneé: «Ɔgúná, ogúl wahɔ uyɔɔ́ ɔ́yɔnɔ́ waánúma.» 4Yésuse umɔɔ́mɔ́b nsɔ́m igányɛ, uwɔyɛd áneé: «Manúma amagányɛ mádibá má nigué, mányɛ gá díye nigúmi niá Uhaluá, búnyɛ súsɔ́n uguá mɔ́ Muɔ́n wa Uhaluá úgabianɔ́ nigúmi. 5Henyé, Yésuse umɔyá Máta gisɔ́nd giég na Lasál. 6Ta hana Yésuse úmamúnyan áneé Lasál waánúma, uwɔndɔlɔbɛn agá hɔɔ́m ɔhɔɔ́ úmabá gá mɔɔ́sɛ máandɛ.» 7Egélém agányɛ, uwɔyidɛn bebinene bég áneé: «Ánaá díond uguá gibéyi giá guísi giá Yudé.» 8Bebinene bég ɔbɔ́yidɛn yɔ́ áneé: «Lábi, búmanyɛ búdial ginɛŋ igiɛ́ bandɔ bá ihiligine hiá bayúdɛn bámamba guguɔ́n na dúdan adányɛ, amba áneé onduguond hɔ́ a?» 9Yésuse uwondinye bɔ́ áneé: «Buɔ́sɛ búdigódi bisigɛl bíad na bíandɛ a? Mɔndɔ úmánda na buɔ́sɛ, udiɔ́bígɔda gá giagiá, waáguánan na gise giá guísi uguɔ. 10Gɔgaá, mɔndɔ úmánda na budúg, wɔɔ́bígɔda gá giagiá, udiáguánan beseé.»
11Yésuse umaámágálɛ́d anagányɛ, uwɔɔ́hígɛn áneé: «Ogúl wasɔ Lasál usabídímɛn gɔgaá, ŋŋaáguɛ́d yanahuɛnyɛ yɔ́.» 12Bebinene bég ɔbɔ́yidɛn yɔ́ áneé: «Ɔgúná, mmába usabídímɛn, ugaábia gisódie.» 13Hómohómue, Yésuse umɔya nigué niá Lasál gɔgaá, bebinene bémegedenye áneé wɔɔ́guɔya dúnɔ́ duá gilé gilé. 14Yésuse uwatasidɛn bɔ́ gɔg agá budányɛ áneé Lasál usegué. 15«Yɔɔ́guɔ́bɔn beseé gánɔ gá giagiá, nsasábá hɔ́, gá gueleé nuádáab gɔgaá, ánaá díkilɛn yɔ́.» 16Túmasia uyɔɔ́ ɔhɛ́n huá ginugɛ́n húnya áneé nibásia uwɔyidɛn bebinene obólbóndeé áneé: «Ánaá diɛ́d súsɔ́n dienegué na ehuínyihuínyi wasɔ.»
17Yésuse umeégéneg, uwegégie áneé Lasál ugányɛ uguá gibɛ́l mɔɔ́sɛ méníhi. 18Hana Betaní údiabá hádɛ na Yelusalɛ́m, ala bá kílomɛ́tlɛ bádádɔ, 19giod giá bayúdɛn gímoól agá Máta na Malía gá gíle nigué niá gisɔ́nd giɔ́b. 20Máta úmɔɔ́mɔ́b áneé Yésuse woóguólon, uwahám gá guɛ́d gá gólie yɔ́, Malía uwesíen dugumine uguá giansɛ. 21Máta umeéméneg agá hɔɔ́m ɔhɔɔ́ Yésuse úmabá, uwɔyidɛn yɔ́ áneé: «Ɔgúná, ámabá hɔ́, gisɔ́nd giámɛ gídiégué. 22Gɔgaá, yaálinsan áneé ta dabdab, buand gidigid ubuɔ́ ónóhoneé Uhaluá wanáhuá buɔ́.» 23Yésuse uwɔyidɛn yɔ́ áneé: «Gisɔ́nd giáhɔ gígaáhám uguá gibɛ́l.» 24Máta uwondinye áneé «Yaálinsan áneé wanáhám uguá gibɛ́l uguá buɔ́sɛ buá nsúgie.» 25Yésuse uwɔyidɛn yɔ́ áneé: «Yaŋuá nnyaá ndínyi ya hám uguá gibɛ́l, yaŋuá súsɔ́n nnyaá ndínyi ya nusɔ́da, mɔndɔ uŋádáabanaá ta ugué wɔnɔ́sɔ́dɔn. 26Mɔndɔ usɔ́dɔnaá wond uŋádáaban ugányɛ mɔndɔ udienégué. Kásɛ aáguádáaban buɔ́ a?» 27Máta uwondinye áneé: «Ɛɛ́ɛ, Ɔgúná yaáguádáaban áneé anyɛ Bémeyíde, Muɔ́n wa Uhaluá uwoóloneé uguísi.» 28Uguá dugálɔ udugányɛ, uwɛɛ́d gá guídɔ́nɔdɔ́ŋɛ́ɛn gisɔ́nd giég Malía, uwɔyidɛn yɔ́ agá odú áneé: «Ehuínyihuínyi umól, wɔ́dɔ́ŋɔn.» 29Malía umɔɔ́mɔɔ́b, ewedúmbie uwadigɛn gá guɛ́d agá hɔɔ́m ɔhɔɔ́ Yésuse úmabá. 30Henyé, Yésuse umabá umanyɛ udibíŋín uguá gidɔŋ, umabá umanyɛ agá hɔɔ́m ɔhɔɔ́ Máta úmanádán neéneg. 31Bayúdɛn abámabá uguá giansɛ gá gíle nigué, bámaámán yɔ́ guadigɛn gá hám, ebébinidin yɔ́. Ebégedenye áneé Malía umɛɛ́d gá baŋa agá gibɛ́l. 32Umeéméneg agá hɔɔ́m ɔhɔɔ́ Yésuse úmabá, umaánaguán yɔ́, uwaguɛn yɔ́ agá dugɔ́nd úmuanyɛ gég áneé: «Ɔgúná, búámabá áneé asabá hɔ́, késíe gisɔ́nd giámɛ gídiégué.» 33Malía na bayúdɛn abámabá hɔ́, bámaágábaŋa, Yésuse uweséhén, meéne még eméním. 34Yésuse uwoóhún bɔ́ áneé: «Hanyɛ agaá núág gilɔ́ŋ giég?» Obóndinye áneé: «Ɔgúná, Ógún asián.» 35Yésuse uwɛɛ́d gá baŋa. 36Bayúdɛn ɔbɔ́yɛd gɔg áneé: «Ndénu hana wábá wɔya yɔ́.» 37Gɔgaá, bómodi uguɔ́b guá ɔlɔŋ bɔ́ya áneé: «Mɔndɔ umeébun eheguhégu eŋís, waásábia bugaga buá gual áneé Lasál udigué a?» 38Yésuse uwendeséhén, uwɛɛ́d agá gibɛ́l. Búmabá gihɔ́ igiɛ́ bámaduánán uguá giandá giá nidányɛ, ebégíg nidányɛ agá nibíŋínín. 39Yésuse uwɔyidɛn bɔ́ gɔg áneé: «Ánaá núólie nidányɛ inigányɛ.» Máta, gisɔ́nd giá gilɔ́ŋ igíɔ́yidɛn yɔ́ áneé: «Ɔgúná, bugányɛ mɔɔ́sɛ méníhi ɔmɔɔ́ bámaág yɔ́ uguá gibɛ́l, uganyɛ gá dúgan.» 40Yésuse uwondinye yɔ́ áneé: «Máta, kásɛ nsɔ́súguguɔyɔn a? Mmába aáguádáaban, anán nigúmi niá Uhaluá.» 41Obólie gɔg nidányɛ. Yésuse uwabíbúlímɛn uwɔyɛd áneé: «Baba, yáhuán mbíyigie gá giagiá, ɔmɔ́mbídɔ́lígɛn. 42Yeényi áneé ɔ́mbídɔ́lígɔnɔn binɛŋ gidigid gɔgaá, yaágálgal gá busió buá giíŋ igíseŋéŋélidie, gá gueleé gíádáab áneé aŋuá amaándɔ́m.» 43Umaánagálɛ́d anagányɛ, uwaánsídɛn ugelu ugumɔn úmuanyɛ áneé: «Lasál, hám uguɔ́g!» 44Umeégué uwanahám dugɔ́nd na imbɔ́g míŋémíŋé, busió ubuhúgénu na giása. Yésuse uwɔyɛd áneé: «Húlúnénénu yɔ́, nunihɛn yɔ́ wɛɛ́d.»
(Mat 26.1-5; Mál 14.1-2; Lúk 22.1-2)
45Uguá bandɔ obómoólón agá Malía, giod giá bayúdɛn gímábá uguá ɔlɔŋ, igíán buand ubuɔ́ Yésuse úmal igíádáab yɔ́. 46Gɔgaá, bómodi abɛ́d agá bafalisiɛ́ŋ gá guɛ́d nɔyɔ́n bɔ́ buand ubuɔ́ Yésuse úmal. 47Bɔgúnɔ́gɔ́n bá bedúmbinusámb na bafalisiɛ́ŋ abágúsɛ́d idɔg ihigɔ́n, obóhún áneé: «Giagɛ igiɛ́ digálanɔ́? Mɔndɔ uyɔ waáguala giod giá biseyi. 48Dímánihen yɔ́ udúmbenye na guala anagányɛ bandɔ gidigid bágádáaban yɔ́, egélém ihiligine hiá balomɛ́ŋ hígág ɔmbɔ́g gá buónyi ubugányɛ, básígád idúl hiásɔ na gidɔŋ giásɔ.» 49Sɔ́gá omodi uguɔ́b guá ɔlɔŋ ɔhɛ́n áneé Kayífe, úmaábá ɔgúnɔ́gɔ́n wa bedúmbinusámb uguá nnyɔ́m igányɛ, uwɔyidɛn bɔ́ áneé: «Núdiɔ́guɔ́bɔn buand, 50nudiáguánan áneé búnyɛ beseé gánɔ gá busió áneé mɔndɔ omoómi ugué gá busió buá bandɔ gidigid, gudɔ́mb áneé buán gidigid búhɔ́h a?» 51Gá guán gɔg, umɔsɔ́bíɔyɔn buɔ́ úmuanyɛ mbánan gɔgaá, haná úmabá ɔgúnɔ́gɔ́n wa bedúmbinusámb uguá nnyɔ́m igányɛ, buand buáguɔ́ úmɔyɛd hana ebunebúné áneé Yésuse ugódi áneé ugué gá busió buá buán buá bá bayúdɛn, 52búdibá pɛ́ŋ gá buán buá bayúdɛn gɔgaá, gá gusígan baán bá Uhaluá abánya sálámándá, gá gueleé báyɛ nuɔ́l numoómi.
53Gugɔns uguá buɔ́sɛ ubugányɛ, bámagɔ́d áneé bɔ́n Yésuse. 54Buand buáguɔ́ Yésuse umasánduguandand agá budányɛ agá eŋís ya ihiligine hiá bayúdɛn, uwɔbígɔ́gɛ́ɛd gá guɛ́d uguá gibéyi giá guísi igínya mɔdɔg na gidɔŋ giá gɔ́dɔgɔ́dɔ, agá tísɔna uyɔɔ́ bɔ́dɔ́ŋɔnaá áneé Eflɛ́m, uwagíga hɔ́ na bebinene bég.
Guhué guá megúd Betaní
(Mat 26.6-13; Mál 14.3-9; Lúk 7.36-38)
55Henyé, Páska wa bayúdɛn umasɛɛ́d mɔdɔg, giod igíádigan uguá bidɔŋ gá guɛ́d Yelusalɛ́m, gá guídenesulenyé bigua biɔ́b hɔ́ bábádanyá budɔ́mb. 56Bámba Yésuse, uguá idúl uguɔ́ bámabá bɔ́ya bámuanyɛ na bámuanyɛ áneé: «Núáguánan naánanyá, ugoóguól gá budɔ́mb lí, udigoóguól?» 57Bɔgúnɔ́gɔ́n bá bedúmbinusámb na bafalisiɛ́ŋ bámabá bómodógíe áneé: Mmába mɔndɔ waálinsan hɔɔ́m ɔhɔɔ́ únya, wɔsiɔyídɛ́n bɔ́ bénegimbin yɔ́.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល