Oyohana 19
19
Akwo Oyesu Epwo ko yo Poshi
1Ebeni Obilatus yuwa yo Oyesu aboshi. 2Awadakare gweka kigye likweyi. Akpo oshiye inyi kogarura shoko 3kweyi ba gobutu nu ba kamo, <<Abaga edu, ose ka Ase ko Oyahuda!>> Kweyi alabo akpaha.
4Obilatus ki bose wa ka dawa mo, <<Ala ma, nyya byo ya wa dala shini ala gye mo nkwo kpepwo labi oyoye ni ala ka ni lo.>> 5Ishini Oyesu bose kpe eka kigye ikweyi akpo oshiye inyi kogarura ni, Obilatus ka dawa mo, <<Ongo oni yoma!>>
6Ni awosapa nyakwu kpa awonongbo mo ni, angmegba mo, <<Ana yo poshi, ana yo poshi!>>
Obilatus ke kyogwu mo, <<Ala byo ga yo poshi sepa. Ami kwo kpepwo labi oyoye ni ala bi wa ikweyi nu ni lo.>>
7Ewa kasuse ko Oyahuda ke belela mo, <<Aha gbono, kweyi ono ka kamo owotiri shini ona gekwu, ikweyi koni oziyinu manu wo Oyi ko Owuso ni.>>
8Ishini Obilatus pwo mani ni, oki yoshi kotata, 9kweyi okwikye gipu ole ko ose. Oga do Oyesu oka mo, <<Awo bwebe nya wa? Oyesu ke kojije danu lo. 10Obilatus kamo, <<Oya kela dami lo, ogye mo ngboshu ko shobita kwako yo poshi sepa lo kwo?>>
11Oyesu kyogwu mo, <<Obi ya gboshu ikweyi hin lo, owoni abi dawoshu bwi iso lalo. Ase ni ke yun dala ni pi yozalabi she la.>>
12Bwishi oni, Obilatus ya yimu ko sho Oyesu bita, Ase ko Oyahuda ke ba ngmegba mo, <<Owoni oshongo mani bita ganu, owoya ko Okesa kelo.>>
13Ishini Obilatus pwo mani ni, obyo Oyesu wese kweyi wa yagye oka kino kepwo ebe ni aba yogwu mo <<Agbo Okpo>>. Ni ase ki Ibru ba yo ogwu mo <<Ogabata.>> 14Eno wikweyi ome eno ko Sheyi.
Obilatus ka da Ase ko Oyahuda mo, <<Ose kala yoma.>>
15Awa ke ki ba ngmegba mo, <<Ana yongmo! Ana yongmo! Ana yo poshi sepa!>>
Obilatus kamo, <<Ala ba yimu na yose kala poshi sepa?>>
awosapa nyakwu kyogwu mo, <<Ose naha gbo ni wo Okesa fufunu la.>>
16Ogwejeji nu, Obilatus yo Oyesu nabo dawa ko yo poshi sepa.
Ebeni awadakare byo Oyesu ga.
Ayo Oyesu Poshi Sepa
17Oyesu zoshi nu sepa bose gebye ni aba yogwu mo <<Okpokwu ki Ikweyi.>> Okwunu ko ose kase ki Ibru <<Ogolgota.>> 18Ebeni ayo poshi sepa kpango epa, oye abore nu oye aboshe nu kweyi Oyesu yotutehe wa.
19Obilatus yoshu tota kweyi yi piso ko oshi sepa mo. OYESU KO ONAZARETI, OSE KA AWOYAHUDA. 20Awoyahuda nwashika ni ba shigbo ni ma, koni ebeni ayo Oyesu poshi sepa ni lenu kpogya ni lo, kweyi ela mani ayi ta okwunu ko ose ka Ase ki Ibru kpase ko Oroma kpase ko Ogirik. 21Ebeni awosapa nyakwu kpa Ase ko Oyahuda ka do Obilatus mo, <<Ona ka ta mo <Ose ka Ase ko Oyahuda> lo, oke na ta mo, <<Ongo mani manu wose ka Ase ko Oyahuda.>>
22Obilatus kyogwu mo, <<Oza ni nta ni, nyyi ta oma.>>
23Ishini awadakare yo Oyesu poshi ni, akposhiye nu, ayiko wene, awadakare zoyoye. Akpo oshiye nu wirikpo ni gboyi ko gogo lo ni, atotu bwi iso weye.
24Aka di iyiwa mo, <<Ahan ka yi sha lo. Ahan gwekye shini an mase ni ya yi re ni.>>
Omani gbodagye shini oza ni okpa ko Owuso ka ni na gya mo,
<<Ayo oshiye hin yi ko diyiwa kweyi agwekye ikweyi koshiye nu.>> Oza ni awadakare ya ni oma.
25Ene ko Oyesu hagye kwo oshi sepa kpa ayene kinanu, kpo Omeremu onya ko Okilofa, kpo Omeremu bwa agye ko Omagadali. 26Ishini Oyesu mi inanu hagye, kweyi oki mo oyole nu oye ni oya yimu ni hagye kwo, oka di inanu mo, <<Ene oyi wo yoma.>> 27Oki ka di inogboso oni mo, <<Ene wo yoma.>> Bwishi oni, oyole oni byo gole nu.
Ikwu ko Oyesu
28Oyesu gye mojoji kweyi, shini oza ni okpa ko Owuso ka ni na gya. Okamo, <<Igyini ya ngmun.>> 29Eyi kinyi yebe ni, ayakasa ko gwiye linyi, kweyi ayo lokposhi kweyi bi gebe ko okwunu ko Oyesu. 30Ishini Oyesu gwinyi mani kweyi ni okamo, <<Okweyi wa.>> Bwebe ni oyikweyi kwagye kweyi oyowu nu she.
Ato Oyesu Okpa Ashikwu
31Ishi oni weno ko Kyatu, kweyi gbebe nya nu we eno ko Minyo. Ikweyi koni Ase ko Oyahuda ba yimu shini ana shokwu ko Oyesu bita gbe eno ko Minyo lo, aga bo Obilatus ko yikpo ko Oyesu kyigbo ki yokwu nu yi sa sho oshi sepa. 32Ebeni awadakare wa kweyi wa yikpo kongo kikyikyo ni ayi poshi sepa kpo Oyesu ni yi kyigbo, aki ya ko omwepa nu kigbo mamani. 33Ishini ake webe ko Oyesu ni, awa tanu kwobonu gekwu, ayikpo kyigbo kelo. 34Abishi koni ashe ipu kawadakare tokpa ashikwu okwunu kikpo ni ayi kyigbo lo ni. Ebebeni oyi kpinyo shonu. 35Ongo ni moza mani ni yolobene, kweyi olobene nu wo kwokwoshi. Ogye mo okokwokwoshi, kweyi oyolobene shini ala ki totuso. 36Awoza mani gbodagye shini oza ni okpa ko Owuso ka ni na gya mo: <<Okpokwu nu oyoye ya kyigbo lo,>> 37kweyi okpa ko Owuso ki kamo, <<Aba kpiyi kwase ni atokpa ashikwu ni.>>
Ayo Okwu ko Oyesu Nyi
38Itikpi kawoza mani, Isu ka Arimatiya ga do Obilatus oka ko okwu ko Oyesu. Isu woye ipu ka awogboso Oyesu, oke ya gboso teba ikweyi koni oya yoshi ka Ase ko Oyahuda ni. Obilatus danoko, owa kweyi wa yo okwu ko Oyesu yi bize. 39Onikodemus byi Isu oshi, anu ni webe ko Oyesu otutehe ko otu ni. Onikodemus bya ano kpeye ni iye nu wo omayiri kpo alo yo ogya ni enu nu ya gomyomya aweta ayeho. 40Asepa mani zokwu ko Oyesu to opa kweyi nyano kpeye. Aya mani byoni owodu ko nyo okwu ka Ase ko Oyahuda ni. 41Ebeni ayo Oyesu poshi ni eho oye ye ebe ni, ipu ke eho ni amiri oye pepe ye ebeni ni anya ashishe anu wa lo ni. 42Koni ogbebe nya we Eno ko Minyo ka Ase ko Oyahuda, ni amiri ki kwuwa ni, ayo Oyesu nyi ebe ni.
ទើបបានជ្រើសរើសហើយ៖
Oyohana 19: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
Oyohana 19
19
Akwo Oyesu Epwo ko yo Poshi
1Ebeni Obilatus yuwa yo Oyesu aboshi. 2Awadakare gweka kigye likweyi. Akpo oshiye inyi kogarura shoko 3kweyi ba gobutu nu ba kamo, <<Abaga edu, ose ka Ase ko Oyahuda!>> Kweyi alabo akpaha.
4Obilatus ki bose wa ka dawa mo, <<Ala ma, nyya byo ya wa dala shini ala gye mo nkwo kpepwo labi oyoye ni ala ka ni lo.>> 5Ishini Oyesu bose kpe eka kigye ikweyi akpo oshiye inyi kogarura ni, Obilatus ka dawa mo, <<Ongo oni yoma!>>
6Ni awosapa nyakwu kpa awonongbo mo ni, angmegba mo, <<Ana yo poshi, ana yo poshi!>>
Obilatus ke kyogwu mo, <<Ala byo ga yo poshi sepa. Ami kwo kpepwo labi oyoye ni ala bi wa ikweyi nu ni lo.>>
7Ewa kasuse ko Oyahuda ke belela mo, <<Aha gbono, kweyi ono ka kamo owotiri shini ona gekwu, ikweyi koni oziyinu manu wo Oyi ko Owuso ni.>>
8Ishini Obilatus pwo mani ni, oki yoshi kotata, 9kweyi okwikye gipu ole ko ose. Oga do Oyesu oka mo, <<Awo bwebe nya wa? Oyesu ke kojije danu lo. 10Obilatus kamo, <<Oya kela dami lo, ogye mo ngboshu ko shobita kwako yo poshi sepa lo kwo?>>
11Oyesu kyogwu mo, <<Obi ya gboshu ikweyi hin lo, owoni abi dawoshu bwi iso lalo. Ase ni ke yun dala ni pi yozalabi she la.>>
12Bwishi oni, Obilatus ya yimu ko sho Oyesu bita, Ase ko Oyahuda ke ba ngmegba mo, <<Owoni oshongo mani bita ganu, owoya ko Okesa kelo.>>
13Ishini Obilatus pwo mani ni, obyo Oyesu wese kweyi wa yagye oka kino kepwo ebe ni aba yogwu mo <<Agbo Okpo>>. Ni ase ki Ibru ba yo ogwu mo <<Ogabata.>> 14Eno wikweyi ome eno ko Sheyi.
Obilatus ka da Ase ko Oyahuda mo, <<Ose kala yoma.>>
15Awa ke ki ba ngmegba mo, <<Ana yongmo! Ana yongmo! Ana yo poshi sepa!>>
Obilatus kamo, <<Ala ba yimu na yose kala poshi sepa?>>
awosapa nyakwu kyogwu mo, <<Ose naha gbo ni wo Okesa fufunu la.>>
16Ogwejeji nu, Obilatus yo Oyesu nabo dawa ko yo poshi sepa.
Ebeni awadakare byo Oyesu ga.
Ayo Oyesu Poshi Sepa
17Oyesu zoshi nu sepa bose gebye ni aba yogwu mo <<Okpokwu ki Ikweyi.>> Okwunu ko ose kase ki Ibru <<Ogolgota.>> 18Ebeni ayo poshi sepa kpango epa, oye abore nu oye aboshe nu kweyi Oyesu yotutehe wa.
19Obilatus yoshu tota kweyi yi piso ko oshi sepa mo. OYESU KO ONAZARETI, OSE KA AWOYAHUDA. 20Awoyahuda nwashika ni ba shigbo ni ma, koni ebeni ayo Oyesu poshi sepa ni lenu kpogya ni lo, kweyi ela mani ayi ta okwunu ko ose ka Ase ki Ibru kpase ko Oroma kpase ko Ogirik. 21Ebeni awosapa nyakwu kpa Ase ko Oyahuda ka do Obilatus mo, <<Ona ka ta mo <Ose ka Ase ko Oyahuda> lo, oke na ta mo, <<Ongo mani manu wose ka Ase ko Oyahuda.>>
22Obilatus kyogwu mo, <<Oza ni nta ni, nyyi ta oma.>>
23Ishini awadakare yo Oyesu poshi ni, akposhiye nu, ayiko wene, awadakare zoyoye. Akpo oshiye nu wirikpo ni gboyi ko gogo lo ni, atotu bwi iso weye.
24Aka di iyiwa mo, <<Ahan ka yi sha lo. Ahan gwekye shini an mase ni ya yi re ni.>>
Omani gbodagye shini oza ni okpa ko Owuso ka ni na gya mo,
<<Ayo oshiye hin yi ko diyiwa kweyi agwekye ikweyi koshiye nu.>> Oza ni awadakare ya ni oma.
25Ene ko Oyesu hagye kwo oshi sepa kpa ayene kinanu, kpo Omeremu onya ko Okilofa, kpo Omeremu bwa agye ko Omagadali. 26Ishini Oyesu mi inanu hagye, kweyi oki mo oyole nu oye ni oya yimu ni hagye kwo, oka di inanu mo, <<Ene oyi wo yoma.>> 27Oki ka di inogboso oni mo, <<Ene wo yoma.>> Bwishi oni, oyole oni byo gole nu.
Ikwu ko Oyesu
28Oyesu gye mojoji kweyi, shini oza ni okpa ko Owuso ka ni na gya. Okamo, <<Igyini ya ngmun.>> 29Eyi kinyi yebe ni, ayakasa ko gwiye linyi, kweyi ayo lokposhi kweyi bi gebe ko okwunu ko Oyesu. 30Ishini Oyesu gwinyi mani kweyi ni okamo, <<Okweyi wa.>> Bwebe ni oyikweyi kwagye kweyi oyowu nu she.
Ato Oyesu Okpa Ashikwu
31Ishi oni weno ko Kyatu, kweyi gbebe nya nu we eno ko Minyo. Ikweyi koni Ase ko Oyahuda ba yimu shini ana shokwu ko Oyesu bita gbe eno ko Minyo lo, aga bo Obilatus ko yikpo ko Oyesu kyigbo ki yokwu nu yi sa sho oshi sepa. 32Ebeni awadakare wa kweyi wa yikpo kongo kikyikyo ni ayi poshi sepa kpo Oyesu ni yi kyigbo, aki ya ko omwepa nu kigbo mamani. 33Ishini ake webe ko Oyesu ni, awa tanu kwobonu gekwu, ayikpo kyigbo kelo. 34Abishi koni ashe ipu kawadakare tokpa ashikwu okwunu kikpo ni ayi kyigbo lo ni. Ebebeni oyi kpinyo shonu. 35Ongo ni moza mani ni yolobene, kweyi olobene nu wo kwokwoshi. Ogye mo okokwokwoshi, kweyi oyolobene shini ala ki totuso. 36Awoza mani gbodagye shini oza ni okpa ko Owuso ka ni na gya mo: <<Okpokwu nu oyoye ya kyigbo lo,>> 37kweyi okpa ko Owuso ki kamo, <<Aba kpiyi kwase ni atokpa ashikwu ni.>>
Ayo Okwu ko Oyesu Nyi
38Itikpi kawoza mani, Isu ka Arimatiya ga do Obilatus oka ko okwu ko Oyesu. Isu woye ipu ka awogboso Oyesu, oke ya gboso teba ikweyi koni oya yoshi ka Ase ko Oyahuda ni. Obilatus danoko, owa kweyi wa yo okwu ko Oyesu yi bize. 39Onikodemus byi Isu oshi, anu ni webe ko Oyesu otutehe ko otu ni. Onikodemus bya ano kpeye ni iye nu wo omayiri kpo alo yo ogya ni enu nu ya gomyomya aweta ayeho. 40Asepa mani zokwu ko Oyesu to opa kweyi nyano kpeye. Aya mani byoni owodu ko nyo okwu ka Ase ko Oyahuda ni. 41Ebeni ayo Oyesu poshi ni eho oye ye ebe ni, ipu ke eho ni amiri oye pepe ye ebeni ni anya ashishe anu wa lo ni. 42Koni ogbebe nya we Eno ko Minyo ka Ase ko Oyahuda, ni amiri ki kwuwa ni, ayo Oyesu nyi ebe ni.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA