Jenadik 38
38
Tamar ròb Yèhudah
1Bil mase nak, Yèhudah naperak mèrpek eh dak najog ma kote Adulam. Dak nagel èn anak samak néy sènꞌòy rik bekenëh Hirah. 2Èn anak Yèhudah natèrbuk ma néy babok sènꞌòy Kanaꞌan, babok nak kuwòt Suwa. Dak Yèhudah nababéy ma babok nak dak naselòg samak rik nak. 3Dak léh eh nak nakayod, dak nayos néy kuwòt babeh. Yèhudah natèrjal kenëh kuwòt babeh eh nak Èr. 4Nòm kerek nak, léh eh nak nakayod wèl dak nayos kuwòt babeh eh wèl, dak natèrjal kenëh kuwòt eh nak Onan. 5Nòm kerek nak wèl, bil Yèhudah ròb kewarge eh hòj umjog ma kote Kèsib, léh eh nak nakayod dak nayos kuwòt babeh eh wèl dak natèrjal kenëh eh Sélah.
6Bil Èr, kuwòt eh rik mulak long nak, hòj naberayak, Yèhudah napili néy babok rik bekenëh Tamar untok nambabéy ma Èr. 7Tapik TUHAN nanéh ma Èr nak jehad geb, jadik TUHAN nakèrbes ma kuwòt Yèhudah rik mulak long nak. 8Pas nak Yèhudah nachal ma Onan, pek Èr, “Hãk kenak haselòg ma menëy hãh nak. Hoh ma adad èk bok hadapad waris untok kelok hãh rik kèsbes.” 9Tapik Onan nalèkh kuwòt Tamar nak akal kedak kuwòt rik eh nak. Jadik tiyab kalik Onan nasèglòg ma Tamar, nanak tok nakerèdyod ma Tamar bok tok naterènꞌet waris untok kelok eh. 10TUHAN nanéh ma tènꞌèl Onan nak jehad geb, dak TUHAN nakèrbes ma rik nak keꞌjèk. 11Dak pas nak Yèhudah nachal ma Tamar, mènsaw babok eh nak, “Mak lah ma dékh apak hãh. Gel lah èn anak gerèk balakh sampéy kuwòt yéh Sélah nahin rayak, bok rik nak boléh nababéy ma hãk.” Tapik che kènmën eh Yèhudah najèk namsèrlòg kuwòt eh Sélah nak ma Tamar, sebab natukh bok nabèdlod, “Kalòw Sélah nababéy ma Tamar, akal nakebes gerèk wèh kelok eh.” Jadik Tamar pon namak ma dékh apak eh.
Tamar nasèꞌlok ma belok eh Yèhudah
12Maròp-maròp tawon nòm kerek nak, léh Yèhudah nakebes. Hòj sòj Yèhudah nahõg untok léh eh nak, nanak nawèk ma kote Timnah untok namnéh ma sènꞌòy rik umchèng-chòkh sog kambikh biri#38:12 umchèng-chòkh sog kambikh biri Sènꞌòy umchòkh sog kambikh biri nak untok mujuwal bok muteꞌèl abat ròb bajuk. Mase umcha-chòkh nak mok jamuwan rayak bok umbeꞌadés. eh èn anak. Dak kéy eh Hirah, sènꞌòy Adulam nak, nahoh samak Yèhudah. 13Dak mok sènꞌòy naꞌoglèkh ma Tamar, “Bok hòj halèkh lah che hãk, belok babeh hãh hòj nawèk-wèk ma kote Timnah untok namchòkh sog mèn kambikh biri eh.” 14Tamar nalèkh yab Sélah hòj rayak pon, Yèhudah tok naꞌèr-or kuwòt babeh eh nak nambabéy ma rik nak. Jadik Tamar nateg nèglòg balakh eh nak, dak nalòg bajuk mòy. Dak mad eh nakub nòm abat selindang supaye sènꞌòy tok mukenal ma rik nak. Dak Tamar nawèk nagel tilok ma gerbang kote Enayim, èn chening nòng ma kote Timnah.
15Bil Yèhudah nanéh ma Tamar, nasabok rik nak babok rik begalag, sebab hòj nakub mad eh. 16Yèhudah tok nalèng-lèkh babok nak mènsaw rik eh. Jadik rik nak nawèk ma chening nòng dak nachal ma Tamar, “Yék ichèn hamselòg ma yék.”
Tamar natanyak ma Yèhudah, “Dak kalòw iselòg ma hãk, ilok hãk hamꞌog ma yék?”
17Yèhudah nachal, “Yék akal itèrꞌèn néy kuwòt kambikh ma hãk.”
Dak Tamar nachal, “Boléh, tapik ilok hãk hamꞌog ma yék puꞌdoh gerèk tande perènhod hãh nak, sampéy hatèrꞌèn kambikh nak ma yék?”
18Yèhudah natanyak, “Ilok rik hachèn yék imꞌog ma hãk?”
Tamar nasaꞌod, “Og lah ma yék alad nèbchòb hãh nak ròb talik nèjgòj eh, bok ad rik hachòt èn tikh hãh nak.” Jadik Yèhudah pon naꞌog barang eh nak ma Tamar. Dak Yèhudah naselòg ma rik nak, dak Tamar nakayod.
19Dak Tamar naperak nòm nak bok sejèkh namak ma dékh eh. Nanak nateg abat rik nakub èn mad eh naꞌtèk, dak nalòg nèglòg balakh eh wèl.
20Nòm kerek nak Yèhudah nasemany ma kéy eh Hirah, sènꞌòy Adulam nak, supaye namtulong namꞌèn kuwòt kambikh ma babok naꞌtèk, dak namtèrmak wèl barang rik hòj naꞌog gerèk tande perènhod hatòp. Tapik Hirah tok naterèꞌbuk ma babok nak. 21Dak Hirah natanyak ma sènꞌòy èn kote Enayim nak, “Ma lok babok rik begalag#38:21 babok rik begalag Èn tèks Ibrani nachal “babok rik begalag rik kerèꞌjak èn dékh senindol.” Kaum sènꞌòy Kanaꞌan nak umsindol ma alëj bèj-bòj, dak umpechaye kalòw bèꞌbok rik begalag nak umselòg ma bèhbeh, mèn alëj umnak umteꞌèl méj ma nèmtap èn selay um. nak, rik gèl-gel èn nòng doh hatòp?”
Tapik umnak umsaꞌod, “Èn anuh tok mèk-mok babok rik begalag!”
22Dak Hirah namak ma Yèhudah dak nachal, “Yék tok iterèꞌbuk ma babok nak. Bok sènꞌòy èn anak umchal tok mèk-mok pon babok rik begalag èn anak.”
23Dak Yèhudah nachal, “Nak, perak lah namdol barang inak. Yék hòj iteréy imtèrꞌèn kuwòt kambikh nak, gerèk ipèrhod hatòp, tapik hãk tok haterèꞌbuk ma rik nak. Dak kalòw ar alos wèl ma nak bok amkèk ma babok nak, akal kenèmbek sènꞌòy umlèg-lug ma ar dak asengẽny.”
24Nòm kerek nak kirak-kirak hòj tigak gechèk, mok sènꞌòy naꞌoglèkh ma Yèhudah, “Mènsaw hãk Tamar hòj nabegalag, bok puꞌdoh hòj nakayod.”
Dak Yèhudah naꞌor nasered, “Éd lah rik nak namhuwòl bok chur eh namkebes!”
25Tapik asòh umꞌa-éd ma Tamar untok mukèrbes eh, dak rik nak naꞌog néy sènꞌòy namꞌèn barang Yèhudah rik naꞌog hatòp nak bok namchal ma belok eh, “Barang doh idapad nòm sènꞌòy rik bekerèdyod ma yék. Néh lah ma alad nèbchòb eh doh, talik nèjgòj eh, bok ad nènchòt eh. Hãk halèkh ke anok chok barang doh?”
26Dak Yèhudah nakenal ma barang eh dak nachal, “Babok nak lebéh kemën nòm yék! Sebab yék tok itèlꞌèl ilok rik ipèrhod bok tok iserèglòg rik nak ma kuwòt yéh Sélah.” Dak Yèhudah tok nasèglòg wèl ma Tamar.
Tamar nayos kuwòt bèhbeh eh kamar
27Bil nalòy mase eh Tamar nayos, dak umnéh kuwòt eh nak kamar bèhbeh wèh hék. 28Èn nayès-yos nak, dak néy kuwòt eh nak natèrwòl tikh eh nèng-nèng. Dak rik betuhat nak nabeg benang chènglekh ma tikh sayẽd nak, bok nachal, “Sayẽd doh lah rik hèlwòl nèng-nèng.” 29Tapik sayẽd nak natèrmòj wèl tikh eh ma kelòj, dak sayẽd rik naꞌnéy wèl nahuwòl lebéh nèng-nèng. Dak rik betuhat nak nachal, “Ayah! Gerèk nak ke hãk hagagek hamhuwòl nak?!” Jadik umtèrjal kenëh sayẽd nak Pèrès.#38:29 Pèrès. Kenëh “Pèrès” nak chëh eh samak gerèk nèlchal Ibrani rik bemaksod “gagek namhuwòl.” 30Pas nak lah bok nahuwòl pek eh rik tikh eh benègbeg benang chènglekh naꞌtèk. Dak umtèrjal kenëh eh Sèrah.#38:30 Sèrah. Kenëh “Sèrah” nak chëh eh samak gerèk nèlchal Ibrani rik bemaksod chènlakh chènglekh bil mad is najuray.
ទើបបានជ្រើសរើសហើយ៖
Jenadik 38: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 38
38
Tamar ròb Yèhudah
1Bil mase nak, Yèhudah naperak mèrpek eh dak najog ma kote Adulam. Dak nagel èn anak samak néy sènꞌòy rik bekenëh Hirah. 2Èn anak Yèhudah natèrbuk ma néy babok sènꞌòy Kanaꞌan, babok nak kuwòt Suwa. Dak Yèhudah nababéy ma babok nak dak naselòg samak rik nak. 3Dak léh eh nak nakayod, dak nayos néy kuwòt babeh. Yèhudah natèrjal kenëh kuwòt babeh eh nak Èr. 4Nòm kerek nak, léh eh nak nakayod wèl dak nayos kuwòt babeh eh wèl, dak natèrjal kenëh kuwòt eh nak Onan. 5Nòm kerek nak wèl, bil Yèhudah ròb kewarge eh hòj umjog ma kote Kèsib, léh eh nak nakayod dak nayos kuwòt babeh eh wèl dak natèrjal kenëh eh Sélah.
6Bil Èr, kuwòt eh rik mulak long nak, hòj naberayak, Yèhudah napili néy babok rik bekenëh Tamar untok nambabéy ma Èr. 7Tapik TUHAN nanéh ma Èr nak jehad geb, jadik TUHAN nakèrbes ma kuwòt Yèhudah rik mulak long nak. 8Pas nak Yèhudah nachal ma Onan, pek Èr, “Hãk kenak haselòg ma menëy hãh nak. Hoh ma adad èk bok hadapad waris untok kelok hãh rik kèsbes.” 9Tapik Onan nalèkh kuwòt Tamar nak akal kedak kuwòt rik eh nak. Jadik tiyab kalik Onan nasèglòg ma Tamar, nanak tok nakerèdyod ma Tamar bok tok naterènꞌet waris untok kelok eh. 10TUHAN nanéh ma tènꞌèl Onan nak jehad geb, dak TUHAN nakèrbes ma rik nak keꞌjèk. 11Dak pas nak Yèhudah nachal ma Tamar, mènsaw babok eh nak, “Mak lah ma dékh apak hãh. Gel lah èn anak gerèk balakh sampéy kuwòt yéh Sélah nahin rayak, bok rik nak boléh nababéy ma hãk.” Tapik che kènmën eh Yèhudah najèk namsèrlòg kuwòt eh Sélah nak ma Tamar, sebab natukh bok nabèdlod, “Kalòw Sélah nababéy ma Tamar, akal nakebes gerèk wèh kelok eh.” Jadik Tamar pon namak ma dékh apak eh.
Tamar nasèꞌlok ma belok eh Yèhudah
12Maròp-maròp tawon nòm kerek nak, léh Yèhudah nakebes. Hòj sòj Yèhudah nahõg untok léh eh nak, nanak nawèk ma kote Timnah untok namnéh ma sènꞌòy rik umchèng-chòkh sog kambikh biri#38:12 umchèng-chòkh sog kambikh biri Sènꞌòy umchòkh sog kambikh biri nak untok mujuwal bok muteꞌèl abat ròb bajuk. Mase umcha-chòkh nak mok jamuwan rayak bok umbeꞌadés. eh èn anak. Dak kéy eh Hirah, sènꞌòy Adulam nak, nahoh samak Yèhudah. 13Dak mok sènꞌòy naꞌoglèkh ma Tamar, “Bok hòj halèkh lah che hãk, belok babeh hãh hòj nawèk-wèk ma kote Timnah untok namchòkh sog mèn kambikh biri eh.” 14Tamar nalèkh yab Sélah hòj rayak pon, Yèhudah tok naꞌèr-or kuwòt babeh eh nak nambabéy ma rik nak. Jadik Tamar nateg nèglòg balakh eh nak, dak nalòg bajuk mòy. Dak mad eh nakub nòm abat selindang supaye sènꞌòy tok mukenal ma rik nak. Dak Tamar nawèk nagel tilok ma gerbang kote Enayim, èn chening nòng ma kote Timnah.
15Bil Yèhudah nanéh ma Tamar, nasabok rik nak babok rik begalag, sebab hòj nakub mad eh. 16Yèhudah tok nalèng-lèkh babok nak mènsaw rik eh. Jadik rik nak nawèk ma chening nòng dak nachal ma Tamar, “Yék ichèn hamselòg ma yék.”
Tamar natanyak ma Yèhudah, “Dak kalòw iselòg ma hãk, ilok hãk hamꞌog ma yék?”
17Yèhudah nachal, “Yék akal itèrꞌèn néy kuwòt kambikh ma hãk.”
Dak Tamar nachal, “Boléh, tapik ilok hãk hamꞌog ma yék puꞌdoh gerèk tande perènhod hãh nak, sampéy hatèrꞌèn kambikh nak ma yék?”
18Yèhudah natanyak, “Ilok rik hachèn yék imꞌog ma hãk?”
Tamar nasaꞌod, “Og lah ma yék alad nèbchòb hãh nak ròb talik nèjgòj eh, bok ad rik hachòt èn tikh hãh nak.” Jadik Yèhudah pon naꞌog barang eh nak ma Tamar. Dak Yèhudah naselòg ma rik nak, dak Tamar nakayod.
19Dak Tamar naperak nòm nak bok sejèkh namak ma dékh eh. Nanak nateg abat rik nakub èn mad eh naꞌtèk, dak nalòg nèglòg balakh eh wèl.
20Nòm kerek nak Yèhudah nasemany ma kéy eh Hirah, sènꞌòy Adulam nak, supaye namtulong namꞌèn kuwòt kambikh ma babok naꞌtèk, dak namtèrmak wèl barang rik hòj naꞌog gerèk tande perènhod hatòp. Tapik Hirah tok naterèꞌbuk ma babok nak. 21Dak Hirah natanyak ma sènꞌòy èn kote Enayim nak, “Ma lok babok rik begalag#38:21 babok rik begalag Èn tèks Ibrani nachal “babok rik begalag rik kerèꞌjak èn dékh senindol.” Kaum sènꞌòy Kanaꞌan nak umsindol ma alëj bèj-bòj, dak umpechaye kalòw bèꞌbok rik begalag nak umselòg ma bèhbeh, mèn alëj umnak umteꞌèl méj ma nèmtap èn selay um. nak, rik gèl-gel èn nòng doh hatòp?”
Tapik umnak umsaꞌod, “Èn anuh tok mèk-mok babok rik begalag!”
22Dak Hirah namak ma Yèhudah dak nachal, “Yék tok iterèꞌbuk ma babok nak. Bok sènꞌòy èn anak umchal tok mèk-mok pon babok rik begalag èn anak.”
23Dak Yèhudah nachal, “Nak, perak lah namdol barang inak. Yék hòj iteréy imtèrꞌèn kuwòt kambikh nak, gerèk ipèrhod hatòp, tapik hãk tok haterèꞌbuk ma rik nak. Dak kalòw ar alos wèl ma nak bok amkèk ma babok nak, akal kenèmbek sènꞌòy umlèg-lug ma ar dak asengẽny.”
24Nòm kerek nak kirak-kirak hòj tigak gechèk, mok sènꞌòy naꞌoglèkh ma Yèhudah, “Mènsaw hãk Tamar hòj nabegalag, bok puꞌdoh hòj nakayod.”
Dak Yèhudah naꞌor nasered, “Éd lah rik nak namhuwòl bok chur eh namkebes!”
25Tapik asòh umꞌa-éd ma Tamar untok mukèrbes eh, dak rik nak naꞌog néy sènꞌòy namꞌèn barang Yèhudah rik naꞌog hatòp nak bok namchal ma belok eh, “Barang doh idapad nòm sènꞌòy rik bekerèdyod ma yék. Néh lah ma alad nèbchòb eh doh, talik nèjgòj eh, bok ad nènchòt eh. Hãk halèkh ke anok chok barang doh?”
26Dak Yèhudah nakenal ma barang eh dak nachal, “Babok nak lebéh kemën nòm yék! Sebab yék tok itèlꞌèl ilok rik ipèrhod bok tok iserèglòg rik nak ma kuwòt yéh Sélah.” Dak Yèhudah tok nasèglòg wèl ma Tamar.
Tamar nayos kuwòt bèhbeh eh kamar
27Bil nalòy mase eh Tamar nayos, dak umnéh kuwòt eh nak kamar bèhbeh wèh hék. 28Èn nayès-yos nak, dak néy kuwòt eh nak natèrwòl tikh eh nèng-nèng. Dak rik betuhat nak nabeg benang chènglekh ma tikh sayẽd nak, bok nachal, “Sayẽd doh lah rik hèlwòl nèng-nèng.” 29Tapik sayẽd nak natèrmòj wèl tikh eh ma kelòj, dak sayẽd rik naꞌnéy wèl nahuwòl lebéh nèng-nèng. Dak rik betuhat nak nachal, “Ayah! Gerèk nak ke hãk hagagek hamhuwòl nak?!” Jadik umtèrjal kenëh sayẽd nak Pèrès.#38:29 Pèrès. Kenëh “Pèrès” nak chëh eh samak gerèk nèlchal Ibrani rik bemaksod “gagek namhuwòl.” 30Pas nak lah bok nahuwòl pek eh rik tikh eh benègbeg benang chènglekh naꞌtèk. Dak umtèrjal kenëh eh Sèrah.#38:30 Sèrah. Kenëh “Sèrah” nak chëh eh samak gerèk nèlchal Ibrani rik bemaksod chènlakh chènglekh bil mad is najuray.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.