Melélíe 23
23
1Póle uwabíyigan begéli bá idɔg ihigɔ́n uguá eŋís úmuanyɛ gɔ́b áneé: «Beliméen, Yaálinsan áneé ɔdɛ́m huámɛ húnyɛ uguá buhéléle agá eŋís ya Uhaluá, guɔnɔgɔ́lɛ́n hana mmagɔns gualan yɔ́ buóli guesieg hínen.» 2Gɔgaá, Ananías, ɔgúnɔ́gɔ́n wa bedúmbinusámb bá Uhaluá uwodóŋínye bugaga áneé bandɔ abámabá mɔdɔg na Póle bágúban yɔ́ uguá niíd. 3Póle uwɔyidɛn yɔ́ gɔg áneé: «Búnyɛ Uhaluá úwanágúbanaá, aŋuá anyaá nimás inihúgénu na ohíle huá fuúm. Anyɛ dugumine agányɛ gá ŋélenye haná gigodi gíɔ́yɔnɔ́, asɛ́ŋ gigodi, odóŋinye bugaga buá nnúbe!» 4Bandɔ abámabá mɔdɔg neéneg ɔbɔ́yidɛn yɔ́ áneé: «Giandá giá edúmbinusámb giá Uhaluá ásiganɔ́ a?» 5Póle uwondinye áneé: «Beliméen, nsasálɛns áneé búnyɛ ɔgúnɔ́gɔ́n wa bedúmbinusámb bá Uhaluá. Gá giagiá, búnyɛ ubúɔ́ŋɔ́n áneé: adianásigɛd ofuŋ huá buán buáhɔ.»
6Póle umalinsán áneé gimbi giá idɔg gímabá nogónyénógónyé na basadusiɛ́ŋ na bafalisiɛ́ŋ. Buand buáguɔ́ úmehéhídinye agá ɔdɛ́m na ɔdɛ́m huá idɔg ihigɔ́n áneé: «Beliméen, nnyɛ maná bafalisiɛ́ŋ, muɔ́n wa maná bafalisiɛ́ŋ. Yaábídága guhám guá bilɔ́ŋ uguá bibɛ́l, buand buáguɔ́ béŋélenye.» 7Umaánagálɛ́ɛd anagányɛ, bafalisiɛ́ŋ na basadusiɛ́ŋ abágɔns guségenye, idɔg ihíédúmbie guádɛ́ɛg. 8Basadusiɛ́ŋ bɔ́guɔya áneé: Guhám uguá gibɛ́l guá bilɔ́ŋ gúdibá guɔ́, gúu bilúna na bileénde múdiábá guɔ́ súsɔ́n. Henyé, bafalisiɛ́ŋ báguádáaban umugányɛ gidigid. 9Bandɔ gidigid abɛ́d gá héhenye na bugaga, egélém agányɛ maná gimbi wa belinsibigodi umaábá uguadá guá gimbi giá bafalisiɛ́ŋ, uwadigɛn na meliŋ, wɔya na ɔdɛ́m gusugɛn áneé: «Basuá dimásúguán buand buá gilɔg uguá mɔndɔ uyɔ, ala gilúna gígiágálídɛ́n yɔ́ ugúnya ana gileénde.» 10Nségíe iyaáyɛ ombuŋíbuŋíe, ɔgúnɔ́gɔ́n wa ndíd ya nsénsi nuɔns uwasibiá bugádɔ áneé bágaálahuna Póle, uwɔyidɛn nsénsi áneé sídúnúg síɔ́nɔgɔ́l yɔ́ síond neéneg uguɔ́b guá ɔmɛnd. 11Budúg ubúmɔdɔ́bígɔ́n, Ɔgúná uwaánígɛn Póle úmuanyɛ gég áneé: «Mán ɔdɛ́m! Ɔya buónyi ubuɔ́ álinsanaá gámɛ gá busió Yelusalɛ́m, gúu búambanɔ́ áneé ɔndɔnɔyá buɔ́ Lóm.»
Bámágálɛ́n Póle idɔg gá guɔ́n yɔ́
12Na giamádá, bayúdɛn bómodi abágálɛ́n Póle idɔg. Abábília uguá ɔhɛ́n huá Uhaluá áneé kɔndɔguɔ́n Póle bádibábányánan ta gubíhuá. 13Abámagɔ́d idɔg ihigányɛ bámadúmbán edín áhandɛ. 14Abɛ́d agá bɔgúnɔ́gɔ́n bá bedúmbinusámb bá Uhaluá, naá agá bɔgɔ́ga gá guɔyidɛn bɔ́ áneé: «Diábíliá uguá ɔhɛ́n huá Uhaluá áneé didibádianyánan ta gubíhuán kandabá áneé dimɔ́n Póle. 15Banuá gɔg, buánɔ buónyi búnyɛ áneé nuhám ugelu na idɔg ihigɔ́n, nuɔyidɛn ɔgúnɔ́gɔ́n wa ndíd ya nsénsi nuɔns áneé nuágumba áneé unúólín na Póle gá gueleé, banuá mbánan nubide buónyi buég beseé na beseé. Basuá gɔg dinyɛ mɔdɔg áneé, wanánadɔ́m yɔ́ diɔ́n yɔ́ ta guesieg agánɔ aga.» 16Gɔgaá, umbíényi huá Póle, muɔ́n wa ndiméen weg wa ugándɔ uwɔɔ́b idɔg ihigányɛ. Uwɛɛ́d agá ɔmɛnd huá nsénsi uwebíŋín uwodóginye Póle. 17Póle uwɔdɔ́ŋɛ́ɛn gɔg ɔgúnɔ́gɔ́n wa nsénsi edín átánɔ omodi, uwɔyidɛn yɔ́ áneé: «Idá na muúŋayɔ ginɔ́g uyɔ agá ɔgúnɔ́gɔ́n wa ndíd ya nsénsi nuɔns, gá giagiá ugódi buand buá guɔyidɛn yɔ́.» 18Nsénsi igányɛ iyɛɛ́d gɔg na muúŋayɔ ginɔ́g agá ɔgúnɔ́gɔ́n wa ndíd ya nsénsi nuɔns, ímuanyɛ gég áneé: «Mɔndɔ unyaá uguá giansɛ giá mbíne ɔhɛ́n áneé Póle umɔ́ndɔ́ŋɛ́n, umɔ́ŋɔyidɛn áneé ŋŋuólín na muúŋayɔ uyɔ, gá giagiá ugódi buand buá guɔyidɛn.» 19Ɔgúnɔ́gɔ́n wa ndíd ya nsénsi nuɔns uwegimbin muúŋayɔ ginɔ́g uguá ɔmbɔ́g, uwɔbígɔ́gɛ́ɛd neéneg agá báandɛ, uwoóhún yɔ́ áneé: «Giagɛ igiɛ́ ogódiónú gá ŋŋɔyidɛn?» 20Uwondinye áneé: «Bayúdɛn bágɔ́d áneé bɔ́gɔguɔyidɛn áneé ɛɛ́d na Póle na giámɔ agá idɔg ihigɔ́n, na ŋŋɔyida ya gueleé báguamba gubide buónyi buég beseé na beseé. 21Ɔdiɔ́bɛ́n bɔ́, gá giagiá bandɔ gudɔ́mb edín áhandɛ bábíliá uguá ɔhɛ́n huá Uhaluá áneé bádiganyánan ta gubihuá kandabá áneé bɔ́mɔ́n yɔ́. Bányɛ mɔdɔg bágígan áneé al nɔ́.» 22Ɔgúnɔ́gɔ́n wa ndíd ya nsénsi nuɔns umɔɔ́mɔ́bídɔ́lígɔnɔn muúŋayɔ ginɔ́g, uwɔyidɛn yɔ́ áneé: «Ɔdiɔyídɛ́n mɔndɔ áneé amásiŋán.» Uweédébie yɔ́.
Bémédúmbíe Póle Sesalé
23Egélém agányɛ, ɔgúnɔ́gɔ́n wa ndíd ya nsénsi nuɔns uwɔdɔ́ŋɛ́ɛn bɔgúnɔ́gɔ́n bá nsénsi edín átánɔ áhandɛ, úmuanyɛ gɔ́b áneé: «Gúsígánán nsénsi edín átánɔ áhandɛ, na nsénsi edín ádádɔ na síad isíándanɔ́ na ŋŋɔdɔb, na bandɔ bá ɔgɔŋ edín átánɔ áhandɛ, nubá gɔg mɔdɔg gá guɛ́d Sesalé uguá bisigɛl biánímanyɛ nomue biá ginɛ́ŋ. 24Nuaŋan súsɔ́n ŋŋɔdɔb siá samb Póle nuenegín ŋŋɔ́mɔna Felígse neéneg huényihuényi.» 25Egélém agányɛ uwɔɔ́ŋ mbɔba iyɛ áneé: 26«Yaŋuá Klód Lisiás, mmébígélídíe ndága ya ŋŋɔ́mɔna, Felígse! 27Bayúdɛn bémegimbin mɔndɔ uyɔɔ́ mmádúmɛ́n ugányɛ, bábá áneé bɔ́n yɔ́. Mmaámálɛns áneé unyɛ mbíényi ya Lóm, iyabindimɛn na nsénsi siámɛ gá sódie yɔ́. 28Haná mmámba gulɛns buand ubuɔ́ bayúdɛn bémefudényé yɔ́ gá buɔ́, iyɛɛ́d neéneg ɔgɔ́b gá idɔg ihigɔ́n. 29Iyaán áneé bémefudényé yɔ́ gá nségíe yɔb ya bigodi, gúu mmasúguán súsɔ́n buand ubúnya buá gual áneé bɔ́n yɔ́ ugúnya ana wɛɛ́d uguá giansɛ giá mbíne. 30Bɔ́mɔɔ́mɔ́siŋɔyídɛ́n áneé bágálan yɔ́ idɔg hiá guɔ́n yɔ́, gúu mmédúmbíe gudúmɛ́n yɔ́. Yoóbíe súsɔ́n befudi bég áneé ból bésifudíe yɔ́ agáhɔ#23.30 Mbɔba símodi síéyibe nuhul na gimans giá guédébenyinye: tóoó!.»
31Nsénsi isíal haná ɔ́gúnɔ́gɔ́n wɔb úmɔyɛ́d. Isíɔ́gɔ́l Póle, na budúg isíɛ́d neéneg Antipatilís. 32Gúmeémébélíe, nsénsi isíándanɔ́ na dugɔ́nd isíósiond ɔgɔ́b gá ɔmɛnd, isíándanɔ́ na ŋŋɔdɔb isíádɔ́mb na Póle. 33Bémeéméneg Sesalé, nsénsi siá ŋŋɔdɔb isíéŋin ŋŋɔ́mɔna mbɔba, isíásinsiginɛn yɔ́ Póle. 34Ŋŋɔ́mɔna úmaámánɔn mbɔba, uwoóhún Póle buhɔɔ́m ubuɔ́ wólonineé. Uwalɛns áneé unyɛ wa gibéyi giá guísi giá Silisí. 35Uwɔyidɛn yɔ́ áneé: «Befudi báhɔ bénémésieg, yenébédegugélenye.» Uwɔyɛd áneé bébíŋínye yɔ́ uguá ndáŋia ya ofúŋ Helód.
ទើបបានជ្រើសរើសហើយ៖
Melélíe 23: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 23
23
1Póle uwabíyigan begéli bá idɔg ihigɔ́n uguá eŋís úmuanyɛ gɔ́b áneé: «Beliméen, Yaálinsan áneé ɔdɛ́m huámɛ húnyɛ uguá buhéléle agá eŋís ya Uhaluá, guɔnɔgɔ́lɛ́n hana mmagɔns gualan yɔ́ buóli guesieg hínen.» 2Gɔgaá, Ananías, ɔgúnɔ́gɔ́n wa bedúmbinusámb bá Uhaluá uwodóŋínye bugaga áneé bandɔ abámabá mɔdɔg na Póle bágúban yɔ́ uguá niíd. 3Póle uwɔyidɛn yɔ́ gɔg áneé: «Búnyɛ Uhaluá úwanágúbanaá, aŋuá anyaá nimás inihúgénu na ohíle huá fuúm. Anyɛ dugumine agányɛ gá ŋélenye haná gigodi gíɔ́yɔnɔ́, asɛ́ŋ gigodi, odóŋinye bugaga buá nnúbe!» 4Bandɔ abámabá mɔdɔg neéneg ɔbɔ́yidɛn yɔ́ áneé: «Giandá giá edúmbinusámb giá Uhaluá ásiganɔ́ a?» 5Póle uwondinye áneé: «Beliméen, nsasálɛns áneé búnyɛ ɔgúnɔ́gɔ́n wa bedúmbinusámb bá Uhaluá. Gá giagiá, búnyɛ ubúɔ́ŋɔ́n áneé: adianásigɛd ofuŋ huá buán buáhɔ.»
6Póle umalinsán áneé gimbi giá idɔg gímabá nogónyénógónyé na basadusiɛ́ŋ na bafalisiɛ́ŋ. Buand buáguɔ́ úmehéhídinye agá ɔdɛ́m na ɔdɛ́m huá idɔg ihigɔ́n áneé: «Beliméen, nnyɛ maná bafalisiɛ́ŋ, muɔ́n wa maná bafalisiɛ́ŋ. Yaábídága guhám guá bilɔ́ŋ uguá bibɛ́l, buand buáguɔ́ béŋélenye.» 7Umaánagálɛ́ɛd anagányɛ, bafalisiɛ́ŋ na basadusiɛ́ŋ abágɔns guségenye, idɔg ihíédúmbie guádɛ́ɛg. 8Basadusiɛ́ŋ bɔ́guɔya áneé: Guhám uguá gibɛ́l guá bilɔ́ŋ gúdibá guɔ́, gúu bilúna na bileénde múdiábá guɔ́ súsɔ́n. Henyé, bafalisiɛ́ŋ báguádáaban umugányɛ gidigid. 9Bandɔ gidigid abɛ́d gá héhenye na bugaga, egélém agányɛ maná gimbi wa belinsibigodi umaábá uguadá guá gimbi giá bafalisiɛ́ŋ, uwadigɛn na meliŋ, wɔya na ɔdɛ́m gusugɛn áneé: «Basuá dimásúguán buand buá gilɔg uguá mɔndɔ uyɔ, ala gilúna gígiágálídɛ́n yɔ́ ugúnya ana gileénde.» 10Nségíe iyaáyɛ ombuŋíbuŋíe, ɔgúnɔ́gɔ́n wa ndíd ya nsénsi nuɔns uwasibiá bugádɔ áneé bágaálahuna Póle, uwɔyidɛn nsénsi áneé sídúnúg síɔ́nɔgɔ́l yɔ́ síond neéneg uguɔ́b guá ɔmɛnd. 11Budúg ubúmɔdɔ́bígɔ́n, Ɔgúná uwaánígɛn Póle úmuanyɛ gég áneé: «Mán ɔdɛ́m! Ɔya buónyi ubuɔ́ álinsanaá gámɛ gá busió Yelusalɛ́m, gúu búambanɔ́ áneé ɔndɔnɔyá buɔ́ Lóm.»
Bámágálɛ́n Póle idɔg gá guɔ́n yɔ́
12Na giamádá, bayúdɛn bómodi abágálɛ́n Póle idɔg. Abábília uguá ɔhɛ́n huá Uhaluá áneé kɔndɔguɔ́n Póle bádibábányánan ta gubíhuá. 13Abámagɔ́d idɔg ihigányɛ bámadúmbán edín áhandɛ. 14Abɛ́d agá bɔgúnɔ́gɔ́n bá bedúmbinusámb bá Uhaluá, naá agá bɔgɔ́ga gá guɔyidɛn bɔ́ áneé: «Diábíliá uguá ɔhɛ́n huá Uhaluá áneé didibádianyánan ta gubíhuán kandabá áneé dimɔ́n Póle. 15Banuá gɔg, buánɔ buónyi búnyɛ áneé nuhám ugelu na idɔg ihigɔ́n, nuɔyidɛn ɔgúnɔ́gɔ́n wa ndíd ya nsénsi nuɔns áneé nuágumba áneé unúólín na Póle gá gueleé, banuá mbánan nubide buónyi buég beseé na beseé. Basuá gɔg dinyɛ mɔdɔg áneé, wanánadɔ́m yɔ́ diɔ́n yɔ́ ta guesieg agánɔ aga.» 16Gɔgaá, umbíényi huá Póle, muɔ́n wa ndiméen weg wa ugándɔ uwɔɔ́b idɔg ihigányɛ. Uwɛɛ́d agá ɔmɛnd huá nsénsi uwebíŋín uwodóginye Póle. 17Póle uwɔdɔ́ŋɛ́ɛn gɔg ɔgúnɔ́gɔ́n wa nsénsi edín átánɔ omodi, uwɔyidɛn yɔ́ áneé: «Idá na muúŋayɔ ginɔ́g uyɔ agá ɔgúnɔ́gɔ́n wa ndíd ya nsénsi nuɔns, gá giagiá ugódi buand buá guɔyidɛn yɔ́.» 18Nsénsi igányɛ iyɛɛ́d gɔg na muúŋayɔ ginɔ́g agá ɔgúnɔ́gɔ́n wa ndíd ya nsénsi nuɔns, ímuanyɛ gég áneé: «Mɔndɔ unyaá uguá giansɛ giá mbíne ɔhɛ́n áneé Póle umɔ́ndɔ́ŋɛ́n, umɔ́ŋɔyidɛn áneé ŋŋuólín na muúŋayɔ uyɔ, gá giagiá ugódi buand buá guɔyidɛn.» 19Ɔgúnɔ́gɔ́n wa ndíd ya nsénsi nuɔns uwegimbin muúŋayɔ ginɔ́g uguá ɔmbɔ́g, uwɔbígɔ́gɛ́ɛd neéneg agá báandɛ, uwoóhún yɔ́ áneé: «Giagɛ igiɛ́ ogódiónú gá ŋŋɔyidɛn?» 20Uwondinye áneé: «Bayúdɛn bágɔ́d áneé bɔ́gɔguɔyidɛn áneé ɛɛ́d na Póle na giámɔ agá idɔg ihigɔ́n, na ŋŋɔyida ya gueleé báguamba gubide buónyi buég beseé na beseé. 21Ɔdiɔ́bɛ́n bɔ́, gá giagiá bandɔ gudɔ́mb edín áhandɛ bábíliá uguá ɔhɛ́n huá Uhaluá áneé bádiganyánan ta gubihuá kandabá áneé bɔ́mɔ́n yɔ́. Bányɛ mɔdɔg bágígan áneé al nɔ́.» 22Ɔgúnɔ́gɔ́n wa ndíd ya nsénsi nuɔns umɔɔ́mɔ́bídɔ́lígɔnɔn muúŋayɔ ginɔ́g, uwɔyidɛn yɔ́ áneé: «Ɔdiɔyídɛ́n mɔndɔ áneé amásiŋán.» Uweédébie yɔ́.
Bémédúmbíe Póle Sesalé
23Egélém agányɛ, ɔgúnɔ́gɔ́n wa ndíd ya nsénsi nuɔns uwɔdɔ́ŋɛ́ɛn bɔgúnɔ́gɔ́n bá nsénsi edín átánɔ áhandɛ, úmuanyɛ gɔ́b áneé: «Gúsígánán nsénsi edín átánɔ áhandɛ, na nsénsi edín ádádɔ na síad isíándanɔ́ na ŋŋɔdɔb, na bandɔ bá ɔgɔŋ edín átánɔ áhandɛ, nubá gɔg mɔdɔg gá guɛ́d Sesalé uguá bisigɛl biánímanyɛ nomue biá ginɛ́ŋ. 24Nuaŋan súsɔ́n ŋŋɔdɔb siá samb Póle nuenegín ŋŋɔ́mɔna Felígse neéneg huényihuényi.» 25Egélém agányɛ uwɔɔ́ŋ mbɔba iyɛ áneé: 26«Yaŋuá Klód Lisiás, mmébígélídíe ndága ya ŋŋɔ́mɔna, Felígse! 27Bayúdɛn bémegimbin mɔndɔ uyɔɔ́ mmádúmɛ́n ugányɛ, bábá áneé bɔ́n yɔ́. Mmaámálɛns áneé unyɛ mbíényi ya Lóm, iyabindimɛn na nsénsi siámɛ gá sódie yɔ́. 28Haná mmámba gulɛns buand ubuɔ́ bayúdɛn bémefudényé yɔ́ gá buɔ́, iyɛɛ́d neéneg ɔgɔ́b gá idɔg ihigɔ́n. 29Iyaán áneé bémefudényé yɔ́ gá nségíe yɔb ya bigodi, gúu mmasúguán súsɔ́n buand ubúnya buá gual áneé bɔ́n yɔ́ ugúnya ana wɛɛ́d uguá giansɛ giá mbíne. 30Bɔ́mɔɔ́mɔ́siŋɔyídɛ́n áneé bágálan yɔ́ idɔg hiá guɔ́n yɔ́, gúu mmédúmbíe gudúmɛ́n yɔ́. Yoóbíe súsɔ́n befudi bég áneé ból bésifudíe yɔ́ agáhɔ#23.30 Mbɔba símodi síéyibe nuhul na gimans giá guédébenyinye: tóoó!.»
31Nsénsi isíal haná ɔ́gúnɔ́gɔ́n wɔb úmɔyɛ́d. Isíɔ́gɔ́l Póle, na budúg isíɛ́d neéneg Antipatilís. 32Gúmeémébélíe, nsénsi isíándanɔ́ na dugɔ́nd isíósiond ɔgɔ́b gá ɔmɛnd, isíándanɔ́ na ŋŋɔdɔb isíádɔ́mb na Póle. 33Bémeéméneg Sesalé, nsénsi siá ŋŋɔdɔb isíéŋin ŋŋɔ́mɔna mbɔba, isíásinsiginɛn yɔ́ Póle. 34Ŋŋɔ́mɔna úmaámánɔn mbɔba, uwoóhún Póle buhɔɔ́m ubuɔ́ wólonineé. Uwalɛns áneé unyɛ wa gibéyi giá guísi giá Silisí. 35Uwɔyidɛn yɔ́ áneé: «Befudi báhɔ bénémésieg, yenébédegugélenye.» Uwɔyɛd áneé bébíŋínye yɔ́ uguá ndáŋia ya ofúŋ Helód.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល