Oyohana 20
20
Oyesu Nyiso Amiri
1Eno kikyikyo ko obize, ogwogwutogwu, Omeremu bwagye ko Omagadali bose ga amiri kweyi oma ayo okpo ja gokoka. 2Ebeni okwikye kpenya ga to Osimo Obitrus kpo oyole oye ni Oyesu ya yimu ni kweyi kamo, <<Aya Adole yi bize sha amiri, aha gye ebe ni ayo ta anu ni lo!>>
3Ebeni Obitrus kpo oyole oye oni bose gebe ka amiri. 4Kpiri wa bose kpenya, oyole oye ni nyinya gwo Obitrus ta kweyi fa amiri kwobonu danu. 5Oweyi kweyi shoko, omo opa shagye, oke gipu lo. 6Ebeni Obitrus ni yitikpi ni wa kweyi wa gipu ka amiri. Omo opa ngmongma shagye, 7ki kpiyo ni ayi lokwu ko Oyesu ikweyi ni. Iyo ni kyokye abiyinu shagye gogo kpo opa. 8Ogwejeji nu, oyole ni kwobonu do Obitrus gebe ka amiri ni, wa gipu mamani. Oma kweyi ototu so. 9Kwikyikyeni agyikweyi koza ni okpa ka mo Oyesu ya nyiso amiri ni lo.
Oyesu Bose do Omeremu ko Omagadali
10Ebeni ayole ko Oyesu mani kwikye gole wa, 11Omeremu ke hagye ese ka amiri ya kyegba. Ni oya kyegba ni, oweyi kwagye ya shoko ma amiri, 12oma ayoleho epa shoshiye nehe bagye ebe ni okwu ko Oyesu yanu ni, oye yagye ebe kikweyi nu, oye yagye ebe kikpo nu.
13Ado oka mo, <<Onya, oji yo ya kyegba?>>
Okamo, <<Ayo okwu ka Adole hin yi bize, kweyi nggyebe ni ayo tanu ni lo.>> 14Ebebeni opyiyi kweyi omo Oyesu hagye, oke gye mowo Oyesu lo.
15Okamo, <<Onya, oji yo ya kyegba? Anoho ni oya tikpo?>>
Oya ma byawino yiyi kweho la, kweyi okamo, <<Adole, owoni awo pi yo bize la, ka dami ebe ni oyo tanu ni, shini na ga zo.>>
16Oyesu yogwu mo, <<Omeremu!>> Ebeni opyiyi kweyi ngmegba okwunu ki Ibru mo, <<Oraboni>> asenu wo <<Inofoza!>>
17Oyesu kamo, <<Ka byun lo, koni nkwikye gebe ka Ada wa lo. Gebe ka ayole hin ga ka dawa mo, <<Nyya kwikye gebe ka Ada hin, Ada kala; Owuso hin, Owuso kala.>>
18Omeremu ko Omagadali kwikye ga koshu oni dayole mo: <<Ami ma Adole!>> Kweyi oka dawa mo okawela mani danu.
Oyesu Bose da Ayole Nu
19Onose ke eno kikyikyo ko obize, ishini ayole nu wa gbayi ni, ayofunu gwu ikweyi koni aba yoshi ka Ase ko Oyahuda ni, Oyesu wa hagye obutu wa kweyi kamo, <<Omene na yo kpala!>> 20Ishini okela mani kweyi ni oshawa abo kpashikwu nu. Otu kawogboso sha kotata ishini ama Adole ni.
21Oyesu ki ka dawa mo, <<Omene na yo kpala! Byoni Ada tumoleho ni, ami ki ya tala oleho.>> 22Ni oka mani, ogbo olayi tuwa kweyi kamo, <<Ala nyo Omaku ko Owuso. 23Owoni ala yase ozalabi wa na, ayi na oma; owoni ala yuwo ozalabi na lo, ayi na lo.>>
Oyesu Kpo Otoma
24Oye ipu kawi Igwepa, Otoma (ni aba yo ma Apule ni), yo kpayole ishini Oyesu wa ni lo. 25Mani oni ashini kayole ka danu mo, <<Aha ma Adole!>>
Otoma ka dawa mo, <<Owoni nmoyi kabo nu ni bwu ni agwaba kweyi yayabo hin goyi kofo ni ayo ni ki gabo ashikwu nu lalo, nyya kyogwu lo.>>
26Obize oye shigbo, ayole ko Oyesu kpiri bipu kole, kweyi Otoma yo kpawa. Koni ofunu boba ni, Oyesu wa kweyi wa hagye ipu wa kweyi kamo, <<Omene na yo kpala!>> 27Ebeni oka do Otoma mo, <<Yayi kabo wo lebe ni; mabo hin. Nabo wo ta shini ogabo ashikwu hin. Ka kotu lo, totu sun.>>
28Otoma ka danu mo, <<Adole hin kpo Owuso hin!>>
29Ebeni Oyesu ka danu mo, <<Koni omun ni pini ototu sun la; aboneshi yo kpawase ni mun lo kwikyikyeni ake totu sun.>>
Ozani Ya ni Atokpa Mani
30Oyesu yoza kigbashi nwashika obutu kawogboso ni ayita ipu ko okpa mani lo ni. 31Ake yomani ta shini ala totuse mo Oyesu wo Okristi, Oyi ko Owuso, kweyi owoni ala totuso ala ba pyo olayi ipu kiye nu.
ទើបបានជ្រើសរើសហើយ៖
Oyohana 20: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
Oyohana 20
20
Oyesu Nyiso Amiri
1Eno kikyikyo ko obize, ogwogwutogwu, Omeremu bwagye ko Omagadali bose ga amiri kweyi oma ayo okpo ja gokoka. 2Ebeni okwikye kpenya ga to Osimo Obitrus kpo oyole oye ni Oyesu ya yimu ni kweyi kamo, <<Aya Adole yi bize sha amiri, aha gye ebe ni ayo ta anu ni lo!>>
3Ebeni Obitrus kpo oyole oye oni bose gebe ka amiri. 4Kpiri wa bose kpenya, oyole oye ni nyinya gwo Obitrus ta kweyi fa amiri kwobonu danu. 5Oweyi kweyi shoko, omo opa shagye, oke gipu lo. 6Ebeni Obitrus ni yitikpi ni wa kweyi wa gipu ka amiri. Omo opa ngmongma shagye, 7ki kpiyo ni ayi lokwu ko Oyesu ikweyi ni. Iyo ni kyokye abiyinu shagye gogo kpo opa. 8Ogwejeji nu, oyole ni kwobonu do Obitrus gebe ka amiri ni, wa gipu mamani. Oma kweyi ototu so. 9Kwikyikyeni agyikweyi koza ni okpa ka mo Oyesu ya nyiso amiri ni lo.
Oyesu Bose do Omeremu ko Omagadali
10Ebeni ayole ko Oyesu mani kwikye gole wa, 11Omeremu ke hagye ese ka amiri ya kyegba. Ni oya kyegba ni, oweyi kwagye ya shoko ma amiri, 12oma ayoleho epa shoshiye nehe bagye ebe ni okwu ko Oyesu yanu ni, oye yagye ebe kikweyi nu, oye yagye ebe kikpo nu.
13Ado oka mo, <<Onya, oji yo ya kyegba?>>
Okamo, <<Ayo okwu ka Adole hin yi bize, kweyi nggyebe ni ayo tanu ni lo.>> 14Ebebeni opyiyi kweyi omo Oyesu hagye, oke gye mowo Oyesu lo.
15Okamo, <<Onya, oji yo ya kyegba? Anoho ni oya tikpo?>>
Oya ma byawino yiyi kweho la, kweyi okamo, <<Adole, owoni awo pi yo bize la, ka dami ebe ni oyo tanu ni, shini na ga zo.>>
16Oyesu yogwu mo, <<Omeremu!>> Ebeni opyiyi kweyi ngmegba okwunu ki Ibru mo, <<Oraboni>> asenu wo <<Inofoza!>>
17Oyesu kamo, <<Ka byun lo, koni nkwikye gebe ka Ada wa lo. Gebe ka ayole hin ga ka dawa mo, <<Nyya kwikye gebe ka Ada hin, Ada kala; Owuso hin, Owuso kala.>>
18Omeremu ko Omagadali kwikye ga koshu oni dayole mo: <<Ami ma Adole!>> Kweyi oka dawa mo okawela mani danu.
Oyesu Bose da Ayole Nu
19Onose ke eno kikyikyo ko obize, ishini ayole nu wa gbayi ni, ayofunu gwu ikweyi koni aba yoshi ka Ase ko Oyahuda ni, Oyesu wa hagye obutu wa kweyi kamo, <<Omene na yo kpala!>> 20Ishini okela mani kweyi ni oshawa abo kpashikwu nu. Otu kawogboso sha kotata ishini ama Adole ni.
21Oyesu ki ka dawa mo, <<Omene na yo kpala! Byoni Ada tumoleho ni, ami ki ya tala oleho.>> 22Ni oka mani, ogbo olayi tuwa kweyi kamo, <<Ala nyo Omaku ko Owuso. 23Owoni ala yase ozalabi wa na, ayi na oma; owoni ala yuwo ozalabi na lo, ayi na lo.>>
Oyesu Kpo Otoma
24Oye ipu kawi Igwepa, Otoma (ni aba yo ma Apule ni), yo kpayole ishini Oyesu wa ni lo. 25Mani oni ashini kayole ka danu mo, <<Aha ma Adole!>>
Otoma ka dawa mo, <<Owoni nmoyi kabo nu ni bwu ni agwaba kweyi yayabo hin goyi kofo ni ayo ni ki gabo ashikwu nu lalo, nyya kyogwu lo.>>
26Obize oye shigbo, ayole ko Oyesu kpiri bipu kole, kweyi Otoma yo kpawa. Koni ofunu boba ni, Oyesu wa kweyi wa hagye ipu wa kweyi kamo, <<Omene na yo kpala!>> 27Ebeni oka do Otoma mo, <<Yayi kabo wo lebe ni; mabo hin. Nabo wo ta shini ogabo ashikwu hin. Ka kotu lo, totu sun.>>
28Otoma ka danu mo, <<Adole hin kpo Owuso hin!>>
29Ebeni Oyesu ka danu mo, <<Koni omun ni pini ototu sun la; aboneshi yo kpawase ni mun lo kwikyikyeni ake totu sun.>>
Ozani Ya ni Atokpa Mani
30Oyesu yoza kigbashi nwashika obutu kawogboso ni ayita ipu ko okpa mani lo ni. 31Ake yomani ta shini ala totuse mo Oyesu wo Okristi, Oyi ko Owuso, kweyi owoni ala totuso ala ba pyo olayi ipu kiye nu.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA