Lukas 18
18
Bepèꞌtak lèjgéj bok agok bod, dak Tuhan pastik nasaꞌod
1Dak anak Yèsus naꞌèg-oglèkh chenal bok nambetènglèkh ma mèn hèhoh Eh, supaye umnak mupèꞌtak lèjgéj bok tok umbèd-bod. 2Dak Yèsus nachal, “Èn néy kote nak mok néy sènꞌòy hakim rik tok nabehormad ma Allah, bok tok nabegorgèr ma chok-chok pon. 3Dak èn kote nak mok keꞌjèk néy sènꞌòy balakh rik lèjgéj nalãj ma hakim nak dak nasemany, ‘Mok sènꞌòy rik nateꞌèl jehad ma yék. Tulong lah teꞌèl rik adil che yék dak hukom ma sènꞌòy rik belawan ma yék nak.’ 4Hòj lamad hakim nak najèk tok nabetulong ma balakh nak. Tapik èn sèj-sòj eh nak, hakim nak nabebèdlod èn kelòj hup eh, ‘Yék doh tok ibehormad ma Allah, bok tok ibegorgèr ma chok-chok pon. 5Tapik balakh doh lèjgéj naberèngtokh ma yék! Jadik, lebéh méj yék iteꞌèl rik adil untok rik nak, gerèk nachèn. Pas nak nanak tok lèjgéj naberèngtokh ma yék wèl.’”
6Dak Tuhan Yèsus nachal wèl, “Bèdlod lah nèlchal hakim rik tok kènmën nak! 7Kalòw hakim nak hòj natulong ma balakh nak, pastik lah Allah akal nateꞌèl rik adil ma sènꞌòy rik hòj napili. Bil umnak umsemany ma Rik Nak ès-is layèg, pastik Allah tok nabetagéy untok namsaꞌod pèntak umnak! 8Yék ichal ma nyob, pastik Allah géj nateꞌèl rik adil untok umnak! Tapik bil Yék, Sènꞌòy Nòm Sorga, ilãj wèl ma duniak doh, mungkin tok mèk-mok wèl sènꞌòy rik umpechaye ma Yék.”
Chenal tentang nar sènꞌòy rik bepèꞌtak
9Èn sènꞌòy rik umkèngyòkh ma Yèsus, mok sènꞌòy rik umbèdlod rik umnak hòj kènmën èn mad Allah. Umnak umbèdlod rik umnak lebéh méj nòm sènꞌòy gèhnih. Jadik Yèsus naꞌèg-oglèkh chenal nambetènglèkh ma sènꞌòy nak. 10Yèsus nachal, “Mok nar sènꞌòy wèmòj ma Dékh Tuhan untok wèmpèꞌtak. Rik naꞌnéy nak guruk agama nòm pitak Parisi, dak naꞌnéy nak wèl sènꞌòy rik bechatuk duid chukay. 11Sènꞌòy Parisi nak nated dak napèꞌtak bok nabeꞌèhmah rik ma rik eh:#18:11 nated dak napèꞌtak bok nabeꞌèhmah rik ma rik eh atòw “nated dèꞌrik dak napèꞌtak.” ‘Yah Allah, yék iterime kaséh ma Hãk, sebab yék tok bedose gerèk sènꞌòy mòy. Yék tok ihèm-hep, bok yék tok ibesèꞌlok atòw bebènjhéj. Dak yék iterime kaséh keꞌjèk, sebab yék tok samak ma sènꞌòy rik bechatuk duid chukay nak! 12Sebab yék iꞌòd néy minggu nak nar kalik, dak yék ihoh ma Hukom Hãk iꞌog ènsekh duid#18:12 ènsekh duid Tèks asli: “sepuloh peratus.” Chòntoh eh, kalòw sènꞌòy nak nadapad 1000, naꞌog 100 ma Tuhan nòm hasil nadapad nak. yék ma Hãk nòm hasil rik yék idapad nak.’
13Tapik sènꞌòy rik bechatuk duid chukay naꞌtèk nated gèk jerok nòm gèhnih. Rik nak nagahmak tok nabehakak nambelay ma sorga pon. Tapik nòm hup rik sèhdéh nanak nasisal#18:13 nòm hup rik sèhdéh nanak nasisal Tèks asli: “naketem dahëg.” Èn budaye Yahudi, sènꞌòy umketem ma dahëg rik um bil umgahmak hup um sedéh geb (atòw umꞌõl geb). dak napèꞌtak, ‘Yah Allah, kalõn lah che yék, yék sènꞌòy bedose doh!’”
14 #
Mat 23:12; Luk 14:11. Yèsus nachal wèl, “Keyòkh lah! Bil sènꞌòy rik bechatuk duid chukay nak namak ma dékh eh, Allah hòj naterime ma rik nak dak najadik kemën èn mad Eh. Tapik ma sènꞌòy Parisi nak hõy. Sebab chok rik bechubak namjadik lebéh rayak nòm sènꞌòy mòy, akal Allah najadik sènꞌòy nak tok bepenting. Dak chok rik umbèdlod sènꞌòy mòy lebéh penting nòm rik eh, akal Allah najadik sènꞌòy nak rayak.”
Yèsus ròb sèdyẽd
(Mat 19:13-15; Mrk 10:13-16)
15Mok maròp-maròp sènꞌòy umꞌéd sèdyẽd ma Yèsus supaye nampèk-pek tikh Eh bok nampèꞌtak untok umnak. Bil hèhoh-hèhoh Eh umnéh, umhuwok ma sènꞌòy nak. 16Tapik Yèsus nakòw ma sèdyẽd nak dak nachal, “Agok huwok, perak sèdyẽd nak mulãj ma Yék! Sebab sènꞌòy rik gerèk sèdyẽd doh lah rik Allah naterime ma kelòj Kerajaꞌan Eh. 17Kemën Yék ichal ma nyob, kalòw sènꞌòy tok umterime ma Allah gerèk sèdyẽd doh, Allah tok nabeterime sènꞌòy nak mumòj ma Kerajaꞌan Eh.”
Sènꞌòy kaye susah mumòj ma Kerajaꞌan Allah
(Mat 19:16-30; Mrk 10:17-31)
18Mok néy sènꞌòy pemimpin Yahudi natanyak ma Yèsus, “Guruk rik méj-méj, ilok yék imteꞌèl supaye imgos jalꞌéng samak Tuhan?”
19Yèsus natanyak ma rik nak, “Nahey hãk hachal Yék méj? Tok mok chok rik namméj, had Allah hék. 20Hãk mestik hòj halèkh ma hukom Allah: ‘Agok bebènjhéj, agok cheleg, agok sèjyèj, agok tanas bebèj-bòj ma sènꞌòy, hormad lah amèk ròb apak nyob.’” #Her 20:14; Ter 5:18; Her 20:13; Ter 5:17; Her 20:15; Ter 5:19; Her 20:16; Ter 5:20; Her 20:12; Ter 5:16.
21Sènꞌòy nak nasaꞌod, “Guruk, nòm tik ajok itòp hòj ihoh ma kenèmbek hukom nak.”
22Bil Yèsus nakeyòkh ma nèlchal sènꞌòy nak, dak nachal, “Tik mok néy hal wèl hãk perlu hamteꞌèl. Juwal kenèmbek harte hãh, dak og duid nak ma sènꞌòy hèl-hal, dak akal hãk hadapad harte èn sorga. Pas nak jok lah, hoh ma Yék.” 23Tapik bil sènꞌòy nak nakeyòkh ma nèlchal Yèsus, nanak nangòm geb. Sebab nanak kaye geb, bok najèk namjuwal harte eh.
24Yèsus nanéh sènꞌòy kaye rik ngèm-ngòm geb nak, dak nachal ma sènꞌòy èn anak, “Susah kemën lah sènꞌòy kaye mumòj ma Kerajaꞌan Allah! 25Mémang susah unta nammòj ma lubang jarup, tapik lebéh susah wèl untok sènꞌòy kaye mumòj ma Kerajaꞌan Allah.”
26Dak sènꞌòy rik umkèngyòkh ma nèlchal Yèsus nak umchal, “Jadik kalòw sènꞌòy kaye pon tok boléh, gerèk tok mèk-mok lah sènꞌòy rik dapad mumòj ma Kerajaꞌan Allah!”
27Yèsus nasaꞌod ma umnak, “Allah dapad nateꞌèl hal rik sènꞌòy tok dapad muteꞌèl.”
28Dak Pètrus nachal ma Yèsus, “Néh lah! Kandék doh hòj kiperak kenèmbek milik kandék untok kimhoh ma Hãk.”
29Yèsus nachal ma umnak, “Kemën Yék ichal ma nyob: mok sènꞌòy rik pèꞌrak ma dékh um bok ma léh um. Mok keꞌjèk rik pèꞌrak mèrpek bèhbeh bèꞌbok, atòw amèk apak um. Mok rik pèꞌrak kuwòt-kuwòt um. Kenèmbek nak umperak supaye mukèrjak untok Kerajaꞌan Allah. 30Dak sènꞌòy rik umtèlꞌèl gerèk nak, pastik èn nèsgos um èn duniak doh Allah naꞌog lebéh ibuk wèl! Dak èn sèj-sòj jakal èn duniak pay, akal umgos jalꞌéng samak Tuhan.”
Yèsus nachal wèl tentang kènbes Eh
(Mat 20:17-19; Mrk 10:32-34)
31Yèsus naꞌéd ma nar belas hèhoh Eh gèk jerok nòm sènꞌòy jajéh, dak nachal ma umnak, “Jok lah, èk èwèk ma kote Yèrusalèm. Dak èn anak lah nabelakuk kenèmbek rik mèn nabi manah tòp umtulis tentang Yék, Sènꞌòy Nòm Sorga. 32Mèsmus Yék akal umꞌog Yék ma sènꞌòy kedak kaum Yahudi. Umnak akal umchetẽk, umpègyog, dak umgetòh ma Yék. 33Umnak akal umhemẽd dak umkèrbes ma Yék. Tapik bil èn arik tenigak, akal ilos iwòg wèl.”
34Tapik mèn hèhoh Eh tok umlèng-lèkh ilok-ilok pon rik Yèsus nachal nak. Nèlchal Yèsus nak gerèk perèmnim ma umnak, sampéy tok umlèng-lèkh maksod Eh nak.
Yèsus natèrhakh ma sènꞌòy bebèybëy
(Mat 20:29-34; Mrk 10:46-52)
35Bil Yèsus ròb hèhoh Eh tèꞌlok mulèy-lòy ma kote Yèrikho, mok néy sènꞌòy bebèybëy nagèl-gel èn béng nòng nabetadok nasemany duid. 36Bil sènꞌòy bebèybëy nak nakeyòkh sènꞌòy jajéh umhawul èn anak, dak natanyak, “Ilok umhey anak?” 37Dak umnak umchal ma rik nak, “Yèsus, sènꞌòy Nasarèt nak, namhawul nòm doh.” 38Dak sènꞌòy bebèybëy nak naꞌèh-éh, “Yèsus, Waris Rajak Daud!#18:38 Waris Rajak Daud nak néy nèwkòw khas sènꞌòy Yahudi umdéh untok Mèsias rik Allah napèrhod èn Perènhod Manah. Maksod eh Mèsias nak namlãj nòm waris Rajak Daud. Kalõn lah che yék!” 39Sènꞌòy rik umchèb-chib èn sòy Yèsus nak umrok ma rik nak dak umꞌor namsengẽk. Tapik nanak had nabeꞌèh-éh lebéh kuwad wèl, “Yèsus, Waris Rajak Daud! Kalõn lah che yék!”
40Dak Yèsus nated gëb, dak naꞌor ma sènꞌòy gèhnih muꞌéd sènꞌòy rik bebèybëy nak ma Rik Eh nak. Dak bil nalãj tilok, Yèsus natanyak ma rik bebèybëy nak, 41“Ilok hãk hachèn Yék imteꞌèl ma hãk?” Sènꞌòy bebèybëy nak nachal, “Yãng, yék ichèn imnéh wèl!” 42Dak Yèsus nachal ma rik nak, “Nak, néh lah! Sebab hãk hapechaye ma Yék, hãk hòj hahakh.”
43Bil nak keꞌjèk nanak hòj nanéh! Dak nahoh ma Yèsus, dak naꞌèh-éh naꞌèhmah ma Allah. Kenèmbek sènꞌòy rik umnéh ma hal nak umꞌèhmah ma Allah keꞌjèk.
ទើបបានជ្រើសរើសហើយ៖
Lukas 18: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Lukas 18
18
Bepèꞌtak lèjgéj bok agok bod, dak Tuhan pastik nasaꞌod
1Dak anak Yèsus naꞌèg-oglèkh chenal bok nambetènglèkh ma mèn hèhoh Eh, supaye umnak mupèꞌtak lèjgéj bok tok umbèd-bod. 2Dak Yèsus nachal, “Èn néy kote nak mok néy sènꞌòy hakim rik tok nabehormad ma Allah, bok tok nabegorgèr ma chok-chok pon. 3Dak èn kote nak mok keꞌjèk néy sènꞌòy balakh rik lèjgéj nalãj ma hakim nak dak nasemany, ‘Mok sènꞌòy rik nateꞌèl jehad ma yék. Tulong lah teꞌèl rik adil che yék dak hukom ma sènꞌòy rik belawan ma yék nak.’ 4Hòj lamad hakim nak najèk tok nabetulong ma balakh nak. Tapik èn sèj-sòj eh nak, hakim nak nabebèdlod èn kelòj hup eh, ‘Yék doh tok ibehormad ma Allah, bok tok ibegorgèr ma chok-chok pon. 5Tapik balakh doh lèjgéj naberèngtokh ma yék! Jadik, lebéh méj yék iteꞌèl rik adil untok rik nak, gerèk nachèn. Pas nak nanak tok lèjgéj naberèngtokh ma yék wèl.’”
6Dak Tuhan Yèsus nachal wèl, “Bèdlod lah nèlchal hakim rik tok kènmën nak! 7Kalòw hakim nak hòj natulong ma balakh nak, pastik lah Allah akal nateꞌèl rik adil ma sènꞌòy rik hòj napili. Bil umnak umsemany ma Rik Nak ès-is layèg, pastik Allah tok nabetagéy untok namsaꞌod pèntak umnak! 8Yék ichal ma nyob, pastik Allah géj nateꞌèl rik adil untok umnak! Tapik bil Yék, Sènꞌòy Nòm Sorga, ilãj wèl ma duniak doh, mungkin tok mèk-mok wèl sènꞌòy rik umpechaye ma Yék.”
Chenal tentang nar sènꞌòy rik bepèꞌtak
9Èn sènꞌòy rik umkèngyòkh ma Yèsus, mok sènꞌòy rik umbèdlod rik umnak hòj kènmën èn mad Allah. Umnak umbèdlod rik umnak lebéh méj nòm sènꞌòy gèhnih. Jadik Yèsus naꞌèg-oglèkh chenal nambetènglèkh ma sènꞌòy nak. 10Yèsus nachal, “Mok nar sènꞌòy wèmòj ma Dékh Tuhan untok wèmpèꞌtak. Rik naꞌnéy nak guruk agama nòm pitak Parisi, dak naꞌnéy nak wèl sènꞌòy rik bechatuk duid chukay. 11Sènꞌòy Parisi nak nated dak napèꞌtak bok nabeꞌèhmah rik ma rik eh:#18:11 nated dak napèꞌtak bok nabeꞌèhmah rik ma rik eh atòw “nated dèꞌrik dak napèꞌtak.” ‘Yah Allah, yék iterime kaséh ma Hãk, sebab yék tok bedose gerèk sènꞌòy mòy. Yék tok ihèm-hep, bok yék tok ibesèꞌlok atòw bebènjhéj. Dak yék iterime kaséh keꞌjèk, sebab yék tok samak ma sènꞌòy rik bechatuk duid chukay nak! 12Sebab yék iꞌòd néy minggu nak nar kalik, dak yék ihoh ma Hukom Hãk iꞌog ènsekh duid#18:12 ènsekh duid Tèks asli: “sepuloh peratus.” Chòntoh eh, kalòw sènꞌòy nak nadapad 1000, naꞌog 100 ma Tuhan nòm hasil nadapad nak. yék ma Hãk nòm hasil rik yék idapad nak.’
13Tapik sènꞌòy rik bechatuk duid chukay naꞌtèk nated gèk jerok nòm gèhnih. Rik nak nagahmak tok nabehakak nambelay ma sorga pon. Tapik nòm hup rik sèhdéh nanak nasisal#18:13 nòm hup rik sèhdéh nanak nasisal Tèks asli: “naketem dahëg.” Èn budaye Yahudi, sènꞌòy umketem ma dahëg rik um bil umgahmak hup um sedéh geb (atòw umꞌõl geb). dak napèꞌtak, ‘Yah Allah, kalõn lah che yék, yék sènꞌòy bedose doh!’”
14 #
Mat 23:12; Luk 14:11. Yèsus nachal wèl, “Keyòkh lah! Bil sènꞌòy rik bechatuk duid chukay nak namak ma dékh eh, Allah hòj naterime ma rik nak dak najadik kemën èn mad Eh. Tapik ma sènꞌòy Parisi nak hõy. Sebab chok rik bechubak namjadik lebéh rayak nòm sènꞌòy mòy, akal Allah najadik sènꞌòy nak tok bepenting. Dak chok rik umbèdlod sènꞌòy mòy lebéh penting nòm rik eh, akal Allah najadik sènꞌòy nak rayak.”
Yèsus ròb sèdyẽd
(Mat 19:13-15; Mrk 10:13-16)
15Mok maròp-maròp sènꞌòy umꞌéd sèdyẽd ma Yèsus supaye nampèk-pek tikh Eh bok nampèꞌtak untok umnak. Bil hèhoh-hèhoh Eh umnéh, umhuwok ma sènꞌòy nak. 16Tapik Yèsus nakòw ma sèdyẽd nak dak nachal, “Agok huwok, perak sèdyẽd nak mulãj ma Yék! Sebab sènꞌòy rik gerèk sèdyẽd doh lah rik Allah naterime ma kelòj Kerajaꞌan Eh. 17Kemën Yék ichal ma nyob, kalòw sènꞌòy tok umterime ma Allah gerèk sèdyẽd doh, Allah tok nabeterime sènꞌòy nak mumòj ma Kerajaꞌan Eh.”
Sènꞌòy kaye susah mumòj ma Kerajaꞌan Allah
(Mat 19:16-30; Mrk 10:17-31)
18Mok néy sènꞌòy pemimpin Yahudi natanyak ma Yèsus, “Guruk rik méj-méj, ilok yék imteꞌèl supaye imgos jalꞌéng samak Tuhan?”
19Yèsus natanyak ma rik nak, “Nahey hãk hachal Yék méj? Tok mok chok rik namméj, had Allah hék. 20Hãk mestik hòj halèkh ma hukom Allah: ‘Agok bebènjhéj, agok cheleg, agok sèjyèj, agok tanas bebèj-bòj ma sènꞌòy, hormad lah amèk ròb apak nyob.’” #Her 20:14; Ter 5:18; Her 20:13; Ter 5:17; Her 20:15; Ter 5:19; Her 20:16; Ter 5:20; Her 20:12; Ter 5:16.
21Sènꞌòy nak nasaꞌod, “Guruk, nòm tik ajok itòp hòj ihoh ma kenèmbek hukom nak.”
22Bil Yèsus nakeyòkh ma nèlchal sènꞌòy nak, dak nachal, “Tik mok néy hal wèl hãk perlu hamteꞌèl. Juwal kenèmbek harte hãh, dak og duid nak ma sènꞌòy hèl-hal, dak akal hãk hadapad harte èn sorga. Pas nak jok lah, hoh ma Yék.” 23Tapik bil sènꞌòy nak nakeyòkh ma nèlchal Yèsus, nanak nangòm geb. Sebab nanak kaye geb, bok najèk namjuwal harte eh.
24Yèsus nanéh sènꞌòy kaye rik ngèm-ngòm geb nak, dak nachal ma sènꞌòy èn anak, “Susah kemën lah sènꞌòy kaye mumòj ma Kerajaꞌan Allah! 25Mémang susah unta nammòj ma lubang jarup, tapik lebéh susah wèl untok sènꞌòy kaye mumòj ma Kerajaꞌan Allah.”
26Dak sènꞌòy rik umkèngyòkh ma nèlchal Yèsus nak umchal, “Jadik kalòw sènꞌòy kaye pon tok boléh, gerèk tok mèk-mok lah sènꞌòy rik dapad mumòj ma Kerajaꞌan Allah!”
27Yèsus nasaꞌod ma umnak, “Allah dapad nateꞌèl hal rik sènꞌòy tok dapad muteꞌèl.”
28Dak Pètrus nachal ma Yèsus, “Néh lah! Kandék doh hòj kiperak kenèmbek milik kandék untok kimhoh ma Hãk.”
29Yèsus nachal ma umnak, “Kemën Yék ichal ma nyob: mok sènꞌòy rik pèꞌrak ma dékh um bok ma léh um. Mok keꞌjèk rik pèꞌrak mèrpek bèhbeh bèꞌbok, atòw amèk apak um. Mok rik pèꞌrak kuwòt-kuwòt um. Kenèmbek nak umperak supaye mukèrjak untok Kerajaꞌan Allah. 30Dak sènꞌòy rik umtèlꞌèl gerèk nak, pastik èn nèsgos um èn duniak doh Allah naꞌog lebéh ibuk wèl! Dak èn sèj-sòj jakal èn duniak pay, akal umgos jalꞌéng samak Tuhan.”
Yèsus nachal wèl tentang kènbes Eh
(Mat 20:17-19; Mrk 10:32-34)
31Yèsus naꞌéd ma nar belas hèhoh Eh gèk jerok nòm sènꞌòy jajéh, dak nachal ma umnak, “Jok lah, èk èwèk ma kote Yèrusalèm. Dak èn anak lah nabelakuk kenèmbek rik mèn nabi manah tòp umtulis tentang Yék, Sènꞌòy Nòm Sorga. 32Mèsmus Yék akal umꞌog Yék ma sènꞌòy kedak kaum Yahudi. Umnak akal umchetẽk, umpègyog, dak umgetòh ma Yék. 33Umnak akal umhemẽd dak umkèrbes ma Yék. Tapik bil èn arik tenigak, akal ilos iwòg wèl.”
34Tapik mèn hèhoh Eh tok umlèng-lèkh ilok-ilok pon rik Yèsus nachal nak. Nèlchal Yèsus nak gerèk perèmnim ma umnak, sampéy tok umlèng-lèkh maksod Eh nak.
Yèsus natèrhakh ma sènꞌòy bebèybëy
(Mat 20:29-34; Mrk 10:46-52)
35Bil Yèsus ròb hèhoh Eh tèꞌlok mulèy-lòy ma kote Yèrikho, mok néy sènꞌòy bebèybëy nagèl-gel èn béng nòng nabetadok nasemany duid. 36Bil sènꞌòy bebèybëy nak nakeyòkh sènꞌòy jajéh umhawul èn anak, dak natanyak, “Ilok umhey anak?” 37Dak umnak umchal ma rik nak, “Yèsus, sènꞌòy Nasarèt nak, namhawul nòm doh.” 38Dak sènꞌòy bebèybëy nak naꞌèh-éh, “Yèsus, Waris Rajak Daud!#18:38 Waris Rajak Daud nak néy nèwkòw khas sènꞌòy Yahudi umdéh untok Mèsias rik Allah napèrhod èn Perènhod Manah. Maksod eh Mèsias nak namlãj nòm waris Rajak Daud. Kalõn lah che yék!” 39Sènꞌòy rik umchèb-chib èn sòy Yèsus nak umrok ma rik nak dak umꞌor namsengẽk. Tapik nanak had nabeꞌèh-éh lebéh kuwad wèl, “Yèsus, Waris Rajak Daud! Kalõn lah che yék!”
40Dak Yèsus nated gëb, dak naꞌor ma sènꞌòy gèhnih muꞌéd sènꞌòy rik bebèybëy nak ma Rik Eh nak. Dak bil nalãj tilok, Yèsus natanyak ma rik bebèybëy nak, 41“Ilok hãk hachèn Yék imteꞌèl ma hãk?” Sènꞌòy bebèybëy nak nachal, “Yãng, yék ichèn imnéh wèl!” 42Dak Yèsus nachal ma rik nak, “Nak, néh lah! Sebab hãk hapechaye ma Yék, hãk hòj hahakh.”
43Bil nak keꞌjèk nanak hòj nanéh! Dak nahoh ma Yèsus, dak naꞌèh-éh naꞌèhmah ma Allah. Kenèmbek sènꞌòy rik umnéh ma hal nak umꞌèhmah ma Allah keꞌjèk.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.