Mateus 6
6
Kaü Nihataingehiri Tapatayel Lei Halofalof
1“Hau halihi dewa bwa hau tawai hannaha yami faaülü titiro maho räni matael sawori farüya bwa ebwe süya bwa yalemat labwe käkäne na hau faaülü. Nga sahü nga hauda faaülü mena, ira nga e tawol hadohafari ra haubwe hädi ifiri Papami ra e mire weirengi.
2“Ifiri na hobwe haneil lei halofalof, ho tawai hannahaho, hoda weya na marahara lei tirobwat la haye faaülü ma räni iimweri uwolongolong ma niyar. La faaülü bwa yalemat labwe habaühüül lada hapingepingael. Ibwe hau dewahami bwa lada mori hedi uruteri honi ngüsül. 3Ifiri na hobwe tapangi demarü lei halofalof, hoda hamwaro dewa titiin bwa hurusehirimu e tawai hüra na hurumalari paumu e faaülü. 4Merer ra e mwaro sahü nipatami ma hau liyemaru. Nga Papamu ra e käkäne marahara hau faülü ra e mwaro, eda hariho hadohafari.
Kaü Nihataingehiri Sipesipe
(Lukas 11.2-4)
5“Mena haubwe sipesipe, nga hau tawai hawengariil marahara lei tirobwat! La masari na labwe ddü räni iimweri uwolongolong ma niyar lada sipesipe, bwa ebwe süya urutael yalemat labwe käkäneiil. Ibwe hau dewahami bwa lada mori hedi uruteri honi ngüsül. 6Nga mena hobwe sipesipe hoda bwirango räni rarosihimu hoda tiiye hatamar hoda sipesipe ngari Papamu ra e tawol re e käkäne. Nga Papamu ra e käkäne marahara hau faülü ra e mwaro, eda hariho hadohafari.
7“Hau tawai yapitafariya sahü desau sipesipe eda weya na la faaülü marahara la tai hatödüya Dios ra la dölü bwa labwe yapitafarini yael sipesipe bwa ebwe süya bwa yael dios labwe longolong. 8Hau tawai hawengariil! Papami e faduri hüra sahü na hau la weya imowari na hau tingalow. 9Iyer na ebwe faaülü yami sipesipe:
‘Papamami ra e mire weirengi;
e liya iitomu;
10Ebwe bwito Farüyomu iyolomami,
nga ebwe faülüyehi yaamu lawe ma weidarop eda weya na e faülüyehi ma weirengi.
11Hanehamami haramami laneiya e nifa ma iyolomami.
12Hobwe peitaraho tammaümami
eda wehamami ra hai peitaraho tammaüül marahara la faülütoho tammaü iyolomami.
13Ho tawai hedihamami raho ifiri hapaan,
hobwe haruhamami ma ifiri tammaü.’
14“Nga sahü nga hau peitaraho tammaü hara yalemat la faülüngerihemi, ira nga Papami ra e mire weirengi nga ebwe peitaraho tammaü hara hau faülüüni. 15Nga sahü nga hauda tai peitaraho tammaü hara palüül la faülüngerihemi, ira nga Papami ra e tawai peitaraho tammaü hara hami hau faülüüni.
Kaü Nihataingehiri Na Dibwe Hasihahis
16“Ifiri na haubwe hasihahami nga hau tawai halofalofa wawomi eda weya na la faaülü marahara lei tirobwat. La hannaha uwawoil bwa la hasihael bwa ebwe süya bwa urutael yalemat labwe hüra bwa la hasihael. Ibwe hau dewahami bwa lada mori hedi honi ngüsül. 17Ifiri na hobwe hasihaho, hoda ulomat nga ho hamatara simomu, 18bwa yalemat la tawai hüra bwa ho hasihaho. Har Papamu ra e tawol re e käkäne na ebwe hüra na ho faaülü. Papamu ra e käkäne marahara hau faülü ra e mwaro, eda hariho hadohafari.
Taiteiri Weirengi
(Lukas 12.33-34)
19“Hau tawai hatoiyerini taiteimi uwawori farüyeri yalemat, bwa e süya bwa maruhure ebwe hangi hale ebwe baraho hale lei pilaf la pilani. 20Hau hatoiyerini taiteimi weirengi ra e tawau süya bwa maruhure ebwe hangi hale ebwe baraho nga e tawau süya bwa lei pilaf labwe pilani. 21Bwa mena e mire irang taiteimu, ira na tipomu e mire irang.
Hataweleri Podüs
(Lukas 11.34-36)
22“Matamu na lamari na podumu. Nga sahü nga e holufas yaamu hatotor, ira nga uruteri podümi nga e mire ni weledahi. 23Nga sahü nga e tammaü matamu, uruteri podumu nga e mire ni los. Nga sahü nga e los retipomu, nga erau hamatahütöhü dewa losoposur.
Dios Ma Mwanne
(Lukas 16.13; 12.22-31)
24“E tawol yalematara ebwe süya bwa ebwe liyemaru yaar tamoru, bwa horau dongahiri demarü nga e ho hamamaüya demarü; hale ho mahongari demarü nga ho raroitiya demarü. E tawau süya bwa hobwe tabweya Dios nga ho tabweya mwanne.
25“Ira sapir na ida hauhemi bwa hau tawai fangiyengi ifiri mwangaü ma sarü nifaari fadami, hale üff ra haubwe üfferi. Tai e tarapar nifaari faad ma imowari mwangaü, ma podü ma imowari üff? 26Hau habaühüni märü yeyeri: la tai fato mwangaü nga la tai hiri wari fatoh lada itaro räni soko, nga Papami ra e mire weirengi e hawerewereil! E tai hami hau taitei ma imowari märü yeyeri? 27E wol ma iyolomi na ebwe hakameseya fadar ifiri na ebwe fangiyengi hataingehir?
28“Nga e feita hauda fangiyengi ifiri üff? Hau habaühüni büngü hara la tahase: la tai fitehi nga la tai totolu üffael. 29Ibwe hauhemi bwa King Solomon we e taitei dewa nga e tawol üffar na ebwe weya mahori dahaye büngü har. 30Dios na e haüffoüfani fatiri har nga fatiri har ra labwe mire ihar laneiya nga waradu nga larau taminaho bwa la iimwahawa. Meta, e tai iiye ra ebwe habaühü dewa bwa ebwe wol üffemi? E happar dewa yami hatödü!
31“Hau tawai fangiyengi: e bwito ma iya haras? E bwito ma iya urumas sarü? hale üffas? 32(Iyahar na marahara la tai hatödüye Dios la fangiyengi söhü irang.) Papami ra e mire weirengi e hüra bwa e nifa uruteri marahar iyolomi. 33Ira hatödür dewa ra haubwe hataiteiye Farüyeri Dios ma marahara e masariya ma imowari pipiyeri faülümire, nga iiye ra erau harihemi uruteri marahar. 34Hau tawai fangiyengi ifiri titiini waradu: titiini waradu ra ebwe mire bwa titiini waradu. E tawol nifaari na haubwe par süyara fangiyengiri lane hara ebwe bwito.
ទើបបានជ្រើសរើសហើយ៖
Mateus 6: SOV
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 6
6
Kaü Nihataingehiri Tapatayel Lei Halofalof
1“Hau halihi dewa bwa hau tawai hannaha yami faaülü titiro maho räni matael sawori farüya bwa ebwe süya bwa yalemat labwe käkäne na hau faaülü. Nga sahü nga hauda faaülü mena, ira nga e tawol hadohafari ra haubwe hädi ifiri Papami ra e mire weirengi.
2“Ifiri na hobwe haneil lei halofalof, ho tawai hannahaho, hoda weya na marahara lei tirobwat la haye faaülü ma räni iimweri uwolongolong ma niyar. La faaülü bwa yalemat labwe habaühüül lada hapingepingael. Ibwe hau dewahami bwa lada mori hedi uruteri honi ngüsül. 3Ifiri na hobwe tapangi demarü lei halofalof, hoda hamwaro dewa titiin bwa hurusehirimu e tawai hüra na hurumalari paumu e faaülü. 4Merer ra e mwaro sahü nipatami ma hau liyemaru. Nga Papamu ra e käkäne marahara hau faülü ra e mwaro, eda hariho hadohafari.
Kaü Nihataingehiri Sipesipe
(Lukas 11.2-4)
5“Mena haubwe sipesipe, nga hau tawai hawengariil marahara lei tirobwat! La masari na labwe ddü räni iimweri uwolongolong ma niyar lada sipesipe, bwa ebwe süya urutael yalemat labwe käkäneiil. Ibwe hau dewahami bwa lada mori hedi uruteri honi ngüsül. 6Nga mena hobwe sipesipe hoda bwirango räni rarosihimu hoda tiiye hatamar hoda sipesipe ngari Papamu ra e tawol re e käkäne. Nga Papamu ra e käkäne marahara hau faülü ra e mwaro, eda hariho hadohafari.
7“Hau tawai yapitafariya sahü desau sipesipe eda weya na la faaülü marahara la tai hatödüya Dios ra la dölü bwa labwe yapitafarini yael sipesipe bwa ebwe süya bwa yael dios labwe longolong. 8Hau tawai hawengariil! Papami e faduri hüra sahü na hau la weya imowari na hau tingalow. 9Iyer na ebwe faaülü yami sipesipe:
‘Papamami ra e mire weirengi;
e liya iitomu;
10Ebwe bwito Farüyomu iyolomami,
nga ebwe faülüyehi yaamu lawe ma weidarop eda weya na e faülüyehi ma weirengi.
11Hanehamami haramami laneiya e nifa ma iyolomami.
12Hobwe peitaraho tammaümami
eda wehamami ra hai peitaraho tammaüül marahara la faülütoho tammaü iyolomami.
13Ho tawai hedihamami raho ifiri hapaan,
hobwe haruhamami ma ifiri tammaü.’
14“Nga sahü nga hau peitaraho tammaü hara yalemat la faülüngerihemi, ira nga Papami ra e mire weirengi nga ebwe peitaraho tammaü hara hau faülüüni. 15Nga sahü nga hauda tai peitaraho tammaü hara palüül la faülüngerihemi, ira nga Papami ra e tawai peitaraho tammaü hara hami hau faülüüni.
Kaü Nihataingehiri Na Dibwe Hasihahis
16“Ifiri na haubwe hasihahami nga hau tawai halofalofa wawomi eda weya na la faaülü marahara lei tirobwat. La hannaha uwawoil bwa la hasihael bwa ebwe süya bwa urutael yalemat labwe hüra bwa la hasihael. Ibwe hau dewahami bwa lada mori hedi honi ngüsül. 17Ifiri na hobwe hasihaho, hoda ulomat nga ho hamatara simomu, 18bwa yalemat la tawai hüra bwa ho hasihaho. Har Papamu ra e tawol re e käkäne na ebwe hüra na ho faaülü. Papamu ra e käkäne marahara hau faülü ra e mwaro, eda hariho hadohafari.
Taiteiri Weirengi
(Lukas 12.33-34)
19“Hau tawai hatoiyerini taiteimi uwawori farüyeri yalemat, bwa e süya bwa maruhure ebwe hangi hale ebwe baraho hale lei pilaf la pilani. 20Hau hatoiyerini taiteimi weirengi ra e tawau süya bwa maruhure ebwe hangi hale ebwe baraho nga e tawau süya bwa lei pilaf labwe pilani. 21Bwa mena e mire irang taiteimu, ira na tipomu e mire irang.
Hataweleri Podüs
(Lukas 11.34-36)
22“Matamu na lamari na podumu. Nga sahü nga e holufas yaamu hatotor, ira nga uruteri podümi nga e mire ni weledahi. 23Nga sahü nga e tammaü matamu, uruteri podumu nga e mire ni los. Nga sahü nga e los retipomu, nga erau hamatahütöhü dewa losoposur.
Dios Ma Mwanne
(Lukas 16.13; 12.22-31)
24“E tawol yalematara ebwe süya bwa ebwe liyemaru yaar tamoru, bwa horau dongahiri demarü nga e ho hamamaüya demarü; hale ho mahongari demarü nga ho raroitiya demarü. E tawau süya bwa hobwe tabweya Dios nga ho tabweya mwanne.
25“Ira sapir na ida hauhemi bwa hau tawai fangiyengi ifiri mwangaü ma sarü nifaari fadami, hale üff ra haubwe üfferi. Tai e tarapar nifaari faad ma imowari mwangaü, ma podü ma imowari üff? 26Hau habaühüni märü yeyeri: la tai fato mwangaü nga la tai hiri wari fatoh lada itaro räni soko, nga Papami ra e mire weirengi e hawerewereil! E tai hami hau taitei ma imowari märü yeyeri? 27E wol ma iyolomi na ebwe hakameseya fadar ifiri na ebwe fangiyengi hataingehir?
28“Nga e feita hauda fangiyengi ifiri üff? Hau habaühüni büngü hara la tahase: la tai fitehi nga la tai totolu üffael. 29Ibwe hauhemi bwa King Solomon we e taitei dewa nga e tawol üffar na ebwe weya mahori dahaye büngü har. 30Dios na e haüffoüfani fatiri har nga fatiri har ra labwe mire ihar laneiya nga waradu nga larau taminaho bwa la iimwahawa. Meta, e tai iiye ra ebwe habaühü dewa bwa ebwe wol üffemi? E happar dewa yami hatödü!
31“Hau tawai fangiyengi: e bwito ma iya haras? E bwito ma iya urumas sarü? hale üffas? 32(Iyahar na marahara la tai hatödüye Dios la fangiyengi söhü irang.) Papami ra e mire weirengi e hüra bwa e nifa uruteri marahar iyolomi. 33Ira hatödür dewa ra haubwe hataiteiye Farüyeri Dios ma marahara e masariya ma imowari pipiyeri faülümire, nga iiye ra erau harihemi uruteri marahar. 34Hau tawai fangiyengi ifiri titiini waradu: titiini waradu ra ebwe mire bwa titiini waradu. E tawol nifaari na haubwe par süyara fangiyengiri lane hara ebwe bwito.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង

ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.