Oko-ki-igabo 22
22
1<<Ayene hin ko Oyahuda, ala yakpaha tagye shini ala pwo oza ni nyya kadala ikweyi giyun ni!>> 2Ishini apwo ya kela dawa kpose ko Ibru ni, asha din, kweyi Obulus gohobu ko kela: 3Ami wo ase ko Oyahuda, amun ogya ko Otarsus okpagye ko Okilikiya ake byun gye ipu ko Ojerusele nwwoyi kinokpa ko Ogamaliyel. Ofumoza gyogye ikweyi ko ono kawa Ada kaha, nzotu hin do Owuso neneshi byoni ala ba ya ikyeni mani. 4Ami dase no ba gbosowe mani egye ko gekwu tanu. Nkwango kpa anya shipu ko shetu. 5Oteyi kawosapa kpo Onongbo baka dala moza ni nyya ka mani wo kwokwoshi la. Nzokpa ni ata bwebewa ko ga dawayene ko Oyahuda ni bipu ko Odamasko ni, bwebe ni nkwowe ko ga kwuwa ase mani shashirika ko kwikye awa wo Ojerusele, shini ana dawe egye.
Obulus Kela Ikweyi ko Shagbotu nu
6Ishini nkwowe yaga ni nyyo pee kpo Odamasko, abo kisheno, ebe ni oyoyu nyakwu bwi iso yawu gyehe tun. 7Ebeni, ngbo okpagye, kweyi npwoko kela bwi iso ya kadami mo, <Oshawulu, Oshawulu! Ojiya ni oya dami egye?>
8Kweyi ndoka mo, <Adole awo wanoho?> Okadami mo, <Ami Oyesu ko Onazaret ni Oya dami egye ni. 9Ebeni, awase ni yawu kpami ni mebe yayu oni, ake pwoko kase ni ya kela kpami ni lo. 10Ebeni ndoka mo, nyya ya moji, Adole? Kweyi Adole ka dami mo, <<<Nyiso shini ogo Odamasko, ebe ni aba kawoza kpiri ni Owuso ya yimu shini oya ni dawo.> 11Nmebe kelo kpoyoyu kola mani, ebe ni awase ni yawu kpami ni pyumabo byun go Odamasko.
12Ipu kokpagye oni ashe aba yo mo Ananiya, owase ko Owuso ni ya geyagye dono kaha, kweyi kpiri kawase ko Oyahuda ni bebeni ba geyagye danu. 13Owa tami, kweyi hagye ebe hin, okadami mo, <Oyene hin Oshawulu, kyi mebe!> Ebebeni nmebe kweyi nkyi mo. 14Okamo, <Owuso kawa Ada kaha sho shi ni ogyoza kotu nu, shini oki mayole nu aseneshi, kweyi shino opwela ni oyaka kpo okwunu nu. 15Shini owiwene nu ko kadase kpiri oza ni oma kpoza ni opwo ni. 16Anani mani, oya gbishi koji ke? Nyiso shino oyo obatisma, shina yozalabi wo na shonu, bwebe ko tinarigwu danu.>
Ayo Obulus Ogwu ko Tono Dawase ni Wase ko Oyahuda lo
17<<Nkwikye itikpi go Ojerusele, ishini nyya tinarigwu ipu kole ko Owuso, nmebe, 18Ebeni, nma Adole, byoni okadami mo, <Yawu shino obose sho Ojerusele ta papa, ikweyi koni awase mani aba zela ni oya ka ikweyi hin nilo.
19Ebeni nkamo, <Adole,> <Agye mo nggekpa ga kwase ni kyogwu kpawo ni gwo. 20Ishini ayo Ostivi ngmo ni, Ami abiyun yebe ni, in hagye ebe ni ba, nkyogwu mo, ana yongmo shini na kposhiye kawase ni yongmo ni bi.
21Adole kadanu mo, <Ga,> <Ikweyi koni Ami ya tuwoleho gebe lenu ebe kawase ni wase ko Oyahuda lo ni.>>>
22Awase mani yakpaha tagye gbishini Obulus kela kweyi, akwotu ko sheha kpoko nyakwu mo, Ala byo ga yo ngmo! Ikweyi koni oshu koyiyi lo!>> 23Ishini aba shegba ni ayoshiye wa ngma kweyi fagye myi giso. 24Onyakwase kawadakare ko Oroma zoko dayole nu mo, ana byo Obulus go ofonu wa, shini ana ya aboshi; shini ana gyoza ni yuwa ba ngmegba mani ikweyi nuni. 25Ishini ake yo gbo ko ya aboshi ni, Obulus kado oteyi kadakare ni hagye beeyi ni mo, <<Owono neshi ebe kala shini ala gwase ko Oroma ni gbepwo kojije lo ni?
26Ishini anyakwase kadakare pwo mani ni, oga doteyi wa oka mo, <<Oji ni oyaya ni? Ongo mani wase ko Oroma la!>>
27Mani oni, oteyi kadakare webe ko Obulus wa doka mo, <<Kadami, owase ko Oroma la?>> Obulus kyogwu kamo, <<Een,>>
28Ebeni, oteyi kadakare kamo, <<Kpikwiri nwashika pini nwwase kebe mani la.>>
Obulus ke kamo, <<Ami woyi moma kokpagye mani la.>>
29Ebebeni, awase ni wa ko do Obulus oka kela ni shobita kweyi anyakwase kadakare otu nu bya ni owa gye mo Obulus wase ko Oroma pini oshashirika ni.
Obulus Wobutu ko Onongbo
30Oteyi kawadakare ya yimu ko gye kwela koji ni ase ko Oyahuda kwo Obulus kpanu; mani oni ebenya nu oya ashirika yi yi kweyi oya awosapa nyakwu kpawo onongbo kpiri mo anagbayi. Kweyi obyo Obulus wahagye obutuwa.
ទើបបានជ្រើសរើសហើយ៖
Oko-ki-igabo 22: ALA
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
THE WORD FOR THE WORLD INTERNATIONAL, THE WORD FOR THE WORLD NIGERIA
