1 Kɔlɛŋɛtiɛ́ŋ 11
11
Nibílaŋa niá ugándɔ na ɔnúmɔndɔ buɔ́sɛ buá mbísógóli
1Mbígélídényénénu hana yaŋuá mbígedenyeé Klístus.
Na ɔnúmɔndɔ na ugándɔ agá busió buá Ɔgúná
2Yeénúhínenye giod hana numbídúmenyeé uguá binɛŋ bim ibiɛ́ núságuádán, na haná núgimbenú gibídína igiɛ́ mmánúhuá. 3Gúu yámbanɔ́ áneé nulɛns buɔ́ áneé: Klístus únyaá ɔduá huá mɔndɔ gidigid, ɔnúmɔndɔ ɔduá huá ugándɔ, Uhaluá ɔduá huá Klístus. 4Ɔnúmɔndɔ gidigid ubísógólonyeé ugúnya ana ugálgalaá uguá ɔhɛ́n huá Uhaluá na ibɔd uguá ɔduá ugányɛ udiébúlúgenye ofuŋ huég, 5ugándɔ ubísógólonyeé agá gimbi giá bandɔ, ugúnya ana ugálgal uguá ɔhɛ́n huá Uhaluá kendebíhúg ɔduá udiébúlúgenye ofuŋ huég. Búnyɛ hana unyɛ ɔduá uhúmuán. 6Ugándɔ úmédibíhúg ɔduá ánaá ubímua. Búmabá gɔg ɔduá gunɔ́h gá ugándɔ áneé ubímua ugúnya ana ubígádúna ŋŋíde, ubíág gɔg ubíhúg ɔduá. 7Ɔnúmɔndɔ udigódi áneé ubíagan ibɔd, gá giagiá unyɛ gineéŋun na nigúmi niá Uhaluá. Ugándɔ unyɛ nigúmi niá ɔnúmɔndɔ. 8Ɛɛ́ɛ, Uhaluá umasálɔŋ ɔnúmɔndɔ na mmegu ya ugándɔ, gɔgaá umaŋán ugándɔ na mmegú ya ɔnúmɔndɔ. 9Gúu súsɔ́n, Uhaluá úmádiaŋán ɔnúmɔndɔ gá busió buá ugándɔ, gɔgaá umaŋán ugándɔ gá busió buá ɔnúmɔndɔ. 10Buand buáguɔ́ ugándɔ ugódionu áneé ubíagan gilɛns uguá ɔduá gá busió buá bilúna gá díye buŋaŋa buég. 11Henyé gɔg áneé, agá busió buá Ɔgúná bádiadándúna na ugándɔ na ɔnúmɔndɔ. 12Gá giagiá bámaŋán ugándɔ na mmegu ya ɔnúmɔndɔ, gúu mɔndɔ ubíbíénenú uguá ugándɔ. Buá gidigid búóguólonin gɔg agá Uhaluá. 13Bíyígánánɔ buɔ́ banuá mbánan, kásɛ búnyɛ beseé áneé ugándɔ ubísógólonyeé Uhaluá ɔduá gudɔɔ́ a? 14Guɔ́m mbánan gúdiénúhuínyihuínyɛ áneé búnyɛ ɔduá gunɔ́h na ɔnúmɔndɔ unihinanaá ŋŋíde yɔɔ́ŋɛlɛlɛ a? 15Búnyɛ gɔg nigúmi niá ugándɔ gá giagiá béméŋín yɔ́ ŋŋíde yɔɔ́ŋɛlɛlɛ niaŋ niá ntɔ́m. 16Mmába gɔg mɔndɔ omodi umanyɛ gá guágan nségíe búábíyigan yɔ́, basuá didigódi bilɔŋ ibíganyɛ, ta Bimbi biá Beédébi biá Uhaluá.
Gunyá guá Ɔgúná
17Haná nnúɔyɔnaá bigua biánɔ, ndigódi áneé nnúhínenye, bigɔ́s biánɔ gɔg bíanúala gilɔg gudɔ́mb beseé uyɔɔ́ bígódiónú áneé bínúala. 18Buand buá busió masalasala mányɛ uguánɔ́ guá bimbi biá nigúsa. Bɔ́mɔŋɔyídɛ́n buɔ́ gúu yádáabanaá áneé búnyɛ nɔ́. 19Bunyɛ andá beseé mbánan áneé masalasala bá uguánɔ́ guá ɔlɔŋ gá guán bandɔ abádiabá báguɛn uguá yɔɔ́bídɛ́n hiá guɔ́. 20Uguá ginɛŋ igiɛ́ núsábígúsígan banuá bem, búdibá gunyá guá búlada buá Ɔgúná núnyánanaá. 21Gá giagiá uguá ginɛŋ giá gunyá, sig mɔndɔ waábagadbagad gá gɔ́l gunyá guég mbánan uguɔ́ usóguól na guɔ́, henyé nsan yaánúma sɔ́gá omodi, omodi usámana búmán magɛ́b. 22Nudibá na duhiá duá nyánan nubíhuán hɔ́ a? Ugúnya ana nuásíŋa Gimbi giá beédébi bá Klístus bá Uhaluá a? Nuond nusédenye abádiabianan a? Nnúɔyidɛn gɔg áneé giagɛ? Nnúhínenye gá buɔ́ mbuen? Bibán, ndibúsíe ndibá wa núhínídie gá buɔ́ 23Gá guámɛ, mmenúdúmbínyé buand ubuɔ́ mmábia gá melélíe má Ɔgúná. Uguá budúg ubuɔ́ bómógio yɔ́, Ɔgúná Yésuse uwɔgɔ́l gilɛ́d, 24egélém gá guéŋin Síe giod giá mbíyigie, uwabáyɛ giɛ́, úmuanyɛ áneé: «Ubuɔ búbúnya nuɔ́l nuámɛ unúnya unusílígánɔ gánɔ gá busió, alánánɔ buɔ́ gá mbídúmenye.» 25Egélém gá gunyá, uwal nɔ́ bilɔŋ bímomi na gibólé giá magɛ́b, úmuanyɛ áneé: «Gibólé giá magɛ́b igiɛ búnyɛ giŋɔ́nsa giá nigál igínya na manɔ́ŋ mámɛ. Ginɛŋ gidigid igiɛ́ núnya nua síen núbíhuán, alánánɔ buɔ́ gá mbídúmenye.» 26Gúu búnya gɔg áneé: uguá ginɛŋ gidigid igiɛ́ núnyánanaá gilɛ́d, nuond nubíhuán gibólé giá magɛ́b igiɛ, núódógonye nigué niá Ɔgúná gueneg hana wónónduguólé. 27Buand buáguɔ́, uwanányánanaá gilɛ́d ugúnya ana ubíhuán gibólé giá Ɔgúná na dufán, wanábídɔ́d gá nuɔ́l na manɔ́ŋ má Ɔgúná. 28Ánaá sig mɔndɔ ubíyɔŋimɛn nusɔ́da nuég ubádanyá gilɛ́d na bíhuá gibólé igiɛ. 29Gá giagiá unyánanaá wond ubíhuán kandalinsa áneé búnyɛ nuɔ́l na manɔ́ŋ má Ɔgúná, umabídɔ́d úmuanyɛ mbánan. 30Buand buáguɔ́, giod giá banúmanuma na bióŋi gínya uguánɔ guá ɔlɔŋ, giod igíéménéguén. 31Dimɔbíyɔ́ŋímɔ́n nusɔ́da nuásɔ basuá mbánan bédienédígélenye. 32Ɔgúná weédífudenye wond udínúbe gá gueleé didibá uguá nusésényi na bandɔ bá guísi. 33Beliméen, númédugumen ɔlɔŋ gá nyánan, nugíganɛn. 34Mmába nsan yaánúma mɔndɔ, ánaá únyánan egég gá nihiá, gá gueleé nudianábígúsa gá gifudie. Gá ŋŋóhúnín isíólsíóndeé, yánáŋanan siɛ́ yenémésieg uguánɔ uguɔ́g.
ទើបបានជ្រើសរើសហើយ៖
1 Kɔlɛŋɛtiɛ́ŋ 11: EKM
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
1 Kɔlɛŋɛtiɛ́ŋ 11
11
Nibílaŋa niá ugándɔ na ɔnúmɔndɔ buɔ́sɛ buá mbísógóli
1Mbígélídényénénu hana yaŋuá mbígedenyeé Klístus.
Na ɔnúmɔndɔ na ugándɔ agá busió buá Ɔgúná
2Yeénúhínenye giod hana numbídúmenyeé uguá binɛŋ bim ibiɛ́ núságuádán, na haná núgimbenú gibídína igiɛ́ mmánúhuá. 3Gúu yámbanɔ́ áneé nulɛns buɔ́ áneé: Klístus únyaá ɔduá huá mɔndɔ gidigid, ɔnúmɔndɔ ɔduá huá ugándɔ, Uhaluá ɔduá huá Klístus. 4Ɔnúmɔndɔ gidigid ubísógólonyeé ugúnya ana ugálgalaá uguá ɔhɛ́n huá Uhaluá na ibɔd uguá ɔduá ugányɛ udiébúlúgenye ofuŋ huég, 5ugándɔ ubísógólonyeé agá gimbi giá bandɔ, ugúnya ana ugálgal uguá ɔhɛ́n huá Uhaluá kendebíhúg ɔduá udiébúlúgenye ofuŋ huég. Búnyɛ hana unyɛ ɔduá uhúmuán. 6Ugándɔ úmédibíhúg ɔduá ánaá ubímua. Búmabá gɔg ɔduá gunɔ́h gá ugándɔ áneé ubímua ugúnya ana ubígádúna ŋŋíde, ubíág gɔg ubíhúg ɔduá. 7Ɔnúmɔndɔ udigódi áneé ubíagan ibɔd, gá giagiá unyɛ gineéŋun na nigúmi niá Uhaluá. Ugándɔ unyɛ nigúmi niá ɔnúmɔndɔ. 8Ɛɛ́ɛ, Uhaluá umasálɔŋ ɔnúmɔndɔ na mmegu ya ugándɔ, gɔgaá umaŋán ugándɔ na mmegú ya ɔnúmɔndɔ. 9Gúu súsɔ́n, Uhaluá úmádiaŋán ɔnúmɔndɔ gá busió buá ugándɔ, gɔgaá umaŋán ugándɔ gá busió buá ɔnúmɔndɔ. 10Buand buáguɔ́ ugándɔ ugódionu áneé ubíagan gilɛns uguá ɔduá gá busió buá bilúna gá díye buŋaŋa buég. 11Henyé gɔg áneé, agá busió buá Ɔgúná bádiadándúna na ugándɔ na ɔnúmɔndɔ. 12Gá giagiá bámaŋán ugándɔ na mmegu ya ɔnúmɔndɔ, gúu mɔndɔ ubíbíénenú uguá ugándɔ. Buá gidigid búóguólonin gɔg agá Uhaluá. 13Bíyígánánɔ buɔ́ banuá mbánan, kásɛ búnyɛ beseé áneé ugándɔ ubísógólonyeé Uhaluá ɔduá gudɔɔ́ a? 14Guɔ́m mbánan gúdiénúhuínyihuínyɛ áneé búnyɛ ɔduá gunɔ́h na ɔnúmɔndɔ unihinanaá ŋŋíde yɔɔ́ŋɛlɛlɛ a? 15Búnyɛ gɔg nigúmi niá ugándɔ gá giagiá béméŋín yɔ́ ŋŋíde yɔɔ́ŋɛlɛlɛ niaŋ niá ntɔ́m. 16Mmába gɔg mɔndɔ omodi umanyɛ gá guágan nségíe búábíyigan yɔ́, basuá didigódi bilɔŋ ibíganyɛ, ta Bimbi biá Beédébi biá Uhaluá.
Gunyá guá Ɔgúná
17Haná nnúɔyɔnaá bigua biánɔ, ndigódi áneé nnúhínenye, bigɔ́s biánɔ gɔg bíanúala gilɔg gudɔ́mb beseé uyɔɔ́ bígódiónú áneé bínúala. 18Buand buá busió masalasala mányɛ uguánɔ́ guá bimbi biá nigúsa. Bɔ́mɔŋɔyídɛ́n buɔ́ gúu yádáabanaá áneé búnyɛ nɔ́. 19Bunyɛ andá beseé mbánan áneé masalasala bá uguánɔ́ guá ɔlɔŋ gá guán bandɔ abádiabá báguɛn uguá yɔɔ́bídɛ́n hiá guɔ́. 20Uguá ginɛŋ igiɛ́ núsábígúsígan banuá bem, búdibá gunyá guá búlada buá Ɔgúná núnyánanaá. 21Gá giagiá uguá ginɛŋ giá gunyá, sig mɔndɔ waábagadbagad gá gɔ́l gunyá guég mbánan uguɔ́ usóguól na guɔ́, henyé nsan yaánúma sɔ́gá omodi, omodi usámana búmán magɛ́b. 22Nudibá na duhiá duá nyánan nubíhuán hɔ́ a? Ugúnya ana nuásíŋa Gimbi giá beédébi bá Klístus bá Uhaluá a? Nuond nusédenye abádiabianan a? Nnúɔyidɛn gɔg áneé giagɛ? Nnúhínenye gá buɔ́ mbuen? Bibán, ndibúsíe ndibá wa núhínídie gá buɔ́ 23Gá guámɛ, mmenúdúmbínyé buand ubuɔ́ mmábia gá melélíe má Ɔgúná. Uguá budúg ubuɔ́ bómógio yɔ́, Ɔgúná Yésuse uwɔgɔ́l gilɛ́d, 24egélém gá guéŋin Síe giod giá mbíyigie, uwabáyɛ giɛ́, úmuanyɛ áneé: «Ubuɔ búbúnya nuɔ́l nuámɛ unúnya unusílígánɔ gánɔ gá busió, alánánɔ buɔ́ gá mbídúmenye.» 25Egélém gá gunyá, uwal nɔ́ bilɔŋ bímomi na gibólé giá magɛ́b, úmuanyɛ áneé: «Gibólé giá magɛ́b igiɛ búnyɛ giŋɔ́nsa giá nigál igínya na manɔ́ŋ mámɛ. Ginɛŋ gidigid igiɛ́ núnya nua síen núbíhuán, alánánɔ buɔ́ gá mbídúmenye.» 26Gúu búnya gɔg áneé: uguá ginɛŋ gidigid igiɛ́ núnyánanaá gilɛ́d, nuond nubíhuán gibólé giá magɛ́b igiɛ, núódógonye nigué niá Ɔgúná gueneg hana wónónduguólé. 27Buand buáguɔ́, uwanányánanaá gilɛ́d ugúnya ana ubíhuán gibólé giá Ɔgúná na dufán, wanábídɔ́d gá nuɔ́l na manɔ́ŋ má Ɔgúná. 28Ánaá sig mɔndɔ ubíyɔŋimɛn nusɔ́da nuég ubádanyá gilɛ́d na bíhuá gibólé igiɛ. 29Gá giagiá unyánanaá wond ubíhuán kandalinsa áneé búnyɛ nuɔ́l na manɔ́ŋ má Ɔgúná, umabídɔ́d úmuanyɛ mbánan. 30Buand buáguɔ́, giod giá banúmanuma na bióŋi gínya uguánɔ guá ɔlɔŋ, giod igíéménéguén. 31Dimɔbíyɔ́ŋímɔ́n nusɔ́da nuásɔ basuá mbánan bédienédígélenye. 32Ɔgúná weédífudenye wond udínúbe gá gueleé didibá uguá nusésényi na bandɔ bá guísi. 33Beliméen, númédugumen ɔlɔŋ gá nyánan, nugíganɛn. 34Mmába nsan yaánúma mɔndɔ, ánaá únyánan egég gá nihiá, gá gueleé nudianábígúsa gá gifudie. Gá ŋŋóhúnín isíólsíóndeé, yánáŋanan siɛ́ yenémésieg uguánɔ uguɔ́g.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល