Jenadik 37
37
Cherite Yusop
1Yakob nagel èn tèk Kanaꞌan, tempad apak eh nagel èn tèk kaum mòy tòp. 2Udoh lah chenal tentang kewarge Yakob.
Yusop, kuwòt Yakob nak rik beꞌumor tujoh belas tawon, nabejagak ma mèn kambikh biri apak eh samak kelok bèhbeh eh. Mèn kelok Yusop nak kuwòt Bilhah ròb Silpah, wèh kuli bèꞌbok rik apak eh Yakob hòj nababéy nèng-nèng tòp. Bil néy arik, Yusop nawèk dak naꞌoglèkh ma apak eh renipod rik laꞌes tentang mèn kelok eh.
3Dak Yakob lebéh nasayèkh ma Yusop nòm kuwòt eh rik gèhnih, sebab léh eh Rahèl nayos ma Yusop nak bil Yakob hòj tatak. Jadik Yakob naꞌor ma sènꞌòy namteꞌèl bajuk jèꞌrok rik méj-méj untok Yusop. 4Bil mèn kelok Yusop umnéh apak um lebéh nasayèkh ma Yusop nòm rik umnak, dak umnak umcheꞌẽs ma Yusop sampéy umjèk tok umbecharak méj wèl ma rik nak.
5Bil néy layèg, Yusop napòk. Dak bil rik nak naꞌoglèkh nèꞌpòk eh nak ma mèn kelok eh, umnak umtabeh umcheꞌẽs geb ma rik nak. 6Yusop nachal ma umnak, “Keyòkh lah, imchal ilok rik itapòk naꞌtèk: 7Èn nèꞌpòk inak, èk kenèmbek mok èn selay, bok èchèdkòd gandom. Dak gandom rik yék ichekòd nak tok-tok nated jègrig. Dak mèn chènkòd nyob kenèmbek umherimung ma chènkòd yéh dak umtud èn sòy chènkòd inak.”
8Dak anak mèn kelok eh umchal ma Yusop, “Bok hãk habèdlod hãk nak kedak hamjadik rajak bok hambekuwase ma kandék?” Dak sebab nèꞌpòk ròb nèlchal Yusop nak, umnak had lèrhir umcheꞌẽs eh.
9Tok lamad nòm kerek nak, Yusop napòk wèl. Dak rik nak naꞌoglèkh wèl ma mèn kelok eh, “Keyòkh lah, yék hòj ipòk wèl. Yék inéh mad is, gechèk, ròb sebelas pèrlòy umtèd-tud ma yék.”
10Yusop naꞌoglèkh ma apak eh keꞌjèk tentang nèꞌpòk eh nak. Tapik apak eh natèdchod ma rik nak, “Ilok maksod nèꞌpòk hãh nak? Ke habèdlod yék, amèk hãh, ròb kenèmbek kelok hãh akal kimtud ma hãk?” 11Mèn kelok bèhbeh Yusop umtehak ma rik nak. Tapik apak eh tik nabebèdlod wèl ma maksod nèꞌpòk Yusop nak.#Tèn 7:9.
Mèn kelok bèhbeh eh umjuwal ma Yusop
12Bil néy is nak, mèn kelok Yusop hòj umwèk jerok umꞌéd mèn kambikh biri apak um untok mugéy rambang èn pantil, tilok ma kote Sikèm. 13Dak Yakob nachal ma Yusop, “Mèn kelok hãk umbejagak mèn kambikh èn pantil, tilok ma Sikèm. Yék ichèn hãk hamwèk ma umnak.”
Yusop nasaꞌod, “Nak, apak.”
14Dak Yakob nachal wèl, “Wèk lah bok néh ma mèn kelok hãh nak ròb mèn kambikh, dak rèk lok um puꞌdoh. Dak pas nak, mak lah chal ma yék.” Jadik Yakob natèrꞌèn Yusop, naperak nòm dékh umnak èn Luwag Hèbròn bok nachib ma Sikèm.
Hòj nalòy ma tèk Sikèm nak, 15dak mok néy sènꞌòy nanéh ma Yusop nalègyòg èn pantil nak ma téh ma rèh. Dak sènꞌòy nak natanyak ma Yusop, “Ilok hãk hakèk nak?”
16Yusop nasaꞌod, “Yék ikèk ma mèn kelok bèhbeh yék; umnak umtèrgéy mèn kambikh biri um. Hãk halèkh ke umnak èn lok?”
17Sènꞌòy nak nachal, “Umnak hòj umwèk nòm doh. Yék ikeyòkh umnak umchal umchèn muwèk ma kote Dotan.”
Jadik Yusop pon nasar ma mèn kelok eh, dak natèrbuk ma umnak tilok ma kote Dotan nak. 18Tapik èn tèk-tik Yusop tok nabèhleh, mèn kelok eh hòj umnéh ma rik nak nòm jerok, dak umꞌampèk mukèrbes ma rik nak. 19Umnak umcha-chal kaban rik um, “Néh lah, rik pèk-pòk nak hòj nalãj! 20Jok lah èmkèrbes ma rik nak. Néh lah, èn anuh tik mok mèn jehòl rik sènꞌòy umchelòkh untok mudol òng. Puꞌdoh hòj tok barꞌòng, èk boléh èsuwèd mayad eh ma kelòj jehòl nak, dak akal èchal ma apak mok ab rik nakab ma rik nak. Dak èmnéh ilok akal nabelakuk ma nèꞌpòk eh nak!”
21Bil Rubèn nakeyòkh ma enampèk umnak, rik nak nakèrdakh namtèrgos ma Yusop bok nachal, “Agok lah èkèrbes ma rik nak. 22Tok payah lah èmcheleg ma rik nak. Suwèd lah hék ma kelòj jehòl rik karéh doh, tapik agok lah pèrjèd ma rik nak.” Rubèn nachal gerèk nak sebab rik nak nachèn namtèrgos ma Yusop bok namtèrmak ma apak eh. 23Jadik bil Yusop nabeleh ma mèn kelok eh nak, umnak umjéng bok umteg bajuk jèꞌrok eh rik méj-méj nak. 24Dak umnak umròt bok umꞌéd eh dak umsuwèd ma kelòj jehòl. Jehòl nak hòj karéh, tok barꞌòng.
25Pas nak umnak umgel bok umga-géy. Had terènhad umnak umnéh mok néy kumpolan sènꞌòy Ismaꞌèl umla-lãj ma rik umnak nòm tèk Midiyan, èn belah Giliyad. Sènꞌòy Ismaꞌèl nak hòj ummèrwãd èn kerek mèn unta um chenèhruh, ubad, ròb binyak mur rik chèsngẽs untok mujuwal èn tèk Mesir. 26Dak Yèhudah nachal ma mèrpek eh, “Kalòw èmkèrbes ma pek ènak bok èmkèrdëk ilok èteꞌèl nak, tok èbedapad ilok-ilok pon. 27Jok lah èk èmjuwal rik nak ma sènꞌòy Ismaꞌèl nak. Tok payah lah èk èmperèdjèd ma rik nak. Yab rèk lok pon, rik nak tik pek èk keꞌjèk.” Dak umnak kenèmbek umsetujuk. 28#Tèn 7:9. Jadik bil sènꞌòy rik umjèlwal nak umhawul nòm nak, mèn kelok eh umtayod Yusop nòm kelòj jehòl naꞌtèk dak umjuwal ma sènꞌòy nak, nòm hèrgak dua puloh kupang duid pèrak. Dak rik umjèlwal nak umꞌéd Yusop ma Mesir.
Mèn kelok Yusop umsèꞌlok ma apak um
29Hòj nòm kerek nak, Rubèn nalos ma jehòl naꞌtèk. Bil rik nak nanéh Yusop hòj hõy, nangòm geb bok nachèg ma nèglòg eh. 30Dak Rubèn nalos ma mèn pek eh dak nachal, “Lenitòw naꞌtèk hòj serey eh! Dak ilok imteꞌèl puꞌdoh?”
31Dak umnak umged kambikh dak umchelok bajuk jèꞌrok Yusop nak ma lènlòt kambikh nak. 32Umnak umꞌèn bajuk jèꞌrok nak ma apak um dak umchal, “Apak, néh lah. Kandék hòj kitèrbuk bajuk jèꞌrok doh. Ke bajuk kuwòt hãh?”
33Yakob nakenal bajuk jèꞌrok nak, dak nachal, “Hek, bajuk kuwòt yék lok nak! Ayah, kuwòt yéh hòj nakebes! Sabok kah ab lèk-lok nakapìj jès-jas ma rik nak dak nagéy eh!” 34Dak Yakob nangòm geb sampéy nachèg ma nèglòg eh bok nanik abat uchang, dak nahèg-hõg dèngwòng untok kuwòt eh nak. 35Kenèmbek kuwòt eh rik gèhnih, bèhbeh ròb bèꞌbok, umlãj untok muchèrmun ma apak um. Tapik Yakob najèk umnak muchèrmun, nachal, “Hõy, perak lah! Yék tok iterèjsòj nèghõg idoh sampéy yék ikebes!” Dak Yakob nayam untok kuwòt eh rik kèsbes nak.
36Agat nak, sènꞌòy jèlwal rik umbèꞌlik ma Yusop naꞌtèk hòj umlòy ma Mesir, dak umjuwal rik nak ma Pòtipar, ketuwe askah rik bejagak ma istane rajak Mesir.
ទើបបានជ្រើសរើសហើយ៖
Jenadik 37: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Jenadik 37
37
Cherite Yusop
1Yakob nagel èn tèk Kanaꞌan, tempad apak eh nagel èn tèk kaum mòy tòp. 2Udoh lah chenal tentang kewarge Yakob.
Yusop, kuwòt Yakob nak rik beꞌumor tujoh belas tawon, nabejagak ma mèn kambikh biri apak eh samak kelok bèhbeh eh. Mèn kelok Yusop nak kuwòt Bilhah ròb Silpah, wèh kuli bèꞌbok rik apak eh Yakob hòj nababéy nèng-nèng tòp. Bil néy arik, Yusop nawèk dak naꞌoglèkh ma apak eh renipod rik laꞌes tentang mèn kelok eh.
3Dak Yakob lebéh nasayèkh ma Yusop nòm kuwòt eh rik gèhnih, sebab léh eh Rahèl nayos ma Yusop nak bil Yakob hòj tatak. Jadik Yakob naꞌor ma sènꞌòy namteꞌèl bajuk jèꞌrok rik méj-méj untok Yusop. 4Bil mèn kelok Yusop umnéh apak um lebéh nasayèkh ma Yusop nòm rik umnak, dak umnak umcheꞌẽs ma Yusop sampéy umjèk tok umbecharak méj wèl ma rik nak.
5Bil néy layèg, Yusop napòk. Dak bil rik nak naꞌoglèkh nèꞌpòk eh nak ma mèn kelok eh, umnak umtabeh umcheꞌẽs geb ma rik nak. 6Yusop nachal ma umnak, “Keyòkh lah, imchal ilok rik itapòk naꞌtèk: 7Èn nèꞌpòk inak, èk kenèmbek mok èn selay, bok èchèdkòd gandom. Dak gandom rik yék ichekòd nak tok-tok nated jègrig. Dak mèn chènkòd nyob kenèmbek umherimung ma chènkòd yéh dak umtud èn sòy chènkòd inak.”
8Dak anak mèn kelok eh umchal ma Yusop, “Bok hãk habèdlod hãk nak kedak hamjadik rajak bok hambekuwase ma kandék?” Dak sebab nèꞌpòk ròb nèlchal Yusop nak, umnak had lèrhir umcheꞌẽs eh.
9Tok lamad nòm kerek nak, Yusop napòk wèl. Dak rik nak naꞌoglèkh wèl ma mèn kelok eh, “Keyòkh lah, yék hòj ipòk wèl. Yék inéh mad is, gechèk, ròb sebelas pèrlòy umtèd-tud ma yék.”
10Yusop naꞌoglèkh ma apak eh keꞌjèk tentang nèꞌpòk eh nak. Tapik apak eh natèdchod ma rik nak, “Ilok maksod nèꞌpòk hãh nak? Ke habèdlod yék, amèk hãh, ròb kenèmbek kelok hãh akal kimtud ma hãk?” 11Mèn kelok bèhbeh Yusop umtehak ma rik nak. Tapik apak eh tik nabebèdlod wèl ma maksod nèꞌpòk Yusop nak.#Tèn 7:9.
Mèn kelok bèhbeh eh umjuwal ma Yusop
12Bil néy is nak, mèn kelok Yusop hòj umwèk jerok umꞌéd mèn kambikh biri apak um untok mugéy rambang èn pantil, tilok ma kote Sikèm. 13Dak Yakob nachal ma Yusop, “Mèn kelok hãk umbejagak mèn kambikh èn pantil, tilok ma Sikèm. Yék ichèn hãk hamwèk ma umnak.”
Yusop nasaꞌod, “Nak, apak.”
14Dak Yakob nachal wèl, “Wèk lah bok néh ma mèn kelok hãh nak ròb mèn kambikh, dak rèk lok um puꞌdoh. Dak pas nak, mak lah chal ma yék.” Jadik Yakob natèrꞌèn Yusop, naperak nòm dékh umnak èn Luwag Hèbròn bok nachib ma Sikèm.
Hòj nalòy ma tèk Sikèm nak, 15dak mok néy sènꞌòy nanéh ma Yusop nalègyòg èn pantil nak ma téh ma rèh. Dak sènꞌòy nak natanyak ma Yusop, “Ilok hãk hakèk nak?”
16Yusop nasaꞌod, “Yék ikèk ma mèn kelok bèhbeh yék; umnak umtèrgéy mèn kambikh biri um. Hãk halèkh ke umnak èn lok?”
17Sènꞌòy nak nachal, “Umnak hòj umwèk nòm doh. Yék ikeyòkh umnak umchal umchèn muwèk ma kote Dotan.”
Jadik Yusop pon nasar ma mèn kelok eh, dak natèrbuk ma umnak tilok ma kote Dotan nak. 18Tapik èn tèk-tik Yusop tok nabèhleh, mèn kelok eh hòj umnéh ma rik nak nòm jerok, dak umꞌampèk mukèrbes ma rik nak. 19Umnak umcha-chal kaban rik um, “Néh lah, rik pèk-pòk nak hòj nalãj! 20Jok lah èmkèrbes ma rik nak. Néh lah, èn anuh tik mok mèn jehòl rik sènꞌòy umchelòkh untok mudol òng. Puꞌdoh hòj tok barꞌòng, èk boléh èsuwèd mayad eh ma kelòj jehòl nak, dak akal èchal ma apak mok ab rik nakab ma rik nak. Dak èmnéh ilok akal nabelakuk ma nèꞌpòk eh nak!”
21Bil Rubèn nakeyòkh ma enampèk umnak, rik nak nakèrdakh namtèrgos ma Yusop bok nachal, “Agok lah èkèrbes ma rik nak. 22Tok payah lah èmcheleg ma rik nak. Suwèd lah hék ma kelòj jehòl rik karéh doh, tapik agok lah pèrjèd ma rik nak.” Rubèn nachal gerèk nak sebab rik nak nachèn namtèrgos ma Yusop bok namtèrmak ma apak eh. 23Jadik bil Yusop nabeleh ma mèn kelok eh nak, umnak umjéng bok umteg bajuk jèꞌrok eh rik méj-méj nak. 24Dak umnak umròt bok umꞌéd eh dak umsuwèd ma kelòj jehòl. Jehòl nak hòj karéh, tok barꞌòng.
25Pas nak umnak umgel bok umga-géy. Had terènhad umnak umnéh mok néy kumpolan sènꞌòy Ismaꞌèl umla-lãj ma rik umnak nòm tèk Midiyan, èn belah Giliyad. Sènꞌòy Ismaꞌèl nak hòj ummèrwãd èn kerek mèn unta um chenèhruh, ubad, ròb binyak mur rik chèsngẽs untok mujuwal èn tèk Mesir. 26Dak Yèhudah nachal ma mèrpek eh, “Kalòw èmkèrbes ma pek ènak bok èmkèrdëk ilok èteꞌèl nak, tok èbedapad ilok-ilok pon. 27Jok lah èk èmjuwal rik nak ma sènꞌòy Ismaꞌèl nak. Tok payah lah èk èmperèdjèd ma rik nak. Yab rèk lok pon, rik nak tik pek èk keꞌjèk.” Dak umnak kenèmbek umsetujuk. 28#Tèn 7:9. Jadik bil sènꞌòy rik umjèlwal nak umhawul nòm nak, mèn kelok eh umtayod Yusop nòm kelòj jehòl naꞌtèk dak umjuwal ma sènꞌòy nak, nòm hèrgak dua puloh kupang duid pèrak. Dak rik umjèlwal nak umꞌéd Yusop ma Mesir.
Mèn kelok Yusop umsèꞌlok ma apak um
29Hòj nòm kerek nak, Rubèn nalos ma jehòl naꞌtèk. Bil rik nak nanéh Yusop hòj hõy, nangòm geb bok nachèg ma nèglòg eh. 30Dak Rubèn nalos ma mèn pek eh dak nachal, “Lenitòw naꞌtèk hòj serey eh! Dak ilok imteꞌèl puꞌdoh?”
31Dak umnak umged kambikh dak umchelok bajuk jèꞌrok Yusop nak ma lènlòt kambikh nak. 32Umnak umꞌèn bajuk jèꞌrok nak ma apak um dak umchal, “Apak, néh lah. Kandék hòj kitèrbuk bajuk jèꞌrok doh. Ke bajuk kuwòt hãh?”
33Yakob nakenal bajuk jèꞌrok nak, dak nachal, “Hek, bajuk kuwòt yék lok nak! Ayah, kuwòt yéh hòj nakebes! Sabok kah ab lèk-lok nakapìj jès-jas ma rik nak dak nagéy eh!” 34Dak Yakob nangòm geb sampéy nachèg ma nèglòg eh bok nanik abat uchang, dak nahèg-hõg dèngwòng untok kuwòt eh nak. 35Kenèmbek kuwòt eh rik gèhnih, bèhbeh ròb bèꞌbok, umlãj untok muchèrmun ma apak um. Tapik Yakob najèk umnak muchèrmun, nachal, “Hõy, perak lah! Yék tok iterèjsòj nèghõg idoh sampéy yék ikebes!” Dak Yakob nayam untok kuwòt eh rik kèsbes nak.
36Agat nak, sènꞌòy jèlwal rik umbèꞌlik ma Yusop naꞌtèk hòj umlòy ma Mesir, dak umjuwal rik nak ma Pòtipar, ketuwe askah rik bejagak ma istane rajak Mesir.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.