Fɔʼɔ 12
12
Bə yí Jɛŋ, fʉ̀əŋ Bita chaŋ
1Nɔ kə bɛ ndʉʉ-ɔ̄, Hɛlo ndə ɔ kə bɛ Fɔŋ chʉ́ʉhə mə-kə́-chɔ́ŋhə bʉə ndə bɔ̂ŋ bɛ́ŋ Nyii mu chɔshi. 2Ɔ yí Jɛŋ liŋ-Jɔŋ nə setəkə. 3Hɛlo kʉ̂ʉ nyíɛ ndə i bʉ̀ʉ bəntəŋbəshʉ-bʉə-Juu, ɔ yá Bita mu bəchî ndə bə kə́ yú Nchəŋtə ndə bə Kwó Bele təmə yî chɔ fɛ, 4fʉ̀əŋ ɔŋ chaŋ, téʼ tʉ nuɔ-bəsɔge-tə kwi, ndə mbyu nuɔ imɔʼ bɛ bəsɔge kwi, ndə mə-kə́-chyìi ɔ. Hɛlo nɔ kə kie mu fyii-ɔ mbɔ mbʉ Nchəŋtə Yíɛʼsii kʉ̂ʉ tíŋ nɔ, ɔ fyúhə Bita, gwè nə nɔŋ bəshʉ bʉə, ɔ kwɛ̀ fɛʼɛ-ɛ. 5Bɔŋ ndʉʉ ndə Bita kə bɛ chaŋ, bʉə ndə bɔ̂ŋ nɔʼ bɛ́ŋ Nyii, kɛŋ gháaNyii nə fyiihə-ʉə imɔʼ shʉ́əshʉ́ə tʉ ɔŋ.
Nyii fyúhə Bita mu njaa-chaŋ
6Ndʉʉbətyuʼ ndə mbi bu sɛŋ fíi ndə Hɛlo kie ndə məgwè nə Bita bə kwɛ̀ fɛʼɛ-ɛ, ɔ kʉ̂ʉ nʉ̀ʉ ntəŋntəŋ bəsɔge kə́ bɛ́ŋbɛ́ŋ, bə kɔ́ʼ kwiitə-i nə bəchaŋ ibûu, bəbɛʼbə bəsɔge kə́ tə́nə chulɔŋ-njaa-chaŋ kə́ chyìi, 7kə́ kwɔnə nyíɛ, mbʉ mu njaa-chaŋ báa, wontəŋTiekətʉ tə́nə bəshʉ Bita. Mbʉ wontəŋTiekətʉ gwúutə ŋkyii-i, ghɔ̀ŋ tʉ ɔŋ mbɔ, “Chʉʼ lɔ̀ hə sê.” Ndʉʉmɛ, mbʉ bəchaŋ fyú bətʉkwii-ɔ gwù sê. 8Ndʉʉmɛ, mbʉ wontəŋNyii gìe tʉ ɔŋ mbɔ, “Mɔ̀ʼ ndyihə-a, kɔ́ takwubə-a.” Ɔ bìʼ ghɔ̀ŋ tʉ ɔŋ mbɔ, “Mɔ̀ʼ ndyi-fəʼə-a gwè, baʼa gɛ̀.”
9Ndʉʉmɛ, Bita fyú mbʉ mu njaa-chaŋ kə́ gɛ̀ hə bɔ̌ŋ mbʉ wontəŋNyii. Bɔŋ ɔ kə́ kwɔ̀ʼtə mbɔ la bɛ njəŋ ndə i tʉʼ chí ɔ, təmə kə́ kínə mbɔ bɛ nu-shʉəŋ-kə fɛ. 10Ndʉʉ ndə bɔ̂ŋ tíŋ fəŋ chulɔŋ, tíŋ biitəkə, gɛ̀ dàa ndə chulɔŋ-kətəŋ ndə i fyú hə mu kəyəŋkwɛʼtəŋ, mbʉ chulɔŋ yɔ̀ʼnə nə mbəŋ-ɛŋ, bɔ̂ŋ fyú mbi kʉ̂ʉ tíŋ ndəŋ fia imɔʼ, haʼ ndʉʉghɔfii, mbʉ wontəŋNyii kwɔnə bɛ́ hə shʉ-ɔ.
11Kəliʼ, shʉ Bita súunə ndə nukə ndə i kə́ tíŋ, ɔ ghɔ̀ŋ mbɔ, “Nduɔ, mɔ nɔ kínə shʉəŋshʉəŋ mbɔ nɔ tə́ŋ Tiekətʉ tə́ŋ wontəŋ-ɛŋ mbɔ ɔ gwè kwáa tʉkə-ɔŋ hə kəghɔ-Hɛlo ghɔŋbə bʉə-Juu ndəŋ nukə ndə bɔ̂ŋ kə́ kwɔ̀ʼtə te mɔ.”
12Ɔ kʉ̂ʉ kwɔ̀ʼtə tʉkə-i, lɔ̀ gɛ̀ fu-Mɛli ŋkwê-Jɔŋ Mak, ndə bʉə buŋmbi kə́ chə̀ŋtə chɔ kə́ gháaNyii. 13Ɔ kwɔ̀ŋ chulɔŋ, vaabəkebɛʼ ndə yie-e kə́ bɛ Luda, kə́ bɛ vaafɔ̀ʼ mu njaa-ghɔ̄, gwè ndə məchóʼ. 14Ndʉʉ ndə ɔ chèʼnə gyʉʉ-i, tʉʉ-i bʉ̀ʉ daa, ɔ bʉ̀nə nyʉ́ʉ gɛ̀ mu njaa təmə chóʼ mbʉ chulɔŋ fɛ, gìe tʉ bʉə bənchəŋ mbɔ, “Bita tə́nə nɔ chusii!”
15Bɔ̂ŋ bíʼtə tʉ ɔŋ mbɔ, “Mu kətʉ-a tʉʼ fɔ̀ʼ kʉ̀ʼnə mɛ?” Ndʉʉ ndə ɔ tʉʼ lyʉ̀ʉ, bɔ̂ŋ lìʼ mbɔ, “Kaʼ yì ka nɔ bɛ vaantie-e ndə ɔ lɔ̀ hə bəshʉ-Nyii.”#12:15 Bʉə-Juu nɔ kínə mbɔ w̃o nɔ bɛ́ŋ Nyii nɔ, Nyii tə́ŋ wontəŋ-ɛŋ ndə ɔ bu kə́ chyìi ɔ bɔŋleʼ fɔ̀ʼ tʉ ɔŋ nə vaantie-e.
16Bita lyʉ̀ʉtə́nə kə́ kwɔ̀ŋ haʼ mbʉ chulɔŋ kwɔ̀ŋ. Ndʉʉ ndə bɔ̂ŋ fyú gɛ̀ chóʼ mbʉ chulɔŋ, nyíɛ mbɔ bɛ Bita, i chàa bɔŋ. 17Ɔ chètə bɔŋ nə ghɔkə-i mbɔ bɔ̂ŋ líitə, ɔ fʉ̀ʼtə nukə ndə i nɔʼ fyú tʉ ɔŋ ghɔŋbə ntɛ ndə Tiekətʉ kə fyúhə ɔŋ hə mu njaa-chaŋ. Ghɔ̀ŋ tʉ bɔŋ mbɔ, “B̈ii gɛ̀ fʉ̀ʼtə nubə-ɔ̄ŋ tʉ Jɛŋ ghɔŋbə bəbɛʼbʉə ndə bɔ̂ŋ nɔʼ bɛ́ŋ Nyii.” Ndʉʉmɛ, ɔ lɔ̀ gɛ̀ ndə ibɛʼ-yə yəŋkə.
18Kʉ̂ʉ bɛ ndʉʉsɛŋkə njuɔnə-shʉ́əshʉ́ə-kə ŋɛ̀nə mu mbʉ bəsɔge te nukə ndə i nɔʼ fyú chíe Bita. 19Fɔŋ Hɛlo Agliba kàhə mbɔ b̈ə la kɛŋ kʉ́ʉ ɔ jyujyu. Ndʉʉ ndə bə kʉ́ʉ ɔ kəŋkaa, ɔ tyúutə mbʉ bʉə ndə bɔ̂ŋ kə́ chyìi ɔ, chʉ̀ə fɛʼɛ-yʉə mbɔ b̈ə yí bɔŋ. Kəliʼ, mbʉ Hɛlo lɔ̀ hə Judia gɛ̀ chí Kasalia məniʼ.
Fɔŋ Hɛlo Agliba byúu
20Tʉʉ Hɛlo byʉ́ʼ yɔ́ŋyɔ́ŋ te bʉə-Taa ghɔŋ Sidɔŋ. Bɔŋ ndʉʉmɛ, bɔ̂ŋ tə́ŋ bʉə mbɔ b̈ɔ̂ŋ gɛ̀ fʉ̀ʉtə Hɛlo bʉʼka mbɔ yəŋkwɛʼtəŋbə-ʉə nɔ nə kə́ yʉ́əʼnə ndəŋ lɔʼɔ Hɛlo ndə nu-bəfɔ-yú-kə. Bɔ̂ŋ lóʼtə Balastu ndə ɔ kə bɛ lefɔŋ-ɛŋ, mbɔ bəkɔ bɔ̂ŋ tíŋ hə bɔ̌ŋ ɔŋ lìʼ ntuu-yʉə. 21Tíŋ hə bɔ̌ŋ ɔŋ, mbʉ Fɔŋ kɔ́ chîkə mbɔ ghɔŋ bɔŋ fə́nə. Yɔ̂ŋ-ghɔ̄ kʉ̂ʉ kʉ̀ʼnə, mbʉ Fɔŋ mɔ̀ʼ luɔtə-i mbʉə-ɔ, yétə ndəŋ yetəkə-i. Ɔ kʉ̂ʉ bʉ́ nukə tʉ bɔŋ, 22mbʉ bʉə yʉ̀əʼ dyʉʼbə, ghɔ̀ŋ mbɔ, “Nɔ gyʉʉ-bənyii nɔ, kaa gyʉʉ-woməsʉʉ fɛ.”
23Haʼ ndʉʉghɔfii, wontəŋTiekətʉ tuŋ ɔŋ nə yɔʼkə, bʉʼka mbɔ ɔ kə́ fí məgʉ́ə ndə i kie ndə məgɛ̀ tʉ Nyii. Ntyʉəbə chə́ŋ mbʉə-ɔ, kwó ɔ, ɔ kwú.
24ŊgieNyiikə bìʼ wɔ̀ʼnə nəndʉʉnəndʉʉ gɛ̀ nə shʉbə, bʉə buŋmbi kə́ bɛ́ŋ Nyii.
25Ndʉʉ ndə Banaba ghɔŋ Sɔɔ kəliʼ fɔʼɔ-yʉə mu Jɛlosalɛŋ, bɔ̂ŋ lʉ̀ Jɔŋ Mak ghɔŋ bɔŋ bʉ̀nə gɛ̀ Antiɔk.
ទើបបានជ្រើសរើសហើយ៖
Fɔʼɔ 12: bvm
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.
Fɔʼɔ 12
12
Bə yí Jɛŋ, fʉ̀əŋ Bita chaŋ
1Nɔ kə bɛ ndʉʉ-ɔ̄, Hɛlo ndə ɔ kə bɛ Fɔŋ chʉ́ʉhə mə-kə́-chɔ́ŋhə bʉə ndə bɔ̂ŋ bɛ́ŋ Nyii mu chɔshi. 2Ɔ yí Jɛŋ liŋ-Jɔŋ nə setəkə. 3Hɛlo kʉ̂ʉ nyíɛ ndə i bʉ̀ʉ bəntəŋbəshʉ-bʉə-Juu, ɔ yá Bita mu bəchî ndə bə kə́ yú Nchəŋtə ndə bə Kwó Bele təmə yî chɔ fɛ, 4fʉ̀əŋ ɔŋ chaŋ, téʼ tʉ nuɔ-bəsɔge-tə kwi, ndə mbyu nuɔ imɔʼ bɛ bəsɔge kwi, ndə mə-kə́-chyìi ɔ. Hɛlo nɔ kə kie mu fyii-ɔ mbɔ mbʉ Nchəŋtə Yíɛʼsii kʉ̂ʉ tíŋ nɔ, ɔ fyúhə Bita, gwè nə nɔŋ bəshʉ bʉə, ɔ kwɛ̀ fɛʼɛ-ɛ. 5Bɔŋ ndʉʉ ndə Bita kə bɛ chaŋ, bʉə ndə bɔ̂ŋ nɔʼ bɛ́ŋ Nyii, kɛŋ gháaNyii nə fyiihə-ʉə imɔʼ shʉ́əshʉ́ə tʉ ɔŋ.
Nyii fyúhə Bita mu njaa-chaŋ
6Ndʉʉbətyuʼ ndə mbi bu sɛŋ fíi ndə Hɛlo kie ndə məgwè nə Bita bə kwɛ̀ fɛʼɛ-ɛ, ɔ kʉ̂ʉ nʉ̀ʉ ntəŋntəŋ bəsɔge kə́ bɛ́ŋbɛ́ŋ, bə kɔ́ʼ kwiitə-i nə bəchaŋ ibûu, bəbɛʼbə bəsɔge kə́ tə́nə chulɔŋ-njaa-chaŋ kə́ chyìi, 7kə́ kwɔnə nyíɛ, mbʉ mu njaa-chaŋ báa, wontəŋTiekətʉ tə́nə bəshʉ Bita. Mbʉ wontəŋTiekətʉ gwúutə ŋkyii-i, ghɔ̀ŋ tʉ ɔŋ mbɔ, “Chʉʼ lɔ̀ hə sê.” Ndʉʉmɛ, mbʉ bəchaŋ fyú bətʉkwii-ɔ gwù sê. 8Ndʉʉmɛ, mbʉ wontəŋNyii gìe tʉ ɔŋ mbɔ, “Mɔ̀ʼ ndyihə-a, kɔ́ takwubə-a.” Ɔ bìʼ ghɔ̀ŋ tʉ ɔŋ mbɔ, “Mɔ̀ʼ ndyi-fəʼə-a gwè, baʼa gɛ̀.”
9Ndʉʉmɛ, Bita fyú mbʉ mu njaa-chaŋ kə́ gɛ̀ hə bɔ̌ŋ mbʉ wontəŋNyii. Bɔŋ ɔ kə́ kwɔ̀ʼtə mbɔ la bɛ njəŋ ndə i tʉʼ chí ɔ, təmə kə́ kínə mbɔ bɛ nu-shʉəŋ-kə fɛ. 10Ndʉʉ ndə bɔ̂ŋ tíŋ fəŋ chulɔŋ, tíŋ biitəkə, gɛ̀ dàa ndə chulɔŋ-kətəŋ ndə i fyú hə mu kəyəŋkwɛʼtəŋ, mbʉ chulɔŋ yɔ̀ʼnə nə mbəŋ-ɛŋ, bɔ̂ŋ fyú mbi kʉ̂ʉ tíŋ ndəŋ fia imɔʼ, haʼ ndʉʉghɔfii, mbʉ wontəŋNyii kwɔnə bɛ́ hə shʉ-ɔ.
11Kəliʼ, shʉ Bita súunə ndə nukə ndə i kə́ tíŋ, ɔ ghɔ̀ŋ mbɔ, “Nduɔ, mɔ nɔ kínə shʉəŋshʉəŋ mbɔ nɔ tə́ŋ Tiekətʉ tə́ŋ wontəŋ-ɛŋ mbɔ ɔ gwè kwáa tʉkə-ɔŋ hə kəghɔ-Hɛlo ghɔŋbə bʉə-Juu ndəŋ nukə ndə bɔ̂ŋ kə́ kwɔ̀ʼtə te mɔ.”
12Ɔ kʉ̂ʉ kwɔ̀ʼtə tʉkə-i, lɔ̀ gɛ̀ fu-Mɛli ŋkwê-Jɔŋ Mak, ndə bʉə buŋmbi kə́ chə̀ŋtə chɔ kə́ gháaNyii. 13Ɔ kwɔ̀ŋ chulɔŋ, vaabəkebɛʼ ndə yie-e kə́ bɛ Luda, kə́ bɛ vaafɔ̀ʼ mu njaa-ghɔ̄, gwè ndə məchóʼ. 14Ndʉʉ ndə ɔ chèʼnə gyʉʉ-i, tʉʉ-i bʉ̀ʉ daa, ɔ bʉ̀nə nyʉ́ʉ gɛ̀ mu njaa təmə chóʼ mbʉ chulɔŋ fɛ, gìe tʉ bʉə bənchəŋ mbɔ, “Bita tə́nə nɔ chusii!”
15Bɔ̂ŋ bíʼtə tʉ ɔŋ mbɔ, “Mu kətʉ-a tʉʼ fɔ̀ʼ kʉ̀ʼnə mɛ?” Ndʉʉ ndə ɔ tʉʼ lyʉ̀ʉ, bɔ̂ŋ lìʼ mbɔ, “Kaʼ yì ka nɔ bɛ vaantie-e ndə ɔ lɔ̀ hə bəshʉ-Nyii.”#12:15 Bʉə-Juu nɔ kínə mbɔ w̃o nɔ bɛ́ŋ Nyii nɔ, Nyii tə́ŋ wontəŋ-ɛŋ ndə ɔ bu kə́ chyìi ɔ bɔŋleʼ fɔ̀ʼ tʉ ɔŋ nə vaantie-e.
16Bita lyʉ̀ʉtə́nə kə́ kwɔ̀ŋ haʼ mbʉ chulɔŋ kwɔ̀ŋ. Ndʉʉ ndə bɔ̂ŋ fyú gɛ̀ chóʼ mbʉ chulɔŋ, nyíɛ mbɔ bɛ Bita, i chàa bɔŋ. 17Ɔ chètə bɔŋ nə ghɔkə-i mbɔ bɔ̂ŋ líitə, ɔ fʉ̀ʼtə nukə ndə i nɔʼ fyú tʉ ɔŋ ghɔŋbə ntɛ ndə Tiekətʉ kə fyúhə ɔŋ hə mu njaa-chaŋ. Ghɔ̀ŋ tʉ bɔŋ mbɔ, “B̈ii gɛ̀ fʉ̀ʼtə nubə-ɔ̄ŋ tʉ Jɛŋ ghɔŋbə bəbɛʼbʉə ndə bɔ̂ŋ nɔʼ bɛ́ŋ Nyii.” Ndʉʉmɛ, ɔ lɔ̀ gɛ̀ ndə ibɛʼ-yə yəŋkə.
18Kʉ̂ʉ bɛ ndʉʉsɛŋkə njuɔnə-shʉ́əshʉ́ə-kə ŋɛ̀nə mu mbʉ bəsɔge te nukə ndə i nɔʼ fyú chíe Bita. 19Fɔŋ Hɛlo Agliba kàhə mbɔ b̈ə la kɛŋ kʉ́ʉ ɔ jyujyu. Ndʉʉ ndə bə kʉ́ʉ ɔ kəŋkaa, ɔ tyúutə mbʉ bʉə ndə bɔ̂ŋ kə́ chyìi ɔ, chʉ̀ə fɛʼɛ-yʉə mbɔ b̈ə yí bɔŋ. Kəliʼ, mbʉ Hɛlo lɔ̀ hə Judia gɛ̀ chí Kasalia məniʼ.
Fɔŋ Hɛlo Agliba byúu
20Tʉʉ Hɛlo byʉ́ʼ yɔ́ŋyɔ́ŋ te bʉə-Taa ghɔŋ Sidɔŋ. Bɔŋ ndʉʉmɛ, bɔ̂ŋ tə́ŋ bʉə mbɔ b̈ɔ̂ŋ gɛ̀ fʉ̀ʉtə Hɛlo bʉʼka mbɔ yəŋkwɛʼtəŋbə-ʉə nɔ nə kə́ yʉ́əʼnə ndəŋ lɔʼɔ Hɛlo ndə nu-bəfɔ-yú-kə. Bɔ̂ŋ lóʼtə Balastu ndə ɔ kə bɛ lefɔŋ-ɛŋ, mbɔ bəkɔ bɔ̂ŋ tíŋ hə bɔ̌ŋ ɔŋ lìʼ ntuu-yʉə. 21Tíŋ hə bɔ̌ŋ ɔŋ, mbʉ Fɔŋ kɔ́ chîkə mbɔ ghɔŋ bɔŋ fə́nə. Yɔ̂ŋ-ghɔ̄ kʉ̂ʉ kʉ̀ʼnə, mbʉ Fɔŋ mɔ̀ʼ luɔtə-i mbʉə-ɔ, yétə ndəŋ yetəkə-i. Ɔ kʉ̂ʉ bʉ́ nukə tʉ bɔŋ, 22mbʉ bʉə yʉ̀əʼ dyʉʼbə, ghɔ̀ŋ mbɔ, “Nɔ gyʉʉ-bənyii nɔ, kaa gyʉʉ-woməsʉʉ fɛ.”
23Haʼ ndʉʉghɔfii, wontəŋTiekətʉ tuŋ ɔŋ nə yɔʼkə, bʉʼka mbɔ ɔ kə́ fí məgʉ́ə ndə i kie ndə məgɛ̀ tʉ Nyii. Ntyʉəbə chə́ŋ mbʉə-ɔ, kwó ɔ, ɔ kwú.
24ŊgieNyiikə bìʼ wɔ̀ʼnə nəndʉʉnəndʉʉ gɛ̀ nə shʉbə, bʉə buŋmbi kə́ bɛ́ŋ Nyii.
25Ndʉʉ ndə Banaba ghɔŋ Sɔɔ kəliʼ fɔʼɔ-yʉə mu Jɛlosalɛŋ, bɔ̂ŋ lʉ̀ Jɔŋ Mak ghɔŋ bɔŋ bʉ̀nə gɛ̀ Antiɔk.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2025 Wycliffe Bible Translators, Inc.