Fɔʼɔ Nchoʼtə bətʉ bənu
Nchoʼtə bətʉ bənu
Ŋwɔʼnə-fɔʼɔ-vâafɔʼɔ-Jiso-bɔ̄ŋ nɔ nə bɛ biitə-ŋwɔʼnə-kə ndə Luk nə nyɔ̀ʼ ndə mə-bìʼ-kə́-fʉ̀ʼtə nubə ndə ɔ nɔʼ kə chʉ́ʉhə ndə məfʉ̀ʼtə mu fəŋ ŋwɔʼnə-i. Luk nɔ kə nyɔ̀ʼ mbɔ fəŋ ŋwɔʼnə-i la nə bɛ ntəŋjyujyu ndə ɔ nə fʉ̀ʼtə. Fɔŋ-kənu ndə ɔ kə nyɔ̀ʼ ŋwɔʼnə-ɔ̄ŋ bʉʼka yɔŋ nɔ nə bɛ ndə məfʉ̀ʼtə ntɛhə ndə bəlɔntəŋ Jiso kə gɛ̀ nə shʉbə ndə məlɔ̀ʼ ntəŋjyujyu te Jiso mu Judia ghɔŋbə Samalia leʼnə yəŋbə inchəŋ mu kəwʉʉnəmbi. Luk nɔ chìi bʉʼʉ kínə mbɔ bɔ̂ŋ la fɔ̀ʼ fɔʼɔ-ɔ̄ tíŋ hə bə ndəŋ ghʉəʼ-kəLyʉʉhəNyii-kə. Ɔ fʉ̀ʼtə mbɔ Bita ghɔŋ Bɔɔ la kə fyú tə́nə ndə məbɛ bəntəŋbəshʉ mu chɔshi vɛʼ-ghɔ̄. Nɔ nə bɛ vɛʼ-ghɔ̄ chɔshi kə́ gʉ́ə daa buŋ ndə nɔ, bɔ̂ŋ nɔ nə kə́ tíŋ hə mu nu-shʉ́əshʉ́ə-bə buŋmbi hə kəghɔ-bəntəŋbəshʉ-bʉə-Juu ghɔŋbə bəntəŋbəshʉ-bʉə-Luŋ.
Bəkɔ bə gyʉ̀əhə mbʉ ŋwɔʼnə ndə bəŋkwe bəvia itia. Fəŋ kəvia nɔ bɛ te ntɛhə ndə məbɛ́ŋ Jiso kə chʉ́ʉhə mu Jɛlosalɛŋ ndʉʉ ndə Jiso nɔʼ kə kóʼ gɛ̀ yuo. Biitə-kəyəŋ-kə nɔ bɛ te ntɛhə ndə məbɛ́ŋ Jiso kə tòʼ dàa ndəŋ bəbɛʼbə yəŋbə mu Balistiŋ. Ndyiʼtə-kəyəŋ-kə kə́ bɛ nubə te məmɔ̀ʼfyii ndəŋ Jiso ndə I kə tòʼ dàa ndəŋ mbia-lɔʼɔ-bətə̂ŋ-bə ndə I kə bɛ mbʉə wʉʉnəmbi-Mɛditɛlenia-kə bìʼ gɛ̀ loo tə gɛ̀ dàa mu lɔʼɔ Luŋ.
Nukwɛʼtəŋkə ndə mənyíɛ mu ŋwɔʼnə-fɛ̄ŋ nɔ bɛ fɔʼɔ-kəLyʉʉhəNyii. Mbʉ kəlyʉʉhə nɔ kə shíʼ gwè nə ghʉəʼkə ndəŋ bʉə ndə bɔ̂ŋ nɔʼ kə bɛ́ŋ Nyii ndə chî-Bɛŋntaku-kə, bɔŋleʼ kə́ gɛ̀ nə shʉbə dʉ̀ʼ fia tʉ bɔŋ bɔŋleʼ kə́ kɔ́ ghʉəʼkə tʉ bɔŋ ghɔŋbə bəntəŋbəshʉ. Ntəŋ ndə bʉə ndə bɔ̂ŋ nɔʼ kə bɛ́ŋ Nyii nə kə lɔ̀ʼ nɔ bɛ mu ŋgieNyiikə ndə bɔ̂ŋ nə kə́ lɔ̀ʼ mu ŋwɔʼnə-fɛ̄ŋ. Mbʉ kəŋgie nɔ kə dʉ̀ʼ mbɔ i la kə kie ghʉəʼkə tíŋ hə bɔ̌ŋ ntɛhə ndə i kə kə̀ŋ məchimbi-mbʉ-bʉə ndə bɔŋ nɔʼ kə bɛ́ŋ Nyii.
Nubə ndə i bɛ mu ŋwɔʼnə-fɛ̄ŋ
Mbʉ vâafɔʼɔ shʉ̀tə ŋwɔŋ-yʉə ndə məgɛ̀ lɔʼ mbʉ ntəŋ 1:1-26
1. Ndyiʼtə-ŋkahə-Jiso-kə ghɔŋbə ŋkɔʼnə 1:1-14
2. Nju-Juda 1:15-26
Məgɛ̀ lɔʼ mbʉ ntəŋ mu Jɛlosalɛŋ 2:1–8:3
Məgɛ̀ lɔʼ mbʉ ntəŋ mu Judia ghɔŋbə Samalia 8:4–12:25
Fɔʼɔ-Bɔɔ 13:1–28:31
1. Fəŋ məgɛ̀ mbi ndə fɔʼɔ 13:1–14:28
2. Nchəŋtə mu Jɛlosalɛŋ 15:1-35
3. Vɛʼ bûu ndə məgɛ̀ mbi ndə fɔʼɔ 15:36–18:22
4. Vɛʼ tia ndə məgɛ̀ mbi ndə fɔʼɔ 18:23–21:16
5. Bɔɔ bɛ wo-njaa-chaŋ mu Jɛlosalɛŋ, Kasalia leʼnə Luŋ 21:17–28:31
ទើបបានជ្រើសរើសហើយ៖
Fɔʼɔ Nchoʼtə bətʉ bənu: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.