Jenadik 9
9
Allah nateꞌèl perènhod Eh ma kenèmbek rik umgès-gos
1Allah nateꞌèl méj ma Nuh ròb kuwòt bèhbeh eh, dak nachal ma umnak, “Kènwòt lah kuwòt nyob, bok tèrchëy lah ma kenèmbek bumi. #Jen 1:28. 2Yék iꞌog ma nyob kuwase ma kenèmbek lawok èn bumi doh: mèn chèp èn langid, mèn kak èn òng, bok kenèmbek lawok èn tèk, rik rèꞌyak bok rik èꞌjok. Umnak kenèmbek akal umtukh geb ma nyob. 3Nèng-nèng tòp Yék hòj iꞌog kenèmbek lènlut belaꞌer untok nèygéy nyob sènꞌòy. Dak puꞌdoh Yék iꞌog keꞌjèk kenèmbek jenis lawok nak untok nèygéy nyob. 4Had tok boléh nyomgéy séj lawok rik tèk-tik tok nyob terèdsòd lènlòt eh, sebab lènlòt nak rik èg-og nèsgos.#9:4 lènlòt nak rik èg-og nèsgos. Èn benèdlod sènꞌòy jènman Kitab nak, bil lènlòt nak nahor nahuwòl nòm esik lawok nak, nèsgos eh pon nahoh nahuwòl keꞌjèk. Sebab nak, kalòw umgéy séj rik tik belènlòt, unak samak gerèk umgéy lawok rik tik gès-gos. #Im 7:26,27; 17:10-14; 19:26; Ter 12:16,23; 15:23. 5Dak nèsgos nyob sènꞌòy penting geb ma Yék. Kalòw mok lawok nakèrbes ma sènꞌòy, Yék akal ihukom ma lawok nak nakebes. Bok kalòw mok sènꞌòy nakèrbes ma sènꞌòy mòy, Yék akal ihukom ma sènꞌòy nak nakebes.
6Yék ipèrhéj ma sènꞌòy
gerèk rik ma rik Yéh;
bok chok rik chègleg ma sènꞌòy,
akal sènꞌòy mòy umcheleg eh.
7Yék ichal wèl ma nyob: kènwòt lah kuwòt nyob, bok tèrchëy lah ibuk ma kenèmbek bumi.”#Jen 1:28.
8Dak Allah nachal wèl ma Nuh ròb kuwòt eh: 9“Puꞌdoh Yék iteꞌèl perènhod Yék ma nyob bok ma waris nyob, 10bok ma kenèmbek lawok rik gès-gos èn bumi doh — kenèmbek chèp ròb lawok rik hèlwòl nòm bod rayak nak samak nyob. 11Udoh lah perènhod Yék ma nyob: Yék ipèrhod Yék akal tok iterèyhõy ma kenèmbek sènꞌòy ròb lawok rik umgès-gos nòm bègꞌag wèl. Tok mèk-mok wèl bègꞌag rik gerèk nak, rik terèyhõy ma bumi doh.” 12Allah nachal wèl, “Yék impèrnéh tande perènhod rik Yék iteꞌèl samak nyob ròb kenèmbek lawok rik umgès-gos, bok perènhod idoh untok kenèmbek waris nyob sampéy bilok-bilok. 13Udoh lah tande eh: Yék idol chedaw Yék samak mèn sagub èn langid. Chedaw nak najadik tande perènhod Yék ma duniak. 14Bil Yék itèrꞌet sagub ròb tèhteh, bok chedaw nak naꞌet èn balikh, 15Yék akal ibelekh ma perènhod Yék ma nyob bok ma kenèmbek lawok rik umgès-gos. Tok mèk-mok wèl bègꞌag rik terèyhõy ma kenèmbek rik umgès-gos. 16-17Tiyab kalik Yék inéh chedaw nak èn langid, Yék akal ibelekh ma perènhod Yék.”
Dak Allah nachal wèl, “Hek, chedaw nak lah tande Yék akal iteꞌèl ilok rik ipèrhod. Perènhod idoh Yék iteꞌèl samak kenèmbek sènꞌòy ròb lawok rik umgès-gos èn bumi, sampéy bilok-bilok.”
Nuh ròb kuwòt-kuwòt eh
18Kuwòt Nuh rik umhèlwòl nòm bod rayak nak Sèm, Yapèt, ròb Ham. (Ham nak apak Kanaꞌan.)#9:18 Kanaꞌan, kuwòt Ham nak, najadik yak dòt bej ma kaum sènꞌòy Kanaꞌan. 19Dak kenèmbek sènꞌòy èn lok-lok tèk èn duniak doh umnak umlãj nòm waris kuwòt Nuh rik umbetigak nak.
20Nuh nak sènꞌòy rik besèylay, dak rik nak lah sènꞌòy rik mulak tèm-tap selay anggor. 21Bil néy arik Nuh naꞌòng òng anggor nak sampéy naluwény. Dak rik nak nasèglòg sèglèg èn kelòj kémah eh. 22Bil Ham, apak Kanaꞌan, nanéh ma apak eh sèglèg, rik nak nahuwòl dak naꞌoglèkh hal nak ma nar kelok eh. 23Pas nak Sèm ròb Yapèt wèkod abat dak wèyèr ma pog wèh, dak wènar nak wèchib ma yek ma kelòj kémah dak wèkub ma esik apak wèh. Bok tok wèwèr-wãr mad wèh, supaye wènar nak tok wènèh-néh ma esik apak wèh rik sèglèg nak. 24Bil Nuh nawòg bok nabelekh nòm lènywény eh, dak nakeyòkh gerèk lok kuwòt alëj eh hòj nasèrngẽny ma rik nak. 25Rik nak nachal,
“Pantakh lah ma Kanaꞌan, kuwòt Ham, ròb kenèmbek waris eh!
Perak lah umnak mujadik kuli rik bepègyog bok mukèrjak untok sakèy umnak.
26Èhmah lah ma TUHAN, Rik Nak Allah Sèm!
Perak lah Kanaꞌan namjadik kuli ma rik nak.
27Dak ipèꞌtak ma Allah namteꞌèl méj ma Yapèt bok namlèrwas tèk milik eh.
Bok waris eh mugel bema-méj samak waris Sèm.
Tapik waris Kanaꞌan akal umjadik kuli umnak.”
28Hòj nòm kerek bègꞌag rayak nak, Nuh tèk-tik nagos 350 tawon wèl. 29Nuh nakebes bil rik nak umor eh 950 tawon.
ទើបបានជ្រើសរើសហើយ៖
Jenadik 9: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 9
9
Allah nateꞌèl perènhod Eh ma kenèmbek rik umgès-gos
1Allah nateꞌèl méj ma Nuh ròb kuwòt bèhbeh eh, dak nachal ma umnak, “Kènwòt lah kuwòt nyob, bok tèrchëy lah ma kenèmbek bumi. #Jen 1:28. 2Yék iꞌog ma nyob kuwase ma kenèmbek lawok èn bumi doh: mèn chèp èn langid, mèn kak èn òng, bok kenèmbek lawok èn tèk, rik rèꞌyak bok rik èꞌjok. Umnak kenèmbek akal umtukh geb ma nyob. 3Nèng-nèng tòp Yék hòj iꞌog kenèmbek lènlut belaꞌer untok nèygéy nyob sènꞌòy. Dak puꞌdoh Yék iꞌog keꞌjèk kenèmbek jenis lawok nak untok nèygéy nyob. 4Had tok boléh nyomgéy séj lawok rik tèk-tik tok nyob terèdsòd lènlòt eh, sebab lènlòt nak rik èg-og nèsgos.#9:4 lènlòt nak rik èg-og nèsgos. Èn benèdlod sènꞌòy jènman Kitab nak, bil lènlòt nak nahor nahuwòl nòm esik lawok nak, nèsgos eh pon nahoh nahuwòl keꞌjèk. Sebab nak, kalòw umgéy séj rik tik belènlòt, unak samak gerèk umgéy lawok rik tik gès-gos. #Im 7:26,27; 17:10-14; 19:26; Ter 12:16,23; 15:23. 5Dak nèsgos nyob sènꞌòy penting geb ma Yék. Kalòw mok lawok nakèrbes ma sènꞌòy, Yék akal ihukom ma lawok nak nakebes. Bok kalòw mok sènꞌòy nakèrbes ma sènꞌòy mòy, Yék akal ihukom ma sènꞌòy nak nakebes.
6Yék ipèrhéj ma sènꞌòy
gerèk rik ma rik Yéh;
bok chok rik chègleg ma sènꞌòy,
akal sènꞌòy mòy umcheleg eh.
7Yék ichal wèl ma nyob: kènwòt lah kuwòt nyob, bok tèrchëy lah ibuk ma kenèmbek bumi.”#Jen 1:28.
8Dak Allah nachal wèl ma Nuh ròb kuwòt eh: 9“Puꞌdoh Yék iteꞌèl perènhod Yék ma nyob bok ma waris nyob, 10bok ma kenèmbek lawok rik gès-gos èn bumi doh — kenèmbek chèp ròb lawok rik hèlwòl nòm bod rayak nak samak nyob. 11Udoh lah perènhod Yék ma nyob: Yék ipèrhod Yék akal tok iterèyhõy ma kenèmbek sènꞌòy ròb lawok rik umgès-gos nòm bègꞌag wèl. Tok mèk-mok wèl bègꞌag rik gerèk nak, rik terèyhõy ma bumi doh.” 12Allah nachal wèl, “Yék impèrnéh tande perènhod rik Yék iteꞌèl samak nyob ròb kenèmbek lawok rik umgès-gos, bok perènhod idoh untok kenèmbek waris nyob sampéy bilok-bilok. 13Udoh lah tande eh: Yék idol chedaw Yék samak mèn sagub èn langid. Chedaw nak najadik tande perènhod Yék ma duniak. 14Bil Yék itèrꞌet sagub ròb tèhteh, bok chedaw nak naꞌet èn balikh, 15Yék akal ibelekh ma perènhod Yék ma nyob bok ma kenèmbek lawok rik umgès-gos. Tok mèk-mok wèl bègꞌag rik terèyhõy ma kenèmbek rik umgès-gos. 16-17Tiyab kalik Yék inéh chedaw nak èn langid, Yék akal ibelekh ma perènhod Yék.”
Dak Allah nachal wèl, “Hek, chedaw nak lah tande Yék akal iteꞌèl ilok rik ipèrhod. Perènhod idoh Yék iteꞌèl samak kenèmbek sènꞌòy ròb lawok rik umgès-gos èn bumi, sampéy bilok-bilok.”
Nuh ròb kuwòt-kuwòt eh
18Kuwòt Nuh rik umhèlwòl nòm bod rayak nak Sèm, Yapèt, ròb Ham. (Ham nak apak Kanaꞌan.)#9:18 Kanaꞌan, kuwòt Ham nak, najadik yak dòt bej ma kaum sènꞌòy Kanaꞌan. 19Dak kenèmbek sènꞌòy èn lok-lok tèk èn duniak doh umnak umlãj nòm waris kuwòt Nuh rik umbetigak nak.
20Nuh nak sènꞌòy rik besèylay, dak rik nak lah sènꞌòy rik mulak tèm-tap selay anggor. 21Bil néy arik Nuh naꞌòng òng anggor nak sampéy naluwény. Dak rik nak nasèglòg sèglèg èn kelòj kémah eh. 22Bil Ham, apak Kanaꞌan, nanéh ma apak eh sèglèg, rik nak nahuwòl dak naꞌoglèkh hal nak ma nar kelok eh. 23Pas nak Sèm ròb Yapèt wèkod abat dak wèyèr ma pog wèh, dak wènar nak wèchib ma yek ma kelòj kémah dak wèkub ma esik apak wèh. Bok tok wèwèr-wãr mad wèh, supaye wènar nak tok wènèh-néh ma esik apak wèh rik sèglèg nak. 24Bil Nuh nawòg bok nabelekh nòm lènywény eh, dak nakeyòkh gerèk lok kuwòt alëj eh hòj nasèrngẽny ma rik nak. 25Rik nak nachal,
“Pantakh lah ma Kanaꞌan, kuwòt Ham, ròb kenèmbek waris eh!
Perak lah umnak mujadik kuli rik bepègyog bok mukèrjak untok sakèy umnak.
26Èhmah lah ma TUHAN, Rik Nak Allah Sèm!
Perak lah Kanaꞌan namjadik kuli ma rik nak.
27Dak ipèꞌtak ma Allah namteꞌèl méj ma Yapèt bok namlèrwas tèk milik eh.
Bok waris eh mugel bema-méj samak waris Sèm.
Tapik waris Kanaꞌan akal umjadik kuli umnak.”
28Hòj nòm kerek bègꞌag rayak nak, Nuh tèk-tik nagos 350 tawon wèl. 29Nuh nakebes bil rik nak umor eh 950 tawon.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.