Yohanès 8
8
Yèsus naꞌampon ma néy babok rik bebènjhéj
1[Nòm kerek nak, kenèmbek sènꞌòy jajéh naꞌtèk ummak ma dékh rik um. Tapik Yèsus nawèk ma Pok Sayton. 2Dak is jakal eh nak, bil yèhyah tik chup, Yèsus nalos wèl ma Dékh Tuhan. Èn anak jajéh sènꞌòy umlãj ma Rik Nak, dak Yèsus nagel bok nabetènglèkh ma umnak. 3Bil nak mèn guruk agama ròb sènꞌòy Parisi umꞌéd ma Yèsus néy babok rik hòj umtèrbuk hatòp nabebènjhéj. Umnak umdelũk ma babok nak nated èn mad sènꞌòy jajéh nak. 4Dak umnak umchal ma Yèsus, “Guruk, babok doh kandék kitèrbuk nabebènjhéj. 5#Im 20:10; Ter 22:22-24. Èn Hukom Tuhan rik Musa natèrlòy ma èk, bèꞌbok rik gerèk doh haros èmbedal batuk sampéy nakebes. Tapik rèk lok ma benèdlod Hãk?” 6Umnak umtanyak gerèk nak sebab umchèn mukèrnak ma Yèsus, supaye umnak dapad mutanas ma Rik Nak.#8:6 supaye umnak dapad mutanas ma Rik Nak. Kalòw Yèsus nasaꞌod bok nachal haros umkèrbes ma babok nak, mèn pemimpin Yahudi nak boléh umripod ma kerajaꞌan Roma (sebab had kerajaꞌan Roma hék boléh nakèrlek henukom kènbes nak). Tapik kalòw Yèsus nachal tok payah kèrbes ma babok nak, umnak boléh umtanas ma Rik Nak tok nahèh-hoh ma Hukom Tuhan.
Tapik Yèsus nangõb dak natekèd nabetulis nòm tikh Eh ma tèk. 7Dak umnak sejèkh-serajèkh umbetanyak wèl ma Rik Nak, jadik Yèsus nawòg dak nachal ma umnak, “Chok èn nyob rik tok pernah nateꞌèl dose, perak lah nanak nambedal batuk rik mulak ma babok doh.” 8Pas nak Yèsus nalos nangõb dak natulis ma tèk wèl. 9Bil umnak umkeyòkh ma nèlchal Yèsus nak, umnak umtekèd umwèk nòm nak pinéy-pinéy. Mèn tèꞌtak umwèk nèng-nèng, dak mèn lèwtòw umhoh. Dak sèj-sòj eh nak, had Yèsus hék èn anak samak babok naꞌtèk rik tik natèd-ted èn anak. 10Yèsus nawòg dak natanyak ma babok nak, “Ma lok rik umbetanas ma hãk naꞌtèk? Tok mèk-mok ke sènꞌòy rik tik mutanas ma hãk nak besalah?”
11Babok nak nasaꞌod, “Hõy, Yãng.”
Dak Yèsus nachal, “Nak, Yék keꞌjèk tok ibetanas ma hãk besalah. Wèk lah, dak agok teꞌèl dose wèl.”]#8:11 Jajéh tèks asli Yunani nòm manah tòp tok mèk-mok chenal doh, bok mèn guruk Kitab umbèdlod kedak Yohanès rik betulis chenal doh tapik sènꞌòy mòy rik betabeh.
Yèsus, Chènlakh ma Duniak
12 #
Mat 5:14; Yoh 9:5. Yèsus nachèl-chal wèl ma sènꞌòy èn anak, “Yék lah chènlakh ma duniak doh. Chok rik hèh-hoh ma Yék akal tok pernah umchèb-chib èn kelòj rèhngah, tapik umdapad chènlakh rik èg-og nèsgos.”
13 #
Yoh 5:31. Dak sènꞌòy Parisi umchal ma Yèsus, “Hãk nak had hachèl-chal hal doh rik ma rik Hãh! Tapik tok mèk-mok sènꞌòy mòy pon rik nambukti nèlchal Hãh nak kemën!”
14Yèsus nasaꞌod ma umnak, “Yab Yék had ichèl-chal rik ma rik Yéh pon, ilok rik ichal nak kemën. Sebab Yék ilèkh nòm lok Yék ilãj, bok ma lok Yék akal iwèk. Tapik nyob nak tok nyob lèng-lèkh lah nòm lok Yék ilãj bok ma lok Yék imwèk. 15Nyob nak nyob behakim ma sènꞌòy nòm chare rik nyob sènꞌòy. Yék doh tok ibehakim ma chok-chok pon. 16Tapik kalòw lah Yék imbehakim ma sènꞌòy, ilok rik Yék ichal tentang sènꞌòy nak pastik kemën. Sebab Yék tok itèlꞌèl dèꞌrik Yéh hék, tapik Yék samak Apak rik terèn-èn ma Yék. 17#Ter 19:15. Bok èn kelòj adad agama rik nyob Musa natulis: bil mok nar sènꞌòy wèsetujuk bok wèchal hal rik chachod, ilok rik wèchal nak hòj kemën. 18Nak, hòj mok nar: Yék lah irik èg-oglèkh tentang rik ma rik Yéh, bok rik naꞌnéy nak Apak rik terèn-èn ma Yék.”
19Dak umnak umtanyak ma Rik Nak, “Èn lok Apak Hãh nak?”
Yèsus nasaꞌod, “Nyob tok nyob kèlnal ma Yék, bok tok nyob kèlnal ma Apak inak. Kalòw lah nyob kenal ma Yék, pastik nyob kenal ma Apak Yék keꞌjèk.”
20Yèsus nachèl-chal kenèmbek hal nak mase Nanak nabetènglèkh èn Dékh Tuhan, tilok ma mèn kotak nèrchor duid rik umꞌog ma Tuhan. Tapik tik tok mèk-mok chok-chok pon namròt ma Nanak, sebab tèk-tik tok nalèy-lòy mase Eh.
Mèn pemimpin Yahudi tok umlèng-lèkh Yèsus nak Tuhan
21Yèsus nachal wèl ma sènꞌòy èn anak, “Yék akal iperak ma nyob. Nyob akal nyob kèk ma Yék, tapik nyob akal nyob kebes èn kelòj dose nyob. Nyob tok boléh nyomwèk ma tempad rik Yék iwèk.”
22Dak mèn pemimpin Yahudi umcha-chal kaban rik um, “Nahey Nanak nachal gerèk nak, ‘Nyob tok boléh nyomwèk ma tempad rik Yék iwèk?’ Ke namkèrbes rik ma rik Eh?”
23Yèsus nasaꞌod wèl ma umnak, “Nyob nak nòm tèk doh, tapik Yék doh nòm balikh téh. Nyob nak nòm duniak doh, tapik Yék doh kedak lah nòm duniak doh. 24Unak lah sebab eh Yék ibèrleng ma nyob kenèmbek: Allah akal tok nabeꞌampon ma nyob, dak akal nyob kebes èn kelòj dose nyob. Hek, kalòw nyob tok nyob pechaye YÉK lah YÉK,#8:24 YÉK lah YÉK Udoh lah kenëh Tuhan nakòw rik ma rik Eh nòm mulak tòp. Èn Kitab Perènhod Manah, TUHAN naꞌoglèkh kenëh Eh nak ma Musa bok nachal “YÉK lah YÉK.” (Cherite eh nak èn bukuk Herènwòl, 3:14). Jadik bil Yèsus nachal hal doh, maksod eh Yèsus nak Tuhan. gerèk hòj ichal nak, mémang lah nyob akal nyob kebes èn kelòj dose nyob.”
25Jadik umnak umtanyak ma Yèsus, “Chok Hãk nak?”
Yèsus nasaꞌod, “Yék hòj iꞌèg-oglèkh ma nyob nòm mulak eh. 26Tèk-tik jajéh hal rik Yék boléh imchal bok imbehakim ma nyob. Tapik Yék had iꞌoglèkh ma duniak ilok rik ikeyòkh nòm Nanak rik terèn-èn ma Yék. Dak ilok Nanak nachal nak kemën.”
27Tapik umnak tok umlèng-lèkh Yèsus nachèl-chal tentang Allah Apak Eh. 28Sebab nak, Yèsus nachal ma umnak, “Nyob akal nyob tayod ma Yék, Sènꞌòy Nòm Sorga, èn palok salib. Dak bil nak lah akal nyob lèkh, YÉK lah YÉK. Bok Yék tok itèlꞌèl ilok-ilok nòm rik Yéh, tapik had iꞌèg-oglèkh ilok rik Apak hòj nabetènglèkh ma Yék. 29Nanak rik terèn-èn ma Yék selaluk mok samak Yék. Yék selaluk iteꞌèl ilok rik Nanak nachèn bok isèrnang ma hup Eh, dak Nanak tok pernah naperak ma Yék.”
30Dak bil Yèsus nachèl-chal nak, jajéh sènꞌòy umpechaye ma Rik Nak.
Tuhan Yèsus nabébas ma sènꞌòy nòm dose
31Dak Yèsus nachal ma sènꞌòy Yahudi rik umpechaye ma Rik Nak, “Kalòw nyob hoh ma tenènglèkh Yék, nyob kemën-kemën hèhoh Yék. 32Dak nyob akal nyob lèkh ilok rik kènmën, dak ilok rik kènmën nak akal nabébas ma nyob.”
33 #
Mat 3:9; Luk 3:8. Dak umnak umsaꞌod, “Kandék doh nòm waris Abraham. Kandék tok pernah kijadik kuli chok-chok pon. Bok ilok maksod Hãh nak bil hachal kandék akal kibébas?”
34-37Yèsus nachal ma umnak, “Hek, Yék ilèkh nyob nak nòm waris Abraham, bok nyob bèdlod maksod eh nak nyob nak hòj kewarge Tuhan keꞌjèk. Tapik kemën lah Yék ichal ma nyob doh: kenèmbek sènꞌòy rik tèlꞌèl dose umjadik kuli ma dose, bok dose nak nabekuwase ma umnak. Bok bèdlod lah chòntoh doh: kalòw mok kuli rik kerèꞌjak untok tuwan eh, kuli nak kedak lah nòm kewarge tuwan eh nak. Tapik kuwòt rik tuwan nak pastik lah nòm kewarge nak sampéy bilok-bilok. Jadik kalòw Kuwòt nak nabébas ma nyob, nyob kemën-kemën bébas! Tapik nyob jèk tok nyob terime ma tenènglèkh Yék, bok nyob kèrdakh nyomkèrbes ma Yék. 38Yék iꞌèg-oglèkh ma nyob hal-hal rik Apak Yéh hòj napèrnéh ma Yék. Tapik nyob had nyob teꞌèl ilok rik apak nyob hòj natènglèkh ma nyob.”
39Dak umnak umsaꞌod wèl ma Yèsus, “Abraham nak apak kaum kandék!”
Tapik Yèsus nasaꞌod ma umnak, “Kalòw nyob kemën-kemën nòm waris Abraham, pastik nyob akal nyob teꞌèl ilok rik Abraham nateꞌèl. 40Tapik nyob chèn nyomkèrbes ma Yék, yab Yék had iterèylòy ma nyob tenènglèkh kènmën rik ikeyòkh nòm Allah. Dak Abraham tok pernah nateꞌèl gerèk tènꞌèl nyob nak! 41Jadik hòj tèꞌlalah nyob nak kedak nòm waris Abraham, sebab nyob hoh ma apak rik nyob.”
Dak sènꞌòy Yahudi nak umsaꞌod, “Kandék kedak kuwòt pulòw! Had Rik Allah nak lah Apak kandék.”
42Yèsus nachal wèl ma umnak, “Kalòw lah kemën Allah nak Apak nyob, pastik nyob sayèkh ma Yék, sebab Yék ilãj nòm Allah dak hòj mok èn anuh. Yék tok ilèj-lãj dèꞌrik Yéh, tapik Apak lah irik terèn-èn ma Yék. 43Tapik nyob jèk tok nyob kèngyòkh ma tenènglèkh Yék, bok nyob tok dapad nyomlèkh ma nèlchal Yék. 44Apak nyob nak Iblis, dak nyob lah kuwòt eh! Dak nyob chèn nyomteꞌèl nènchèn apak nyob nak. Hòj nòm mulak nèng-nèng tòp, rik nak nakerèsbes ma sènꞌòy. Rik nak selaluk nabemès-mus ma ilok rik kènmën, sebab èn rik eh nak tok mèk-mok ilok-ilok rik kènmën. Nanak nachèn nabesèꞌlok, sebab nak lah perangéy eh. Nanak nabesèꞌlok, bok nanak lah apak kenèmbek sènꞌòy rik umbesèꞌlok. 45Sebab nak lah nyob tok dapad nyob pechaye ma Yék, yab Yék ichal ilok rik kènmën! 46Tok mok chok-chok pon èn nyob nak nambukti Yék doh bedose! Jadik bil Yék ichal rik kènmën, nahey nyob tok nyob pechaye ma Yék? 47Chok rik hòj najadik milik Allah pastik nakeyòkh ma Gah Allah. Kemoh nyob nak kedak milik Allah, bok tok nyob kèngyòkh ma Gah Allah!”
Yèsus nak Tuhan bok lebéh rayak nòm Abraham
48Dak mok sènꞌòy Yahudi èn anak umpègyog ma Yèsus, “Mémang kemën ilok rik kandék kichal hatòp: Hãk nak sènꞌòy Samariya rik belaꞌes bok hasid yel jèdhad!”
49Yèsus nasaꞌod, “Yék tok isèd-sid yel jèdhad. Yék ihormad ma Apak Yék, tapik nyob pègyog ma Yék. 50Dak Yék tok ikèk-kèk enèhmah rik ma rik Yéh. Tapik mok rik mòy, bok Rik Nak nachèn sènꞌòy muꞌèhmah ma Yék. Rik Nak lah Hakim rik kènmën. 51Kemën Yék ichal ma nyob: chok rik hèh-hoh ma tenènglèkh Yék akal tok umkèsbes sampéy bilok-bilok.”
52-53Sènꞌòy Yahudi èn anak umchal wèl ma Yèsus, “Puꞌdoh kandék hòj kilèkh Hãk nak kemën-kemën hasid yel jèdhad! Hãk hachal chok rik hèh-hoh ma tenènglèkh Hãh akal tok nakèsbes sampéy bilok-bilok. Tapik Abraham, yak dòt bej èh nak, hòj nakebes. Bok mèn nabi Tuhan keꞌjèk hòj umkebes! Ke Hãk habèdlod rik Hãh nak lebéh rayak nòm Abraham? Abraham nak hòj nakebes, dak kenèmbek nabi pon hòj umkebes. Bok Hãk nak habèdlod kedak Hãk nak rik rayak?”
54Yèsus nasaꞌod, “Kalòw Yék ikèk enèhmah rik ma rik Yéh, kenèmbek nak tok begunak eh. Tapik Apak Yék, rik nyob déh Allah nyob, naꞌog enèhmah nak ma Yék. 55Dak nyob tok nyob kèlnal ma Rik Nak, tapik Yék ikenal ma Rik Nak. Tok boléh lah imchal Yék tok ikèlnal ma Rik Nak; kalòw lah imchal gerèk nak, bok akal ijadik sènꞌòy rik besèꞌlok samak gerèk nyob nak! Yék pastik ikenal ma Rik Nak, dak Yék ihoh ma nèrꞌor Eh. 56Yak dòt bej nyob Abraham naꞌadés sebab nadèh-deh ma arik Yék imlãj ma duniak doh. Dak rik nak hòj nanéh bok naꞌadés geb.”
57Dak umnak umchal wèl ma Yèsus, “Umor Hãk tèk-tik tok nalèy-lòy ma limak puloh tawon! Bok rèk lok iHãk boléh hanéh ma Abraham rik gès-gos jènman anin tòp?!”
58Yèsus nasaꞌod ma umnak, “Kemën Yék ichal ma nyob doh: èn tèk-tik amèk Abraham nak tok nayès-yos eh, YÉK lah YÉK bok Yék hòj mok nèng-nèng.”
59Bil umkeyòkh ma nèlchal Yèsus nak, umnak umros batuk untok mubedal bok mukèrbes ma Yèsus. Tapik tok-tok Yèsus nahèr-hãj dak naperak nòm Dékh Tuhan nak.
ទើបបានជ្រើសរើសហើយ៖
Yohanès 8: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Yohanès 8
8
Yèsus naꞌampon ma néy babok rik bebènjhéj
1[Nòm kerek nak, kenèmbek sènꞌòy jajéh naꞌtèk ummak ma dékh rik um. Tapik Yèsus nawèk ma Pok Sayton. 2Dak is jakal eh nak, bil yèhyah tik chup, Yèsus nalos wèl ma Dékh Tuhan. Èn anak jajéh sènꞌòy umlãj ma Rik Nak, dak Yèsus nagel bok nabetènglèkh ma umnak. 3Bil nak mèn guruk agama ròb sènꞌòy Parisi umꞌéd ma Yèsus néy babok rik hòj umtèrbuk hatòp nabebènjhéj. Umnak umdelũk ma babok nak nated èn mad sènꞌòy jajéh nak. 4Dak umnak umchal ma Yèsus, “Guruk, babok doh kandék kitèrbuk nabebènjhéj. 5#Im 20:10; Ter 22:22-24. Èn Hukom Tuhan rik Musa natèrlòy ma èk, bèꞌbok rik gerèk doh haros èmbedal batuk sampéy nakebes. Tapik rèk lok ma benèdlod Hãk?” 6Umnak umtanyak gerèk nak sebab umchèn mukèrnak ma Yèsus, supaye umnak dapad mutanas ma Rik Nak.#8:6 supaye umnak dapad mutanas ma Rik Nak. Kalòw Yèsus nasaꞌod bok nachal haros umkèrbes ma babok nak, mèn pemimpin Yahudi nak boléh umripod ma kerajaꞌan Roma (sebab had kerajaꞌan Roma hék boléh nakèrlek henukom kènbes nak). Tapik kalòw Yèsus nachal tok payah kèrbes ma babok nak, umnak boléh umtanas ma Rik Nak tok nahèh-hoh ma Hukom Tuhan.
Tapik Yèsus nangõb dak natekèd nabetulis nòm tikh Eh ma tèk. 7Dak umnak sejèkh-serajèkh umbetanyak wèl ma Rik Nak, jadik Yèsus nawòg dak nachal ma umnak, “Chok èn nyob rik tok pernah nateꞌèl dose, perak lah nanak nambedal batuk rik mulak ma babok doh.” 8Pas nak Yèsus nalos nangõb dak natulis ma tèk wèl. 9Bil umnak umkeyòkh ma nèlchal Yèsus nak, umnak umtekèd umwèk nòm nak pinéy-pinéy. Mèn tèꞌtak umwèk nèng-nèng, dak mèn lèwtòw umhoh. Dak sèj-sòj eh nak, had Yèsus hék èn anak samak babok naꞌtèk rik tik natèd-ted èn anak. 10Yèsus nawòg dak natanyak ma babok nak, “Ma lok rik umbetanas ma hãk naꞌtèk? Tok mèk-mok ke sènꞌòy rik tik mutanas ma hãk nak besalah?”
11Babok nak nasaꞌod, “Hõy, Yãng.”
Dak Yèsus nachal, “Nak, Yék keꞌjèk tok ibetanas ma hãk besalah. Wèk lah, dak agok teꞌèl dose wèl.”]#8:11 Jajéh tèks asli Yunani nòm manah tòp tok mèk-mok chenal doh, bok mèn guruk Kitab umbèdlod kedak Yohanès rik betulis chenal doh tapik sènꞌòy mòy rik betabeh.
Yèsus, Chènlakh ma Duniak
12 #
Mat 5:14; Yoh 9:5. Yèsus nachèl-chal wèl ma sènꞌòy èn anak, “Yék lah chènlakh ma duniak doh. Chok rik hèh-hoh ma Yék akal tok pernah umchèb-chib èn kelòj rèhngah, tapik umdapad chènlakh rik èg-og nèsgos.”
13 #
Yoh 5:31. Dak sènꞌòy Parisi umchal ma Yèsus, “Hãk nak had hachèl-chal hal doh rik ma rik Hãh! Tapik tok mèk-mok sènꞌòy mòy pon rik nambukti nèlchal Hãh nak kemën!”
14Yèsus nasaꞌod ma umnak, “Yab Yék had ichèl-chal rik ma rik Yéh pon, ilok rik ichal nak kemën. Sebab Yék ilèkh nòm lok Yék ilãj, bok ma lok Yék akal iwèk. Tapik nyob nak tok nyob lèng-lèkh lah nòm lok Yék ilãj bok ma lok Yék imwèk. 15Nyob nak nyob behakim ma sènꞌòy nòm chare rik nyob sènꞌòy. Yék doh tok ibehakim ma chok-chok pon. 16Tapik kalòw lah Yék imbehakim ma sènꞌòy, ilok rik Yék ichal tentang sènꞌòy nak pastik kemën. Sebab Yék tok itèlꞌèl dèꞌrik Yéh hék, tapik Yék samak Apak rik terèn-èn ma Yék. 17#Ter 19:15. Bok èn kelòj adad agama rik nyob Musa natulis: bil mok nar sènꞌòy wèsetujuk bok wèchal hal rik chachod, ilok rik wèchal nak hòj kemën. 18Nak, hòj mok nar: Yék lah irik èg-oglèkh tentang rik ma rik Yéh, bok rik naꞌnéy nak Apak rik terèn-èn ma Yék.”
19Dak umnak umtanyak ma Rik Nak, “Èn lok Apak Hãh nak?”
Yèsus nasaꞌod, “Nyob tok nyob kèlnal ma Yék, bok tok nyob kèlnal ma Apak inak. Kalòw lah nyob kenal ma Yék, pastik nyob kenal ma Apak Yék keꞌjèk.”
20Yèsus nachèl-chal kenèmbek hal nak mase Nanak nabetènglèkh èn Dékh Tuhan, tilok ma mèn kotak nèrchor duid rik umꞌog ma Tuhan. Tapik tik tok mèk-mok chok-chok pon namròt ma Nanak, sebab tèk-tik tok nalèy-lòy mase Eh.
Mèn pemimpin Yahudi tok umlèng-lèkh Yèsus nak Tuhan
21Yèsus nachal wèl ma sènꞌòy èn anak, “Yék akal iperak ma nyob. Nyob akal nyob kèk ma Yék, tapik nyob akal nyob kebes èn kelòj dose nyob. Nyob tok boléh nyomwèk ma tempad rik Yék iwèk.”
22Dak mèn pemimpin Yahudi umcha-chal kaban rik um, “Nahey Nanak nachal gerèk nak, ‘Nyob tok boléh nyomwèk ma tempad rik Yék iwèk?’ Ke namkèrbes rik ma rik Eh?”
23Yèsus nasaꞌod wèl ma umnak, “Nyob nak nòm tèk doh, tapik Yék doh nòm balikh téh. Nyob nak nòm duniak doh, tapik Yék doh kedak lah nòm duniak doh. 24Unak lah sebab eh Yék ibèrleng ma nyob kenèmbek: Allah akal tok nabeꞌampon ma nyob, dak akal nyob kebes èn kelòj dose nyob. Hek, kalòw nyob tok nyob pechaye YÉK lah YÉK,#8:24 YÉK lah YÉK Udoh lah kenëh Tuhan nakòw rik ma rik Eh nòm mulak tòp. Èn Kitab Perènhod Manah, TUHAN naꞌoglèkh kenëh Eh nak ma Musa bok nachal “YÉK lah YÉK.” (Cherite eh nak èn bukuk Herènwòl, 3:14). Jadik bil Yèsus nachal hal doh, maksod eh Yèsus nak Tuhan. gerèk hòj ichal nak, mémang lah nyob akal nyob kebes èn kelòj dose nyob.”
25Jadik umnak umtanyak ma Yèsus, “Chok Hãk nak?”
Yèsus nasaꞌod, “Yék hòj iꞌèg-oglèkh ma nyob nòm mulak eh. 26Tèk-tik jajéh hal rik Yék boléh imchal bok imbehakim ma nyob. Tapik Yék had iꞌoglèkh ma duniak ilok rik ikeyòkh nòm Nanak rik terèn-èn ma Yék. Dak ilok Nanak nachal nak kemën.”
27Tapik umnak tok umlèng-lèkh Yèsus nachèl-chal tentang Allah Apak Eh. 28Sebab nak, Yèsus nachal ma umnak, “Nyob akal nyob tayod ma Yék, Sènꞌòy Nòm Sorga, èn palok salib. Dak bil nak lah akal nyob lèkh, YÉK lah YÉK. Bok Yék tok itèlꞌèl ilok-ilok nòm rik Yéh, tapik had iꞌèg-oglèkh ilok rik Apak hòj nabetènglèkh ma Yék. 29Nanak rik terèn-èn ma Yék selaluk mok samak Yék. Yék selaluk iteꞌèl ilok rik Nanak nachèn bok isèrnang ma hup Eh, dak Nanak tok pernah naperak ma Yék.”
30Dak bil Yèsus nachèl-chal nak, jajéh sènꞌòy umpechaye ma Rik Nak.
Tuhan Yèsus nabébas ma sènꞌòy nòm dose
31Dak Yèsus nachal ma sènꞌòy Yahudi rik umpechaye ma Rik Nak, “Kalòw nyob hoh ma tenènglèkh Yék, nyob kemën-kemën hèhoh Yék. 32Dak nyob akal nyob lèkh ilok rik kènmën, dak ilok rik kènmën nak akal nabébas ma nyob.”
33 #
Mat 3:9; Luk 3:8. Dak umnak umsaꞌod, “Kandék doh nòm waris Abraham. Kandék tok pernah kijadik kuli chok-chok pon. Bok ilok maksod Hãh nak bil hachal kandék akal kibébas?”
34-37Yèsus nachal ma umnak, “Hek, Yék ilèkh nyob nak nòm waris Abraham, bok nyob bèdlod maksod eh nak nyob nak hòj kewarge Tuhan keꞌjèk. Tapik kemën lah Yék ichal ma nyob doh: kenèmbek sènꞌòy rik tèlꞌèl dose umjadik kuli ma dose, bok dose nak nabekuwase ma umnak. Bok bèdlod lah chòntoh doh: kalòw mok kuli rik kerèꞌjak untok tuwan eh, kuli nak kedak lah nòm kewarge tuwan eh nak. Tapik kuwòt rik tuwan nak pastik lah nòm kewarge nak sampéy bilok-bilok. Jadik kalòw Kuwòt nak nabébas ma nyob, nyob kemën-kemën bébas! Tapik nyob jèk tok nyob terime ma tenènglèkh Yék, bok nyob kèrdakh nyomkèrbes ma Yék. 38Yék iꞌèg-oglèkh ma nyob hal-hal rik Apak Yéh hòj napèrnéh ma Yék. Tapik nyob had nyob teꞌèl ilok rik apak nyob hòj natènglèkh ma nyob.”
39Dak umnak umsaꞌod wèl ma Yèsus, “Abraham nak apak kaum kandék!”
Tapik Yèsus nasaꞌod ma umnak, “Kalòw nyob kemën-kemën nòm waris Abraham, pastik nyob akal nyob teꞌèl ilok rik Abraham nateꞌèl. 40Tapik nyob chèn nyomkèrbes ma Yék, yab Yék had iterèylòy ma nyob tenènglèkh kènmën rik ikeyòkh nòm Allah. Dak Abraham tok pernah nateꞌèl gerèk tènꞌèl nyob nak! 41Jadik hòj tèꞌlalah nyob nak kedak nòm waris Abraham, sebab nyob hoh ma apak rik nyob.”
Dak sènꞌòy Yahudi nak umsaꞌod, “Kandék kedak kuwòt pulòw! Had Rik Allah nak lah Apak kandék.”
42Yèsus nachal wèl ma umnak, “Kalòw lah kemën Allah nak Apak nyob, pastik nyob sayèkh ma Yék, sebab Yék ilãj nòm Allah dak hòj mok èn anuh. Yék tok ilèj-lãj dèꞌrik Yéh, tapik Apak lah irik terèn-èn ma Yék. 43Tapik nyob jèk tok nyob kèngyòkh ma tenènglèkh Yék, bok nyob tok dapad nyomlèkh ma nèlchal Yék. 44Apak nyob nak Iblis, dak nyob lah kuwòt eh! Dak nyob chèn nyomteꞌèl nènchèn apak nyob nak. Hòj nòm mulak nèng-nèng tòp, rik nak nakerèsbes ma sènꞌòy. Rik nak selaluk nabemès-mus ma ilok rik kènmën, sebab èn rik eh nak tok mèk-mok ilok-ilok rik kènmën. Nanak nachèn nabesèꞌlok, sebab nak lah perangéy eh. Nanak nabesèꞌlok, bok nanak lah apak kenèmbek sènꞌòy rik umbesèꞌlok. 45Sebab nak lah nyob tok dapad nyob pechaye ma Yék, yab Yék ichal ilok rik kènmën! 46Tok mok chok-chok pon èn nyob nak nambukti Yék doh bedose! Jadik bil Yék ichal rik kènmën, nahey nyob tok nyob pechaye ma Yék? 47Chok rik hòj najadik milik Allah pastik nakeyòkh ma Gah Allah. Kemoh nyob nak kedak milik Allah, bok tok nyob kèngyòkh ma Gah Allah!”
Yèsus nak Tuhan bok lebéh rayak nòm Abraham
48Dak mok sènꞌòy Yahudi èn anak umpègyog ma Yèsus, “Mémang kemën ilok rik kandék kichal hatòp: Hãk nak sènꞌòy Samariya rik belaꞌes bok hasid yel jèdhad!”
49Yèsus nasaꞌod, “Yék tok isèd-sid yel jèdhad. Yék ihormad ma Apak Yék, tapik nyob pègyog ma Yék. 50Dak Yék tok ikèk-kèk enèhmah rik ma rik Yéh. Tapik mok rik mòy, bok Rik Nak nachèn sènꞌòy muꞌèhmah ma Yék. Rik Nak lah Hakim rik kènmën. 51Kemën Yék ichal ma nyob: chok rik hèh-hoh ma tenènglèkh Yék akal tok umkèsbes sampéy bilok-bilok.”
52-53Sènꞌòy Yahudi èn anak umchal wèl ma Yèsus, “Puꞌdoh kandék hòj kilèkh Hãk nak kemën-kemën hasid yel jèdhad! Hãk hachal chok rik hèh-hoh ma tenènglèkh Hãh akal tok nakèsbes sampéy bilok-bilok. Tapik Abraham, yak dòt bej èh nak, hòj nakebes. Bok mèn nabi Tuhan keꞌjèk hòj umkebes! Ke Hãk habèdlod rik Hãh nak lebéh rayak nòm Abraham? Abraham nak hòj nakebes, dak kenèmbek nabi pon hòj umkebes. Bok Hãk nak habèdlod kedak Hãk nak rik rayak?”
54Yèsus nasaꞌod, “Kalòw Yék ikèk enèhmah rik ma rik Yéh, kenèmbek nak tok begunak eh. Tapik Apak Yék, rik nyob déh Allah nyob, naꞌog enèhmah nak ma Yék. 55Dak nyob tok nyob kèlnal ma Rik Nak, tapik Yék ikenal ma Rik Nak. Tok boléh lah imchal Yék tok ikèlnal ma Rik Nak; kalòw lah imchal gerèk nak, bok akal ijadik sènꞌòy rik besèꞌlok samak gerèk nyob nak! Yék pastik ikenal ma Rik Nak, dak Yék ihoh ma nèrꞌor Eh. 56Yak dòt bej nyob Abraham naꞌadés sebab nadèh-deh ma arik Yék imlãj ma duniak doh. Dak rik nak hòj nanéh bok naꞌadés geb.”
57Dak umnak umchal wèl ma Yèsus, “Umor Hãk tèk-tik tok nalèy-lòy ma limak puloh tawon! Bok rèk lok iHãk boléh hanéh ma Abraham rik gès-gos jènman anin tòp?!”
58Yèsus nasaꞌod ma umnak, “Kemën Yék ichal ma nyob doh: èn tèk-tik amèk Abraham nak tok nayès-yos eh, YÉK lah YÉK bok Yék hòj mok nèng-nèng.”
59Bil umkeyòkh ma nèlchal Yèsus nak, umnak umros batuk untok mubedal bok mukèrbes ma Yèsus. Tapik tok-tok Yèsus nahèr-hãj dak naperak nòm Dékh Tuhan nak.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.