Mateus 5
5
Kaüri Wawo Duhu
1Hesus e käkäneiil yalemat la towu eda patahe wawo duhu eda maatotiwo. Marahara lei tabwer lada ppari talanga 2eda hapurotahe yaar kaüül eda dölü bwa:
Hatödüri Hafaiyemau
(Lukas 6.20-23)
3“La hafaiyemaü marahara la halofalofa tipael,
bwa farüyael Farüyeri Weirengi!
4La hafaiyemau marahara la hasaüborü,
bwa Dios ebwe hariil mahori faringörüngörüül!
5La hafaiyemau marahara e tahitaro tipael,
bwa labwe taliyael farüyeri yalemat!
6La hafaiyemau marahara e taitei dewa ma faringörüngörüül bwa labwe faaülü na Dios e masariya,
bwa Dios erau hariil uruteri na la masariye.
7La hafaiyemau marahara la mäni fahöü,
bwa Dios ebwe hariil mäni fahöü.
8La hafaiyemau marahara e faheya tipael,
bwa iile ra labwe käkäne Dios.
9La hafaiyemau marahara la faülü marüyörüya,
bwa Dios ebwe fadöngüngeriil bwa iile wonour.
10La hafaiyemau marahara la iram bwa la faaülü na Dios e masariye,
bwa farüyael Farüyeri Weirengi.
11“Hau hafaiyemau ifiri na yalemat labwe hamamari hemi nga la rihemi nga la faülüüni yael doutongi titiromi bwanasahü na hami lei tabwei. 12Ebwe maho faringörüngörümi nga hau hapingeping, bwa tarapari hafaiyemau ra e mire bwa hataingehimi ma weirengi. Iyer na e faülü yael hairamael profeta hawe imowami.
Soolo Ma Wele
(Markus 9.50; Lukas 14.34-35)
13“Hau weya soolo iyoloil urutael sawori weidarop. Nga sahü nga eda tawolaraho na tatiri soolo, ira nga e tawol yarar na dibwe faaülü bwa ebwe para tati. Nga erau tawol nifaar lada peitawau ihitam, yalemat lada dulu.
14“Hau weya weledahi ifiri uruteri weidarop. E tawau süya bwa ebwe rulu wotawotara labwe faaülü wawo duhu. 15E tawol yalematara ebwe happuro lam eda itenango fari tapiye; bwa ebwe hädi eda itetahe uwawori räniyeri lam bwa labwe wele urutael marahara la mire niimwe. 16Ebwe weya sahü faülüri mena na welemi ra ebwe ttire imowael yalemat, bwa labwe käkäneni maho hara hau faülüüni lada hapingepinga Papami ra e mire weirengi.
Kaü Nihataingehiri Farau
17“Hau tawai mängiiye bwa i bwitoho bwa ibwe peitiniraho farau hawe yaari Moses ma marahawe yael profeta kaü. I tei bwitoho bwa ibwe peitiniraho bwa i fäli bwitoho bwa ibwe faülüüni bwa hatödü. 18Ibwe hau dewahami: yarairi na ebwe mire rangi ma masalo nga e tawol töt hafatitini farau ra labwe peitaraho eda tohongari mena uruteri faülümire ebwe faülüyehi. 19Nga eda haitina, ira nga yalematara e tai tabweya faraura ira-mo me faraura e haühühüri happar dewa ma uwoni farau nga e kaüül par palüül bwa labwe tabweya na e faülü, ira nga iiye na ebwe hapirifa dewa ma uwawori Farüyeri Weirengi. Nga yalematara e tabweya na e dölü Farau nga e kaüül yalemat bwa labwe tabweya na e faülü ra ebwe taitei ma uwawori Farüyeri Weirengi. 20Ibwe hauhemi bwa e süye bwa haubwe bwirango uwawori Farüyeri Weirengi ifiri na haubwe hatödüri faaülü mena Dios e masariye ma imowael marahara Farisi ma lei tanahori Farau la faaülü.
Kaü Nihataingehiri Dong
21“Hau da mori longolongo bwa la haüül yalemat ifiri-mo taranginarowa bwa, ‘Ho tawai faiini; nga sahü nga yalematara eda faiini, ira nga ebwe raho ifiri haddiye.’ 22Nga ngaangu ibwe hauhemi bwa yalematara e dongahiri bwidir ra ebwe raho ifiri haddiye; yalematara e haüya bwidir bwa ‘e tawol nifamu!’ ra ebwe raho ifiri Council, nga yalematara e fadöngüngeri bwidir bwa lei buse ra ebwe püngütiwo farüyeriyefi. 23Ifiri mena hobwe faülü yaamu ffahi uwawori altar nga hoda mangiya bwa e wol na bwidimu e dongahiriho irang, 24ira hobwe itetiwo na yaamu ffahi imowari altar hoda raho faaülü bwa ebwe maho nipatami ma mwana bwidimu, hoda wehitafaari hoda hariye Dios na yaamu ffahi.
25“Nga sahü nga e wol re e hatataleyasimu eda hädihowau ifiri haddiye, hobwe kupeti yarari na hobwe hawerewereya bwa ebwe maho nipatami imowari na hobwe buwou ifiri haddiye. Bwa ifiri mena horau buwou ifiri haddiye nga erau hädihowau imowari lei haddiye, nga ira lei haddiye erau hädiho eda hariil bulisi nga bulisi erau hädiho eda iteriho rango räni karabuse. 26Ibwe hau dewaho bwa horau mire räni karabuse eda tohongari na hobwe parüyeri uruteri na yaamu hatawadi.
Kaü Nihataingehiri Pilafari Liiri Yalemat
27“Hau da mori longolongo bwa la dölü bwa, ‘Ho tawai pila liiri yalemat.’ 28Nga ngaangu ibwe hauhemi bwa yalematara e habaühü demarü faifire nga e habweraraho-mo ebwe mire faifina bwa saworiwar. Yalematara ra eda mori pila liiri yalemat ma faringörüngön. 29Nga sahü nga hurumalari matamu na e faaülüho bwa hobwe raho ifiri tammaü, ho watihawau hoda peitaraho! E fäli maho ra ebwe taimire dew pitehiri wori yaloyalomu ma ifiri ra uruteri na podumu ebwe püngütiwo farüyeriyefi. 30Nga sahü nga hurumalari paumu re e faaülüho bwa hobwe tammaü, ho hädi hoda dopiya hoda peitaraho! E fäli maho ra ebwe taimire palüül pitehitehiri wori yaloyalomu ma ifiri ra uruteri na podumu ebwe bwitiwo farüyeriyefi.
Kaü Nihataingehiri Yalematara E Peitaraho Liir
(Mateus 19.9; Markus 10.11-12; Lukas 16.18)
31“Hau mori longolongo bwa, ‘Mwana e peitaraho faifina liir ebwe farüüye hafatitini habwangibwengiri yael liili eda hariye faifina liir bwa larau süyafataangi.’ 32Nga ngaangu ibwe hauhemi bwa mwana e peitaraho liir, nga faifina liir e tai mire ifiri tiro tammaü tahürari faülümire, mwana na e tammaü, bwa iiye na sapir nga faifina erau püngütiwo ifiri tammaüri tiro tammaüri tahürari faülümire, ifiri mena ebwe para liili; nga mwana ebwe liiri, iya-mo nga ebwe püngütiwo ifiri tammaü.
Kaü Nihataingehiri Raam Hatabotabo
33“Hau da mori longolongo bwa la haüül yalemat ifiri-mo taranginarowa bwa, ‘Ho tawai hatawadiye ramara ho mori hatabotabo, hoda hatofiya yaamu faaülü ira hoda mori haüya Tamoru bwa hobwe faaülü.’ 34Nga ngaangu ibwe hauhemi bwa hau tawai hapahaparaho ifiri na hobwe dölü yaamu hatödü. Nga hau tawai hedi iiteri weirengi hauda hori bwa yami hatödü, bwa weirengi ra räniyeri maatori Dios; 35hale hau hädi iiteri weidarop bwa yami hatödü, bwa weidarop räniyeri dduri hubweri Dios; hale hau hädi iiteri Yerusalem, bwa Yerusalem ra yaari tarapari King wotawot. 36Nga hau tawai hori hatödü faduhumi, bwa e tawau süya bwa haubwe faaülü deyari yani simwemi bwa ebwe bwesebwese hale ebwe losoloso. 37Haubwe dölü söhü bwa ‘Üngö’ hale ‘Naweri’. Dew titiro ma idelaye mere ra e bwitoho ma ifiri diabolo.
Kaü Nihataingehiri Fahipeiye
(Lukas 6.29-30)
38“Hau da mori longolongo bwa la dölü bwa, ‘Maat parüyen maat, nga ngii parüyen ngii.’ 39Nga ngaangu ibwe hauhemi bwa ho tawai fahipeiye. Nga sahü nga yalemat e pilihi hurumalari tapamu, hobwe hariya bwa ebwe para pilihi layera hurusehiri. 40Nga sahü nga yalemat e hädihowou ifiri haddiye bwa ebwe hataleyasimu ifiri üfferi podumu, hariye fängäniye ma mena üffenühüri üffomu. 41Nga sahü nga e wol e hatitingeriho bwa hobwe lohi yaar pahe dew mile, ho yafalaraho ifiri luwouwa mile. 42Nga sahü nga yalemat e tingaloho faülümire, hädi hoda hariya; nga sahü nga yalemat e tingalo bwa ebwe hori hapitehimu, ho hädi hoda hariya.
Hamamaüül Lei Ranaromi
(Lukas 6.27-28, 32-36)
43“Hau da mori longolongo bwa, ‘Hau hamamaüül yalematahara la halepaho, nga hau raroitil lei ranaromi.’ 44Nga ngaangu ibwe hauhemi bwa haubwe hamamaüül lei ranaromi nga hau sipesipe hataingehiil marahara la hairamahami, 45bwa haubwe raho bwa hami rauri Papami ra e mire weirengi. Iiye e faülü bwa ebwe ttire yaaro uwawoil lei maho ma lei tammaü, nga e fangatiwo uut uwawoil marahara la faaülü titiro maho ma marahara la faaülü na e tammaü. 46Meta nifaari na Dios ebwe harihemi hadohafari ifiri na haubwe hamamaüla sahü marahara la hamamaühemi? Marahara lei ikkeri tax nga la hamamaüül marahara la mahongariil. 47Nga sahü nga hau titirongariila sahü weribwidimi, e wola-mo moudurahori mena haü faülü? Ira sahü söüri na la faaülü marahara la tai hatödüya Dios! 48Hapaüpöüri na haubwe urut dewa ifiri maho eda weya Papami ra e mire weirengi ra e urut dewa ifiri maho.
ទើបបានជ្រើសរើសហើយ៖
Mateus 5: SOV
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.
Mateus 5
5
Kaüri Wawo Duhu
1Hesus e käkäneiil yalemat la towu eda patahe wawo duhu eda maatotiwo. Marahara lei tabwer lada ppari talanga 2eda hapurotahe yaar kaüül eda dölü bwa:
Hatödüri Hafaiyemau
(Lukas 6.20-23)
3“La hafaiyemaü marahara la halofalofa tipael,
bwa farüyael Farüyeri Weirengi!
4La hafaiyemau marahara la hasaüborü,
bwa Dios ebwe hariil mahori faringörüngörüül!
5La hafaiyemau marahara e tahitaro tipael,
bwa labwe taliyael farüyeri yalemat!
6La hafaiyemau marahara e taitei dewa ma faringörüngörüül bwa labwe faaülü na Dios e masariya,
bwa Dios erau hariil uruteri na la masariye.
7La hafaiyemau marahara la mäni fahöü,
bwa Dios ebwe hariil mäni fahöü.
8La hafaiyemau marahara e faheya tipael,
bwa iile ra labwe käkäne Dios.
9La hafaiyemau marahara la faülü marüyörüya,
bwa Dios ebwe fadöngüngeriil bwa iile wonour.
10La hafaiyemau marahara la iram bwa la faaülü na Dios e masariye,
bwa farüyael Farüyeri Weirengi.
11“Hau hafaiyemau ifiri na yalemat labwe hamamari hemi nga la rihemi nga la faülüüni yael doutongi titiromi bwanasahü na hami lei tabwei. 12Ebwe maho faringörüngörümi nga hau hapingeping, bwa tarapari hafaiyemau ra e mire bwa hataingehimi ma weirengi. Iyer na e faülü yael hairamael profeta hawe imowami.
Soolo Ma Wele
(Markus 9.50; Lukas 14.34-35)
13“Hau weya soolo iyoloil urutael sawori weidarop. Nga sahü nga eda tawolaraho na tatiri soolo, ira nga e tawol yarar na dibwe faaülü bwa ebwe para tati. Nga erau tawol nifaar lada peitawau ihitam, yalemat lada dulu.
14“Hau weya weledahi ifiri uruteri weidarop. E tawau süya bwa ebwe rulu wotawotara labwe faaülü wawo duhu. 15E tawol yalematara ebwe happuro lam eda itenango fari tapiye; bwa ebwe hädi eda itetahe uwawori räniyeri lam bwa labwe wele urutael marahara la mire niimwe. 16Ebwe weya sahü faülüri mena na welemi ra ebwe ttire imowael yalemat, bwa labwe käkäneni maho hara hau faülüüni lada hapingepinga Papami ra e mire weirengi.
Kaü Nihataingehiri Farau
17“Hau tawai mängiiye bwa i bwitoho bwa ibwe peitiniraho farau hawe yaari Moses ma marahawe yael profeta kaü. I tei bwitoho bwa ibwe peitiniraho bwa i fäli bwitoho bwa ibwe faülüüni bwa hatödü. 18Ibwe hau dewahami: yarairi na ebwe mire rangi ma masalo nga e tawol töt hafatitini farau ra labwe peitaraho eda tohongari mena uruteri faülümire ebwe faülüyehi. 19Nga eda haitina, ira nga yalematara e tai tabweya faraura ira-mo me faraura e haühühüri happar dewa ma uwoni farau nga e kaüül par palüül bwa labwe tabweya na e faülü, ira nga iiye na ebwe hapirifa dewa ma uwawori Farüyeri Weirengi. Nga yalematara e tabweya na e dölü Farau nga e kaüül yalemat bwa labwe tabweya na e faülü ra ebwe taitei ma uwawori Farüyeri Weirengi. 20Ibwe hauhemi bwa e süye bwa haubwe bwirango uwawori Farüyeri Weirengi ifiri na haubwe hatödüri faaülü mena Dios e masariye ma imowael marahara Farisi ma lei tanahori Farau la faaülü.
Kaü Nihataingehiri Dong
21“Hau da mori longolongo bwa la haüül yalemat ifiri-mo taranginarowa bwa, ‘Ho tawai faiini; nga sahü nga yalematara eda faiini, ira nga ebwe raho ifiri haddiye.’ 22Nga ngaangu ibwe hauhemi bwa yalematara e dongahiri bwidir ra ebwe raho ifiri haddiye; yalematara e haüya bwidir bwa ‘e tawol nifamu!’ ra ebwe raho ifiri Council, nga yalematara e fadöngüngeri bwidir bwa lei buse ra ebwe püngütiwo farüyeriyefi. 23Ifiri mena hobwe faülü yaamu ffahi uwawori altar nga hoda mangiya bwa e wol na bwidimu e dongahiriho irang, 24ira hobwe itetiwo na yaamu ffahi imowari altar hoda raho faaülü bwa ebwe maho nipatami ma mwana bwidimu, hoda wehitafaari hoda hariye Dios na yaamu ffahi.
25“Nga sahü nga e wol re e hatataleyasimu eda hädihowau ifiri haddiye, hobwe kupeti yarari na hobwe hawerewereya bwa ebwe maho nipatami imowari na hobwe buwou ifiri haddiye. Bwa ifiri mena horau buwou ifiri haddiye nga erau hädihowau imowari lei haddiye, nga ira lei haddiye erau hädiho eda hariil bulisi nga bulisi erau hädiho eda iteriho rango räni karabuse. 26Ibwe hau dewaho bwa horau mire räni karabuse eda tohongari na hobwe parüyeri uruteri na yaamu hatawadi.
Kaü Nihataingehiri Pilafari Liiri Yalemat
27“Hau da mori longolongo bwa la dölü bwa, ‘Ho tawai pila liiri yalemat.’ 28Nga ngaangu ibwe hauhemi bwa yalematara e habaühü demarü faifire nga e habweraraho-mo ebwe mire faifina bwa saworiwar. Yalematara ra eda mori pila liiri yalemat ma faringörüngön. 29Nga sahü nga hurumalari matamu na e faaülüho bwa hobwe raho ifiri tammaü, ho watihawau hoda peitaraho! E fäli maho ra ebwe taimire dew pitehiri wori yaloyalomu ma ifiri ra uruteri na podumu ebwe püngütiwo farüyeriyefi. 30Nga sahü nga hurumalari paumu re e faaülüho bwa hobwe tammaü, ho hädi hoda dopiya hoda peitaraho! E fäli maho ra ebwe taimire palüül pitehitehiri wori yaloyalomu ma ifiri ra uruteri na podumu ebwe bwitiwo farüyeriyefi.
Kaü Nihataingehiri Yalematara E Peitaraho Liir
(Mateus 19.9; Markus 10.11-12; Lukas 16.18)
31“Hau mori longolongo bwa, ‘Mwana e peitaraho faifina liir ebwe farüüye hafatitini habwangibwengiri yael liili eda hariye faifina liir bwa larau süyafataangi.’ 32Nga ngaangu ibwe hauhemi bwa mwana e peitaraho liir, nga faifina liir e tai mire ifiri tiro tammaü tahürari faülümire, mwana na e tammaü, bwa iiye na sapir nga faifina erau püngütiwo ifiri tammaüri tiro tammaüri tahürari faülümire, ifiri mena ebwe para liili; nga mwana ebwe liiri, iya-mo nga ebwe püngütiwo ifiri tammaü.
Kaü Nihataingehiri Raam Hatabotabo
33“Hau da mori longolongo bwa la haüül yalemat ifiri-mo taranginarowa bwa, ‘Ho tawai hatawadiye ramara ho mori hatabotabo, hoda hatofiya yaamu faaülü ira hoda mori haüya Tamoru bwa hobwe faaülü.’ 34Nga ngaangu ibwe hauhemi bwa hau tawai hapahaparaho ifiri na hobwe dölü yaamu hatödü. Nga hau tawai hedi iiteri weirengi hauda hori bwa yami hatödü, bwa weirengi ra räniyeri maatori Dios; 35hale hau hädi iiteri weidarop bwa yami hatödü, bwa weidarop räniyeri dduri hubweri Dios; hale hau hädi iiteri Yerusalem, bwa Yerusalem ra yaari tarapari King wotawot. 36Nga hau tawai hori hatödü faduhumi, bwa e tawau süya bwa haubwe faaülü deyari yani simwemi bwa ebwe bwesebwese hale ebwe losoloso. 37Haubwe dölü söhü bwa ‘Üngö’ hale ‘Naweri’. Dew titiro ma idelaye mere ra e bwitoho ma ifiri diabolo.
Kaü Nihataingehiri Fahipeiye
(Lukas 6.29-30)
38“Hau da mori longolongo bwa la dölü bwa, ‘Maat parüyen maat, nga ngii parüyen ngii.’ 39Nga ngaangu ibwe hauhemi bwa ho tawai fahipeiye. Nga sahü nga yalemat e pilihi hurumalari tapamu, hobwe hariya bwa ebwe para pilihi layera hurusehiri. 40Nga sahü nga yalemat e hädihowou ifiri haddiye bwa ebwe hataleyasimu ifiri üfferi podumu, hariye fängäniye ma mena üffenühüri üffomu. 41Nga sahü nga e wol e hatitingeriho bwa hobwe lohi yaar pahe dew mile, ho yafalaraho ifiri luwouwa mile. 42Nga sahü nga yalemat e tingaloho faülümire, hädi hoda hariya; nga sahü nga yalemat e tingalo bwa ebwe hori hapitehimu, ho hädi hoda hariya.
Hamamaüül Lei Ranaromi
(Lukas 6.27-28, 32-36)
43“Hau da mori longolongo bwa, ‘Hau hamamaüül yalematahara la halepaho, nga hau raroitil lei ranaromi.’ 44Nga ngaangu ibwe hauhemi bwa haubwe hamamaüül lei ranaromi nga hau sipesipe hataingehiil marahara la hairamahami, 45bwa haubwe raho bwa hami rauri Papami ra e mire weirengi. Iiye e faülü bwa ebwe ttire yaaro uwawoil lei maho ma lei tammaü, nga e fangatiwo uut uwawoil marahara la faaülü titiro maho ma marahara la faaülü na e tammaü. 46Meta nifaari na Dios ebwe harihemi hadohafari ifiri na haubwe hamamaüla sahü marahara la hamamaühemi? Marahara lei ikkeri tax nga la hamamaüül marahara la mahongariil. 47Nga sahü nga hau titirongariila sahü weribwidimi, e wola-mo moudurahori mena haü faülü? Ira sahü söüri na la faaülü marahara la tai hatödüya Dios! 48Hapaüpöüri na haubwe urut dewa ifiri maho eda weya Papami ra e mire weirengi ra e urut dewa ifiri maho.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
(Active) © Wycliffe Bible Translators, Inc. All rights reserved.