Jenadik 39
39
Yusop nakerèꞌjak èn dékh Pòtipar
1Bil nak, sènꞌòy Ismaꞌèl rik umbèꞌlik Yusop hatòp hòj umꞌéd rik nak ma tèk Mesir, dak anak hòj umjuwal Yusop ma néy sènꞌòy Mesir rik bekenëh Pòtipar. Pòtipar nak néy pegaway rajak, rik nak ketuwe mèn askah rik bejagak ma rajak Mesir. 2Jadik Yusop nagel èn dékh Pòtipar, sènꞌòy Mesir nak, dak nakerèꞌjak untok tuwan eh nak. Dak TUHAN mok samak Yusop, sampéy kenèmbek kèrjak eh méj bok behasil. #Tèn 7:9. 3Pòtipar nanéh TUHAN mok samak Yusop bok naꞌuy kenèmbek kèrjak eh méj bok behasil. 4Jadik Pòtipar nachèn ma Yusop, dak natèrꞌòj pangkat Yusop namjadik kuli rik eh bok nambeꞌuros èn dékh eh ròb kenèmbek milik eh. 5Nòm mase Yusop natekèd nabeꞌuros nak, TUHAN nateꞌèl méj ma kewarge Pòtipar, sènꞌòy Mesir nak. Dak sebab Yusop, TUHAN nateꞌèl méj ma kenèmbek milik Pòtipar, ma dékh eh bok ma selay eh. 6Pòtipar naꞌog ma Yusop namꞌuros kenèmbek milik eh. Dak Pòtipar tok naꞌèd-id wèl ma enuros dékh eh nak; had nabebèdlod ilok nachèn namgéy.
Léh Pòtipar nabelènywach ma Yusop
Yusop nak lenitòw rik lènwat, bok mad eh seralòny. 7Jadik tok lamad nòm kerek nak, léh Pòtipar natekèd nabelènywach ma Yusop. Dak bil néy is rik nak nachal ma Yusop, “Jok lah, selòg samak yék!” 8Tapik Yusop najèk, dak nachal ma rik nak, “Nak, maꞌap lah. Tuwan yék Pòtipar hòj naꞌog ma yék kenèmbek milik eh imꞌuros, dak rik nak tok naꞌèd-id ilok-ilok wèl èn dékh eh doh. 9Rik nak hòj naꞌog ma yék kuwase rik lebéh rayak nòm kenèmbek sènꞌòy gèhnih èn dékh doh. Tok mèk-mok ilok-ilok pon rik tuwan yéh tok naꞌèg-og ma yék — had hãk hék, sebab hãk nak léh eh. Bok rèk lok imteꞌèl jènhad gerèk nak bok imbedose èn mad Allah?” 10Yab léh Pòtipar nachèrmun ma Yusop tiyab arik gerèk nak, tapik Yusop tik najèk namselòg ma rik nak, bok naꞌilak ma rik nak.
11Tapik bil néy arik, Yusop namòj ma kelòj dékh nak namteꞌèl kèrjak eh. Bil nak tok mèk-mok kuli rik gèhnih èn dékh nak. 12Dak anak léh Pòtipar nak nakuwòp ma bajuk jèꞌrok Yusop, nachal, “Jok lah, selòg samak yék!” Tapik Yusop naperak bajuk jèꞌrok eh nak èn tikh léh Pòtipar nak, dak hès nada-dok nòm dékh nak. 13Dak bil léh Pòtipar nanéh Yusop hòj naperak bajuk eh èn tikh rik nak bok nada-dok, 14rik nak naꞌèh-éh ma mèn kuli eh bok nachal, “Néh lah! Sènꞌòy Ibrani rik tòw yéh naꞌéd ma doh hòj nasèrngẽny ma èk! Rik nak namòj ma bilik yék bok nateréy namlèj ma yék! Tapik yék ikaraw nòm kuy kènwad yéh. 15Dak bil nakeyòkh yék ikaraw, bok rik nak nada-dok nahuwòl, tapik bajuk jèꞌrok eh doh naperak.”
16Dak léh Pòtipar nadol èn rik eh nak bajuk Yusop nak, dak nadeh ma tòw eh, tuwan Yusop nak, nammak. 17Dak nachal ma tòw eh cherite rik chachod, “Kuli hãk sènꞌòy Ibrani rik hãk haꞌéd ma doh nak, namòj ma bilik yék atèk untok namlèj bok namsèrngẽny ma yék! 18Bil yék ikaraw, bok rik nak nada-dok nahuwòl. Tapik bajuk jèꞌrok eh doh naperak.”
Pòtipar natèrmòj Yusop ma kelòj jél
19Tuwan Yusop nak nakeyòkh ma léh eh naꞌèg-oglèkh ilok rik Yusop nateꞌèl ma rik nak. Dak Pòtipar nagahmak bëd hup eh. 20Dak rik nak naꞌor supaye muròt ma Yusop bok mutèrmòj ma kelòj jél, èn tempad rajak Mesir najél ma sènꞌòy.
Tapik èn kelòj jél nak 21TUHAN tik mok samak Yusop dak napèrnéh senayèkh Eh rik setiye, sampéy ketuwe jél nak nachèn ma Yusop.#Tèn 7:9. 22Ketuwe jél nak naꞌog ma Yusop namꞌuros ma kenèmbek sènꞌòy gèhnih rik gèl-gel èn jél nak, bok kenèmbek kèrjak rik umteꞌèl anak. 23Dak ketuwe jél nak tok naꞌèd-id wèl ma kenèmbek tugas rik hòj naꞌog nak ma Yusop, sebab TUHAN mok samak Yusop bok naꞌuy kenèmbek kèrjak eh méj bok behasil.
ទើបបានជ្រើសរើសហើយ៖
Jenadik 39: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 39
39
Yusop nakerèꞌjak èn dékh Pòtipar
1Bil nak, sènꞌòy Ismaꞌèl rik umbèꞌlik Yusop hatòp hòj umꞌéd rik nak ma tèk Mesir, dak anak hòj umjuwal Yusop ma néy sènꞌòy Mesir rik bekenëh Pòtipar. Pòtipar nak néy pegaway rajak, rik nak ketuwe mèn askah rik bejagak ma rajak Mesir. 2Jadik Yusop nagel èn dékh Pòtipar, sènꞌòy Mesir nak, dak nakerèꞌjak untok tuwan eh nak. Dak TUHAN mok samak Yusop, sampéy kenèmbek kèrjak eh méj bok behasil. #Tèn 7:9. 3Pòtipar nanéh TUHAN mok samak Yusop bok naꞌuy kenèmbek kèrjak eh méj bok behasil. 4Jadik Pòtipar nachèn ma Yusop, dak natèrꞌòj pangkat Yusop namjadik kuli rik eh bok nambeꞌuros èn dékh eh ròb kenèmbek milik eh. 5Nòm mase Yusop natekèd nabeꞌuros nak, TUHAN nateꞌèl méj ma kewarge Pòtipar, sènꞌòy Mesir nak. Dak sebab Yusop, TUHAN nateꞌèl méj ma kenèmbek milik Pòtipar, ma dékh eh bok ma selay eh. 6Pòtipar naꞌog ma Yusop namꞌuros kenèmbek milik eh. Dak Pòtipar tok naꞌèd-id wèl ma enuros dékh eh nak; had nabebèdlod ilok nachèn namgéy.
Léh Pòtipar nabelènywach ma Yusop
Yusop nak lenitòw rik lènwat, bok mad eh seralòny. 7Jadik tok lamad nòm kerek nak, léh Pòtipar natekèd nabelènywach ma Yusop. Dak bil néy is rik nak nachal ma Yusop, “Jok lah, selòg samak yék!” 8Tapik Yusop najèk, dak nachal ma rik nak, “Nak, maꞌap lah. Tuwan yék Pòtipar hòj naꞌog ma yék kenèmbek milik eh imꞌuros, dak rik nak tok naꞌèd-id ilok-ilok wèl èn dékh eh doh. 9Rik nak hòj naꞌog ma yék kuwase rik lebéh rayak nòm kenèmbek sènꞌòy gèhnih èn dékh doh. Tok mèk-mok ilok-ilok pon rik tuwan yéh tok naꞌèg-og ma yék — had hãk hék, sebab hãk nak léh eh. Bok rèk lok imteꞌèl jènhad gerèk nak bok imbedose èn mad Allah?” 10Yab léh Pòtipar nachèrmun ma Yusop tiyab arik gerèk nak, tapik Yusop tik najèk namselòg ma rik nak, bok naꞌilak ma rik nak.
11Tapik bil néy arik, Yusop namòj ma kelòj dékh nak namteꞌèl kèrjak eh. Bil nak tok mèk-mok kuli rik gèhnih èn dékh nak. 12Dak anak léh Pòtipar nak nakuwòp ma bajuk jèꞌrok Yusop, nachal, “Jok lah, selòg samak yék!” Tapik Yusop naperak bajuk jèꞌrok eh nak èn tikh léh Pòtipar nak, dak hès nada-dok nòm dékh nak. 13Dak bil léh Pòtipar nanéh Yusop hòj naperak bajuk eh èn tikh rik nak bok nada-dok, 14rik nak naꞌèh-éh ma mèn kuli eh bok nachal, “Néh lah! Sènꞌòy Ibrani rik tòw yéh naꞌéd ma doh hòj nasèrngẽny ma èk! Rik nak namòj ma bilik yék bok nateréy namlèj ma yék! Tapik yék ikaraw nòm kuy kènwad yéh. 15Dak bil nakeyòkh yék ikaraw, bok rik nak nada-dok nahuwòl, tapik bajuk jèꞌrok eh doh naperak.”
16Dak léh Pòtipar nadol èn rik eh nak bajuk Yusop nak, dak nadeh ma tòw eh, tuwan Yusop nak, nammak. 17Dak nachal ma tòw eh cherite rik chachod, “Kuli hãk sènꞌòy Ibrani rik hãk haꞌéd ma doh nak, namòj ma bilik yék atèk untok namlèj bok namsèrngẽny ma yék! 18Bil yék ikaraw, bok rik nak nada-dok nahuwòl. Tapik bajuk jèꞌrok eh doh naperak.”
Pòtipar natèrmòj Yusop ma kelòj jél
19Tuwan Yusop nak nakeyòkh ma léh eh naꞌèg-oglèkh ilok rik Yusop nateꞌèl ma rik nak. Dak Pòtipar nagahmak bëd hup eh. 20Dak rik nak naꞌor supaye muròt ma Yusop bok mutèrmòj ma kelòj jél, èn tempad rajak Mesir najél ma sènꞌòy.
Tapik èn kelòj jél nak 21TUHAN tik mok samak Yusop dak napèrnéh senayèkh Eh rik setiye, sampéy ketuwe jél nak nachèn ma Yusop.#Tèn 7:9. 22Ketuwe jél nak naꞌog ma Yusop namꞌuros ma kenèmbek sènꞌòy gèhnih rik gèl-gel èn jél nak, bok kenèmbek kèrjak rik umteꞌèl anak. 23Dak ketuwe jél nak tok naꞌèd-id wèl ma kenèmbek tugas rik hòj naꞌog nak ma Yusop, sebab TUHAN mok samak Yusop bok naꞌuy kenèmbek kèrjak eh méj bok behasil.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.