लुका 5
5
येसुइ बरिताउ ओचेलार
मत्ति ४:१८-२२; मर्कुस १:१६-२०
1तला येसु गनेसरेत हैयादाज्याउ अर्बिवइ ओछ्योक ओच्याँलेक। लेमाले अर्मिर परमेस्वरवइ ओबचन थैन्याको लागि येसुइ ओलेउयाल कुचुसिरैकेर। 2येसुइ अर्बि ओछ्योक जोर्बलै दोङ्गा राँकेउ। तर जाल् रैसिन्यार चाहिं दोङ्गावइ ओछ्योक चुँद याजाल्र छेज्याउर लेर। 3होक लेउ तुबु दोङ्गा चाहिं सिमोनवइ उमि ले। हो दोङ्गात चुँद येसुवइ दोङ्गालाइ अर्बिकिं जाँ होकैक लाउँ अस्परिंकेउ। हो दोङ्गात चुँद अर्मिरलाइ सिछ्या यायोकेउ#मत्ति १३:१-२; मर्कुस ३:९-१०; ४:१ ।
4सिछ्या ओवायोउछिंङि येसुवइ सिमोनलाइ हैदोकेउ, “पताल्दि हिंद ङ्हा कोलोन्याको लागि नजाल भिंको।”
5आउ थैद सिमोनवइ येसुलाइ हैदोकेउ, “गुरु ज्यु, गे तरिपुरु जाल् रैसिद तुबु ङ्हा ब मापरिके। हुदिब ना हैनलेउ अनुसार ङा जाल् ङाभिं#युहन्ना २१:३।” 6हैजैद येसुइ हैओलेउ अनुसार जाल् उभिंक, भ्या ङ्हार परिद नोराइ याजाल ज अप्चिस्नाके#युहन्ना २१:६। 7हैजैद नोराइ गुँ दोङ्गाल लिज्याउ यारिजारलाइ गेलाइ बल यारैसिच्यो हैलेद सान् दाद यायोकेर। नोर राद ङ्हार यास्पुलैज्याक जोर्बलै दोङ्गाल ज ङ्हार पलेंद, दोङ्गा ज धुबिनाके। 8आउ राँद सिमोन पत्रुस येसुइ उखुँक फुलुप्लेद हैदोकेउ, “प्रभु, ङा पापि अर्मि चि, ङालेउकिं होकोइ हिंनि।”
9भ्या ङ्हार जाल्ल यापारौ राँद सिमोन सोनो उरिजार स्योराइ अचम्ब मानिकेर। 10सोनो सिमोनस सिप एन् दाज्याउ जब्दियावइ ओजानि याकुब सोनो युहन्नानिइ ब अचम्ब मानिकिंनि। येसुवइ सिमोनलाइ हैदोकेउ, “ताछेनि! अबकिं ना ङ्हार म्हा, अर्मिरलाइ ङालेउक कोलोद रैन्या नले।”
11हैजैद नोराइ दोङ्गार पाखाक यारैकेर। हुकिं नोराइ स्यो थोक रास्द येसुवइ उछिंत लागिकेर।
येसुवइ कुरिलाइ सगराँकेउ
मत्ति ८:१-४; मर्कुस १:४०-४५
12तला येसु तुबु सहरल उलिज्याक, हो सहरल कुरिरोग लागिउ तुबु अर्मि ले। हो कुरिरोग लागिउ अर्मिवइ येसुलाइ राँद येसुइ उबरिक गोम्लेद येसुस बिन्ति दोकेउ, “हे प्रभु, नइच्छ्या ओलेकिंलेक ङालाइ नसगराँदुङा।”
13येसुवइ कुरिइ ओकलाँत उकुइ नैद हैदोकेउ, “ना गराँनि हैलेन्या ङाइच्छा लिज्या।” हैजैद होपन्याज नो कुरि रोगङि गराँके। 14येसुवइ नो अर्मिलाइ हैदोकेउ, “आउ अस्पाँ सुरलाइ हैतादोको, तर यहुदि पुजारिवइ ओलेउक हिंद अस्तैंसिनि, मोसाइ ओव्यबस्था अनुसार ङा गराँद ङाले हैलेद प्रमानको लागि भेति चरैको#लेवि १४:१-३२।”
15हो छ्याम्किं येसुइ ओचर्चा जन् फैलिनाके। हैजैद भ्या भन्दा भ्या अर्मिर येसुवइ ओस्पाँ थैन्या सोनो यारोगङि गराँन्याको लागि राकेर। 16तर येसुचाहिं एकान्त थाउँ याक हिंद प्राथना दोकेउ।
पछ्याघाति गराँउ
मत्ति ९:१-८; मर्कुस २:१-१२
17तला येसुवइ अर्मिरलाइ सिछ्या याज्याउ ले। होक गालिल सोनो यहुदिया इलाकालाउ स्यो नाखाँङि सोनो यरुसलेम सहरङि राउ फरिसि हैयादाज्याउ यहुदिर सोनो मोसाइ ओनियम अस्पैन्यार राद येसुइ ओछ्योक चुँउ लेर। रोगिरलाइ सगराँन्या परमप्रभुवइ ओसक्ति येसुस ले। 18होबेलाक अर्मिराइ तुबु पछ्याघाति अर्मिलाइ ओतैंस छेंद रैकेर। नोराइ नोलाइ भितर्ल येसुवइ ओबरिक लाउँ अस्पैंकेर। 19तर नोक अर्मिराइ याहुल्मुलवइ येसुइ उबरिक लाँन्या घ्वा मास्दैद घगलाँत अस्पुलैद, नोराइ घगलाँ अस्घ्वाँद पछ्याघाति अर्मिलाइ ओतैंस ज येसुइ उबरिक जाकेर। 20येसुवइ नोराइ याबिस्वास राँद पछ्याघाति अर्मिलाइ हैदोकेउ, “ए ङारिजा, ना नपाप छेमा जास्के।”
21येसुवइ ओस्पाँ थैज्याउ मोसाइ ओनियम अस्पैन्यार सोनो फरिसि हैयादाज्याउ यहुदिराइ यायुउँ-यायुउँल अइलेकेर, “आउ अर्मि सुस परमेस्वरवइ उबिरोधल अस्पाँन्या? अर्मिराइ यापाप ते परमेस्वरवइ वाज छेमा दादु।” 22तर येसुवइ नोराइ यायुउँलाउ अस्पाँ सैंद हैयादोकेउ, “जे नेलाइ जेयुउँल नमदिउ जेसम्झिज्या? 23नो अर्मिलाइ ‘नपाप छेमा जास्के’ हैदान्या सिंनि ‘सोद अस्बानि’ हैदान्या, कदिउ सजिलो लिज्या? 24तर परमेस्वरवइ उस्परिंङाउ ङा अर्मिइ ओजालाइ आउ मादमिल पाप छेमा यान्या अधिकार लिज्या हैलेन्या जे सैंच्यो।” हुकिं येसुइ नो पछ्याघाति अर्मिलाइ हैदोकेउ, “ङा नालाइ हैङादिनिज्या, सोनि नतैं छेंद नझिम्दि हिंनि।”
25नो अर्मि होपन्याज सोद स्योराइ याबरिकिं ओतैं छेंद परमेस्वरवइ ओप्रसंसा दाउयाँ उझिम्दि हिंके। 26हुकिं नोकाउ लिज्याउ स्यो अर्मिराइ परमेस्वरवइ अमदिउ ओसक्ति राँद अचम्ब मानिद छेकेर। नोराइ परमेस्वरवइ ओमहिमा दाद हैलेकेर, “आछिम् गे अचम्बलाउ अस्पाँ गेराँके।”
लेविलाइ येसुवइ खुल्सिउ
मत्ति ९:९-१३; मर्कुस २:१४-१७
27आउ अस्पाँ छिंङि येसु हुकिं पुलुस्द उहिंज्याक, लेबि#5:27 लेबि: लेबिलाइ मत्ति ब हैदोर। उर्मिलेउ तुबु स्यार्मा उथैज्याउलाइ स्यार्मा उथैन्या पोक चुँद उलिज्याउ राँकेउ। हैजैद येसुइ नोलाइ हैदोकेउ, “ना ङाछिंत रैं।” 28हैजैद नोइ स्यो थोक रास्द येसुइ उछिंत हिंके।
29हुकिं लेविवइ येसुको लागि उझिम्क घ्यो भोज तयार जैद ज्याउ ज्यान्या याखुल्केउ। हो भोजक स्यार्मा उथैन्या अर्मिर सोनो गुँ भ्या अर्मिर ब लेर। 30फरिसि हैयादाज्याउ यहुदिर सोनो नोरलाइ मोसाइ ओनियम अस्पैन्यार येसुइ ओचेलाराइ याबिरोध्ल अइलेद गन्गनैकेर, “जे नेलाइ स्यार्मा उथैन्यार सोनो पापिरास जेज्याज्या#लुका १५:१-२?”
31तर येसुवइ नोरलाइ हैयादोकेउ, “निरोगिलाइ बैद्यवइ उमिखाँचो मापरि, तर रोगिलाइ वाझ परि। 32ङा धर्मिरलाइ म्हाक तर पाप दाज्याउराइ यापापलाइ स्विकारिद गरास्रक हैलेद खुल्न्या ङाराउ।”
उपबास सम्बन्दल अस्गेंसिउ
मत्ति ९:१४-१७; मर्कुस २:१८-२२
33तला खो अर्मिर राद येसुलाइ हैदोकेर, “युहन्नावइ ओचेलार बारम्बार उपबास लिज्यार सोनो प्राथना दाज्यार। फरिसि हैयादाज्याउ यहुदिराइ याचेलार ब हैज जैज्यार, तर ना नचेलार ते सदा ज्याज्यार सोनो ओज्यार।”
34येसुवइ नोरलाइ हैयादोकेउ, “हुकिंलेक भ्याउल्या जन्तिरास उलिज्याक जन्तिरलाइ उपबास लेउ परि रो? 35तर अमदिउ दिन्र रान्यालेर, जब भ्याउल्या नोरास छुतिन्या ले, हो दिनल बल्ल नोर उपबास लेन्यालेर।”
36येसुवइ नोरलाइ तुबु आन् ब जाद यायोकेउ, “सु अर्मिवइ ब सारो ताला पुरानो क्वा त मापौ, म्हाकिंते नोइ सारो क्वालाइ अप्चिउ, हो सोनो सारो ताला पुरानोस माखै। 37सु अर्मिइब सारो अंगुरवइ ओरसलाइ पुरानो पिल्घु#5:37 पिल्घु: होबेलाकाउ समयल अर्मिराइ अंगुरवइ ओरसलाइ स्यालोक्ताल जान्या दोर।ल माजाउ, म्हाकिंते सारो अंगुरवइ ओरस्वइ पिल्घुलाइ अप्चिउ। हैजैद पिल्घु अप्चिस्द अंगुरवइ ओरस ब घुप्ति। 38होकारन सारो अंगुरवइ ओरसलाइ सारो पिल्घुल ज जाउपरि। 39सोनो सु अर्मिवइ ब पुरानो अंगुरवइ ओरस ओद सारो माखिंमो, नेलाइलेक नोइ हैले, ‘पुरानो ज ङुउ लिज्या’।”
ទើបបានជ្រើសរើសហើយ៖
लुका 5: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
