लुका 22
22
यहुदावइ बिस्वासघात दासिउ
मत्ति २६:१-५,१४-१६; मर्कुस १४:१-२,१०-११; युहन्ना ११:४५-५३
1भरेस सगोन्या वासो माबोइसिउ भरेस ज्यान्या यहुदिराइ छुत्कारालाउ यापर्ब नजिक राउ ले#प्रस्थान १२:१-२७। 2यहुदि मुख्ये पुजारिर सोनो मोसावइ ओनियम अस्पैन्यार अर्मिरास याछेउ कारन नोराइ येसुलाइ गोप्याल सौ अस्पैंकेर।
3हुकिं बाह्र जना चेलारमध्ये तुबु यहुदा इस्करियोत हैयादाज्याउवइ उयुउँल सैतान पसिके। 4नोइ यहुदि मुख्ये पुजारिर सोनो परमेस्वरवइ उझिम् राँन्या कप्तानराइ यालेउक हिंद येसुलाइ कैजैद नोराइ याकुइत ङापारैदु हैलेद सल्ला दोकेउ। 5आउ थैद नोर खुसि जास्केर, हैजैद नोलाइ रुप्या यान्या जैकेर। 6नो भैंके, हैजैद हुल्मुल ओमालेउ बेलाक येसुलाइ कोलोउ अस्परिंन्या मौका राँरिकेउ।
येसुइ छुत्कारालाउ पर्ब मनैसिउ
मत्ति २६:१७-३०; मर्कुस १४:१२-२६; युहन्ना १३:२१-३०
7भरेस सगोन्या वासो माबोइसिउ भरेस ज्यान्या छुत्कारालाउ पर्बइ ओसमयल लु पाथालाइ बलि चरैन्या चलन ले। 8येसुइ पत्रुस सोनो युहन्नानिलाइ अइलेद यानिस्परिंकेउ, “हिंद गेको लागि छुत्कारालाउ पर्बताउ ज्याउ तयार जैचिं।”
9नुनिइ येसुलाइ अस्गेंकिनि, “गिं आउ ज्याउ काँक जैन्या?”
10येसुइ नुनिलाइ हैयानिदोकेउ, “थैचिं, जिं सहरल जिंपसिउ पन्याँज गाग्रिल रि गुर्द हिंज्याउ तुबु सलेपावइ जिंलाइ अस्दैन्या ले। हैजैद नो अर्मि जो झिम्ल पसि होक सम होइ उछिं-उछिं हिंचिं। 11हुकिं हो झिम्वइ ओर्गेलाइ, ‘गुरुवइ ङा ङाचेलारास छुत्कारालाउ पर्बताउ ज्याउ ज्यान्या पाहुना कोथा काँक लिज्या?’ हैलेद नालाइ अस्गेंन्या गिंलाइ अस्परिंनैसिउ हैदाचि। 12नोइ जिंलाइ रोताउ तलाताउ सजैसिउ घ्यो कोथा अस्तैंद यान्याले, हैजैद होल ज तयार जैचिं।”
13नुनि हिंकिनि, हुकिं येसुइ हैअ्वानिदोउ मदिउज अस्दैकिनि, हुकिं नुनिइ नोकज छुत्कारालाउ पर्बताउ ज्याउवइ ओतयारि दोकिनि।
प्रभु भोज
मत्ति २६:२६-३०; मर्कुस १४:२२-२६; १कोरिन्थि ११:२३-२५
14हुकिं ज्यान्या बेला जास्के, हैजैद येसु प्रेरितरास ज्यान्या चुँके। 15येसुइ नोरलाइ हैयादोकेउ, “ङा दुख अस्दैन्या भन्दा बरिदि ज जेस छुत्कारालाउ पर्बताउ भोज ज्यान्या घ्यो इच्छ्या दासिउ ङाले। 16नेलाइलेक ङा जेलाइ हैङादाच्योज्या, परमेस्वरवइ ओराज्यल आउ भोजवइ ओअर्थ पुरा ओमाजास्वा ङा फिरि आउ भोज ज्यान्या ङामाले।”
17हुकिं येसुइ अंगुरवइ ओरस् लेउ खोरे छेंकेउ हैजैद परमेस्वरलाइ धन्यवाद याद हैयादोकेउ, “आउ थाँच्यो हैजैद जेखार्ल भाद ओच्यो। 18नेलाइलेक ङा जेलाइ हैङादाच्योज्या, परमेस्वरवइ ओराज्यल आउ भोजवइ ओअर्थ पुरा ओमाजास्वा ङा फिरि आउ अंगुरवइ ओरस् ओन्या ङामाले।”
19हैजैद येसुइ भरेस छेंद परमेस्वरलाइ धन्यवाद याद सलेकेउ हैजैद नोरलाइ याद हैयादोकेउ, “जेको लागि यासिउ आउ ङा ङासरिर। अबकिं हुदि ङा ङासम्झनाल आउ अइजैद ज ज्याच्यो।” 20हैजैदज, याज्योउ छिंङि येसुइ अंगुरवइ ओरस् लेउ खोरे छेंद हैयादोकेउ, “आउ खोरे जेको लागि बगैसिउ ङाझिल ज्यासिउ सारो बाचा#यर्मिया ३१:३१-३४।
21“तर राँच्यो, ङालाइ कोलोउ अस्परिंन्या अर्मि ङासज ज्यान्या चुँद ले#भजनसंग्रह ४१:९। 22परमेस्वरवइ निर्नय ओदोउवइ परमेस्वरवइ उस्परिंङाउ ङा अर्मिइ ओजा ते सिउज परि, तर ङालाइ कोलोउ अस्परिंन्यालाइ परमेस्वरवइ घ्यो सजाय योउ।”
23आउ अस्पाँ थैद प्रेरितराइ अमदिउ एन् दान्या सु क्या हैलेद तुबुइ-तुबुलाइ अस्गेंसिकेर।
घ्यो अर्मि सु
मत्ति २०:२५-२८; १९:२९; मर्कुस १०:४२-४५
24अब नोरमध्ये स्योर भन्दा कदिउर घ्यो जास्न्या हैलेद याखार्ल बादबिबाद चलिके#मत्ति १८:१; मर्कुस ९:३४; लुका ९:४६। 25येसुइ नोरलाइ हैयादोकेउ, “मादमिलाउ अर्गेराइ यार्मिरात सासन दाज्यार सोनो नोराइ अर्मिरलाइ या अप्चाउ अर्मिर हैदाउ अस्पैंज्यार। 26तर जे चाहिं नमदिउ ताजास्च्यो। जे मध्ये जो घ्यो लिज्या, हो आलुजा ओजैसिक, सोनो अगुवा जासो अस्पैंन्यावइ चाहिं सेवा ओदोउक#मत्ति २०:२५-२७; १०:४२ #मत्ति २३:११; मर्कुस ९:३५। 27आनि मध्ये घ्यो कदिउनि क्या? भोजन जान्या चुउँ सिं सेवा दाज्याउ? ज्यान्या चुउँ म्हारो? तर ङा जेखार्ल तुबु सेवा दाज्याउ मदिउज ङालिज्या#युहन्ना १३:१२-१५।
28“ङा स्यो ङादुखलाउ बेला जे ङालाइ साथ जेयाँङाके। 29होकारन कैजैद बाबुइ ङालाइ सासन दान्या अधिकार यानैङाउ, हैजैदज ङाब जेलाइ अधिकार यान्याङाले। 30होकारन ङाराज्यल जे ङासज चुँद ज्यान्या, ओन्या जेले, सोनो अर्गे चुँन्या पोत चुँद इस्राएललाउ बाह्र कुलराइ यान्याय दान्या जेले#मत्ति १९:२८।”
पत्रुसवइ येसुलाइ ङामासरेस् हैलेसिउ
मत्ति २६:३१-३५; मर्कुस १४:२७-३१; युहन्ना १३:३६-३८
31हैजैद येसुइ सिमोन पत्रुसलाइ हैदोकेउ, “सिमोन, सिमोन, थैको ङा नालाइ तुबु अस्पाँ हैङादिंनि, किसानराइ ताम् यामोउ मालाक, सैतानवइ ब नालाइ ङाङि छुतैन्याको लागि परमेस्वरस आग्या ङिदनौ। 32तर ङा नबिस्वास तादक्मकिक हैलेद नाको लागि प्राथना ङादोके, फिरि ना यालेउदि नओलो छिंङि नदाज्यु-भाइरलाइ ब बिस्वासत पक्का याजैको।”
33हुकिं पत्रुसवइ येसुलाइ हैदोकेउ, “हे प्रभु, ङा नास झ्यालखानाल परिन्या सोनो सिन्यासमेत तयार ङालिज्या।”
34हैजैद येसुइ नोलाइ हैदोकेउ, “पत्रुस, ङा नालाइ हैङादिंनिज्या, पराति छकल्या भाल्या कोन्या भन्दा बरिदि ना ङालाइ सोंफे सम ङामासरेस् हैलेद इन्कार दान्या नले।”
दुख सहिन्या तयार जास्न्या
35येसुइ नोरलाइ हैयादोकेउ, “जब ङा जेलाइ अप्चाउ खबर सथैन्या रुप्या जुलि, अप्झैं सोनो पोवला मालेउ अस्परिंसिउ ङाले, होक क्या जेलाइ निउ चिजवइ उमि खाँचो परिके रो?” नोराइ हैदोकेर “मापरिके#मत्ति १०:९-१०; मर्कुस ६:८-९; लुका ९:३; १०:४ ।”
36येसुइ हैयादोकेउ, “तर अब जोइ उजुलि लिज्या, होइ नो उगुरोक, हैजैदज ओप्झै लेउवै ब हो उगुरोक, सोनो जोस तरवालि माले, होइ ओक्वा वेएद दिभ तुबु तरवालि ओचेंउक। 37नेलाइलेक ङा जेलाइ हैङादाच्योज्या, ‘नो अपराधिरास खिसिके’ हैलेद अप्सर्सिउ अस्पाँ ङात पुरा जासो ज परि। दसाज ङाबारेल अप्सर्सिउ अस्पाँर पुरा जास्रैज्या#यसैया ५३:१२ ।”
38चेलारमध्ये जोर्निइ हैदोकिनि, “हे प्रभु, गराँद, आक गिंस जोर्बलै तरवालि लिज्या।”
येसुइ नुनिलाइ हैयानिदोकेउ, “जास्-जास्।”
जैतुन दाँदात येसुइ प्राथना दासिउ
मत्ति २६:३६-४६; मर्कुस १४:३२-४२
39यरुसलेम सहरङि पुलुस्द सदाकाउ माला येसु जैतुन दाँदात हिंके, सोनो येसुइ ओचेलार ब उछिं-उछिं हिंकेर। 40हो थाउँक कलेस्द येसुइ नोरलाइ हैयादोकेउ, “माप्चाउ एन्राल जे फसिउ तापरिक हैलेद प्राथना दाच्यो।”
41-42हुकिं येसु नोराइ यालेउकिं जाँ होकैक हिंद उघुँदा तिकिद प्राथना दोकेउ, “हे बाबु, नइच्छ्या ओलेकिं आउ दुखलाउ खोरे ङालेउकिं हतैद याँको। तर ङा ङाइच्छ्या म्हा, ना नइच्छ्या पुरा ओजास्क।” 43हुकिं स्वर्गतिं तुबु परमेस्वरवइ ओस्पाँ हैदान्या राद येसुलाइ सहिन्या सक्ति योकेउ। 44भ्या दुखवइ येसुइ युउँ भरिउ ले हैजैद येसुइ उयुउँलिं ज प्राथना दोकेउ। येसुइ ओघाम् झि मालाक नाम्ल तेप्ज्याउ ले।
45प्राथना दाद येसु ओचेलार यालिज्याउ थाउँक ओल्द ओराक नोर यासोकवइ अर्ङल्द यालेउ यास्दैरैकेउ। 46येसुइ नोरलाइ हैयादोकेउ, “जे नेलाइ अर्ङल्द जेले? सोच्यो हैजैद माप्चाउ एन्ल मापरिन्याको लागि प्राथना दाच्यो।”
येसुलाइ कोलोसिउ
मत्ति २६:४७-५६; मर्कुस १४:४३-५०; युहन्ना १८:३-११
47येसु ओस्पाँज्याकज, अर्मिराइ याहुल्मुल नोक कलेस्रैकेर। बाह्र जना चेलारमध्ये तुबु यहुदा हैयादाज्याउ चाहिं नोराइ याबरि-याबरि राके। येसुलाइ म्वाँइ दान्या नो येसुइ ओनजिक हिंके। 48तर येसुइ नोलाइ हैदोकेउ, “यहुदा, ना परमेस्वरवइ उस्परिंङाउ ङा अर्मिइ ओजालाइ म्वाँइ दाद बिस्वासघात दाउ नस्पैंज्या?”
49हुकिं येसुइ ओचेलाराइ येसुलाइ कोलोन्या अर्मिर याराज्याउ राँद येसुलाइ अस्गेंकेर, “प्रभु, गे तरवालि गेचलै रो?” 50नोरमध्ये तुबुइ तरवालि चलैद स्योर भन्दा घ्यो यहुदि पुजारिवइ ओबाँदालाइ ओर्फताउ ओर्ना च्वातै क्याल्द योकेउ।
51तर येसुइ नोरलाइ, “जास्ते, रास्च्यो!” हैदाद नो अर्मिवइ ओर्ना छाप्द सगराँद योकेउ।
52हुकिं येसुलाइ कोलोन्या राउ यहुदि मुख्ये पुजारिर, परमेस्वरवइ उझिम्लाउ कप्तानर, सोनो अगुवारलाइ येसुइ हैयादोकेउ, “ङा क्या दाँका रो हैजैद जे अर्जुइ सोनो तर्वालिर रैद ङालाइ कोलोन्या राद जेले? 53ङा जेस ज परमेस्वरवइ उझिम्ल ङालेउ बेलाक ङालाइ जेमाकोलोङाके। तर मिमाराँउवइ ओसक्तिवइ एन् ओदोउ बेलाकज जे एन् दान्या जेसमय#लुका १९:४७; २१:३७।”
पत्रुसवइ येसुलाइ इन्कार दासिउ
मत्ति २६:५७-५८; मर्कुस १४:५३-५४; युहन्ना १८:१२-१८,२५-२७
54परमेस्वरवइ उझिम् अर्गुन्या कप्तानराइ येसुलाइ कोलोद लोंकेर, हैजैद येसुलाइ यहुदि मुख्ये पुजारिवइ उझिम्क रैकेर। पत्रुस तादा-तादाकिं येसुइ उछिं-उछिं हिंके। 55नोक अङगनाइ ओखार्ल मि सल्कैद अर्मिर अस्दुसिद चुउँर लेर। पत्रुस ब नोरासज सिप चुउँ ले। 56तुबु बाँदानिवइ मिजालत नोलाइ चुँद ओलेउ राँद बनैबनै राँकेउ हैजैद हैलेके, “आउ अर्मि ब नोसज ले।”
57तर पत्रुसवइ अइलेद इन्कार दोकेउ, “नाना, ङा नोलाइ ङामासरेस्।”
58हो छ्याक गुँवइ नोलाइ राँद हैदोकेउ, “नाब नोरासकाउ ज।”
तर पत्रुसवइ हैदोकेउ, “दाज्यु, ङा म्हा।”
59तघन्ता वात फिरि गुँ तुबु अर्मिवइ अइदोकेउ, “आउ अर्मि ब दसाज येसुस ले। नेलाइलेक आउ अर्मि ब गालिल इलाकलाउ ज।”
60तर पत्रुसवइ हैदोकेउ, “दाज्यु, ना नाति हैनलेज्या, ङा ङामासैं।”
नो ओस्पाँज्याकज भाल्या कोके। 61हुकिं प्रभुइ ओल्द पत्रुसलाइ राँकेउ, “पराति छकल्या भाल्या कोन्या भन्दा बरिदि ना ङालाइ सोंफे इन्कार दान्या नले” हैलेद प्रभुइ हैओदोउ बचन पत्रुसवइ सम्झिकेउ। 62हैजैद नो लाँक पुलुस्द त्वाँत्वाँ घर्के।
येसुलाइ अमान जैसिउ
मत्ति २६:६७-६८; मर्कुस १४:६५
63अब येसुलाइ अर्गुन्या अर्मिराइ ओल्लाइ गिल्दौयाँ थतैकेर। 64नोराइ येसुइ उमिं खुप्दयाद अस्गेंकेर, “नालाइ थतैज्याउ सु? दे, हैगदासिद।” 65अइजैद नोराइ येसुलाइ बिज्यात जैजै गुँ भ्या गालिकेर।
यहुदि अगुवाराइ घ्यो यासभावइ उबरिक येसु
मत्ति २६:५७-६६; मर्कुस १४:५३-६५; युहन्ना १८:१९-२४
66मिं ओराँउ पन्याज यहुदि मुख्ये पुजारिर सोनो मोसाइ ओनियम अस्पैन्यार अस्दुसिद येसुलाइ यहुदि अगुवाराइ घ्यो यासभाल लाँद अस्गेंकेर, 67“ना ख्रिस्त किं गेलाइ हैदासिको?”
येसुइ नोरलाइ हैयादोकेउ, “ङा हैङादाच्यो दिब जे जेमापतेङा। 68ङा जेलाइ ङास्गेंच्यो दिब नोइ ओजबाफ जेमायाँदुङा। 69तर अब परमेस्वरवइ उस्परिंङाउ ङा अर्मिइ ओजा स्योर भन्दा रोताउ परमेस्वरवइ ओर्फताउ अर्गे चुँन्या ओपोत चुँन्या ङाले।”
70नोर स्योराइ हैदोकेर, “हुकिंलेक, ना परमेस्वरवइ ओजा रो?”
येसुइ नोरलाइ जबाफ यायोकेउ, “जेज हैजेदाङाज्या, ङा हो ज।”
71नोराइ हैलेकेर, “गेलाइ अब गुँ नाति साछि चाहियाद? नेलाइलेक गे नोइ ओयालिं ज गेथैके।”
ទើបបានជ្រើសរើសហើយ៖
लुका 22: MAIK
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.
लुका 22
22
यहुदावइ बिस्वासघात दासिउ
मत्ति २६:१-५,१४-१६; मर्कुस १४:१-२,१०-११; युहन्ना ११:४५-५३
1भरेस सगोन्या वासो माबोइसिउ भरेस ज्यान्या यहुदिराइ छुत्कारालाउ यापर्ब नजिक राउ ले#प्रस्थान १२:१-२७। 2यहुदि मुख्ये पुजारिर सोनो मोसावइ ओनियम अस्पैन्यार अर्मिरास याछेउ कारन नोराइ येसुलाइ गोप्याल सौ अस्पैंकेर।
3हुकिं बाह्र जना चेलारमध्ये तुबु यहुदा इस्करियोत हैयादाज्याउवइ उयुउँल सैतान पसिके। 4नोइ यहुदि मुख्ये पुजारिर सोनो परमेस्वरवइ उझिम् राँन्या कप्तानराइ यालेउक हिंद येसुलाइ कैजैद नोराइ याकुइत ङापारैदु हैलेद सल्ला दोकेउ। 5आउ थैद नोर खुसि जास्केर, हैजैद नोलाइ रुप्या यान्या जैकेर। 6नो भैंके, हैजैद हुल्मुल ओमालेउ बेलाक येसुलाइ कोलोउ अस्परिंन्या मौका राँरिकेउ।
येसुइ छुत्कारालाउ पर्ब मनैसिउ
मत्ति २६:१७-३०; मर्कुस १४:१२-२६; युहन्ना १३:२१-३०
7भरेस सगोन्या वासो माबोइसिउ भरेस ज्यान्या छुत्कारालाउ पर्बइ ओसमयल लु पाथालाइ बलि चरैन्या चलन ले। 8येसुइ पत्रुस सोनो युहन्नानिलाइ अइलेद यानिस्परिंकेउ, “हिंद गेको लागि छुत्कारालाउ पर्बताउ ज्याउ तयार जैचिं।”
9नुनिइ येसुलाइ अस्गेंकिनि, “गिं आउ ज्याउ काँक जैन्या?”
10येसुइ नुनिलाइ हैयानिदोकेउ, “थैचिं, जिं सहरल जिंपसिउ पन्याँज गाग्रिल रि गुर्द हिंज्याउ तुबु सलेपावइ जिंलाइ अस्दैन्या ले। हैजैद नो अर्मि जो झिम्ल पसि होक सम होइ उछिं-उछिं हिंचिं। 11हुकिं हो झिम्वइ ओर्गेलाइ, ‘गुरुवइ ङा ङाचेलारास छुत्कारालाउ पर्बताउ ज्याउ ज्यान्या पाहुना कोथा काँक लिज्या?’ हैलेद नालाइ अस्गेंन्या गिंलाइ अस्परिंनैसिउ हैदाचि। 12नोइ जिंलाइ रोताउ तलाताउ सजैसिउ घ्यो कोथा अस्तैंद यान्याले, हैजैद होल ज तयार जैचिं।”
13नुनि हिंकिनि, हुकिं येसुइ हैअ्वानिदोउ मदिउज अस्दैकिनि, हुकिं नुनिइ नोकज छुत्कारालाउ पर्बताउ ज्याउवइ ओतयारि दोकिनि।
प्रभु भोज
मत्ति २६:२६-३०; मर्कुस १४:२२-२६; १कोरिन्थि ११:२३-२५
14हुकिं ज्यान्या बेला जास्के, हैजैद येसु प्रेरितरास ज्यान्या चुँके। 15येसुइ नोरलाइ हैयादोकेउ, “ङा दुख अस्दैन्या भन्दा बरिदि ज जेस छुत्कारालाउ पर्बताउ भोज ज्यान्या घ्यो इच्छ्या दासिउ ङाले। 16नेलाइलेक ङा जेलाइ हैङादाच्योज्या, परमेस्वरवइ ओराज्यल आउ भोजवइ ओअर्थ पुरा ओमाजास्वा ङा फिरि आउ भोज ज्यान्या ङामाले।”
17हुकिं येसुइ अंगुरवइ ओरस् लेउ खोरे छेंकेउ हैजैद परमेस्वरलाइ धन्यवाद याद हैयादोकेउ, “आउ थाँच्यो हैजैद जेखार्ल भाद ओच्यो। 18नेलाइलेक ङा जेलाइ हैङादाच्योज्या, परमेस्वरवइ ओराज्यल आउ भोजवइ ओअर्थ पुरा ओमाजास्वा ङा फिरि आउ अंगुरवइ ओरस् ओन्या ङामाले।”
19हैजैद येसुइ भरेस छेंद परमेस्वरलाइ धन्यवाद याद सलेकेउ हैजैद नोरलाइ याद हैयादोकेउ, “जेको लागि यासिउ आउ ङा ङासरिर। अबकिं हुदि ङा ङासम्झनाल आउ अइजैद ज ज्याच्यो।” 20हैजैदज, याज्योउ छिंङि येसुइ अंगुरवइ ओरस् लेउ खोरे छेंद हैयादोकेउ, “आउ खोरे जेको लागि बगैसिउ ङाझिल ज्यासिउ सारो बाचा#यर्मिया ३१:३१-३४।
21“तर राँच्यो, ङालाइ कोलोउ अस्परिंन्या अर्मि ङासज ज्यान्या चुँद ले#भजनसंग्रह ४१:९। 22परमेस्वरवइ निर्नय ओदोउवइ परमेस्वरवइ उस्परिंङाउ ङा अर्मिइ ओजा ते सिउज परि, तर ङालाइ कोलोउ अस्परिंन्यालाइ परमेस्वरवइ घ्यो सजाय योउ।”
23आउ अस्पाँ थैद प्रेरितराइ अमदिउ एन् दान्या सु क्या हैलेद तुबुइ-तुबुलाइ अस्गेंसिकेर।
घ्यो अर्मि सु
मत्ति २०:२५-२८; १९:२९; मर्कुस १०:४२-४५
24अब नोरमध्ये स्योर भन्दा कदिउर घ्यो जास्न्या हैलेद याखार्ल बादबिबाद चलिके#मत्ति १८:१; मर्कुस ९:३४; लुका ९:४६। 25येसुइ नोरलाइ हैयादोकेउ, “मादमिलाउ अर्गेराइ यार्मिरात सासन दाज्यार सोनो नोराइ अर्मिरलाइ या अप्चाउ अर्मिर हैदाउ अस्पैंज्यार। 26तर जे चाहिं नमदिउ ताजास्च्यो। जे मध्ये जो घ्यो लिज्या, हो आलुजा ओजैसिक, सोनो अगुवा जासो अस्पैंन्यावइ चाहिं सेवा ओदोउक#मत्ति २०:२५-२७; १०:४२ #मत्ति २३:११; मर्कुस ९:३५। 27आनि मध्ये घ्यो कदिउनि क्या? भोजन जान्या चुउँ सिं सेवा दाज्याउ? ज्यान्या चुउँ म्हारो? तर ङा जेखार्ल तुबु सेवा दाज्याउ मदिउज ङालिज्या#युहन्ना १३:१२-१५।
28“ङा स्यो ङादुखलाउ बेला जे ङालाइ साथ जेयाँङाके। 29होकारन कैजैद बाबुइ ङालाइ सासन दान्या अधिकार यानैङाउ, हैजैदज ङाब जेलाइ अधिकार यान्याङाले। 30होकारन ङाराज्यल जे ङासज चुँद ज्यान्या, ओन्या जेले, सोनो अर्गे चुँन्या पोत चुँद इस्राएललाउ बाह्र कुलराइ यान्याय दान्या जेले#मत्ति १९:२८।”
पत्रुसवइ येसुलाइ ङामासरेस् हैलेसिउ
मत्ति २६:३१-३५; मर्कुस १४:२७-३१; युहन्ना १३:३६-३८
31हैजैद येसुइ सिमोन पत्रुसलाइ हैदोकेउ, “सिमोन, सिमोन, थैको ङा नालाइ तुबु अस्पाँ हैङादिंनि, किसानराइ ताम् यामोउ मालाक, सैतानवइ ब नालाइ ङाङि छुतैन्याको लागि परमेस्वरस आग्या ङिदनौ। 32तर ङा नबिस्वास तादक्मकिक हैलेद नाको लागि प्राथना ङादोके, फिरि ना यालेउदि नओलो छिंङि नदाज्यु-भाइरलाइ ब बिस्वासत पक्का याजैको।”
33हुकिं पत्रुसवइ येसुलाइ हैदोकेउ, “हे प्रभु, ङा नास झ्यालखानाल परिन्या सोनो सिन्यासमेत तयार ङालिज्या।”
34हैजैद येसुइ नोलाइ हैदोकेउ, “पत्रुस, ङा नालाइ हैङादिंनिज्या, पराति छकल्या भाल्या कोन्या भन्दा बरिदि ना ङालाइ सोंफे सम ङामासरेस् हैलेद इन्कार दान्या नले।”
दुख सहिन्या तयार जास्न्या
35येसुइ नोरलाइ हैयादोकेउ, “जब ङा जेलाइ अप्चाउ खबर सथैन्या रुप्या जुलि, अप्झैं सोनो पोवला मालेउ अस्परिंसिउ ङाले, होक क्या जेलाइ निउ चिजवइ उमि खाँचो परिके रो?” नोराइ हैदोकेर “मापरिके#मत्ति १०:९-१०; मर्कुस ६:८-९; लुका ९:३; १०:४ ।”
36येसुइ हैयादोकेउ, “तर अब जोइ उजुलि लिज्या, होइ नो उगुरोक, हैजैदज ओप्झै लेउवै ब हो उगुरोक, सोनो जोस तरवालि माले, होइ ओक्वा वेएद दिभ तुबु तरवालि ओचेंउक। 37नेलाइलेक ङा जेलाइ हैङादाच्योज्या, ‘नो अपराधिरास खिसिके’ हैलेद अप्सर्सिउ अस्पाँ ङात पुरा जासो ज परि। दसाज ङाबारेल अप्सर्सिउ अस्पाँर पुरा जास्रैज्या#यसैया ५३:१२ ।”
38चेलारमध्ये जोर्निइ हैदोकिनि, “हे प्रभु, गराँद, आक गिंस जोर्बलै तरवालि लिज्या।”
येसुइ नुनिलाइ हैयानिदोकेउ, “जास्-जास्।”
जैतुन दाँदात येसुइ प्राथना दासिउ
मत्ति २६:३६-४६; मर्कुस १४:३२-४२
39यरुसलेम सहरङि पुलुस्द सदाकाउ माला येसु जैतुन दाँदात हिंके, सोनो येसुइ ओचेलार ब उछिं-उछिं हिंकेर। 40हो थाउँक कलेस्द येसुइ नोरलाइ हैयादोकेउ, “माप्चाउ एन्राल जे फसिउ तापरिक हैलेद प्राथना दाच्यो।”
41-42हुकिं येसु नोराइ यालेउकिं जाँ होकैक हिंद उघुँदा तिकिद प्राथना दोकेउ, “हे बाबु, नइच्छ्या ओलेकिं आउ दुखलाउ खोरे ङालेउकिं हतैद याँको। तर ङा ङाइच्छ्या म्हा, ना नइच्छ्या पुरा ओजास्क।” 43हुकिं स्वर्गतिं तुबु परमेस्वरवइ ओस्पाँ हैदान्या राद येसुलाइ सहिन्या सक्ति योकेउ। 44भ्या दुखवइ येसुइ युउँ भरिउ ले हैजैद येसुइ उयुउँलिं ज प्राथना दोकेउ। येसुइ ओघाम् झि मालाक नाम्ल तेप्ज्याउ ले।
45प्राथना दाद येसु ओचेलार यालिज्याउ थाउँक ओल्द ओराक नोर यासोकवइ अर्ङल्द यालेउ यास्दैरैकेउ। 46येसुइ नोरलाइ हैयादोकेउ, “जे नेलाइ अर्ङल्द जेले? सोच्यो हैजैद माप्चाउ एन्ल मापरिन्याको लागि प्राथना दाच्यो।”
येसुलाइ कोलोसिउ
मत्ति २६:४७-५६; मर्कुस १४:४३-५०; युहन्ना १८:३-११
47येसु ओस्पाँज्याकज, अर्मिराइ याहुल्मुल नोक कलेस्रैकेर। बाह्र जना चेलारमध्ये तुबु यहुदा हैयादाज्याउ चाहिं नोराइ याबरि-याबरि राके। येसुलाइ म्वाँइ दान्या नो येसुइ ओनजिक हिंके। 48तर येसुइ नोलाइ हैदोकेउ, “यहुदा, ना परमेस्वरवइ उस्परिंङाउ ङा अर्मिइ ओजालाइ म्वाँइ दाद बिस्वासघात दाउ नस्पैंज्या?”
49हुकिं येसुइ ओचेलाराइ येसुलाइ कोलोन्या अर्मिर याराज्याउ राँद येसुलाइ अस्गेंकेर, “प्रभु, गे तरवालि गेचलै रो?” 50नोरमध्ये तुबुइ तरवालि चलैद स्योर भन्दा घ्यो यहुदि पुजारिवइ ओबाँदालाइ ओर्फताउ ओर्ना च्वातै क्याल्द योकेउ।
51तर येसुइ नोरलाइ, “जास्ते, रास्च्यो!” हैदाद नो अर्मिवइ ओर्ना छाप्द सगराँद योकेउ।
52हुकिं येसुलाइ कोलोन्या राउ यहुदि मुख्ये पुजारिर, परमेस्वरवइ उझिम्लाउ कप्तानर, सोनो अगुवारलाइ येसुइ हैयादोकेउ, “ङा क्या दाँका रो हैजैद जे अर्जुइ सोनो तर्वालिर रैद ङालाइ कोलोन्या राद जेले? 53ङा जेस ज परमेस्वरवइ उझिम्ल ङालेउ बेलाक ङालाइ जेमाकोलोङाके। तर मिमाराँउवइ ओसक्तिवइ एन् ओदोउ बेलाकज जे एन् दान्या जेसमय#लुका १९:४७; २१:३७।”
पत्रुसवइ येसुलाइ इन्कार दासिउ
मत्ति २६:५७-५८; मर्कुस १४:५३-५४; युहन्ना १८:१२-१८,२५-२७
54परमेस्वरवइ उझिम् अर्गुन्या कप्तानराइ येसुलाइ कोलोद लोंकेर, हैजैद येसुलाइ यहुदि मुख्ये पुजारिवइ उझिम्क रैकेर। पत्रुस तादा-तादाकिं येसुइ उछिं-उछिं हिंके। 55नोक अङगनाइ ओखार्ल मि सल्कैद अर्मिर अस्दुसिद चुउँर लेर। पत्रुस ब नोरासज सिप चुउँ ले। 56तुबु बाँदानिवइ मिजालत नोलाइ चुँद ओलेउ राँद बनैबनै राँकेउ हैजैद हैलेके, “आउ अर्मि ब नोसज ले।”
57तर पत्रुसवइ अइलेद इन्कार दोकेउ, “नाना, ङा नोलाइ ङामासरेस्।”
58हो छ्याक गुँवइ नोलाइ राँद हैदोकेउ, “नाब नोरासकाउ ज।”
तर पत्रुसवइ हैदोकेउ, “दाज्यु, ङा म्हा।”
59तघन्ता वात फिरि गुँ तुबु अर्मिवइ अइदोकेउ, “आउ अर्मि ब दसाज येसुस ले। नेलाइलेक आउ अर्मि ब गालिल इलाकलाउ ज।”
60तर पत्रुसवइ हैदोकेउ, “दाज्यु, ना नाति हैनलेज्या, ङा ङामासैं।”
नो ओस्पाँज्याकज भाल्या कोके। 61हुकिं प्रभुइ ओल्द पत्रुसलाइ राँकेउ, “पराति छकल्या भाल्या कोन्या भन्दा बरिदि ना ङालाइ सोंफे इन्कार दान्या नले” हैलेद प्रभुइ हैओदोउ बचन पत्रुसवइ सम्झिकेउ। 62हैजैद नो लाँक पुलुस्द त्वाँत्वाँ घर्के।
येसुलाइ अमान जैसिउ
मत्ति २६:६७-६८; मर्कुस १४:६५
63अब येसुलाइ अर्गुन्या अर्मिराइ ओल्लाइ गिल्दौयाँ थतैकेर। 64नोराइ येसुइ उमिं खुप्दयाद अस्गेंकेर, “नालाइ थतैज्याउ सु? दे, हैगदासिद।” 65अइजैद नोराइ येसुलाइ बिज्यात जैजै गुँ भ्या गालिकेर।
यहुदि अगुवाराइ घ्यो यासभावइ उबरिक येसु
मत्ति २६:५७-६६; मर्कुस १४:५३-६५; युहन्ना १८:१९-२४
66मिं ओराँउ पन्याज यहुदि मुख्ये पुजारिर सोनो मोसाइ ओनियम अस्पैन्यार अस्दुसिद येसुलाइ यहुदि अगुवाराइ घ्यो यासभाल लाँद अस्गेंकेर, 67“ना ख्रिस्त किं गेलाइ हैदासिको?”
येसुइ नोरलाइ हैयादोकेउ, “ङा हैङादाच्यो दिब जे जेमापतेङा। 68ङा जेलाइ ङास्गेंच्यो दिब नोइ ओजबाफ जेमायाँदुङा। 69तर अब परमेस्वरवइ उस्परिंङाउ ङा अर्मिइ ओजा स्योर भन्दा रोताउ परमेस्वरवइ ओर्फताउ अर्गे चुँन्या ओपोत चुँन्या ङाले।”
70नोर स्योराइ हैदोकेर, “हुकिंलेक, ना परमेस्वरवइ ओजा रो?”
येसुइ नोरलाइ जबाफ यायोकेउ, “जेज हैजेदाङाज्या, ङा हो ज।”
71नोराइ हैलेकेर, “गेलाइ अब गुँ नाति साछि चाहियाद? नेलाइलेक गे नोइ ओयालिं ज गेथैके।”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2024 (Active), Mother Tongue Translators Society and Wycliffe Bible Translators, Inc. All rights reserved.