1 Kɔlɛŋɛtiɛ́ŋ 15
15
Guhám guá Klístus uguá gibɛ́l
1Beliméen, yaáguamba dabdab uyɔ áneé nnúdúmdenye Ginɔ́g giá Nsɔ́m igiɛ́ mmɔ́núɔyɔ́n, unuagíndígɛn giɛ́, núnyɛ abábígúdánɔ tíŋ na giɛ́. 2Númégimbe giɛ́ haná yaŋuá mmɔ́núɔyɔ́nɔ, gíánánúháŋ, búmábúdibá nɔ́, tábɔ́ gilé áneé numelímínyé gá fiɔlɔ́dɔ́dɔ́.
3Gisiósio, gá buá gidigid mmenúdúmbínyé nuhɔ́nhɔ́n unuɔ́ yaŋúa mbánan mmábia: Klístus umegué gásɔ gá bilɔga hana Bidányɛdányɛ biá Ŋŋɔ́ŋɛ bímebué guɔyɛd, 4obónyo yɔ́, egélém gá mɔɔ́sɛ mádádɔ még má ginyo, Uhaluá uwahuɛnyɛ yɔ́ gá nigué haná Bidányɛdányɛ biá Ŋŋɔ́ŋɛ bímebué guɔyɛd. Uwebíéníginye Piéle, andá 5uwebíéníginye bá báad na báandɛ.
6Egélém agányɛ uwebíéníginye beliméen básɔ bómodi, uguá ginɛŋ giáguɔ́ gímomi, bámabá étín átánɔ átánɔ, bómodi bámanyɛ ɔbɔgɔ́sɛ, gidám gímodi gísemeneguén. 7Uwendebíéníginye Sák, uwebíéníginye gɔg medenyi mem. 8Gá súgúdinye uwesimbíénígínyé yaŋuá hana gisódúgie giá medenyi. 9Gá giagiá nnyɛ maná medenyi wa bugédégédi, yaŋuá ndiábianan ta maná bugaga wa gueleé undɔ́ŋɛ́ɛn áneé medenyi, gá giagiá mmegényigényé Gimbi giá beédébi bá Uhaluá. 10Nnyɛ ubuɔ́ nnya, ubuɔ́ nnya gɔg búóguólonin gá magɔ́g má Uhaluá, gúu gɔg magɔg még máguɔ́ mámámádiguá eguísi, gá giagiá yaálá buóli gudɔ́mb medenyi gidigid, búdibá yaŋuá, búnyɛ magɔg má Uhaluá amánya uguámɛ mámálanɔ́. 11Muɛd, ta búbá yaŋuá ta bámuanyɛ, ndénu buand ubuɔ́ dísesenye búbugányɛ, ndénu buand ubuɔ́ númélímínyé búbugányɛ.
Guhám guá bilɔ́ŋ uguá bibɛ́l
12Mmába diésesenye áneé Klístus umahám uguá gibɛ́l, gá giagɛ igiɛ́ bandɔ bómodi uguánɔ guá ɔlɔŋ bɔ́yɔnɔ́ áneé guhám guá bilɔ́ŋ uguá gibɛ́l gúdibá hɔ́? 13Mmába guhám uguá gibɛ́l guá bilɔ́ŋ gúdibá hɔ́, tábɔ́ áneé Klístus umasáhám uguá gibɛ́l. 14Mmába Klístus umasáhám uguá gibɛ́l, gusesenye guásɔ gúnyɛ agá gudɔɔ́, guágɔdɛ́m guánɔ súsɔ́n gúnyɛ agá gudɔɔ́. 15Búósiól agányɛ hana basuá dinyɛ babánbán bá bamaáná bá Uhaluá, gá giagiá dimɔyá ugelu ugumɔn áneé Uhaluá umahuɛnyɛ Klístus gá nigué henyé gɔg áneé umasáhuɛnyɛ yɔ́, mmába búnyɛ meliŋ áneé bilɔ́ŋ bídiáhunyigan gá nigué. 16Ɛɛ́ɛ, mmába bilɔ́ŋ bídiáhunyigan gá nigué, tábɔ́ áneé Klístus umasáhunyɛg súsɔ́n gá nigué. 17Mmába gɔg Klístus umasáhunyɛg gá nigué, guágɔdɛ́m guánɔ gúnyɛ agá gudɔɔ́, numanyɛ ebeyumínyénu uguánɔ guá bilɔga. 18Gubul dabdab, ta ebémeguén gá ɔhɛ́n huég, bányɛ ebénimén. 19Mmába dimaág nubídágídɛ́n nuásɔ uguá Klístus pɛ́ŋ gá nusɔ́da unuɔ, basuá bandɔ gidigid dinyɛ bulɔ́b. 20Ɛ́ɛɛ́, gɔgaá Klístus umahám uguá gibɛ́l gá bá giogoge giá busió giá ebeguén. 21Gúu, haná nigué nímoólín uguá mɔndɔ omoómi, búnyɛ uguá mɔndɔ omoómi súsɔ́n guhám uguá gibɛ́l guónólíne. 22Hana bandɔ gidigid béguéneé uguá ŋŋil ya Adám, uguá Klístus mɔndɔ gidigid wanábianɔ nusɔ́da. 23Gɔgaá, sig mɔndɔ uguá ɔlɔŋ huég, Klístus giogoge giá busió, egélém ɔbɔ́nɔ́bɔninaá na Klístus, uguá ginɛŋ igiɛ́ wónólonú. 24Egélém búánábá nsúgie, uguá ginɛŋ igiɛ́ wónóndinye Uhaluá Síe Niguili niég, agányɛ umámánágad muhiligine gidigid na maŋaŋa gidigid. 25Gá giagiá, ugódi áneé ugilebe gueneg hana wánámaníginaá babɛlɛ́bɛl bég gidigid. 26Abɛlɛ́bɛl wa nsúgie wa gad úwanábánɔ́ nigué, 27gá gueleé waámánígínɛ́n buá gidigid, hɔ́ wɔ́nɔ́yida áneé: «Buá gidigid búnyɛ uguá ihiligine.» Esíe Uhaluá, úmál áneé Klístus uhiligine buá gidigid uguég guá dugɔ́nd. 28Agányɛ gɔg buá gidigid búánáganyɛ uguég guá ihiligine, gúu Muɔ́n mbánan wánábánɔ́ uguá ihiligine hiá umaágɛ́ɛn yɔ́ buá gidigid uguá ihiligne, gá gueleé Uhaluá ubá buá gidigid uguá bem. 29Búámabúdibá nɔ́, giagɛ igiɛ́ ebébíyumenyeé gá ebéguén bámbanɔ́? Gá giagɛ bébíyumenyeé gɔ́b gá bilɔ́ŋ? 30Guond basuá mbánan gá giagɛ dínya dambiga binɛŋ gidigid? 31Beliméen, mɔɔ́sɛ gidigid nnyɛ dambiga gá nigué, hómohómue súsɔ́n nnyɛ wa bígide gisasɔ gánɔ gá busió uguá Yésuse Klístus Ɔgúná wasɔ. 32Búámabá hana gá bunyɛ bandɔ, késíe gidúl igiɛ́ mmanuanán na manyam Ɛfɛ́s gíáŋal giagɛ? Mmába bilɔ́ŋ bídiáháman uguá gibɛ́l, ánaá dínyánan dibíhuán gá giagiá na giámɛ digeguén. 33Nudibínɔ́ŋ, bilɔg biá megúl bíɔ́dínɔŋa. 34Yɔɔ́guɔya buɔ́ gánɔ gá ɔduá gunɔ́h, ánaá núósiond nudianduguala bilɔga gá giagiá gidám gídiálinsan Uhaluá.
Nuɔ́l nuá abámahám uguá bibɛ́l
35Mɔndɔ wɔnɔ́yɛd gɔg áneé, naánanyá bilɔ́ŋ bíhámanaá uguá gibɛ́l? Na kasɛ́ bunuɔ́l bíolósiondon? 36Aŋuá mɔndɔ wa kanda meéné, ubuɔ́ ágúnanɔ́ búdibá búábia nusɔ́da kandabá áneé búmégué. 37Guond ubuɔ́ ágúnanɔ́ búdibá bunimɛ́d buá sɔ́g, gɔgaá nsám iyɔndɔ́n inyaá yabá ya belé ugúnya ana ya bunimɛ́d búdodi. 38Egélém Uhaluá uhuá yɛ́ nuɔ́l, sig bunimɛ́d hana wɔ́yɔnɔ́ uguá bilɔŋ biá yɛ́. 39Ta abánya ɔbɔgɔ́sɛ gidigid bódigódi mmegu imoómi, mmegu ya bandɔ idibá mpónyé na mmegu ya manyam, imodi inyɛ ya munonyi, imodi súsɔ́n inyɛ ya muɔb. 40Duɔ́l duá gileénde dúnyɛ hɔ́, duɔ́l duá guísi dúnyɛ hɔ́ súsɔ́n, dúdíémenyimin buand búmomi, 41ɔhɛ́nyɛ húgódi guég gumenyimin, ohóli na guég, yoódódi na guég, andá uguá muódódi, hímodi hídíémenyimin hana hímodi. 42Búnyɛ nɔ́ súsɔ́n gá hám uguá bibɛ́l guá bilɔ́ŋ: Nuɔ́l unuɔ́ bósonyo nunyɛ unuyigán, núgánahám nunyɛ na nusɔ́da, 43Bónyonon nuɔ́l uguá isíŋa, núgánahám uguá nigúmi, bónyonon nuɔ́ uguá bugué, núgánahám na bugaga tásɛ, 44Bónyonon nuɔ́l nuá mɔndɔ wa guísi, úgánahám uguá gibɛ́l búganyɛ nuɔ́l nuá mɔndɔ wa gileénde, mmába nuɔ́l nuá mmegu núnyɛ hɔ́, nuɔ́l nuá gileénde núnyɛ hɔ́ súsɔ́n. 45Nɔ́ búnya ubúɔ́ŋɔ́n áneé: «Adám mɔndɔ wa busió umaáyɛ giaŋana igímabiá nusɔ́da, gɔgaá Adám wa nsúgie umaáyɛ gileénde igíhúaninaá nusɔ́da.» 46Adám wa gileénde udibá wa busió, búnyɛ Adám wa mmegu, wa gileénde woóguólon egélém. 47Bámal Adám wa busió na ombúm, unyɛ mɔndɔ wa guísi. Adám wa gáandɛ umonólin ugumɔn. 48Hana mɔndɔ wa busió únya, nɔ́ bandɔ bá guísi bánya, guond hana mɔndɔ wa gileénde únya, nɔ́ bandɔ bá gileénde bánya. 49Hana dísámbanɔ́ gɔg gineéŋun giá mɔndɔ wa guísi, dianásamb súsɔ́n gineéŋun giá mɔndɔ wa gileénde. 50Beliméen, ndé ubuɔ́ yɔ́yɔnɔ́, na mmegu na manɔ́ŋ múdibá muádáŋáab bigínd biá Niguili niá Uhaluá, ta nuɔ́l unúyiganɔ́ núdiádáŋáaba bigínd biá nuɔ́l unúdiayiga. 51Ŋŋanúdambunɛn giseyi. Didienégué bem, gɔgaá bem wasɔ bénédínúgie. 52Uguá ginɛŋ giáguɔ́, uguá igaŋ hiá niís, uguá modóŋídíe má nsɛ́b ya nsúgie, gá giagiá nsɛ́b yɔnɔ́dɔ́ŋɛ́ɛd, bandɔ bánáháman uguá bibɛ́l kanda biíle. Basuá gɔg dianábá ebénúgién. 53Búáguamba gɔg áneé nuɔ́l nuá biíle nuond budányɛ, súsɔ́n nuɔ́l unuguén núbídun gá gɔ́l nuɔ́l unúdieguén. 54Ginɛŋ igiɛ́ nuɔ́l unúyigánɔ núbíáganaá nuɔ́l unúdiayiga, súsɔ́n nuɔ́l unuguén núánábiág nuɔ́l unúdieguén, agányɛ gɔg nugálɔ nuá Ŋŋɔ́ŋɛ núónóbíhónyenú unuɔ́yɔnɔ áneé: «Nigué nínyɛ nioŋ uguá gihigine, gihigine gímonyó nigué.» 55«Ahá, Nigué gihigine giáhɔ gínyɛ hanyɛ?» «Nigué, ŋkimba yahɔ ya mɔɔ́nɔ́na inyɛ hanyɛ?» 56Ŋkimba yahɔ ya mɔɔ́nɔ́na má nigué inyɛ hanyɛ gilɔga, bugaga buá gilɔga búnyɛ gigodi. 57Ánaá díéŋen Uhaluá mbíyigie, udíhuánaá gihigine uguá Yésuse Klístus. 58Gúu beliméen bámɛ bá ginɔ́nɛ́n, gímbénénu tíŋ nudisúlúgúgényé duɔ́l, ídánánɔ na busió na guala buóli buá Ɔgúná, nulinsan áneé meyú mámɛ mádibá gá gilé uguá Ɔgúná.
ទើបបានជ្រើសរើសហើយ៖
1 Kɔlɛŋɛtiɛ́ŋ 15: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 15
15
Guhám guá Klístus uguá gibɛ́l
1Beliméen, yaáguamba dabdab uyɔ áneé nnúdúmdenye Ginɔ́g giá Nsɔ́m igiɛ́ mmɔ́núɔyɔ́n, unuagíndígɛn giɛ́, núnyɛ abábígúdánɔ tíŋ na giɛ́. 2Númégimbe giɛ́ haná yaŋuá mmɔ́núɔyɔ́nɔ, gíánánúháŋ, búmábúdibá nɔ́, tábɔ́ gilé áneé numelímínyé gá fiɔlɔ́dɔ́dɔ́.
3Gisiósio, gá buá gidigid mmenúdúmbínyé nuhɔ́nhɔ́n unuɔ́ yaŋúa mbánan mmábia: Klístus umegué gásɔ gá bilɔga hana Bidányɛdányɛ biá Ŋŋɔ́ŋɛ bímebué guɔyɛd, 4obónyo yɔ́, egélém gá mɔɔ́sɛ mádádɔ még má ginyo, Uhaluá uwahuɛnyɛ yɔ́ gá nigué haná Bidányɛdányɛ biá Ŋŋɔ́ŋɛ bímebué guɔyɛd. Uwebíéníginye Piéle, andá 5uwebíéníginye bá báad na báandɛ.
6Egélém agányɛ uwebíéníginye beliméen básɔ bómodi, uguá ginɛŋ giáguɔ́ gímomi, bámabá étín átánɔ átánɔ, bómodi bámanyɛ ɔbɔgɔ́sɛ, gidám gímodi gísemeneguén. 7Uwendebíéníginye Sák, uwebíéníginye gɔg medenyi mem. 8Gá súgúdinye uwesimbíénígínyé yaŋuá hana gisódúgie giá medenyi. 9Gá giagiá nnyɛ maná medenyi wa bugédégédi, yaŋuá ndiábianan ta maná bugaga wa gueleé undɔ́ŋɛ́ɛn áneé medenyi, gá giagiá mmegényigényé Gimbi giá beédébi bá Uhaluá. 10Nnyɛ ubuɔ́ nnya, ubuɔ́ nnya gɔg búóguólonin gá magɔ́g má Uhaluá, gúu gɔg magɔg még máguɔ́ mámámádiguá eguísi, gá giagiá yaálá buóli gudɔ́mb medenyi gidigid, búdibá yaŋuá, búnyɛ magɔg má Uhaluá amánya uguámɛ mámálanɔ́. 11Muɛd, ta búbá yaŋuá ta bámuanyɛ, ndénu buand ubuɔ́ dísesenye búbugányɛ, ndénu buand ubuɔ́ númélímínyé búbugányɛ.
Guhám guá bilɔ́ŋ uguá bibɛ́l
12Mmába diésesenye áneé Klístus umahám uguá gibɛ́l, gá giagɛ igiɛ́ bandɔ bómodi uguánɔ guá ɔlɔŋ bɔ́yɔnɔ́ áneé guhám guá bilɔ́ŋ uguá gibɛ́l gúdibá hɔ́? 13Mmába guhám uguá gibɛ́l guá bilɔ́ŋ gúdibá hɔ́, tábɔ́ áneé Klístus umasáhám uguá gibɛ́l. 14Mmába Klístus umasáhám uguá gibɛ́l, gusesenye guásɔ gúnyɛ agá gudɔɔ́, guágɔdɛ́m guánɔ súsɔ́n gúnyɛ agá gudɔɔ́. 15Búósiól agányɛ hana basuá dinyɛ babánbán bá bamaáná bá Uhaluá, gá giagiá dimɔyá ugelu ugumɔn áneé Uhaluá umahuɛnyɛ Klístus gá nigué henyé gɔg áneé umasáhuɛnyɛ yɔ́, mmába búnyɛ meliŋ áneé bilɔ́ŋ bídiáhunyigan gá nigué. 16Ɛɛ́ɛ, mmába bilɔ́ŋ bídiáhunyigan gá nigué, tábɔ́ áneé Klístus umasáhunyɛg súsɔ́n gá nigué. 17Mmába gɔg Klístus umasáhunyɛg gá nigué, guágɔdɛ́m guánɔ gúnyɛ agá gudɔɔ́, numanyɛ ebeyumínyénu uguánɔ guá bilɔga. 18Gubul dabdab, ta ebémeguén gá ɔhɛ́n huég, bányɛ ebénimén. 19Mmába dimaág nubídágídɛ́n nuásɔ uguá Klístus pɛ́ŋ gá nusɔ́da unuɔ, basuá bandɔ gidigid dinyɛ bulɔ́b. 20Ɛ́ɛɛ́, gɔgaá Klístus umahám uguá gibɛ́l gá bá giogoge giá busió giá ebeguén. 21Gúu, haná nigué nímoólín uguá mɔndɔ omoómi, búnyɛ uguá mɔndɔ omoómi súsɔ́n guhám uguá gibɛ́l guónólíne. 22Hana bandɔ gidigid béguéneé uguá ŋŋil ya Adám, uguá Klístus mɔndɔ gidigid wanábianɔ nusɔ́da. 23Gɔgaá, sig mɔndɔ uguá ɔlɔŋ huég, Klístus giogoge giá busió, egélém ɔbɔ́nɔ́bɔninaá na Klístus, uguá ginɛŋ igiɛ́ wónólonú. 24Egélém búánábá nsúgie, uguá ginɛŋ igiɛ́ wónóndinye Uhaluá Síe Niguili niég, agányɛ umámánágad muhiligine gidigid na maŋaŋa gidigid. 25Gá giagiá, ugódi áneé ugilebe gueneg hana wánámaníginaá babɛlɛ́bɛl bég gidigid. 26Abɛlɛ́bɛl wa nsúgie wa gad úwanábánɔ́ nigué, 27gá gueleé waámánígínɛ́n buá gidigid, hɔ́ wɔ́nɔ́yida áneé: «Buá gidigid búnyɛ uguá ihiligine.» Esíe Uhaluá, úmál áneé Klístus uhiligine buá gidigid uguég guá dugɔ́nd. 28Agányɛ gɔg buá gidigid búánáganyɛ uguég guá ihiligine, gúu Muɔ́n mbánan wánábánɔ́ uguá ihiligine hiá umaágɛ́ɛn yɔ́ buá gidigid uguá ihiligne, gá gueleé Uhaluá ubá buá gidigid uguá bem. 29Búámabúdibá nɔ́, giagɛ igiɛ́ ebébíyumenyeé gá ebéguén bámbanɔ́? Gá giagɛ bébíyumenyeé gɔ́b gá bilɔ́ŋ? 30Guond basuá mbánan gá giagɛ dínya dambiga binɛŋ gidigid? 31Beliméen, mɔɔ́sɛ gidigid nnyɛ dambiga gá nigué, hómohómue súsɔ́n nnyɛ wa bígide gisasɔ gánɔ gá busió uguá Yésuse Klístus Ɔgúná wasɔ. 32Búámabá hana gá bunyɛ bandɔ, késíe gidúl igiɛ́ mmanuanán na manyam Ɛfɛ́s gíáŋal giagɛ? Mmába bilɔ́ŋ bídiáháman uguá gibɛ́l, ánaá dínyánan dibíhuán gá giagiá na giámɛ digeguén. 33Nudibínɔ́ŋ, bilɔg biá megúl bíɔ́dínɔŋa. 34Yɔɔ́guɔya buɔ́ gánɔ gá ɔduá gunɔ́h, ánaá núósiond nudianduguala bilɔga gá giagiá gidám gídiálinsan Uhaluá.
Nuɔ́l nuá abámahám uguá bibɛ́l
35Mɔndɔ wɔnɔ́yɛd gɔg áneé, naánanyá bilɔ́ŋ bíhámanaá uguá gibɛ́l? Na kasɛ́ bunuɔ́l bíolósiondon? 36Aŋuá mɔndɔ wa kanda meéné, ubuɔ́ ágúnanɔ́ búdibá búábia nusɔ́da kandabá áneé búmégué. 37Guond ubuɔ́ ágúnanɔ́ búdibá bunimɛ́d buá sɔ́g, gɔgaá nsám iyɔndɔ́n inyaá yabá ya belé ugúnya ana ya bunimɛ́d búdodi. 38Egélém Uhaluá uhuá yɛ́ nuɔ́l, sig bunimɛ́d hana wɔ́yɔnɔ́ uguá bilɔŋ biá yɛ́. 39Ta abánya ɔbɔgɔ́sɛ gidigid bódigódi mmegu imoómi, mmegu ya bandɔ idibá mpónyé na mmegu ya manyam, imodi inyɛ ya munonyi, imodi súsɔ́n inyɛ ya muɔb. 40Duɔ́l duá gileénde dúnyɛ hɔ́, duɔ́l duá guísi dúnyɛ hɔ́ súsɔ́n, dúdíémenyimin buand búmomi, 41ɔhɛ́nyɛ húgódi guég gumenyimin, ohóli na guég, yoódódi na guég, andá uguá muódódi, hímodi hídíémenyimin hana hímodi. 42Búnyɛ nɔ́ súsɔ́n gá hám uguá bibɛ́l guá bilɔ́ŋ: Nuɔ́l unuɔ́ bósonyo nunyɛ unuyigán, núgánahám nunyɛ na nusɔ́da, 43Bónyonon nuɔ́l uguá isíŋa, núgánahám uguá nigúmi, bónyonon nuɔ́ uguá bugué, núgánahám na bugaga tásɛ, 44Bónyonon nuɔ́l nuá mɔndɔ wa guísi, úgánahám uguá gibɛ́l búganyɛ nuɔ́l nuá mɔndɔ wa gileénde, mmába nuɔ́l nuá mmegu núnyɛ hɔ́, nuɔ́l nuá gileénde núnyɛ hɔ́ súsɔ́n. 45Nɔ́ búnya ubúɔ́ŋɔ́n áneé: «Adám mɔndɔ wa busió umaáyɛ giaŋana igímabiá nusɔ́da, gɔgaá Adám wa nsúgie umaáyɛ gileénde igíhúaninaá nusɔ́da.» 46Adám wa gileénde udibá wa busió, búnyɛ Adám wa mmegu, wa gileénde woóguólon egélém. 47Bámal Adám wa busió na ombúm, unyɛ mɔndɔ wa guísi. Adám wa gáandɛ umonólin ugumɔn. 48Hana mɔndɔ wa busió únya, nɔ́ bandɔ bá guísi bánya, guond hana mɔndɔ wa gileénde únya, nɔ́ bandɔ bá gileénde bánya. 49Hana dísámbanɔ́ gɔg gineéŋun giá mɔndɔ wa guísi, dianásamb súsɔ́n gineéŋun giá mɔndɔ wa gileénde. 50Beliméen, ndé ubuɔ́ yɔ́yɔnɔ́, na mmegu na manɔ́ŋ múdibá muádáŋáab bigínd biá Niguili niá Uhaluá, ta nuɔ́l unúyiganɔ́ núdiádáŋáaba bigínd biá nuɔ́l unúdiayiga. 51Ŋŋanúdambunɛn giseyi. Didienégué bem, gɔgaá bem wasɔ bénédínúgie. 52Uguá ginɛŋ giáguɔ́, uguá igaŋ hiá niís, uguá modóŋídíe má nsɛ́b ya nsúgie, gá giagiá nsɛ́b yɔnɔ́dɔ́ŋɛ́ɛd, bandɔ bánáháman uguá bibɛ́l kanda biíle. Basuá gɔg dianábá ebénúgién. 53Búáguamba gɔg áneé nuɔ́l nuá biíle nuond budányɛ, súsɔ́n nuɔ́l unuguén núbídun gá gɔ́l nuɔ́l unúdieguén. 54Ginɛŋ igiɛ́ nuɔ́l unúyigánɔ núbíáganaá nuɔ́l unúdiayiga, súsɔ́n nuɔ́l unuguén núánábiág nuɔ́l unúdieguén, agányɛ gɔg nugálɔ nuá Ŋŋɔ́ŋɛ núónóbíhónyenú unuɔ́yɔnɔ áneé: «Nigué nínyɛ nioŋ uguá gihigine, gihigine gímonyó nigué.» 55«Ahá, Nigué gihigine giáhɔ gínyɛ hanyɛ?» «Nigué, ŋkimba yahɔ ya mɔɔ́nɔ́na inyɛ hanyɛ?» 56Ŋkimba yahɔ ya mɔɔ́nɔ́na má nigué inyɛ hanyɛ gilɔga, bugaga buá gilɔga búnyɛ gigodi. 57Ánaá díéŋen Uhaluá mbíyigie, udíhuánaá gihigine uguá Yésuse Klístus. 58Gúu beliméen bámɛ bá ginɔ́nɛ́n, gímbénénu tíŋ nudisúlúgúgényé duɔ́l, ídánánɔ na busió na guala buóli buá Ɔgúná, nulinsan áneé meyú mámɛ mádibá gá gilé uguá Ɔgúná.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល