लुका 6
6
नान्या छ्याम् बारेल अस्गेंसिउ
मत्ति १२:१-८; मर्कुस २:२३-२८
1नान्या छ्याम् येसु ओचेलारास चिका याँबाँ तलाँ याहिंज्याक, येसुइ ओचेलाराइ मिंउ चिकावइ ओर्क्वा अस्पिद याकुइत अप्जुद हेकेर#व्यबस्था २३:२५। 2तर फरिसि हैयादाज्याउ यहुदिर मध्ये खो-खोराइ चेलारलाइ हैयादोकेर, “जे नेलाइ नान्या छ्याम् जो दान्या उचित माले होज जेदाज्या?”
3येसुइ नोरलाइ जबाफ याद हैयादोकेउ, “अर्गे दाउदवइ ओल् सोनो ओल्सकाउ लिज्याउर याकरेलेक होबेला दाउदवइ नाति दासिउ ले? जे आउ ब परमेस्वरवइ ओबचनल जेमापरिथा रो? 4#लेवि २४:९परमेस्वरवइ उझिम्ल पसिद परमेस्वरलाइ चरैसिउ भरेस हाइद दाउदवइ ज्योकेउ, सोनो ओल्सकाउ लिज्याउरलाइ ब यायोकेउ। मोसाइ ओव्यबस्था अनुसार पुजारिर बाहेक गुँ सुराइ ब हो भरेस ज्याउ मास्दैर#१समुएल २१:१-६ ।”
5हुकिं येसुइ ओस्पाँ तुङ्गैद नोरलाइ हैयादोकेउ, “ङा अर्मिवइ ओजा नान्या छ्याम्वइ ओप्रभु।”
6फिरि गुँ नान्या छ्याम् येसु यहुदिर अस्दुसिन्या झिम्ल पसिद सिछ्या ओवायाज्याक, होक ओर्फताउ उकुइ साउ तुबु अर्मि ब ले। 7मोसाइ ओनियम अस्पैन्यार सोनो फरिसि हैयादाज्याउ यहुदिराइ येसुवइ नान्या छ्याम् नो उकुइ साउ अर्मिलाइ ओस्गराँकिं दोस गेलैते हैलेद मौका राँद नैकेर। 8तर येसुइ नोराइ याबिचार सैंद उकुइ साउ अर्मिलाइ हैदोकेउ, “सोद आक रैं।” होपन्याज नो सोद, येसुइ ओलेउक राके। 9हैजैद येसुइ नोरलाइ हैयादोकेउ, “ङा जेलाइ ङास्गेंच्यो, नान्या छ्याम् अप्चाउ दान्या सिनि माप्चाउ दान्या? जिबन जोगैद यान्या सिंनि सैन्या? कदिउ दान्या उचित लिज्या?” 10हुकिं येसुइ स्योरलाइ राँद नो उकुइ साउ अर्मिलाइ हैदोकेउ, “ना नकुइ पसारिको” नोइ उकुइ पसारिकेउ, हैजैद होपन्याज नोइ उकुइ गराँके।
11आउ राँद नोर यायुउँचोके, येसुलाइ कैजैन्या हैलेद याखार्ल सल्ला दोकेर।
येसुवइ बाह्र जना ओचेलार
मत्ति १०:१-४; मर्कुस ३:१३-१९
12तला येसु दाँदात प्राथना दान्या हिंके, तरिपुरु प्राथना दाद मिं सराँकेउ। 13छकल्या ओजासोत येसुवइ ओचेलारलाइ ओलेउक खुल्द नोराङि बाह्र जनारलाइ याछानिकेउ, हैजैद येसुइ नोरलाइ प्रेरित यार्मि नैद यायोकेउ। 14अइजैद छानिसिउ बाह्र जना चेलाराइ यार्मि आउ ज सिमोन आलाइ ज येसुइ पत्रुस उर्मि नैद योकेउ। सोनो आइ ओपार्जा अन्द्रियास, याकुब सोनो युहन्ना, फिलिप, बारथोलोमाइ, 15मत्ति, थोमा, अल्फयसवइ ओजा याकुब, देसभक्त हैयादाज्याउ सिमोन, 16याकुबवइ ओजा यहुदा, सोनो यहुदा इस्करियोत आवइ ज छिंङि येसुलाइ दोका योकेउ।
येसुवइ भ्या बिमारिरलाइ यासगराँकेउ
मत्ति ४:२३-२५
17हुकिं येसु ओचेलारास दाँदातिं मेल, बाँल राकेर। नोक ओचेलार, सोनो गुँ भ्या अर्मिराइ याहुल्मुल ले। यहुदियालाउ स्यो छेत्रङि, सोनो यरुसलेम सहरङि हुकिं समुन्द्र किनार छेउ छाउलाउ तुरोस सोनो सिदोन सहरङि भ्या अर्मिर राउर लेर। 18नोर स्यो येसुइ ओबचन थैन्याको लागि सोनो याजोरो राज्याउर गराँन्याको लागि राउर लेर। भुत आत्मा लागिद दुख अस्दैसिउ अर्मिर ब गराँकेर। 19स्यो अर्मिराइ येसुलाइ छुउ अस्पैंकेर, नेलाइलेक येसुङि पुलुस्ज्याउ सक्तिवइ स्यो गराँज्याउर लेर।
येसुइ यासिउ सिछ्या
मत्ति ५:१-१२
20हैजैद येसुइ ओचेलाराइ यालेउदि राँद हैयादोकेउ,
“ए गरिबर, जे ख्वा आसिस अस्दैसिउ अर्मिर,
नेलाइलेक परमेस्वरवइ ओराज्य जे जिमि ज।
21ए आर्क करेन्यार, जे ख्वा आसिस अस्दैसिउर,
नेलाइलेक जे वाँन्या जेले।
ए आर्क गर्न्याँर, जे ख्वा आसिस अस्दैसिउर,
नेलाइलेक जे सास्न्या जेले।
22“परमेस्वरवइ उस्परिंङाउ ङा अर्मि ओजालाइ बिस्वास जेदाङाउ कारन अर्मिराइ जेलाइ अप्सोन्या लेर, जेलाइ समाजङि अस्पुलैन्या लेर, जे बदनाम दान्यालेर, जेलाइ दुस्त सम्झिद जिर्मि अपमान जैन्यालेर#१पत्रुस ४:१४। 23होबेलाक जे खुसि जास्द चोइच्यो, नेलाइलेक भ्या आसिस अस्दैन्या जेले सोनो स्वर्गत जेइनाम घ्यो जास्न्या ले। नोराइ यापुर्खाराइ ब पहिलाकाउ परमेस्वरङि अस्पाँन्यारलाइ नैजैद ज दुख यासिउ ले#२इतिहास ३६:१६; प्रेरित ७:५२।”
24“तर धिक्कार, जे धनिरलाइ! नेलाइलेक सुख सान्ति जे अस्दैद जेनै।
25धिक्कार, जे आर्क वाउँरलाइ! नेलाइलेक जे करेन्या जेले। धिक्कार, जे आर्क सास्न्याँर! नेलाइलेक जे सोक दान्या जेले सोनो गरन्या जेले। 26धिक्कार, आर्क स्यो, अर्मिराङि प्रसंसा अस्दैज्याउर! नेलाइलेक अइजैद ज नोराइ यापुर्खाराइ ब ग्वार्द परमेस्वरङि अस्पाँन्यारलाइ दासिउ ले।
सुतर्रलाइ माया दाउपरि
मत्ति ५:३८-४८; ७:१२
27“तर ङा ङास्पाँ थैज्याउरलाइ ङा हैङादाच्यो, जेसुतर्रलाइ माया यादाच्यो, सोनो जेलाइ हेला दाज्याउरास अप्चाउ ब्यबाहार दाच्यो, 28जेलाइ सरापिन्यारलाइ आसिर्बाद यायाच्यो, जेस माप्चाउ ब्यबाहार दाज्याउराको लागि प्राथना दाच्यो। 29नालाइ नबाँगल्त लफ्रैद याज्याउलाइ ताँफताउ नबाँगल ब थाँदयोको। नफुतु लाउँ अस्पैंज्याउलाइ नचौबन्दि ब लाउँ योको। 30नास ङिज्याउरलाइ यायोको, नसर्सामन लाँज्याउरलाइ फिरि ताङिको। 31जे गुँ अर्मिराइ जेस कमदिउ ब्यबाहार यादोकिं हैलेन्या जेस्पैंज्या, जेब नोरास हमदिउ ज ब्यबाहार दाच्यो#मत्ति ७:१२।”
32“जेलाइ माया दाज्याउरलाइ वाज माया ज्यादाज्याकिंलेक, जेलाइ नाति फाइदा जास्याद? नेलाइलेक पापिराइ बते यालाइ माया दाज्याउरलाइ माया यादोर! 33जेलाइ अप्चाउ जैज्याउरलाइ वाज अप्चाउ ज्याजैकिंलेक, जेलाइ नाति फाइदा जास्याद? नेलाइलेक पापिराइ बते अदिउ ज दोर। 34यदि जे रिन फुदुन्यारलाइ वाज रिन ज्यायाज्याकिंलेक, जेलाइ नाति फाइदा जास्याद? नेलाइलेक फिरि ह्वाकाना ज अस्दैन्या आस दाद पापिराइ ब रिन यायोर। 35तर जे नो पापिर मदिउ ताजास्च्यो जे जेसुतर्रलाइ ब माया यादाच्यो। सोनो नोरास अप्चाउ ब्यबाहार दाच्यो। हुकिं रिन् ङिज्याउरलाइ याँङाउते हैलेद आस मादाद रिन् यायाच्यो, हैजैद जे घ्यो इनाम अस्दैन्या जेले सोनो जे सर्वोच्चताउ परमेस्वरवइ ओसन्तान जास्न्या जेले। नेलाइलेक परमेस्वर बैगुनिर सोनो दुस्तराको लागि किर्पालु लिज्या। 36परमेस्वर बाबु किर्पालु ओलेउ मालाक, जेब किर्पालु जास्च्यो।
गुँरलाइ दोस तायाच्यो
मत्ति ७:१-५
37“गुँराइ यामि न्याय तादाच्यो हैजैद जे जिमि ब परमेस्वरवइ न्याय दान्यामाले। गुँरलाइ दोस तायाच्यो, हैजैद परमेस्वरवइ जेलाइ ब दोस यान्या माले। गुँरलाइ छेमा यायाच्यो हैजैद परमेस्वरवइ जेलाइ ब छेमा यान्याले। 38जे गुँरलाइ यायाच्यो, हैजैद परमेस्वरवइ जेलाइ झन खाँदिइ-खाँदिइ बेसरि हल्लैद, गुप्तिउवा जैद यान्या ले। जे गुँरलाइ जो नापवइ ज्यायाज्या, जेब हो नापङि ज अस्दैन्या जेले#मत्ति ७:२; मर्कुस ४:२४।”
39हैजैद येसुइ नोरलाइ तुबु आन् जाद हैयादोकेउ, “अन्धावइ अन्धालाइ ज मादोरैदुउ। यदि दोरैकेउलेक नुनिजोर् ज खाल्ताल तेन्या लेनि#मत्ति १५:१४। 40चेला उगुरु भन्दा घ्यो माजास्, तर नोइ पुरा सिछ्या ओस्दैकिं उगुरु मदिउ ज जास्#मत्ति १०:२४-२५; युहन्ना १३:१६; १५:२०।”
41“ना नपार्जाइ उमिंलाउ लिज्याउ खा चित नराँज्या, तर ना नमिंलाउ लिज्याउ मुँदाचाहिं नमाराँ?” 42ना नमिल लिज्याउ मुँदाज नमाराज्याकिंलेक, ना नपार्जालाइ, “ए ङापार्जा, नमिल लिज्याउ खा ङालाइ हाउ याँको” हैलेद कैजैद हैनदादु? ए कप्ति, पैला नमिल लिज्याउ मुदा हाइको, हैजैद बल्ल नपार्जाइ उमिल लिज्याउ खा हाइद यान्या अप्चाद राँदुन्या नले।
सिंगुर सोनो ओसे
43“अप्चाउ सिंगुरवइ माप्चाउ ओसे मासप्सेउ, हैजैदज माप्चाउ सिंगुरवइ अप्चाउ ओसे मास्प्सेदुउ। 44स्यो सिंगुर्र ओसेतिं ज सरेससिर। नेलाइलेक अप्जु ज्याम्ताङि सुराइब बिदु माकिर, नत अंगुर अस्दुर#मत्ति १२:३३। 45अप्चाउ अर्मिवइ उयुउँलाउ भँदार्ङि अप्चाउ थोकज अस्पुलुउ, सोनो दुस्त अर्मिवइ उयुउँलाउ भँदार्ङि दुस्त थोकज अस्पुलुउ। नेलाइलेक जो अस्पाँ युउँल पलेंउ जास्, अर्मिवइ ओयातिं होज पुलुस्#मत्ति १२:३४।
जोर् झिम्नि इंआन्
मत्ति ७:२४-२७
46“ङा हैङादाच्योउ अस्पाँ जेमादाकिंलेक किकाम् ङालाइ ‘प्रभु, प्रभु,’ हैजेदाँङाज्या? 47जो अर्मि ङालेउक राद, ङास्पाँ थैद हो अनुसार दोउ, हो कमदिउ अर्मि हैलेद, ङा जेलाइ हैङादाच्यो। 48नो तुबु झिम् जैन्या अर्मि मदिउज। नोइ पताल गोद पहरतर्त जग थाँकेउ। हैजैद नम् अर्वाद खोला बुउलिद राद हो झिम्त थुकिसिके, हैजैद ब नो रिवइ झिम्लाइ कै माजैदुकेउ। नेलाइकिंलेक नो झिम्वइ ओजग पक्का जैसिउ ले। 49तर जोइ ङास्पाँ थैद ब होअनुसार मादोउ, हो तुबु अमदिउ अर्मि, नोइ जग मागोद ज अर्गमतर्त जग थाँद झिम् जैकेउ। हैजैद नम् अर्वाद खोला बुउलिद राद हो झिम्त उथुकिसिउ पन्याज झिम् भोके हैजैद घ्यो बिनास् जास्के। नेलाइलेक हो झिम्वइ ओजग मागोद ज अर्गमतर्त जैसिउ ले।”
ទើបបានជ្រើសរើសហើយ៖
लुका 6: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 6
6
नान्या छ्याम् बारेल अस्गेंसिउ
मत्ति १२:१-८; मर्कुस २:२३-२८
1नान्या छ्याम् येसु ओचेलारास चिका याँबाँ तलाँ याहिंज्याक, येसुइ ओचेलाराइ मिंउ चिकावइ ओर्क्वा अस्पिद याकुइत अप्जुद हेकेर#व्यबस्था २३:२५। 2तर फरिसि हैयादाज्याउ यहुदिर मध्ये खो-खोराइ चेलारलाइ हैयादोकेर, “जे नेलाइ नान्या छ्याम् जो दान्या उचित माले होज जेदाज्या?”
3येसुइ नोरलाइ जबाफ याद हैयादोकेउ, “अर्गे दाउदवइ ओल् सोनो ओल्सकाउ लिज्याउर याकरेलेक होबेला दाउदवइ नाति दासिउ ले? जे आउ ब परमेस्वरवइ ओबचनल जेमापरिथा रो? 4#लेवि २४:९परमेस्वरवइ उझिम्ल पसिद परमेस्वरलाइ चरैसिउ भरेस हाइद दाउदवइ ज्योकेउ, सोनो ओल्सकाउ लिज्याउरलाइ ब यायोकेउ। मोसाइ ओव्यबस्था अनुसार पुजारिर बाहेक गुँ सुराइ ब हो भरेस ज्याउ मास्दैर#१समुएल २१:१-६ ।”
5हुकिं येसुइ ओस्पाँ तुङ्गैद नोरलाइ हैयादोकेउ, “ङा अर्मिवइ ओजा नान्या छ्याम्वइ ओप्रभु।”
6फिरि गुँ नान्या छ्याम् येसु यहुदिर अस्दुसिन्या झिम्ल पसिद सिछ्या ओवायाज्याक, होक ओर्फताउ उकुइ साउ तुबु अर्मि ब ले। 7मोसाइ ओनियम अस्पैन्यार सोनो फरिसि हैयादाज्याउ यहुदिराइ येसुवइ नान्या छ्याम् नो उकुइ साउ अर्मिलाइ ओस्गराँकिं दोस गेलैते हैलेद मौका राँद नैकेर। 8तर येसुइ नोराइ याबिचार सैंद उकुइ साउ अर्मिलाइ हैदोकेउ, “सोद आक रैं।” होपन्याज नो सोद, येसुइ ओलेउक राके। 9हैजैद येसुइ नोरलाइ हैयादोकेउ, “ङा जेलाइ ङास्गेंच्यो, नान्या छ्याम् अप्चाउ दान्या सिनि माप्चाउ दान्या? जिबन जोगैद यान्या सिंनि सैन्या? कदिउ दान्या उचित लिज्या?” 10हुकिं येसुइ स्योरलाइ राँद नो उकुइ साउ अर्मिलाइ हैदोकेउ, “ना नकुइ पसारिको” नोइ उकुइ पसारिकेउ, हैजैद होपन्याज नोइ उकुइ गराँके।
11आउ राँद नोर यायुउँचोके, येसुलाइ कैजैन्या हैलेद याखार्ल सल्ला दोकेर।
येसुवइ बाह्र जना ओचेलार
मत्ति १०:१-४; मर्कुस ३:१३-१९
12तला येसु दाँदात प्राथना दान्या हिंके, तरिपुरु प्राथना दाद मिं सराँकेउ। 13छकल्या ओजासोत येसुवइ ओचेलारलाइ ओलेउक खुल्द नोराङि बाह्र जनारलाइ याछानिकेउ, हैजैद येसुइ नोरलाइ प्रेरित यार्मि नैद यायोकेउ। 14अइजैद छानिसिउ बाह्र जना चेलाराइ यार्मि आउ ज सिमोन आलाइ ज येसुइ पत्रुस उर्मि नैद योकेउ। सोनो आइ ओपार्जा अन्द्रियास, याकुब सोनो युहन्ना, फिलिप, बारथोलोमाइ, 15मत्ति, थोमा, अल्फयसवइ ओजा याकुब, देसभक्त हैयादाज्याउ सिमोन, 16याकुबवइ ओजा यहुदा, सोनो यहुदा इस्करियोत आवइ ज छिंङि येसुलाइ दोका योकेउ।
येसुवइ भ्या बिमारिरलाइ यासगराँकेउ
मत्ति ४:२३-२५
17हुकिं येसु ओचेलारास दाँदातिं मेल, बाँल राकेर। नोक ओचेलार, सोनो गुँ भ्या अर्मिराइ याहुल्मुल ले। यहुदियालाउ स्यो छेत्रङि, सोनो यरुसलेम सहरङि हुकिं समुन्द्र किनार छेउ छाउलाउ तुरोस सोनो सिदोन सहरङि भ्या अर्मिर राउर लेर। 18नोर स्यो येसुइ ओबचन थैन्याको लागि सोनो याजोरो राज्याउर गराँन्याको लागि राउर लेर। भुत आत्मा लागिद दुख अस्दैसिउ अर्मिर ब गराँकेर। 19स्यो अर्मिराइ येसुलाइ छुउ अस्पैंकेर, नेलाइलेक येसुङि पुलुस्ज्याउ सक्तिवइ स्यो गराँज्याउर लेर।
येसुइ यासिउ सिछ्या
मत्ति ५:१-१२
20हैजैद येसुइ ओचेलाराइ यालेउदि राँद हैयादोकेउ,
“ए गरिबर, जे ख्वा आसिस अस्दैसिउ अर्मिर,
नेलाइलेक परमेस्वरवइ ओराज्य जे जिमि ज।
21ए आर्क करेन्यार, जे ख्वा आसिस अस्दैसिउर,
नेलाइलेक जे वाँन्या जेले।
ए आर्क गर्न्याँर, जे ख्वा आसिस अस्दैसिउर,
नेलाइलेक जे सास्न्या जेले।
22“परमेस्वरवइ उस्परिंङाउ ङा अर्मि ओजालाइ बिस्वास जेदाङाउ कारन अर्मिराइ जेलाइ अप्सोन्या लेर, जेलाइ समाजङि अस्पुलैन्या लेर, जे बदनाम दान्यालेर, जेलाइ दुस्त सम्झिद जिर्मि अपमान जैन्यालेर#१पत्रुस ४:१४। 23होबेलाक जे खुसि जास्द चोइच्यो, नेलाइलेक भ्या आसिस अस्दैन्या जेले सोनो स्वर्गत जेइनाम घ्यो जास्न्या ले। नोराइ यापुर्खाराइ ब पहिलाकाउ परमेस्वरङि अस्पाँन्यारलाइ नैजैद ज दुख यासिउ ले#२इतिहास ३६:१६; प्रेरित ७:५२।”
24“तर धिक्कार, जे धनिरलाइ! नेलाइलेक सुख सान्ति जे अस्दैद जेनै।
25धिक्कार, जे आर्क वाउँरलाइ! नेलाइलेक जे करेन्या जेले। धिक्कार, जे आर्क सास्न्याँर! नेलाइलेक जे सोक दान्या जेले सोनो गरन्या जेले। 26धिक्कार, आर्क स्यो, अर्मिराङि प्रसंसा अस्दैज्याउर! नेलाइलेक अइजैद ज नोराइ यापुर्खाराइ ब ग्वार्द परमेस्वरङि अस्पाँन्यारलाइ दासिउ ले।
सुतर्रलाइ माया दाउपरि
मत्ति ५:३८-४८; ७:१२
27“तर ङा ङास्पाँ थैज्याउरलाइ ङा हैङादाच्यो, जेसुतर्रलाइ माया यादाच्यो, सोनो जेलाइ हेला दाज्याउरास अप्चाउ ब्यबाहार दाच्यो, 28जेलाइ सरापिन्यारलाइ आसिर्बाद यायाच्यो, जेस माप्चाउ ब्यबाहार दाज्याउराको लागि प्राथना दाच्यो। 29नालाइ नबाँगल्त लफ्रैद याज्याउलाइ ताँफताउ नबाँगल ब थाँदयोको। नफुतु लाउँ अस्पैंज्याउलाइ नचौबन्दि ब लाउँ योको। 30नास ङिज्याउरलाइ यायोको, नसर्सामन लाँज्याउरलाइ फिरि ताङिको। 31जे गुँ अर्मिराइ जेस कमदिउ ब्यबाहार यादोकिं हैलेन्या जेस्पैंज्या, जेब नोरास हमदिउ ज ब्यबाहार दाच्यो#मत्ति ७:१२।”
32“जेलाइ माया दाज्याउरलाइ वाज माया ज्यादाज्याकिंलेक, जेलाइ नाति फाइदा जास्याद? नेलाइलेक पापिराइ बते यालाइ माया दाज्याउरलाइ माया यादोर! 33जेलाइ अप्चाउ जैज्याउरलाइ वाज अप्चाउ ज्याजैकिंलेक, जेलाइ नाति फाइदा जास्याद? नेलाइलेक पापिराइ बते अदिउ ज दोर। 34यदि जे रिन फुदुन्यारलाइ वाज रिन ज्यायाज्याकिंलेक, जेलाइ नाति फाइदा जास्याद? नेलाइलेक फिरि ह्वाकाना ज अस्दैन्या आस दाद पापिराइ ब रिन यायोर। 35तर जे नो पापिर मदिउ ताजास्च्यो जे जेसुतर्रलाइ ब माया यादाच्यो। सोनो नोरास अप्चाउ ब्यबाहार दाच्यो। हुकिं रिन् ङिज्याउरलाइ याँङाउते हैलेद आस मादाद रिन् यायाच्यो, हैजैद जे घ्यो इनाम अस्दैन्या जेले सोनो जे सर्वोच्चताउ परमेस्वरवइ ओसन्तान जास्न्या जेले। नेलाइलेक परमेस्वर बैगुनिर सोनो दुस्तराको लागि किर्पालु लिज्या। 36परमेस्वर बाबु किर्पालु ओलेउ मालाक, जेब किर्पालु जास्च्यो।
गुँरलाइ दोस तायाच्यो
मत्ति ७:१-५
37“गुँराइ यामि न्याय तादाच्यो हैजैद जे जिमि ब परमेस्वरवइ न्याय दान्यामाले। गुँरलाइ दोस तायाच्यो, हैजैद परमेस्वरवइ जेलाइ ब दोस यान्या माले। गुँरलाइ छेमा यायाच्यो हैजैद परमेस्वरवइ जेलाइ ब छेमा यान्याले। 38जे गुँरलाइ यायाच्यो, हैजैद परमेस्वरवइ जेलाइ झन खाँदिइ-खाँदिइ बेसरि हल्लैद, गुप्तिउवा जैद यान्या ले। जे गुँरलाइ जो नापवइ ज्यायाज्या, जेब हो नापङि ज अस्दैन्या जेले#मत्ति ७:२; मर्कुस ४:२४।”
39हैजैद येसुइ नोरलाइ तुबु आन् जाद हैयादोकेउ, “अन्धावइ अन्धालाइ ज मादोरैदुउ। यदि दोरैकेउलेक नुनिजोर् ज खाल्ताल तेन्या लेनि#मत्ति १५:१४। 40चेला उगुरु भन्दा घ्यो माजास्, तर नोइ पुरा सिछ्या ओस्दैकिं उगुरु मदिउ ज जास्#मत्ति १०:२४-२५; युहन्ना १३:१६; १५:२०।”
41“ना नपार्जाइ उमिंलाउ लिज्याउ खा चित नराँज्या, तर ना नमिंलाउ लिज्याउ मुँदाचाहिं नमाराँ?” 42ना नमिल लिज्याउ मुँदाज नमाराज्याकिंलेक, ना नपार्जालाइ, “ए ङापार्जा, नमिल लिज्याउ खा ङालाइ हाउ याँको” हैलेद कैजैद हैनदादु? ए कप्ति, पैला नमिल लिज्याउ मुदा हाइको, हैजैद बल्ल नपार्जाइ उमिल लिज्याउ खा हाइद यान्या अप्चाद राँदुन्या नले।
सिंगुर सोनो ओसे
43“अप्चाउ सिंगुरवइ माप्चाउ ओसे मासप्सेउ, हैजैदज माप्चाउ सिंगुरवइ अप्चाउ ओसे मास्प्सेदुउ। 44स्यो सिंगुर्र ओसेतिं ज सरेससिर। नेलाइलेक अप्जु ज्याम्ताङि सुराइब बिदु माकिर, नत अंगुर अस्दुर#मत्ति १२:३३। 45अप्चाउ अर्मिवइ उयुउँलाउ भँदार्ङि अप्चाउ थोकज अस्पुलुउ, सोनो दुस्त अर्मिवइ उयुउँलाउ भँदार्ङि दुस्त थोकज अस्पुलुउ। नेलाइलेक जो अस्पाँ युउँल पलेंउ जास्, अर्मिवइ ओयातिं होज पुलुस्#मत्ति १२:३४।
जोर् झिम्नि इंआन्
मत्ति ७:२४-२७
46“ङा हैङादाच्योउ अस्पाँ जेमादाकिंलेक किकाम् ङालाइ ‘प्रभु, प्रभु,’ हैजेदाँङाज्या? 47जो अर्मि ङालेउक राद, ङास्पाँ थैद हो अनुसार दोउ, हो कमदिउ अर्मि हैलेद, ङा जेलाइ हैङादाच्यो। 48नो तुबु झिम् जैन्या अर्मि मदिउज। नोइ पताल गोद पहरतर्त जग थाँकेउ। हैजैद नम् अर्वाद खोला बुउलिद राद हो झिम्त थुकिसिके, हैजैद ब नो रिवइ झिम्लाइ कै माजैदुकेउ। नेलाइकिंलेक नो झिम्वइ ओजग पक्का जैसिउ ले। 49तर जोइ ङास्पाँ थैद ब होअनुसार मादोउ, हो तुबु अमदिउ अर्मि, नोइ जग मागोद ज अर्गमतर्त जग थाँद झिम् जैकेउ। हैजैद नम् अर्वाद खोला बुउलिद राद हो झिम्त उथुकिसिउ पन्याज झिम् भोके हैजैद घ्यो बिनास् जास्के। नेलाइलेक हो झिम्वइ ओजग मागोद ज अर्गमतर्त जैसिउ ले।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.