1 Kɔlɛŋɛtiɛ́ŋ 14
14
Gudúmbenyinye Nsɔ́m siá Uhaluá na gálgal megélígélíe módodi
1Ámbánánɔ ginɔ́nɛ́n. Ambánánɔ súsɔ́n mpuán ya bubunebúné, hómohómue ya dúmbenyinye Nsɔ́m siá Uhaluá isiɛ́ úmadíhuá. 2Ugálgalaá gɔg bugélígélíe búdodi, waágálgal gá Uhaluá, búdibá gá bandɔ, gá giagiá, ta mɔndɔ udiɔ́guɔ́bɔn yɔ́. Uguá buŋaŋa buá Gileénde wɔ́yɔnɔ́ muand umuɔ́ Uhaluá úmanamb. 3Udúmbenyeé gɔg Nsɔ́m isiɛ́ Uhaluá úmanamb, waágálgal gá bɔsɔ́gá gá gueleé bágúnínan uguá guágɔdɛ́m, súsɔ́n gá gínyiginye bɔ́ guond ná dóndonye bɔ́. 4Ugálgalaá na bugélígélíe búdodi, weébígúnínenye úmuanyɛ omoómi, henyé, udúmbenyeé Nsɔ́m isiɛ́ Uhaluá úmanamb, weégúnínenye Gimbi giá beédébi bá Klístus gidigid. 5Yaábaŋa áneé banuá bem nugálgal megélígélíe módodi, hómohómue gɔg, nudúmbenyinye mpuán ya bubunebúné. Údúmbenyinyeé Nsɔ́m siá Uhaluá, waádúmban ugálgalaá na megélígélíe módodi, esíe wa megélígélíe waádambuna mɔ́ gá gueleé uguélém guá mɔ́, Gimbi giá beédébi gígúnínan. 6Guond dabdab, beliméen, mmól gá nuán, nnúgálgalɛn na megélígélíe ɔmɔɔ́ núdiɔbɔ́n, gá gueleé nnuólin na nugálɔ nuá núdambunɛn, nulinsa, bubunebúné, ugúnya ana nuhunɔhɔ́n, tábɔ́ áneé mmenúgígín ɔmbɔ́g gá giágɛ? Mmába nugálɔ nuámɛ núdiánúhuán buand. 7Ánaá digɔ́l nulinsa uguá modóŋídíe hana nutália na mogogi: dímádidilinsan igelu siá modóŋídíe amagányɛ, naánanyá dínya dialɛns ubuɔ́ odóŋi údɔ́ŋɔnɔ́? 8Súsɔ́n, mɔndɔ wa nsɛ́b, úméhémie gilɔg giá igelu uguég guá nsɛ́b, ányá unyaá wa lɛns gubíaŋanan gá bidí? 9Banuá súsɔ́n, nuanámágálgal na megélígélíe módodi, naánanyá bɔ́nɔ́bɔnaá ubuɔ́ núɔ́yɔnɔ́? Gá giagiá nuanágálgal uguá gihínyi. 10Ta hana megélígélíe mánya giod uguísi, ta nuá númomi núdibá hɔ́ unuɔ́ bandɔ bɔ́diɔ́bɔn. 11Mmɔ́ndiɔ́bɔn gɔg nugálɔ unuɔ́ sɔ́gá úgálgalaá, sɔ́gá waáguɔ́ unyɛ uŋenyi gámɛ, nnyɛ uŋenyi gég. 12Anagányɛ gɔg, haná núámbanɔ́ mpuán ya Gileénde na ɔdɛm gidigid, ámbánánɔ gubá nnuɛ́m agá buáyɛ buá abálanɔ́ áneé Gimbi giá beédébi bá Klístus gígúnínan. 13Buand buáguɔ́, ugálgalaá na bugélígélíe budódi, ugódi áneé ubísógólonye Uhaluá áneé uhuán yɔ́ gudúmbenye bugélígélíe buáguɔ́. 14Gá giagiá, mmóbísógólonye na megélígélíe amagányɛ, gileénde giámɛ gínyɛ uguá mbísógóli, gɔgaá, meneé mámɛ mányɛ agá gudɔɔ́. 15Giagɛ igiɛ́ ŋŋalanɔ́ gɔg? Yonóbísógólonye na gileénde giámɛ, gɔgaá, yonóbísógólonye súsɔ́n na meneé mámɛ. Yenélélenye na gileénde giámɛ, gɔgaá, yenélélenye súsɔ́n na meneé mámɛ. 16Ɛɛ́ɛ, ámáhuán Uhaluá mbíyigie pɛ́ŋ uguá gileénde, naánanyá, sɔ́gá ubídɔ́lígɔnɔnaá uguá gimbi giá beédébi unyaá wa guéliminye? «Anagányɛ!» Henyé, egélém gáhɔ gá mbísógóli ya mbíyigie, udiálinsan hómohómue buand ubuɔ́ ɔ́yɔnɔ́? 17Ta mbísógóli yahɔ ya mbíyigie ibá bunɔ́g nsesi, sɔ́gá umásábád ta buand. 18Yaáhuán Uhaluá mbíyigie gá busió buá gueleé yaágálgal megélígélíe módodi gunúdɔ́mb banuá gidigid. 19Gɔgaá uguá Gimbi giá beédébi bá Klístus, yaáguamba guɔyɛd dugálɔ dútánɔ uduólonineé uguámɛ guá meéné gá gueleé bɔsɔ́gá bɔ́b, gudɔ́mb áneé yɔya duɔns duá dugálɔ dúad na megélígélíe módodi. 20Beliméen, nudigedényé hana biayɔ. Búganyɛ buá gilɔga nugódi áneé nubígɔ́l hana biayɔ ibídiálinsan gudíne gilɔga, nubá gɔg bagɔ́n uguánɔ guá nugedie. 21Búnyɛ ubúɔ́ŋɔ́n uguá gigodi áneé: «Yanádúmbɛ́n uguá bandɔ abágálgalaá megélígélíe módodi gá gálgalɛn buán ubugányɛ. Yanágálgal gɔ́b na eŋíd ya bényi. Ta anagányɛ, bɔ́diɔnɔ́ya gumbídɔ́lígɔn.» Ɔgúná úgálgalaá.#14.21 Esa 28.11 22Anagányɛ, megélígélíe ɔmɔɔ́ bádiálínsan mányɛ gilɛns giá bindiádába búdibá nɔ́ gá busió buá beédébi. Bubunebúné gɔg búnyɛ gilɛns gá busió buá beédébi búdibá nɔ́ gá busió buá bindiádába. 23Agányɛ, bandɔ bá Gimbi giá beédébi bá Klístus, bámábígúsɛ́d bámuanyɛ gidigid, gá gálgal ná megélígélíe ɔmɔɔ́ bádiálinsan, bindiadába naá abánya hɔ́ pɛ́ŋ gá bídɔ́lígɔn bémébíŋín agaá núnyaá, bɔ́dinúgɔ́l eleé bɔduɔ́duá? 24Mmába gɔg bámuanyɛ gidigid bámalá mpuán ya bubunebúné, gindiadába ugúnya ana unyaá pɛ́ŋ gá bídɔ́lígɔn, úmégégie bɔ́ waálinsan áneé unyɛ ɔlɔga. Bánásɔ́mb gisan giég gá buá gidigid ubuɔ́ wɔ́bɔnaá. 25Muand muá mbíne gidigid umúnya egég gá ɔdɛ́m múánádambɔg. Uguá ginɛŋ igigányɛ, wɔnɔ́bɔmbigɔn nudúg uguísi gá búlúgenye Uhaluá wond wɔya áneé: «Uhaluá unyɛ hómohómue ɔlɔŋ naánanɔ.»
Idényi uguá Gimbi giá beédébi bá Klístus
26Beliméen, giagɛ igiɛ́ dígódionu áneé dial? Uguá ginɛŋ igiɛ́ núsebídidid, ɔbɔ bélélenye, bómodi béhuínyihuinye, ebéné bádambuna, bómodi bɔ́ya na megélígélíe ɔmɔɔ́ bádiálinsan, bódodi bánúsalunan Nsɔ́m yaáguɔ́: Muand umugányɛ gidigid múégígenin gimbi giánɔ ɔmbɔ́g gá gúnínan. 27Dimɛ́d gá gálgal na megélígélíe ɔmɔɔ́ bádiálinsan, ánaá, báandɛ ugúnya ana gueg bádádɔ bágálgal, sig mɔndɔ gá giég ginɛŋ, omódi unúsalunan ubuɔ́ bɔ́yɔnɔ́. 28Mɔndɔ úmádibá wa saluna ubuɔ́ bɔ́yɔnɔ́, ánaá sig mɔndɔ uguɔ́b uguá ɔlɔŋ uhádan gugálgal ugelu ugumɔn uguá gimbi giá beédébi, ánaá úbígálgalɛn wond ugálgal gá Uhaluá. 29Mmába hana gá bebunebúné, báandɛ, ugúnya ana bádádɔ bámágálgal, obólbóndeé bɔ́bídɔ́lígɔn gá saluna. 30Odoódi gɔg unyaá wa bá dugumine, Uhaluá úmádambunɛn yɔ́ nsɔ́m, ánaá wa busió ugálgalaá uhádan. 31Gá giagiá, banuá gidigid uguá ɔlɔŋ núnyɛ nua gual mpuán ya bubunebúné, sig mɔndɔ uguég guá ginɛŋ. Anagányɛ, búéhuínyihuinye búond búásigan mɔndɔ gidigid 32Ebunebúné, weégimbe bileénde biá bubunebúné ubuɔ́ úgódiónu, 33gá giagiá Uhaluá udibá Uhaluá wa mbuŋímbuŋíe, gɔgaá, unyɛ Uhaluá uháganɔ́ bumbénu. Bilɔŋ bímomi, uguá bimbi biá bidányɛdányɛ gidigid, 34bagándɔ abánya uguá bimbi biá beédébi, bógódi áneé báhádan, gá giagiá bódigódi bugaga buá gálgal. Bábia giɔ́bína haná búnya ubúɔ́ŋɔ́n uguá gigodi. 35Bámábaŋa guhɔ́nhɔn, ánaá bóhón banɛ́m bɔ́b mbánan agá nihiá, gá giagiá búnyɛ ɔduá gunɔ́h áneé ugándɔ ugálgal uguá gimbi giá beédébi. 36Nugálɔ nuá Uhaluá númólín gibéyi giánɔ a? Ugúnya ana banuá pɛ́ŋ numaágíndígɛ́n nuɔ́ a? 37Mɔndɔ úmégedenye áneé unyɛ ebunebúné ugúnya ana gileénde gígíéndenyeé yɔ́, ulinsan áneé, ubuɔ́ nnuɔ́ŋɔ́naá, búnyɛ gibídína giá Ɔgúná. 38Úmádilinsan gɔg buɔ́ nɔ́, nudigɔ́l gisigɛl neéneg. 39Beliméen, anagányɛ, númánuma niída niá dúmbenye mpuán ya bubunebúné, nudienyényé gugálgal megélígélíe ɔmɔɔ́ bádiálinsan. 40Ánaá gɔg buand gidigid búbíala uguá beseé naá uguá gindényé.
ទើបបានជ្រើសរើសហើយ៖
1 Kɔlɛŋɛtiɛ́ŋ 14: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 14
14
Gudúmbenyinye Nsɔ́m siá Uhaluá na gálgal megélígélíe módodi
1Ámbánánɔ ginɔ́nɛ́n. Ambánánɔ súsɔ́n mpuán ya bubunebúné, hómohómue ya dúmbenyinye Nsɔ́m siá Uhaluá isiɛ́ úmadíhuá. 2Ugálgalaá gɔg bugélígélíe búdodi, waágálgal gá Uhaluá, búdibá gá bandɔ, gá giagiá, ta mɔndɔ udiɔ́guɔ́bɔn yɔ́. Uguá buŋaŋa buá Gileénde wɔ́yɔnɔ́ muand umuɔ́ Uhaluá úmanamb. 3Udúmbenyeé gɔg Nsɔ́m isiɛ́ Uhaluá úmanamb, waágálgal gá bɔsɔ́gá gá gueleé bágúnínan uguá guágɔdɛ́m, súsɔ́n gá gínyiginye bɔ́ guond ná dóndonye bɔ́. 4Ugálgalaá na bugélígélíe búdodi, weébígúnínenye úmuanyɛ omoómi, henyé, udúmbenyeé Nsɔ́m isiɛ́ Uhaluá úmanamb, weégúnínenye Gimbi giá beédébi bá Klístus gidigid. 5Yaábaŋa áneé banuá bem nugálgal megélígélíe módodi, hómohómue gɔg, nudúmbenyinye mpuán ya bubunebúné. Údúmbenyinyeé Nsɔ́m siá Uhaluá, waádúmban ugálgalaá na megélígélíe módodi, esíe wa megélígélíe waádambuna mɔ́ gá gueleé uguélém guá mɔ́, Gimbi giá beédébi gígúnínan. 6Guond dabdab, beliméen, mmól gá nuán, nnúgálgalɛn na megélígélíe ɔmɔɔ́ núdiɔbɔ́n, gá gueleé nnuólin na nugálɔ nuá núdambunɛn, nulinsa, bubunebúné, ugúnya ana nuhunɔhɔ́n, tábɔ́ áneé mmenúgígín ɔmbɔ́g gá giágɛ? Mmába nugálɔ nuámɛ núdiánúhuán buand. 7Ánaá digɔ́l nulinsa uguá modóŋídíe hana nutália na mogogi: dímádidilinsan igelu siá modóŋídíe amagányɛ, naánanyá dínya dialɛns ubuɔ́ odóŋi údɔ́ŋɔnɔ́? 8Súsɔ́n, mɔndɔ wa nsɛ́b, úméhémie gilɔg giá igelu uguég guá nsɛ́b, ányá unyaá wa lɛns gubíaŋanan gá bidí? 9Banuá súsɔ́n, nuanámágálgal na megélígélíe módodi, naánanyá bɔ́nɔ́bɔnaá ubuɔ́ núɔ́yɔnɔ́? Gá giagiá nuanágálgal uguá gihínyi. 10Ta hana megélígélíe mánya giod uguísi, ta nuá númomi núdibá hɔ́ unuɔ́ bandɔ bɔ́diɔ́bɔn. 11Mmɔ́ndiɔ́bɔn gɔg nugálɔ unuɔ́ sɔ́gá úgálgalaá, sɔ́gá waáguɔ́ unyɛ uŋenyi gámɛ, nnyɛ uŋenyi gég. 12Anagányɛ gɔg, haná núámbanɔ́ mpuán ya Gileénde na ɔdɛm gidigid, ámbánánɔ gubá nnuɛ́m agá buáyɛ buá abálanɔ́ áneé Gimbi giá beédébi bá Klístus gígúnínan. 13Buand buáguɔ́, ugálgalaá na bugélígélíe budódi, ugódi áneé ubísógólonye Uhaluá áneé uhuán yɔ́ gudúmbenye bugélígélíe buáguɔ́. 14Gá giagiá, mmóbísógólonye na megélígélíe amagányɛ, gileénde giámɛ gínyɛ uguá mbísógóli, gɔgaá, meneé mámɛ mányɛ agá gudɔɔ́. 15Giagɛ igiɛ́ ŋŋalanɔ́ gɔg? Yonóbísógólonye na gileénde giámɛ, gɔgaá, yonóbísógólonye súsɔ́n na meneé mámɛ. Yenélélenye na gileénde giámɛ, gɔgaá, yenélélenye súsɔ́n na meneé mámɛ. 16Ɛɛ́ɛ, ámáhuán Uhaluá mbíyigie pɛ́ŋ uguá gileénde, naánanyá, sɔ́gá ubídɔ́lígɔnɔnaá uguá gimbi giá beédébi unyaá wa guéliminye? «Anagányɛ!» Henyé, egélém gáhɔ gá mbísógóli ya mbíyigie, udiálinsan hómohómue buand ubuɔ́ ɔ́yɔnɔ́? 17Ta mbísógóli yahɔ ya mbíyigie ibá bunɔ́g nsesi, sɔ́gá umásábád ta buand. 18Yaáhuán Uhaluá mbíyigie gá busió buá gueleé yaágálgal megélígélíe módodi gunúdɔ́mb banuá gidigid. 19Gɔgaá uguá Gimbi giá beédébi bá Klístus, yaáguamba guɔyɛd dugálɔ dútánɔ uduólonineé uguámɛ guá meéné gá gueleé bɔsɔ́gá bɔ́b, gudɔ́mb áneé yɔya duɔns duá dugálɔ dúad na megélígélíe módodi. 20Beliméen, nudigedényé hana biayɔ. Búganyɛ buá gilɔga nugódi áneé nubígɔ́l hana biayɔ ibídiálinsan gudíne gilɔga, nubá gɔg bagɔ́n uguánɔ guá nugedie. 21Búnyɛ ubúɔ́ŋɔ́n uguá gigodi áneé: «Yanádúmbɛ́n uguá bandɔ abágálgalaá megélígélíe módodi gá gálgalɛn buán ubugányɛ. Yanágálgal gɔ́b na eŋíd ya bényi. Ta anagányɛ, bɔ́diɔnɔ́ya gumbídɔ́lígɔn.» Ɔgúná úgálgalaá.#14.21 Esa 28.11 22Anagányɛ, megélígélíe ɔmɔɔ́ bádiálínsan mányɛ gilɛns giá bindiádába búdibá nɔ́ gá busió buá beédébi. Bubunebúné gɔg búnyɛ gilɛns gá busió buá beédébi búdibá nɔ́ gá busió buá bindiádába. 23Agányɛ, bandɔ bá Gimbi giá beédébi bá Klístus, bámábígúsɛ́d bámuanyɛ gidigid, gá gálgal ná megélígélíe ɔmɔɔ́ bádiálinsan, bindiadába naá abánya hɔ́ pɛ́ŋ gá bídɔ́lígɔn bémébíŋín agaá núnyaá, bɔ́dinúgɔ́l eleé bɔduɔ́duá? 24Mmába gɔg bámuanyɛ gidigid bámalá mpuán ya bubunebúné, gindiadába ugúnya ana unyaá pɛ́ŋ gá bídɔ́lígɔn, úmégégie bɔ́ waálinsan áneé unyɛ ɔlɔga. Bánásɔ́mb gisan giég gá buá gidigid ubuɔ́ wɔ́bɔnaá. 25Muand muá mbíne gidigid umúnya egég gá ɔdɛ́m múánádambɔg. Uguá ginɛŋ igigányɛ, wɔnɔ́bɔmbigɔn nudúg uguísi gá búlúgenye Uhaluá wond wɔya áneé: «Uhaluá unyɛ hómohómue ɔlɔŋ naánanɔ.»
Idényi uguá Gimbi giá beédébi bá Klístus
26Beliméen, giagɛ igiɛ́ dígódionu áneé dial? Uguá ginɛŋ igiɛ́ núsebídidid, ɔbɔ bélélenye, bómodi béhuínyihuinye, ebéné bádambuna, bómodi bɔ́ya na megélígélíe ɔmɔɔ́ bádiálinsan, bódodi bánúsalunan Nsɔ́m yaáguɔ́: Muand umugányɛ gidigid múégígenin gimbi giánɔ ɔmbɔ́g gá gúnínan. 27Dimɛ́d gá gálgal na megélígélíe ɔmɔɔ́ bádiálinsan, ánaá, báandɛ ugúnya ana gueg bádádɔ bágálgal, sig mɔndɔ gá giég ginɛŋ, omódi unúsalunan ubuɔ́ bɔ́yɔnɔ́. 28Mɔndɔ úmádibá wa saluna ubuɔ́ bɔ́yɔnɔ́, ánaá sig mɔndɔ uguɔ́b uguá ɔlɔŋ uhádan gugálgal ugelu ugumɔn uguá gimbi giá beédébi, ánaá úbígálgalɛn wond ugálgal gá Uhaluá. 29Mmába hana gá bebunebúné, báandɛ, ugúnya ana bádádɔ bámágálgal, obólbóndeé bɔ́bídɔ́lígɔn gá saluna. 30Odoódi gɔg unyaá wa bá dugumine, Uhaluá úmádambunɛn yɔ́ nsɔ́m, ánaá wa busió ugálgalaá uhádan. 31Gá giagiá, banuá gidigid uguá ɔlɔŋ núnyɛ nua gual mpuán ya bubunebúné, sig mɔndɔ uguég guá ginɛŋ. Anagányɛ, búéhuínyihuinye búond búásigan mɔndɔ gidigid 32Ebunebúné, weégimbe bileénde biá bubunebúné ubuɔ́ úgódiónu, 33gá giagiá Uhaluá udibá Uhaluá wa mbuŋímbuŋíe, gɔgaá, unyɛ Uhaluá uháganɔ́ bumbénu. Bilɔŋ bímomi, uguá bimbi biá bidányɛdányɛ gidigid, 34bagándɔ abánya uguá bimbi biá beédébi, bógódi áneé báhádan, gá giagiá bódigódi bugaga buá gálgal. Bábia giɔ́bína haná búnya ubúɔ́ŋɔ́n uguá gigodi. 35Bámábaŋa guhɔ́nhɔn, ánaá bóhón banɛ́m bɔ́b mbánan agá nihiá, gá giagiá búnyɛ ɔduá gunɔ́h áneé ugándɔ ugálgal uguá gimbi giá beédébi. 36Nugálɔ nuá Uhaluá númólín gibéyi giánɔ a? Ugúnya ana banuá pɛ́ŋ numaágíndígɛ́n nuɔ́ a? 37Mɔndɔ úmégedenye áneé unyɛ ebunebúné ugúnya ana gileénde gígíéndenyeé yɔ́, ulinsan áneé, ubuɔ́ nnuɔ́ŋɔ́naá, búnyɛ gibídína giá Ɔgúná. 38Úmádilinsan gɔg buɔ́ nɔ́, nudigɔ́l gisigɛl neéneg. 39Beliméen, anagányɛ, númánuma niída niá dúmbenye mpuán ya bubunebúné, nudienyényé gugálgal megélígélíe ɔmɔɔ́ bádiálinsan. 40Ánaá gɔg buand gidigid búbíala uguá beseé naá uguá gindényé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល