Jenadik 11
11
Tuhan napèrmòy ma kuy chenarak sènꞌòy
1Nòm mulak eh nak, kenèmbek sènꞌòy èn duniak had umcharak néy kuy bok umgunak nèlchal rik samak. 2Dak bil sènꞌòy umjog ma belah sòy is, bok umtèrbuk ma tèk lèmgep èn tèk Sinar, dak umgel lah umnak èn anak. 3Dak umnak umcha-chal kaban rik um, “Jok lah èk èmteꞌèl batuk bateh bok ètòd sampéy namchegod.” (Bil jènman nak sènꞌòy umgunak batuk bateh untok tènꞌèl dékh, bok umsok tar untok bahan nèdpìd eh.) 4Dak umchal, “Jok lah èmteꞌèl néy kote untok rik èh, bok èteꞌèl néy bangunan balikh rik nalòy ma langid. Dak gerèk nak èk akal terkenal bok tok bechéy-baruy ma kenèmbek bumi!”
5Hòj umtekèd kèrjak nak, TUHAN nataw untok namnéh ma kote ròb bangunan balikh rik sènꞌòy umteꞌèl nak. 6TUHAN nachal, “Éh! Tik pay doh umnak umtèdkèd enampèk umnak, bok hòj ibuk umteꞌèl gerèk doh! Umnak doh néy kaum bok umcharak néy kuy, unak lah sebab eh umnak umkerèꞌjak samak bok umteꞌèl kenèmbek doh. Kalòw èperak akal, umnak dapad umteꞌèl ilok hék rik umnak umchèn. 7Jok lah Èk ètaw bok ètèrhék ma kuy chenarak umnak kenèmbek supaye umnak tok dapad mulèkh èn kaban rik umnak wèl.” 8Jadik umtèrgëb lah, tok umtèlꞌèl wèl kote nak. Dak gerèk nak lah TUHAN naꞌuy ma umnak umjog beralõy ma lok-lok tèk èn bumi. 9Unak lah sebab eh umkòw kenëh kote nak Babèl,#11:9 Babèl nak chëh eh gerèk nèlchal Ibrani rik bemaksod “hèk-hék” sebab èn anak lah TUHAN natèrhék ma kuy chenarak sènꞌòy, bok nòm nak TUHAN naꞌuy ma sènꞌòy umjog beralõy ma lok-lok tèk èn bumi.
Waris Sèm, kuwòt Nuh
(1 Sej 1:24-27)
10Udoh lah senaray waris Sèm:
Nar tawon nòm kerek bègꞌag rayak nak, bil Sèm umor eh 100 tawon, rik nak nadapad néy kuwòt babeh eh rik bekenëh Arpaksad. 11Nòm kerek nak, Sèm nagos 500 tawon wèl dak mok kuwòt bèhbeh ròb kuwòt bèꞌbok eh rik mòy.
12Bil Arpaksad umor eh 35 tawon, rik nak nadapad néy kuwòt babeh eh rik bekenëh Sélah. 13Nòm kerek nak Arpaksad nagos 403 tawon wèl dak mok kuwòt bèhbeh ròb kuwòt bèꞌbok eh rik mòy.
14Bil Sélah umor eh 30 tawon, rik nak nadapad néy kuwòt babeh eh rik bekenëh Ébèr. 15Nòm kerek nak, Sélah nagos 403 tawon wèl dak mok kuwòt bèhbeh ròb kuwòt bèꞌbok eh rik mòy.
16Bil Ébèr umor eh 34 tawon, rik nak nadapad néy kuwòt babeh eh rik bekenëh Pèlèg. 17Nòm kerek nak Ébèr nagos 430 tawon wèl dak mok kuwòt bèhbeh ròb kuwòt bèꞌbok eh rik mòy.
18Bil Pèlèg umor eh 30 tawon, rik nak nadapad néy kuwòt babeh eh rik bekenëh Réhu. 19Nòm kerek nak Pèlèg nagos 209 tawon wèl dak mok kuwòt bèhbeh ròb kuwòt bèꞌbok eh rik mòy.
20Bil Réhu umor eh 32 tawon, rik nak nadapad néy kuwòt babeh eh rik bekenëh Serug. 21Nòm kerek nak Réhu nagos 207 tawon wèl dak mok kuwòt bèhbeh ròb kuwòt bèꞌbok eh rik mòy.
22Bil Serug umor eh 30 tawon, rik nak nadapad néy kuwòt babeh eh rik bekenëh Nahor. 23Nòm kerek nak Serug nagos 200 tawon wèl dak mok kuwòt bèhbeh ròb kuwòt bèꞌbok eh rik mòy.
24Bil Nahor umor eh 29 tawon, rik nak nadapad néy kuwòt babeh eh rik bekenëh Tèrah. 25Nòm kerek nak Nahor nagos 119 tawon wèl dak mok kuwòt bèhbeh ròb kuwòt bèꞌbok eh rik mòy.
26Nòm kerek umor Tèrah nak 70 tawon, rik nak nadapad kuwòt bèhbeh eh rik bekenëh Abram, Nahor, ròb Haran.
Waris Tèrah
27-30Udoh lah senaray waris Tèrah:
Tèrah nak apak Abram, Nahor, ròb Haran. Dak Haran mok néy kuwòt babeh eh rik bekenëh Lòt. Dak mok keꞌjèk kuwòt eh rik mòy, kenëh wèh nak Milkah ròb Yiskah. Bil Tèrah tik nagos, kuwòt eh Haran nakebes èn tèk asal eh — kote Ur èn tèk Babèl (tèk sènꞌòy Kasdim). Abram nababéy ma Saray, tapik Saray nak manang bok tok mèk-mok kuwòt eh. Dak Nahor nababéy ma Milkah, kuwòt babok Haran nak.
31Maròp-maròp tawon nòm kerek nak, Tèrah naperak ma kote Ur èn tèk Babèl nak. Rik nak naꞌéd kuwòt eh Abram ròb mènsaw eh Saray, bok chachok eh Lòt nahoh keꞌjèk. Tèrah naꞌampèk namwèk ma tèk Kanaꞌan, tapik bil umlòy ma kote Haran, bok umgel lah umnak èn anak. 32Dak èn anak lah Tèrah nakebes bil umor eh 205 tawon.
ទើបបានជ្រើសរើសហើយ៖
Jenadik 11: KKT
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.