Lukas 17
17
Yèsus nabetènglèkh tentang dose
(Mat 1:6-7,21-22; Mrk 9:42)
1Yèsus nachal ma mèn hèhoh Eh, “Èn duniak doh, pastik mok hal rik betenarèk ma sènꞌòy sampéy umkelek ma kelòj dose. Tapik terok geb lah untok sènꞌòy rik tèdꞌéd ma sènꞌòy mòy sampéy umbedose! 2Kalòw mok sènꞌòy natèdꞌéd ma sènꞌòy gerèk jèꞌjok doh rik bepechaye ma Yék#17:2 sènꞌòy gerèk jèꞌjok doh rik bepechaye ma Yék Tèks asli: “sènꞌòy jèꞌjok.” umbedose, terok geb lah henukom Allah ma sènꞌòy nak! Lebéh méj kalòw nabeg batuk rayak#17:2 batuk rayak Tèks asli: “batuk gerènsëj.” Batuk rayak rik kuda kelday nadelũk bil sènꞌòy umgèrsëj menéh gerèk bak atòw gandum. èn geloh eh, dak bes ma kelòj laud! 3Sebab nak bejagak-jagak lah! Agok nyob teꞌèl gerèk nak. Kalòw kéy hãk rik bepechaye ma Yék nateꞌèl dose ma hãk, tèdchod lah ma rik nak. Dak kalòw nasisal, ampon lah ma rik nak. #Mat 18:15. 4Kalòw rik nak nateꞌèl dose ma hãk tujoh kalik kelòj néy is pon, dak tiyab-tiyab kalik nasisal, nalãj ma hãk bok nachèl-chal, ‘Maꞌap lah ma yék,’ hãk haros haꞌampon ma rik nak tiyab-tiyab kalik.”
Yèsus nabetènglèkh tentang pechaye
5Dak mèn rasul umchal ma Tuhan Yèsus, “Tulong kandék supaye kandék lebéh pechaye wèl ma Allah!” 6Dak Tuhan Yèsus nachal, “Kalòw nyob pechaye ma Allah amès pon, gerèk mad menéh sawik rik ajok geb, nyob boléh or ma jehuk rayak doh, ‘Ròj lah nòm tèk, dak tap lah èn òng laud!’ Dak jehuk nak akal nahoh ma nèrꞌor nyob.”
Hoh ma Tuhan gerèk kuli rik nahoh ma nèlchal tuwan eh
7Yèsus nachal wèl naꞌog chòntoh, “Bèdlod lah kalòw néy sènꞌòy èn nyob mok kuli rik nabay tèk namsèbyab untok namtap èn selay, atòw nabejagak kambikh biri. Bil kuli nak namak nòm selay, pastik lah tuwan eh tok nachèl-chal ma rik nak, ‘Jok, mòj dak géy.’ 8Mestik hõy! Tapik akal tuwan nachal ma kuli eh nak, ‘Tabéh lah nèygéy yék. Lòg lah bajuk méj dak jamuk ma yék, sampéy hòj sòj yék igèy-géy bok iꞌèng-òng. Nòm kerek nak lah hãk boléh hagéy bok haꞌòng.’ 9Dak tuwan nak tok perlu beterime kaséh ma kuli nak bil nateꞌèl ilok rik naꞌor nak. 10Gerèk nak keꞌjèk lah nyob. Bil hòj nyob teꞌèl kenèmbek rik Allah, Tuwan nyob, naꞌor ma nyob, chal lah, ‘Kandék tok behakak kimbeterime ilok-ilok. Kandék had kiteꞌèl ilok rik haros kimteꞌèl.’”
Yèsus natèrhakh sepuloh sènꞌòy bechenèk sèmpok
11Bil èn nèbchib Eh ma kote Yèrusalèm, Yèsus nachèb-chib èn belah sempadan negerik Samariya ròb Galiliya. 12Yèsus namòj ma néy kampong, dak anak mok sepuloh sènꞌòy bechenèk sèmpok umlãj mutèrbuk ma Rik Nak. Umnak umted nòm jerok, 13dak umbeꞌèh-éh, “Yèsus! Yãng! Kalõn lah kandék!”
14Yèsus nanéh ma umnak dak nachal, “Wèk lah ma imam Yahudi dak pèrnéh esik nyob kemën-kemën hòj nyob jadik méj wèl èn mad Tuhan.” Umnak pon umwèk, dak bil èn nèbchib nak umnak hòj umhakh. #Im 14:1-32.
15Dak bil néy sènꞌòy nòm umnak nanéh esik eh nak hòj nahakh, rik nak nalos ma Yèsus sambil naꞌèhmah ma Allah nòm kuy kènwad. 16Dak rik nak natud èn sòy jukh Yèsus dak nabeterime kaséh ma Rik Nak. Sènꞌòy nak kedak sènꞌòy Yahudi, tapik sènꞌòy Samariya. 17Dak Yèsus nachal, “Mok sepuloh sènꞌòy rik hòj Yék itèrhakh, kan? Jadik nahey rik sembilan sènꞌòy wèl tok lès-los? 18Had sènꞌòy rik kedak Yahudi doh hék nalos untok beterime kaséh ma Allah!” 19Dak Yèsus nachal ma rik nak, “Ted lah, dak wèk. Hãk hòj hahakh sebab hapechaye ma Yék.”
Yèsus nabetènglèkh tentang Kerajaꞌan Allah ròb mase Rik Nak namlãj wèl
(Mat 24:23-28,37-41)
20Maròp-maròp guruk agama nòm pitak sènꞌòy Parisi umbetanyak ma Yèsus, “Bil Kerajaꞌan Allah namlãj?”
Yèsus nasaꞌod, “Nyob tok boléh néh lah bil Kerajaꞌan Allah nalãj. 21Akal sènꞌòy tok umchèl-chal, ‘Néh lah, mok èn anuh!’ atòw ‘Néh lah, mok èn tuy!’ Sebab Kerajaꞌan Allah hòj mok èn anuh,#17:21 Kerajaꞌan Allah hòj mok èn anuh Kerajaꞌan Allah hòj mok èn umnak, sebab: 1) Yèsus (Mèsias, Rajak Kerajaꞌan Allah nak) hòj nalãj dak hòj mok èn gagid umnak. 2) Allah hòj naperintah èn kelòj nèsgos sènꞌòy rik umpechaye ma Rik Nak. èn gagid nyob.”
22Nòm kerek nak Yèsus nachal ma hèhoh-hèhoh Eh, “Akal nalãj mase eh, nyob akal nyob ès-as geb nyomnéh ma arik Yék, Sènꞌòy Nòm Sorga, ilos dak beperintah. Tapik nyob tik tok dapad nyomnèh-néh eh. 23Sènꞌòy akal umchal ma nyob, ‘Néh lah, Mèsias mok èn anak!’ atòw ‘Néh lah, Rik Nak mok èn anuh!’ Tapik agok lah nyob wèk atòw nyomhoh ma umnak. 24Bil nakilad bernyaw dak nachelakh langid nòm kèd is ma sòy is, kenèmbek sènꞌòy umnéh. Gerèk nak keꞌjèk lah akal bil arik Yék, Sènꞌòy Nòm Sorga, ilos — kenèmbek sènꞌòy pastik umnéh dak umlèkh. 25Tapik lebéh nèng-nèng sènꞌòy rik umgès-gos puꞌdoh akal umjèk ma Yék, dak Yék pastik iderite ibuk.
26Bil Yék, Sènꞌòy Nòm Sorga, ilãj wèl, mase nak chare sènꞌòy gès-gos samak gerèk chare sènꞌòy rik gès-gos bil jènman Nuh#17:26 Nuh néy sènꞌòy rik hèh-hoh ma perintah Allah manah tòp. Bil jènman nak, kenèmbek sènꞌòy mòy umjèk tok umhèh-hoh ma Allah wèl. Jadik Allah naꞌor Nuh namteꞌèl bot rik rayak geb. Pas nak Allah nateꞌèl bègꞌag rik rayak ma kenèmbek bumi, dak nakèrbes ma kenèmbek sènꞌòy rik jèdhad. Had natèrgos Nuh ròb kewarge eh hék èn kelòj bot nak. manah tòp. #Jen 6:5-8. 27Sebab bil nak sènꞌòy umgos gerèk biyase hék: umga-géy, umꞌa-òng, dak umbebabéy. Kenèmbek nak umteꞌèl sampéy nalãj mase eh Nuh namòj ma kelòj bod rayak. Dak nalãj bègꞌag rayak, umselod dak umkebes lah umnak kenèmbek. #Jen 7:6-24.
28Gerèk nak keꞌjèk bil jènman Lòt. Bil nak sènꞌòy umgos gerèk biyase. Mok rik sibok umgèy-géy dak umꞌa-òng, dak mok rik sibok jèlwal bèꞌlik. Mok rik tèm-tap, dak mok rik terègwòg dékh. #Jen 18:20—19:25. 29Tapik tok-tok ma arik Lòt nahuwòl nòm kote Sòdom nak, Tuhan natëh os ròb batuk belèny-lany nòm langid, dak umkebes umnak kenèmbek. 30Gerèk nak keꞌjèk bil Yék, Sènꞌòy Nòm Sorga ilãj wèl: sebab bil arik nak sènꞌòy tok umbesabok.
31Bil arik nak, sènꞌòy rik èn balikh renabong agok taw ma kelòj dékh untok kod ilok-ilok. Gerèk nak keꞌjèk ma sènꞌòy rik èn selay, agok lah mak ma dékh. #Mat 24:17,18; Mrk 13:15,16. 32Belekh lah ma léh Lòt#17:32 léh Lòt nak tok nahèh-hoh ma nèrꞌor Allah bil umda-dok nòm kote Sòdom. Nanak nalos nawãr ma yek namnéh ilok belakuk ma kote nak, dak esik eh nasanglik najadik tunggol garam. Cherite nak nabelakuk èn bukuk Jenadik 19:26. — ilok belakuk ma rik nak! #Jen 19:26. 33Sebab chok rik bekerèngdakh namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh sebab nahoh ma Yék, akal natèrgos nèsgos rik jalꞌéng eh nak. #Mat 10:39; 16:25; Mrk 8:35; Luk 9:24; Yoh 12:25. 34Yék kemën ichal ma nyob, bil mase nèjlãj Yék, hal-hal gerèk doh akal nabelakuk: bil layèg nak, nar sènꞌòy tik wèsèglòg èn tempad sènlòg rik samak. Rik naꞌnéy akal Tuhan naꞌéd, dak rik naꞌnéy wèl akal Tuhan naperak. 35Dak èn tempad mòy, nar sènꞌòy bèꞌbok wèbegerasëj menéh. Rik naꞌnéy akal Tuhan naꞌéd, dak rik naꞌnéy wèl Tuhan naperak. [36Nar sènꞌòy bèhbeh wèl tik bekèrjak èn selay; naꞌnéy sènꞌòy akal Tuhan naꞌéd, dak naꞌnéy wèl Tuhan naperak.]”#17:36 Had ènsekh tèks asli kuy Yunani mok ayad 36 doh.
37Dak hèhoh-hèhoh Yèsus umtanyak ma Rik Nak, “Yãng, èn lok hal nak nambelakuk?”
Yèsus nasaꞌod, “Pastik tèꞌlalah akal sènꞌòy umnéh tande eh bil nabelakuk. Gerèk chòntoh doh: kalòw ènéh chèp rik umgéy sasòk umbekumpol, pastik èlèkh nak tande mok sasòk èn anak.”
ទើបបានជ្រើសរើសហើយ៖
Lukas 17: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Lukas 17
17
Yèsus nabetènglèkh tentang dose
(Mat 1:6-7,21-22; Mrk 9:42)
1Yèsus nachal ma mèn hèhoh Eh, “Èn duniak doh, pastik mok hal rik betenarèk ma sènꞌòy sampéy umkelek ma kelòj dose. Tapik terok geb lah untok sènꞌòy rik tèdꞌéd ma sènꞌòy mòy sampéy umbedose! 2Kalòw mok sènꞌòy natèdꞌéd ma sènꞌòy gerèk jèꞌjok doh rik bepechaye ma Yék#17:2 sènꞌòy gerèk jèꞌjok doh rik bepechaye ma Yék Tèks asli: “sènꞌòy jèꞌjok.” umbedose, terok geb lah henukom Allah ma sènꞌòy nak! Lebéh méj kalòw nabeg batuk rayak#17:2 batuk rayak Tèks asli: “batuk gerènsëj.” Batuk rayak rik kuda kelday nadelũk bil sènꞌòy umgèrsëj menéh gerèk bak atòw gandum. èn geloh eh, dak bes ma kelòj laud! 3Sebab nak bejagak-jagak lah! Agok nyob teꞌèl gerèk nak. Kalòw kéy hãk rik bepechaye ma Yék nateꞌèl dose ma hãk, tèdchod lah ma rik nak. Dak kalòw nasisal, ampon lah ma rik nak. #Mat 18:15. 4Kalòw rik nak nateꞌèl dose ma hãk tujoh kalik kelòj néy is pon, dak tiyab-tiyab kalik nasisal, nalãj ma hãk bok nachèl-chal, ‘Maꞌap lah ma yék,’ hãk haros haꞌampon ma rik nak tiyab-tiyab kalik.”
Yèsus nabetènglèkh tentang pechaye
5Dak mèn rasul umchal ma Tuhan Yèsus, “Tulong kandék supaye kandék lebéh pechaye wèl ma Allah!” 6Dak Tuhan Yèsus nachal, “Kalòw nyob pechaye ma Allah amès pon, gerèk mad menéh sawik rik ajok geb, nyob boléh or ma jehuk rayak doh, ‘Ròj lah nòm tèk, dak tap lah èn òng laud!’ Dak jehuk nak akal nahoh ma nèrꞌor nyob.”
Hoh ma Tuhan gerèk kuli rik nahoh ma nèlchal tuwan eh
7Yèsus nachal wèl naꞌog chòntoh, “Bèdlod lah kalòw néy sènꞌòy èn nyob mok kuli rik nabay tèk namsèbyab untok namtap èn selay, atòw nabejagak kambikh biri. Bil kuli nak namak nòm selay, pastik lah tuwan eh tok nachèl-chal ma rik nak, ‘Jok, mòj dak géy.’ 8Mestik hõy! Tapik akal tuwan nachal ma kuli eh nak, ‘Tabéh lah nèygéy yék. Lòg lah bajuk méj dak jamuk ma yék, sampéy hòj sòj yék igèy-géy bok iꞌèng-òng. Nòm kerek nak lah hãk boléh hagéy bok haꞌòng.’ 9Dak tuwan nak tok perlu beterime kaséh ma kuli nak bil nateꞌèl ilok rik naꞌor nak. 10Gerèk nak keꞌjèk lah nyob. Bil hòj nyob teꞌèl kenèmbek rik Allah, Tuwan nyob, naꞌor ma nyob, chal lah, ‘Kandék tok behakak kimbeterime ilok-ilok. Kandék had kiteꞌèl ilok rik haros kimteꞌèl.’”
Yèsus natèrhakh sepuloh sènꞌòy bechenèk sèmpok
11Bil èn nèbchib Eh ma kote Yèrusalèm, Yèsus nachèb-chib èn belah sempadan negerik Samariya ròb Galiliya. 12Yèsus namòj ma néy kampong, dak anak mok sepuloh sènꞌòy bechenèk sèmpok umlãj mutèrbuk ma Rik Nak. Umnak umted nòm jerok, 13dak umbeꞌèh-éh, “Yèsus! Yãng! Kalõn lah kandék!”
14Yèsus nanéh ma umnak dak nachal, “Wèk lah ma imam Yahudi dak pèrnéh esik nyob kemën-kemën hòj nyob jadik méj wèl èn mad Tuhan.” Umnak pon umwèk, dak bil èn nèbchib nak umnak hòj umhakh. #Im 14:1-32.
15Dak bil néy sènꞌòy nòm umnak nanéh esik eh nak hòj nahakh, rik nak nalos ma Yèsus sambil naꞌèhmah ma Allah nòm kuy kènwad. 16Dak rik nak natud èn sòy jukh Yèsus dak nabeterime kaséh ma Rik Nak. Sènꞌòy nak kedak sènꞌòy Yahudi, tapik sènꞌòy Samariya. 17Dak Yèsus nachal, “Mok sepuloh sènꞌòy rik hòj Yék itèrhakh, kan? Jadik nahey rik sembilan sènꞌòy wèl tok lès-los? 18Had sènꞌòy rik kedak Yahudi doh hék nalos untok beterime kaséh ma Allah!” 19Dak Yèsus nachal ma rik nak, “Ted lah, dak wèk. Hãk hòj hahakh sebab hapechaye ma Yék.”
Yèsus nabetènglèkh tentang Kerajaꞌan Allah ròb mase Rik Nak namlãj wèl
(Mat 24:23-28,37-41)
20Maròp-maròp guruk agama nòm pitak sènꞌòy Parisi umbetanyak ma Yèsus, “Bil Kerajaꞌan Allah namlãj?”
Yèsus nasaꞌod, “Nyob tok boléh néh lah bil Kerajaꞌan Allah nalãj. 21Akal sènꞌòy tok umchèl-chal, ‘Néh lah, mok èn anuh!’ atòw ‘Néh lah, mok èn tuy!’ Sebab Kerajaꞌan Allah hòj mok èn anuh,#17:21 Kerajaꞌan Allah hòj mok èn anuh Kerajaꞌan Allah hòj mok èn umnak, sebab: 1) Yèsus (Mèsias, Rajak Kerajaꞌan Allah nak) hòj nalãj dak hòj mok èn gagid umnak. 2) Allah hòj naperintah èn kelòj nèsgos sènꞌòy rik umpechaye ma Rik Nak. èn gagid nyob.”
22Nòm kerek nak Yèsus nachal ma hèhoh-hèhoh Eh, “Akal nalãj mase eh, nyob akal nyob ès-as geb nyomnéh ma arik Yék, Sènꞌòy Nòm Sorga, ilos dak beperintah. Tapik nyob tik tok dapad nyomnèh-néh eh. 23Sènꞌòy akal umchal ma nyob, ‘Néh lah, Mèsias mok èn anak!’ atòw ‘Néh lah, Rik Nak mok èn anuh!’ Tapik agok lah nyob wèk atòw nyomhoh ma umnak. 24Bil nakilad bernyaw dak nachelakh langid nòm kèd is ma sòy is, kenèmbek sènꞌòy umnéh. Gerèk nak keꞌjèk lah akal bil arik Yék, Sènꞌòy Nòm Sorga, ilos — kenèmbek sènꞌòy pastik umnéh dak umlèkh. 25Tapik lebéh nèng-nèng sènꞌòy rik umgès-gos puꞌdoh akal umjèk ma Yék, dak Yék pastik iderite ibuk.
26Bil Yék, Sènꞌòy Nòm Sorga, ilãj wèl, mase nak chare sènꞌòy gès-gos samak gerèk chare sènꞌòy rik gès-gos bil jènman Nuh#17:26 Nuh néy sènꞌòy rik hèh-hoh ma perintah Allah manah tòp. Bil jènman nak, kenèmbek sènꞌòy mòy umjèk tok umhèh-hoh ma Allah wèl. Jadik Allah naꞌor Nuh namteꞌèl bot rik rayak geb. Pas nak Allah nateꞌèl bègꞌag rik rayak ma kenèmbek bumi, dak nakèrbes ma kenèmbek sènꞌòy rik jèdhad. Had natèrgos Nuh ròb kewarge eh hék èn kelòj bot nak. manah tòp. #Jen 6:5-8. 27Sebab bil nak sènꞌòy umgos gerèk biyase hék: umga-géy, umꞌa-òng, dak umbebabéy. Kenèmbek nak umteꞌèl sampéy nalãj mase eh Nuh namòj ma kelòj bod rayak. Dak nalãj bègꞌag rayak, umselod dak umkebes lah umnak kenèmbek. #Jen 7:6-24.
28Gerèk nak keꞌjèk bil jènman Lòt. Bil nak sènꞌòy umgos gerèk biyase. Mok rik sibok umgèy-géy dak umꞌa-òng, dak mok rik sibok jèlwal bèꞌlik. Mok rik tèm-tap, dak mok rik terègwòg dékh. #Jen 18:20—19:25. 29Tapik tok-tok ma arik Lòt nahuwòl nòm kote Sòdom nak, Tuhan natëh os ròb batuk belèny-lany nòm langid, dak umkebes umnak kenèmbek. 30Gerèk nak keꞌjèk bil Yék, Sènꞌòy Nòm Sorga ilãj wèl: sebab bil arik nak sènꞌòy tok umbesabok.
31Bil arik nak, sènꞌòy rik èn balikh renabong agok taw ma kelòj dékh untok kod ilok-ilok. Gerèk nak keꞌjèk ma sènꞌòy rik èn selay, agok lah mak ma dékh. #Mat 24:17,18; Mrk 13:15,16. 32Belekh lah ma léh Lòt#17:32 léh Lòt nak tok nahèh-hoh ma nèrꞌor Allah bil umda-dok nòm kote Sòdom. Nanak nalos nawãr ma yek namnéh ilok belakuk ma kote nak, dak esik eh nasanglik najadik tunggol garam. Cherite nak nabelakuk èn bukuk Jenadik 19:26. — ilok belakuk ma rik nak! #Jen 19:26. 33Sebab chok rik bekerèngdakh namtèrgos nèsgos eh èn duniak doh, akal naruj nèsgos eh rik jalꞌéng. Tapik chok rik èg-og nèsgos eh sebab nahoh ma Yék, akal natèrgos nèsgos rik jalꞌéng eh nak. #Mat 10:39; 16:25; Mrk 8:35; Luk 9:24; Yoh 12:25. 34Yék kemën ichal ma nyob, bil mase nèjlãj Yék, hal-hal gerèk doh akal nabelakuk: bil layèg nak, nar sènꞌòy tik wèsèglòg èn tempad sènlòg rik samak. Rik naꞌnéy akal Tuhan naꞌéd, dak rik naꞌnéy wèl akal Tuhan naperak. 35Dak èn tempad mòy, nar sènꞌòy bèꞌbok wèbegerasëj menéh. Rik naꞌnéy akal Tuhan naꞌéd, dak rik naꞌnéy wèl Tuhan naperak. [36Nar sènꞌòy bèhbeh wèl tik bekèrjak èn selay; naꞌnéy sènꞌòy akal Tuhan naꞌéd, dak naꞌnéy wèl Tuhan naperak.]”#17:36 Had ènsekh tèks asli kuy Yunani mok ayad 36 doh.
37Dak hèhoh-hèhoh Yèsus umtanyak ma Rik Nak, “Yãng, èn lok hal nak nambelakuk?”
Yèsus nasaꞌod, “Pastik tèꞌlalah akal sènꞌòy umnéh tande eh bil nabelakuk. Gerèk chòntoh doh: kalòw ènéh chèp rik umgéy sasòk umbekumpol, pastik èlèkh nak tande mok sasòk èn anak.”
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.