LUKU 12
12
1Mùnù tángù diádìnì, kibùkù kingi ki batù bayisidi kiziki kà kélé Yésù bà kélé béngi nsídì Mùbwa bùnù bà ya diatisani bawù yi bawù, Yésù kà hóyélè ntétè kù bà longoki bà yàndi: Lukebe ku bùngùmbù bà yámbùlù kuluhunu kùzáyí nà bà Fadisi mù bifù bibawu bi kù hunu. 2Biákúlù bini bi swama bà bi lubulu hâ mpénzè. 3Biákúlù bini lù hóyélè mù sweke bà mizayi mù mùní, mánà mi lukelé mini kungunu'ngùnù kù manimi mà kiafulu ki kukasa, bà mi wokidi hâ ntanù mudilu nzò mùsámù batù bakulu bawa! 4Yi lùkámbá: Mùsámù lwéníná bà ndûkù bà ménè lùyámbùlùlù kù bà banga baba luhondo Mánà baba kondo kusala ata kimi ki mbùtù kù manimi mà difwa. 5Yi lusongidi nà wù lufweti banga bénù:Lubanga wù weninanga nà kù manimi mà kuhondo kà kalà wè divè di kululoso kù bilungi, Yi lùkámbá mà mùsámù, lùkálá yibomo bù yàndi. 6Tekaku ngè mikiolokoto mitanu mù nzïmbù zolo za bibendi? Mùbwa bùnù Nzámbi mpüngù kà laloko ata mosi mùnkâtí kà bawù. 7Ata bà mpúndù bà bénù benina bà kù tanga.Lùyámbùlùlù kuwa bomo. Lwéníná mfúnù yingi kumesu mà Nzámbi mpüngù kù huioko mpè mikiolokoto. 8Yi lùkámbá mà mùsámù,koso mùtù wùnù ntambùsùlù kù mésù mà batù, mwana mùtù mpè kà mù záyénè kù mésù mà bà wanzio bà Nzámbi mpüngù. 9Mánà koso mùtù wùnù mbisi ménè kùdísé di batù, ménè mpè yi mubisi kùdísé di bà wanzio bà Nzámbi mpüngù. 10Nà lutuku kùvwêsè zíní di mwana mùtù bà fwénè kùlùlólóló mánà, ho lutuku hoyi bumbi mùsámù di mpévè lôngò, bà fwanoko kùlùlólóló. 11Mánà mùtángù dini batù bà lunata kùdísé di Nzó mfùmù wù Nzó Nzámbi mpüngù, kù disè di bà mfùmù, wè kùdísé di bà mfùmù bà lete, lù yámbùlù kù niembe mù mpídí yi lusamba ata mùmì luhoyi. 12Mùsámù mpévè lôngò yàndi, kà kulongo mùtángù diádìnì mi hoyi. 13Mùtù mosi mù kibùkù kà mùkámbá Yésù: Mulongi, mùkámbá mbángí ménè wù yakala kà kaba wè ménè kimvwama kà tusididi tâtà bétù. 14Yésù kà mù vùtùlélé nà: ndûkù!Nà wù nsídì ménè zùsi bénù mùsámù yi lù kabisidi bimi? 15Mánà Yésù yi kà kémbé mù kibùkù nà: Lù kadieku kwadi mù kù kalà yi bimi bivulu biabini bi lusadisoko nà dizingù di bénù di tomo. 16Kù manimi Yésù kà bà télélé nsímù: "kù kélé wè mvwama mosi wù kélé wè feleme di butisi mbongo yi vùlù. 17Yi kà yindwele yàndi bénè mánà yi kahoyele: Bwe yi sálá mùsámù yi bóngó kiziki kimosi kù yi fwéti sweke mbongo? 18Kù manimi kà hoya kù nsi mbùndù nà: Tala mi yi fwéti sálá; Yi bwotolo manzo mà ménè mà nkékè mánà yi tungu mama mbùtù ,mánà mfwene kù sweke bíbùndù wè bimi bi ménè bihiki. 19Yi kamba moyi ménè: Moyi ménè, wéniná yi bimi bi vùlù, biákúlù bini bi mbótì bi nswékélé mùsámù di mà mvùlù méngí. Yámbùlù kù biyangisi, dia, nwa mánà sepidi. 20Mánà Nzámbi mpüngù kà mù kamba nà: mùtù kondo máyélè! Mùmà siki-siki, ngè fwâ. Mánà nà bóngó, mbongo yínì wù swékélè? 21Kiki mù kumina mùtù wùnù bonga kimvwama kingi mùsámù di yàndi bù hiki mánà keku mvwama mùsámù di Nzámbi mpüngù. 22Yésù kà hoya kù bà longoki mi yàndi nà: Kiakini yi lùkámbá: Lù yámbùlù kubiyangisi mùsámù di dizingù di bénù, mù bi ludia, ata mù mitadidi lùtù di bénù, ata mù mi luvwata. 23Dizingù di lutidi bidia, mánà lùtù di lutidi mílélè. 24Lutala bà ngonono: bà kunaku kimi, mánà bà, helaku beku wè kisiki ki kù swekidi bimi, mánà Nzámbi mpüngù kà disa bà núni. Mánà lwena mfúnù yingi kulutu bayu. 25Mosi mù nkati kabenu fene kuzingi mà mfulu mà mwana vùlù muku kondo kù ketumuku? 26Mánà ho fwanoko kusala mwana kimi ki nkékè, nki lukwe biyangisidi mù bimi biyiki? 27Lutala nki mpídí mayela mà mwánà mùtì mà bùnkétè; masalaku, mánà mà mitungilaku mílélè kiakini yi lùkámbá nà: Nà Salomo yàndi bénè mù mikémbù kà vweteku kuzaya nà mwánà mùtì di mosi mùmà mwánà mùtì mà. 28Mánà nà Nzámbi mpüngù kà tù kù bóngó mù mpídí yínì yi fwénè dizingù di mwánà mùtì mà méniná mù masolo lélù, mánà bà malosele kù mbáwù bù kunkia, kà bóngó kiyeke ki bénù batù. Mùsámbù di nki lwéníná wè dikwikidi di nkékè? 29Lùyámbùlùlù kù dingi bi ludia wè bi lunwa, mánà lù yámbùlù kù biyangisi. 30Mùsámù batù bakulu bà nsi yi bà dinga bimi bi biákúlù mánà tâtà bénù wéniná kù zülù zéyé nà lwéníná bio mù mfúnù. 31Lù dingi ntétè-ntétè kímfùmù ki Nzámbi mpüngù, mánà kà luheke biákúlù bini lwéníná bio mù mfúnù. 32Lùyámbùlùlù kuwa bomo mwana kibùkù ki minangu, mùsámù tâtà bénù kà mona nà kwéníná bù mbótì kà luheke kímfùmù ki Nzámbi mpüngù. 33Luteke bimi bini lwéníná bio mánà lubakabidi bà nsùkàmí, Lusweke bimi bi mfúnù mùsámù di bénù -bénù bi kondo bini kù nunu wè bibi konda bini kù bébé, kimvwama kimosi kù zülù kikondo kini kù bébé, ata mufi mosi kà kukoko mù kuyibi wè bà nkoko bà fweneko kù sietuku mùsámù di kù bungu ki vwama ki ngè. 34Mánà kù kwéníná kimvwama ki ngè kwákùnù mpè kwéníná mbùndù ngè. 35Lùkálá kákà bà kù yilama muku sálá kisalu ki Nzámbi mpüngù, mwiende mi bénù mikala koso tángù mi kù lemini. 36Lùkálá kùzáyí nà bà nsádì bà tukuhingidi mulongi bawù késé vùtùkù kù féti di wala, mùsámù tángù dini kà vùtùkù kù nzò mánà kà kokotene mù kiafulu, mbala mosi bà fwénè kù mù yangululu kiafulu nswàlù-nswàlù. 37Kiésè kù bà nsádì bâna mù kukoto kù mulongi,kà kùsù wakana bà túkù mù hingidi, yi lùkámbá mà mùsámù; Kà vwata mùkábá yàndi kà zakalà hâ mese wè yàndi, mánà kà sietuku mùsámù bà mù hékè mà dia. 38Ata mulongi wusidi mù midi mi mpíbí,nà lo,mù kiésésè, nà kà wana bà nsádì bâna kunimba lo, kà bà sambulu. 39Mánà Lù mi zéyé bùnù mi fwénè,nà mfùmù nzò kà zaya tángù dini kà kùsù mufi, bà kalà bà kù vumbuku mánà bà mù yambuloko kà koto mù bi bibaka bi nzò yàndi. 40Bénù mpè, lùkálá bà kù vumbuku, mùsámù mwana mùtù kà kùsù mùtángù dini lukondo kù zaya bénù. 41Pétéló kà hoya nà: mfùmù, kù bétù tù kamba nsímù yina lo, kù batù bakulu? 42Mfùmù kà hoya nà: Nà mánà mù sweki bimi wù mbótì wè wù bikebisa wù kà sia mulongi mfùmù wù bà nsádì bà yàndi mùsámù kaba hékè bidia mùtángù dini bà zolélé? 43Kiésè kù nsádì wùnù nà mulongi, mù kù-kù mù kù yàndi,wusu mù wakana mù kisalu ki yàndi, kukala wè difútù mùsámù di mùnsádì wùnù. 44Yi lùkámbá mà mùsámù nà: kà mù sia mfùmù bimi bi yàndi biákúlù. 45Mánà nà nsádì wùnù kà bi hoyidi nà: mulongi ménè kà túkù zingi múkúkúsù, nà yandikidi kù bete bà nsádì bà hiki bà yakala wè bà nkétù, mù kù dia, kù nwa wè kù lawuku malafu, 46Mánà mulongi wù nsádì wùnù kakùsù kilùmbù kini kà kondo kù kana wè mùtángù di kóndélé kù zayakana. Kà mù hékè ndolo yi vùlù mánà, kà mùsálá mpídí bà sálá batù bâna basala bumbi. 47Nsádì wùnù zéyé mi kà zola mulongi yàndi kà misadidi mánà kà wù kóndélé kù lamba kimi ata kusala mù kù yilama bà mù bete bungi. 48Wù kóndélé kù mù zaya, mánà wù sadídí dihiki kimi kimbi, bà mùlòlò bù nkékè. Nà mùtù bongele bingi, Kùfwénè bi muvutukidi bingi; mánà nà bahele bingi kù mùtù mosi, bà muyiki dihiki bingi. 49Ménè yisi lemisi mbáwù mù nsi mutoto, mánà yina mosi kà ya nzólélè nà mbáwù yene yilemini. 50Kwé ninina yi mbotiki yi mpasi yi fwéti bóngó, tii kùnù yi kù kisama. Yene wè mísámù mivulu. 51Luzeyi bénù nà yisi nata Ngémbè hâ nsi mutoto? Lo, ménè yi lùkémbé, mánà nkabisi. 52Mùbwa bùnù,yandiki tangùdine nà lwéníná batù bà tanù mù kikanda, bà kabana, bà tátù wè, bôlò, mánà bôlò wè bà tátù. 53Tâtà wè mwana yàndi-yàndi wù yakala,mánà mwana yakala wè tâtà; mama wè mwana yàndi mùnkétu, mwana mùnkétu wè ngûdí yàndi, buko bù mùnkétu wè mutekulu yàndi wù mùnkétu, mánà mutekulu yàndi wù mùnkétu wè nkudi yàndi. 54Kà kamba dihiki kù kibùkù nà: Nà lùmwéné tuti di télémè kù kuzioma kùnù tángù, lù hoyi mpè nà: mvùlù yisidi, mánà yi mà maluta. 55Nà lumono mù mpêbe katu kù mpùmpùlù kù sudi, luhoyi nà: Tángù di kalà di kabala, mánà bwabùnù mikala. 56Bénù, bingumbu! Luzeye kù kutendulu bidimbu bi tángù bi nsi mutoto, wè zülù mánà luzeyoko kù tendulu mámbù mà tángù di. 57Mánà mùsámù di nki lufwernoko bénù lubongo dikanu mù bi bienina bi mbótì? 58Mùtángù lù tukukwende mù tidibinadi wè mùtù kù fundidi, ludingi luyidiki mùsámù kù disè di kù tulu. Nà lo mbélè wùnù kufundidi fwénè kù kunata kù bà zùsi, wù kuteke kùkéníná mfùmù bà sùta wù kù loso mù nzi nkodi. 59Yi lùkámbá nà: Lufwenoko kulubuku mù nzò nkodi kù kondo kufutu nzïmbù za bù nsuki.
ទើបបានជ្រើសរើសហើយ៖
LUKU 12: LNZ
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Lonzo Bible by Beyond Translation is licensed under Creative Commons Attribution-ShareAlike 4.0 License.
