Melélíe 22
22
1«Besíe bámɛ na beliméen bámɛ, bídɔ́lígɔ́nɔ́n ubuɔ́ ŋŋɔɔ́núɔyidinaá gá bíhɔgɔnhɔgɔn.» 2Haná bɔ́mɔɔ́b áneé waágálgal gɔ́b na nubelé, abándahádan gudɔ́mb. Póle uganyɛ gɔ́b áneé: 3«Nnyɛ maná bayúdɛn, mmebíbíén Táls, uguá gibéyi giá guísi giá Silisí, gɔgaá, mmagumɛ́n Yelusalɛ́m. Gamaliyɛ́l úmaábá ehuínyihuínyi wamɛ, uwempuínyihuinye gulɛns bigodi biá ndíndíl siásɔ beseé na beseé. Mmobídóŋínyé hómohómue gá Uhaluá hana banuá gidigid hínen. 4Mméndégényigenye bandɔ ebémebinén ŋŋil ya Ɔgúná gueneg agá nigué. Mmegimbén na bagándɔ na banúmɔndɔ, iyɔnɔhɔn bɔ́ uguá giansɛ giá mbíne. 5Ɔgúnɔ́gɔ́n wa bedúmbinusámb nuá Uhaluá na idɔg hiá bɔgɔ́ga, bányɛ bɔ́núɔyidɛn áneé ubuɔ́ yɔ́yɔnɔ́ búnyɛ meliŋ. Gá giagiá búnyɛ bámuanyɛ mbánan bábámampuá mbɔba gá busió buá beliméen básɔ bayúdɛn abánya Damás áneé ŋŋimben beédébi, nnyaŋa bɔ́ na nuoli nuá nuayɛ, gá guɛ́d nɔɔ́nɔb Yelusalɛ́m áneé bénesésénye bɔ́.»
6«Mmaágányɛ uguá ŋŋil gɔg, mɔdɔg na gueg Damás, iyasibíán ŋŋanyɛ agá ɔdɛ́m na ɔdɛ́m huá giandá giá gise, giónoólónín ugumɔn, búmabá buand búábá ɔdɛ́m huá buɔ́sɛ. 7Iyagua eguísi, iyɔɔ́b gɔg ugelu húŋɔyɔn áneé: “Sól, Sól, gá giagɛ éŋényigenyeé?” 8Iyoóhún áneé: “Anyɛ ányá, Ɔgúná?” Ugelu uhúóŋondinye áneé: “Nnyɛ Yésuse wa Nasalɛ́d, búnyɛ yaŋuá yɔ́ égényigenyeé.” 9Biendinyi biámɛ, bímaán gise, gɔgaá bímɔsúguɔ́b ugelu uhúmagálgál gámɛ. 10Iyoóhún gɔg áneé: “Ɔgúná, giagɛ igiɛ́ ŋŋódionú áneé yal?” Uwoŋondinye áneé: “Adígɛ́n idá Damás, hɔ́ bɔ́gɔ́guɔyɔnaá buand gidigid ubuɔ́ Uhaluá úgɔ́guɔyidinaá áneé al.” 11Gɔgaá, haná gise igigányɛ gímabá gímémbúd eŋís, biendinyi biámɛ ibíéŋimbin uguá ɔmbɔ́g gá guɛ́d naánamɛ Damás.
12Eŋédébi wa Uhaluá umabá hɔ́ ɔhɛ́n áneé Ananías, wɔɔ́bɔnɛn Uhaluá hana bigodi biásɔ bíɔyɔnɔ́, úmuanyɛ súsɔ́n gilád giég, bayúdɛn abámabá Damás gidigid bámabá béhínenye yɔ́. 13Ananías uwesiŋégíe, úmuanyɛ gámɛ áneé: “Ndiméen wamɛ Sól, anduguɛ́d gá guánan.” Hɔ́nɔhɔ́, iyagɔns guánan, iyaán yɔ́. 14Úmuanyɛ gámɛ áneé: “Uhaluá wa ndíndíl siásɔ umegueyíd feké áneé amuɛ́nyɛ guɔyɛd guég, aán unyaá gindényé úmuanyɛ omoómi, ɔɔ́b ugelu huég mbánan. 15Gá giagiá, ogódi áneé abá amaáná weg, agá busió buá bandɔ gidigid, gá muand umuɔ́ aán ogond ɔgɔɔ́b. 16Gá giagɛ gɔg ébídúdúlenú? Ánaá diɛ́d! Ebíyuminye ond abia gisuguna gáhɔ gá bilɔga uguég guá ɔhɛ́n.”
17Iyadigɛn gá guond Yelusalɛ́m. Mmaágányɛ gá bísógólonye uguá idúl, iyabia nuénígie. 18Iyaán Ɔgúná, úmuanyɛ gámɛ áneé: “Ambɛ́d áneé oólígie Yelusalɛ́m gunsáns, gá giagiá bandɔ abánya hɔ́ bádigagíndígɛn buónyi buámɛ ubuɔ́ ɔ́gɔyɔnaá bɔ́.” 19Iyondinye yɔ́ áneé: “Ɔgúná, bálinsan beseé áneé búnyɛ yaŋuá yaábá mbíŋen uguá bigúl, ŋŋimben beédébi, yala áneé bɔ́nɔhɔn bómodi uguá giansɛ giá mbíne, bénúbe abáguádáabanaá na gifáfína. 20Uguá ginɛŋ igiɛ́ manɔ́ŋ má Etiɛ́nɛ, amaáná wahɔ mómodug, yaŋuá súsɔ́n mmabá hɔ́, iyaádáab buɔ́, iyagíga bisɔn biɔ́b.” 21Ɔgúná uwɔŋɔyidɛn gɔg áneé: “Idá, gá giagiá ŋŋadɔ́m hádɛ, ɔmbɔ́g huá maán má bindiádába.” »
22Bayúdɛn ɔbɔ́mɔbídɔ́lígɔ́nɔ́n Póle guesieg agá nugálɔ unugányɛ, abɛ́d gá héhenye, bɔ́ya áneé: «Ségínínyénénu mɔndɔ ugányɛ! Udigódi áneé ulɔb uguá nusɔ́da uguísi uguɔ!» 23Bámabá bágan ogund, béhen bisɔn biɔ́b, bɔ́nɔhɔn oduúdu ugumɔn. 24Ɔgúnɔ́gɔ́n wa ndíd ya nsénsi nuɔns uwodóŋínye bugaga buá bíŋínye Póle uguá ɔmɛnd huá nsénsi, bénúbe yɔ́ na bifáfína gá gueleé ugálɛ́ɛd, bónd bálɛns buand ubuɔ́ giíŋ gímaágánɛ́n yɔ́ ogund gá buɔ́. 25Bámaámándagúda Póle gá gueleé bɛ́d gá núbe yɔ́, uwɔyidɛn ɔgúnɔ́gɔ́n wa nsénsi edín átánɔ umaábá hɔ́ áneé: «Nugódi bugaga buá núbe mɔndɔ uwɔɔ́bɔninaá na Lóm na bifáfína kendegélenye yɔ́ a? » 26Ɔgúnɔ́gɔ́n wa nsénsi edín átánɔ umɔɔ́mɔɔ́b anagányɛ, uwɛɛ́d gá guɔyidɛn ɔgúnɔ́gɔ́n weg áneé: «Agaágual naánanyá dabdab? Mɔndɔ uyɔ, wɔɔ́guɔ́bɔnɛn na Lóm.» 27Gúu ɔgúnɔ́gɔ́n wa ndíd ya nsénsi nuɔns úmosíóhún Póle áneé: «Uguá meliŋ, ŋŋɔyidɛn mmába ɔɔ́guɔ́bɔnɛn na Lóm. » Póle uwondinye yɔ́ áneé: «Ɛɛ́ɛ.» 28Ɔgúnɔ́gɔ́n uwɔnduguɔyidɛn yɔ́ áneé: «Yaŋuá bámambúda giod giá ŋŋúme gá gueleé yɔɔ́bɔnɛn na Lóm. » Póle gég áneé: «Yaŋuá nnyɛ wa mbíénye. » 29Hɔ́nɔhɔ́, nsénsi isímabá áneé sínúbe Póle, isíédúmbie gubígɔ́gídɛn yɔ́. Ɔgúnɔ́gɔ́n wa ndíd ya nsénsi nuɔns uwabia bugádɔ, haná úmamuɛ́nyɛ áneé búnyɛ mɔndɔ uwɔɔ́bɔninaá na Lóm, yɔ́ úsagúda na duoli duá duayɛ.
Bégélenye Póle agá idɔg ihigɔ́n
30Ɔgúnɔ́gɔ́n wa ndíd ya nsénsi nuɔns umabá wamba gulɛns buand ubuɔ́ bayúdɛn bémefudíe Póle gá buɔ́. Gúmeémébélie ebéhulun Póle duoli, ɔgúnɔ́gɔ́n uwodóŋínye bugaga agá bagɔ́n bá bedúmbinusámb bá Uhaluá na idɔg ihigɔ́n áneé bébídidid. Egélém uwɛɛ́d na Póle ɔgɔ́b gá eŋís.
ទើបបានជ្រើសរើសហើយ៖
Melélíe 22: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Melélíe 22
22
1«Besíe bámɛ na beliméen bámɛ, bídɔ́lígɔ́nɔ́n ubuɔ́ ŋŋɔɔ́núɔyidinaá gá bíhɔgɔnhɔgɔn.» 2Haná bɔ́mɔɔ́b áneé waágálgal gɔ́b na nubelé, abándahádan gudɔ́mb. Póle uganyɛ gɔ́b áneé: 3«Nnyɛ maná bayúdɛn, mmebíbíén Táls, uguá gibéyi giá guísi giá Silisí, gɔgaá, mmagumɛ́n Yelusalɛ́m. Gamaliyɛ́l úmaábá ehuínyihuínyi wamɛ, uwempuínyihuinye gulɛns bigodi biá ndíndíl siásɔ beseé na beseé. Mmobídóŋínyé hómohómue gá Uhaluá hana banuá gidigid hínen. 4Mméndégényigenye bandɔ ebémebinén ŋŋil ya Ɔgúná gueneg agá nigué. Mmegimbén na bagándɔ na banúmɔndɔ, iyɔnɔhɔn bɔ́ uguá giansɛ giá mbíne. 5Ɔgúnɔ́gɔ́n wa bedúmbinusámb nuá Uhaluá na idɔg hiá bɔgɔ́ga, bányɛ bɔ́núɔyidɛn áneé ubuɔ́ yɔ́yɔnɔ́ búnyɛ meliŋ. Gá giagiá búnyɛ bámuanyɛ mbánan bábámampuá mbɔba gá busió buá beliméen básɔ bayúdɛn abánya Damás áneé ŋŋimben beédébi, nnyaŋa bɔ́ na nuoli nuá nuayɛ, gá guɛ́d nɔɔ́nɔb Yelusalɛ́m áneé bénesésénye bɔ́.»
6«Mmaágányɛ uguá ŋŋil gɔg, mɔdɔg na gueg Damás, iyasibíán ŋŋanyɛ agá ɔdɛ́m na ɔdɛ́m huá giandá giá gise, giónoólónín ugumɔn, búmabá buand búábá ɔdɛ́m huá buɔ́sɛ. 7Iyagua eguísi, iyɔɔ́b gɔg ugelu húŋɔyɔn áneé: “Sól, Sól, gá giagɛ éŋényigenyeé?” 8Iyoóhún áneé: “Anyɛ ányá, Ɔgúná?” Ugelu uhúóŋondinye áneé: “Nnyɛ Yésuse wa Nasalɛ́d, búnyɛ yaŋuá yɔ́ égényigenyeé.” 9Biendinyi biámɛ, bímaán gise, gɔgaá bímɔsúguɔ́b ugelu uhúmagálgál gámɛ. 10Iyoóhún gɔg áneé: “Ɔgúná, giagɛ igiɛ́ ŋŋódionú áneé yal?” Uwoŋondinye áneé: “Adígɛ́n idá Damás, hɔ́ bɔ́gɔ́guɔyɔnaá buand gidigid ubuɔ́ Uhaluá úgɔ́guɔyidinaá áneé al.” 11Gɔgaá, haná gise igigányɛ gímabá gímémbúd eŋís, biendinyi biámɛ ibíéŋimbin uguá ɔmbɔ́g gá guɛ́d naánamɛ Damás.
12Eŋédébi wa Uhaluá umabá hɔ́ ɔhɛ́n áneé Ananías, wɔɔ́bɔnɛn Uhaluá hana bigodi biásɔ bíɔyɔnɔ́, úmuanyɛ súsɔ́n gilád giég, bayúdɛn abámabá Damás gidigid bámabá béhínenye yɔ́. 13Ananías uwesiŋégíe, úmuanyɛ gámɛ áneé: “Ndiméen wamɛ Sól, anduguɛ́d gá guánan.” Hɔ́nɔhɔ́, iyagɔns guánan, iyaán yɔ́. 14Úmuanyɛ gámɛ áneé: “Uhaluá wa ndíndíl siásɔ umegueyíd feké áneé amuɛ́nyɛ guɔyɛd guég, aán unyaá gindényé úmuanyɛ omoómi, ɔɔ́b ugelu huég mbánan. 15Gá giagiá, ogódi áneé abá amaáná weg, agá busió buá bandɔ gidigid, gá muand umuɔ́ aán ogond ɔgɔɔ́b. 16Gá giagɛ gɔg ébídúdúlenú? Ánaá diɛ́d! Ebíyuminye ond abia gisuguna gáhɔ gá bilɔga uguég guá ɔhɛ́n.”
17Iyadigɛn gá guond Yelusalɛ́m. Mmaágányɛ gá bísógólonye uguá idúl, iyabia nuénígie. 18Iyaán Ɔgúná, úmuanyɛ gámɛ áneé: “Ambɛ́d áneé oólígie Yelusalɛ́m gunsáns, gá giagiá bandɔ abánya hɔ́ bádigagíndígɛn buónyi buámɛ ubuɔ́ ɔ́gɔyɔnaá bɔ́.” 19Iyondinye yɔ́ áneé: “Ɔgúná, bálinsan beseé áneé búnyɛ yaŋuá yaábá mbíŋen uguá bigúl, ŋŋimben beédébi, yala áneé bɔ́nɔhɔn bómodi uguá giansɛ giá mbíne, bénúbe abáguádáabanaá na gifáfína. 20Uguá ginɛŋ igiɛ́ manɔ́ŋ má Etiɛ́nɛ, amaáná wahɔ mómodug, yaŋuá súsɔ́n mmabá hɔ́, iyaádáab buɔ́, iyagíga bisɔn biɔ́b.” 21Ɔgúná uwɔŋɔyidɛn gɔg áneé: “Idá, gá giagiá ŋŋadɔ́m hádɛ, ɔmbɔ́g huá maán má bindiádába.” »
22Bayúdɛn ɔbɔ́mɔbídɔ́lígɔ́nɔ́n Póle guesieg agá nugálɔ unugányɛ, abɛ́d gá héhenye, bɔ́ya áneé: «Ségínínyénénu mɔndɔ ugányɛ! Udigódi áneé ulɔb uguá nusɔ́da uguísi uguɔ!» 23Bámabá bágan ogund, béhen bisɔn biɔ́b, bɔ́nɔhɔn oduúdu ugumɔn. 24Ɔgúnɔ́gɔ́n wa ndíd ya nsénsi nuɔns uwodóŋínye bugaga buá bíŋínye Póle uguá ɔmɛnd huá nsénsi, bénúbe yɔ́ na bifáfína gá gueleé ugálɛ́ɛd, bónd bálɛns buand ubuɔ́ giíŋ gímaágánɛ́n yɔ́ ogund gá buɔ́. 25Bámaámándagúda Póle gá gueleé bɛ́d gá núbe yɔ́, uwɔyidɛn ɔgúnɔ́gɔ́n wa nsénsi edín átánɔ umaábá hɔ́ áneé: «Nugódi bugaga buá núbe mɔndɔ uwɔɔ́bɔninaá na Lóm na bifáfína kendegélenye yɔ́ a? » 26Ɔgúnɔ́gɔ́n wa nsénsi edín átánɔ umɔɔ́mɔɔ́b anagányɛ, uwɛɛ́d gá guɔyidɛn ɔgúnɔ́gɔ́n weg áneé: «Agaágual naánanyá dabdab? Mɔndɔ uyɔ, wɔɔ́guɔ́bɔnɛn na Lóm.» 27Gúu ɔgúnɔ́gɔ́n wa ndíd ya nsénsi nuɔns úmosíóhún Póle áneé: «Uguá meliŋ, ŋŋɔyidɛn mmába ɔɔ́guɔ́bɔnɛn na Lóm. » Póle uwondinye yɔ́ áneé: «Ɛɛ́ɛ.» 28Ɔgúnɔ́gɔ́n uwɔnduguɔyidɛn yɔ́ áneé: «Yaŋuá bámambúda giod giá ŋŋúme gá gueleé yɔɔ́bɔnɛn na Lóm. » Póle gég áneé: «Yaŋuá nnyɛ wa mbíénye. » 29Hɔ́nɔhɔ́, nsénsi isímabá áneé sínúbe Póle, isíédúmbie gubígɔ́gídɛn yɔ́. Ɔgúnɔ́gɔ́n wa ndíd ya nsénsi nuɔns uwabia bugádɔ, haná úmamuɛ́nyɛ áneé búnyɛ mɔndɔ uwɔɔ́bɔninaá na Lóm, yɔ́ úsagúda na duoli duá duayɛ.
Bégélenye Póle agá idɔg ihigɔ́n
30Ɔgúnɔ́gɔ́n wa ndíd ya nsénsi nuɔns umabá wamba gulɛns buand ubuɔ́ bayúdɛn bémefudíe Póle gá buɔ́. Gúmeémébélie ebéhulun Póle duoli, ɔgúnɔ́gɔ́n uwodóŋínye bugaga agá bagɔ́n bá bedúmbinusámb bá Uhaluá na idɔg ihigɔ́n áneé bébídidid. Egélém uwɛɛ́d na Póle ɔgɔ́b gá eŋís.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល