Luŋ Nchoʼtə bətʉ bənu
Nchoʼtə bətʉ bənu
Bɔɔ nɔ kə nyɔ̀ʼ ŋwɔʼnə-ɔ̄ŋ kɔ́ tʉ bəKʉlʉtɛŋ mu chɔshi mu lɔʼɔ Luŋ. Ŋwɔʼnə-ɔ̄ŋ nɔ tʉʼ dʉ̀ʼ mbɔ Nyii nɔ nə séʼ Bɔɔ nə lɔntəŋ-ɛŋ. Ɔ nyɔ̀ʼ kɔ́ ndə məfʉ̀ʉtə bɔŋ mbɔ b̈ɔ̂ŋ kwáa bɔŋ ndə məgɛ̀ nə mbʉ ntəŋjyujyu mu via-lɔʼɔ-kə ndə c̃hichi lʉ́əŋnə chɔ. Bɔɔ bìʼ fʉ̀ʼtə ntɛhə nə məbɛ́ŋ Klai bɛ yɔŋ, ghɔŋbə ntɛhə ndə bʉə ndə bɔ̂ŋ bɛ́ŋ Nyii kie ndə məchí mbi. I nɔ leʼ chìi bʉə kínə nukə ndə Nyii kə kɔ̀ʼnə mu kəwʉʉnəmbi tíŋ hə bɔ̌ŋ Jiso Klai, vaa-fɔŋ Dɛbi. Ndə i dʉ̀ʼ mbɔ Nyii la tə́nə ndəŋ ŋkaamə-i ndə ɔ kə gwìa ghɔŋbə bʉə-Isilɛ.
Ŋwɔʼnə-ɔ̄ŋ nɔ tʉʼ bìʼ shyíi bʉʼʉ mbɔ bʉə-Juu ghɔŋbə bʉə-lɔʼɔ bətə̂ŋ kədɔŋ la nɔʼ mɔ̀ʼ bɛ́, kie ndə məkwú bɛ́. I nɔ bìʼ dʉ̀ʼ tʉ bʉʼʉ mbɔ Nyii la kə lʉ̀ ŋgwɔʼmbi-i ndə məchìi bʉə-Juu ghɔŋbə bʉə lɔʼɔ-bətə̂ŋ-kədɔŋ-tə ndə məbɛ ndyʉndyʉ tíŋ bə ndəŋ məbʉ̀nə kóʼ Jiso Klai. Ndʉʉ ndə ŋwɔʼnə-ɔ̄ŋ bu yi kə lìʼ nɔ, i fʉ̀ʼtə ntɛhə ndə bʉə ndə bɔ̂ŋ nɔʼ bɛ́ŋ Nyii kie ndə məchìi məchimbi-yʉə.
Nubə ndə i bɛ mu ŋwɔʼnə-fɛ̄ŋ
Nchʉʉhə-bənu ghɔŋbə ŋkwê kənu ndə i bɛ mu ŋwɔʼnə-fɛ̄ŋ 1:1-17
Məkʉ́ʉ ŋkwaa 1:18–3:20
Ntɛ ndə Ñyii kɔ́ ŋkwaa 3:21–4:25
Məchímbi fefe ndə i bɛ mu Klai 5:1–8:39
Yəŋkə ndə bʉə-Isilɛ kie mu nubə ndə Nyii nɔʼ nə shʉ̀tə 9:1–11:36
Nuʼ-bəKʉlʉtɛŋ 12:1–15:13
Liʼ-bənu ghɔŋbə bənchaʼtə ndə Bɔɔ kə kɔ́ 15:14–16:27
ទើបបានជ្រើសរើសហើយ៖
Luŋ Nchoʼtə bətʉ bənu: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.