Jenadik 36
36
Waris Èsaw
(1 Sej 1:34-37)
1-3Èsaw (rik umkòw Èdom keꞌjèk) mok tigak léh eh, bèꞌbok nòm tèk Kanaꞌan. Léh eh rik mulak nak Adah (rik nak kuwòt Èlòn, sènꞌòy Hèt). Dak léh kedua eh nak Oholibamah (rik nak kuwòt Anah bok chachok Sibèyòn sènꞌòy Hèwi). #Jen 26:34. Dak léh ketigak eh nak Basmat (rik nak kuwòt Ismaꞌèl, bok pek Nèbayot). Udoh lah senaray kuwòt bèhbeh Èsaw nòm tigak léh eh nak: #Jen 28:9.
4Adah nayos kuwòt babeh Èsaw rik bekenëh Èlipas.
Basmat nayos kuwòt eh rik bekenëh Rèhuèl.
5Dak Oholibamah nayos kuwòt eh rik bekenëh Yèus, Yalam, ròb Korah.
Kenèmbek kuwòt bèhbeh eh nak mèn léh Èsaw umyos èn tèk Kanaꞌan.
6-7Èsaw ròb Yakob nak wèjadik kaye geb bok mok ibuk chok bènleh wèh, sampéy tèk nak tok tèdhad untok wènar nak wèmgel samak. Sebab nak Èsaw najog ma tèk mòy, jerok nòm Yakob. Rik nak naꞌéd mèn léh eh, mèn kuwòt eh, bèhbeh ròb bèꞌbok, bok ròb kenèmbek sènꞌòy gèhnih rik gèl-gel samak rik nak. Rik nak keꞌjèk naꞌèn kenèmbek chok bènleh ròb harte rik hòj nadapad èn Kanaꞌan. 8Dak Èsaw (rik umkòw keꞌjèk Èdom) najog ma belah èn pok-pok Sèyir.
9Udoh lah senaray waris Èsaw, yak dòt bej kaum Èdom:
10-13Léh Èsaw rik bekenëh Adah nayos kuwòt babeh eh rik bekenëh Èlipas.
Èlipas nak mok limak kuwòt bèhbeh eh: Tèman, Omar, Sèpo, Gatam, ròb Kènas.
Èlipas nak nababéy keꞌjèk ma néy kuli babok eh rik bekenëh Timnah. Rik nak nayos néy kuwòt babeh eh rik bekenëh Amalèkh.
Léh Èsaw rik bekenëh Basmat nayos néy kuwòt babeh eh rik bekenëh Rèhuèl.
Rèhuèl mok empad kuwòt bèhbeh eh: Nahat, Sèrah, Samah, ròb Misah.
14Léh Èsaw rik bekenëh Oholibamah (rik nak kuwòt Anah bok chachok Sibèyòn) nayos tigak kuwòt bèhbeh eh: Yèus, Yalam, ròb Korah.
Mèn tuwak kaum Èdom
15-16Mèn waris Èsaw naꞌtèk umjadik kaum Èdom, dak mèn kuwòt bèhbeh Èsaw nak umjadik tuwak ma suku rik umnak. Udoh lah senaray mèn tuwak nòm waris Èsaw nak.
Doh lah kenëh kuwòt bèhbeh Èlipas, kuwòt Èsaw rik mulak long nak:
Tèman, Omar, Sèpo, Kènas, Korah, Gatam ròb Amalèkh (rik nak kuwòt Timnah, kuli Adah nak).
Umnak kenèmbek waris Adah, léh Èsaw. Dak umnak lah mèn tuwak nòm suku-suku Èlipas rik umgèl-gel èn tèk Èdom nak.
17Doh lah kenëh kuwòt bèhbeh Rèhuèl, kuwòt Èsaw nak:
Nahat, Sèrah, Samah, ròb Misah.
Umnak kenèmbek waris Basmat, léh Èsaw. Dak umnak lah mèn tuwak nòm suku-suku Rèhuèl rik umgèl-gel èn tèk Èdom nak.
18Doh lah kenëh kuwòt bèhbeh Èsaw nòm léh eh Oholibamah kuwòt Anah nak:
Yèus, Yalam, ròb Korah. Umnak lah mèn tuwak nòm suku-suku Oholibamah.
19Kenèmbek suku kaum nak nòm waris Èsaw.
Waris Sèyir, sènꞌòy asal èn tèk Èdom
(1 Sej 1:34-37)
20-21Udoh lah senaray mèn kuwòt bèhbeh Sèyir, sènꞌòy Hori, kaum rik umgèl-gel asal èn tèk nak:
Lotan, Sobal, Sibèyòn, Anah, Disòn, Èser, ròb Disan.
Umnak lah mèn tuwak nòm suku-suku kaum Hori èn tèk Èdom nak.
22Doh lah kenëh kuwòt bèhbeh Lotan:
Hori ròb Héman.
(Lotan nak mok keꞌjèk pek babok eh rik bekenëh Timnah.)
23Doh lah kenëh kuwòt bèhbeh Sobal:
Alwan, Manahat, Èbal, Sèpo, ròb Onam.
24Doh lah kenëh kuwòt bèhbeh Sibèyòn:
Ayah ròb Anah.
Anah nak lah irik terèꞌbuk òng bèd-bëd rik hèlwòl nòm tèk èn pantil gurun, asòh rik nak nabejagak ma mèn kuda kelday apak eh.
25Doh lah kenëh mèn kuwòt Anah:
Disòn kuwòt babeh eh, ròb Oholibamah kuwòt babok eh.
26Doh lah kenëh kuwòt bèhbeh Disòn:
Hèmdan, Èsban, Yitran, ròb Kèran.
27Doh lah kenëh kuwòt bèhbeh Èser:
Bilhan, Saꞌawan, ròb Akan.
28Doh lah kenëh kuwòt bèhbeh Disan:
Us ròb Aran.
29-30Umnak lah mèn tuwak nòm suku-suku kaum Hori èn tèk Èdom nak: Lotan, Sobal, Sibèyòn, Anah, Disòn, Èser, ròb Disan.
Mèn rajak Èdom
31Nòm kerek nak, mok rajak rik beperintah èn tèk Èdom nak. Bil mase nak tèk-tik tok mèk-mok rajak rik beperintah ma kaum Israꞌèl. Doh lah kenëh mèn rajak nak:
32Béla kuwòt Béyor naperintah èn tèk Èdom nak. Rik nak nabeperintah nòm kote Dinhabah.
33Bil Rajak Béla nakebes, Yobab kuwòt Sèrah nòm kote Bosrah najadik rajak.
34Bil Rajak Yobab nakebes, Husam nòm belah Tèman najadik rajak.
35Bil Rajak Husam nakebes, Hadad kuwòt Bèdad najadik rajak. Rajak Hadad nak lah rik kerèhlah ma sènꞌòy Midiyan èn tèk Moab. Dak rik nak nabeperintah nòm kote Awit.
36Bil Rajak Hadad nakebes, Samlah nòm kote Masrékah najadik rajak.
37Bil Rajak Samlah nakebes, Saul najadik rajak. Rik nak nòm Rèhobòt, kote èn béng òng tibok.
38Bil Rajak Saul nakebes, Baꞌal-Hanan kuwòt Akbor najadik rajak.
39Bil Rajak Baꞌal-Hanan nakebes, Hadar najadik rajak. Rik nak nabeperintah nòm kote Pahu. Rajak Hadar mok léh eh rik bekenëh Mehètabèl (kuwòt Matrèd bok chachok Mèsahab).
40-43Udoh lah kenëh mèn tuwak suku nòm waris Èsaw, yak dòt bej kaum Èdom, nahoh ma kenëh kewarge um ròb tempad rik umgel èn tèk Èdom nak:
Timnah, Alwah, Yètèt, Oholibamah,
Èlah, Pinon, Kènas, Tèman,
Mibsar, Magdiyèl, ròb Iram.
ទើបបានជ្រើសរើសហើយ៖
Jenadik 36: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.