Melélíe 25
25
Póle umédúmbíe gisan giég Sesalé
1Egélém gá mɔɔ́sɛ mádádɔ má Festús guesieg uguá gibéyi giá guísi igigányɛ, uwadigɛn Sesalé gá búlɛ́ɛg Yelusalɛ́m. 2Na bɔgúnɔ́gɔ́n bá bedúmbinusámb bá Uhaluá na bɔdɔgdɔ́g bá bayúdɛn ebénegín yɔ́ hɔ́ gá fudie Póle na sigilenye. 3Bágángánɛ́n Festús áneé udúmbie Póle Yelusalɛ́m. Bámagálɛ́n Póle idɔg hiá gueleé bɔ́n yɔ́ uguá ŋŋil. 4Gɔgaá, Festús uwondinye áneé Póle ugódi áneé ugíga uguá giansɛ giá mbíne giá Sesalé. Úmuanyɛ mbánan uganyɛ gúnoguond. 5«Ánaá bogógi bánɔ béŋelie Sesalé bónd béfudie mɔndɔ ugányɛ mmába waál buand buá gilɔg.»
6Festús umagígɛ́ɛd nɔɔ́nɔb mɔɔ́sɛ ala mánímanyɛ ugúnya ana máad. Umeénedúnúg Sesalé, mémbélényi uwedugumin agá ondig huá nugélényi, uwodóŋínye bugaga buá dɔ́ŋɛ́ɛn Póle. 7Póle umeémésieg, bayúdɛn obómonól Yelusalɛ́m abágágál yɔ́, abásúŋanɛn yɔ́ giod giá bimal biá muand ibiɛ́ bámuanyɛ muɛ́d bámasábá bá díye hómohómue wa biɛ́. 8Gɔgaá, Póle uwɔbíhɔgɔnhɔgɔn na dugálɔ duég áneé: «Yaásúgual buand buá gilɔg ubúbíyiganaá gigodi giá bayúdɛn, ta idúl, ta ofuŋ uhugɔ́n.»
9Haná Festús úmambá áneé bayúdɛn bɔ́bɛ́n yɔ́ beseé, uganye gá Póle áneé: «Anyɛ wa búlɛ́ɛg Yelusalɛ́m gá gueleé buónyi buáhɔ búbígála hɔ́ agámɛ gá eŋís a?» 10Gɔgaá, Póle uwondinye áneé: «Nnyɛ agá giansɛ giá nugélényi giá ofuŋ uhugɔ́n, hɔ́ gɔg buónyi buámɛ búgódionu áneé búbígála. Yaásúgual bayúdɛn buand buá gilɔg, haná ánanaá aŋuá mbánan. 11Mmába gɔg uguá hómohómue ŋŋódi gigua, mmába yaál buand buá gilɔg ubuɔ́ nnigimananaá na nigué gá buɔ́, ndiɔ́bíɔ́bɔn gugué. Gɔgaá, mmába buand buá hómohómue búdibá uguá moónyi ɔmɔɔ́ bandɔ abagányɛ bɔ́yɔnɔ́ gámɛ gá busió, mɔndɔ udibá wa ndué gɔ́b. Yaáguamba áneé buónyi buámɛ búɛ́d agá ofuŋ uhugɔ́n.» 12Festús umoómóŋunyid na bandɔ bég, uwondinye áneé: «Haná ámbanɔ́ gudúmbie buónyi buáhɔ agá ofuŋ uhugɔ́n, ágɛɛ́d gɔg hɔ́.»
Póle umédélímín gá gisan agá busió buá ofuŋ Aglípa
13Egélém gá baán bá mɔɔ́sɛ, ofuŋ Aglípa na ndiméen weg wa ugándɔ Belenís, ebéneg Sesalé gá bígélídie Festús. 14Haná bémedúmbíe giod giá mɔɔ́sɛ hɔ́, buɔ́sɛ búmodi, Festús uwɔyidɛn ofuŋ buónyi buá Póle. Úmuanyɛ gég áneé: «Mɔndɔ omodi unyɛ aga, uyɔɔ́ Felígse waánihɛ́n uguá giansɛ giá mbíne. 15Uguá mɔɔ́sɛ ɔmɔɔ́ yaábá Yelusalɛ́m, bɔgúnɔ́gɔ́n bá bedúmbinusámb nuá Uhaluá na bɔgɔ́ga bá bayúdɛn, bésifudíe yɔ́ obónd ɔbɔ́yɛd áneé nsɔ́mb gisan giég. 16Yoóndínyé bɔ́ áneé balomɛ́ŋ bódigódi bilɔŋ biá sésídinye mɔndɔ, kandabá áneé umádán na bandɔ ebéséfudie yɔ́ wond ubia ginɛŋ giá bíhɔgɔnhɔgɔn gá bimal biá moónyi ibínúhaninaá yɔ́. 17Gúu bómoól agá ɔlɔŋ naánamɛ. Ta gugígɛ́ɛd, gúmeémébélie iyedúmbie iyedugumin agámɛ gá ondig huá nugélényi, iyɔdɔ́ŋɛ́ɛn yɔ́. 18Bémeémédélímin gá gála, befudi bég bémesúguediginye ta bimal biá moónyi ibínúhaninaá yɔ́ ibiɛ́ mmabá wa súmbie. 19Bámabianán pɛ́ŋ nségíe neéneg gá buónyi buɔ́b buá giádábɛ́n naá gá busió buá mɔndɔ omodi ɔhɛ́n áneé Yésuse, umeégué, Póle wɔya áneé unyɛ ɔgɔ́sɛ. 20Mmába hana gámɛ, yaásándalinsan haná yabá ya gual gá sɔ́mb buónyi ubugányɛ. Buand buáguɔ́ mmóhún Póle mmába waáguádáaban guɛ́d Yelusalɛ́m bánasɔ́mb buónyi buég hɔ́. 21Gɔgaá, Póle uwaádáab gudúmbie buónyi buég uguá busió, wɔya áneé pɛ́ŋ ofuŋ uhugɔ́n húhúgódíonú áneé húsɔ́mb buɔ́. Yoódóŋinye gɔg bugaga buá guág yɔ́ uguá giansɛ giá mbíne gueneg haná ŋŋádɔ́mánɔ́ yɔ́ agá ofuŋ uhugɔ́n.» 22Aglípa uwɔyidɛn Festús áneé: «Yaáguamba gubídɔ́lígɛn dugálɔ duá mɔndɔ ugányɛ yaŋuá mbánan.» Festús uwondinye yɔ́ áneé: «Ɔgɔbídɔ́lígɔnɔn yɔ́ na giám.»
23Mémbélényi gɔg, na Aglípa na Belenís ebésieg na giod giá makányá uguá giansɛ giá nugélényi, bámabá ɔlɔŋ na bɔgúnɔ́gɔ́n bá nsénsi na bɔdɔgdɔ́g bá tísɔna. Festús uwodóŋínye bugaga, ɔbɔ́nɔgɔ́l Póle. 24Egélém, Festús uwɔgɔ́l nugálɔ, úmuanyɛ áneé: «Ofuŋ Aglípa naánanɔ gidigid nunyaá aga ɔlɔŋ naánasɔ, nuáguánan mɔndɔ uyɔ: bayúdɛn gidigid, ta Yelusalɛ́m, ta aga, ból gá fudie yɔ́ agámɛ. Bánsan, bɔ́ya áneé udíándanigimanan na nusɔ́da. 25Gá guámɛ guán, yaásúguán melélíe má gilɔg ɔmɔɔ́ únigimanaá na nigué gá mɔ́. Gɔgaá, haná weédúmbie buónyi buég agá ofuŋ uhugɔ́n, gúu ŋŋadúmanɔ́ yɔ́ hɔ́. 26Ta nɔ́, ndigódi buand buá hómohómue buá gueleé yɔɔ́ŋɛ́ɛn ofuŋ uhugɔ́n gég gá busió, buand buáguɔ́ mmédélíminye yɔ́ agánɔ gá busió, hómohómue gáhɔ aŋuá ofuŋ Aglípa, gá gueleé egélém gáhɔ gá ŋŋóhúnín, mbia buand buá guɔ́ŋ gá dúmɛ́n ofuŋ uhugɔ́n. 27Ɛɛ́ɛ, búábíyiganɛn mbágía áneé ndɔ́m ŋŋóli Lóm kɔndɔguɔyɛd buand ubuɔ́ béfudenyeé yɔ́ gá buɔ́.»
ទើបបានជ្រើសរើសហើយ៖
Melélíe 25: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 25
25
Póle umédúmbíe gisan giég Sesalé
1Egélém gá mɔɔ́sɛ mádádɔ má Festús guesieg uguá gibéyi giá guísi igigányɛ, uwadigɛn Sesalé gá búlɛ́ɛg Yelusalɛ́m. 2Na bɔgúnɔ́gɔ́n bá bedúmbinusámb bá Uhaluá na bɔdɔgdɔ́g bá bayúdɛn ebénegín yɔ́ hɔ́ gá fudie Póle na sigilenye. 3Bágángánɛ́n Festús áneé udúmbie Póle Yelusalɛ́m. Bámagálɛ́n Póle idɔg hiá gueleé bɔ́n yɔ́ uguá ŋŋil. 4Gɔgaá, Festús uwondinye áneé Póle ugódi áneé ugíga uguá giansɛ giá mbíne giá Sesalé. Úmuanyɛ mbánan uganyɛ gúnoguond. 5«Ánaá bogógi bánɔ béŋelie Sesalé bónd béfudie mɔndɔ ugányɛ mmába waál buand buá gilɔg.»
6Festús umagígɛ́ɛd nɔɔ́nɔb mɔɔ́sɛ ala mánímanyɛ ugúnya ana máad. Umeénedúnúg Sesalé, mémbélényi uwedugumin agá ondig huá nugélényi, uwodóŋínye bugaga buá dɔ́ŋɛ́ɛn Póle. 7Póle umeémésieg, bayúdɛn obómonól Yelusalɛ́m abágágál yɔ́, abásúŋanɛn yɔ́ giod giá bimal biá muand ibiɛ́ bámuanyɛ muɛ́d bámasábá bá díye hómohómue wa biɛ́. 8Gɔgaá, Póle uwɔbíhɔgɔnhɔgɔn na dugálɔ duég áneé: «Yaásúgual buand buá gilɔg ubúbíyiganaá gigodi giá bayúdɛn, ta idúl, ta ofuŋ uhugɔ́n.»
9Haná Festús úmambá áneé bayúdɛn bɔ́bɛ́n yɔ́ beseé, uganye gá Póle áneé: «Anyɛ wa búlɛ́ɛg Yelusalɛ́m gá gueleé buónyi buáhɔ búbígála hɔ́ agámɛ gá eŋís a?» 10Gɔgaá, Póle uwondinye áneé: «Nnyɛ agá giansɛ giá nugélényi giá ofuŋ uhugɔ́n, hɔ́ gɔg buónyi buámɛ búgódionu áneé búbígála. Yaásúgual bayúdɛn buand buá gilɔg, haná ánanaá aŋuá mbánan. 11Mmába gɔg uguá hómohómue ŋŋódi gigua, mmába yaál buand buá gilɔg ubuɔ́ nnigimananaá na nigué gá buɔ́, ndiɔ́bíɔ́bɔn gugué. Gɔgaá, mmába buand buá hómohómue búdibá uguá moónyi ɔmɔɔ́ bandɔ abagányɛ bɔ́yɔnɔ́ gámɛ gá busió, mɔndɔ udibá wa ndué gɔ́b. Yaáguamba áneé buónyi buámɛ búɛ́d agá ofuŋ uhugɔ́n.» 12Festús umoómóŋunyid na bandɔ bég, uwondinye áneé: «Haná ámbanɔ́ gudúmbie buónyi buáhɔ agá ofuŋ uhugɔ́n, ágɛɛ́d gɔg hɔ́.»
Póle umédélímín gá gisan agá busió buá ofuŋ Aglípa
13Egélém gá baán bá mɔɔ́sɛ, ofuŋ Aglípa na ndiméen weg wa ugándɔ Belenís, ebéneg Sesalé gá bígélídie Festús. 14Haná bémedúmbíe giod giá mɔɔ́sɛ hɔ́, buɔ́sɛ búmodi, Festús uwɔyidɛn ofuŋ buónyi buá Póle. Úmuanyɛ gég áneé: «Mɔndɔ omodi unyɛ aga, uyɔɔ́ Felígse waánihɛ́n uguá giansɛ giá mbíne. 15Uguá mɔɔ́sɛ ɔmɔɔ́ yaábá Yelusalɛ́m, bɔgúnɔ́gɔ́n bá bedúmbinusámb nuá Uhaluá na bɔgɔ́ga bá bayúdɛn, bésifudíe yɔ́ obónd ɔbɔ́yɛd áneé nsɔ́mb gisan giég. 16Yoóndínyé bɔ́ áneé balomɛ́ŋ bódigódi bilɔŋ biá sésídinye mɔndɔ, kandabá áneé umádán na bandɔ ebéséfudie yɔ́ wond ubia ginɛŋ giá bíhɔgɔnhɔgɔn gá bimal biá moónyi ibínúhaninaá yɔ́. 17Gúu bómoól agá ɔlɔŋ naánamɛ. Ta gugígɛ́ɛd, gúmeémébélie iyedúmbie iyedugumin agámɛ gá ondig huá nugélényi, iyɔdɔ́ŋɛ́ɛn yɔ́. 18Bémeémédélímin gá gála, befudi bég bémesúguediginye ta bimal biá moónyi ibínúhaninaá yɔ́ ibiɛ́ mmabá wa súmbie. 19Bámabianán pɛ́ŋ nségíe neéneg gá buónyi buɔ́b buá giádábɛ́n naá gá busió buá mɔndɔ omodi ɔhɛ́n áneé Yésuse, umeégué, Póle wɔya áneé unyɛ ɔgɔ́sɛ. 20Mmába hana gámɛ, yaásándalinsan haná yabá ya gual gá sɔ́mb buónyi ubugányɛ. Buand buáguɔ́ mmóhún Póle mmába waáguádáaban guɛ́d Yelusalɛ́m bánasɔ́mb buónyi buég hɔ́. 21Gɔgaá, Póle uwaádáab gudúmbie buónyi buég uguá busió, wɔya áneé pɛ́ŋ ofuŋ uhugɔ́n húhúgódíonú áneé húsɔ́mb buɔ́. Yoódóŋinye gɔg bugaga buá guág yɔ́ uguá giansɛ giá mbíne gueneg haná ŋŋádɔ́mánɔ́ yɔ́ agá ofuŋ uhugɔ́n.» 22Aglípa uwɔyidɛn Festús áneé: «Yaáguamba gubídɔ́lígɛn dugálɔ duá mɔndɔ ugányɛ yaŋuá mbánan.» Festús uwondinye yɔ́ áneé: «Ɔgɔbídɔ́lígɔnɔn yɔ́ na giám.»
23Mémbélényi gɔg, na Aglípa na Belenís ebésieg na giod giá makányá uguá giansɛ giá nugélényi, bámabá ɔlɔŋ na bɔgúnɔ́gɔ́n bá nsénsi na bɔdɔgdɔ́g bá tísɔna. Festús uwodóŋínye bugaga, ɔbɔ́nɔgɔ́l Póle. 24Egélém, Festús uwɔgɔ́l nugálɔ, úmuanyɛ áneé: «Ofuŋ Aglípa naánanɔ gidigid nunyaá aga ɔlɔŋ naánasɔ, nuáguánan mɔndɔ uyɔ: bayúdɛn gidigid, ta Yelusalɛ́m, ta aga, ból gá fudie yɔ́ agámɛ. Bánsan, bɔ́ya áneé udíándanigimanan na nusɔ́da. 25Gá guámɛ guán, yaásúguán melélíe má gilɔg ɔmɔɔ́ únigimanaá na nigué gá mɔ́. Gɔgaá, haná weédúmbie buónyi buég agá ofuŋ uhugɔ́n, gúu ŋŋadúmanɔ́ yɔ́ hɔ́. 26Ta nɔ́, ndigódi buand buá hómohómue buá gueleé yɔɔ́ŋɛ́ɛn ofuŋ uhugɔ́n gég gá busió, buand buáguɔ́ mmédélíminye yɔ́ agánɔ gá busió, hómohómue gáhɔ aŋuá ofuŋ Aglípa, gá gueleé egélém gáhɔ gá ŋŋóhúnín, mbia buand buá guɔ́ŋ gá dúmɛ́n ofuŋ uhugɔ́n. 27Ɛɛ́ɛ, búábíyiganɛn mbágía áneé ndɔ́m ŋŋóli Lóm kɔndɔguɔyɛd buand ubuɔ́ béfudenyeé yɔ́ gá buɔ́.»
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល