मती 16
16
सरग रौ चिन्ह मांगियो
(मरकुस 8:11–13; लूका 12:54–56)
1 #
मत 12:38; लूक 11:16 फरीसियों अर सदूकियों यीसु रै खनै आयनै परखणै वास्तै उण ऊं कयौ, “म्हौ नै सरग रै राज री कोई निसाणी दिखा।”
2यीसु उणौनै जबाब दियौ, “सिंझ्या रौ थै कैवौ हो, ‘मौसम बड़िया रैला, क्यूंकै आभौ लाल है’, 3अर संवार रौ कैवौ हो, ‘आज आंधी आवैला, क्यूंकै आभौ लाल अर धुंधळौ है।’ थै आभै रा गुण देखनै उणरा भेद बता सकौ हो, पण वगत री निसाणी क्यूं कोनीं बता सकौ? 4#मत 12:39; लूक 11:29इण जुग रा बुरा अर व्यभिचार लोग निसाणी जोवे है, पण योना री निसाणी नै छोड़ उणौनै भळै कोई निसाणी नीं दी जावैला।” अर वो उणौनै छोड़नै जातौ रियौ।
फरीसियों अर सदूकियों री सिकसा रौ खमीर
(मरकुस 8:14–21)
5चेला झील रै उण पार पूगिया, पण वे रोटी लेणा भूल गिया हा। 6#लूक 12:1यीसु उणौनै कयौ, “देखौ, फरीसियों अर सदूकियों रै खमीर ऊं सावचेत रहीजौ।”
7वे आपस में विचार करणै लागा, “अपां रोटी कोनीं लाया इण वास्तै वो यूं कैवै है।”
8ओ जांणनै, यीसु उणौनै कयौ, “हे मौळाविसवासियों, थै आपस में क्यूं विचार करौ हो की म्हौरै खनै रोटी कोनीं है? 9#मत 14:17–21कांई थै अबै तांई नीं समझया? कांई थांनै उण पांच हजार री पांच रोटियो याद कोनीं, अर नीं वो की थै किती छाबड़िया उठाई ही? 10#मत 15:34–38अर नीं उण च्यार हजार री सात रोटियो, अर नीं वो की थै किता छाबड़िया उठाया हा? 11थै क्यूं नीं समझौ की म्हैं थांनै रोटियो रै बारै में कोनीं कियो? पण ओ की थै फरीसियों अर सदूकियों रै खमीर ऊं सावचेत रीजो।” 12तो उणौरै समझ आयौ की उणै रोटी रै खमीर ऊं कोनीं, पण फरीसियों अर सदूकियों री सिकसा ऊं सावचेत रैणौ कयौ है।
पतरस यीसु नै “मसीह” स्वीकार करया
(मरकुस 8:27–30; लूका 9:18–21)
13यीसु कैसरिया फिलिप्पी रै परदेस में आयौ, अर आपरै चेलौ नै पूछणै लाग्या, “लोग मिनख रै बेटे नै कांई कैवै है?” 14#मत 14:1,2; मरकु 6:14,15; लूक 9:7,8उणौ कयौ, “कोईक तो यूहन्ना बतिस्मो देवणवाळौ कैवै है, अर कोईक एलियाह, अर कोईक यिर्मयाह अर कोई कैवै भविसयदाता में ऊं एक है।” 15यीसु आपरै चेलौ नै पूछयौ, “पण थै म्हनै कांई कैवौ हो?” 16#यूह 6:68,69समौन पतरस जबाब दियौ, “थूं जीवते परमेसर रौ बेटौ मसीह है।” 17यीसु जबाब दियौ, “हे समौन, योना रा बेटा थूं धन्य है। थनै बात किणी मिनख नै कोनीं कीं पण म्हारै पिता जिकौ सरग में है, आ बात थांरै माथै परगट किनी है। 18अर म्हैं ई थनै कैवूं हूं की थूं पतरस है, अर म्हैं इण चटान माथै अपणी कलीसिया बणाऊंला, अर मौत री ताकत भी असर नीं करैला। 19#मत 18:18; यूह 20:23म्हैं थांनै सरग रै राज री चाबियो दूंला। अर जिकौ कीं थूं धरती माथै बांधैला, वो सरग में बंधैला। अर जिकौ कीं थूं धरती माथै खोले ला, वो सरग में खुलैला।” 20तद उणै चेलौ नै चेताया की, “किणी नै नीं कैणौ की म्हैं मसीह हूं।”
आपरी मौत रै बारै में यीसु री भविसयवांणी
(मरकुस 8:31—9:1; लूका 9:22–27)
21उण वेळा ऊं यीसु आपरै चेलौ नै बताणै लाग्या, जरुरी है की “म्हैं यरुसलेम जाऊं अर नेताओं, अर परधान याजकौ, अर सास्तरियों रै हाथ ऊं घणौ दु:ख उठाऊं, अर मार दियौ जाऊं। अर तीजै दिन पाछौ जी उठूं।”
22इण कारण पतरस उणनै अळगो ले जायनै हाका करण लागौ, “की परभु परमेसर नीं करै! थांरै साथै ऐड़ौ कदैई नीं होवैला।” 23उणै मुड़ नै पतरस नै कयौ, “हे सैतान, म्हारै सांमै ऊं आगौ हो जा! थूं म्हारै वास्तै ठोकर रौ कारण है। क्यूंकै थूं परमेसर री बातां ऊपर कोनीं, पण मिनखौ री बातां ऊपर मन लगावै है।”
यीसु रै लारै चालणै रौ अरथ
24 #
मत 10:38; लूक 14:27 तद यीसु आपरै चेलौ नै कयौ, “जे कोई म्हारै लारै आवणौ चावै, तो अपणै आप नै इन्कार करै अर अपणौ क्रूस उठावै, अर म्हारै लारै वहीर हो जावै! 25#मत 10:39; लूक 17:33; यूह 12:25क्यूंकै जे कोई आपरौ प्रांण बचाणौ चावै, वो उणनै खोवैला, अर जे कोई म्हारै वास्तै प्रांण खोवैला, वो उणनै पावैला। 26जे मिनख सगळै जगत नै पा ले, अर आपरै प्रांण नै खो दे, तो उणनै कांई फायदो होवैला? या मिनख आपरै प्रांण रै बदळै कांई दैला? कीं नीं दे सकै 27#मत 25:31; रोमि 2:6म्हैं, मिनख रौ बेटौ आपरै सरगदूतो रै साथै आपरै पिता री महिमा में आवैला, अर उण वगत ‘वो हरैक नै उणरै कांमां रै अनुसार प्रतिफळ दैला।’ 28म्हैं थौरे ऊं साचौ कहूं की वे जैड़ी तांई, म्हैं, मिनख रै बेटे नै म्हारै राज्य में आवतौ होयौ नीं देखेला, जैड़ी तांई मौत रौ स्वाद कदैई नीं चाखेला।”
ទើបបានជ្រើសរើសហើយ៖
मती 16: RWR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© NLCI CC BY-NC-ND 4.0
