1 Kɔlɛŋɛtiɛ́ŋ 12
12
Nubue nuá Gileénde giá Budányɛ
1Ndɔ́gɔn gɔg dián buand ubúnya gá mpuán ya Gileénde giá Budányɛ. Beliméen, ndiáguamba áneé nuanyanyɛ buand. 2Nuálinsan áneé uguá ginɛŋ igiɛ́ númabá numanyɛ bindiádába, numesébídúdúle gá guídanɛn uguá bindigálída biá biaŋana. 3Buand buáguɔ́ yámbanɔ́ gunúdambunɛn buɔ́. Ginɛŋ igiɛ́ mɔndɔ ugálgalaá na buŋaŋa buá Gileénde giá Uhaluá, udibá wa guɔyɛd áneé: «Yésuse unyɛ na gilɔm.» Gúu súsɔ́n ta mɔndɔ údiábá wa guɔyɛd áneé «Yésuse unyɛ Ɔgúna» úmádibia Gileénde giá Budányɛ. 4Mpuán siá magɔg sínyɛ manamanyá, Gɔgaá, búnyɛ Gileénde giáguɔ́ gímomi, 5Masɔ́m mányɛ manamanyá, gɔgaá, búnyɛ Ɔgúná waáguɔ́ omoómi. 6Melélíe mányɛ manamanyá gɔgaá búnyɛ Uhaluá omoómi úwalanɔ́ mɔ́ gidigid uguá mɔndɔ gidigid. 7Gileénde giá Budányɛ gíéguéŋen sig mɔndɔ még melélíe gá busió buá beseé wa mɔndɔ gidigid. 8Gileénde gíéguéŋen mɔndɔ omodi dugálɔ duá nugedie, gíéŋen omodi nulinsa, uguá bilɔŋ biá Gileénde giáguɔ, 9Gileénde giá Budányɛ giáguɔ gímomi giɛ́ gíéŋeneé mɔndɔ omodi giandá giá guágɔdɛ́m, gíéneéŋín sɔ́gá omodi mpuán ya magɔg gá guóndúgonye banúmanuma. 10Sɔ́gá omodi gíéŋin yɔ́ buŋaŋa buá guala biseyi, unó gíéneéŋín yɔ́ buŋaŋa buá dambuna Nugálɔ unuólonineé agá Uhaluá. Gíéŋin andá sɔ́gá omodi buŋaŋa buá saluna bileénde, omodi gíéŋin yɔ́ gugálgal guá megélígélíe modódi, gá yib gíéneéŋín mɔndɔ omodi buŋaŋa buá dúmbenye duɔ́. 11Búnyɛ Gileénde giá Budányɛ giáguɔ́ táŋ gímomi gíɛ gíálanɔ́ muand umugányɛ gidigid. Gíéguéŋen sig mɔndɔ buég budáŋ, gíáguaba muɔ́ agá hɔɔ́m ɔhɔɔ́ gíɔ́yɔnɔ́ áneé múba.
Giod giá maláŋ gá nuɔ́l númomi
12Ɛɛ́ɛ, ánaá digɔ́l gɔg nulinsa gá nuɔ́l nuásɔ nuá bandɔ, núnyɛ táŋ númoni, gúu núgódionu maláŋ giod, ta hana mánya giod anagányɛ, búnyɛ nuɔ́l táŋ númomi, nɔ́ búnya súsɔ́n gɔg gá Klístus. 13Gá giagiá, basuá gidigid dimebíyúményé uguá Gileénde gímomi naá uguá nuɔ́l númomi, ta bandɔ abádiabá bayúdɛn, ta bayúdɛn ta biɔ́lɛ, ugúnya ana abádiabá biɔ́lɛ, dimabíhuán bem wasɔ uguá Gileénde gímomi. 14Nuɔ́l núdíba gɔg unuluŋánɔ na buláŋ búmomi, gɔgaá mányɛ giod. 15Kasɛ́ nugɔ́nd númɔ́yɛd áneé ndibá ɔmbɔ́g, ndiɔ́guɔ́bɔnɛn na nuɔ́l núgébídúgún uguá nuɔ́l a? 16Odú húmɔyɛ́d áneé ndibá niís, ndiɔ́guɔ́bɔ́nɛn na nuɔ́l húbídúgún gɔg uguá nuɔ́l a? 17Mmába gúu nuɔ́l gidigid núnya pɛ́ŋ áneé niís, odú húábá hanyɛ? Nuámábá pɛ́ŋ áneé odú, ohún húábá hanyɛ? 18Uhaluá umaágán gɔg maláŋ má nuɔ́l agá hɔɔ́m ɔhɔɔ́ úmuanyɛ mbánan úmɔyá guágan muɔ́. 19Búámábá áneé buá gidigid búnyɛ buláŋ búmomi, nuɔ́l núbá hanyɛ gɔg? 20Maláŋ mányɛ gɔg giod gá nuɔ́l táŋ númomi. 21Niís nídibá niá guɔyidɛn ɔmbɔ́g áneé: «Ndibá nsan naánahɔ.» Ta ɔduá húdibá huá guɔyidɛn nugɔ́nd áneé: «Ndiábá nsan naánahɔ.» 22Gúu súsɔ́n maláŋ má nuɔ́l ɔmɔɔ́ díananaá áneé mányɛ bugué mógódi indig siɔ́b. 23Ɔmɔɔ́ dídiɔya giod mɔɔ́ dihándanɔ́ gudɔ́mb omólmóndeé, ɔmɔɔ́ dídiɔya guomon dihínenye mɔ́ haná búnigímananaá. 24Bibéyi biásɔ biá duɔ́l ibiɛ́ bánanaá, bídibá na buónyi buá gɔ́lɔn biɛ́ uguá udényi, gúu Uhaluá úmálúŋá nuɔ́l uweéŋen maláŋ ɔmɔɔ́ dídiɔ́gɔ́lɔ́n hana buand buá nigúmi, 25gá gueleé nuɔ́l núdibia nsala, gɔgaá mɔ́bɔnɛn mámuanyɛ na mámuanyɛ. 26Mmába buláŋ búmomi búɔ́guɔ́bígɔn, maláŋ mem mɔ́guɔ́bígɔn ɔlɔŋ, buláŋ búmodi búmábá uguá beseé maláŋ mem méfunde. 27Núnyɛ gɔg nuɔ́l nuá Klístus, gúu sig mɔndɔ únya buláŋ buég. 28Gúu gɔg, bandɔ ɔbɔɔ́ Uhaluá úmedélímínyé uguá Bimbi biá beédébi bánya áneé: «Bá busió medenyi, bá gáandɛ bebunebúné, bá gádádɔ behuínyihuínyi, egélém agányɛ beseyiséyi, obóndúgónyinyeé bɔ́sidɔ́bígɔ́n, andá bandɔ obógódionu bugaga buá gígenin bɔsɔ́gá ɔmbɔ́g ugúnya ana guendenye bɔ́ na mpuán ya magɔg gá gálgal megélígélíe.» 29Bem wɔb bányɛ medenyi a? Bem bányɛ bebunebúné a? Bem bányɛ behuínyihuínyi a? Bem bányɛ beseyiséyi a? 30Bem bógódi bugaga buá guóndúgonyinyeé a? Bámuanyɛ bem bágálgal megélígélíe módodi a? Bámuanyɛ bem bádambuna a? 31Ámbánánɔ gɔg gubia mpuán siá magɔg isínya beseé! Dabdab gɔg nnúdíye ŋŋil ya beseé idúmbanaá isíólsíóndeé.
ទើបបានជ្រើសរើសហើយ៖
1 Kɔlɛŋɛtiɛ́ŋ 12: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 12
12
Nubue nuá Gileénde giá Budányɛ
1Ndɔ́gɔn gɔg dián buand ubúnya gá mpuán ya Gileénde giá Budányɛ. Beliméen, ndiáguamba áneé nuanyanyɛ buand. 2Nuálinsan áneé uguá ginɛŋ igiɛ́ númabá numanyɛ bindiádába, numesébídúdúle gá guídanɛn uguá bindigálída biá biaŋana. 3Buand buáguɔ́ yámbanɔ́ gunúdambunɛn buɔ́. Ginɛŋ igiɛ́ mɔndɔ ugálgalaá na buŋaŋa buá Gileénde giá Uhaluá, udibá wa guɔyɛd áneé: «Yésuse unyɛ na gilɔm.» Gúu súsɔ́n ta mɔndɔ údiábá wa guɔyɛd áneé «Yésuse unyɛ Ɔgúna» úmádibia Gileénde giá Budányɛ. 4Mpuán siá magɔg sínyɛ manamanyá, Gɔgaá, búnyɛ Gileénde giáguɔ́ gímomi, 5Masɔ́m mányɛ manamanyá, gɔgaá, búnyɛ Ɔgúná waáguɔ́ omoómi. 6Melélíe mányɛ manamanyá gɔgaá búnyɛ Uhaluá omoómi úwalanɔ́ mɔ́ gidigid uguá mɔndɔ gidigid. 7Gileénde giá Budányɛ gíéguéŋen sig mɔndɔ még melélíe gá busió buá beseé wa mɔndɔ gidigid. 8Gileénde gíéguéŋen mɔndɔ omodi dugálɔ duá nugedie, gíéŋen omodi nulinsa, uguá bilɔŋ biá Gileénde giáguɔ, 9Gileénde giá Budányɛ giáguɔ gímomi giɛ́ gíéŋeneé mɔndɔ omodi giandá giá guágɔdɛ́m, gíéneéŋín sɔ́gá omodi mpuán ya magɔg gá guóndúgonye banúmanuma. 10Sɔ́gá omodi gíéŋin yɔ́ buŋaŋa buá guala biseyi, unó gíéneéŋín yɔ́ buŋaŋa buá dambuna Nugálɔ unuólonineé agá Uhaluá. Gíéŋin andá sɔ́gá omodi buŋaŋa buá saluna bileénde, omodi gíéŋin yɔ́ gugálgal guá megélígélíe modódi, gá yib gíéneéŋín mɔndɔ omodi buŋaŋa buá dúmbenye duɔ́. 11Búnyɛ Gileénde giá Budányɛ giáguɔ́ táŋ gímomi gíɛ gíálanɔ́ muand umugányɛ gidigid. Gíéguéŋen sig mɔndɔ buég budáŋ, gíáguaba muɔ́ agá hɔɔ́m ɔhɔɔ́ gíɔ́yɔnɔ́ áneé múba.
Giod giá maláŋ gá nuɔ́l númomi
12Ɛɛ́ɛ, ánaá digɔ́l gɔg nulinsa gá nuɔ́l nuásɔ nuá bandɔ, núnyɛ táŋ númoni, gúu núgódionu maláŋ giod, ta hana mánya giod anagányɛ, búnyɛ nuɔ́l táŋ númomi, nɔ́ búnya súsɔ́n gɔg gá Klístus. 13Gá giagiá, basuá gidigid dimebíyúményé uguá Gileénde gímomi naá uguá nuɔ́l númomi, ta bandɔ abádiabá bayúdɛn, ta bayúdɛn ta biɔ́lɛ, ugúnya ana abádiabá biɔ́lɛ, dimabíhuán bem wasɔ uguá Gileénde gímomi. 14Nuɔ́l núdíba gɔg unuluŋánɔ na buláŋ búmomi, gɔgaá mányɛ giod. 15Kasɛ́ nugɔ́nd númɔ́yɛd áneé ndibá ɔmbɔ́g, ndiɔ́guɔ́bɔnɛn na nuɔ́l núgébídúgún uguá nuɔ́l a? 16Odú húmɔyɛ́d áneé ndibá niís, ndiɔ́guɔ́bɔ́nɛn na nuɔ́l húbídúgún gɔg uguá nuɔ́l a? 17Mmába gúu nuɔ́l gidigid núnya pɛ́ŋ áneé niís, odú húábá hanyɛ? Nuámábá pɛ́ŋ áneé odú, ohún húábá hanyɛ? 18Uhaluá umaágán gɔg maláŋ má nuɔ́l agá hɔɔ́m ɔhɔɔ́ úmuanyɛ mbánan úmɔyá guágan muɔ́. 19Búámábá áneé buá gidigid búnyɛ buláŋ búmomi, nuɔ́l núbá hanyɛ gɔg? 20Maláŋ mányɛ gɔg giod gá nuɔ́l táŋ númomi. 21Niís nídibá niá guɔyidɛn ɔmbɔ́g áneé: «Ndibá nsan naánahɔ.» Ta ɔduá húdibá huá guɔyidɛn nugɔ́nd áneé: «Ndiábá nsan naánahɔ.» 22Gúu súsɔ́n maláŋ má nuɔ́l ɔmɔɔ́ díananaá áneé mányɛ bugué mógódi indig siɔ́b. 23Ɔmɔɔ́ dídiɔya giod mɔɔ́ dihándanɔ́ gudɔ́mb omólmóndeé, ɔmɔɔ́ dídiɔya guomon dihínenye mɔ́ haná búnigímananaá. 24Bibéyi biásɔ biá duɔ́l ibiɛ́ bánanaá, bídibá na buónyi buá gɔ́lɔn biɛ́ uguá udényi, gúu Uhaluá úmálúŋá nuɔ́l uweéŋen maláŋ ɔmɔɔ́ dídiɔ́gɔ́lɔ́n hana buand buá nigúmi, 25gá gueleé nuɔ́l núdibia nsala, gɔgaá mɔ́bɔnɛn mámuanyɛ na mámuanyɛ. 26Mmába buláŋ búmomi búɔ́guɔ́bígɔn, maláŋ mem mɔ́guɔ́bígɔn ɔlɔŋ, buláŋ búmodi búmábá uguá beseé maláŋ mem méfunde. 27Núnyɛ gɔg nuɔ́l nuá Klístus, gúu sig mɔndɔ únya buláŋ buég. 28Gúu gɔg, bandɔ ɔbɔɔ́ Uhaluá úmedélímínyé uguá Bimbi biá beédébi bánya áneé: «Bá busió medenyi, bá gáandɛ bebunebúné, bá gádádɔ behuínyihuínyi, egélém agányɛ beseyiséyi, obóndúgónyinyeé bɔ́sidɔ́bígɔ́n, andá bandɔ obógódionu bugaga buá gígenin bɔsɔ́gá ɔmbɔ́g ugúnya ana guendenye bɔ́ na mpuán ya magɔg gá gálgal megélígélíe.» 29Bem wɔb bányɛ medenyi a? Bem bányɛ bebunebúné a? Bem bányɛ behuínyihuínyi a? Bem bányɛ beseyiséyi a? 30Bem bógódi bugaga buá guóndúgonyinyeé a? Bámuanyɛ bem bágálgal megélígélíe módodi a? Bámuanyɛ bem bádambuna a? 31Ámbánánɔ gɔg gubia mpuán siá magɔg isínya beseé! Dabdab gɔg nnúdíye ŋŋil ya beseé idúmbanaá isíólsíóndeé.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល