Jenadik 10
10
Waris kuwòt Nuh
(1 Sej 1:5-23)
1Udoh lah senaray mèn waris Sèm, Yapèt, ròb Ham, tigak kuwòt Nuh nak. Nòm kerek bègꞌag rayak nak, umnak betigak umdapad ibuk kuwòt um.
Waris Yapèt, kuwòt Nuh
2Udoh lah kuwòt bèhbeh Yapèt:
Gomer, Magòg, Maday, Yawan, Tubal, Misèkh, ròb Tiras.
3Kuwòt bèhbeh Gomer nak Askenas, Ripat, ròb Togarma.
4Waris Yawan nak Èlisa, Tarsis, sènꞌòy Kit, ròb sènꞌòy Rodan. 5Dak nòm waris umnak lah suku-suku rik umgèl-gel èn béng laud dak umjog ma pulòw-pulòw èn gagid laud.
Tiyab suku nak umwèk dak umgel èn negerik um pimòy-pimòy, dak umcharak kuy rik um.
Waris Ham, kuwòt Nuh
6Udoh lah kuwòt bèhbeh Ham:
Kus, Mesir, Libiya, ròb Kanaꞌan.
7Kuwòt bèhbeh Kus nak Séba, Hawilah, Sabtah, Ramah, ròb Sabtèka.
Kuwòt bèhbeh Ramah nak Séba ròb Dédan.
8Kus nak mok keꞌjèk néy sènꞌòy kuwòt babeh eh rik bekenëh Nimròd. Nimròd nak sènꞌòy rik mulak najadik terkenal èn bumi doh sebab rik nak sènꞌòy rik kèdwad belawan. 9Nòm tenulong TUHAN, Nimròd najadik sènꞌòy rik kuwad sèꞌyèk. Unak lah sebab eh jajéh sènꞌòy umꞌèhmah ma sènꞌòy mòy bok umchal, “Nòm tenulong TUHAN rik nak kuwad naseyèk, gerèk Nimròd.” 10Nimròd najadik rajak bok nabeperintah èn negerik Babèl, rik umkòw tèk Sinar. Natekèd kerajaꞌan eh nak èn kote Babèl, Èrèkh, Akad, ròb Kalnéh.#10:10 Kalnéh Maksod tèks asli Kitab èn anuh tok pastik, sebab èn kuy Ibrani manah tòp tok umbetulis hurop vokal. Jadik èn tèks kuy Ibrani mok kenëh kote “Kalnéh” doh, tapik mok keꞌjèk ènsekh tèks gèhnih rik umtukar najadik “kulanah” (maksod eh nak, “umnak kenèmbek èn tèk Sinar”). 11Nòm nak, Nimròd nawèk ma Asur dak nateꞌèl kote Niniwéh, Rèhobòt-Ir, ròb Kalah. 12Rik nak nateꞌèl keꞌjèk Résen, kote rayak#10:12 kote rayak Èn tigak kote nak, guruk Kitab tok pastik naꞌlok “kote rik rayak” èn umnak. rik mok èn gagid kote Niniwéh ròb Kalah.
13Waris Mesir nak sènꞌòy Lud, Anam, Lèhab, Naptuh, 14Patrus, Kasluh, ròb Kaptor. Kaptor nak yak dòt bej kaum Pilistin.
15Kanaꞌan mok nar kuwòt eh: rik mulak long nak kenëh eh Sidon. Dak rik naꞌnéy nak kenëh eh Hèt, yak dòt bej sènꞌòy Hèt. 16Kanaꞌan keꞌjèk yak dòt bej sènꞌòy Yèbusi, Amori, Girgasi, 17sènꞌòy Hèwi, Arki, Sini, 18sènꞌòy Arwadi, Semari, ròb Hamati. Umnak kenèmbek suku nòm waris kaum Kanaꞌan nak, dak umjog jerok 19sampéy tèk Kanaꞌan nak sedey geb. Tèk umnak natekèd nòm Sidon sampéy ma kote Gerar ròb Gasa, bok ma sòy is nalòy ma kote Sòdom, Gomora, Adma, ròb Sèboꞌim, sampéy tilok ma kote Lasa. 20Unak lah kenèmbek waris Ham. Tiyab suku ròb kaum nak umgel èn negerik umnak pimòy-pimòy bok umcharak kuy rik um.
Waris Sèm, kuwòt Nuh
21Udoh lah kuwòt bèhbeh Sèm, kelok Yapèt nak. Sèm nak yak dòt bej kenèmbek sènꞌòy Ébèr.#10:21 sènꞌòy Ébèr. Mok jajéh sènꞌòy rik bebèdlod kenëh “Ibrani” nabeꞌasal nòm kenëh “Ébèr” doh, bok Ébèr nak yak dòt bej kaum Ibrani, unak kaum Israꞌèl. 22Kenëh kuwòt bèhbeh Sèm nak Èlam, Asur, Arpaksad, Lud, ròb Aram. 23Kuwòt bèhbeh Aram nak Us, Hul, Gètèr, ròb Mas.#10:23 Mas. atòw “Misèkh” (1 Sej 1:17). 24Arpaksad nak apak Sélah, bok Sélah nak apak Ébèr. 25Ébèr mok nar kuwòt bèhbeh eh. Kuwòt eh rik mulak long nak kenëh eh Pèlèg (maksod eh nak “perènmòy”), sebab bil jaman eh nak lah Allah napèrmòy ma kenèmbek kaum èn duniak. Dak kuwòt Ébèr rik naꞌnéy nak kenëh eh Yoktan. 26Yoktan nak apak Almodad, Sèlèp, Hasarmawèt, Yèrah, 27Hadoram, Usal, Diklah, 28Obal, Abimayèl, Séba, 29Opir, Hawilah, ròb Yobab. Umnak kenèmbek kuwòt Yoktan. 30Mèn waris umnak umgel èn belah rik tèdkèd nòm Mésa sampéy ma Sépar, èn pok-pok ma sòy is. 31Unak lah kenèmbek waris Sèm. Tiyab suku ròb kaum nak umgel èn negerik umnak pimòy-pimòy bok umcharak kuy rik um.
32Unak lah senaray kenèmbek suku ròb kaum nòm waris kuwòt Nuh, umhoh ma jenòm um pimòy-pimòy. Jadik nòm umnak lah kenèmbek suku ròb kaum umjog ma lok-lok tèk èn bumi, nòm kerek bègꞌag rayak nak.
ទើបបានជ្រើសរើសហើយ៖
Jenadik 10: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 10
10
Waris kuwòt Nuh
(1 Sej 1:5-23)
1Udoh lah senaray mèn waris Sèm, Yapèt, ròb Ham, tigak kuwòt Nuh nak. Nòm kerek bègꞌag rayak nak, umnak betigak umdapad ibuk kuwòt um.
Waris Yapèt, kuwòt Nuh
2Udoh lah kuwòt bèhbeh Yapèt:
Gomer, Magòg, Maday, Yawan, Tubal, Misèkh, ròb Tiras.
3Kuwòt bèhbeh Gomer nak Askenas, Ripat, ròb Togarma.
4Waris Yawan nak Èlisa, Tarsis, sènꞌòy Kit, ròb sènꞌòy Rodan. 5Dak nòm waris umnak lah suku-suku rik umgèl-gel èn béng laud dak umjog ma pulòw-pulòw èn gagid laud.
Tiyab suku nak umwèk dak umgel èn negerik um pimòy-pimòy, dak umcharak kuy rik um.
Waris Ham, kuwòt Nuh
6Udoh lah kuwòt bèhbeh Ham:
Kus, Mesir, Libiya, ròb Kanaꞌan.
7Kuwòt bèhbeh Kus nak Séba, Hawilah, Sabtah, Ramah, ròb Sabtèka.
Kuwòt bèhbeh Ramah nak Séba ròb Dédan.
8Kus nak mok keꞌjèk néy sènꞌòy kuwòt babeh eh rik bekenëh Nimròd. Nimròd nak sènꞌòy rik mulak najadik terkenal èn bumi doh sebab rik nak sènꞌòy rik kèdwad belawan. 9Nòm tenulong TUHAN, Nimròd najadik sènꞌòy rik kuwad sèꞌyèk. Unak lah sebab eh jajéh sènꞌòy umꞌèhmah ma sènꞌòy mòy bok umchal, “Nòm tenulong TUHAN rik nak kuwad naseyèk, gerèk Nimròd.” 10Nimròd najadik rajak bok nabeperintah èn negerik Babèl, rik umkòw tèk Sinar. Natekèd kerajaꞌan eh nak èn kote Babèl, Èrèkh, Akad, ròb Kalnéh.#10:10 Kalnéh Maksod tèks asli Kitab èn anuh tok pastik, sebab èn kuy Ibrani manah tòp tok umbetulis hurop vokal. Jadik èn tèks kuy Ibrani mok kenëh kote “Kalnéh” doh, tapik mok keꞌjèk ènsekh tèks gèhnih rik umtukar najadik “kulanah” (maksod eh nak, “umnak kenèmbek èn tèk Sinar”). 11Nòm nak, Nimròd nawèk ma Asur dak nateꞌèl kote Niniwéh, Rèhobòt-Ir, ròb Kalah. 12Rik nak nateꞌèl keꞌjèk Résen, kote rayak#10:12 kote rayak Èn tigak kote nak, guruk Kitab tok pastik naꞌlok “kote rik rayak” èn umnak. rik mok èn gagid kote Niniwéh ròb Kalah.
13Waris Mesir nak sènꞌòy Lud, Anam, Lèhab, Naptuh, 14Patrus, Kasluh, ròb Kaptor. Kaptor nak yak dòt bej kaum Pilistin.
15Kanaꞌan mok nar kuwòt eh: rik mulak long nak kenëh eh Sidon. Dak rik naꞌnéy nak kenëh eh Hèt, yak dòt bej sènꞌòy Hèt. 16Kanaꞌan keꞌjèk yak dòt bej sènꞌòy Yèbusi, Amori, Girgasi, 17sènꞌòy Hèwi, Arki, Sini, 18sènꞌòy Arwadi, Semari, ròb Hamati. Umnak kenèmbek suku nòm waris kaum Kanaꞌan nak, dak umjog jerok 19sampéy tèk Kanaꞌan nak sedey geb. Tèk umnak natekèd nòm Sidon sampéy ma kote Gerar ròb Gasa, bok ma sòy is nalòy ma kote Sòdom, Gomora, Adma, ròb Sèboꞌim, sampéy tilok ma kote Lasa. 20Unak lah kenèmbek waris Ham. Tiyab suku ròb kaum nak umgel èn negerik umnak pimòy-pimòy bok umcharak kuy rik um.
Waris Sèm, kuwòt Nuh
21Udoh lah kuwòt bèhbeh Sèm, kelok Yapèt nak. Sèm nak yak dòt bej kenèmbek sènꞌòy Ébèr.#10:21 sènꞌòy Ébèr. Mok jajéh sènꞌòy rik bebèdlod kenëh “Ibrani” nabeꞌasal nòm kenëh “Ébèr” doh, bok Ébèr nak yak dòt bej kaum Ibrani, unak kaum Israꞌèl. 22Kenëh kuwòt bèhbeh Sèm nak Èlam, Asur, Arpaksad, Lud, ròb Aram. 23Kuwòt bèhbeh Aram nak Us, Hul, Gètèr, ròb Mas.#10:23 Mas. atòw “Misèkh” (1 Sej 1:17). 24Arpaksad nak apak Sélah, bok Sélah nak apak Ébèr. 25Ébèr mok nar kuwòt bèhbeh eh. Kuwòt eh rik mulak long nak kenëh eh Pèlèg (maksod eh nak “perènmòy”), sebab bil jaman eh nak lah Allah napèrmòy ma kenèmbek kaum èn duniak. Dak kuwòt Ébèr rik naꞌnéy nak kenëh eh Yoktan. 26Yoktan nak apak Almodad, Sèlèp, Hasarmawèt, Yèrah, 27Hadoram, Usal, Diklah, 28Obal, Abimayèl, Séba, 29Opir, Hawilah, ròb Yobab. Umnak kenèmbek kuwòt Yoktan. 30Mèn waris umnak umgel èn belah rik tèdkèd nòm Mésa sampéy ma Sépar, èn pok-pok ma sòy is. 31Unak lah kenèmbek waris Sèm. Tiyab suku ròb kaum nak umgel èn negerik umnak pimòy-pimòy bok umcharak kuy rik um.
32Unak lah senaray kenèmbek suku ròb kaum nòm waris kuwòt Nuh, umhoh ma jenòm um pimòy-pimòy. Jadik nòm umnak lah kenèmbek suku ròb kaum umjog ma lok-lok tèk èn bumi, nòm kerek bègꞌag rayak nak.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.